ଜୟପୁର: କରୋନା ମହାମାରୀ ମଧ୍ୟରେ ଦେଶର ଦୁଇଟି ସହରରୁ କିଛି ସକାରାତ୍ମକ ଚିତ୍ର ପ୍ରକାଶ ପାଇଛି | ପ୍ରଥମ ଚିତ୍ର ହେଉଛି ଜୟପୁରର ଏସଏମଏସ ହସ୍ପିଟାଲର ଚରକ ଭବନର । ଏହି ଭବନକୁ କୋଭିଡ OPD ଏବଂ OEPD କେନ୍ଦ୍ର ଭାବରେ ପ୍ରସ୍ତୁତ କରାଯାଇଛି । ରୋଗୀମାନଙ୍କର ସ୍କ୍ରିନିଂ ଏବଂ ଯତ୍ନ ନେବା ପାଇଁ ଏଠାରେ ସ୍ୱତନ୍ତ୍ର କର୍ମଚାରୀ ଏବଂ ଇନ୍-ଚାର୍ଜ ଙ୍କୁ ଦାୟିତ୍ୱ ଦିଆଯାଇଛି । ଅନ୍ୟପଟେ ଡାକ୍ତରମାନେ ହସ୍ପିଟାଲର ପାହାଚକୁ ମୁଣ୍ଡିଆ ମାରି ଭିତରକୁ ପ୍ରବେଶ କରୁଛନ୍ତି ।

ଜଣେ କରୋନା ଆକ୍ରନ୍ତ ମାଛ- ଭାତ ଖାଇବାକୁ ପାଇଁ ଇଚ୍ଛା ପ୍ରକାଶ କରିବାରୁ … ଡାକ୍ତର ନିଜ ହାତରେ ତାଙ୍କୁ ଖୁଆଇଲେ

ଚେନ୍ନାଇରେ ଲକଡାଉନ୍ ମଧ୍ୟରେ ଡାକ୍ତରମାନେ କିପରି ରୋଗୀଙ୍କ ଯତ୍ନ ନେଉଛନ୍ତି ତାହା ଏହି ଚିତ୍ରରୁ ଆପଣ ଜାଣିପାରୁଥିବେ ।  ଡକ୍ଟର ଜର୍ଜି ଅବ୍ରହାମ ଜଣେ ୭୫ ବର୍ଷ ବୟସ୍କ ରୋଗୀଙ୍କୁ ନିଜ ହାତରେ ଖୁଆଇ ଦେଉଥିବା ଦୃଶ୍ୟ ଏବେ ଖୁବ ଚର୍ଚ୍ଚା ସାଉଁଟୁଛି । ଡ. ଅବ୍ରହାମ କହିଛନ୍ତି ଯେ – ‘ଏହି ବୃଦ୍ଧ ବହୁତ ଗରିବ। ମାଛ- ଭାତ ଖାଇବାକୁ ଇଚ୍ଛା ପ୍ରକାଶ କରିଥିବାରୁ ମୁଁ ତାଙ୍କର ଏହି ଇଚ୍ଛା ପୂରଣ କରିବାକୁ ଚାହୁଁଥିଲି, ତେଣୁ ମାଛ-ଭାତ ଅର୍ଡର କଲି ।  ରୋଗୀଙ୍କ ସମ୍ପର୍କୀୟମାନେ ୱାର୍ଡକୁ ଆସିପାରିବେ ନାହିଁ, ତେଣୁ ମୁଁ ନିଜେ ତାଙ୍କୁ ଖାଇବାକୁ ଦେଲି। ‘

