ଢ଼େଙ୍କାନାଳ: ଢ଼େଙ୍କାନାଳରେ ବଡ଼ ବିସ୍ପୋରଣ । ଗଣେଶ ବଜାର ଫରେଷ୍ଟ କଲୋନିରେ ଭୟାନକ ବିସ୍ପୋରଣ । ବିସ୍ପୋରଣ ଏତେ ଭୟାନକ ଥିଲେଯେ ଘରର ଆଜବେଷ୍ଟ ଉଡ଼ିଯାଇଛି । ଘରେ ରଖା ହୋଇଥିବା ହାତୀ ଘଉଡ଼ାଇବା ପାଇଁ ବୋମା ବିସ୍ପୋରଣ ହୋଇଛି ।

ଏଥିରେ ସ୍କ୍ୱାର୍ଡ ସୁଜିତ ସାମଲ ଗୁରୁତର ଆହତ ହୋଇଛନ୍ତି । ଏହି ବୋମା ସବୁକୁ ହାତୀ ଘଉଡ଼ାଇବା ପାଇଁ ବ୍ୟବହାର କରାଯାଇଥାଏ । ତେବେ ଫରେଷ୍ଟ କଲୋନିରେ ଥିବା ଏକ ଆଜବେଷ୍ଟ ଘରେ ସ୍କ୍ୱାର୍ଡ ସୁଜିତ ରଖିଥିଲେ ଶତାଧିକ ବୋମା । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ନିଆଁ କୁ ଆୟତ କରିଛି ।

ସୂଚନା ଅନୁଯାୟୀ, ଫରେଷ୍ଟ କଲୋନିରେ ଏକ ଆଜବେଷ୍ଟ ଘରେ ରହିଥିଲା ଶଦାଧିକ ବୋମା  । ଏହି ବୋମା ସବୁକୁ ଜଙ୍ଗଲେରେ ହାତୀ ଘଉଡ଼ାଇବା ପାଇଁ ବ୍ୟବହାର କରାଯାଇଥାଏ । କିନ୍ତୁ ଆଜି ଏହି ସବୁ ବୋମାକୁ ଅନ୍ୟତ୍ର ସ୍ଥାନ୍ତରିତ କରାଯାଉଥିଲା ।

ସେହି ସମୟରେ କୌଣସି କାରଣ ବସତଃ ବୋମା ବିସ୍ପୋରଣ ହୋଇଥିଲା । ଏହି ବିସ୍ପୋରଣରେ ଘରର ଆଜବେଷ୍ଟ ଉଡ଼ିଯାଇଥିଲା । ଏଥିରେ ହାତୀ ଘଉଡ଼ାଇବା ସ୍କ୍ୱାର୍ଡରେ କାମ କରୁଥିବା ସୁଜିତ ସାମଲ ଗୁରୁତର ଆହତ ହୋଇଛନ୍ତି । ଆହତ ଙ୍କୁ ଜିଲ୍ଲା ଚିକିତ୍ସାଳୟରେ ଭର୍ତି କରାଯାଇଛି।

ସୁନ୍ଦରଗଡ଼: ନାବାଳିକାକୁ ଦୁଷ୍କର୍ମ ଏବଂ ପରେ ଗର୍ଭପାତର ବିରାଟ ଅଭିଯୋଗ । ଏଭଳି ସାଙ୍ଘାତିକ ଅଭିଯୋଗ ଆସିଛି ବିରମିତ୍ରପୁର ଥାନା ବାବୁଙ୍କ ନାମରେ । ବିଭିନ୍ନ ସମୟରେ ଦୁଷ୍କର୍ମ କରୁଥିଲେ ଏବଂ ନାବାଳିକା ଗର୍ଭବତୀ ଥିବା ଜାଣି ଗର୍ଭପାତ କରାଇଲେ । ଏନେଇ ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ଥାନା ବଡ଼ବାବୁଙ୍କ ସହ ୬ ଜଣଙ୍କ ନାଁରେ ଗତକାଲି ରାତିରେ ଥାନାରେ ମାମଲା ରୁଜୁ ହୋଇଛି । ତେବେ ମାମଲାର ତଦନ୍ତ କରିବା ପାଇଁ ଆଜି ସୁନ୍ଦରଗଡ଼ ଏସ୍‌ପି ଘଟଣା ସ୍ଥଳରେ ପହଞ୍ଚି ତଦନ୍ତ କରିବେ ।

