ନୂଆଦିଲ୍ଲୀ: ଶାନ୍ତି ଚାହାଁନ୍ତିନି ପାକିସ୍ତାନୀ । ସବୁ ବେଳେ ସବୁ ସ୍ଥାନରେ ଭାରତକୁ ଛୋଟ ଦେଖାଇବାକୁ ପ୍ରୟାସ କରୁଥିବା ପାକିସ୍ତାନୀଙ୍କୁ ସୋସିଆଲ ମିଡ଼ିଆରେ କଡ଼ା ଜବାବ ଦେଇଛନ୍ତି ସେନାରୁ ଅବସର ନେଇଥିବା ଜଣେ ଲେଫ୍ଚନାଣ୍ଟ ଜେନେରାଲ । ସୀମାରେ ସବୁ ବେଳେ ବିଶୃଙ୍ଖଳା ଜାରି ରଖିଥିବା ପାକିସ୍ତାନ ଏବେ ସୋସିଆଲ ମିଡ଼ିଆରେ ବି ଜାରି ରଖିଛି ତାର କୁଟନୀତି । ତେଣୁ ସୋସିଆଲ ମିଡ଼ିଆରେ ଜଣେ ପାକିସ୍ତାନୀର କଥାର ଏମିତି ଉତ୍ତର ଦେଇଛନ୍ତି ଅବସରପ୍ରାପ୍ତ ଲେପ୍ଟିନେଟ ଜେନେରାଲ ସଇଦ୍ ଅତା ହୁସେନ । କହି ରଖୁଛୁ ଯେ,ସଇଦ୍ ଅତା ହୁସେନ ଟ୍ୱିଟରରେ ବହୁତ ସକ୍ରିୟ ରୁହନ୍ତି ଏବଂ ଦେଶ ବିରୋଧି ବାର୍ତ୍ତା ଉପରେ ସେ ସବୁ ବେଳେ କଡ଼ା ଜବାବ୍ ଦିଅନ୍ତି  ।

ପାକିସ୍ତାନକୁ ଏମିତି ଜବାବ ଦେଲେ ସେନା ଅଧିକାରୀ

ଟ୍ୱିଟରରେ ଜଣେ ପାକିସ୍ତାନୀ  ବଲୁଚି  ଫରିଦ ବଲୌଚ, ସୈଦ ଅତା ହସନୈନଙ୍କୁ ଟାଗ୍ କରି କହିଥିଲେ ଯେ, ଜେନେରାଲ ସାହେବ ଆପଣ ମୁସଲମାନ, ଆପଣ ଏହି ସତ୍ୟତା ଜାଣି ନିଅନ୍ତୁ ଯେ, ଭାରତ ଆପଣଙ୍କୁ ରହିବାକୁ ଦେବ ନାହିଁ । ଏବଂ ଏହାର ଉତ୍ତରରେ ସଇଦ୍ ଅତା ହୁସେନ କହିଲେ , ତୁମେ ବଲୋଚ, ଆମ ସହ ମିଶିଯାଅ ଜୀବନ ଭଲରେ ବିତେଇବ ।

You are Baloch. Hum se mil jao. Zindagi achchi kategi. https://t.co/TtZ0wy5Sja

— Syed Ata Hasnain (@atahasnain53) May 8, 2020

ସଇଦ୍ ଅତା ହୁସେନଙ୍କ ଏହି ଉତ୍ତରକୁ ନେଇ  ସୋସିଆଲ ମିଡ଼ିଆରେ  ଚର୍ଚ୍ଚା ଆରମ୍ଭ ହୋଇଯାଇଛି । ଲୋକମାନେ ଲଗାତାର ତାଙ୍କର ସେହି ଟ୍ୱିଟକୁ ନେଇ ପ୍ରଂସଶା କରୁଛନ୍ତି । ଏବଂ କହିଛନ୍ତି ଯେ, ହିନ୍ଦୁ ମୁସଲମାନ କରୁଥିବା ଲୋକମାନଙ୍କୁ ସଇଦ୍ ଅତା ହୁସେନ ସାହେବ ଭଲ ଜବାବ ଦେଇଛନ୍ତି । ଏବଂ ତାଙ୍କର ଏହି ଟ୍ୱିଟକୁ ୧୦ ହଜାରରୁ ଅଧକ ଲୋକ ଲାଇକ କରି ସାରିଲେଣି ।

