ଭୁବନେଶ୍ୱର: କୋଭିଡ ସଂକଟ ଭିତରେ ଆଜି ବସିବାକୁ ଯାଉଛି ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଆଜି ସନ୍ଧ୍ୟା । ୭.୪୫ରେ ବସିବ ଏହି ବୈଠକ । ଏଥିରେ ୫ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ନିଷ୍ପତ୍ତି ନେବାର ସୂଚନା ରହିଛି । ରାଜସ୍ୱ ବିଭାଗର ଦୁଇଟି ପ୍ରସ୍ତାବ ଉପରେ ବାଜିପାରେ ମୋହର । ଗ୍ରାମ୍ୟ ଉନ୍ନୟନ, ଜଙ୍ଗଲ ଓ କୃଷି ବିଭାଗର ଗୋଟିଏ ଲେଖାଏଁ ପ୍ରସ୍ତାବ ରହିଛି । ଏହାସହ କରୋନା ସ୍ଥିତି ଦେଖି କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇପାରନ୍ତି ରାଜ୍ୟ ସରକାର ।
କେନ୍ଦ୍ରାପଡ଼ାରେ ରଥଯାତ୍ରା ବନ୍ଦ କରିବା ନେଇ ଜିଲ୍ଲା ପ୍ରଶାସନର ନିଷ୍ପତ୍ତି
କେନ୍ଦ୍ରାପଡ଼ା: କରୋନା ପାଇଁ ବନ୍ଦ ହେଲା ତୁଳସୀ କ୍ଷେତ୍ରରେ ବଳଦେବଜୀଉଙ୍କ ଘୋଷଯାତ୍ରା । କେନ୍ଦ୍ରାପଡ଼ାରେ ରଥଯାତ୍ରା ବନ୍ଦ କରିବା ନେଇ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି । ରଥଯାତ୍ରାରେ ଏକାଧିକ ବ୍ୟକ୍ତିଙ୍କ ସମାଗମ ହେଉଥିବାରୁ ସାମାଜିକ ଦୂରତା ରକ୍ଷା ନହେବା ନେଇ ଆଶଙ୍କା ରହିଛି । ତେଣୁ ରଥଯାତ୍ରା ଉପରେ ରୋକ ଲାଗିଯାଇଛି ।
ସେହିପରି ବଳଦେବଜୀଉଙ୍କ ରଥ ଦଉଡି ପୁରୀ ଶ୍ରୀଜଗନ୍ନାଥଙ୍କ ଅପେକ୍ଷା ଛୋଟ ଥିବାରୁ ଏଠାରେ ସାମାଜିକ ଦୂରତା ରକ୍ଷା ସମ୍ଭବ ନୁହେଁ। ଏନେଇ ଜିଲ୍ଲାପାଳ, ଉପଜିଲ୍ଲାପାଳ, ସେବାୟତଙ୍କ ବୈଠକରେ ଆଲୋଚନା ହୋଇଥିଲା। ଆସନ୍ତାକାଲି ମନ୍ଦିର ସେବକମାନେ ରାଜ ପୁରୋହିତଙ୍କ ନିକଟକୁ ଯାଇ ମନ୍ଦିର ଭିତରେ ରଥଯାତ୍ରା ସମାପନ କରିବା ନେଇ ଆଲୋଚନା କରିବେ। ଏହାପରେ ଚଳିତ ବର୍ଷ ରଥଯାତ୍ରାର ବିକଳ୍ପ ବାଟ ବାହାରିବ ବୋଲି ଦେବୋତ୍ତର ବିଭାଗ ମୁଖ୍ୟ କହିଛନ୍ତି ।
ରଥଯାତ୍ରା ନେଇ ଆଜି ଆସିବ ସୁପ୍ରିମକୋର୍ଟର ରାୟ
