ନୂଆଦିଲ୍ଲୀ: ଦେଶରେ ଆଜି ୩୪ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ୬୭୧ ଜଣଙ୍କ ମୃତ୍ୟୁ ହୋଇଛି । ଏପିରି ସ୍ଥିତିରେ ପ୍ରଥମ ଥର ପାଇଁ କେରଳରେ ଗୋଷ୍ଠୀ ସଂକ୍ରମଣ ହୋଇଥିବା ରାଜ୍ୟ ସରକାର ମାନିଛନ୍ତି । କିନ୍ତୁ ଗୁରୁତ୍ୱପୂର୍ଣ୍ଣ କଥା ହେଲା ବେଙ୍ଗାଲୁରୁ, ହାଇଦ୍ରାବାଦ ଓ ପୁନେ ପାଲଟିଲାଣି ଦେଶର ନୂଆ କୋଭିଡ୍ ହଟ୍ସ୍ପଟ୍ ।
ମୁମ୍ବାଇ, ଦିଲ୍ଲୀ, ଚେନ୍ନାଇ, ଅହମ୍ମଦାବାଦରେ ଧୀରେଧୀରେ ସଂକ୍ରମଣ କମୁଥିବା ବେଳେ ୩ ସହରରେ ବଢୁଛି । ବେଙ୍ଗାଳୁରୁରେ ଗତ ୪ ସପ୍ତାହର ତଥ୍ୟ ଅନୁସାରେ ଦିନକୁ ପ୍ରାୟ ୧୨ ପ୍ରତିଶତ କରୋନା ମାମଲା ବଢୁଥିବା ବଢୁଛ । ଦୈନିକ ମୃତ୍ୟୁ ସଂଖ୍ୟା ୮ପ୍ରତିଶତରୁ ଅଧିକ ବଢୁଛି । ଦେଶରେ କରୋନା ସ୍ଥିତି ସଂଗୀନ ହୋଇଥିବାବେଳେ କରୋନାରେ ଦିନକୁ ହଜାର ହଜାର ଆକ୍ରାନ୍ତ ହେଉଛନ୍ତି ।
ସ୍ଥିତି ଏପରି ହୋଇଛି ଯେ, ଦିନକୁ ଏବେ ୩୦ ହଜାର ପାର କରୁଛି ସଂଖ୍ୟା । ଏହାକୁ ନେଇ କେନ୍ଦ୍ର ସରକାର ଓ ରାଜ୍ୟ ସରକାରମାନେ ଚିନ୍ତିତ ଥିବାବେଳେ ଏକ ସର୍ଭେରୁ ଜଣାପଡିଛି, ମଧ୍ୟପ୍ରଦେଶ, ବିହାର ଏବଂ ତେଲଙ୍ଗାନାର କିଛି ଜିଲ୍ଲାରେ କରୋନା ଭୟଙ୍କର ରୂପ ଧାରଣ କରିଛି ।
ତେବେ ଏଥିରେ ଏବ ପରବର୍ତ୍ତନର ଚିତ୍ର ସାମ୍ନାକୁ ଆସିଛି । ଗତ ମାସରେ ଦେଶର ୯ ମେଟ୍ରୋ ସିଟିରେ ସଂକ୍ରମଣ ବୃଦ୍ଧି ପାଇଛି । ବେଙ୍ଗାଳୁରୁ, ହାଇଦ୍ରାବାଦ, ପୁନାରେ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି ବୋଲି ସର୍ଭେ କହୁଛି ।
ସେହିପରି ଦିଲ୍ଲୀ, ଅହମ୍ମଦାବାଦ, ଏବଂ ଚେନ୍ନାଇରେ ସଂକ୍ରମଣ ହ୍ରାସ ପାଉଛି ବୋଲି ସବଚନା ରହିଛି । ବେଙ୍ଗାଲୁରରେ ଫଅଥଇଧଇ ୧୨.୯ ପ୍ରତିଶତ ହାରରେ ରୋଗୀ ସଂଖ୍ୟା ବଢିବାରେ ଲାଗିଛି । ପୁନାରେ ପ୍ରତିଦିନ ୪.୫ ପ୍ରକିଶତ ହାରରେ ସଂକ୍ରମଣ ଡେଉଁଛି । ଯେଉଁଠି ସୁରଟରେ ୪.୫ ପ୍ରତିଶତ, ହାଇଦ୍ରାବାଦରେ ୭.୮ ପ୍ରତିଶତ ହାରରେ ରୋଗୀ ସଂଖ୍ୟା ବଢୁଥିବାରୁ ସେଠାକାର ସରକାର ଚିନ୍ତାରେ ପଡିଯାଇଛନ୍ତି ।