ପ୍ରଥମେ ନାବାଲିକାକୁ ୫ଜଣ ଦୁଷ୍କର୍ମ କରିଥିବା ରାଏବୋଗା ଥାନାରେ ଏତଲା ଦିଆଯାଇଥିଲା । ପରେ ୧୫ତାରିଖରେ ସିଡବ୍ଲୁସିଙ୍କୁ ନଜଣାଇ ଡାକ୍ତର ନାବାଳିକାଙ୍କ ଗର୍ଭପାତ କରିଥିବାରୁ ତାଙ୍କ ନାଁରେ ମଧ୍ୟ ଏତଲା ହୋଇଛି । ଗତକାଲି ଘଟଣାର ତଦନ୍ତ କରି ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସୁନ୍ଦରଗଡ଼ ଏସ୍‌ପିଙ୍କୁ ଚିଠି ଲେଖିଥିଲେ ସିଡବ୍ଲୁ ସି । ଏବେ ଏସପି ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଘଟଣାର ତଦନ୍ତ ଆରମ୍ଭ କରିଛନ୍ତି । ସୂଚନା ଅନୁଯାୟୀ ଥାନା ବଡ଼ବାବୁଙ୍କ ସହ ୫ଜଣ ମିଶି ନାବାଳିକାକୁ ବିଭିନ୍ନ ସମୟରେ ଦୁଷ୍କର୍ମ କରିଆସୁଥିଲେ ।

ତେବେ ନାବାଳିକା ଜଣକ ଗର୍ଭବତୀ ଥିବା ଖବର ପାଇବା ପରେ ତାଙ୍କୁ ଏକ ଡାକ୍ତରଖାନାରେ କାହାକୁ ନଜଣାଇ ତାଙ୍କର ଗର୍ବପାତ କରାଇଥିଲେ । ତେବେ ଏନେଇ ନାବାଳିକା ଜଣକ ପୂର୍ବରୁ ଡ଼ରରେ କାହା ପାଖରେ ଅଭିଯୋଗ କରିନଥିଲେ । ଯେତେବେଳେ ସହିବା ଶକ୍ତି ଅସୟ ହୋଇଥିଲା ସେତେବଳେ ସେମାନଙ୍କ ବିରୁଦ୍ଧରେ ଅଭିଯୋଗ କରିଥିଲେ ।

ଗଞ୍ଜାମ: ଗଞ୍ଜାମରେ ବଢ଼ିବାରେ ଲାଗିଛି କରୋନା ସଂକ୍ରମଣ ସଂଖ୍ୟା । କରୋନା ସଂକ୍ରମଣ ଏବେ ସରକାରୀ ଅଫିସରେ ପଞ୍ଚିଛି । ଯାହାଦ୍ୱାରା କିଛି ସରକାରୀ ବରିଷ୍ଟ କର୍ମଚାରୀ ମାନେ ସଂକ୍ରମିତ ହୋଇଛନ୍ତି । ତେବେ ଏନେଇ ଗଞ୍ଜାମ ଜିଲ୍ଲାପାଳ ଏକ ବଡ଼ ନିଷ୍ପତ୍ତି ନେଇଛନ୍ତି । ବୁଧବାର ଠାରୁ ଗଞ୍ଜାମରେ ସାଧାରଣ ଲୋକଙ୍କୁ ସରକାରୀ ଅଫିସ ମନା । କରୋନା ସଂକ୍ରମଣ ସାଧାରଣରେ ଅଧିକ ନବ୍ୟାପିବା ପାଇଁ ଏଭି ନିଷ୍ପତ୍ତି ନିଆଯାଇଛି ।

ଆସନ୍ତା ୧୦ଦିନ ଗଞ୍ଜାମର ସରକାରୀ ଅଫିସ ନଯିବାକୁ ସାଧାରଣ ଲୋକଙ୍କୁ କୁହାଯାଇଛି । ଏନେଇ ଟ୍ୱିଟ୍‌ କରି ଜଣାଇଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ । ସରକାରୀ ଅଫିସର କିଛି ବରିଷ୍ଠ ଅଧିକାରୀ କରୋନା ସଂକ୍ରମିତ ହେବା ପରେ ଏପରି ପଦକ୍ଷେପ ନିଆଯାଇଛି ।

୧୦ ଦିନ ପାଇଁ ସବୁ ସରକାରୀ ଅଫିସ ଲୋକଙ୍କ ପାଇଁ ବନ୍ଦ ରହିବ ବୋଲି ଜିଲ୍ଲାପାଳ ଟ୍ୱିଟ୍‌ କରି ସୂଚନା ଦେଇଛନ୍ତି । କେବଳ ସରକାରୀ ଅଧିକାରୀ ମାନେ ଅଫିସ୍‌ ଯାଇପାରିବେ । ଏଥିସହ  କରୋନା ଆକ୍ରାନ୍ତ ସରକାରୀ ଅଧିକାରୀଙ୍କ ଆଶୁ ଆରୋଗ୍ୟ କାମନା କରିଛନ୍ତି ।