ହସ୍ପିଟାଲର ସିଡ଼ିକୁ ମୁଣ୍ଡିଆ ମାରି ଭିତରକୁ ଯାଉଛନ୍ତି କର୍ମଚାରୀ

ସମସ୍ତେ ଏ ମହାମାରୀ ଠାରୁ ମୁକ୍ତି ପାଇବାକୁ ଚାହୁଁଛନ୍ତି । ମାନବ ସମାଜକୁ ଟିକେ ଆଶ୍ୱସ୍ତି ପାଇଁ ସମଗ୍ର ବିଶ୍ୱ ଏବେ ପ୍ରାର୍ଥନା କରୁଛି । ସେଥିପାଇଁ ଏସଏମଏସର ଚରକ ଭବନକୁ ଆସୁଥିବା କର୍ମଚାରୀମାନେ ଏଠାରେ ଥିବା ପାହାଚକୁ ମୁଣ୍ଡିଆ ମାରି ପ୍ରତିଦିନ ଭିତରକୁ ଯାଉଛନ୍ତି ।  କର୍ମଚାରୀଙ୍କ କହିବା ଅନୁଯାୟୀ, ମାନବ ସମାଜକୁ ଏହି ମହାମାରୀରୁ ଶୀଘ୍ର ତ୍ରାହି ମିଳିବା ପାଇଁ ସେମାନେ ଭଗବାନଙ୍କୁ ପ୍ରାର୍ଥନା କରୁଛନ୍ତି ।

ସେ ପ୍ରାର୍ଥନ କରିଛନ୍ତି ଯେ, ଡାକ୍ତରଖାନାରେ ଭର୍ତ୍ତି ହୋଇଥିବା ସମସ୍ତ କରୋନା ଚିହ୍ନଟଙ୍କ ରିପୋର୍ଟ ନେଗେଟିଭ ଆସୁ ।  ଏବଂ ଯେଉଁ ମାନଙ୍କର ରିପୋର୍ଟ ପଜିଟିଭ ଆସିଛି ସେମାନେ ଶୀଘ୍ର ସୁସ୍ଥ ହୋଇ ଘରକୁ ଫେରନ୍ତୁ । ଏହିଭଳି ଭାବରେ ଚରକ ଭବନରେ ପ୍ରବେଶ କରିବା ପୂର୍ବରୁ ସମସ୍ତ କର୍ମଚାରୀ ପାହାଚକୁ ମୁଣ୍ଡିଆ ମାରି ଭିତରକୁ ପ୍ରବେଶ କରୁଛନ୍ତି ।

ନୂଆଦିଲ୍ଲୀ: ଆମେରିକା ଏବଂ ଚୀନ୍ ଦ୍ୱାରା କରୋନା ଟିକା ସର୍ବ ପ୍ରଥମେ ପ୍ରସ୍ତୁତ ହେବା ଖବର ସାମ୍ନାକୁ ଆସିଥିଲା । ହେଲେ ଏବେ ଏକ ନୂଆ ଖବର ସାମ୍ନାକୁ ଆସିଛି । ଭାରତ ହାଇଦ୍ରାବାଦର ଏକ  ବାୟୋଟେକ୍ କଂପାନି କରୋନାକୁ ମାରିବା ପାଇଁ ଟିକା ପ୍ରସ୍ତୁତ କରିଛି ବୋଲି ଜଣାଯାଇଛି। ଆମେରିକାରେ ଏହାର ଏନିମଲ ଟ୍ରାୟଲ ମାନେ ପଶୁଙ୍କ ଉପରେ ପରିକ୍ଷଣ ଆରମ୍ଭ ହୋଇଛି। ତିନି ରୁ ଛଅ ମାସ ପର୍ଯ୍ୟନ୍ତ ଚାଲିଥିବା ଏହି ପରୀକ୍ଷଣର ଫଳାଫଳ ଯଦି ପଜିଟିଭ୍ ଆସେ, ତେବେ ଭାରତରେ ହ୍ୟୁମାନ ଟ୍ରାୟଲ ହେବ । ଚଳିତ ବର୍ଷ ତଥା ୨୦୨୦ ମସିହା ଶେଷ ସୁଦ୍ଧା ଏହି ଭ୍ୟାକ୍ସିନ ବ୍ୟବହାର ପାଇଁ ଉପଲବ୍ଧ ହୋଇପାରେ ।

ଏହି ଟିକା ନାଜଲ ଡ୍ରପ୍ ଭାବେ ଉପଲବ୍ଧ ହେବ, ଅର୍ଥାତ୍ ଗୋଟିଏ ବୁନ୍ଦା ଟିକା ନାକରେ ଦେବାକୁ ପଡିବ । କୋରୋଫ୍ଲୁ ନାମକ ଏହି ଭ୍ୟାକ୍ସିନ କରୋନା ସହିତ  ଫ୍ଲୁର ମଧ୍ୟ ଚିକିତ୍ସା କରିବ। ଭାରତ ବାୟୋଟେକର ସିଏମଡି ତଥା ବୈଜ୍ଞାନିକ କୃଷ୍ଣା ଏଲା କହିଛନ୍ତି ଯେ, କୋଭିଡ-୧୯ର ଭୂତାଣୁ ନାକ ଦେଇ ଶରୀରକୁ ପ୍ରବେଶ କରି ସଂକ୍ରମିତ କରନ୍ତି । ତେଣୁ ଏହି ଭ୍ୟାକ୍ସିନ ନାକ ମାଧ୍ୟମରେ ଦେବା ପାଇଁ ନିଷ୍ପତ୍ତି ନିଆଯାଇଥିଲା।

