ନୂଆପଡ଼ା:  ଖେଳ ହେଲା କାଳ । ପ୍ରାଣ ନେଲା ପବ୍‌ଜି । ଖେଳ ନିଶାରେ ଏମିତି ହଜିଯାଇଥିଲେ ଯୁବକ ଯେ, ଜାଣିପାରିଲେନି ସେ କେତେବେଳେ ଟ୍ରେନ୍ ଟ୍ରାକ୍‌ ନିକଟରେ ଆସି ପହଞ୍ଚିଲେ । ଆଉ ଟ୍ରେନ୍‌ ଧକ୍କାରେ ଚାଲିଗଲା ଜୀବନ। ନୂଆପଡା ଜିଲ୍ଲା ସଦର ଥାନା ସିଆଲଲଟି ଗାଁରେ ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି। ମୃତକ ହେଉଛନ୍ତି କ୍ଷୀରମୋହନ ମାଝୀ ଓ ତାଙ୍କ ବୟସ ୨୧ ବର୍ଷ। ଗତକାଲି ସଂଧ୍ୟାରେ କ୍ଷୀରମୋହ କାନରେ ଇୟର ଫୋନ୍‌ ଲଗାଇ ପବଜି ଗେମ୍‌ ଖେଳୁଥିଲେ।

https://www.facebook.com/NandighoshaTV/videos/554428788780649/

ଖେଳୁ ଖେଳୁ ସେ ଗାଁ ଦେଇ ଯାଇଥିବା ଟ୍ରେନ୍‌ ଲାଇନ୍‌ ନିକଟକୁ ଚାଲିଆସିଥିଲେ। ଫଳରେ ରାୟପୁରରୁ ଟିଟିଲାଗଡ଼ ଅଭିମୁଖେ ଯାଉଥିବା ସ୍ୱତନ୍ତ୍ର ପ୍ରବାସୀ ଟ୍ରେନ୍‌ ତାଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ କ୍ଷେତ୍ରମୋହନଙ୍କ ମୃତ୍ୟୁ ହୋଇଥିଲା। ପରେ ରେଲଓ୍ୱେ ପୋଲିସ କ୍ଷୀରମୋହନଙ୍କ ମୃତଦେହ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛନ୍ତି ।

ଟ୍ରାନ୍ସଫର୍ମର ଉପରେ ଚଢ଼ିଗଲା ପୁଅ, ହେଲେ କରେଣ୍ଟ ନଥିଲା

ରାଉରକେଲା: ସୁଧୁରୁ ନାହାଁନ୍ତି ଅମାନିଆ । ରାଉରକେଲା କଣ୍ଟେନମେଣ୍ଟ ଜୋନ୍‌ରେ ପୁଣି ଉତ୍ତେଜନା । ବ୍ୟାରିକେଡ୍‌ ଭାଙ୍ଗିଲେ ଉତ୍ତ୍ୟକ୍ତ ଲୋକ । ଘଟଣାସ୍ଥଳରେ ପୋଲିସ ଓ ସାଧାରଣ ଲୋକ ମୁହାଁମୁହିଁ ସ୍ଥିତି ସୃଷ୍ଟି ହୋଇଛି । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢିବାରେ ଲାଗିଛି । ଏବଂ ଏହାର ମୁକାବିଲା ପାଇଁ ସରକାର ମଧ୍ୟ ବିଭିନ୍ନ ପ୍ରକାର ପ୍ରୟାସ କରୁଛନ୍ତି । କିନ୍ତୁ କେତେକ ଅମାନିଆଙ୍କ ପାଇଁ ସବୁ ପ୍ରକାର ପ୍ରୟାସ ବିଫଳ ହେଉଛି । ଏମିତି ଏକ ଘଟଣା ରାଉରକେଲାରେ ଦେଖା ଦେଇଛି । କଣ୍ଟେନମେଣ୍ଟ ଜୋନରେ ଉତ୍ତେଜନା ଏହାର ଜ୍ୱଳନ୍ତ ଉଦାହରଣ ।

