ନୂଆଦିଲ୍ଲୀ: ବିଶ୍ୱକୁ ଧିରେ ଧିରେ ଗ୍ରାସ କରୁଛି କରୋନା । ଏଥିରୁ ବର୍ତ୍ତିପାରି ନାହିଁ ଭାରତ, ଦେଶରେ ମଧ୍ୟ କରୋନା ତାର କୋପ ଦେଖାଇଛି । ମଙ୍ଗଳବାର ପର୍ଯ୍ୟନ୍ତ ଦେଶରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୧ଲକ୍ଷ ପାର ହୋଇଛି । ବିଶ୍ୱରେ ଏବେ ଭାରତ ସଂକ୍ରମଣରେ ୧୧ତମ ସ୍ଥାନରେ ପହଞ୍ଚିଛି, ଯେଉଁଠାରେ କରୋନା ମାମଲା ୧ଲକ୍ଷକୁ ଡେଇଁଛି । ଅନ୍ୟପଟେ ଦେଶରେ ୩ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି । କିନ୍ତୁ ଯଦି ଆମେ ଅନ୍ୟ ଦେଶମାନଙ୍କ ସହ ତୁଳନା କରିବା ତେବେ ଭାରତରେ ଏବେ ବି କରୋନା ସଂକ୍ରମିତଙ୍କ ସଂଖ୍ୟା ବହୁତ କମ ରହିଛି । ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧ଲକ୍ଷ ପାର ହେବାକୁ ୧୧୦ ଦିନ ସମୟ ଲାଗିଛି ।

ଯେତେବେଳେ ବିଶ୍ୱରେ କରୋନା ଆତଙ୍କ ଆରମ୍ଭ ହୋଇଥିଲା  ସେହି ସମୟରେ ଭାରତ ଅଧିକ ଜନସଂଖ୍ୟା ବିଶିଷ୍ଟ ହୋଇଥିବାରୁ ବିଶେଷଜ୍ଞମାନେ ଭାରତକୁ ଚେତାବନୀ ଦେଇଥିଲେ । କିନ୍ତୁ ଲକଡାଉନ କାରଣରୁ ଦେଶରେ ସଂକ୍ରମିତଙ୍କ ସଂଖ୍ୟା କମ ରହିଛି । ଏହାକୁ ନେଇ ବିଶେଷଜ୍ଞମାନେ ମଧ୍ୟ ତାଙ୍କ ମତ ଦେଇଛନ୍ତି ।

କେଉଁ ଦେଶରେ କେତେ ଦିନରେ ୧ଲକ୍ଷରୁ ଅଧିକ ହେଲା ସଂକ୍ରମିତଙ୍କ ସଂଖ୍ୟା

ଦେଶରେ କୋରନା ଭାଇରସର ପ୍ରଥମ ମାମଲା ୩୦ ଜାନୁଆରୀରେ ଆସିଥିଲା । କେରଳରୁ ଆସିଥିବା ଏହି ମାମଲା ପରେ ଦେଢ ମାସ ପର୍ଯ୍ୟନ୍ତ କରୋନା ସଂକ୍ରମିତଙ୍କ ସଂଖ୍ୟା ଏତେଟା ବଢି ନଥିଲା । କିନ୍ତୁ ମାର୍ଚ୍ଚ ମାସ ପରେ କରୋନା ଭାଇରସର ମାମଲା ଦ୍ରୁତ ଗତି ବୃଦ୍ଧି ପାଇବାକୁ ଲାଗିଥିଲା । ଏବଂ ଗତ ୬୪ ଦିନରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧୦୦ରୁ ୧ଲକ୍ଷ ପର୍ଯ୍ୟନ୍ତ ପହଞ୍ଚିଛି । ଯଦିଓ ଏହି ସଂଖ୍ୟା ଆମେରିକା, ବ୍ରିଟେନ, ଇଟାଲୀ, ଫ୍ରାନ୍ସ ଭଳି ଦେଶ ତୁଳନା ବହୁତ ଭଲ ଅଛି । ଯେଉଁଠି କରୋନା ଭାଇରସ ଧ୍ୱଂସର ଲୀଳା ରଚିଛି, ଏହି ଦେଶମାନଙ୍କରେ ସଂକ୍ରମିତ ଏବଂ ମୃତ୍ୟୁ ସଂଖ୍ୟା ମଧ୍ୟ ବହୁତ ଅଧିକ ରହିଛି ।