ମଲ୍ଟି ଡୋଜ୍ ଭ୍ୟାକ୍ସିନ୍ ଭାବରେ ଏହାକୁ ବିକଶିତ କରାଯିବ ବୋଲି କମ୍ପାନୀ ନିଷ୍ପତ୍ତି ନିଆଯାଇଛି। ଦେଶରେ ଏନିମଲ ଟ୍ରାୟଲ ତଥା ପଶୁ ପରୀକ୍ଷା ଏବଂ ଜିନ୍ ସିନ୍ଥେସିସ୍ ସୁବିଧା ଅଭାବରୁ ଏହି ଟିକାକୁ ଆମେରିକାରେ ପଶୁ ପରୀକ୍ଷା କରିବାକୁ ପଡିବ। ୟୋସିହୋରୋ ଏମଟୁଏସଆର ନାମକ ଏକ ଭ୍ୟାକ୍ସିନ ପ୍ରସ୍ତୁତ କରଛି ।  ଯାହା ଶରୀରରେ ଫ୍ଲୁ ବିରୋଧରେ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିଥାଏ ।

ସାର୍ଶ କୋଭ-୨ ହିଁ ସେହି ଭାଇରସ ଯାହା କରୋନାଭାଇରସ ରୋଗର ମୁଖ୍ୟ କାରଣ । ସେହିଭଳି ଏହି ନୂତନ ଟିକା କରୋନା ବିରୋଧରେ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିବ । ନୂତନ ଟିକା ପାଇଁ ପଶୁ ପରୀକ୍ଷା ପାଇଁ ଯେଉଁ ମୂଷା ଦରକାର ତାହା ଦେଶରେ ଉପଲବ୍ଧ ନାହିଁ । ସେମାନଙ୍କୁ ଆମେରିକାରୁ ଆୟତ୍ତ କରିବାକୁ ଦୁଇ ବର୍ଷ ଲାଗିଥାନ୍ତା, ତେଣୁ ଟିକା ପରୀକ୍ଷା ପାଇଁ ଏହା ଆମେରିକାକୁ ପଠାଗଲା । ଡାକ୍ତର ଏଲା କହିଛନ୍ତି ଯେ, ଟିକା ତିଆରି କରିବା ଅତ୍ୟନ୍ତ ଜଟିଳ ଓ କଷ୍ଟକର।

ଏଲାଙ୍କ କହିବା ଅନୁସାରେ, ସରକାର ସହଜ କ୍ଲିନିକାଲ ପରୀକ୍ଷାକୁ ଅନୁମତି ଦେଇ ପଶୁ ପରୀକ୍ଷା ପାଇଁ ଅନୁମତି ଦେବା ଉଚିତ୍। ଜିନ୍ ସିନ୍ଥେସିସ୍ ସୁବିଧା ବିକାଶ କରାଯିବା ଉଚିତ୍  । ଆମେରିକାରେ, ସବୁ ପ୍ରକାରର ଟିକା ଶୀଘ୍ର ଆସେ କାରଣ ସେଠାରେ ପଶୁ ପରୀକ୍ଷା ଏବଂ ମାନବ ପରୀକ୍ଷା ଅଛି । ଚୀନ୍‌ର ପରୀକ୍ଷଣ ଆହୁରି ବିପଦଜ୍ଜନକ, କାରଣ ସେଠାରେ ସିଧାସଳଖ ମାନବ ପରୀକ୍ଷା କରାଯାଏ। ଅବଶ୍ୟ ଚାଇନାରେ ଏହି ଉପାୟ ଭାରତରେ କାର୍ଯ୍ୟକାରୀ ହେବା ଆବଶ୍ୟକ ନାହିଁ। କିନ୍ତୁ ଆମେରିକା ଭଳି କିଛି ସୁବିଧା ରହିବା ଜରୁରୀ ।