ପୁରୀ: ମହାପ୍ରଭୁଙ୍କ ଘୋଷଯାତ୍ରା ନେଇ ଆଜି ଆସିବ ସୁପ୍ରିମକୋର୍ଟର ରାୟ । ରଥଯାତ୍ରା ବନ୍ଦ ପାଇଁ ଓଡିଶା ବିକାଶ ପରିଷଦର ସଭାପତି ସୁଶାନ୍ତ କୁମାର ପାଢୀ ଗତ ୧୧ ତାରିଖରେ ସୁପ୍ରିମକୋର୍ଟର ଆଇନଜୀବୀ ରଞ୍ଜିତା ରୋହତଗୀଙ୍କ ଜରିଆରେ ପିଟିସନ ଦାଖଲ କରିଥିଲେ ।
କରୋନା ସ୍ଥିତିକୁ ଦେଖି ଘୋଷଯାତ୍ରା ବନ୍ଦ ପାଇଁ ଆବେଦନ କରିଥିଲା ପରିଷଦ । ସୁପ୍ରିମକୋର୍ଟ ପ୍ରଧାନ ବିଚାରପତି ଦ୍ଵାରା ଗଠିତ ୩ ଜଣିଆ ଖଣ୍ଡପୀଠ ଆଜି ଏହାର ରାୟ ଶୁଣାଇବେ । ଓଡିଶା ବିକାଶ ପରିଷଦ ଦ୍ଵାରା ଦାଖଲ କରାଯାଇଥିବା ପିଟିସନରେ ପକ୍ଷଭୁକ୍ତ ହେବା ପାଇଁ ଜୟନ୍ତ କୁମାର ବଳଙ୍କ ଦ୍ଵାରା ଦାଖଲ କ୍ୟାଭେଟ୍ ଆବେଦନର ମଧ୍ୟ ଆଜି ଶୁଣାଣି ହେବ ।
ଏହି ରାଶିର ଲୋକେ କୈାଣସି କ୍ଷେତ୍ରରୁ ଶୁଭ ସୂଚନା ପାଇପାରନ୍ତି
ମେଷ ରାଶି
ଅଶ୍ୱିନୀ- ପାରିବାରିକ ପରିବେଶରେ ଖୁସି ପାଇବେ,ପିଲାଙ୍କର ଚାକିରୀର ସୁଯୋଗ ମିଳିବ
ଦ୍ୱିଜା- କର୍ମକ୍ଷେତ୍ର ସ୍ଥିତିରେ ସୁଧାର ଆସିବ, ସରକାରୀ ସହାୟତା ମିଳିବ
କୃତ୍ତିକା- ଦାୟିତ୍ୱ ବଢିବ,ପରିବାରରେ ସପଂର୍କ ଆହୁରି ମଜବୁତ ରହିବ
ଆଜି ହଳଦିଆ ବସ୍ତ୍ର ପରିଧାନ କରନ୍ତୁ
ବୃଷରାଶି
କୃତ୍ତିକା – କୈାଣସି କ୍ଷେତ୍ରରୁ ଶୁଭ ସୂଚନା ପାଇପାରନ୍ତି
ରୋହିଣୀ- ସକାଳୁ ସ୍ନ।ନ ସାରି ଗୁରୁଜନମାନଙ୍କର ଆର୍ଶିବାଦ ମିଳିବ
ମୃଗଶିରା- ସୁଖଶାନ୍ତି କାରକ ଦ୍ରବ୍ୟ ମିଳିବ,ପିତାମାତାଙ୍କର ସ୍ୱାସ୍ଥ୍ୟ ଚିନ୍ତା ବଢିବ
କୁକୁରକୁ ପେଟପୁରା ଖାଇବାକୁ ଦିଅନ୍ତୁ
ମିଥୁନ ରାଶି
ମୃଗଶିରା- କୈାଣସି ସ୍ଥାନରୁ ଅର୍ଥ ମିଳିବାର ସୂଚନା
ଆର୍ଦ୍ରା- ମନ ଅସ୍ଥିର ରହିବ,ସତର୍କ ରହିଥିବେ
ପୁନର୍ବସୁ- ମନମୁତାବକ ଫଳ ପ୍ରାପ୍ତି ପାଇଁ ଚିନି, ଗୁଡ ଲାଲ ପିମ୍ପୁଡିକୁ ଖାଇବାକୁ ଦିଅନ୍ତୁ
ଶ୍ରୀବିଷ୍ଣୁ ଭଗବାନଙ୍କୁ ସ୍ମରଣ କରି ଦିନ ଆରମ୍ଭ କରନ୍ତୁ
କର୍କଟ ରାଶି
ପୁନର୍ବସୁ- ଚାକିରୀ କିମ୍ବା ବ୍ୟବସାୟରେ ଭୁଲ୍ ବୁଝାମଣା ରହିବ,ନିଜ ଲୋକମାନେ ହଇରାଣ କରିବେ
ପୁଷ୍ୟା- କିଛି ଭୁଲ୍ ନିଷ୍ପତ୍ତିର ଶିକାର ହୋଇପାରନ୍ତି
ଅଶ୍ଳେଷା- ଦିନଟି ଭଲ ନାହିଁ, ଦୁର୍ଗା ମା’ଙ୍କର ଚାଳିଶା ପାଠ କରନ୍ତୁ