ତେବେ ତାଙ୍କର ଏମିତି ଜବାବ୍ ପାଇଁ ସେ ସବୁବେଳେ ଚର୍ଚ୍ଚାରେ ରୁହନ୍ତି । ତେବେ ପାକିସ୍ତାନୀଙ୍କୁ ଜବାବ୍ ଦେବା ତାଙ୍କର ଏହା ପ୍ରଥମ ନୁହେଁ । କାରଣ ଏହାପୂର୍ବରୁ ଜଣେ ପାକିସ୍ତାନୀ ଲେଖିଥିଲେ, ‘ମୁଁ ଗୋଟିଏ ଆର୍ଟିକିଲରେ ପଢିଥିଲି ଯେ, ତୁମେ ମୁସଲମାନ ହୋଇଥିବାରୁ ସୋସିଆଲ ମିଡିଆରେ କିପରି ଟ୍ରୋଲ ହୋଇଛ । ଏହା ସତ୍ତ୍ୱେ ଆପଣ ସେ ଦେଶ ସେବା କରୁଛନ୍ତି । ଏହା ଜାଣି ବହୁତ ଦୁଃଖ ଲାଗୁଛି । ଏହାର ଜବାବରେ ଅବସରପ୍ରାପ୍ତ ଜେନେରାଲ ଲେଖିଛନ୍ତି, ‘ତୁମେ ମୋ ପାଇଁ ଦୁଃଖିତ ହେବାର ଆବଶ୍ୟକତା ନାହିଁ । କାରଣ ମୋର ୯୯ପ୍ରତିଶତ ବନ୍ଧୁ ହିନ୍ଦୁ, ଶିଖ ଏବଂ ଖ୍ରୀଷ୍ଟିଆନ ଅଟନ୍ତି । ଏହା ସତ୍ତ୍ୱେ ବି ମୁଁ ଜଣେ ମୁସଲମାନ, କାରଣ ମୋ ଦେଶ ମୋତେ ମୁସଲମାନ ଭାବେ ରହିବାକୁ ଅନୁମତି ଦେଇଛି ।

Don't feel sorry because 99% of my friends are Hindu, Sikh and Christian. 100 % of my troops were Hindu. Yet I remain Muslim because my nation lets me be a Muslim. https://t.co/bU8xLASlws

— Syed Ata Hasnain (@atahasnain53) August 20, 2019

କାଟଜୁଙ୍କୁ ମଧ୍ୟ ଏମିତି ଉତ୍ତର ଦେଇଥିଲେ

ଥରେ ସେ ସୁପ୍ରିମକୋର୍ଟର ଅବସରପ୍ରାପ୍ତ ଜଷ୍ଟିସ ମାର୍କାଣ୍ଡେ କାଟଜୁଙ୍କୁ ମଧ୍ୟ ଏକ ଉପଯୁକ୍ତ ଉତ୍ତର ଦେଇଥିଲେ । କାଟଜୁ ସୋସିଆଲ ମିଡିଆରେ ଲେଖିଥିଲେ ଯେ ସାମରିକ ଶକ୍ତି ଅର୍ଥିକ ଶକ୍ତିରୁ ଆସିଥାଏ । ଭାରତରେ  ବୃହତ ଶିଳ୍ପାୟନ ନହେବା ପର୍ଯ୍ୟନ୍ତ ଭାରତୀୟ ସେନା ଏକ ନକଲି ସେନା ହୋଇ ରହିବ, ଯିଏ କେବଳ ପାକିସ୍ତାନ ପରି ଦୁର୍ବଳ ସେନା ବିରୁଦ୍ଧରେ ଲଢିପାରିବ। ଅବସରପ୍ରାପ୍ତ ଲେଫ୍ଟେନାଣ୍ଟ୍ ଜେନେରାଲସଇଦ୍ ଅତା ହୁସେନ ଟ୍ୱିଟ୍ କରି କହିଥିଲେ ଯେ,ଭାରତୀୟ ସେନା ବିଷୟରେ ଆପଣ ଶବ୍ଦକୁ ସଠିକ୍ ଭାବରେ ବାଛନ୍ତିନି, ସେ ଆହୁରି ମଧ୍ୟ ଲେଖିଲେ, ଯେ ଭାରତୀୟ ସେନା ହେଉଛି ଏକମାତ୍ର ସଂଗଠନ ଯିଏ ଫଳାଫଳ ଦିଏ । ତେଣୁ ଏମିତି ଲେଖିବା ଯୁକ୍ତିଯୁକ୍ତ ନୁହେଁ ।

