ଭୁବନେଶ୍ୱର: ଉଭୟ ପେଟ୍ରୋଲ ଓ ଡିଜେଲ ଉପରେ ଭାଟ୍ ବଢ଼ାଇଲେ ରାଜ୍ୟ ସରକାର । ପେଟ୍ରୋଲ ଉପରେ ୨୬%ରୁ ୩୨%କୁ ଭାଟ୍ ଦର ବୃଦ୍ଧି କରିଛନ୍ତି । ଏହା ପରେ ପଟ୍ରୋଲ ଦର ଲିଟର ପିଛା ୩ଟଙ୍କା ୧୧ ପଇସା ବୃଦ୍ଧି ଘଟିଛି । ୧୭ ତାରିଖ ଠାରୁ ଏହି ବର୍ଦ୍ଧିତ ଦର ଲାଗୁ ହେବ । ଏହା ପରେ ଭୁବନେଶ୍ୱରେ ପେଟ୍ରୋଲ ପିଛା ୭୧ଟଙ୍କା ୬୯ ପଇସାରେ ପହଞ୍ଚିଛି ।

ସେହିପରି ଡିଜେଲ ଉପରେ ୨୬%ରୁ ୨୮%କୁ ଭାଟ୍ ବୃଦ୍ଧି । ଏହାଦ୍ୱାରା ଡିଜେଲ ଲିଟର ପିଛା ୧.୦୩ ପଇସା ବୃଦ୍ଧି ହୋଇଛି । ଏହାପରେ ଭୁବନେଶ୍ୱର ରିଟେଲ ମାର୍କେଟରେ ଡିଜେଲ ଦର ଲିଟର ପିଛା ୬୭ ଟଙ୍କା ୭୩ ପଇସାରେ ପହଞ୍ଚିଛି । ପୂର୍ବରୁ ଭାରତ ସରକାର ପଟ୍ରୋଲ ଉପରେ ସେସ୍‌ ଏବଂ ସ୍ୱତନ୍ତ୍ର ଏକ୍ସସାଇଜ୍‌ ଡ୍ୟୁଟି ବୃଦ୍ଧି କରିଛନ୍ତି । ପେଟ୍ରୋଲ ଲିଟର ପିଛା ୧୦ ଟଙ୍କା ଏବଂ ଡିଜେଲ ଲିଟର ପିଛା ୧୩ ଟଙ୍କା ବୃଦ୍ଧି କରିଛନ୍ତି । କେନ୍ଦ୍ର ସରକାର ପେଟ୍ରୋଲ ଲିଟର ପିଛା ୩୨ ଟଙ୍କା ୯୮ ପଇସା ଏବଂ ଡିଜେଲ ଲିଟର ପିଛା ୩୧.୮୩ ଆଦାୟ କରୁଛନ୍ତି । ତେବେ କେନ୍ଦ୍ର ସରକାରଙ୍କ ତୁଳନାର କମ୍ ଟ୍ୟାକ୍ସ ଆଦାୟ କରୁଛନ୍ତି ରାଜ୍ୟ ସରକାର । ସଂଶୋଧିତ ଦର ଲାଗୁ ପରେ ରାଜ୍ୟ ସରକାର ପ୍ରତି ୧ ଲିଟର ପେଟ୍ରୋଲ ପିଛା ୧୬ ଟଙ୍କା ୬୦ ପଇସା ଏବଂ ଡିଜେଲ ବାବଦକୁ ୧୪.୩୪ ପଇସା ଆଦାୟ କରିବେ ।

ଅପରପକ୍ଷରେ ମାର୍ଚ୍ଚ, ଏପ୍ରିଲ ଓ ମଇ ମାସରେ ଆସାମ, ନାଗାଲାଣ୍ଡ, ମହାରାଷ୍ଟ୍ର, କର୍ଣ୍ଣାଟକ, ରାଜସ୍ଥାନ, ହରିୟାଣା, ତାମିଲନାଡ଼ୁ ଏବଂ ଦିଲ୍ଳୀ ସରକାରଙ୍କ ପକ୍ଷରୁ ଭାଟ୍ ଓ ସେଲ୍ ଟ୍ୟାକ୍ସ ବୃଦ୍ଧି କରିଛନ୍ତି  ।