ଘରେ ସୋରିଷ ତେଲର ଦୀପ ଶନି ଦେବଙ୍କ ଉଦ୍ଦେଶ୍ୟରେ ଜାଳନ୍ତୁ
ସିଂହ ରାଶି
ମଘା- ମଥାରେ ରକ୍ତଚନ୍ଦନ ଲଗାନ୍ତୁ, ମନେମୁତାବକ ଫଳ ପାଇବେ
ପୂର୍ବା ଫାଲଗୁନି- କୈାଣସି ସୁଖଶାନ୍ତି ଭରା ପରିବେଶରେ ଦିନ କାଟିବେ
ଉତ୍ତରାଫାଲଗୁନି- କୈାଣସି ସମସ୍ୟାରୁ ମୁକ୍ତି ପାଇବେ
ଘରେ ପୂର୍ବଦିଗରେ ତମ୍ବା ପାତ୍ରରେ ଜଳରଖି ପିଅନ୍ତୁ, କଲ୍ୟାଣକାରୀ ହେବ
କନ୍ୟା ରାଶି
ଉତ୍ତରଫାଲଗୁନି – ବ୍ୟବସାୟରେ ଲାଭ ପାଇବେ, ନିତ୍ୟବ୍ୟବହାର୍ଯ୍ୟ ଜିନିଷ ମିଳିବ
ହସ୍ତା- ଅଚାନକ ଖୁସି ଖବର ପାଇବେ, ମନର ଆଶା ପୂରଣ ହେବ
ଚିତ୍ରା- ପୁଞ୍ଜିନିବେଶରୁ ଲାଭ ପାଇବେ କିନ୍ତୁ ସ୍ୱାସ୍ଥ୍ୟ ପ୍ରତି ସତର୍କ ରହିଥିବେ
ଘରେ ସମସ୍ତଙ୍କୁ ମିଠା ଖାଇବାକୁ ଦିଅନ୍ତୁ
ତୁଳା ରାଶି
ଚିତ୍ରା -କୈାଣସି ଯୋଜନାରେ ସଫଳ ହେବେ,ପାରିବାରିକ ଶାନ୍ତି ମିଳିବ
ସ୍ୱାତୀ- ପିଲାମାନଙ୍କୁ ନୂତନ କର୍ମ ନିଯ଼ୁକ୍ତିର ଖବର ମିଳିବ
ବିଶାଖା- ଅଯଥା କଥାରେ ଧ୍ୟାନ ଦିଅନ୍ତୁ ନାହିଁ, ମା’ଲକ୍ଷ୍ମୀଙ୍କୁ ସ୍ମରଣ କରନ୍ତୁ
କଳା ପିମ୍ପୁଡିକୁ ଚିନି, ଗୁଡ ଖାଇବାକୁ ଦିଅନ୍ତୁ
ବିଛା ରାଶି
ବିଶାଖା – ମନର ଆଶା ପୂରଣ ହେବ ନାହିଁ,ମାନସିକ ଅଶାନ୍ତି ବଢିବ
ଅନୁରାଧା- କର୍ମ ଏବଂ ଅର୍ଥ ଚିନ୍ତା ବଢିବ, ଘରୁ ବାହାରିବା ବେଳେ ମହୁ ଖାଇ ବାହାରନ୍ତୁ
ଜ୍ୟେଷ୍ଠା- ଅର୍ଥକୁ ନେଇ ମନ ଅଶାନ୍ତ ରହିବ, ସଠିକ୍ ନିଷ୍ପତ୍ତି ନେଇପାରିବେ ନାହିଁ
ଓଁ ତାରାଦେବୀ ନମଃ ୨୭ ଥର ଜପ କରନ୍ତୁ
ଧନୁ ରାଶି
ମୂଳା- ଆଜି ଚନ୍ଦନର ଟିପା ଲଗାନ୍ତୁ , ଓଁ ନମଃ ଶିବାୟ ଜପ କରନ୍ତୁ
ପୂର୍ବାଷାଢା- ଅଟକିଥିବା କାମର ପୂରଣ ପାଇଁ କିଛି ମିଠା ଦାନ କରନ୍ତୁ
ଉତ୍ତରାଷାଢା- କୈାଣସି ଯୋଜନାରେ ସଫଳ ହୋଇପାରନ୍ତି
ଘରେ ତୁଳସୀ ଚଉରା ମୂଳରେ ଦୀପ ଦାନ କରନ୍ତୁ, ଆର୍ଶିବାଦ୍ ପାଇବେ
ମକର ରାଶି
ଉତ୍ତରାଷାଢା – କୈାଣସି ପ୍ରକାରର ଧୋକା ପାଇବେ,ଗୋଟିଏ ଲାଲ ମନ୍ଦାର ଗଛ ଲଗାନ୍ତୁ
ଶ୍ରବଣା- ବନ୍ଧୁ ପରିଜନଙ୍କର ସାହାଯ୍ୟ ମିଳିବ, ଯାହା ଉଦ୍ୟମ କରିବେ ତାହା ପୂରଣ ହେବ
