କରୋନା କଟକଣାକୁ ବାରମ୍ବାର ବିଜେପି ନେତାଙ୍କ ବେଖାତିର । ଆଜି ପୁଣି ନିୟମ ଭାଙ୍ଗି ଜନସାଧାରଣଙ୍କ ଜୀବନକୁ ବାଜି ଲଗାଇଛନ୍ତି ଢେଙ୍କାନାଳର ପୂର୍ବତନ ସାଂସଦ ରୁଦ୍ର ନାରାୟଣ ପାଣି । ଜଣେ ନାବାଳିକାଙ୍କୁ ନିର୍ଯାତନା ମାମଲାର ଅନୁଧ୍ୟାନ ପାଇଁ କିଛି ଦଳୀୟ କର୍ମୀଙ୍କ ସହ ଘଟଣାସ୍ଥଳ ପରିଦର୍ଶନ ପାଇଁ ଯାଇଥିଲେ ରୁଦ୍ର ନାରାୟଣ । ହେଲେ ନାବଳିକାଙ୍କୁ ନ୍ୟାୟ ଦେବେ କଣ ଅନ୍ୟମାନଙ୍କ ଜୀବନକୁ ବିପଦରେ ପକାଇଛନ୍ତି ରୁଦ୍ର ନାରାୟଣ ।

ନାବାଳିକାଙ୍କୁ ନ୍ୟାୟ ଆଳରେ ନିଜେ ଓ କର୍ମୀମାନେ ସାମଜିକ ଦୂରତା ଭାଙ୍ଗିବା ସହ ମୁହଁରେ ମାସ୍କ ନପିନ୍ଧି ସମସ୍ତଙ୍କ ଜୀବନକୁ ବିପଦରେ ପକାଇଛନ୍ତି । ଥାନା ଭିତରେ ବି କୌଣସି କଟକଣା ନମାନି ବେଖାତିର ଭାବେ ବୁଲିଥିଲେ ରୁଦ୍ର ନାରାୟଣ । ଏପରି କି ଏସ୍‌ପିଙ୍କ ସମ୍ମୁଖରେ ନିୟମକୁ ଖୋଲାଖୋଲି ଉଲ୍ଲଂଘନ କରାଯାଉଥିବା ବେଳେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ବୋଲି ପ୍ରଶ୍ନ ଉଠିଛି । ଜିଲ୍ଲା କଂଗ୍ରେସ, ଓକିଲ ସଂଘ ଓ ସୂଚନା ଅଧିକାର କର୍ମୀ ଘଟଣାକୁ ନିନ୍ଦା କରିଛନ୍ତି । ପୂର୍ବତନ ସାଂସଦ ରୁଦ୍ରନାରାୟଣ ପାଣିଙ୍କଠାରୁ ଜୋରିମାନା ଆଦାୟ ପାଇଁ ଦାବି କରାଯାଇଛି ।

ତେବେ କୋଭିଡ୍‌ ନିୟମକୁ ଭାଙ୍ଗିବା ବିଜେପିର ଏକ ପ୍ରକାର ପାସନ୍ ହୋଇଗଲାଣି ବୋଲି ସାଧରଣରେ ଆଲୋଚନା ହେଉଛି । ପୂର୍ବରୁ ବିଜେପି ସାଂସଦ ଅପରାଜିତା ଷଡ଼ଙ୍ଗୀ, ପୂର୍ବତନ ସାଂସଦ ବୈଜୟନ୍ତ ପଣ୍ଡା, ବିଧାୟକ ଜୟନାରାୟଣ ମିଶ୍ର, ବିଜେପି ନେତ୍ରୀ ପ୍ରଭାତୀ ପରିଡ଼ା ପ୍ରମୁଖ କୋଭିଡ୍ ନିୟମ ଉଲ୍ଲଂଘନ କରି ସମାଲୋଚିତ ହୋଇଥିଲେ ‌ ।

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମଧ୍ୟରେ ଆଶ୍ୱସ୍ତି ଦେଉଛି ସୁସ୍ଥତା ହାର । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ସହ କରୋନାରୁ ସୁସ୍ଥ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ତେବେ ଆଜି ୭୭୨ ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ସହ ରାଜ୍ୟରେ ୨୦ ହଜାର ୫୧୭ ଜଣ ମୋଟ ରୋଗୀ ସୁସ୍ଥ ହୋଇଛନ୍ତି । ୨୭ ଜିଲ୍ଲାରୁ ସୁସ୍ଥ ହୋଇଛନ୍ତି କରୋନା ରୋଗୀ । ଗଞ୍ଜାମରୁ ୨୧୨ ଜଣ ସର୍ବାଧିକ ରୋଗୀ ସୁସ୍ଥ ହୋଉଛନ୍ତି ।

କଟକରୁ ୧୧୬, ଖୋର୍ଦ୍ଧାରୁ ୮୧, କେନ୍ଦୁଝରରୁ ୬୮, କୋରାପୁଟ ୪୧, ରାୟଗଡ଼ା ୩୧, ଗଜପତିରୁ ୨୭, ସୁନ୍ଦରଗଡ଼ରୁ ୨୪, ଯାଜପୁରରୁ ୨୧, ଗଳାହାଣ୍ଡି ରୁ ୨୦, ନବରଙ୍ଗପୁରରୁ ୧୯, ମୟୂରଭଞ୍ଜରୁ୧୮, କନ୍ଧମାରରୁ୧୪, ମାଲକାନାଗିରିରୁ ୧୨, ସମ୍ବଲପୁରରୁ ୧୧, ବରଗଡ଼ରୁ ୬, ବଲାଙ୍ଗିରରୁ ୫, ବାଲେଶ୍ୱରରୁ ୪ ଜଣ ସୁସ୍ଥ ହୋଇଛନ୍ତି । ସେହିଭଳି ଭଦ୍ରକ, କେନ୍ଦ୍ରାପଡ଼ା ଓ ପୁରୀରୁ ୧୦ ଲେଖାଏଁ ସୁସ୍ଥ ହୋଇଥିବା ବେଳେ ବୌଦ୍ଧ, ଜଗତସିଂହପୁରରୁ, ଝାରସୁଗୁଡ଼ାରୁ ୩ ଜଣ ଲେଖାଏଁ ଏବଂ ଅନୁଗୁଳ, ନୟାଗଡ଼, ସୋନପୁରରୁ ଜଣେ ଲେଖାଏଁ ସୁସ୍ଥ ହୋଇଛନ୍ତି ।