ମୁମ୍ବାଇ : ଋଷି କପୁରଙ୍କ ନିଧନରେ ବଲିଉଡ଼କୁ ଲାଗିଛି ବଡ଼ ଝଟକା । ଏନେଇ ମହାନାୟକ ଅମିତାଭ ବଚ୍ଚନ ନିଜ ଟ୍ୱିଟର ଆକାଉଣ୍ଟରେ ସର୍ବପ୍ରଥମେ ଖବର ଦେଇଥିଲେ ।  ଆଜି ସମସ୍ତେ ଏହି ବଡ଼ ଅଭିନେତାଙ୍କୁ ହରାଇ ଭାଙ୍ଗି ପଡ଼ିଛନ୍ତି । ସେ ତାଙ୍କ ଅଭିନୟ ଜରିଆରେ ସମସ୍ତ ହୃଦୟରେ ରାଜ କରି ଆସୁଥିଲେ ।   ଫିଲ୍ମ ମେରା ନାମ୍ ଜୋକର ହେଉ କି ତାଙ୍କ ଡେବ୍ୟୁ ଫିଲ୍ମ ବବି ହେଉ ସବୁଥିରେ ସେ ତାଙ୍କର ଛାପ ଛାଡ଼ିଛନ୍ତି ।

କେବେ ତାଙ୍କ ହସର ଦିୱାନା ଥିବା ବଲିଉଡ଼ ଆଜି ନିସ୍ତବ୍ଦ ।  ୪ ସେପ୍ଟେମ୍ବର ୧୯୫୨ ମସିହାରେ ଜନ୍ମ ଗ୍ରହଣ କରିଥିବା ଏହି ନାୟକ ଯେମିତି କେବଳ ଅଭିନୟ ପାଇଁ ଜନ୍ମ ନେଇଥିଲେ । ଯଦିଓ ତାଙ୍କୁ ବଲିଉଡ଼ ଆସିବାକୁ ଏତେଟା ଷ୍ଟ୍ରଗଲ କରିବାକୁ ପଡ଼ି ନଥିଲା କିନ୍ତୁ ପ୍ରଥମ ଫିଲ୍ମରେ ନେସନାଲ ଆୱାର୍ଡ ପାଇବା କିଛି କମ୍ କଥା ନଥିଲା ।

ତେବେ ଆପଣମାନେ ଭାବୁଥିବେ ମେରା ନାମ ଜୋକର ତାଙ୍କ ପ୍ରଥମ ଚଳଚିତ୍ର ଥିବ  । ଏବଂ ନାୟକ ଭାବେ ପ୍ରଥମ ଡେବ୍ୟୁ ଫଲ୍ମ ବବି କିନ୍ତୁ ତା ପୂର୍ବରୁ ସେ ବଡ଼ ପରଦାରେ ନଜର ଆସି ସାରିଥିଲେ । ସେ ତାଙ୍କ ବାପାଙ୍କ ଫିଲ୍ମ ‘ଶ୍ରୀ ୪୨୦’ର ଏକ ଗୀତରେ ନଜର ଆସି ସାରିଥିଲେ । ଆଜ୍ଞା ହଁ ଋଷି ପ୍ରଥମ ଥର ପାଇଁ କ୍ୟାମେରା ଫେସ୍ କରିଥିଲେ ତାଙ୍କ ବାପାଙ୍କ ଫିଲ୍ମର ଏକ ଗୀତ ‘ପ୍ୟାର ହୁଆ ଏକ ରାର ହୁଆ’  । ଏହି ଗୀତ ସୁଟିଂ ସେଟରେ ଋଷି ଆସି ପହଞ୍ଚି ଥିଲେ ଏବଂ ସେଠାରେ ସେ ଏତେ କାନ୍ଦି ଥିଲେ ଯେ, ଫିଲ୍ମରେ ହିରୋଇନ ଥିବା ନର୍ଗୀସ ଯେତେ ଚକଲେଟ ଦେଇ ବୁଝାଇବାକୁ ଚେଷ୍ଟା କରିଥିଲେ ବି ବୁଝି ନଥିଲେ ଋଷି । ଏବଂ ତାଙ୍କୁ ବୁଝାଇବାକୁ ଯାଇ ସେହି ଗୀତର ଏକ ଛୋଟ ସିନରେ ନିଆଯାଇଥିଲା ।