ବର୍ତ୍ତମାନ ଭୋପାଳରେ ପେଟ୍ରୋଲ ଦର ଲିଟର ପିଛା  ୭୭.୫୮ ପଇସା, ମୁମ୍ୱାଇ ୭୬.୩୧ପଇସା, କୋଲକାତା ୭୩.୩୦ ପଇସା, ହାଇଦ୍ରାବାଦରେ ୭୩.୯୭ ପଇସା, ଭିଶାଖାପାଟଣା ୭୩.୫୫ ପଇସା, ଚେନ୍ନାଇ୭୫.୫୪ ପଇସା, ବେଙ୍ଗାଲୁରୁ ୭୩.୫୫ ପଇସା, ଜୟପୁର ୭୬.୭୦ ପଇସା, ପାଟଣା ୭୪.୨୫ ପଇସା, ଗୌହାଟ୍ଟୀ ୭୭.୫୪ ପଇସା ରହିଛି ।

ସେହିପରି ଡିଜେଲ ଦର ପ୍ରତି ଲିଟର ପିଛା ଭୋପାଳରେ ୬୮.୨୯ ପଇସା, ମୁମ୍ୱାଇ ୬୬.୨୧ ପଇସା, ହାଇଦ୍ରାବାଦ ୬୭.୮୨ ପଇସା, ବିଶାଖାପାଟଣାରେ ୬୭.୪୯ ପଇସା, ଚେନ୍ନାଇ୬୮.୨୨, ଦିଲ୍ଲୀ ୬୯.୩୯ ପଇସା, ଜୟପୁର ୬୯.୮୨ ପଇସା, ଗୌହାଟ୍ଟୀ ୭୦.୫୦ ପଇସା ରହିଛି ।

ତେବେ ସୂଚନା ଯୋଗ୍ୟ ଯେ, ଏହା ପୂର୍ବରୁ ରାଜ୍ୟ ସରକାର ୫ ଜନୁଆରୀ ୨୦୧୬ରେ ଶେଷ ଥର ପାଇଁ ରାଜ୍ୟ ସରକାର ଭାଟ୍‌ ଦର ବୃଦ୍ଧି କରିଥିଲେ । ଭାଟ୍ ବାବଦକୁ ଆଦାୟ ହେବାକୁ ଥିବା ଅତିରିକ୍ତ ଆୟକୁ ସ୍ୱାସ୍ଥ୍ୟ, ଶିକ୍ଷା ଏବଂ ଅନ୍ୟ ସାମାଜିକ କ୍ଷେତ୍ରରେ ବିନିଯୋଗ ହେବ ।

ଭୁବନେଶ୍ୱର: ବାତ୍ୟା ‘ଅମ୍ପାନ’ର ରୂପ ନେଲା  ଦକ୍ଷିଣ-ପୂର୍ବ ବଙ୍ଗୋପସାଗରରେ ସୃଷ୍ଟ ଲଘୁଚାପ । ଶନିବାର ସନ୍ଧ୍ୟାରେ ଏହା ବାତ୍ୟାର ରୂପ ନେଇଛି । ଭାରତୀୟ ପାଣିପାଗ ବିଭାଗର ସୂଚନା । ଏହା ବର୍ତ୍ତମାନ ପାରାଦୀପଠାରୁ ଦକ୍ଷିଣରେ ୧୦୪୦ ଓ ଦୀଘା ଠାରୁ ୧୨୦୦ କିମି ଦକ୍ଷିଣ ଦକ୍ଷିଣ-ପୂର୍ବ ଦିଗରେ ରହିଛି ।  ।

