ଭୁବନେଶ୍ୱର: ମାହାମାରୀ ସମୟରେ ମାନବିକତାର ପରିଚୟ ଦେଇଛି ଓଡ଼ିଶା ପୋଲିସ । କେବଳ ଓଡ଼ିଆ କିମ୍ୱା ପ୍ରବାସୀ ଓଡ଼ିଆଙ୍କ ସେବା ଓ ସହଯୋଗରେ ନିଜକୁ ସୀମିତ ରଖିନି ବରଂ ଅନ୍ୟ ରାଜ୍ୟର ପ୍ରବାସୀ ଶ୍ରମିକଙ୍କୁ ମଧ୍ୟ ସହଯୋଗ କରିଛି ପୋଲିସ ।

52 migrant labour of Malda, Murshidabad and Kolkata were found walking towards their home .They were sent by bus today afternoon ,paid for by CMRF money ,by Khorda police to Laxmannath BCP .Good work Khorda Police . pic.twitter.com/gG1Y0Lr5dN

— DGP, Odisha (@DGPOdisha) May 15, 2020

ମୁଖ୍ୟମନ୍ତ୍ରୀ ନିର୍ଦ୍ଦେଶ ପରେ ଅନ୍ୟ ରାଜ୍ୟରୁ ଓଡ଼ିଶା ଦେଇ ନିଜ ରାଜ୍ୟକୁ ଅର୍ଥାତ ଘରକୁ ଯାଉଥିବା ଶ୍ରମିକଙ୍କୁ ସହାୟତ କରିଛି ଓଡ଼ିଶା ପୋଲିସ । ପାଦରେ ଚାଲି ଚାଲି ନିଜ ଘରକୁ ଯାଉଥିବା ପଶ୍ଚିମବଙ୍ଗ ମାଲଦା, ମୁର୍ସିଦାବାଦ ଏବଂ କୋଲକାତାକୁ ଯାଉଥିବା ୫୨ ଜଣ ପ୍ରବାସୀ ଶ୍ରମିକଙ୍କ ପାଇଁ ବସ୍‌ର ବ୍ୟବସ୍ଥା କରିଛି ଖୋର୍ଦ୍ଧା ପୋଲିସ । ଏ ନେଇ ଆବଶ୍ୟକ ଅର୍ଥ ମୁଖ୍ୟମନ୍ତ୍ରୀ ରିଲିଫ୍‌ ଫଣ୍ଡରୁ ଯୋଗାଇଦିଆଯାଇଛି । ଏବଂ ସେମାନଙ୍କ ସୀମାନ୍ତ ଲକ୍ଷ୍ମଣନାଥ ବର୍ଡର ଚେକ୍ ପଏଣ୍ଟ ନିକଟରେ ଛଡ଼ାଯାଇଛି ।

270 migrant labour of other states entering Odisha on foot thru Girisola BCP have been sent by bus arranged by Odisha Police ,from CMRF money, in last two and half days
Good work by Berhampur police .#OdishaFightsCorona pic.twitter.com/a8PAnTNSt0