ଧନିଷ୍ଠା- ବୟୋଜ୍ୟଷ୍ଠଙ୍କର କାର୍ଯ୍ୟକୁ ପୁରା କରନ୍ତୁ
ହଳଦି,ଚନ୍ଦନ,ଅକ୍ଷତ ମଥାରେ ଲଗାନ୍ତୁ
କୁମ୍ଭ ରାଶି
ଧନିଷ୍ଠା- ଅଯଥା ଅର୍ଥହାନି ଘଟିବ,ଅଗ୍ନି କିମ୍ବା ବିଦ୍ୟୁତ ଭୟ ରହିବ
ଶତଭିଷା- କିଛି ବି ଲାଲ ରଙ୍ଗର ବ୍ୟବହାର କରନ୍ତୁ ନାହିଁ
ପୂର୍ବଭାଦ୍ରପଦ- କୈାଣସି ପ୍ରକାରର ସାହାଯ୍ୟ ସହଯୋଗ ପାଇବେ
ସ୍ନ।ନସାରି ଭଗବାନ ଶନିଦେବଙ୍କୁ ପ୍ରଣାମ କରନ୍ତୁ
ମୀନ ରାଶି
ପୂର୍ବଭାଦ୍ରପଦ- ଅଯଥା ବାହାରକୁ ଯାଆନ୍ତୁ ନାହିଁ,ଅଚାନକ ଦୁର୍ଘଟଣା ହୋଇପାରେ
ଉତ୍ତରଭାଦ୍ରପଦ- ଅର୍ଥଚିନ୍ତା,ମାନସିକ ଅଶାନ୍ତି ବଢିବ
ରେବତୀ- ସମୟ ଏତେ ଭଲ ରହିବ ନାହିଁ
ସ୍ନ।ନ ସାରି ପଶ୍ଚିମକୁ ମୁହଁ କରି ହନୁମାନ ଚାଳିଶା ପାଠ କରନ୍ତୁ
ଗର୍ଗ ଜ୍ୟୋତିଷ ଶ୍ରୀପତି ଆଚାର୍ଯ୍ୟ
ଯୋଗାଯୋଗ ନମ୍ବର-9438389039
ଇସ୍ରାଏଲର ଜଣେ ଭଲ ବନ୍ଧୁଥିଲେ ସୁଶାନ୍ତ, ସରକାର ଟ୍ୱିଟ୍ କଲେ ଏହି ସ୍ୱତନ୍ତ୍ର ଭିଡିଓ…
ନୂଆଦିଲ୍ଲୀ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାକୁ କେହି ବି ସହଜରେ ଗ୍ରହଣ କରିପାରୁ ନାହାନ୍ତି । ତାଙ୍କ ଫ୍ୟାନ୍ସମାନେ ଏବେ ବି ତାଙ୍କ ମନେ ପକାଉଛନ୍ତି । ଆଉ ସେମାନେ ବିଶ୍ୱାସ କରିପାରୁ ନାହାନ୍ତି ଯେ, ସୁଶାନ୍ତ ଆଉ ନାହାନ୍ତି । ସୁଶାନ୍ତ ଆତ୍ମହତ୍ୟା କରିଥିବା କଥା କହାରି ବିଶ୍ୱାସ ହେଉ ନାହିଁ ।
ଯେଉଁ ବୟସରେ ଲୋକେ ନୂତନ କୀର୍ତ୍ତିମାନ ରଚିବା କଥା ସେହି ବୟସରେ ଦୁନିଆକୁ ଅଲବିଦା କହିଛନ୍ତି ସୁଶାନ୍ତ । ଚିରନିଦ୍ରାରେ ଶୋଇଯାଇଛନ୍ତି ସୁଶାନ୍ତ । ତେବେ ସବୁଠାରୁ ବଡ଼ କଥା ହେଲା ସୁଶାନ୍ତଙ୍କ ମୃତ୍ୟୁରେ କେବଳ ଯେ ଭାରତ ଦୁଃଖି ତା ନୁହେଁ, ବିଦେଶରେ ମଧ୍ୟ ସୁଶାନ୍ତଙ୍କୁ ଅନେକ ପ୍ରଶଂସକ ମନେ ପକାଉଛନ୍ତି । ସୁଶାନ୍ତଙ୍କୁ ବିଦେଶୀ ପ୍ରଶଂସକମାନେ ସମବେଦନା ଜଣାଇଛନ୍ତି ।
Sending my deepest condolences on the passing of @its_sushant_fc, a true friend of Israel. You will be missed!