ଆସନ୍ତା ୧୨ ଘଣ୍ଟା ମଧ୍ୟରେ ଏହା ସିଭିୟର ସାଇକ୍ଳୋନ୍‌ର ରୂପ ନେବ । ୧୮ ତାରିଖ ସକାଳେ ଭେରି ସିଭିୟର ସାଇକ୍ଳୋନ୍‌ର ରୂପ ନେବ । ଏବଂ ୧୯ ତାରିଖ ବେଳକୁ ଏକ୍ସଟ୍ରିମଲି ସିଭିୟର ସାଇକ୍ଳୋନିକ୍‌ ଷ୍ଟ୍ରର୍ମର ରୂପ ନେବ । ତେବେ କେଉଁଠି ଲ୍ୟାଣ୍ଡଫଲ ହେବ ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ । କିନ୍ତୁ ଆସନ୍ତା ୨୦ ତାରିଖ ଅପରାହ୍ନରେ ଲ୍ୟାଣ୍ଡଫଲ କରିବ ବୋଲି ଅନୁମାନ କରାଯାଉଛି । ତେବେ ୧୭ ତାରିଖ ବେଳକୁ ‘ଅମ୍ପାନ’ ଦିଗ ପରିବର୍ତ୍ତନ କରି ଉତ୍ତର ଉତ୍ତର-ପୂର୍ବ ଦିଗକୁ ଯିବ ବୋଲି ଅନୁମାନ କରାଯାଉଛି । ପରେ ପୁଣି ଦିଗ ପରିବର୍ତ୍ତନ କରି ଏହା ଉତ୍ତର-ପୂର୍ବ ଦିଗରେ ବଙ୍ଗୋପସାଗର ଆଡ଼କୁ ଗତି କରିବ । ଏବଂ ଓଡ଼ିଶା ଉପକୂଳରେ ୧୮ରୁ ୨୦ ଭିତରେ ଏହାର ପ୍ରଭାବରେ ବର୍ଷା ଜାରି ରହିବ । ଏଣୁ ଉପକୂଳ ଜିଲ୍ଲାଗୁଡ଼ିକରେ ପକ୍ଷରୁ ଅରେଞ୍ଜ ଆଲର୍ଟ ଜାରି କରାଯାଇଛି ।   ୧୭ ତାରିଖରେ ଘଣ୍ଟ ପବନର ବେଗ ସର୍ବାଧିକ ୧୨୫ କି.ମି ରହିପାରେ । ୧୮ ବେଳକୁ ଏହା ଘଣ୍ଟା ପ୍ରତି ୧୭୦ କିମିକୁ ବଢ଼ିପାରେ । ୧୯ରେ ଆହୁରି ଅଧିକ ବେଗରେ ବହିବ ପବନ । ଏବଂ ଘଣ୍ଟା ପ୍ରତି ବେଗ ସର୍ବାଧିକ ୧୯୦ କିମି ହୋଇପାରେ ବୋଲି ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ  ।

ଜାଣନ୍ତୁ ବାତ୍ୟା ‘ଅମ୍ଫାନ’ର ନାମକରଣ କରିଛି କେଉଁ ଦେଶ…

ଭୁବନେଶ୍ୱର: ବଙ୍ଗୋପସାଗରରେ ସୃଷ୍ଟ ବାତ୍ୟା ‘ଅମ୍ପାନ’ ମୁକାବିଲା ନିମନ୍ତେ ରାଜ୍ୟ ସରକାରଙ୍କ ପ୍ରସ୍ତୁତି ସମ୍ପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଶାସନ ସଚିବ ଓ ବରିଷ୍ଠ ଅଧିକାରୀମାନଙ୍କ ସହିତ ସମୀକ୍ଷା କରିଛନ୍ତି । ମୁଖ୍ୟମନ୍ତ୍ରୀ ପ୍ରଭାବିତ ହେବାକୁ ଥିବା ୧୨ଟି ଜିଲ୍ଲାର ଜିଲ୍ଲାପାଳମାନଙ୍କ ସହିତ ମଧ୍ୟ ଆଲୋଚନା କରିଥିଲେ ।