— DGP, Odisha (@DGPOdisha) May 15, 2020

ସେହିଭଳି ଗିରିସୋଲା ବର୍ଡର ଚେକ୍‌ ପଏଣ୍ଟ ଦେଇ ପାଦରେ ଚାଲି ଚାଲି ଯାଉଥିବା ଅନ୍ୟ ରାଜ୍ୟର ୨୭୦ ପ୍ରବାସୀ ଶ୍ରମିକଙ୍କ ପାଇଁ ବସ୍‌ର ବ୍ୟବସ୍ଥା କରିଛି ବ୍ରହ୍ମପୁର ପୋଲିସ । ଅପରପକ୍ଷରେ ରାୟଗଡ଼ାର କେରଡା ବର୍ଡର ଚେକ୍‌ ପଏଣ୍ଟ ଦେଇ ପାଦରେ ଚାଲି ଚାଲି ଓଡ଼ିଶାରେ ପ୍ରବେଶ କରୁଥିବା ଅନ୍ୟ ରାଜ୍ୟର ୫୪୪ ପ୍ରବାସୀ ଶ୍ରମିକଙ୍କ ପାଇଁ ବସ୍‌ ବ୍ୟବସ୍ଥା କରିଛି ରାୟଗଡ଼ା ପୋଲିସ । ଏ ନେଇ ମଧ୍ୟ ମୁଖ୍ୟମନ୍ତ୍ରୀ ରିଲିଫ୍‌ ଫଣ୍ଡରୁ ଟଙ୍କା ଯୋଗାଇ ଦିଆଯାଇଛି ।  ଏ ସବୁ ନେଇ ଟ୍ୱିଟ୍ ଯୋଗେ ଡିଜିପି ଅଭୟ ସୂଚନା ଦେବା ସହ ପୋଲିସର ଏଭଳି କାର୍ଯ୍ୟକୁ ସେ ପ୍ରଶଂସା କରିଛନ୍ତି ।

ଓଡ଼ିଶା ମାଟିରେ ପ୍ରବାସୀ ଶ୍ରମିକଙ୍କୁ ଚାଲିବାକୁ ପଡ଼ିବନି : ଡିଜିପି ଅଭୟ

ଭୁବନେଶ୍ୱର: ଗ୍ରାଉଣ୍ଡ ଜିରୋରେ କରୋନା ମୁକାବିଲାର ସ୍ଥିତି ପରଖୁଛନ୍ତି ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା 5-T ସେକ୍ରେଟେରୀ ଭି. କାର୍ତ୍ତିକେୟନ ପାଣ୍ଡିଆନ୍ ଓ ଉନ୍ନୟନ କମିଶନର ସୁରେଶ ମହାପାତ୍ର । ଶୁକ୍ରବାର ଦକ୍ଷିଣ ଓଡ଼ିଶାର ୩ଟି ଜିଲ୍ଲା ଗସ୍ତ କରି ସ୍ଥିତି ପରଖିଛନ୍ତି ରାଜ୍ୟ ସରକାରଙ୍କ ଏହି ୨ ଅଧିକାରୀ । ଗସ୍ତ କାର୍ଯ୍ୟକ୍ରମର ପ୍ରଥମାର୍ଦ୍ଧରେ ୨ ଅଧିକାରୀ ଜେ.କେ ପୁର ସ୍ଥିତ ଇଏସ୍‌ଆଇ ହସ୍ପିଟାଲ ପରିସରରେ ଥିବା ୧୦୦ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ପରିଦର୍ଶନ କରିଥିଲେ ।

ରାୟଗଡାକୁ ପ୍ରାୟ ୨୫ ହଜାର ପ୍ରବାସୀ ଓଡ଼ିଆ ଫେରିବାକୁ ପଞ୍ଜୀକରଣ କରିଥିବା ବେଳେ ବର୍ତ୍ତମାନ ସୁଦ୍ଧା ୮ଶହ ପ୍ରବାସୀ ଫେରିଛନ୍ତି । ଆନ୍ଧ୍ରପ୍ରଦେଶରୁ ପ୍ରବାସୀ ଘରବାହୁଡା କରୁଥିବା ବେଳେ ଅନ୍ୟ ରାଜ୍ୟର ଶ୍ରମିକମାନେ ଜିଲ୍ଲା ଦେଇ ପ୍ରବେଶ କରୁଛନ୍ତି । ତେଣୁ ଏସବୁ ଉପରେ ତୀକ୍ଷ୍ଣ ଦୃଷ୍ଟି ରଖିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।