ଉତ୍ତ୍ୟକ୍ତ ଲୋକ ଭଙ୍ଗାରୁଜା ଓ ଜଳାପୋଡ଼ା କରିଛନ୍ତି । ରାସ୍ତାରେ ଯାଉଥିବା ଲୋକଙ୍କୁ ବି ଉତ୍ତ୍ୟକ୍ତ ଲୋକ ଆକ୍ରମଣ କରିଥିବା ଅଭିଯୋଗ ହୋଇଛି । ଏଥିରେ ଜଣେ ସାମ୍ବାଦିକ ଆହତ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ଫୋର୍ସ ମୁତୟନ କରାଯାଇଛି । ଏସ୍‌ପି ଏବଂ ଡିଆଇଜି ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଛନ୍ତି ।

ତେବେ ପୂର୍ବରୁ ମଧ୍ୟ ଏହି ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । କଣ୍ଟେନମେଣ୍ଟ ଅଞ୍ଚଳର କିଛି ଲୋକ ଉଦ୍ଦେଶ୍ୟ ମୂଳକ ଭାବେ ଏହି ଉତ୍ତେଜନା କରୁଛନ୍ତି । ଏବଂ ଅନ୍ୟପଟେ ଏହି କଣ୍ଟେନମେଣ୍ଟ ଜୋନର ଆଉ କିଛି ଲୋକ ଏହି ଉତ୍ତେଜନାକୁ ନେଇ ଉଚିତ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରୁଛନ୍ତି ।

ଭୁବନେଶ୍ୱର: ମାଟ୍ରିକ ଖାତା ଦେଖା ଆରମ୍ଭ ହୋଇଛି । ରାଜ୍ୟର ୬୦ଟି କେନ୍ଦ୍ରରେ ଖାତାଦେଖା ହେଉଛି। କରୋନା ପାଇଁ ଦୁଇଟି ପର୍ଯ୍ୟାୟରେ ଖାତା ଦେଖା ବାତିଲ ହେବା ପରେ ଆଜିଠୁ ପୁଣି ଆରମ୍ଭ ହୋଇଛି ମୂଲ୍ୟାୟନ। ପୂର୍ବାହ୍ନ ୧୦ ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ଖାତା ଦେଖା ହେବ।

ପ୍ରଥମ ପର୍ଯ୍ୟାୟରେ ଇଂରାଜୀ, ଗଣିତ, ଇତିହାସ ଓ ଭୂଗୋଳ ଖାତା ଦେଖା ହେଉଛି। ଅନ୍ୟ ବିଷୟଗୁଡ଼ିକ ଦ୍ୱିତୀୟ ପର୍ଯ୍ୟାୟରେ ଖାତାଦେଖା ହେବ। ଏଥିପାଇଁ ପୂର୍ବରୁ ମୂଲ୍ୟାୟନ କେନ୍ଦ୍ର ସାନିଟାଇଜ କରାଯାଇଛି । ୪୫ ଦିନ ଭିତରେ ମାଟ୍ରିକ ଫଳାଫଳ ବାହାର କରିବା ଟାର୍ଗେଟ ନେଇ ମୂଲ୍ୟାୟନ ଆରମ୍ଭ ହେଉଛି । ତେବେ ଲକଡାଉନ ନିୟମ, ମାସ୍କ ବ୍ୟବହାର, ସାନିଟାଇଜରର ବନ୍ଦୋବୋସ୍ତ ଓ ସାମାଜିକ ଦୂରତା ରକ୍ଷା କରି ମୂଲ୍ୟାୟନ ହେବ।

ପୂର୍ବରୁ ମାର୍ଚ୍ଚ ୧୯ତାରିଖରେ ଗୋଟିଏ ଦିନ ପାଇଁ ମୂଲ୍ୟାୟନ ହୋଇଥିଲା । ତେବେ ଲକ୍‌ଡାଉନ୍‌ ଯୋଗୁଁ ଏହା ସେହିଦିନଠାରୁ ସ୍ଥଗିତ ରଥିଲା । ଏହାପରେ ମେ’ ୨୦ରେ ଖାତା ଦେଖା ପାଇଁ ସ୍ଥିର ହୋଇଥିଲା । ତେବେ କିଛି ଅଞ୍ଚଳ ବାତ୍ୟାରେ ପ୍ରଭାବିତ ହୋଇଥିବାରୁ ତାହା ମଧ୍ୟ ସମ୍ଭବ ହୋଇନଥିଲା ।