ମୁଖ୍ୟମନ୍ତ୍ରୀ କହିଥିଲେ, ପ୍ରତିଟି ଜୀବନ ଆମ ପାଇଁ ମୂଲ୍ୟବାନ । ଏହାକୁ ଦୃଷ୍ଟିରେ ରଖି ମୁକାବିଲା ଯୋଜାନା ପ୍ରସ୍ତୁତ କରାଯିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଛନ୍ତି । ଓଡ଼ିଶାବାସୀ ମହାବାତ୍ୟା ଠାରୁ ଆରମ୍ଭ କରି ଫୋନି, ତିତିଲି, ବୁଲବୁଲ, ଫାଇଲିନ୍‌, ହୁଡହୁଡ ଆଦି ଅନେକ ବାତ୍ୟାର ସପଳତାର ସହ ମୁକାବିଲା କରିଆସିଛନ୍ତି । ତେଣୁ ଆତଙ୍କିତ ନହୋଇ ଅମ୍ପାନର ମୁକାବିଲା କରିବା ପାଇଁ ସରକାରଙ୍କ ସହ ସହଯୋଗ କରବାକ ମୁଖ୍ୟମନ୍ତ୍ରୀ ଜନସାଧାରଣଙ୍କୁ ଅନୁରୋଧ କରିଛନ୍ତି । ଏନ୍‌ଡିଆରଏଫ୍ ଓ ଓଡିଆରଏଏଫ୍‌ ଓ ଅଗ୍ନିଶମ ବାହିନୀ ସଜାଗ ରଖିବା ସହ ବିପଦସଂକୁଳ ଅଞ୍ଚଳର ଜନସାଧାରଣଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ପାଇଁ ଯୋଜନା ପ୍ରସ୍ତୁତି ସହ ବାତ୍ୟା ପରେ ପରେ ରାସ୍ତା, ବିଜୁଳି ଓ ପାନୀୟଜଳ ଯୋଗାଣ ସ୍ୱାଭାବକି କରିବା ପାଇଁ ବିକଳ୍ପ ବ୍ୟବସ୍ଥା ରାସ୍ତା, ବିଜୁଳି ଓ ପାନୀୟ ଜଳ ଯୋଗାଣ ସ୍ୱାଭାବିକ କରିବା ପାଇଁ ବିକଳ୍ପ  ବ୍ୟବସ୍ଥା କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏଥିପାଇଁ ପୂର୍ତ୍ତ, ଶକ୍ତି, ପଞ୍ଚାୟତିରାଜ  ଓ ପାନୀୟ ଜଳ ଯୋଗାଣ ଏବଂ ନଗର ଉନ୍ନୟନ ବିଭାଗ ସମନ୍ୱୟ ରଖି କାମ କରିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । ଏହି ସମୟରେ ମାଛ ଧରା କାର୍ଯ୍ୟକୁ ସମ୍ପୂର୍ଣ୍ଣ ଭାବରେ ବନ୍ଦ ରଖିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ ।

ବାତ୍ୟା ଯୋଗୁଁ ସର୍ବାଧିକ ପ୍ରଭାବିତ ହେବା ଆଶଙ୍କା କରାଯାଉଥିବା ୪ ଜିଲ୍ଲାରେ ଏକ ଲକ୍ଷ ହେକ୍ଟର ରବି ଫସଲ ଓ ପନିପରିବା ପ୍ରଭାବିତ ହେବାର ଆଶଙ୍କା ଦେଖାଦେଇଛି । ତେଣୁ ଚାଷୀମାନଙ୍କୁ ଏ ସମ୍ପର୍କରେ ବ୍ୟାପକଭାବେ ସଚେତନ କରାଯିବା ଉପରେ ବୈଠକରେ ଗୁରୁତ୍ୱରୋପ  କରାଯାଇଥିଲା ।