ସଂକ୍ରମିତଙ୍କ ସଂଖ୍ୟା ୧୦୦ରୁ ୧ଲକ୍ଷ ପହଞ୍ଚିବାର ସମୟ

ଭାରତ-୬୪ଦିନ

ଆମେରିକା-୨୫ଦିନ

ଇଟାଲୀ-୩୬ଦିନ

ବ୍ରିଟେନ୍-୪୨

ଫ୍ରାନ୍ସ-୩୯

ଜର୍ମାନୀ-୩୫

ସ୍ପେନ-୩୦

ଲକଡାଉନ କରୋନା ଭାଇରସର ତୀବ୍ରତାକୁ ରୋକିଛି !

ଭାରତ ଭଳି ଜନବହୁଳ ଦେଶରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟାକୁ ନେଇ ପୂରା ବିଶ୍ୱ ଚିନ୍ତାରେ ଥିଲା । ଏବଂ ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ଦେଶରେ ଲକଡାଉନର ଘୋଷଣା କରିଥିଲେ ଯାହକୁ ନେଇ ସାରା ବିଶ୍ୱରେ ଚର୍ଚ୍ଚା ହୋଇଥିଲା । କାରଣ ୧୩୦ କୋଟି ଲୋକଙ୍କୁ ଘରେ ବନ୍ଦ କରି ରଖିବାର ଥିଲା । ଦେଶରେ ଯେତେବେଳେ ୨୫ମାର୍ଚ୍ଚରେ ଲକଡାଉନ ଜାରି କରାଗଲା ସେତେବେଳେ ଦେଶରେ ସମୁଦାୟ ମାମଲା ୬୦୦ ଥିଲା ।

ଏବେ ପାଖାପାଖି ୨ମାସ ପରେ ଦେଶରେ ସଂକ୍ରମିତଙ୍କ ସଂଖ୍ୟା ୧ଲକ୍ଷ ପାର ହୋଇଛି । ଯେଉଁଠି ଅନ୍ୟ ଦେଶମାନଙ୍କରେ ସଂକ୍ରମିତଙ୍କ ସଂଖ୍ୟା ୧ଲକ୍ଷରେ ପହଞ୍ଚିବାକୁ ମାସେରୁ ବି କମ୍ ସମୟ ଲାଗିଥିଲା । ତେଣୁ ବିଶେଷଜ୍ଞମାନେ ମାନିଛନ୍ତି ଯେ, ଲକଡାଉନ କରାଣରୁ ଭାରତକେ କରୋନା ସଂକ୍ରମିତଙ୍କ ସଂଖ୍ୟା କମ ରହିଛି ।

ୱାସିଂଟନ:  କୋରୋନା କୋପକୁ ଦୂରେଇବାକୁ ଆସିଲା ଏକ ଭଲ ଖବର । ଆମେରିକାରେ ସଫଳ ହେଲା ଟୀକା ପରୀକ୍ଷଣ । ଆମେରିକାରେ ଏକ ଟୀକାର ସଫଳତା ପରେ ଲୋକଙ୍କୁ ମିଳିଛି ଆଶ୍ୱସ୍ଥି । ଔଷଧ କମ୍ପାନୀ ମାଡର୍ଣ୍ଣା ସୋମବାର ଦିନ କହିଛି ଯେ, ସେ ୮ଜଣଙ୍କ ଉପରେ ଏହି ଟୀକାର ପରୀକ୍ଷଣ କରିଥିଲା ଯାହାର ଫଳାଫଳ ସକାରତ୍ମକ ଆସିଛି । ଆମେରିକାର ଏହା ହୋଇଛି ପ୍ରଥମ ଟୀକା ଯାହା ମଣିଷ ଉପରେ ପ୍ରୟୋଗ କରାଯାଇଛି ।

