ଆମେ କାହିଁକି କ୍ଷମା ମାଗିବୁ? ପ୍ରଥମ ଦିନରୁ ସରକାରଙ୍କ ନିର୍ଦ୍ଦେଶ ପାଳନ କରୁଛୁ ବୋଲି ଦିଲ୍ଲୀରୁ ତେଲେଙ୍ଗାନା, ଆଣ୍ଡାମାନ ପର୍ଯ୍ୟନ୍ତ ମାରାତ୍ମକ କରୋନା ଜୀବାଣୁ ବିସ୍ତାର କରିଥିବା ତବଲିଗୀ ଜମାତ୍‌ ଦାବି କରିଛି । ଏଣୁ କରୋନା ବିସ୍ତାର ନେଇ ଆମକୁ ଦାୟୀ କରାଯାଇପାରିବ ନାହିଁ ବୋଲି ଯୁକ୍ତି ବାଢ଼ିଛନ୍ତି ଜାମାତାର ନେତା । ତେବେ ବର୍ତ୍ତମାନ ତାଙ୍କ ଉପରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଜାମାତ ମୁଖପାତ୍ର ଆସରଫ୍‌ ମଙ୍ଗଳବାର ଦିନ ଗଣମାଧ୍ୟମକୁ ଆସି ଦାବି କରିଛନ୍ତି ଯେ ଲୋକଙ୍କୁ ପଠାଇବା କାମ ୧୨ ମାର୍ଚ୍ଚରୁ ଆରମ୍ଭ ହୋଇଛି।

କିନ୍ତୁ ନିଜାମୁଦ୍ଦିନର ଜମାତ ମୁଖ୍ୟାଳୟରେ ଶହ ଶହ ଲୋକଙ୍କୁ ଦେଖିବାକୁ ମିଳିଥିଲା । ଯେଉଁଥିରୁ ସେମାନେ ସରକାରଙ୍କ ନିୟମକୁ ମାନୁନଥିବା ସ୍ପଷ୍ଯ ଅନୁମେୟ । କରୋନା ଭୂତାଣୁ ଲକ୍ଷଣ ପାଇବା ପରେ ମଙ୍ଗଳବାର ସକାଳେ ନିଜାମୁଦ୍ଦିନ ମରକଜ୍‌ରୁ ୧୦୩୩ ଲୋକଙ୍କୁ ସ୍ଥାନାନ୍ତର କରାଯାଇ ବିଭିନ୍ନ ଡାକ୍ତରଖାନାକୁ ନିଆଯାଇଥିଲା। ଏଥିମଧ୍ୟରୁ ୨୪ ଟି କରୋନା ପଜିଟିଭ୍, ୭୦୦ କ୍ୱାରେଣ୍ଟାଇନ୍‌ରେ ରହିଛନ୍ତି ।

ତେବେ ଆସନ୍ତୁ ଜାଣିବା ତବଲିଗି ଜମାତ ଯେଉଁ ସଫେଇ ଦେଇଛି ତାହା କେତେ ମିଛ । ସରକାରଙ୍କ ନିମୟକୁ ଅବମାନନା କରି ସେମାନେ କେବଳର ନିଜ ପରିବାର ଲୋକଙ୍କୁ ନୁହଁ ସମ୍ପୂର୍ଣ୍ଣ ଦେଶବାସୀଙ୍କୁ ବିପଦରେ ପକାଇଛନ୍ତି ।

୧୨ ମାର୍ଚ୍ଚ

ଦେଶରେ କରୋନା ହେବାର ଆଶଙ୍କା ବଢ଼ିବା ପରେ କେନ୍ଦ୍ର ସରକାର କୁଟନୀତିକ ନିଯୁକ୍ତି ବ୍ୟତୀତ, ସମସ୍ତ ପ୍ରକାର ଭିସା ବାତିଲ କରିଛନ୍ତି । ତବଲିଗିଙ୍କ ପ୍ରବକ୍ତା ଅସରଫ୍‌ଙ୍କ କହିବାନୁଯାୟୀ ଅନୁଯାୟୀ, ଗତ ଚାରିମାସ ଧରି ନିଜାମୁଦ୍ଦିନ ଦରଗାହ୍‌ରେ ମଜମା ହଠାତ୍ ବନ୍ଦ ହୋଇପାରିବ ନାହିଁ । ଏଣୁ ବିଦେଶରୁ ଆସିଥିବା ୩ଶହ ବିଦେଶୀଙ୍କୁ ଘରକୁ ପଠାଇଦିଆଯାଇଛି । ସରକାରଙ୍କ ସନ୍ଦେହ ସେମାନେ ଭିସା ନିୟମର ଉଲ୍ଲଂଘନ କରି ଭାରତ ଆସିଛନ୍ତି ।