ବାତ୍ୟା ‘ଅମ୍ପାନ’ର ମୁକାବିଲା ପାଇଁ ୧୧ ଲକ୍ଷ ଲୋକ ରହିପାରିବା ଭଳି ୫୬୭ ବାତ୍ୟା ଅସ୍ଥାୟୀସ୍ଥଳ ଏବଂ ୭ହଜାର ପକ୍କା ଘର ପ୍ରସ୍ତୁତ ରଖାଯାଇଛି । ଏହାସହିତ ୩ଟି ଏନଡିଆରଏଫ୍‌ ଓ ୧୨ଟି ଓଡିଆରଏଏଫ୍‌ ଟିମ୍‌ ଏବଂ ୩୫୫ ୟୁନିଟ ଅଗ୍ନିଶମସେବା ବାହିନୀ ମୁତୟନ କରାଯାଇଛି ବୋଲି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ସୂଚନା ଦେଇଛନ୍ତି ।

ଭାରତୀୟ ପାଣିପାଗ ବିଭାଗ ପକ୍ଷରୁ ବୈଠକରେ ସୂଚନା ଦିଆଯାଇଥିଲା ଯେ, ଅମ୍ପାନ ପ୍ରଭାବରେ ମଇ ୧୮ରୁ ଗୋଟିଏ ଦୁଇଟି ସ୍ଥାନରେ ବର୍ଷା ହେବା ସହିତ ୧୯ ଓ ୨୦ ଦୁଇ ଦିନ ଧରି ଉପକୂଳ ଓଡ଼ିଶାରେ ପ୍ରବଳ ବର୍ଷାର ଆଶଙ୍କା ରହିଛି । ଏହାସହିତ ପବନର ବେଗ ଘଣ୍ଟାକୁ ୯୫ କିମି ଏବଂ ସ୍ଥଳ ବିଶେଷରେ ଏହାଠାରୁ ଅଧିକ ହୋଇପାରେ ବୋଲି ସୂଚନା ଦିଆଯାଇଥିଲା । ଏହି ବାତ୍ୟାରେ ରାଜ୍ୟର ୧୨ଟି ଜିଲ୍ଲା ପ୍ରଭାବିତ ହେବାର ଆଶଙ୍କା ରହିଛି  ।

ଅନ୍ୟାନ୍ୟ ବିଷୟମାନଙ୍କ ମଧ୍ୟରେ ଡାକ୍ତରଖାନା ସହିତ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ ମାନଙ୍କରେ ବିଦ୍ୟୁତ ସରବରାହ ଜାର ରଖାଯିବ, ସହରାଞ୍ଚଳମାନଙ୍କରେ ଜଳ ଆବଦ୍ଧ ଭଳି ସମସ୍ୟାର ଦୂରୀକରଣ ଆଦି ବିଷୟରେ ଆଲୋଚନା କରାଯାଇଥିଲା ।

ଏହି ଭିଡ଼ିଓ କନ୍‌ଫରେନ୍ସିଂରେ ମୁଖ୍ୟ ଶାସନ ସଚିବ, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ମୁଖ୍ୟ ପରାମର୍ଶଦାତା, ଉନ୍ନୟନ କମିଶନର, ପୋଲିସ ମହାନିର୍ଦ୍ଦେଶକ, ସ୍ୱତନ୍ତ୍ର ରିଲିଫ୍‌ କମିଶନରଙ୍କ ସମେତ ବିଭିନ୍ନ ବିଭାଗର ପ୍ରମୁଖ ସଚିବ , ଶାସନ ସଚିବ ଏବଂ ପ୍ରଭାବିତ ଜିଲ୍ଲାମାନଙ୍କର ଜିଲ୍ଲାପାଳମାନେ ଉପସ୍ଥିତ ଥିଲେ ।