Check out one of the great things that came of his trip to Israel in the link below. #IsraelLooksEast #RIPSushantSinghRajput https://t.co/GM9bjM09XD pic.twitter.com/oukPiMFinh— Gilad Cohen 🇮🇱🎗️ (@GiladCohen_) June 16, 2020
ଏପରିକି ଇସ୍ରାଏଲ୍ର ଜଣେ ପ୍ରଶଂସକ କହିଛନ୍ତି, ସୁଶାନ୍ତ ଇସ୍ରାଏଲର ଜଣେ ପ୍ରକୃତ ବନ୍ଧୁ । ଇସ୍ରାଏଲ ସରକାରଙ୍କ ପକ୍ଷରୁ ବୈଦେଶିକ ମନ୍ତ୍ରାଳୟର ଜେନେରାଲ ଓ ଡେପୁଟି ଡାଇରେକ୍ଟର ଗିଲାଡ କୋହେନ ନିଜ ଟ୍ୱିଟ୍ ଆକାଉଣ୍ଟ ଜରିଆରେ ଏଭଳି ଟ୍ୱିଟ୍ କରିଛନ୍ତି । ସୁଶାନ୍ତଙ୍କ ସ୍ମୃତିରେ ସେ ଏକ ମେସେଜ୍ ସେୟାର କରିଛନ୍ତି । ଏହା ସହ ସୁଶାନ୍ତଙ୍କୁ ମନେ ପକାଇ ଏକ ଭିଡିଓ ଲିଙ୍କ ମଧ୍ୟ ଟ୍ୱିଟ୍ କରିଛନ୍ତି । ସୁଶାନ୍ତଙ୍କ ପରଲୋକରେ ଶୋକ ବ୍ୟକ୍ତ କରିବା ସହ ସେ ଇସ୍ରାଏଲର ପ୍ରକୃତ ବନ୍ଧୁ ଥିଲେ ବୋଲି ଟ୍ୱିଟରରେ ଉଲ୍ଲେଖ କରିଛନ୍ତି ଗିଲାଡ ।
ପ୍ରଧାନମନ୍ତ୍ରୀଙ୍କ ସହ ଆଲୋଚନା: ରେଳ ଚଳାଚଳଠାରୁ ପ୍ରବେଶିକା ପରୀକ୍ଷା ପ୍ରସଙ୍ଗ ଉଠାଇଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: ପ୍ରଧାନମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂ ଜରିଆର ଆଲୋଚନା କାଳରେ ମୁଖ୍ୟମନ୍ତ୍ରୀ ତିନୋଟି ମୁଖ୍ୟ ପ୍ରସଙ୍ଗ ଉଠାଇଛନ୍ତି । ରାଜ୍ୟର ଛାତ୍ରଛାତ୍ରୀଙ୍କ ଭବିଷ୍ୟତକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାତୀୟସ୍ତରର ପ୍ରବେଶିକା ପରୀକ୍ଷା ପ୍ରସଙ୍ଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମ୍ମୁଖରେ ରଖିଥିଲେ । ରାଜ୍ୟସ୍ତରରେ ଯୁକ୍ତ୨ ପରୀକ୍ଷା ହେବା ପରେ ହିଁ NEET, JEE ଭଳି ଜାତୀୟ ସ୍ତରରେ ପ୍ରବେଶିକା ପରୀକ୍ଷା ହେଉ ବୋଲି ସେ କହିଥିଲେ ।
ସେହିଭଳି ଉପସାଗରୀୟ ରାଷ୍ଟ୍ରରେ ଅଟକି ରହିଥିବା ଓଡ଼ିଆଙ୍କୁ ଦେଶକୁ ଫେରାଇ ଆଣିବା ପାଇଁ ଭାରତ ସରକାର ପଦକ୍ଷେପ ନିଅନ୍ତୁ ବୋଲି ମୁଖ୍ୟମନ୍ତ୍ରୀ କହିଛନ୍ତି । କାରଣ ଉପସାଗରୀୟ ରାଷ୍ଟ୍ରରେ ଅଟକି ରହିଥିବା ଓଡ଼ିଆଙ୍କ ମଧ୍ୟରୁ ଅଧିକାଂଶ ସେଠାରେ କମ ଦରମାରେ କାମ କରିଥାନ୍ତି ।
ସେହିଭଳି ଜୁନ ମାସରେ ମୌସୁମୀ ବର୍ଷା ଆରମ୍ଭ ହେଉଥିବା ବେଳେ ଅଧିକ ସଂଖ୍ୟାରେ ପ୍ରବାସୀ ରାଜ୍ୟକୁ ଫେରିଛନ୍ତି ତେଣୁ ବର୍ତ୍ତମାନ ପାଇଁ ଭାରତ ସରକାର ଓଡ଼ିଶାକୁ ରେଳ ଚଳାଚଳ ଓ ବିମାନ ସେବା ଉପରେ ପୂର୍ବଭଳି ପ୍ରତିବନ୍ଧକ ଜାରି ରଖନ୍ତୁ ବୋଲି ମୁଖ୍ୟମନ୍ତ୍ରୀ କହିଥିଲେ ।