ଆମେରିକୀୟ ଗଣମାଧ୍ୟମ ଅନୁସାରେ, ଆମେରିକାର ଏହା ହୋଉଛି ପ୍ରଥମ ଟୀକା ଯାହା ମଣିଷ ଉପରେ ପ୍ରୟୋଗ କରାଯାଇଛି । ମାର୍ଚ୍ଚ ମାସ ଆରମ୍ଭରୁ ୮ଜଣ ସଂକ୍ରମିତଙ୍କୁ ଏହି ଟୀକା ଦିଆଯାଇଥିଲା । ସବୁ ଲୋକଙ୍କୁ ଟୀକାର ୨ଟି ଡୋଜ ଦିଆଯାଇଥିଲା । ଔଷଧ କମ୍ପାନୀର କହିବା ଅନୁସାରେ, ଏହି ଟୀକା ସୁରକ୍ଷିତ ଜଣାପଡ଼ୁଛି ଏବଂ ଏହା ଭାଇରସ୍ ବିରୋଧରେ ରୋଗ ପ୍ରତିରୋଧକ ଶକ୍ତି ବଢାଇବାର ଦେଖାଯାଇଛି । କମ୍ପାନୀର ଏହି ଦାବି ପରେ ଶେୟାର ବଜାରରେ ଏହାର ମୁଲ୍ୟ ବୃଦ୍ଧି ପାଇଛି  ।

ଯଦିଓ କମ୍ପାନୀ ପରୀକ୍ଷଣ ସମୟରେ ସ୍ୱସ୍ଥ ବାଲେଂଟିୟରସ ଟୀକାର ଡୋଜ ଦେଇଥିଲା । ଏହାପରେ ସେହି ଲୋକମାନଙ୍କ ଶରୀରରେ ଯେଉଁ ଆଣ୍ଟିବଡ଼ି ମିଳିଲା, ଲ୍ୟାବରେ ମଣିଷର କୋଷରେ ଏହାର ପରୀକ୍ଷଣ କରାଯାଇଥିଲା । ଏହି ସମୟରେ ଦେଖାଗଲା ଯେ, ଆଣ୍ଟିବଡ଼ି ଭାଇରସର ବୃଦ୍ଧିକୁ ରୋକିବାରେ ସକ୍ଷମ ହେଉଛି ।

ଟୀକା ଦିଆଯାଇଥିବା ଲୋକଙ୍କ ମଧ୍ୟରେ ଯେଉଁ ଆଣ୍ଟିବଡ଼ିର ସ୍ତର ମିଳିଥିଲା ତାହା ସେତିକ ହିଁ ଥିଲା ଯେତିକି କରୋନା ଭାଇରସରୁ ସୁସ୍ଥ ହେଉଥିବା ରୋଗୀଙ୍କ ଠାରେ ଦେଖା ଦେଇଥାଏ । ଯଦିଓ ଟୀକା ବିଷୟରେ ଏବେ ପର୍ଯ୍ୟନ୍ତ ସୀମିକ ସୂଚନା ମିଳିଛି ଏବଂ ଏହି କାରଣରୁ ଏବେ ଏହାର ସଫଳତା ଉପରେ ଅନିଶ୍ଚିନ୍ତତା ଦେଖା ଦେଇଛି ।

