କେରଳ: କେରଳରେ ଗର୍ଭବତୀ ହାତୀକୁ ସପୁରୀରେ ବାରୁଦ ପୁରାଇ ଦେବା ମାମଲାରେ ଭାରତୀୟ ଜନତା ପାର୍ଟୀର ସାଂସଦ ମେନକା ଗାନ୍ଧୀ କେରଳର ଜଙ୍ଗଲ ସଚିବଙ୍କୁ  ହଟାଇବାକୁ ଦାବି କରିଛନ୍ତି । ଏହା ସହିତ ସେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କର ଏ ନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ନେଇ ପ୍ରଶ୍ନ ଉଠାଇଛନ୍ତି ।

କେରଳର ମାଲାପୁରମରେ ଘଟିଥିବା ଏହି ଘଟଣା ସମ୍ପର୍କରେ ମେନକା ଗାନ୍ଧୀ କହିଛନ୍ତି ଯେ, ‘ଜଙ୍ଗଲ ସଚିବଙ୍କୁ ହଟାଇବା ଉଚିତ୍ । ବନ୍ୟଜନ୍ତୁ ସଂରକ୍ଷଣ ପାଇଁ ନିଯୁକ୍ତ ମନ୍ତ୍ରୀ ମଧ୍ୟ ଇସ୍ତଫା ଦେବା ଉଚିତ୍ । ରାହୁଲ ଗାନ୍ଧୀ କେରଳର ୱାୟାନାଡର ଜଣେ ସାଂସଦ, କିନ୍ତୁ ସେ କାହିଁକି କିଛି କାର୍ଯ୍ୟାନୁଷ୍ଠାନ ଗ୍ରହଣ କଲେ ନାହିଁ ?

ମେନକା ଗାନ୍ଧୀ କହିଛନ୍ତି, ‘ବର୍ତ୍ତମାନ କଣ କରିବା ଉଚିତ, ରାହୁଲ ଗାନ୍ଧୀ ତ କିଛି ବୁଝି ପାରନ୍ତି ନାହିଁ । ସୁଲତାନପୁର ହେଉ କିମ୍ବା ପିଲିଭିତ କୌଣସି ସ୍ଥାନରେ ଜୀବଜନ୍ତୁ ମୃତ୍ୟୁ ବରଣ କଲେ ଆମେ ସଙ୍ଗେ ସଙ୍ଗେ ପଦକ୍ଷେପ ନେଉ ।

ଜଣାଇ ରଖୁଛୁ ଯେ ଉତ୍ତର କେରଳର ମଲ୍ଲପୁରମ୍ ଜିଲ୍ଲାରୁ ମନୁଷ୍ୟ ଜାତିକୁ ଲଜ୍ଜିତ କରିବା ଭଳି ଏହି ଘଟଣା ସାମ୍ନାକୁ ଆସିଥିଲା । ଏଠାରେ କିଛି ଲୋକ ମିଳିତ ଭାବେ ଏକ ସପୁରୀରେ ବିସ୍ଫୋରକ ଭର୍ତ୍ତି କରି ଗୋଟିଏ ଗର୍ଭବତୀ ହାତୀକୁ ଖୁଆଇ ଦେଇଥିଲେ । ଯାହାଫଳରେ ହାତୀର ଅବସ୍ଥା ଗୁରୁତର ହୋଇପଡ଼ିଥିଲା । ଆଉ ତାହା ଏତେ ଭୟଙ୍କର ହୋଇଥିଲା ଯେ, ହାତୀଟି ଏକ ନଦୀ ଭିତରେ ଯାଇ ଠିଆ ହୋଇଥିଲା, ପରେ ସେଠାରେ ସେ ମୃତ୍ୟୁ ବରଣ କରିଥିଲା । ଗୁରୁବାର ଦିନ ଏଭଳି ଘଟଣା ଘଟିଥିଲା । ଏହି ବିସ୍ଫୋରଣରେ ହାତୀଟି ଗୁୁରୁତର ହେବା ପରେ ଶନିବାର ତାର ମୃତ୍ୟୁ ଘଟିଥିଲା । ପଶୁମାନେ ମଣିଷକୁ ଖୁବ୍ ଶୀଘ୍ର ବିଶ୍ୱାସ କରିନିଅନ୍ତି । ହେଲେ ଜୀବଜନ୍ତୁଙ୍କ ସହିତ ମଣିଷରଏଭଳି ବ୍ୟବହାର ତଙ୍କ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।