ଆପଣମାନେ ଦେଖିଥିବେ ବର୍ଷାର ସେହି ଗୀତରେ ୨ଜଣ ଛୋଟ ଛୁଆଙ୍କ ସହ ସେ ଚାଲି ଚାଲି ଆସୁଛନ୍ତି ଋଷି । ତାପରେ ୧୯୭୧ରେ ମେରା ନାମ ଜୋକର ଏବଂ ତାପରେ ବବି ଜରିଆରେ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ ଋଷି । ଋଷିଙ୍କ ନିଧନରେ ବଲିଉଡ଼ର ଏକ ଅପୂରଣୀୟ କ୍ଷତି ।

ମୁମ୍ବାଇ: ଲଗାତାର ଦୁଇ ଦିନ ହେବ ସକାଳେ ବଲିଉଡ ଜଗତରୁ ଦୁଃଖଦ ଖବର ଶୁଣିବାକୁ ମିଳିଛି । ଗତ କାଲି ଇରଫାନ ଖାନଙ୍କ ପରଲୋକ ପରେ ଆଜି ଋଷି କପୁର ଦୁନିଆ ଛାଡି ଚାଲିଯାଇଛନ୍ତି । ଏହି ଖବର ଉଭୟ ବଲିଉଡ ଓ ପ୍ରଶଂସକମାନଙ୍କ ପାଇଁ  ବଡ ଝଟକା ଥିଲା । ଆଜି ବଲିଉଡର ଜଣାଶୁଣା ସେଲିବ୍ରିଟି ତଥା ଡଫଲିବାଲା ଆମ ସମସ୍ତଙ୍କୁ ଅଲବିଦା କହି ବିଦାୟ ନେଇଛନ୍ତି । ଗତ କାଲି ବଲିଉଡର ଅତୁଳନୀୟ ଅଭିନେତା ଇରଫାନଙ୍କର ନିଧନ ହୋଇଥିଲା । କ୍ୟାନସର ରୋଗ ସହିତ ଦୀର୍ଘ ଦିନ ଯୁଦ୍ଧ କରୁଥିବାବେଳେ ଉଭୟ କଳାକାର ଜୀବନର ଯୁଦ୍ଧରେ ହାରି ଯାଇଥିଲେ । ଦୁଇ ଦିନ ମଧ୍ୟରେ ବଲିଉଡର ଦୁଇ ଜଣ ପ୍ରତିଷ୍ଠିତ କଳାକାରଙ୍କୁ ହରାଇଛି । ତେବେ ବଲିଉଡ ପାଇଁ ଏହା ଯେ ଏକ ବଡ କ୍ଷତି ତାହା କହିଲେ କିଛି ଭୁଲ ହେବ ନାହିଁ ।

ଋଷି କପୁର ଜଣେ ଏମିତି ଅଭିନେତା ଥିଲେ ଯିଏ ସବୁବେଳେ ଖୁସିରେ ରହିବା ବିଶ୍ୱାସ ରଖିଥିଲେ । ଋଷି କପୁର ୧୯୫୨ ମସିହା ସେପ୍‌ଟେମ୍ବର ୪ ତାରିଖରେ ଜନ୍ମ ହୋଇଥିଲେ । ମାତ୍ର ୩ ବର୍ଷ ବୟସରେ ସେ ଅଭିନୟ ଜଗତରେ ପାଦ ଦେଇଥିଲେ । ୩ ବର୍ଷ ବୟସରେ ତାଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । ୧୯୫୫ ମସିହାରେ ଶିଶୁ କଳାକାର ଭାବେ ସେ ତାଙ୍କ ବାପା ରାଜ କପୁରଙ୍କ ଫଲ୍ମ ଶ୍ରୀ-୪୨୦ରେ ଅଭିନୟ ଆରମ୍ଭ କରିଥିଲେ । ଶିଶୁ କଳାକାର ଭାବେ ସେ ‘ମେରା ନାମ୍‌ ଜୋକର’ରେ ୧୯୭୦ ମସିହାରେ ଅଭିନୟ କରିଥିଲେ । ଏହି ଫିଲ୍ମ ପାଇଁ ତାଙ୍କୁ ଜାତୀୟ ଚଳଚ୍ଚିତ୍ର ପୁରସ୍କାର ମଧ୍ୟ ମିଳିଥିଲା । ୧୯୭୩ ମସିହାରେ ଋଷି କପୁର ମୁଖ୍ୟ ଭୂମିକାରେ ଫିଲ୍ମ ‘ବବି’ରେ ଅଭିନୟ କରିଥିଲେ। ଏହି ଫିଲ୍ମ ପାଇଁ ସେ ଫିଲ୍ମ ଫେୟାର ବେଷ୍ଟ ଆକ୍ଟର ପୁରସ୍କାର ପାଇଥିଲେ । ଏହାପରଠୁ ସେ କେବେ ଆଉ ପଛକୁ ଫେରି ଦେଖିନଥିଲେ ।  ଜାରି ରହିଥିଲା ତାଙ୍କ ଅଭିନୟର ଯାତ୍ରା ।  ତାଙ୍କ ଅଭିନୀତ ଶେଷ ଫିଲ୍ମ ହେଉଛି ‘ଶର୍ମାଜୀ ନମକିନ’ । ଯାହାକି  ଏବେ ନିର୍ମାଣାଧୀନ ଅଛି । ଅନେକ ଲୋକପ୍ରିୟ ଫିଲ୍ମରେ ଅଭିନୟ କରିବା ସହିତ ସେ ଅନେକ ପୁରସ୍କାର ଓ ସମ୍ମାନର ଅଧିକାରୀ ଥିଲେ । ୬୭ ବର୍ଷ ବୟସରେ ସେ ଆଖି ବୁଜିଛନ୍ତି । ଯେଉଁଥିପାଇଁ ସମଗ୍ର ଦେଶ ଏବେ ଶୋକ ପାଳୁଛି ।