ମୁଖ୍ୟମନ୍ତ୍ରୀଙ୍କ ଘୋଷଣା: ଦୁଇ ସହିଦଙ୍କ ପରିବାରକୁ ମିଳିବ ୨୫-୨୫ ଲକ୍ଷ ଟଙ୍କାର ସହାୟତା
ଭୁବନେଶ୍ୱର: ଭାରତ ଓ ଚୀନ୍ ସୀମାରେ ଥିବା ଲଦାଖ ଗଲୱାନ୍ ଘାଟିରେ ହୋଇଥିବା ସେନାର ସଂଘର୍ଷରେ ଦୁଇ ଓଡ଼ିଆ ଯବାନ ସହିଦ ହୋଇଛନ୍ତି । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ଏହା ସହ ଦୁଇ ସହିଦ ଓଡ଼ିଆ ଯବାନଙ୍କ ପରିବାରକୁ ରାଜ୍ୟ ସରକାର ୨୫-୨୫ ଲକ୍ଷ ଟଙ୍କାର ସହାୟତା ଦେବେ ବୋଲି ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡରୁ ଏହି ସହାୟତା ରାଶି ଦିଆଯିବ ।
ଏହା ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରି ଟ୍ୱିଟ୍ କରିଥିଲେ । ମୁଖ୍ୟମନ୍ତ୍ରୀ ନିଜ ଟ୍ୱିଟ୍ ଜରିଆରେ ଯବାନଙ୍କ ଅମର ଆତ୍ମାର ସଦ୍ଗତି କାମନା କରିଥିଲେ । ସେ ନିଜ ଟ୍ୱିଟ୍ରେ ଲେଖିଥିଲେ ଯେ, ‘ଲଦାଖ ଗଲୱାନ୍ ଘାଟିରେ ହୋଇଥିବା ସେନାର ସଂଘର୍ଷରେ ଦୁଇ ଓଡ଼ିଆ ଯବାନ ଚନ୍ଦ୍ରକାନ୍ତ ପ୍ରଧାନ ଓ ନନ୍ଦୁରାମ ସୋରେନଙ୍କ ଶହୀଦ ଖବର ମୋତେ ବ୍ୟଥିତ କରିଛି । ଦୁହିଁଙ୍କ ଦେଶପ୍ରେମ ଓ ବଳିଦାନ ଚିର ସ୍ମରଣୀୟ ରହିବ। ଉଭୟ ବୀରଙ୍କ ପରିବାରବର୍ଗଙ୍କ ପ୍ରତି ମୋର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦ୍ଗତି କାମନା କରୁଛି ।’
ଲଦାଖ ଗଲୱାନ୍ ଘାଟିରେ ହୋଇଥିବା ସେନାର ସଂଘର୍ଷରେ ଦୁଇ ଓଡ଼ିଆ ଯବାନ ଚନ୍ଦ୍ରକାନ୍ତ ପ୍ରଧାନ ଓ ନନ୍ଦୁରାମ ସୋରେନଙ୍କ ଶହୀଦ ଖବର ମୋତେ ବ୍ୟଥିତ କରିଛି। ଦୁହିଁଙ୍କ ଦେଶପ୍ରେମ ଓ ବଳିଦାନ ଚିର ସ୍ମରଣୀୟ ରହିବ। ଉଭୟ ବୀରଙ୍କ ପରିବାରବର୍ଗଙ୍କ ପ୍ରତି ମୋର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦଗତି କାମନା କରୁଛି।
— Naveen Patnaik (@Naveen_Odisha) June 17, 2020
ଉଲ୍ଲେଖନୀୟ ଯେ,ସୋମବାର-ମଙ୍ଗଳବାର ରାତିରେ ଲଦାଖର ଗଲବାନ ଘାଟିରେ ଚୀନ୍ ସୈନିକଙ୍କ ଆକ୍ରମଣରେ ୨୦ ଜଣ ଭାରତୀୟ ସୈନିକ ସହିଦ ହୋଇଥିଲେ । ସହିଦଙ୍କ ମଧ୍ୟରେ ଦୁଇ ଜଣ ଓଡ଼ିଆ ଯବାନ ମଧ୍ୟ ରହିଛନ୍ତି । କନ୍ଧମାଳ ରାଇକିଆର ଚନ୍ଦ୍ରକାନ୍ତ ପ୍ରଧାନ ଓ ମୟୁରଭଞ୍ଜର ନନ୍ଦୁରାମ ସୋରେନ୍ ଦେଶ ପାଇଁ ଚରମ ତ୍ୟାଗ କରିଛନ୍ତି । ଏହି ଦୁଇ ଯବାନ ବିହାର ରେଜିମେଣ୍ଟରେ କାର୍ଯ୍ୟରତ ଥିଲେ ।
ଆପଣ,ଅମନଙ୍କ ବାପା ? ଅମନ୍ ଦେଶ ପାଇଁ ସହିଦ ହୋଇଛନ୍ତି..
