କେରଳ: କେରଳର କିଛି ଦୁର୍ଦ୍ଦାନ୍ତ ବ୍ୟକ୍ତି ଏକ ସପୁରୀରେ ବିସ୍ଫୋରକ ଭର୍ତ୍ତି କରି ଏକ ଗର୍ଭବତୀ ହାତୀକୁ ଖାଇବାକୁ ଦେଇଥିବା ଘଟଣା ଏବେ ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି । ଘଟଣାରେ ଗର୍ଭବତୀ ହାତୀଟିର ମୃତ୍ୟୁ ଘଟିଥିଲା।  ସୋସିଆଲ ମିଡିଆରେ ଏହି ମାମଲା ପ୍ରାଧାନ୍ୟ ବିସ୍ତାର କରିଛି । ଲୋକମାନେ ମାନବିକତା ଉପରେ ପ୍ରଶ୍ନ କରୁଛନ୍ତି। ଏଥି ସହିତ, ସେମାନେ ଏହି ଅମାନୁଷିକ କାର୍ଯ୍ୟ କରିଥିବା ସେହି ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରୁଛନ୍ତି ।

ଏଭଳି ସମୟରେ ଆଉ ଏକ ହାତୀର ସୁନ୍ଦର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଭିଡିଓରେ ଜଣେ ବ୍ୟକ୍ତି ନଦୀରେ ଭାସି ଯାଉଥିବାବେଳେ ଏକ ଶିଶୁ ହାତୀ ନଦୀରେ ପହଁରୀ ବ୍ୟକ୍ତିଟିକୁ ଉଦ୍ଧାର କରୁଥିବା ଭଳି ଦୃଶ୍ୟ ରହିଛି ।

https://twitter.com/AnimalsWorId/status/1268071129341661186

ଏହି ସୁନ୍ଦର ଭିଡିଓ @AnimalWorld ନାମକ ଜଣେ ଟ୍ୱିଟର ୟୁଜର୍ସଙ୍କ ଦ୍ୱାରା ସେୟାର କରାଯାଇଥିଲା । ସେ କ୍ୟାପସନରେ ଲେଖିଛନ୍ତି ଯେ, ‘ଏହି ଶିଶୁ ହାତୀଟି ଭାବିଲା ନଦାରେ କେହି ଜଣେ ବୁଡ଼ିଯାଉଛନ୍ତି, ତେଣୁ ତାକୁ ଉଦ୍ଧାର କରିବା ପାଇଁ ସେ ନଦୀ ଭିତରକୁ ଆସିଲା, ବାସ୍ତବରେ ଆମେ ଏସବୁର ଯୋଗ୍ୟ ନୁହନ୍ତି । ‘

କୋଚ୍ଚି: କେରଳର ମଲପ୍ପୁରମରେ ଜଣେ ଗର୍ଭବତୀ ହାତୀର ମୃତ୍ୟୁକୁ ନେଇ ସାରା ଦେଶରେ ଏହି ଘଟଣାକୁ ନିନ୍ଦା କରାଯାଇଛି । ଏହି ଅମାନବୀୟ ଘଟଣାରେ, କିଛି ଦୁର୍ବୃତ୍ତ ସପୁରୀରେ ବାରୁଦ ପୁରାଇ ଏକ ଗର୍ଭବତୀ ହାତୀକୁ ଖାଇବାକୁ ଦେଇଥିଲେ, ଯାହା ଦ୍ୱାରା ହାତୀଟି ଗୁରୁତର ଆହତ ହୋଇଥିଲା । ଆହତ ହାତୀ ଏତେ ଯନ୍ତ୍ରଣା ଭୋଗୁଥିଲା ଯେ ସେ ତିନି ଦିନ ପର୍ଯ୍ୟନ୍ତ କିଛି ଖାଇ ପିଇ ପାରିନଥିଲେ ଏବଂ ନିରନ୍ତର ପାଣିରେ ଠିଆ ହୋଇଥିଲେ। ଶେଷରେ ସେ ପ୍ରାଣତ୍ୟାଗ କରିଥିଲା । ତେବେ ହାତୀଟି ସହିତ ଏଭଳି ଅମାନବୀୟ ଘଟଣା କରିଥିବା ଲୋକଙ୍କ ପରିଚୟ ଯେଉଁମାନେ ଦେବେ ତାଙ୍କୁ ପୁରସ୍କାର ଦିଆଯିବ ବୋଲି ଘୋଷଣା କରାଯାଇଛି ।

