କୋଭିଡ -19କୁ ରୋକିବା ପାଇଁ ମେ ୩ ପର୍ଯ୍ୟନ୍ତ ଲକଡାଉନ୍ ବଢ଼ାଯାଇଛି । ତେବେ ଏହାର ଗୋଟିଏ ଦିନ ପରେ କେନ୍ଦ୍ର ସରକାର ଆର୍ଥିକ କାର୍ଯ୍ୟକଳାପର ଉପରେ ଏକ ତାଲିକା ପ୍ରସ୍ତୁତ କରିଛନ୍ତି । ଯାହା ଏପ୍ରିଲ୍ ୨୦ ରୁ ଅନୁମତି ପାଇବ । ଏହାଦ୍ୱାରା ଲୋକଙ୍କୁ ବହୁଦିନ ପରେ ଆଶ୍ୱସ୍ତି ମିଳିଛି । କାରଣ ଏହି ନିର୍ଦ୍ଦେଶାବଳୀରେ ଅନ୍ଲାଇନ ଟ୍ରାଞ୍ଜାକ୍ସନକୁ ଗୁରୁତ୍ୱ ଦିଆଯାଇଛି ।
ଗୃହ ମନ୍ତ୍ରଣାଳୟର ପୂର୍ବ ବିଜ୍ଞପ୍ତିରେ ବିଶେଷ ଭାବରେ କୁହାଯାଇଥିଲା ଯେ ଇ-ବାଣିଜ୍ୟ ପ୍ଲାଟଫର୍ମଗୁଡିକ କେବଳ ଖାଦ୍ୟ, ଫାର୍ମାସ୍ୟୁଟିକାଲ୍ସ ଏବଂ ମେଡିକାଲ ଉପକରଣ ଭଳି ଅତ୍ୟାବଶ୍ୟକ ସାମଗ୍ରୀ ବିକ୍ରୟ କରିବାକୁ ଅନୁମତି ଦିଆଯାଇଛି । କିନ୍ତୁ ଅଧିକାରୀମାନେ ଗୁରୁବାର କହିଛନ୍ତି ଯେ ମୋବାଇଲ୍ ଫୋନ୍, ଟେଲିଭିଜନ, ରେଫ୍ରିଜରେଟର, ଲାପଟପ୍ ଏବଂ ଷ୍ଟେସନାରୀ ଆଇଟମ୍ ଗୁଡିକ ଆମାଜନ, ଫ୍ଲିପକାର୍ଟ ଏବଂ ସ୍ନାପଡାଲ ଭଳି ଇ-କମର୍ସ ପ୍ଲାଟଫର୍ମ ମାଧ୍ୟମରେ ବିକ୍ରୟ କରିବାକୁ ଅନୁମତି ଦିଆଯିବ।
ଫ୍ଲିପକାର୍ଟ, ଆମାଜନ ଏବଂ ପେଟିଏମ୍ ମଲ୍ ପରି ଅନଲାଇନ୍ ଖୁଚୁରା କମ୍ପାନୀଗୁଡିକ ଏପ୍ରିଲ୍ ୨୦ ପରେ ସେମାନଙ୍କ ବ୍ୟବସାୟକୁ ସମ୍ପୂର୍ଣ୍ଣ ରୂପେ କାର୍ଯ୍ୟକ୍ଷମ କରିବାକୁ ପ୍ରସ୍ତୁତ ହୋଇଛନ୍ତି । ତେବେ ଇ-ବାଣିଜ୍ୟ କମ୍ପାନୀଗୁଡ଼ିକୁ ସମସ୍ତ ପ୍ରକାର ସାମଗ୍ରୀ ଯୋଗାଇ ଦିଆଯିବ । ବୁଧବାର ଜାରି କରାଯାଇଥିବା ଗାଇଡଲାଇନରେ ମନ୍ତ୍ରଣାଳୟ କହିଛି ଯେ ଏପ୍ରିଲ ୨୦ ରୁ କରୋନାର ହଟସ୍ପଟ୍ ନଥିବା ଅଞ୍ଚଳରେ ଏଭଳି ସେବା ଆରମ୍ଭ ହେବ ।
ଏହା ପରେ, ବର୍ତ୍ତମାନ ଏହି କମ୍ପାନୀଗୁଡିକ ସେମାନଙ୍କର କାର୍ଯ୍ୟ ସମ୍ପୂର୍ଣ୍ଣ ରୂପେ ଆରମ୍ଭ କରିବାକୁ ପ୍ରସ୍ତୁତ ହେଉଛନ୍ତି । ବୁଧବାର ଗୃହ ମନ୍ତ୍ରଣାଳୟ ଏକ ଗାଇଡଲାଇନ ଜାରି କରିଛି । ଏଥିରେ କେତେକ ସେବା ପାଇଁ ସର୍ତ୍ତମୂଳକ ରିହାତି ଦିଆଯାଇଛି, ଯାହାଦ୍ୱାରା ଦୈନନ୍ଦିନ ଆବଶ୍ୟକୀୟ ସାମଗ୍ରୀ ଯୋଗାଣ ଜାରି ହୋଇପାରିବ । କିନ୍ତୁ ଗୃହମନ୍ତ୍ରଣାଳୟ ଏଥିରେ କିଛି ପରିବର୍ତ୍ତନ କରି ଗୁରୁବାର ଏକ ଗାଇଡଲାଇନ ଜାରି କରିଛି । ଯେଉଁଥିରେ ମୋବାଇଲ୍ ଫୋନ୍, ଟେଲିଭିଜନ, ରେଫ୍ରିଜରେଟର, ଲାପଟପ୍ ଏବଂ ଷ୍ଟେସନାରୀ ଆଇଟମ୍ ଗୁଡିକ ଆମାଜନ, ଫ୍ଲିପକାର୍ଟ ଏବଂ ସ୍ନାପଡାଲ ଭଳି ଇ-କମର୍ସ ପ୍ଲାଟଫର୍ମ ମାଧ୍ୟମରେ ବିକ୍ରୟ କରିବାକୁ ଅନୁମତି ଦିଆଯିବ ।