ସମସ୍ତିପୁର: ଗଲବାନରେ ଚୀନ ଧୋକାର ଶିକାର ହୋଇ ସହିଦ ହୋଇଥିବା ୨୦ ଯବାନଙ୍କ ମଧ୍ୟରେ ଅଛନ୍ତି ୧୬ ବିହାର ରେଜିମେଣ୍ଟର ସିପାହୀ ଅମନ କୁମାର ସିଂହ । ଅମନ କୁମାର ସମସ୍ତିପୁର ଜିଲ୍ଲାର ମୋହିଉଦ୍ଦିନନଗରର ସୁଲତାନପୁର ଗ୍ରାମର ବାସିନ୍ଦା ।
ମଙ୍ଗଳବାର ରାତି ୯ଟାରେ ସହିଦଙ୍କ ପିତା ସୁଧିର ସିଂହଙ୍କୁ କମାଣ୍ଡିଂ ଅଫିସର ଫୋନ୍ କରି ଲଦାଖରେ ତାଙ୍କ ପୁଅ ଦେଶ ପାଇଁ ବଳିଦାନ ଦେଇଥିବା କଥା କହିଥିଲେ । ଏହି ଖବର ଶୁଣିବା ପରେ ଅମନଙ୍କ ପରିବାର ଉପରେ ବଜ୍ରପାତ ହୋଇଥିଲା ।
ଅମନ କୁମାହର ୨୦୧୪ ନଭେମ୍ବର ମାସରେ ବିହାର ରେଜିମେଣ୍ଟରେ ଯୋଗ ଦେଇଥିଲେ । ଅମନ କୁମାର ଗତ ୩ ମାସ ହେଲ ଲେହ-ଲଦାଖରେ ଚୀନ୍ ସୀମାରେ ମୁତ୍ତୟନ ଥିଲେ ।
ଗତ ବର୍ଷ ହୋଇଥିଲା ବିବାହ
ସହିଦ ଅମନଙ୍କ ବିବାହ ଗତ ବର୍ଷ ପାଟନାରେ ହୋଇଥିଲା । ଅମନଙ୍କ ପତ୍ନୀଙ୍କ ଅନୁସାରେ ସେ ଫେବ୍ରୁଆରି ମାସରେ ଘରକୁ ଆସିଥିଲେ । ଗଲାବେଳେ କହିଥିଲେ ଯେ, ମେ’ ମାସରେ ପୁଣି ଫେରିବେ । କିନ୍ତୁ ଆଉ ଫେରିବେନି ।
ଅମନଙ୍କ ମା’ଙ୍କ ଅବସ୍ଥା ମଧ୍ୟ ଠିକ୍ ନାହିଁ । ତାଙ୍କ ଅନୁସାରେ ୨୫-୨୬ ତାରିଖରେ ଅମନ ଘରୁ କର୍ମକ୍ଷେତ୍ରକୁ ଯାଇଥିଲେ । ପୁଣିଥରେ ମେ’ ମାସରେ ଫେରିବା ବୋଲି କହିକରି ଯାଇଥିଲେ । କିନ୍ତୁ ଲକଡାଉନ୍ କାରଣରୁ ଆଉ ଘରକୁ ଫେରି ପାରିନଥିଲେ । ଲଦାଖରେ ମୋ ବାବୁ ସହିଦ ହୋଇଗଲା ।
ଅମନଙ୍କ ପିତାଙ୍କ ଅନୁସାରେ ସେ ରାତିରେ ଘରେ ବସିଥିଲେ । ଫୋନ୍ ଆସିଲା । ଫୋନ କରିଥିଲେ ଅମନଙ୍କ କମାଣ୍ଡିଂ ଅଫିସର । ସେପଟୁ ତାଙ୍କୁ ପଚରା ଯାଇଥିଲା ଯେ, ସେ ଅମନଙ୍କ ପିତା କି ?ଉତ୍ତରରେ ହଁ କହିବା ପରେ ସେପଟୁ କମାଣ୍ଡିଂ ଅଫିସର କହିଥିଲେ ଯେ, ଅମନ ଦେଶ ପାଇଁ ସହିଦ ହୋଇଯାଇଛନ୍ତି । ସହିଦ ଅମନଙ୍କ ପାର୍ଥିବ ଶରିର ଗୁରୁବାର ଦିନ ଲଦାଖରୁ ତାଙ୍କ ପୈତୃକ ଗ୍ରାମକୁ ଆସିବ । ସେଠାରେ ଅନ୍ତିମ ସଂସ୍କାର କରାଯିବ ।
୩୦ ପଇସାରେ କରୋନା ଔଷଧ,ଭାରତ ପାଖରେ Dexametasoneର ଭଣ୍ଡାର