ବନ୍ୟପ୍ରାଣୀ ଏସଓଏସ ଏନଜିଓ ଅପରାଧୀଙ୍କ ସୂଚନା ଦେବା ବ୍ୟକ୍ତିଙ୍କୁ ଏକ ଲକ୍ଷ ଟଙ୍କା ପୁରସ୍କାର ରାଶି ଦେବାକୁ ଘୋଷଣା କରିଛନ୍ତି । ଅନ୍ୟପକ୍ଷରେ ହ୍ୟୁମାନ ସୋସାଇଟି ଇଣ୍ଟରନ୍ୟାସନାଲ / ଭାରତ ୫୦ ହଜାର ଟଙ୍କା ପୁରସ୍କାର ଘୋଷଣା କରିଛି ।

Wildlife SOS strongly condemns the illegal practice of placing explosives in fruits and food material that explodes in the mouths of wild animals, maiming and killing them. It is deplorable that the pregnant wild elephant in Kerala died from such a fate. pic.twitter.com/E0pUy2CPl4

— Wildlife SOS (@WildlifeSOS) June 3, 2020

ୱାଇଲ୍ଡ ଲାଇଫ୍ ଏସଓଏସ କହିଛି ଯେ ହାତୀଟିକୁ ବାରୁଦ ମିଶା ସପୁରୀ ଦେଇଥିବା ବ୍ୟକ୍ତିର ପରିଚୟ ଯେଉଁମାନେ ଦେବେ ତାଙ୍କୁ ଏକ ଲକ୍ଷ ଟଙ୍କା ପୁରସ୍କାର ପ୍ରଦାନ କରାଯିବ। ସଂଗଠନ କହିଛି ଯେ ଲୋକମାନେ ହାତୀ ହଟଲାଇନ- ୯୯୭୧୬୯୯୭୨୭ କିମ୍ବା [email protected] ରେ ଇମେଲ କରିପାରିବେ।

‘ଗୁପ୍ତ ରଖାଯିବ ସୂଚନା ପ୍ରଦାନକାରୀଙ୍କ ପରିଚୟ’

ହ୍ୟୁମାନ ସୋସାଇଟି ଇଣ୍ଟରନ୍ୟାସନାଲ ସଂଗଠନର ଅଭିଯାନ ପରିଚାଳକ ସୁମନ୍ତ ବିନ୍ଦୁମାଧବ କହିଛନ୍ତି ଯେ ଏହି ଘଟଣାରେ ଅପରାଧୀଙ୍କ ବିଷୟରେ ସୂଚନା ପ୍ରଦାନ କରୁଥିବା ବ୍ୟକ୍ତିଙ୍କୁ ଆମେ ଉତ୍ସାହିତ କରିବୁ। ତାଙ୍କୁ ୫୦ ହଜାର ଟଙ୍କା ପୁରସ୍କାର ଦିଆଯିବ ଏବଂ ସୂଚନା ପ୍ରଦାନକାରୀଙ୍କ ପରିଚୟ ଗୁପ୍ତ ରଖାଯିବ । ଏହି ଘଟଣାରେ ଦୋଷୀଙ୍କୁ କଠୋର ଦଣ୍ଡ ମିଳିବ, ଯାହାଫଳରେ ସମାଜକୁ ଏକ ଦୃଢ଼ ବାର୍ତ୍ତା ପଠାଯିବ ଏବଂ ଆଉ କେହି ଏପରି କାର୍ଯ୍ୟ କରିବେ ନାହିଁ ବୋଲି ଆଶା ପ୍ରକାଶ କରିଛନ୍ତି ଅଭିଯାନ ପରିଚାଳକ ସୁମନ୍ତ ବିନ୍ଦୁମାଧବ ।