ମହାରାଷ୍ଟ୍ର: ଦେଶରେ କରୋନାର ପ୍ରଭାବ ବଢ଼ିବାରେ ଲାଗିଛି । ଆଉ ଏଥିପାଇଁ ସାରା ଦେଶକୁ ଲକଡାଉନ କରାଯାଇଛି । ସମସ୍ତେ ଏବେ ଘରେ ତାଲା ପଡ଼ି ରହିଛନ୍ତି । ଏହି ସମୟରେ ଘରେ କିଏ କେତେ କଣ କରୁଛନ୍ତି । କିଏ ନେଟରୁ ଦେଖି ଡାଲଗୋନା କଫି କଲାଣିତ ଆଉ କିଏ ଫେସବୁକରେ ଅନ୍ତାକ୍ଷରୀ ଖେଳିଲାଣି । ନିଜ ନିଜ ବିରକ୍ତି ପଣକୁ ହାଲକା କରିବା ପାଇଁ କିଏ କେତେ କଣ ଉପାୟ ଆପଣେଇଛନ୍ତି । କିନ୍ତୁ ଏହାରି ଭିତରେ ଗୋଟିଏ ପରିପାର କିଛି ଏମିତି କରିଛନ୍ତି ଯାହା ଆପଣ ଶୁଣିଲେ ଆଶ୍ଚର୍ଯ୍ୟ ହୋଇଯିବେ । ଲକଡାଉନ ସମୟରେ ୨୫ ଫୁଟର କୂଅ ଖୋଳିଛନ୍ତି ମାତ୍ର ୨୧ ଦିନରେ ।

ସୂଚନା ଅନୁଯାୟୀ, ମହାରାଷ୍ଟ୍ର ୱାସିମ ଜିଲ୍ଲାର କରଖଡା ଗାଁର ବାସିନ୍ଦା ଗଜାନନ । ଦେଶରେ ଲକଡାଉନ ଚାଲିଥିବା ବେଳେ ସେ ଖାଲିରେ ଘରେ ନବସି ଘର ସାମ୍ନାରେ ଖୋଳିଛନ୍ତି ଏକ ୨୫ ଫୁଟର କୂଅ । ଗଜାନନ କହିଛନ୍ତିଯେ, ସେ ଆଉ ତାଙ୍କ ସ୍ତ୍ରୀ ଲକଡାଉନ ସମୟରେ କିଛି କରିବା ପାଇଁ ଚିନ୍ତିା କରିଥିଲେ । ସେ ଘର ସାମ୍ନାରେ ଏକ କୂଅ ଖୋଳିବା ପାଇଁ ନିଷ୍ପତ୍ତି ନେଇଥିଲେ । ଏବଂ ଭୂମି ପୂଜା କରି କୂଅ ଖୋଳିବା ଆରମ୍ଭ କରିଥିଲେ ।

ସେମାନେ କୌଣସି ଯାନ୍ତ୍ରିକ ଉପକରଣ ବ୍ୟବହାର କରିନଥିଲେ  । କୂଅ ଖୋଳିବା ପାଇଁ ହାତ ଏବଂ ସାମାନ୍ୟ ଉପକରଣ ଉପରେ ନିର୍ଭର କରିଥିଲେ । ସେମାନଙ୍କୁ ତାଙ୍କର ଗାଁ ଲୋକେ ପ୍ରଥମେ ପରିହାସ କରିଥିଲେ ।  ତେବେ ୨୧ ଦିନ ଭିତରେ ୨୫ ଫୁଟର ଗାତ ଖୋଳିବା ପରେ ପାଣି ବାହାରିଥିଲା । ଯାହାପରେ ଗାଁ ଲୋକେ ସେମାନଙ୍କୁ ସମ୍ବୋର୍ଦ୍ଧନା କରିଥିଲେ । ସେଆହୁରି ମଧ୍ୟ କହିଛନ୍ତି ଯେ କୂଅ ଖୋଳିବାର ଆଉ ଏକ ପ୍ରମୁଖ କାରଣ ହେଉଛି ସ୍ଥାନୀୟ ଜଳ ଯୋଗାଣ ଯୋଜନା ଅଧିକାଂଶ ସମୟରେ ବନ୍ଦ ହୋଇଯାଏ ।

ଯାହା ପାଇଁ ଆମକୁ ଅଧିକାଂଶ ସମୟରେ ଅସୁବିଧାର ସମୁଖିନ ହେବାକୁ ପଡ଼ିଥାଏ । ସେଥିପାଇଁ ଶୁଖିଲା ଟ୍ୟାପକୁ ଦେଖିବା ଅପେକ୍ଷା କୂଅ ଖୋଳିବା ଏକ ଉତ୍ତମ ବିକଳ୍ପ ଅଟେ । ଏହା କରି ସେମାନେ ବହୁତ ଖୁସି ଥିବା ସହ ନିଜର ପାଣି ସମସ୍ୟାକୁ ସୁଧାରି ପାରିଛନ୍ତି ବୋଲି ସେ କହିଛନ୍ତି ।