#WATCH Forest Secretary should be removed, the minister (for wildlife protection), if he has any sense, should resign. Rahul Gandhi is from that area, why has he not taken action? : Maneka Gandhi on elephant's death in Malappuram, Kerala after being fed cracker-stuffed pineapple pic.twitter.com/DmRYa6lq36

— ANI (@ANI) June 3, 2020

ବନ ବିଭାଗର ଅଧିକାରୀଙ୍କ ସୂଚନା ଅନୁଯାୟୀ, ହାତୀର ବୟସ ୧୪ରୁ ୧୫ ହେବ । ସଠିକ୍‌ ସମୟରେ ହାତୀକୁ ଚିକିତ୍ସା ମିଳିପାରି ନ ଥିଲା ତେଣୁ ସେ ମୃତ୍ୟୁ ବରଣ କରିଥିଲା । ବନ ବିଭାଗ ପାଖରେ ଖବର ପହଞ୍ଚିବା ବେଳକୁ ବିଳମ୍ବ ହୋଇଯାଇଥିଲା । ବନ ବିଭାଗ ଖବର ପାଇ ଘଟଣାସ୍ଥଳରେ ପହଞ୍ଚି ହାତୀକୁ ପ୍ରଥମେ ଉଦ୍ଧାର କରିବା ପାଇଁ ଚେଷ୍ଟା କରିଥିଲା । ହେଲେ ସେ ପାଣି ଭିତରୁ ବାହାରି ନ ଥିଲା । ଏଭଳି ଅବସ୍ଥାରେ ରହି ଶେଷରେ ତାର ମୃତ୍ୟୁ ହୋଇଥିଲା ।

ଦ୍ୱିତୀୟ ବିଶ୍ୱଯୁଦ୍ଧ (WW2) ସମୟରେ ହିଟଲର ନାଜି ସେନା ବହୁ ଲୁଟପାଟ କରିଥିଲା । ବର୍ତ୍ତମାନ ଜଣେ ନାଜି କମାଣ୍ଡରଙ୍କ ଡାଏରୀରେ ଜର୍ମାନ ସେନା ଦ୍ୱାରା ଲୁଟ୍ ହୋଇଥିବା ଧନସମ୍ପଦର ପତ୍ତା ମିଳିଛି । ଏହି ଭଣ୍ଡାରଗୁଡ଼ିକରେ ପ୍ରାୟ ୩୦ ଟନ୍ ଅର୍ଥାତ୍ ୩୦ ହଜାର କିଲୋଗ୍ରାମ ସୁନା, ମହଙ୍ଗା ଓ ଅମୂଲ୍ୟ କଳାକୃତି ଆଦି ଅନ୍ତର୍ଭୁକ୍ତ ରହିଛି । ଏହି ଭଣ୍ଡାର ବିଷୟରେ ଡାଏରୀରେ ଲେଖାଯାଇଛି । ଯେଉଁଥିରେ କୁହାଯାଇଛି ଯେ ଏହି ଧନଗୁଡିକ ୧୧ଟି ବିଭିନ୍ନ ସ୍ଥାନରେ ରଖାଯାଇଛି ।

୭୫ ବର୍ଷ ପୂର୍ବେ, ନାଜି କମାଣ୍ଡର ହେନିରଚ୍ ହିମଲର୍ ଏହି ସମସ୍ତ ଧନକୁ ବିଭିନ୍ନ ସ୍ଥାନରେ ଲୁଚାଇ ରଖିଥିଲେ । ବର୍ତ୍ତମାନ ତାଙ୍କ ଡାଏରୀରୁ ଏହି ସ୍ଥାନଗୁଡିକ ବିଷୟରେ ସୂଚନା ମିଳିଛି । ଏହି ଖବର ପୋଲାଣ୍ଡର ନ୍ୟୁଜ୍ ୱେବସାଇଟ୍ ଦି ଫାର୍ଷ୍ଟ ନ୍ୟୁଜ୍ ଦ୍ୱାରା ପ୍ରକାଶିତ ହୋଇଥିଲା । କୁହାଯାଏ ଯେ ଏହି ସୁନା ପୋଲାଣ୍ଡର ଏକ ସହର ବ୍ରେସଲାଉ (ବର୍ତ୍ତମାନ ରୋକ୍ଲା) ରୁ ଅଣାଯାଇଥିଲା  । ଆଜିର ଦିନରେ ଯଦି ଆମେ ଏହି ସୁନା ମୂଲ୍ୟ ଦେଖିବା, ତେବେ ଏହା ପ୍ରାୟ ୧୪ ଲକ୍ଷ କୋଟି ହେବ ।