ନୂଆଦିଲ୍ଲୀ: ସୁସ୍ଥ ହେବା ପରେ କରୋନା ସଂକ୍ରମିତ ରୋଗୀଙ୍କୁ ଡିସଚାର୍ଜ କରିବା ନୀତିରେ ଏକ ପରିବର୍ତ୍ତନ ଆସିଛି । କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଶନିବାର ସକାଳେ ଏହି ନୂତନ ନୀତି ପ୍ରଣୟନ କରିଛି । ତାହା ହେଉଛି ଯଦି ଡିସଚାର୍ଜ ପୂର୍ବରୁ ସମସ୍ତଙ୍କୁ ପରୀକ୍ଷଣର ଆବଶ୍ୟକତା ନାହିଁ । ଯଦି ରୋଗୀଙ୍କର କୌଣସି ଲକ୍ଷଣ ଦେଖାଯାଉ ନାହିଁ ଏବଂ ସ୍ୱାସ୍ଥ୍ୟାବସ୍ଥା ସ୍ୱାଭାବିକ ରହିଛି, ତେବେ ୧୦ ଦିନ ମଧ୍ୟରେ ଡାକ୍ତରଖାନାରୁ ସେମାନଙ୍କୁ ଡିସଚାର୍ଜ କରାଯାଇପାରିବ । ଡିସଚାର୍ଜ ପରେ ରୋଗୀକୁ ବର୍ତ୍ତମାନ ୧୪ ଦିନ ପରିବର୍ତ୍ତେ ୭ ଦିନ ହୋମ୍‌ ଆଇସୋଲେସନ୍‌ରେ ରହିବାକୁ ପଡ଼ିବ । ୧୪ ଦିନ ପର୍ଯ୍ୟନ୍ତ ଟେଲି-କନଫରେନ୍ସ ମାଧ୍ୟମରେ ରୋଗୀକୁ ବୁଝାସୁଝା କରାଯିବ ।

ଅସ୍ୱାଭାବିକ ମାମଲାଗୁଡ଼ିକ ପାଇଁ ଏହି ବ୍ୟବସ୍ଥା

ଯେଉଁ କରୋନା ରୋଗୀଙ୍କ ନିକଟରେ କୌଣସି ଲକ୍ଷଣ ନଥିବା ସେମାନଙ୍କୁ କୋଭିଡ କେୟାର ହସ୍ପିଟାଲରେ ରଖାଯିବ । ଯେଉଁଠାରେ ସେମାନଙ୍କୁ ନିୟମିତ ଭାବେ ତାପମାତ୍ରା ଯାଞ୍ଚ ଏବଂ ପଲ୍ସ ଟେଷ୍ଟ ଦେବାକୁ ପଡ଼ିପାରେ । ଯଦି ୩ ଦିନ ମଧ୍ୟ ଜ୍ୱର ନଥାଏ ତେବେ ରୋଗୀକୁ ୧୦ ଦିନରେ ଡିସଚାର୍ଜ କରାଯାଇପାରେ । ଏହା ପୂର୍ବରୁ କୌଣସି ଟେଷ୍ଟିଂର ଆବଶ୍ୟକ ନାହିଁ । ଡିସଚାର୍ଜ ପରେ ରୋଗୀଙ୍କୁ ୭ ଦିନ ଆଇସୋଲେସନ୍‌ରେ ରହିବାକୁ କୁହାଯିବ । ଡିସଚାର୍ଜ ପୂର୍ବରୁ ରୋଗୀକୁ ନିଶ୍ୱାସ ପ୍ରସ୍ୱାସରେ ଯଦି କିଛି ଅସୁବିଧା ହେଲା ଏବଂ ସେଚୁରେସନ୍‌ ୯୫%ରୁ ତଳକୁ ଖସିଲା ତେବେ ସେହି ରୋଗୀକୁ ଡେଡିକେଟେଡ୍‌ କୋଭିଡ୍‌ ହସ୍ପିଟାଲରେ ଭର୍ତ୍ତି କରାଯିବ ।