ଚେନ୍ନାଇ: ଦେଶରେ କ୍ରମାଗତ ଭାବେ କରୋନା ସଂକ୍ରମିତଙ୍କର ସଂଖ୍ୟା ବଢ଼ିବାରେ ଲାଗିଛି । ଯେଉଁମାନେ ଏବେ କରୋନା ଯୋଦ୍ଧା ଭାବରେ ଦେଶରେ ଉଭା ହୋଇଛନ୍ତି ସେମାନଙ୍କୁ ଧିରେ ଧିରେ ଗ୍ରାସ କରିବାକୁ ଲାଗିଲାଣି କରୋନା । ଖବରଦାତା ଏବେ କରୋନା କବଳରେ ଆସୁଛନ୍ତି । ମେଟ୍ରୋସିଟି ମୁମ୍ବାଇ ପରେ ଏବେ ଚେନ୍ନାଇର ଏକ ନ୍ୟୁଜ ଚ୍ୟାନେଲରେ ୨୫ ଜଣ ସାମ୍ବାଦିକଙ୍କୁ କରୋନା ହୋଇଛି ।

At least 25 people, including journalists, working for a Tamil TV news channel test positive for coronavirus in Chennai. Govt official

— Press Trust of India (@PTI_News) April 21, 2020

ରାଜ୍ୟ ସରକାରଙ୍କ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ତାମିଲ ନ୍ୟୁଜ୍ ଚ୍ୟାନେଲରେ କାର୍ଯ୍ୟ କରୁଥିବା ୨୫ ଜଣ ସାମ୍ବାଦିକ, କ୍ୟାମେରାପର୍ସନ ଏବଂ ଅନ୍ୟମାନଙ୍କ ସମେତ କରୋନା ଭାଇରସ୍ ପଜିଟିଭ୍ ଥିବା ଜଣାପଡିଛନ୍ତି । ତେବେ ସେହି ଚ୍ୟାନେଲର ପ୍ରାୟ ୯୪ ଜଣ ବ୍ୟକ୍ତି କରୋନା ପରୀକ୍ଷା କରିଥିଲେ । ଏହି କାରଣରୁ ଚ୍ୟାନେଲକୁ ତାର ଲାଇଭ ପ୍ରୋଗ୍ରାମକୁ ମଧ୍ୟ ସ୍ଥଗିତ ରଖିବାକୁ ପଡ଼ିଛି ।

ବୈଜ୍ଞାନିକଙ୍କ ଦାବି: ଲାମା ରକ୍ତରୁ ପ୍ରସ୍ତୁତ ହେବ କରୋନା ଭାକସିନ !

ତେବେ ପୂର୍ବରୁ ମୁମ୍ବାଇରେ କରୋନା ଭାଇରସରେ ପୀଡିତ ସାମ୍ବାଦିକଙ୍କ ଖବର ମଧ୍ୟ ସମସ୍ତଙ୍କୁ ଥରାଇ ଦେଇଥିଲା । ମୁମ୍ବାଇରେ କରୋନା ରିପୋର୍ଟ ଖବର କଭର୍ କରୁଥିବା ୫୩ ସାମ୍ବାଦିକ କରୋନା ପଜିଟିଭ୍ ଥିବା ଜଣାପଡ଼ଥିଲା । ମୁମ୍ବାଇରେ ୧୭୦ ରୁ ଅଧିକ ସାମ୍ବାଦିକ କରୋନା ପରୀକ୍ଷା କରିଥିଲେ  ।