୧୭ ମାର୍ଚ୍ଚ

କରୋନା ପ୍ରଭାବ ଦିଲ୍ଲୀରେ ବୃଦ୍ଧି ପରେ ଅରବିନ୍ଦ କେଜ୍ରିୱାଲ ସରକାର ମଧ୍ୟ ପ୍ରତିଷେଧକମୂଳକ ପଦକ୍ଷେପ ଗ୍ରହଣ କରିଥିଲେ । ୧୭ ମାର୍ଚ୍ଚରେ ଦିଲ୍ଲୀର ନାଇଟ୍ କ୍ଲବ୍ ଏବଂ ସ୍ପା ମଧ୍ୟ ବନ୍ଦ ରହିଥିଲା ​​| ଏହା ସହିତ ୫୦ ଜଣଙ୍କୁ ଏକାଠି ହେବାକୁ ବାରଣ କରାଯାଇଥିଲା। ସମସ୍ତ ରାଜନୀତିକ, ଧାର୍ମିକ, ସାମାଜିକ ତଥା ପାରିବାରିକ କାର୍ଯ୍ୟକ୍ରମ ଏହାର ଅଧୀନରେ ଆସିବ ବୋଲି କେଜ୍ରିୱାଲ ସରକାର ଏକ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି । ଏହା ସତ୍ତ୍ୱେ ଜାଲସା ନିଜାମୁଦ୍ଦିନ ଦରଗାହ ନିକଟରେ ଥିବା ତବଲିଗି ଜମାତର କାର୍ଯ୍ୟକ୍ରମ ଚାଲିଥିଲା ।

୧୯ ମାର୍ଚ୍ଚ
୨ ଦିନ ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପୁଣି ଏକ ନୂଆ ଆଦେଶ ଦେଇଥିଲେ । ଏଥିରେ ୨୦ରୁ ଅଧିକ ଲୋକ ଦିଲ୍ଲୀର ଗୋଟିଏ ସ୍ଥାନରେ ଜମା ହୋଇପାରିବେନି ବୋଲି ନିର୍ଦ୍ଦେଶ ଜାରି କରିଥିଲେ ।  ଜାମାତ ଦାବି କରୁଛି ଯେ ସେ ଲୋକମାନଙ୍କୁ ପଠାଇବା ଆରମ୍ଭ କରିଛନ୍ତି । କିନ୍ତୁ ସେଠାରେ ଅଧିକ ସଂଖ୍ୟାରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା ।

୨୨ ମାର୍ଚ୍ଚ

କରୋନା ମୁକାବିଲା ନେଇ କେନ୍ଦ୍ର ସରକାରଙ୍କ ପକ୍ଷରୁ ବଡ଼ ନିଷ୍ପତ୍ତି ନିଆଯାଇଥିଲା । ୨୨ ମାର୍ଚ୍ଚରେ ଦେଶବ୍ୟାପୀ ଜନତା କର୍ଫ୍ୟୁ ପାଳନ କରିଥିଲେ ଜନସାଧାରଣ । ଦିନସାରା ଘରେ ରହିବା ପାଇଁ ପରାମର୍ଶ ଦିଆଯାଇଥିଲା । ଯାହାକୁ ସାରା ଦେଶରେ ଅଭୂତପୂର୍ବ ସମର୍ଥନ ମିଳିଥିଲା । କିନ୍ତୁ ଜାମାତା ବିଲ୍ଡିଂରେ ଶହ ଶହ ସଂଖ୍ୟାର ଲୋକଙ୍କୁ ଭିଡ଼ ଜମିଥିଲା । କିନ୍ତୁ ଏହି ସମୟ ବେଳକୁ ବିଲ୍ଡିଂକୁ ଖାଲି କରିଦେବାର ଆବଶ୍ୟକତା ରହିଥିଲା ।