ଦେଶର ଗବେଷଣା ଏବଂ ଉଦ୍ଭାବନ ଉପରେ ଗୁରୁତ୍ୱ ଦେବା ଉଚିତ୍ । କାରଣ ଏହି ମାଧ୍ୟମରେ ଟଙ୍କା ରୋଜଗାର କରିହେବ । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଏହି ଭ୍ୟାକ୍ସିନ ସମ୍ପର୍କରେ ସେମାନେ ସୂଚନା ପାଇଛନ୍ତି। କରୋନାକୁ ନେଇ ସରକାର ମଧ୍ୟ ଅତ୍ୟନ୍ତ ଚିନ୍ତିତ । କରୋନା ଟିକା ଯଥାଶୀଘ୍ର ବ୍ୟବହାର ପାଇଁ ଉପଲବ୍ଧ ହେବା ଆବଶ୍ୟକ । ଏଥିପାଇଁ ସରକାର ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବେ। ପ୍ରଧାନମନ୍ତ୍ରୀ ମଧ୍ୟ ସାର୍କ ଦେଶ ଏବଂ ଆଫ୍ରିକୀୟ ଦେଶଗୁଡିକର ସହାୟତା ଘୋଷଣା କରିଛନ୍ତି।

ନୂଆଦିଲ୍ଲୀ: କରୋନା ଭାଇରସର ଭୟାବହତା ଭିତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତକୁ ଆଣ୍ଟି ମ୍ୟାଲେରିଆ ଡ୍ରଗ ହାଇଡ୍ରୋକ୍ଲୋରୋକ୍ୱିନ ରପ୍ତାନି କରିବାକୁ ଅନୁରୋଧ କରିଛନ୍ତି । ଟ୍ରମ୍ପ ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଫୋନ ଯୋଗେ କଥାବାର୍ତ୍ତା ହୋଇ କରୋନା ଭାଇରସର ଚିକିତ୍ସା ପାଇଁ ହାଇଡ୍ରୋକ୍ଲୋରୋକ୍ୱିନ ଉପଲବ୍ଧ କରାଇବା ପାଇଁ ଅପିଲ କରିଛନ୍ତି । କରୋନା ଭାଇରସ ସହ ଲଢ଼ିବା ପାଇଁ ହାଇଡ୍ରୋକ୍ଲୋରୋକ୍ୱିନ ବଟିକା  ଉପଯୁକ୍ତ  ତାହା ଏପର୍ଯ୍ୟନ୍ତ ପ୍ରମାଣ ହୋଇପାରିନାହିଁ । କିନ୍ତୁ ଟ୍ରମ୍ପ ଏହାକୁ ଅନେକ ଥର ଗେମ ଚେଞ୍ଜର ବୋଲି କହିଆସିଛନ୍ତି । ତେବେ ଏହି ଔଷଧର ଚାହିଦା ବଢ଼ିବା ଏବଂ ଦେଶରେ ବଢ଼ୁଥିବା କୋରୋନା ସଂକ୍ରମଣକୁ ନଜରରେ ଦେଖି ଭାରତ ଏହି ଔଷଧର ରପ୍ତାନି ଉପରେ ରୋକ ଲଗାଇ ଦେଇଛି ।

ବହୁ ଦେଶ ହାଇଡ୍ରୋକ୍ଲୋରୋକ୍ୱିନ ଏବଂ କ୍ଲୋରୋକ୍ୱିନ ଔଷଧର ଆମଦାନୀ ବଢ଼ାଇ ଦେଇଛନ୍ତି । ସିଙ୍କୋନା ଗଛ ଦ୍ୱାରା ପ୍ରସ୍ତୁତ ଏହି ଔଷଧକୁ ମ୍ୟାଲେରିଆ ଭଳି ରୋଗ ଚିକିତ୍ସା କରିବାରେ ବ୍ୟବହାର କରାଯାଏ । ତେବେ ପ୍ରଶ୍ନ ଉଠୁଛି କଣ ଏହି ବହୁ ପୁରାତନ ଔଷଧ କରୋନା ଭାଇରସ ମହାମାରିର ସମାଧାନ ?  ବିନା କୌଣସି ମେଡିକାଲ ପୃଷ୍ଟିରେ ଏହାର ବ୍ୟବହାର ଭୟଙ୍କର ସାବ୍ୟସ୍ତ ହେବ କି ?