ମାଡର୍ଣ୍ଣା କମ୍ପାନୀ କହିଛି ଯେ ସେ ଦ୍ୱିତୀୟ ପର୍ଯ୍ୟାୟରେ ୬୦୦ଲୋକଙ୍କ ଠାରେ ଏହି ପରୀକ୍ଷଣ କରିବାକୁ ଚାହୁଁଛି ।  ଜୁଲାଇରୁ ଟୀକାର ପରୀକ୍ଷଣ ତୃତୀୟ ପର୍ଯ୍ୟାୟ ଆରମ୍ଭ ହେବ ଯେଉଁଥିରେ ୧ ହଜାର ଲୋକଙ୍କୁ ସାମିଲ କରାଯିବ । ଏହା ସହ  ଦ୍ୱିତୀୟ ଏବଂ ତୃତୀୟ ପରୀକ୍ଷଣ ଯଦି ସଫଳ ହେବ ତେବେ ଟୀକା ଏହି ବର୍ଷ ଶେଷ  ଆଡ଼କୁ କିମ୍ବା ୨୦୨୧ର ଆରମ୍ଭରୁ  ବ୍ୟାପକ  ପରିମାଣରେ  ଉପଲବ୍ଧ ହେବ ।

ନୂଆଦିଲ୍ଲୀ: ଆପ୍ ଆଧାରିତ କ୍ୟାବ ସେବା ଯୋଗାଉଥିବା କମ୍ପାନୀ ଉବର ତା ଗାଡ଼ି ଚଳାଇବାକୁ ନିଷ୍ପତ୍ତି ନେଇଛି । ଏବଂ କହିଛି ଯେ କରୋନା ମହାମାରୀ ମଧ୍ୟରେ ସୁରକ୍ଷାକୁ ଦୃଷ୍ଟିରେ ରଖି ଯାତ୍ରୀ ଏବଂ ଡ୍ରାଇଭରଙ୍କ ପାଇଁ ମାସ୍କ ବାଧ୍ୟତାମୂଳକ କରିବା ସହିତ ଅନେକ ପଦକ୍ଷେପ ନିଆଯାଇଛି ।

ଉବର-ଓଲାକୁ ଅନେକ ସ୍ଥାନରେ ଚଳାଚଳ ପାଇଁ ମଞ୍ଜୁରୀ ଦିଆଯାଇଛି

ସୋମବାର ଠାରୁ ଚତୁର୍ଥ ପର୍ଯ୍ୟାୟ ଲକଡାଉନ୍ ଆରମ୍ଭ ହୋଇଯାଇଛି । ଏଥିରେ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳକୁ ବିଭିନ୍ନ ଶ୍ରେଣୀ ବା ଜୋନରେ  ବାଣ୍ଟିବାର କ୍ଷମତା ଦିଆଯାଇଛି । ରାଜ୍ୟଗୁଡିକର ନିଷ୍ପତ୍ତି ଉପରେ ଆଧାର କରି ଉବର ଏବଂ ଓଲା ଭଳି କମ୍ପାନୀ ବିଭିନ୍ନ ସ୍ଥାନରେ ସେବାକୁ ପୁଣି ଥରେ ଆରମ୍ଭ କରିବାକୁ ସକ୍ଷମ ହେବେ ।

ଉବର ଗ୍ଲୋବାଲର ବରିଷ୍ଠ ନିର୍ଦ୍ଦେଶକ (ଉତ୍ପାଦ ପରିଚାଳନା) ସଚିନ କଂସଲ କହିଛନ୍ତି ଯେ ସୋମବାର ଠାରୁ ଭାରତରେ ଯେଉଁଠାରେ ଉବର ସଞ୍ଚାଳନ ଆରମ୍ଭ ହୋଇଛି, ସେଠାରେ ଯାତ୍ରୀ ଏବଂ ଡ୍ରାଇଭରମାନଙ୍କ ପାଇଁ ମାସ୍କ ବାଧ୍ୟତାମୂଳକ ହେବ।