ଠିକ ସେହିଭଳି ଗତ କାଲି ଲିଜେଣ୍ଡାରି ଆକ୍ଟର ଇରଫାନ ଖାନଙ୍କ ଦେହାନ୍ତ ହୋଇଥିଲା । ୧୯୬୭ ମସିହା ଜାନୁଆରୀ ମାସ ୭ ତାରିଖ ରାଜସ୍ଥାନରେ ଜନ୍ମ ହୋଇଥିଲେ ଇର୍‌ଫାନ୍‌ । ଦିଲ୍ଲୀ ସ୍କୁଲ ଅଫ୍‌ ଡ୍ରାମାରୁ ଶିକ୍ଷାଗ୍ରହଣ ପରେ ୮୦ ଦଶକରେ ସେ ମୁମ୍ବାଇ ଆସିଥିଲେ । ‘ଚାଣକ୍ୟ’, ‘ବନେଗୀ ଆପ୍‌କୀ ବାତ୍‌’, ‘ଭାରତ ଏକ୍‌ ଖୋଜ୍‌’, ‘ଚନ୍ଦ୍ରକାନ୍ତା’ ଭଳି ‘ ଟିଭି ଧାରାବାହିକରୁ ଇର୍‌ଫାନ୍‌ ଖାନ୍‌ଙ୍କ ଅଭିନୟ ଜୀବନ ଆରମ୍ଭ ହୋଇଥିଲା । ତେବେ ୧୯୮୮ ମସିହାରେ ସେ ମୀରା ନାୟାରଙ୍କ ସଲାମ୍ ବମ୍ବେ ରେ ଅଭିନୟ କରି ତାଙ୍କ କ୍ୟାରିୟର ଆରମ୍ଭ କରିଥିଲେ । ତା’ପରେ ଦର୍ଶକଙ୍କୁ ସେ ଗୋଟେ ପରେ ଗୋଟେ ଗୋଟିଏ ପରେ ଗୋଟିଏ ଐତିହାସିକ ଫିଲ୍ମ ଭେଟି ଦେଇଥିଲେ । “ହାସିଲ”, ‘ମକ୍‌ବୁଲ’, ‘ପିକୁ’ରେ ଅଭିନୟ ପାଇଁ ପ୍ରଶଂସା ସାଉଁଟିଥିବା ଇରଫାନ୍‌ ‘ପାନ୍‌ ସିଂ ତୋମର’ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ପାଇଥିଲେ । ଏହାଛଡ଼ା ‘ସ୍ଲମ୍‌ ଡଗ ମିଲୋନେୟାର’, ‘ଲାଇଫ୍‌ ଅଫ୍‌ ପାଇ’ରେ ତାଙ୍କ ଅଭିନୟକୁ ବେଶ୍‌ ପ୍ରଶଂସା ମିଳିଥିଲା। ୫୪ ବର୍ଷ ବୟସରେ ସେ ଦୁନିଆକୁ ଅଲବିଦା କହିଥିଲେ ।

ମୁମ୍ବାଇ: ବର୍ଷିଆନ ଅଭିନେତା ଋଷି କପୁରଙ୍କ ସାର୍ ଏଚ୍ ଏନ୍ ହସ୍ପିଟାଲରେ ରିଲାଏନ୍ସ ଫାଉଣ୍ଡେସନରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଦୀର୍ଘ ଦିନ ଧରି ଋଷି କପୁର କର୍କଟ ରୋଗରେ ଚିକିତ୍ସିତ ହେଉଥିଲେ । କପୁରଙ୍କ ଜନ୍ମ ୪ ସେପ୍ଟେମ୍ବର ୧୯୫୨ ମସିହାରେ ହୋଇଥିଲା । ସେ ଏକାଧାରାରେ ଜଣେ ଅଭିନେତା, ଚଳଚ୍ଚିତ୍ର ନିର୍ମାତା ଏବଂ ନିର୍ଦ୍ଦେଶକ ମଧ୍ୟ ଥିଲେ ।