ଲକ୍ଷଣ ଥିଲେ ରୋଗୀଙ୍କୁ ସିଧା ବେଡ୍ ଆଡମିଶନ

ସାମାନ୍ୟ ଗମ୍ଭୀର ଲକ୍ଷଣ ଥିବା ରୋଗୀଙ୍କୁ ସିଧାସଳଖ ଡେଡିକେଟେଡ୍‌ କୋଭିଡ୍‌ ହସ୍ପିଟାଲରେ ଅକ୍ସିଜେନ୍‌ରେ ବେଡ୍‌ରେ ରଖାଯିବ । ସେମାନଙ୍କ ଶରୀରର ତାପମାତ୍ରା ନିୟମିତ ଯାଞ୍ଚ କରାଯିବ । ଅମ୍ଳଜାନ ସାଚୁରେସନର ଯାଞ୍ଚ କରାଯିବ । ଯଦି ୩ ଦିନ ମଧ୍ୟରେ ଜ୍ୱର କମିଯାଏ ଏବଂ ପରବର୍ତ୍ତୀ ୪ ଦିନ ପାଇଁ ରୋଗୀର ଅମ୍ଳଜାନ ସେଚୁରେସନ୍‌ ୯୫%ରୁ ଅଧିକ ରୁହେ, ତେବେ ରୋଗୀକୁ ୧୦ ଦିନ ପରେ ହିସ୍‌ଚାର୍ଜ କରାଯାଇପାରିବ । ଯଦି ଏଥିରେ କିଛି ବିଚ୍ୟୁତି ଦେଖାଗଲା ତେବେ ରୋଗୀର ପରୀକ୍ଷା କରାଯିବ ।

ଛତିଶଗଡ: ଛତିଶଗଡ଼ରେ ପୋଲିସ-ନକ୍ସଲ ଗୁଳି ବିନିମୟ । ଏଥିରେ ଜଣେ ଏସଆଇ ସହିଦ ହୋଇଥିବା ବେଳେ ୪ଜଣ ନକ୍ସଲ ନିହତ ହୋଇଛନ୍ତି । ମାନପୁରା ଥାନା ଅନ୍ତର୍ଗତ ପର୍ଦ୍ଧୋନୀ ଗାଁ ନିକଟ ଜଙ୍ଗଲରେ ପୋଲିସ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଚାଲିଥିଲା ।  ମୃତ ନକ୍ସଲଙ୍କ ଠାରୁ ଗୋଟିଏ AK 47 ଓ SLR ରାଇଫଲ ଜବତ ହୋଇଛି ବୋଲି ରାଜନନ୍ଦଗାଓର ଏଏସ୍‌ପି ଜିଏନ୍‌ ବାଘେଲ ସୂଚନା ଦେଇଛନ୍ତି । ତେବେ ମୃତ ୪ ନକ୍ସଲଙ୍କ ମଧ୍ୟରେ ୨ଜଣ ପୁରୁଷ ଥିବା ବେଳେ ୨ଜଣ ମହିଳା ରହିଛନ୍ତି ।

ତେବେ ଶୁକ୍ରବାର ବିଳମ୍ବିତ ରାତିରେ ମାନପୁର ଥାନା ଅଞ୍ଚଳରେ ଥିବା ପର୍ଦ୍ଦେ।ନି ଜଙ୍ଗଲରେ ପୋଲିସର ସର୍ଚ୍ଚ ଅପରେସନ ସମୟରେ କିଛି ନକ୍ସଲ ଲୁଚି ରହିଥିବା ସୂଚନା ମିଳିଥିଲା । ଏହାପରେ ଅପରେସନକୁ ଜୋରଦାର କରାଯାଇଥିବା ବେଳେ ଅଚାନକ ନକ୍ସଲ ପୋଲିସ ଉପରକୁ ଗୁଳି ଚଳାଇଥିଲେ । ଘଟଣାରେ ପୋଲିସ ଏବଂ ନକ୍ସଲଙ୍କ ମଧ୍ୟରେ ପ୍ରାୟ ଏକ ଘଣ୍ଟା ଗୁଳି ବିନିମୟ ଚାଲିଥିଲା । ଏଥିରେ ୪ ନକ୍ସଲଙ୍କ ମୃତ୍ୟୁ ହୋଇଥିବା ବେଳେ ଜଣେ ପୋଲିସ ସବ୍‌-ଇନ୍ସପେକ୍ଟର ସହିଦ ହୋଇଛନ୍ତି ।