ନୂଆଦିଲ୍ଲୀ: ଚୀନରୁ ଆସିଥିବା କରୋନା ଭାଇରସ ପାଇଁ ପୁରା ବିଶ୍ୱ ଆତଙ୍କରେ । ବିଶ୍ୱର ବାକି ଦେଶ ଏଥିପାଇଁ ଚୀନକୁ ଦାୟୀ କରୁଛନ୍ତି । କିଛି ଆମେରିକା ଭଳି ଖୁଲମଖୁଲା ତ’ କିଛି ସିଧା ନକହି ବୁଲାଇ ବଙ୍କାଇ ଏଥିପାଇଁ ଚୀନକୁ ଦାୟି କରୁଛନ୍ତି । ଚୀନ ଭାଇରସ ବାବଦରେ ବିଶ୍ୱକୁ ମିଛ କହିଥିଲା । ଯେଉଁଥିପାଇଁ ପୁରା ବିଶ୍ୱ ନାକେଦମ । ଏଭଳି ପରିସ୍ଥିତିରେ ଚୀନକୁ ମଜା ଚଖାଇବା ପାଇଁ ଏହାର ଅର୍ଥନୈତିକ ବହିଷ୍କାର ଆରମ୍ଭ ହେଲାଣି । ଜାପାନ ଭଳି ଦେଶ ନିଜ କଂପାନୀଙ୍କୁ ଚୀନରୁ ବ୍ୟବସାୟ ହଟାଇବା ପାଇଁ ବେଲ୍ ଆଉଟ୍ ପ୍ୟାକେଜ୍ ଦେବାକୁ ଘୋଷଣା କଲେଣି । ଯାହାର ଅର୍ଥ ହେଉଛି କିଛି ଦେଶ ଚାହୁଁନାହାନ୍ତି ଯେ, ସେମାନଙ୍କ କଂପାନୀ ଚୀନରେ ରୁହନ୍ତୁ । ତେଣୁ ପାଖାପାଖି ୧୦୦୦ କଂପାନୀ ଚୀନରୁ ବେଡିଂ ବିସ୍ତର ଉଠାଇ ଅନ୍ୟ ଠିକାଣ ଖୋଜୁଛନ୍ତି ।

ଯାହା ଭାରତ ପାଇଁ  ଖୁସି ଖବର ।  ଚୀନରେ କାର୍ଯ୍ୟ କରୁଥିବା ପ୍ରାୟ ୧୦୦୦ କମ୍ପାନୀ ବର୍ତ୍ତମାନ ଭାରତରେ ବ୍ୟବସାୟ ପାଇଁ ସୁଯୋଗ ଖୋଜୁଛନ୍ତି।

ଚାଇନାରେ ବିଦେଶୀ କମ୍ପାନୀଗୁଡିକ କରୋନା କାରଣରୁ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ଏହି ପରିବେଶରେ ପ୍ରାୟ ୧୦୦୦ ବିଦେଶୀ କମ୍ପାନୀ ଭାରତରେ ପ୍ରବେଶ କରିବାକୁ ଚିନ୍ତା କରୁଛନ୍ତି । ଏହି କମ୍ପାନୀଗୁଡିକ ମଧ୍ୟରୁ ପ୍ରାୟ ୩୦୦ କମ୍ପାନୀ ଭାରତରେ କାରଖାନା ପ୍ରତିଷ୍ଠା ପାଇଁ ମନୋବୃତ୍ତି ରଖିଛନ୍ତି । ତେବେ ଏନେଇ ସରକାରୀ କର୍ମଚାରୀଙ୍କ ସହ ଆଲୋଚନା ମଧ୍ୟ ଚାଲିଛି ।

କେନ୍ଦ୍ର ସରକାରଙ୍କ ଜଣେ  ଅଧିକାରୀଙ୍କ ଅନୁସାରେ ବର୍ତ୍ତମାନ ପ୍ରାୟ ୧୦୦୦ କମ୍ପାନୀ ବିଭିନ୍ନ ସ୍ତରରେ ବୁଝାମଣା କରୁଛନ୍ତି । ଏହି କମ୍ପାନୀଗୁଡ଼ିକ ମଧ୍ୟରୁ ଆମେ ୩୦୦ କମ୍ପାନୀକୁ ଟାର୍ଗେଟ କରିଛୁ  । କେନ୍ଦ୍ର ସରକାରୀ ଅଧିକାରୀଙ୍କ କହିବାନୁସାରେ, କରୋନା ଭାଇରସ୍ ନିୟନ୍ତ୍ରଣକୁ ଆସିବା ପରେ ଆମ ପାଇଁ ପରିସ୍ଥିତି ଭଲ ହେବ ଏବଂ ଭାରତ ଏକ ବିକଳ୍ପ ଉତ୍ପାଦନ ହବ୍ ଭାବେ ଉଭା ହେବ  ।

ରାଷ୍ଟ୍ରପତି ଭବନରେ ପହଂଚିଲା କରୋନା

ଆଗକୁ ଲକ୍ଷ୍ୟ ରଖାଯାଇଥିବା ୩୦୦ କମ୍ପାନୀ ମୋବାଇଲ୍, ଇଲେକ୍ଟ୍ରୋନିକ୍ସ, ମେଡିକାଲ୍ ଉପକରଣ, ବସ୍ତ୍ର ଏବଂ ସିନ୍ଥେଟିକ୍ କପଡ଼ା କମ୍ପାନୀ ବର୍ତ୍ତମାନ ଭାରତ ଆସିବାକୁ ଚାହୁଁଛନ୍ତି । ଯଦି ସରକାରଙ୍କ ତରଫରୁ ସକରାତ୍ମକ ପ୍ରତିକ୍ରିୟା ମିଳେ ତେବେ ଚୀନ୍ ପାଇଁ ଏହା ଏକ ବଡ଼ ଧକ୍କା ହେବ।