ରାୟଗଡ଼ା ପରେ ଗଜପତି ଜିଲ୍ଲାରେ ପହଞ୍ଚିଥିଲେ ୨ ଅଧିକାରୀ । ଭାରତମାତା ପରିସରରେ ଥିବା ୧୦୦ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ପରିଦର୍ଶନ କରିଥିଲେ । ଏହି ହସ୍ପିଟାଲର ବିଭିନ୍ନ ଓ୍ୱାର୍ଡ ବୁଲି ଦେଖିବା ସମୟରେ ଏହାର ଶଯ୍ୟା ସଂଖ୍ୟା ୨୦୦କୁ ବୃଦ୍ଧି କରିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।

ପ୍ରବାସୀ ଓଡିଆଙ୍କ ପାଇଁ ହୋଇଥିବା କ୍ୱାରେଣ୍ଟାଇନ୍‌ ସେଣ୍ଟରର ପରିଚାଳନା ଏବଂ ଏହାର ବ୍ୟବସ୍ଥା ନେଇ ମଧ୍ୟ ଆଲୋଚନା କରିଥିଲେ 5-ଟି ସଚିବ ଏବଂ ଉନ୍ନୟନ କମିଶନର ।

ଏହାପରେ ହଟସ୍ପଟ୍‌ ଗଂଜାମ ଜିଲ୍ଲାରେ ମାରାଥନ ଗସ୍ତ ଏବଂ ସମୀକ୍ଷା କରିଥିଲେ । ସଂକ୍ରମିତଙ୍କ ସଂଖ୍ୟା ଦୃଷ୍ଟିରୁ ସରକାରଙ୍କ ଫୋକସରେ ରହିଛି ଗଂଜାମ ଜିଲ୍ଲା । ଶେରଗଡ଼ ବ୍ଳକ୍‌ରୁ ଆରମ୍ଭ ହୋଇଥିବା ସମୀକ୍ଷା ବ୍ରହ୍ମପୁରରେ ଶେଷ ହୋଇଥିଲା । ଶେରଗଡ,ହିଞ୍ଜିଳି, କବିସୂର୍ଯ୍ୟନଗର, ଆସିକା, ପୋଲସରା ଓ ବ୍ରହ୍ମପୁରରେ ସ୍ଥିତି ସମୀକ୍ଷା କରିଥିଲେ 5-ଟି ସଚିବ । ଏହିସବୁ ବ୍ଲକରେ ପ୍ରବାସୀ ଓଡିଆ, କ୍ୱାରେଣ୍ଟାଇନ୍‌ ସେଣ୍ଟରର ପରିଚାଳନା, ଲକଡାଉନର କାର୍ଯ୍ୟକାରିତା ଏବଂ ସାମାଜିକ ଦୂରତାର ଅନୁପାଳନକୁ ଗୁରୁତ୍ୱ ଦେଇଛନ୍ତି 5-ଟି ସଚିବ । ଏଥିସହିତ ଜୀବନଜୀବିକାର ପୁନରୁଦ୍ଧାର ପାଇଁ ମନରେଗା କାର୍ଯ୍ୟକ୍ରମକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି । ଏଥିସହିତ ନିଜ ଗସ୍ତ ସମୟରେ 5-ଟି ସଚିବ ଜିଲ୍ଳାର କିଛି ସରପଞ୍ଚଙ୍କ ସହ କଥା ହୋଇଛନ୍ତି । ପ୍ରବାସୀଙ୍କ ସହ ଡିଲ୍ କରୁଥିବା ବେଳେ ସରପଞ୍ଚମାନେ ସମ୍ମୁଖିନ ହେଉଥିବା ସମସ୍ୟା ସମ୍ପର୍କରେ ପଚାରି ବୁଝିବା ସହ ଏଥିରେ ଉନ୍ନତି ଆଣିବା ଲାଗି ପରାମର୍ଶ ଦେଇଛନ୍ତି ।