ଦ୍ୱିତୀୟ ବିଶ୍ୱଯୁଦ୍ଧର ଅନେକ ଦଶନ୍ଧି ପର୍ଯ୍ୟନ୍ତ ଏହି ଡାଏରୀ ବିଷୟରେ ଉଲ୍ଲେଖ କରାଯାଇ ନାହିଁ । କାରଣ ଏହାକୁ ଗୁପ୍ତରେ ରଖାଯାଇଥିଲା । ଏହା ଜର୍ମାନୀର କୁଏଡଲିନବର୍ଗ ସହରରେ ଲୁଚାଇ ରଖାଯାଇଥିଲା । ଏହାକୁ ଏକ ମେସନିକ୍ ଲଜରେ ସମ୍ଭାଳି ରଖାଯାଇଥିଲା । ମାସୋନିକ୍ ଲଜ୍ ଏଠାରେ ହଜାର ବର୍ଷ ଧରି ରହିଛି ।

ଦ୍ୱିତୀୟ ବିଶ୍ୱଯୁଦ୍ଧ ସମୟରେ ନାଜି କମାଣ୍ଡର ହିମଲର ଏଠାକୁ ଯିବା ଆସିବା କରୁଥିଲେ । ସେ ହିଁ ଏହାକୁ ଏଠାରେ ଲୁଚାଇ ରଖିଥିଲେ। କିନ୍ତୁ ୨୦୧୯ରେ ଲଜ୍ ଏହି ଡାଏରୀକୁ ପୋଲାଣ୍ଡ ଫାଉଣ୍ଡେସନ୍ ସିଲିସିଆନ୍ ବ୍ରିଜ୍ କୁ ଦେଇଥିଲା ।

ସିଲେସିୟନ ବ୍ରିଜର ପ୍ରତିନିଧି ରୋମାନ୍ ଫର୍ମାନିକ୍ ରୋମେନ ଗତ ବର୍ଷ ମାର୍ଚ୍ଚରେ ଘୋଷଣା କରିଥିଲେ ଯେ ତାଙ୍କୁ ତାଙ୍କ ଜର୍ମାନ ସାଥୀଠାରୁ ଯୁଦ୍ଧ ପାଇଁ କ୍ଷମା ମାଗିବା ଉପରେ ଏକ ଡାଏରୀ ମିଳିଛି । ଯେଉଁଥିରେ ଅନେକ ଧନସମ୍ପତ୍ତି ବିଷୟରେ ଉଲ୍ଲେଖ କରାଯାଇଛି । ସେଥିରେ ରୋଜାଟୋକା ପ୍ୟାଲେସରେ ସୁନା ଲୁଚି ରହିଥିବା ସ୍ଥାନର ଏକ ମାନଚିତ୍ର ମଧ୍ୟ ଅଛି ।

ରୋଜଟୋକା ପ୍ୟାଲେସ୍ ଲୋୟର ସିଲେସିଆ ଅଞ୍ଚଳରେ ରହିଛି । ଏହି ଅଞ୍ଚଳରେ, ପୋଲାଣ୍ଡର ସୈନିକମାନେ ଜର୍ମାନୀର ନାଜି ସେନାକୁ କଡା ଟକ୍କର ଦେଇଥିଲେ । କିନ୍ତୁ  ସେମାନଙ୍କୁ ଅଧିକ ସମୟ ଧରି ଅଟକାଇ ପାରିନଥିଲେ । ପରେ ନାଜି ସେନା ସେହି ଅଂଚଳରେ ଲୁଟପାଟ୍ କରିଥିଲେ ।

ଜର୍ମାନୀର ନାଜି ସୈନ୍ୟମାନେ ଲୋୟର ପୁରୁଣା କଳାକୃତି, ଅଳଙ୍କାର, ସୁନା-ରତ୍ନ ଇତ୍ୟାଦି ସିଲେସିୟାର ଗୁମ୍ଫା, କୂଅ ଏବଂ ସୁଡଙ୍ଗରେ ଲୁଚାଇ ରଖିଥିଲେ । ଏହା ବ୍ୟତୀତ ଦୁର୍ଗ ଏବଂ ମହଲରେ ସୁନା-ରତ୍ନକୁ ମଧ୍ୟ ଲୁଚାଇ ରଖାଯାଇଥିଲା ।

ଜର୍ମାନ ସୈନ୍ୟମାନେ ଇହୁଦି , ସଂଗ୍ରହାଳୟ ଏବଂ ବ୍ୟକ୍ତିଗତ ସଂଗ୍ରହକାରୀଙ୍କଠାରୁ ପ୍ରାୟ ୫୦ଲକ୍ଷ ୟୁରୋପୀୟ କଳାକୃତି ଲୁଟି ନେଇଥିଲେ ।  ।