ଗଡ଼ିବ ରଥ ଭିଜିବ ନେତ୍ର । ମନ ପ୍ରାଣ ଆତ୍ମା ସବୁ ଆଜି ଜଗନ୍ନାଥମୟ । ରଥ ପ୍ରସ୍ତୁତ ପଥ ବି ପ୍ରସ୍ତୁତ । କେବଳ ଅପକ୍ଷା ଗଡ଼ ଗଡ଼ ହୋଇ ୩ ରଥ ବଡ଼ଦାଣ୍ଡରେ ଗଡ଼ିବାକୁ । ଭକ୍ତ ଭାବରେ ବନ୍ଧା ମହାପ୍ରଭୁ। କୋଟି ଭକ୍ତଙ୍କ ଭାବର ଭଗବାନ । କଥାରେ ଅଛି ଭାବ ନଥିଲେ ଭାବ ବିନୋଦିଆ ଦେଖା ଦେବନି । ସେଥିପାଇଁ ଆଜି କଠିନ ପରୀକ୍ଷାର ସାମ୍ନା କରିଛନ୍ତି କୋଟି ଭକ୍ତ । କେତେ ପ୍ରାର୍ଥନା କେତେ ଅଳି କେବଳ ରଥଯାତ୍ରା ପାଇଁ । ଏତେ ସବୁ ପରେ କେମିତି ବା ରହିଥାନ୍ତେ ମନ୍ଦିର ଭିତରେ ଚତୁର୍ଦ୍ଧାମୂର୍ତ୍ତି । ସେଥିପାଇଁ ଟାହିଆ ହଲେଇ ଆଉ କିଛି ସମୟ ପରେ ଛୁଟି ଆସିବେ ଚତୁର୍ଦ୍ଧାମୂର୍ତ୍ତି ।
ରଥାରୂଢ଼ ହେବେ ବଡ଼ ଭାଇ ବଳଭଦ୍ର, ଗେହ୍ଲି ଭୁଉଣୀ ମା ଶୁଭଦ୍ରା ଏବଂ ମହାପ୍ରଭୁ କାଳିଆ ସାଆନ୍ତ । ଶ୍ରୀମନ୍ଦିରରୁ ଗୁଣ୍ଡିଚା ମନ୍ଦିରକୁ ହେବ ଭକ୍ତିର ଯାତ୍ରା । ହେଲେ ଯେଉଁ ବଡ଼ ଦାଣ୍ଡ ଲକ୍ଷ ଲକ୍ଷ ଭକ୍ତଙ୍କ ହରିବୋଲ ହୁଳହୁଳିରେ ଫାଟି ପଡ଼ୁଥିଲା ଆଜି ସେ ବଡ଼ଦାଣ୍ଡ ଖାଁ ଖାଁ । କୋଟି ଭକ୍ତଙ୍କ ଲୁହରେ ଯେଉଁ ପଥ ତାହା ଭିଜୁଥିଲା ଆଜି ସୁଖିଲା । କାରଣ କରୋନା କଟକଣା ଆଜି ପ୍ରତିବନ୍ଧକ ସାଜିଛି ଭକ୍ତ ଓ ଭଗବାନଙ୍କ ଭିତରେ । ସୁପ୍ରିମ କୋର୍ଟଙ୍କ ନିର୍ଦ୍ଦେଶକୁ ପାଳନ କରି ହେଉଛି ରଥଯାତ୍ରା । ହରିବୋଲ ହୁଳହଳିରେ ଲୁଚି ଯାଉଥିବା ରଥର ଘଡ଼ ଘଡ଼ ଶବ୍ଦ ଆଜି ଜୋରେ ଶୁଭିବ । କାରଣ ବିନା ଭକ୍ତରେ ହେଉଛି ରଥଯାତ୍ରା ।
ମରିନା କୁଅଁର ଜଣେ ମଡେଲ୍ ଓ ଛୋଟ ପରଦାର କଳାକାର । ଜିନ୍ଦେଗୀ ତୁମ୍ସେ, ଜଗ୍ଗୁ ଦାଦା, ସିଆଇଡି, ଶପଥ ଓ ଆହଟ ଭଳି ଧାରାବାହିକରେ ଅଭିନୟ କରି ସାରିଛନ୍ତି । ୨୦୧୮ରେ ନିର୍ଦ୍ଦେଶକ ସଜିଦ୍ ଖାଁ ଓ ଭୁଷଣ କୁମାରଙ୍କ ଉପରେ ଯୌନ ଶୋଷଣର ଆରୋପ ଆଣି ଚର୍ଚ୍ଚାକୁ ଆସିଥିଲେ । ମି ଠୁ ଅଭିଯାନ ବେଳେ ମରୀନା ଖୋଲାଖୋଲି ଭାବେ ଭୁଷଣ କୁମାରଙ୍କ ବିରୋଧରେ ଅଭିଯୋଗ ଆଣି କହିଥିଲେ ଯେ, ଏକ ଭିଡିଓରେ କାମ ଦେବା ପାଇଁ ଭୁଷଣ କୁମାର ତାଙ୍କୁ ନିଜ ଘରକୁ ଡାକି ତାଙ୍କ ସହ ଦୁର୍ବ୍ୟବହାର କରିବାକୁ ଉଦ୍ୟମ କରିଥିଲେ । ଏବେ ସୋନୁ ମରିନାଙ୍କ ସହ ହୋଇଥିବା ଏହି ଘଟଣା ସଂକ୍ରାନ୍ତୀୟ ଭିଡିଓ ନେଇ ଧମକ ଦେଉଛନ୍ତି କିମ୍ୱା ଅନ୍ୟ କେଉଁ ଭିଡିଓ କଥା କହୁଛନ୍ତି ତାହା ସସପେନ୍ସରେ ରହିଛି । ଉଲ୍ଲେଖ୍ୟଯୋଗ୍ୟ ଯେ ବଲିଉଡ୍ ତାରକା ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିବା ପରେ ସୋନୁ ସଙ୍ଗୀତ ଜଗତରେ ୨ ପ୍ରମୁଖ ସଙ୍ଗୀତ କମ୍ପାନୀର ରାଜ ଚାଲିଥିବା ବିଷୟରେ କହିଥିଲେ । ସଙ୍ଗୀତ ଜଗତରେ ଥିବା ଦଲାଲମାନଙ୍କ ପ୍ରାର୍ଦୁଭାବ ବଢୁଛି ଓ ଏଭଳି ହେବା ଦ୍ୱାରା କଳା ବ୍ୟବସାୟରେ ପରିଣତ ହେଲାଣି ବୋଲି ସୋନୁ କହିଥିଲେ । ନବାଗତଙ୍କ ସହ ଭଲ ବ୍ୟବହାର କରିବା ପାଇଁ ମଧ୍ୟ ସେ ସଙ୍ଗୀତ କମ୍ପାନୀମାନଙ୍କୁ ପରାମର୍ଶ ଦେଇଥିଲେ । ଏହାପରେ ସୋନୁ ଭିଡିଓ ଯୋଗେ ଅଭିଯୋଗ କରିଥିଲେ ଯେ ଟି-ସିରିଜ ମାଲିକ ଭୁଷଣ କୁମାର ତାଙ୍କ ବିରୋଧରେ ମନ୍ତବ୍ୟ ଦେବା ପାଇଁ ୬ଜଣ ପ୍ରସିଦ୍ଧ ଗାୟକଙ୍କୁ ପ୍ରବର୍ତ୍ତାଉଛନ୍ତି ।