କରୋନା ଭାଇରସର ନିବାରଣ ଭାବେ ବିରାଟ ଆଶା ଭାବେ ଉଭା ହୋଇଛି ଡେକ୍ସାମିଥେସୋନ୍ । ଏହି ଔଷଧକୁ କରୋନାର ସମ୍ଭାବ୍ୟ ନିବାରକ ବୋଲି କୁହାଯାଉଛି । ଭାରତ ପାଖରେ ରହିଛି ଏହାର ଭଣ୍ଡାର । ଭାରତରୁ ଏହି ଔଷଧ ୧୦୭ ଦେଶକୁ ରପ୍ତାନୀ ହୋଇଥାଏ । ୧୦ଟି ବଟିକା ଥିବା ଗୋଟିଏ ଷ୍ଟ୍ରିପର ଦାମ ହେଉଛି ୩ ଟଙ୍କା । ମାନେ ଗୋଟିଏ ବଟିକାକୁ ୩୦ ପଇସା ।କରୋନା ଭାଇରସର ରାମବାଣ ବୋଲି କୁହାଯାଉଥିବା ଏହି ଔଷଧକୁ ଭାରତ ୧୦୭ ଦେଶକୁ ରପ୍ତାନୀ କରିଥାଏ । ଯାହାର ରପ୍ତାନୀ ମୁଲ୍ୟ ହେଉଛି ପ୍ରାୟ ୧୧୬.୭୮ଟଙ୍କା ।
ଏହି ଔଷଧର ଉପଯୋଗ ରହ୍ୟୁମେଟିକ୍ ରୋଗ,ତ୍ୱତା ସମ୍ବନ୍ଧୀୟ ରୋଗ,ଆଲର୍ଜୀ,ଦମା,ଦାନ୍ତ ଓ ଆଖି ଫୁଲିବା ପାଇଁ ବ୍ୟବହାର ହୋଇଥାଏ । ଏହା ଏକ ଷ୍ଟେରୟଡ୍ । ଡାକ୍ତରଙ୍କ ପରାମର୍ଶରେ ଏହାକୁ ରୋଗୀଙ୍କୁ ଦିଆଯାଇଥାଏ ।
ଭାରତରେ ଏହି ଔଷଧକୁ ସବୁଠାରୁ ଅଧିକ ଜାଇଡର କାଡିଲା,ୱାର୍କହାଟ,କାଡିଲା ଫାର୍ମସୁଟିକାଲ,ଜିଏଲଏସ ଫାର୍ମା ଓ ବିଥ୍ ଲିମିଟେଡ୍ ନାମକ କଂପାନୀ ତିଆରି କରିଥାନ୍ତି । ଭଲ ଖବର ହେଲା ଏହି ଔଷଧ ବହୁତ ଶସ୍ତା । ୧୦ ଟି ବଟିକାର ଦାମ୍ ମାତ୍ର ୩ଟଙ୍କା । ଅର୍ଥାତ ଗୋଟିଏ ବଟିକାର ଦାମ ୩୦ ପଇସା ।
ବ୍ରିଟେନରେ ୨୧୦୪ ଜଣ କରୋନା ରୋଗୀଙ୍କ ଉପରେ ଅକ୍ସଫୋର୍ଡ ବିଶ୍ୱବିଦ୍ୟାଳୟର ଗବେଷକ କ୍ଲିନିକାଲ ଟ୍ରାଏଲ କରିଥିଲେ । ପରିଣାମ ଗବେଷକଙ୍କୁ ଚମକାଇ ଦେଇଥିଲା । ଏହି ଔଷଧ ଖାଇଥିବା ରୋଗୀଙ୍କ ମଧ୍ୟରୁ ଭେଣ୍ଟିଲେଟରରେ ଥିବା ଏକ ତୃତୀୟାଂଶ ମୃତ୍ୟୁହାର କମିଯାଇଥିଲା ।
ସୀମାରେ ହିଂସା, ଚୀନର ପୂର୍ବ ନିର୍ଦ୍ଧାରିତ ଷଡ଼ଯନ୍ତ୍ର: ଏସ୍ ଜୟଶଙ୍କର
ଲଦାଖ: ଗଲଓ୍ୱାନ ଘାଟିରେ ସୋମବାର ରାତି ଚୀନ ସହିତ ହୋଇଥିବା ହିଂସା ଘଟଣାକୁ ନେଇ ବିଦେଶ ମନ୍ତ୍ରୀ ଏସ୍ ଜୟଶଙ୍କର ଚୀନ ପ୍ରତିପକ୍ଷଙ୍କ ସହ ଫୋନ୍ ଯୋଗେ କଥା ହୋଇଛନ୍ତି । ସେ ଏଭଳି ଘଟଣା ନେଇ ବେଜିଂ ସମ୍ପୂର୍ଣ୍ଣ ଭାବେ ଦାୟୀ କରିଛନ୍ତି । ଚୀନ ଯଦି ଏଭଳି ଆଭିମୁଖ୍ୟ ପ୍ରଦର୍ଶନ କରେ ତା’ହେଲେ ଏହା ସେମାନଙ୍କ ଦ୍ୱିପାକ୍ଷିକ ସମ୍ପର୍କକୁ ପ୍ରଭାବିତ କରିବ ବୋଲି ସେ ଚେତାଇ ଦେଇଛନ୍ତି । ସେ ଆହୁରୀ କହିଛନ୍ତି ଗଲଓ୍ୱାନରେ ଯାହା କିଛି ହେଲା ଏନେଇ ଚୀନ ପକ୍ଷରୁ ପୂର୍ବରୁ ଯୋଜନା ହୋଇଥିବା ସେ ଅଭିଯୋଗ କରିଛନ୍ତି । ଉଭୟ ପକ୍ଷଙ୍କ ଫୋନ୍ରେ କଥାବାର୍ତ୍ତା ସରିବା ପରେ ଭାରତୀୟ ବିଦେଶ ମନ୍ତ୍ରାଳୟ ପକ୍ଷରୁ ଏ ନେଇ ସୂଚନା ଦିଆଯାଇଛି ।