ଏହି ଔଷଧକୁ ନେଇ ଆମେରିକାରେ ମଧ୍ୟ ବହୁ ଚର୍ଚ୍ଚା ଚାଲିଛି । ଟ୍ରମ୍ପ ବାରମ୍ବାର ଏହାର ଗୁଣଗାନ କରିବା ପରେ ମଧ୍ୟ ଏଯାଏଁ ଫୁଡ୍ ଏଣ୍ଡ ଡ୍ରଗ ଆଡମିନିଷ୍ଟ୍ରେସନ (ଏଫଡିଏ) କରୋନା ଭାଇରସ ପାଇଁ ହାଇଡ୍ରୋକ୍ଲୋରୋକ୍ୱିନକୁ ମଞ୍ଜୁରୀ ଦେଇନାହାନ୍ତି ।  ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ କିନ୍ତୁ ଆଣ୍ଟି ମ୍ୟାଲେରିଆ ଡ୍ରଗକୁ କରୋନା ଭାଇରସର ଅଧିକ ଗମ୍ଭୀର ମାମଲାରେ ପ୍ରିଭେଣ୍ଟିବ ମେଡିସିନ ଭାବରେ ବ୍ୟବହାର କରିବା ପାଇଁ ନିର୍ଦ୍ଦେଶ ଦେଇଛି ।

ଆମେରିକାରେ ଏଫଡିଏ କ୍ଲୋରୋକ୍ୱିନ ଏବଂ ହାଇଡ୍ରୋକ୍ଲୋରୋକ୍ୱିନକୁ ଆଣ୍ଟି- ମ୍ୟାଲେରିଆ ଡ୍ରଗ ଭାବରେ ମଞ୍ଜୁରୀ ଦେଇଛି । କ୍ଲୋରୋକ୍ୱିନକୁ ୧୯୩୪ ମସିହା ପରେ ବେୟର ନାମକ ଏକ ଫାର୍ମ କମ୍ପାନୀ ପ୍ରସ୍ତୁତ କରିଥିଲା ଏବଂ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ମ୍ୟାଲେରିଆକୁ ରୋକିବା ପାଇଁ ଏହାର ବ୍ୟପକ ବ୍ୟବହାର ହୋଇଥିଲା ।

୨୦୧୨ରେ ଯେତବେଳେ କରୋନା ଭାଇରସ ପରିବାରର ସଦସ୍ୟ ମାର୍ସର ସଂକ୍ରମଣ ବ୍ୟାପିଥିଲା ସେତେବେଳେ ବୈଜ୍ଞାନିକ ମାନେ ହଜାର ହଜାର ଔଷଧର ପରୀକ୍ଷଣ କରିଥିଲେ । କ୍ଲୋରୋକ୍ୱିନ ସମେତ ଅନେକ ଔଷଧ କୋଷରେ କରୋନା ଭାଇରସର ସଂକ୍ରମଣର ବିସ୍ତାରକୁ ରୋକିବାରେ ସହାୟକ ହୋଇଥିବା ଜଣାପଡିଛି। ଅବଶ୍ୟ, ଏମାନଙ୍କ ଉପରେ ଆଉ କୌଣସି ରିସର୍ଚ୍ଚ କରାଯାଇନଥିଲା, କାରଣ ଏକ ଅବଧି ପରେ ଏହି ଔଷଧ ଅଧିକ ପ୍ରଭାବଶାଳୀ ହେଉଥିବା ଦେଖାଦେଇନଥିଲା ।

ଯେତେବେଳେ ନୂଆ କରୋନା ଭାଇରସ ବ୍ୟାପିଲା ମାର୍ସ ଏବଂ ମାର୍ସ ବିରୋଧରେ ପ୍ରାରମ୍ଭିକ ସମୟରେ ପ୍ରଭାବ ଦେଖାଉଥିବା ଔଷଧଗୁଡିକ ସମ୍ଭାବ୍ୟ ଉପଶମ ତାଲିକାର ଶୀର୍ଷରେ ରହିଲା । ଏହି ଔଷଧଗୁଡିକର କ୍ଲିନିକାଲ୍ ପରୀକ୍ଷା ଚୀନ୍ ଏବଂ ଆମେରିକା ସମେତ ବିଶ୍ୱର ଅନେକ ଲାବୋରେଟୋରୀରେ ଚାଲିଛି । ଅବଶ୍ୟ କରୋନା ଭାଇରସର ଚିକିତ୍ସା ପାଇଁ କ୍ଲୋରୋକାଇନ୍ ଏବଂ ହାଇଡ୍ରୋକ୍ସୋକ୍ଲୋରୋକାଇନ୍ ଉପରେ ଏପର୍ଯ୍ୟନ୍ତ କୌଣସି ସହମତି ମିଳିପାରିନାହିଁ । ଏହାର ପରୀକ୍ଷଣ ଏପର୍ଯ୍ୟନ୍ତ ବହୁତ ପ୍ରାରମ୍ଭିକ ପର୍ଯ୍ୟାୟରେ ରହିଛି ।