୨୪ ମାର୍ଚ୍ଚ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମାର୍ଚ୍ଚ ୨୪ ରୁ ଦେଶରେ ୨୧ ଦିନିଆ ଲକ୍‌ଡାଉନ୍‌ ଘୋଷଣା କରିଛନ୍ତି କେନ୍ଦ୍ର ସରକାର । କରୋନା ଭୂତାଣୁର ଭୟାବହତାକୁ ଆଖିଆଗରେ ରଖି ଏଭିଳ କଠୋର ନିଷ୍ପତ୍ତି ନେଇଥିଲେ କେନ୍ଦ୍ର ସରକାର । ଏହା ଅଧୀନରେ ସମସ୍ତ ଲୋକଙ୍କୁ ନିଜ ଘରେ ରହିବାକୁ କଡା ନିର୍ଦ୍ଦେଶ ଦିଆଯାଇଥିଲା। କିନ୍ତୁ ଜାମାତ ମଧ୍ୟ ଏହାକୁ ଅନୁସରଣ କରିନଥିଲେ। ତେବେ ମସଜିଦରୁ ଶହ ଶହ ଲୋକଙ୍କୁ ଭେଟିବାର ଏକ ସପ୍ତାହ ପରେ ଜମାତା ମୁଖପାତ୍ର ସ୍ପଷ୍ଟ କରିଛନ୍ତି ଯେ, ଲକ୍‌ଡାଉନ୍‌ ପଡିଥିବାରୁ ଲୋକମାନେ ଘରକୁ ଯାଇପାରିବେ ନାହିଁ। ଏଭଳି ପରିସ୍ଥିତିରେ ଜାମାତ ଉପରେ ବିପରୀତ ପ୍ରଶ୍ନ ଉଠିଛି ଯେ ଉପରୋକ୍ତ ତାରିଖଗୁଡ଼ିକରେ ଦିଆଯାଇଥିବା ନିର୍ଦ୍ଦେଶକୁ କାହିଁକି ପାଳନ କରାଗଲା ନାହିଁ ଏବଂ କାହିଁକି ଦରଗାହାରେ ଥିବା ଲୋକଙ୍କୁ ସ୍ଥାନାନ୍ତର କରାଗଲା ନାହିଁ |

୩୦-୩୧ ମାର୍ଚ୍ଚ

ନିଜାମୁଦ୍ଦିନ ମରକାଜ୍‌ 1033 ରହିଥିଲେ । ସେମାନଙ୍କ ମଧ୍ୟରୁ ଅଧିକାଂଶଙ୍କ ଠାରେ କରୋନା ଲକ୍ଷଣ ଦେଖିବାକୁ ମିଳିଥିଲା । ଯେଉଁଥିରୁ ୨୪ ଜଣ କରୋନା ପଜିଟିଭ୍ | ୭୦୦ ଜଣ କ୍ୱରେଣ୍ଟାଇନ୍‌ରେ ରଖାଯାଇଛି । ଅନୁମାନ କରାଯାଏ ଯେ, ଏହି ମରକଜରେ ପ୍ରାୟ 1500 ରୁ 1700 ଲୋକ ରହୁଥିଲେ। କାଶ୍ମୀର, ଆଣ୍ଡାମାନ, ସାଉଦି, ଥାଇଲ୍ୟାଣ୍ଡ, ଇଣ୍ଡୋନେସିଆରୁ ଲୋକମାନେ ଏଠାରେ ଏକତ୍ରିତ ହୋଇଥିଲେ | ଏଠାରୁ ତେଲେଙ୍ଗାନା ଫେରିଥିବା ୬ ଜଣଙ୍କ ମୃତ୍ୟୁ ହୋଇଛି । ଏହା ସହିତ ଯେଉଁମାନେ ତେଲେଙ୍ଗାନା ଏବଂ ତାମିଲନାଡୁକୁ ନିଜାମୁଦ୍ଦିନଙ୍କ ମରକଜରୁ ଯାଇଛନ୍ତି ସେମାନଙ୍କୁ ଖୋଜା ଚାଲିଛି ।