୫-ଟି ସଚିବ ସରପଞ୍ଚଙ୍କ ସହ କଥାବାର୍ତ୍ତାବେଳେ ସେମାନେ ଦିନ-ରାତି କାମ କରୁଥିବା ଜାଣିବାକୁ ପାଇଥିଲେ । ସେ ଏ ବିଷୟରେ ଅବଗତ ହେବା ପରେ ଏ ନେଇ ଖୁସି ବ୍ୟକ୍ତି କରିବା ସହ ସେମାନଙ୍କୁ ପ୍ରଶଂସା କରିଛନ୍ତି । ତେବେ ମୁଖ୍ୟମନ୍ତ୍ରୀ ସରପଞ୍ଚମାନଙ୍କୁ କରୋନା ମୁକାବିଲା ନେଇ ବିଶ୍ୱାସକୁ ନେଇଥିବାରୁ ସେମାନେ ମଧ୍ୟ ଖୁସି ଓ ଗର୍ବିତ ଅନୁଭବ କରିଥିବା କହିଛନ୍ତି । ଏଥିସହିତ ମୁଖ୍ୟମନ୍ତ୍ରୀ ସରପଞ୍ଚମାନଙ୍କୁ ୫୦ ଲକ୍ଷ ଟଙ୍କାର ବୀମା ଅନ୍ତର୍ଭୁକ୍ତ କରିଥିବାରୁ ସରପଞ୍ଚମାନେ ମୁଖ୍ୟମନ୍ତ୍ରୀଙ୍କ ଧନ୍ୟବାଦ ଜଣାଇଛନ୍ତି ।  ଗଞ୍ଜାମରେ ପରପଞ୍ଚଙ୍କ ସହ ଆଲୋଚନା ବେଳେ ସଂକ୍ରମଣ ସଂଖ୍ୟା ନେଇ ଭୟଭୀତ ବା ବିଚଳିତ ନହେବାକୁ 5-ଟି ସଚିବ ପରାମର୍ଶ ଦେଇଛନ୍ତି । ଚିହ୍ନଟ ହୋଇଥିବା ସମସ୍ତ ସଂକ୍ରମିତ କ୍ୱାରେଣ୍ଟାଇନ୍‌ ସେଣ୍ଟରରେ ଥିବାକୁ ଗୋଷ୍ଠୀ ସଂକ୍ରମଣକୁ ନିୟନ୍ତ୍ରଣ କରାଯାଇପାରିଛି ।

https://www.facebook.com/NandighoshaTV/videos/3475588819136108/?eid=ARAOPgvaYXw_VzqYO-s4AYrts-FI1V_Z68s7A0zqrQXRaIppS8_2bqUncQskOTW_OuHxgVNU45cWWm9v

ନିଜ ଗସ୍ତ ସମୟରେ ୫-ଟି ସଚିବ ୩ଟି ଯାକ ଜିଲ୍ଲାର ଏସପିମାନଙ୍କୁ କ୍ୱାରେଣ୍ଟାଇନ୍ ସେଣ୍ଟର ଥିବା ଅଞ୍ଚଳରେ ପାଟ୍ରୋଲିଂ ସୁନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି । ବିଶେଷ କରି ୭୫ରୁ ଅଧିକ ଅନ୍ତେବାସୀ ରହୁଥିବା କ୍ୱାରେଣ୍ଟାଇନ୍ ସେଣ୍ଟର ଅଞ୍ଚଳରେ ପାଟ୍ରୋଲିଂ ପାଇଁ ନିର୍ଦ୍ଦେଶ ଦେଇଛନ୍ତି ।