ଲକଡାଉନ ଆରମ୍ଭରୁ ହିଁ ଆପ୍ ଆଧାରିତ କ୍ୟାବ ସେବା ଉପରେ ପ୍ରତିବନ୍ଧକ ଲଗାଯାଇଥିଲା

ଆପଣଙ୍କୁ କହି ରଖୁଛୁ ଯେ ମାର୍ଚ୍ଚ ୨୫ ରୁ ଦେଶରେ ଲକଡାଉନ୍ ବଳବତ୍ତର ରହିଛି ଏବଂ ଏହାର ଚତୁର୍ଥ ପର୍ଯ୍ୟାୟ ସୋମବାର ଠାରୁ ଆରମ୍ଭ ହୋଇଛି । ଲକଡାଉନ୍ ହେବା ପରଠାରୁ ଦେଶରେ କ୍ୟାବ ଏବଂ ଟ୍ୟାକ୍ସି ଚଳାଚଳ ଉପରେ ପ୍ରତିବନ୍ଧକ ଲଗାଯାଇଥିଲା।

ଏହି ସହରଗୁଡ଼ିକରେ ଉବର ସେବା ଆରମ୍ଭ ହୋଇଛି

ଯଦିଓ ମେ ୪ ତାରିଖରୁ ତୃତୀୟ ପର୍ଯ୍ୟାୟ ଲକଡାଉନ୍ ପ୍ରତିବନ୍ଧକକୁ କିଛି ମାତ୍ରାରେ କୋହଳ କରାଯାଇଛି, ଏବଂ କେତେକ ଅଞ୍ଚଳରେ କ୍ୟାବ ଏବଂ ଟ୍ୟାକ୍ସି ଚଳାଇବାକୁ ଅନୁମତି ମିଳିଛି । ତୃତୀୟ ପର୍ଯ୍ୟାୟରେ, ଉବର ଜାମସେଦପୁର, କୋଚି, କଟକ,  ଗୁଆହାଟୀ (ଗ୍ରୀନ୍ ଜୋନ୍)  ସହ ଅମୃତସର, ରୋହତକ, ଗୁରୁଗ୍ରାମ ଏବଂ ବିଶାଖାପାଟନମ୍ (ଅରେଞ୍ଜ ଜୋନ୍) ସମେତ ୨୫ ଟି ସହରରେ କାର୍ଯ୍ୟ ଆରମ୍ଭ କରିବାକୁ ଘୋଷଣା କରିଯାଇଥିଲା । ତେଣୁ ଲକଡାଉନ୍-୪.୦ରେ ମଧ୍ୟ କ୍ୟାବ ଚଳାଯିବ କିନ୍ତୁ ଏହା କେଉଁ ସହର କିମ୍ବା କେଉଁ ଜିଲ୍ଲାରେ ଚାଲିବ ତାର ନିଷ୍ପତ୍ତି ରାଜ୍ୟସରକାର ନେବେ ।

ନୂଆଦିଲ୍ଲୀ: ଦେଶରେ ଲକଡାଉନ୍ ୪.୦ ଆରମ୍ଭ ଜାରି ରହିଛି  । ଏହାସହ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୧ ଲକ୍ଷ ପାର ହୋଇଛି । ଦେଶରେ ଗତ ୨୪ ଘଣ୍ଟା ମଧ୍ୟରେ ୪ ହଜାର ୯୪୦ ମାମଲା ରୁଜୁ ହୋଇଛି ଏବଂ ୧୩୪ ଜଣଙ୍କର ମୃତ୍ୟୁ ହୋଇଛି। ଏବଂ ସୂଚନା ଅନୁଯାୟୀ, ସଂକ୍ରମିତଙ୍କ ସଂଖ୍ୟା ୧ଲକ୍ଷ ହଜାରେ ୧୩୯କୁ ବୃଦ୍ଧି ପାଇଛି ଯେଉଁଥିରେ ୩ ହଜାର ୧୬୩ଜଣଙ୍କର ମୃତ୍ୟୁ ହୋଇଥିବାବେଳେ ୩୯ ହଜାର ୧୭୪ଜଣ ଲୋକ ଆରୋଗ୍ୟ ହୋଇଛନ୍ତି। ତେବେ ଜାଣି ନିଅନ୍ତୁ କେଉଁ ରାଜ୍ୟକେ କେତେ ସଂକ୍ରମିତ ଏବଂ କେତେ ମୃତ ?