ସମସ୍ତ ଦେଶର କିଛି କିଛି ବ୍ୟକ୍ତି କରୋନାଭାଇରସ୍ ସଂକ୍ରମଣର ଶୃଙ୍ଖଳା ଭାଙ୍ଗିବାକୁ ଚେଷ୍ଟା କରୁଛନ୍ତି । ଏହି ପ୍ରୟାସକୁ ରୋକିବା ପାଇଁ ଆଇଟି ଟେକ୍ନୋଲୋଜିର ବହୁଳ ବ୍ୟବହାର ହେଉଛି । କେତେକ ଦେଶ ମୋବାଇଲ୍ ଆପ୍ ବ୍ୟବହାର କରି ସଂକ୍ରମିଙ୍କୁ କ୍ଷଣକ ମଧ୍ୟରେ ଟ୍ରାକ୍ କରୁଛନ୍ତି । ହଂକଂରେ ଚାଇନାର ଲୋକଙ୍କ ଅବସ୍ଥାନ ଉପରେ ନଜର ରଖିବା ପାଇଁ ହ୍ଵାଟସ୍ଆପ୍ ବ୍ୟବହାର କରାଯାଉଛି। ବିମାନ ବନ୍ଦରରେ ନିଜେ ଲୋକମାନଙ୍କୁ ସେମାନଙ୍କର ଲୋକେସନ ସେଟିଂ କୁ ସର୍ବଦା ଅନ୍  ରଖିବାକୁ ନିର୍ଦ୍ଦେଶ ଦିଆଯାଇଛି।

ଏପରି ପରିସ୍ଥିତିରେ ଯଦି ଏହି ଲୋକମାନେ ଘରୁ ବାହାରକୁ ଯାଆନ୍ତି, ତେବେ ତୁରନ୍ତ  ପ୍ରଶାସନ ସେକଥା ଜାଣିଯାଉଛି ।  ଅନ୍ୟପକ୍ଷରେ ଦକ୍ଷିଣ କୋରିଆ ହ୍ଵାଟସ୍ଆପ୍ ଭଳି ଏକ ଆପ୍ ତିଆରି କରିଛି। ଯଦି ସଂକ୍ରମିତ ବ୍ୟକ୍ତି ସେମାନଙ୍କ ରୁଟିନ୍ ଠାରୁ ଭିନ୍ନ କାର୍ଯ୍ୟକଳାପ କରୁଥିବାର ଦେଖାଯାଏ ତେବେ ଆପ୍ ଆଲାର୍ମ ଏବଂ ଆଲର୍ଟ ଦେଇଥାଏ । ଏଠାରୁ ବାହାରୁ ଆସିଥିବା ୧୦୬୦୦ ଲୋକଙ୍କ ମଧ୍ୟରୁ ୪୨% ଙ୍କ ଉପରେ ଏହି   ଆପ୍ ମାଧ୍ୟମରେ ନଜର ରଖାଯାଉଛି। କୋରିଆ ଏବଂ ତାଇୱାନରେ କ୍ୱାରେଣ୍ଟାଇନ ଭାଙ୍ଗିବା, ଘରେ ଫୋନ ଛାଡ଼ିକି ଗଲେ ବଡ଼ ଜରିମାନା ଦେଇ ଜେଲକୁ ପଠାଇବା ଭଳି ଦଣ୍ଡ ରହିଛି।