ଋଷି କପୁର ମୁମ୍ୱାଇରେ ଏକ ପଂଜାବୀ ହିନ୍ଦୁ ପରିବାରରେ ଜନ୍ମଗ୍ରହଣ କରିଥିଲେ । ସେ ଅଭିନେତା ତଥା ଚଳଚ୍ଚିତ୍ର ନିର୍ଦ୍ଦେଶକ ରାଜ କପୁରଙ୍କ ଦ୍ୱିତୀୟ ପୁତ୍ର ଏବଂ ଅଭିନେତା ପୃଥ୍ୱୀରାଜ କପୁରଙ୍କ ନାତି ଥିଲେ । ସେ ତାଙ୍କ ଭାଇମାନଙ୍କ ସହିତ କ୍ୟାମ୍ପିୟନ୍ ସ୍କୁଲ୍, ମୁମ୍ବାଇ ଏବଂ ମେୟୋ କଲେଜ୍, ନିଜ ସ୍କୁଲ ଜୀବନ ଶେଷ କରିଥିଲେ । ତାଙ୍କ ଭାଇ ରାଣଧୀର କପୁର ଏବଂ ରାଜୀବ କପୁର, ମାମୁଁ, ପ୍ରେମ ନାଥ ଏବଂ ରାଜେନ୍ଦ୍ର ନାଥ, ଜେଜେ ଶଶି କପୁର ଏବଂ ଶାମି କପୁର ସମସ୍ତେ ଅଭିନେତା ଥିଲେ । ତାଙ୍କର ଦୁଇ ଭଉଣୀ ହେଉଛନ୍ତି  ରିତୁ ନନ୍ଦା ଏବଂ ରିମା  ।

ଋଷି କପୁର ଶିଶୁ କଳାକାର ଭାବରେ ନିଜର କ୍ୟାରିୟର୍ ଆରମ୍ଭ କରିଥିଲେ । ସେ ତାଙ୍କ ଡେବ୍ୟୁ ଫିଲ୍ମ ବବି ପାଇଁ ଫିଲ୍ମଫେୟାର ପୁରସ୍କାର ଏବଂ ୨୦୦୮ରେ ଫିଲ୍ମଫେୟାର ଲାଇଫ ଟାଇମ ଆଚିଭମେଣ୍ଟ ଆୱାର୍ଡ ସହିତ ଅନ୍ୟାନ୍ୟ ପୁରସ୍କାରରେ ସମ୍ମାନିତ ହୋଇଛନ୍ତି । ସେ ତାଙ୍କର ପ୍ରଥମ ଚଳଚ୍ଚିତ୍ର ମେରା ନାମ ଜୋକରରେ ତାଙ୍କର ଚମତ୍କାର ଭୂମିକା ପାଇଁ ୧୯୭୧ ରେ ଜାତୀୟ ଚଳଚ୍ଚିତ୍ର ପୁରସ୍କାର ଗ୍ରହଣ କରିଥିଲେ ।

ପରିବାର ଧାରାକୁ ଅନୁସରଣ କରି ସେ ଚଳଚ୍ଚିତ୍ରରେ ଅଭିନୟ କରିଥିଲେ । ତାଙ୍କ ଜେଜେବାପା ଏବଂ ପିତାଙ୍କ ପାଇଁ  ପଦାଙ୍କ ଅନୁସରଣ କରି  ଋଷି ଜଣେ ସଫଳ ଅଭିନେତା ଭାବରେ ଉଭା ହୋଇଥିଲେ । ମେରା ନାମ ଜୋକର ଥିଲା ତାଙ୍କର ପ୍ରଥମ ଚଳଚ୍ଚିତ୍ର ଯେଉଁଥିରେ ସେ ତାଙ୍କ ପିତାଙ୍କ ପିଲାଦିନର ଚରତ୍ରରେ ଅଭିନୟ କରିଥିଲେ । ଯିଏ କି ତାଙ୍କ କିଶୋର ଅବସ୍ଥାରେ ନିଜ ଶିକ୍ଷକଙ୍କୁ ଭଲ ପାଇବା ଆରମ୍ଭ କରେ । କିନ୍ତୁ ବବି ଫିଲ୍ମରେ ସେ ମୁଖ୍ୟ ଭୂମିକାରେ ଅଭିନୟ କରିଥିଲେ। ୨୨ ଜାନୁଆରୀ ୧୯୮୦ ରେ ଋଷି କପୁର ଏବଂ ନୀତୁ ସିଂ ବିବାହ କରିଥିଲେ।