କେରଳରେ ଆରମ୍ଭ ହେଲାଣି କରୋନାର ଗୋଷ୍ଠୀ ସଂକ୍ରମଣ । ପ୍ରଥମ ଥର ପାଇଁ କେରଳରେ ଗୋଷ୍ଠୀ ସଂକ୍ରମଣ ହୋଇଥିବା ରାଜ୍ୟ ସରକାର ମାନିଛନ୍ତି । କେରଳର ଥିରୁଅନନ୍ତପୁରମର ଦୁଇଟି ସ୍ଥାନରେ ଗୋଷ୍ଠୀ ସଂକ୍ରମଣ ଆରମ୍ଭ ହୋଇଥିବା କୁହାଯାଇଛି । ପୁନ୍ଥୁରା ଓ ପୁଲୁଭିଆରେ ଗୋଷ୍ଠୀ ସଂକ୍ରମଣ ହୋଇଛି । ତେଣୁ ଅଧିକ ସତର୍କ ରହିବା ପାଇଁ ଲୋକଙ୍କୁ କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନ ନିବେଦନ କରିଛନ୍ତି ।
ପୁନ୍ଥୁରାରେ ୫୦ ଜଣ ଲୋକଙ୍କର ନମୁନା ପରୀକ୍ଷା କରାଯାଇଥିବା ବେଳେ ସେମାନଙ୍କ ମଧ୍ୟରୁ ୨୬ ଜଣଙ୍କ ରିପୋର୍ଟ ପଜିଟିଭ ଆସିଥିଲା । ସେହିପରି ପୁଲୁଭିଆରେ ୫୭ ନମୁନା ମଧ୍ୟରୁ ୨୮ ଜଣ ସଂକ୍ରମିତ ହୋଇଥିବା ରିପୋର୍ଟ ଆସିଛି । ଗତକାଲି ରାଜ୍ୟରେ ୭୯୧ ସଂକ୍ରମିତ ଚିହ୍ନଟ ହୋଇଥିବା ବେଳେ ଏ ମଧ୍ୟରେ ୫୩୨ ଲୋକାଲ୍ କେସ ରହିଥିଲା ।
କରୋନା ନିୟନ୍ତ୍ରଣ ପାଇଁ ନୂଆ ରଣନୀତି, ଭିତ୍ତିଭୂମି ସଂପ୍ରସାରଣ ଉପରେ ଗୁରୁତ୍ୱ
ଏବେ କେରଳରେ ୨୮୫ଟି ହଟସ୍ପଟ୍ ଚିହ୍ନଟ ହୋଇଛି । ସେପଟେ ଦେଶରେ ଗତ ୨୪ଘଣ୍ଟାରେ ୩୪ହଜାର ୮୮୪ଜଣଙ୍କ କରୋନା ନମୁନା ପରୀକ୍ଷା ରିପୋର୍ଟ ପଜିଟିଭ ଆସିଛି । ୬୭୧ ଜଣଙ୍କ ଜୀବନ ନେଇଛି ଏହି କିଲର ଭାଇରସ । ଏଥିସହ ଦେଶରେ ସଂକ୍ରମିତଙ୍କ ସଂଖ୍ୟା ୧୦ଲକ୍ଷ ୩୮ ହଜାର ପାର୍ କରିଛି । ମୋଟ୍ କରୋନା ମୃତ୍ୟୁସଂଖ୍ୟା ୨୬ହଜାର ଟପିଛି । ଦେଶରେ ଏବେ ୩ଲକ୍ଷ ୫୮ ହଜାର ୬୯୨ ଆକ୍ଟିଭ୍ କେସ ରହିଥିବା ବେଳେ ଚିକିତ୍ସା ପରେ ୬ଲକ୍ଷ ୫୩ ହଜାର ୭୫୧ ଜଣ ସୁସ୍ଥ ହୋଇଛନ୍ତି ।