ଚୀନରେ ୨୦୦ ସହରରେ ଆପ୍ ବ୍ୟବହାର କରାଯାଉଛି ।
ଚୀନର ପ୍ରାଦେଶିକ ସରକାରମାନେ ମଧ୍ୟ  ଏକ ହେଲ୍ଥ ଚେକ୍ ଆପ୍ ତିଆରି କରିଛନ୍ତି । ଏହି ଆପ୍ ଅନେକ ଭିନ୍ନ ପ୍ଲାଟଫର୍ମରେ ଚାଲିପାରିବ । ଲୋକମାନେ କେଉଁଠାକୁ ଯିବା ଆସିବା କରିଛନ୍ତି  ଏବଂ କ୍ୱାରେଣ୍ଟାଇନରେ ପ୍ରତିଦିନ ସେମାନଙ୍କର ସ୍ଥିତି କିପରି ଅଛି ତାକୁ ନେଇ ଆପ୍ ଏକ କଲର କୋ଼ଡ୍ ଜେନରେଟ୍ କରିଥାଏ ।  ଏହି କଲର କୋଡ୍ ସରକାରଙ୍କ ପାଖରେ ପହଞ୍ଚେ । ଏହି ସିଷ୍ଟମ୍ କେତେ ସଠିକ୍, ବର୍ତ୍ତମାନ କହିବା କଷ୍ଟକର।

WHO ମଧ୍ୟ ମାଇ ହେଲଥ ଆପ୍ ତିଆରି କରୁଛି । ଫେସବୁକ୍, ଗୁଗଲ୍, ଟେନ୍ସେଣ୍ଟ ଏବଂ ବିଟ୍ ଡ୍ୟାନ୍ସ ଭଳି କମ୍ପାନୀଗୁଡିକ ସେମାନଙ୍କ ଲକ୍ଷ ଲକ୍ଷ ଉପଭୋକ୍ତାଙ୍କ କାର୍ଯ୍ୟକଳାପକୁ ଟ୍ରାକିଂ କରିସାରିଛନ୍ତି, WHO ଏହି କମ୍ପାନୀଗୁଡିକ ସହିତ କାର୍ଯ୍ୟ କରିବାକୁ ସମର୍ଥ ହେବ ଯେଉଁଠାରେ ରୋଗ କେଉଁଠାରେ ବ୍ୟାପିଛି ଏବଂ କେଉଁଠାରେ ବିସ୍ତାର କରିବାକୁ ଯାଉଛି। ଏହି ତଥ୍ୟର ସାହାଯ୍ୟରେ, ଜିଲ୍ଲା ଏବଂ ସହରଗୁଡିକର ନିୟମ କେତେ ପ୍ରଭାବଶାଳୀ ତାହା ସରକାରମାନେ ମଧ୍ୟ ଜାଣିପାରିବେ।

କେଉଁ ରାସ୍ତା କିମ୍ବା ବିଲଡିଂରେ କେତେ ଭିଡ଼ ଅଛି ତାହା ଗୁଗୁଲ୍ କହିବ ।
ମାନଚିତ୍ରଗୁଡିକର ସାହାଯ୍ୟରେ ଗୁଗୁଲ ଏପରି ଏକ ସିଷ୍ଟମ ସୃଷ୍ଟି କରୁଛି, ଯାହା ଦ୍ୱାରା ଉପଭୋକ୍ତାମାନେ ଜାଣିପାରିବେ ଯେ କେଉଁ ରାସ୍ତା ଭିଡ଼ ହୋଇଛି। ଯାହାଦ୍ୱାରା ଲୋକମାନେ ସେଠାକୁ ଯିବେ କି ନାହିଁ ତାହା ସ୍ଥିର କରିପାରିବେ । ସାମାଜିକ ଦୂରତା ଅନୁସରଣ କରାଯାଉଛି କି ନାହିଁ ଜାଣିବା ପାଇଁ ସରକାର ଏହାକୁ ବ୍ୟବହାର କରିପାରିବେ । ବ୍ରିଟିଶ ସରକାରଙ୍କ ପାଇଁ ଡିଜିଟାଲ ସେବାର ପୂର୍ବତନ ମୁଖ୍ୟ ମାଇକ ବ୍ରାକେନ୍ କହିଛନ୍ତି ଯେ ଲୋକଙ୍କୁ ଟ୍ରାକ୍ କରିବା ପାଇଁ ସରକାରଙ୍କ ପାଖରେ ଟେକ୍ନୋଲୋଜି ଅଛି। କୋରେନା ସହିତ ଲଢ଼ିବାରେ ଏହା କେତେ ବ୍ୟବହାର କରୁଛି ତାହା କେହି ଖୋଲାଖୋଲି ଭାବରେ କହିବେ ନାହିଁ |