ଭୁବନେଶ୍ୱର: କରୋନାକୁ ଭୟ କରନ୍ତୁ ନାହିଁ । ଏହା ଏକ ସାଧାରଣ ଥଣ୍ଡା କଫ ଜ୍ଜର । କରୋନା ଭୂତାଣୁକୁ ନେଇ ଆତଙ୍କିତ ଓଡିଶାବାସୀଙ୍କୁ ଏଭଳି ଅଭୟବାଣୀ ଶୁଣାଇଛନ୍ତି ସମ୍‌ ମେଡିକାଲ କଲେଜ ଆଣ୍ଡ ହସ୍ପିଟାଲର କୁଳପତି ଡାକ୍ତର ଅଶୋକ ମହାପାତ୍ର । ଗତ ୧୦୦ ବର୍ଷ ମଧ୍ୟରେ ବିଶ୍ୱ ଅନେକ ମହାମାରୀର ସମ୍ମୁଖୀନ ହୋଇଛି । ଏସିଆନ ଫ୍ଳୁ ଠାରୁ ଆରମ୍ଭ କରି ସ୍ଵାନିସ ଫ୍ଳୁ ଏପରିକି ସାର୍ସ ଯାଏଁ ସବୁ ମହାମାରୀକୁ ଆମେ ଦୃଢତାର ସହ ମୁକାବିଲା କରିଛୁ । ପୂର୍ବରୁ ମଧ୍ୟ ମହାମାରୀ ଆସିଛି ଓ ଯାଇଛି ।

ଏଭଳି ମହାମାରୀର ପ୍ରଭାବ ସାଧାରଣ ଭାବେ ବର୍ଷରୁ ଦୁଇ ବର୍ଷ ଯାଏଁ ରହିଥାଏ । ତେଣୁ ଆମକୁ ବର୍ଷ ୨ ବର୍ଷ ପର୍ଯ୍ୟନ୍ତ ମାନସିକ ଭାବେ ପ୍ରସ୍ତୁତ ରହିବାକୁ ପଡ଼ିବ । କରୋନାକୁ ନେଇ ଆମର ମାନସିକ ଏବଂ ନୈତିକତାର ଅଭାବ ହେବା ଉଚିତ ନୁହେଁ ବୋଲି କହିଛନ୍ତି ଡାକ୍ତର ଅଶୋକ ମହାପାତ୍ର । ମାତ୍ର ୫ ପ୍ରତିଶତ ଲୋକଙ୍କ ସ୍ୱାସ୍ଥ୍ୟ ଗୁରୁତର ହୋଇଥାଏ । ଆଉ ଦୁଇରୁ ଚାରି ପ୍ରତିଶତ ଲୋକଙ୍କୁ ଆଇସିୟୁ ଦରକାର ପଡିଥାଏ । ସେମାନଙ୍କ ମଧ୍ୟରୁ ଅଧିକାଂଶ ସୁସ୍ଥ ହୋଇ ଘରକୁ ଫେରିଥାନ୍ତି ।

ତେଣୁ ଟିକା ନଆସିବା ଯାଏଁ କରୋନା ନିୟମାବଳୀକୁ ପାଳନ କରିବାକୁ ସେ ପରାମର୍ଶ ଦେଇଛନ୍ତି । ଆଉ ଗୋଟିଏ ଖୁସି ଖବର ହେଉଛି କରୋନା ଆକ୍ରାନ୍ତ ହୋଇଥିବା ସମସ୍ତ ୧୪ ବର୍ଷରୁ କମ ୨୦ ଜଣ ଶିଶୁ ସୁସ୍ଥ ହୋଇ ପରିବାର ନିକଟକୁ ଫେରିଛନ୍ତି ।

ସେ ଆହୁରି କହିଛନ୍ତି ଯେ, କରୋନା ଚିକିତ୍ସା ନେଇ ରାଜ୍ୟର ପ୍ରାୟ ସମସ୍ତ ଡାକ୍ତର ପ୍ରଶିକ୍ଷିତ । ଏ ନେଇ ସେମାନଙ୍କୁ ବାରମ୍ୱାର ପ୍ରୋତ୍ସାହିତ କରାଯାଉଛି । ଡାକ୍ତର ଓ ସ୍ୱାସ୍ଥ୍ୟ କର୍ମୀଙ୍କୁ ପ୍ରଶିକ୍ଷତ କରାଯିବା ସହ କେମିତି ରୋଗୀଙ୍କୁ ଅଣାଯିବ କେମିତି ଚିକିତ୍ସା କରାଯିବ ସେନେଇ ମକ ଡ୍ରିଲ୍ ମଧ୍ୟ କରାଯାଇଛି ।