ସେମାନଙ୍କର ଦୁଇଟି ସନ୍ତାନ ଅଛନ୍ତି, ରଣବୀର କପୁର ଯିଏ ଜଣେ ଅଭିନେତା ଏବଂ ରିଦ୍ଦିମା କପୁର ଯିଏ ଡ୍ରେସ ଡିଜାଇନର ବେଶ ପ୍ରସିଦ୍ଧ । କରିସ୍ମା କପୁର ଏବଂ କରୀନା କପୁର ତାଙ୍କର ଝିଆରି ।

ମୁମ୍ବାଇ: ବଲିଉଡ଼ରେ ଲାଗିଛି ନଜର । ଗତକାଲି ଇରଫାନ ଖାନ୍ ଆଉ ଆଜି ଋଷି କପୁର ଦୁନିଆରୁ ନେଇଛନ୍ତି ବିଦାୟ । ମୁମ୍ବାଇର ଏକ ଘରୋଇ ହସ୍ପିଟାଲରେ ୬୭ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି ।

ବଲିଉଡର ବରିଷ୍ଠ ଅଭିନେତା ଋଷି କପୁର କର୍କଟ ରୋଗ ସହିତ ଦୀର୍ଘ ଦିନର ଯୁଦ୍ଧ ପରେ ଆଜି ଜୀବନର ଯୁଦ୍ଧରେ ହାରିଯାଇଛନ୍ତି । ସ୍ୱାସ୍ଥ୍ୟ ଖରାପ ହେତୁ ଋଷି କପୁରଙ୍କୁ କିଛି ଦିନ ପୂର୍ବରୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଋଷି କପୁରଙ୍କ ଦେହାନ୍ତର ଖବର ପ୍ରଥମେ ମେଗାଷ୍ଟାର ଅମିତାଭ ବଚ୍ଚନ ନିଜ ଟ୍ୱିଟର ଆକାଉଣ୍ଟରେ ଦେଇଥଲେ । ସେ ଟ୍ୱିଟ୍ କରି ଲେଖିଛନ୍ତି, ‘ସେ ଚାଲିଗଲେ, ଋଷି କପୁର ଚାଲିଗଲେ, ମୁଁ ଏବେ ଭିତରୁ ଭାଙ୍ଗି ପଡ଼ିଛି ।’

ସୂଚନାନୁସାରେ, କର୍କଟ ରୋଗର ଜଟିଳତା ହେତୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ତାଙ୍କୁ ପ୍ରାୟ ଏକ ସପ୍ତାହ ଧରି ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସୂଚନା ଅନୁସାରେ, ଚିକିତ୍ସା ସମୟରେ ତାଙ୍କୁ ଭେଣ୍ଟିଲେଟରରେ ମଧ୍ୟ ଅନେକ ଥର ରଖାଯାଇଥିଲା।

ଆପଣଙ୍କୁ କହି ରଖୁଛୁ ଯେ, ସେପ୍ଟେମ୍ବର ୨୦୧୮ ରେ ଋଷି କପୁର ତାଙ୍କ କର୍କଟ ରୋଗ ବିଷୟରେ ଜାଣିଥିଲେ ଏବଂ ଏନେଇ ସେ ଚିକିତ୍ସା ପାଇଁ ଆମେରିକା ଯାଇଥିଲେ । ଏହା ପରେ, ଅକ୍ଟୋବର ୩, ୨୦୧୮ରେ ଋଷି କପୁରଙ୍କ କର୍କଟ ରୋଗ ହୋଇଥିବା ଜଣାପଡ଼ିଥିଲା, ଯାହା ଗଣମାଧ୍ୟମ ସହ କଥାବାର୍ତ୍ତା ବେଳେ ତାଙ୍କ ଭାଇ ରଣଧିର କପୁରଙ୍କଠାରୁ ଜଣା ପଡ଼ିଥିଲା । ସେବେଠାରୁ ସେ କ୍ରମାଗତ ଭାବରେ କର୍କଟ ରୋଗରେ ଚିକିତ୍ସିତ ହେଉଥିଲେ । ଋଷି କପୁର ଆମେରିକାର କର୍କଟ ଡାକ୍ତରଖାନାରେ ୧୧ ମାସ ୧୧ ଦିନ ବିତାଇଲେ।