ମୁମ୍ବାଇ: ବାହୁବଳୀ ଫେମ୍ ତଥା ସାଉଥ ଜଗତର ହିଟ୍ ଅଭିନେତା ରାଣା ଦଗ୍ଗୁବତୀ (Rana Daggubati) ଖୁବ ଶୀଘ୍ର ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ଲକଡାଉନ୍ ରେ ମିହୀକା ବଜାଜ (Miheeka bajaj) ନାମକ ଜଣେ ଯୁବତୀଙ୍କ ସହ ରାଣାଙ୍କର ନିର୍ବନ୍ଧ ସମ୍ପନ୍ନ ହୋଇଛି । ଉଭୟଙ୍କ ଫଟୋ ରାଣା ନିଜେ ସୋସିଆଲ ମିଡିଆରେ ସେୟାର କରିଛନ୍ତି । ତାଙ୍କର ଏହି ଖାସ ମୁହୂର୍ତ୍ତ ସେୟାର କରି ସେ ନିଜ ଖୁସି ପ୍ରକାଶ କରିଛନ୍ତି । ସମଗ୍ର ସାଉଥ ଇଣ୍ଡଷ୍ଟ୍ରି ସହ ଅନ୍ୟାନ୍ୟ ଷ୍ଟାର୍ସମାନେ ମଧ୍ୟ ତାଙ୍କୁ ଶୁଭକାମନା ଜମାଇଛନ୍ତି । ଫଟୋରେ ମିହିକାଙ୍କୁ ଟ୍ୟାଗ କରି ସେ ହାର୍ଟ ଇମୋଜି ଦେବା ସହ ସୋସିଆଲ ମିଡିଆରେ ନିଜ ନିର୍ବନ୍ଧ ବିଷୟରେ ସୂଚନା ଦେଇଛନ୍ତି ।
ରାଣା ଟଲିଉଡ ସହ ବଲିଉଡରେ ମଧ୍ୟ କିଛି ଚଳଚ୍ଚିତ୍ରରେ ଅଭିନୟ କରିଛନ୍ତି । ଦଗ୍ଗୁବତୀ ତାଙ୍କ ବଡି ତଥା ଫିଜିକ୍ ପାଇଁ ବେଶ ପପୁଲାର । ସେ ଜଣେ ଫିଟନେସ୍ ଫ୍ରିକ୍ । ବାହୁବଳୀ ପରେ ସେ ବହୁତ ପ୍ରସିଦ୍ଧ ହୋଇଥିଲେ । କିନ୍ତୁ ଏହି ଫିଲ୍ମ ପୂର୍ବରୁ ମଧ୍ୟ ସେ ସାଉଥରେ ଅନେକ ହିଟ୍ ଫିଲ୍ମରେ ଅଭିନୟ କରିଛନ୍ତି । ତେବେ ରାଣାଙ୍କର ଏକ ବିଶେଷ ଗୁଣ ଏହା ଯେ, ଦର୍ଶକ ତାଙ୍କୁ ଉଭୟ ନାୟକ ଓ ଖଳନାୟକ ଭୂମିକାର ପସନ୍ଦ କରନ୍ତି । ସେ ସବୁ ଚରିତ୍ରରେ ଲୋକପ୍ରିୟତା ହାସଲ କରିଛନ୍ତି ।
ବଲିଉଡ ଜଗତର ମଧ୍ୟ ଅନେକ କଳାକାରମାନେ ତାଙ୍କୁ ଶୁଭକାମନା ଜମାଇଛନ୍ତି । ବଲିଉଡର ଏଭରଗ୍ରୀନ ଅଭିନେତା ଅନୀଲ କପୁର କମେଣ୍ଟରେ ଲେଖିଛନ୍ତି ଯେ, “ମେରେ ହାଇଦ୍ରାବାଦି ବଚ୍ଚେ ମୈଁ ବହତ ଖୁସ ହୁଁ” । ଅନୀଲ କପୁର ରାଣାଙ୍କ ନିର୍ବନ୍ଧ ପାଇଁ ନିଜ ଖୁସି ଜାହିର କରିଛନ୍ତି । ଏହା ସହ ଉଭୟଙ୍କ ଉଜ୍ଜ୍ୱଳ ଭବିଷ୍ୟ ପାଇଁ ଆଶୀର୍ବାଦ ଦେଇଛନ୍ତି । ଅପରପକ୍ଷରେ ଅଭିନେତା ସମନ୍ଥା ଅକିନେନୀ ରାଣାଙ୍କ ପୋଷ୍ଟରେ କମେଣ୍ଟ ଦେଇଛନ୍ତି “ମର ଗଇ ମୈ ତ” । ଅଭିନେତା ସୁଶାନ୍ତ ମଧ୍ୟ ଶୁଭକାମନା ଜଣାଇଛନ୍ତି । ବଲିଉଢ ଅଭିନେତ୍ରୀ କୃତୀ ସାନନ୍ ମଧ୍ୟ ଉଭୟଙ୍କ ପାଇଁ ବହୁତ ଖୁସି ବୋଲି ଲେଖିଛନ୍ତି ।
ତେବେ ରାଣାଙ୍କ ସହ ନିର୍ବନ୍ଧ କରିଥିବା ମିହୀକା ବଜାଜ ଜଣେ ଇଭେଣ୍ଟ ପ୍ଲାନର । ମୁମ୍ବାଇ ସ୍ଥିତ ରଚନା ସଂସଦ ସଂସ୍ଥାରୁ ସେ ଇଣ୍ଟେରିଅର ଡିଜାଇନ୍ ରେ ଡିପ୍ଲୋମା କରିଛନ୍ତି । ମିହୀକାଙ୍କ ଜନ୍ମ ହାଇଦ୍ରାବାଦରେ ହେବା ସହ ସେ ସେଠାରେ ବଡ ହୋଇଛନ୍ତି । ପୂର୍ବରୁ ରାଣାଙ୍କ ନାଁ ଅଭିନେତ୍ରୀ ତ୍ରିଷା କୃଷ୍ଣନନ ଓ ଅନୁଷ୍କା ଶେଟ୍ଟୀଙ୍କ ସହ ଯୋଡାଯାଇଥିଲା । ରାଣାଙ୍କ ସହ ଏହି ଅଭିନେତ୍ରୀଙ୍କ ରିଲେସନଶିପ ଖବର ଖୁବ ଚର୍ଚ୍ଚାରେ ଥିଲା । ରାଣାଙ୍କ ଅପକମିଂ ପ୍ରୋଯେକ୍ଟ ହେଉଛି “ହାତୀ ମେରେ ସାଥୀ” । ହେଲେ କରୋନା ପାଇଁ ଏବେ ଏହାର ରିଲିଜ ଡେଟ୍ ଅନିର୍ଦ୍ଧିଷ୍ଟ କାଳ ପାଇଁ ଘୁଞ୍ଚାଇଦିଆଯାଇଛି । ଏହି ଫିଲ୍ମରେ ରାଣାଙ୍କ ସହ ବଲିଉଡ ଅଭିନେତା ପୁଲକିତ୍ ସମ୍ରାଟ ମଧ୍ୟ ନଜର ଆସିବେ ।