ନୂଆଦିଲ୍ଲୀ: ସାଧାରଣତଃ କୋର୍ଟରେ ବେଳେବେଳେ ଏମିତି ପରିସ୍ଥିତି ଆସି ଯାଏ ଯେତେବେଳେ ଓକିଲ ଯୁକ୍ତି ଉପସ୍ଥାପନା କରିବା ସମୟରେ ଉଗ୍ର ବ୍ୟବହାର କରିଥାନ୍ତି । କିନ୍ତୁ କଲିକତା ହାଇକୋର୍ଟରେ ଜଣେ ଓକିଲଙ୍କୁ ମନମୁତାବକ ଶୁଣାଣି ନହେବାରୁ କୋର୍ଟରେ ସର୍ବସମ୍ମୁଖରେ ଜଜଙ୍କୁ ଦୁର୍ବ୍ୟବହାର ଦେଖାଇଛନ୍ତି । ଦୁର୍ବ୍ୟବହାର ଦେଖାଇ ସେ କହିଛନ୍ତି ଯେ, ଭଗବାନ କରନ୍ତୁ ଆପଣଙ୍କୁ କରୋନା ହେଇଯାଉ । ଆପଣଙ୍କ କ୍ୟାରିୟର ବରବାଦ ହେଇଯାଉ । ଜଜ୍ ଦିପଙ୍କର ଦତ୍ତାଙ୍କ ଖଣ୍ଡପୀଠ  ଓକିଲ ବିଜୟ ଅଧିକାରୀଙ୍କ ଏହି ଦୁର୍ବ୍ୟବହାରକୁ କୋର୍ଟର ଅବମାନନା ମନେ କରିଛନ୍ତି । ଏବଂ ଜଜ ତାଙ୍କୁ ଏକ ନୋଟିସ ଜାରି କରି କହିଛନ୍ତି ଯେ, ନା ମତେ ମୋ ଭବିଷ୍ୟତର ଚିନ୍ତା ଅଛି, ଆଉ ନା ଅଛି କରୋନାର ଡର । କୋର୍ଟର ଗରୀମା ମୋ ପାଇଁ ସର୍ବପ୍ରଥମେ । ଆପଣ ସେହି କୋର୍ଟର ଗରୀମାକୁ ଖଣ୍ଡନ କରିଛନ୍ତି ସେଥିପାଇଁ ଆପଣ ଆରୋପୀ ଅଟନ୍ତି । ତେବେ ଏହି ମାମଲାର ଶୁଣାଣି କୋର୍ଟର ଶ୍ରୀଷ୍ମ ଛୁଟି ରେ ହେବ ବୋଲି ଜଜ୍ ସୀତନା ଦେଇଛନ୍ତି ।

ଓକିଲ ଆଡ୍ରେସିଂ ଟେବୁଲକୁ ଧକ୍କା ଦେବା ସହ ମାଇକ୍ରୋଫୋନକୁ ବି ଭାଙ୍ଗି ଦେଇଥିଲେ-

ଜଷ୍ଟିସ ଦିପଙ୍କର ଦତ୍ତା ଅବମାନନା ନୋଟିସରେ ଘଟଣାକୁ ବିସ୍ତାର ଭାବେ ଉଲ୍ଲେକ କରିଛନ୍ତି । ସେ ଲେଖିଛନ୍ତି ଯେ, କାଳିଦାସ ଦତ୍ତା ବନାମ ଆହ୍ଲାବାଦ ବ୍ୟାଙ୍କର ସହ.କ ମ୍ୟାନେଜର ମାମଲାରେ କାଳିଦାସଙ୍କ ପକ୍ଷରୁ ଓକିଲ ବିଜୟ ଅଧିକାରୀ ଯୁକ୍ତି ବାଢ଼ୁଥିଲେ । ଏହାସହ ମାମଲାର ଶୀଘ୍ର ଶୁଣାଣି କରି ଅନ୍ତିମ ଆଦେଶ ଶୁଣାଇବାକୁ ଦାବି କରିଥିଲେ । ଆବେଦନକର୍ତ୍ତାଙ୍କ କହିବା ଅନୁସାରେ ଲୋନର କିଛି ବକେୟା ଟଙ୍କା ନଦେଇଥିବାରୁ ଜାନୁଆରୀ ମାସରେ ଆବେଦନକାରୀଙ୍କ ଗୋଟେ ବସକୁ ଜୂବତ କରାଯାଇଥିଲା । ଏବେ ବ୍ୟାଙ୍କ ସେହି ବସକୁ ନିଲାମ କରିବାକୁ ଯାଉଥିଲା । ଏବଂ ଏହା ଉପରେ ରୋକ ଲଗାଇବା ପାଇଁ ସେ କହିଥିଲେ । ତେବେ ଜଷ୍ଟିସ ଦିପଙ୍କର ଉକ୍ତ ମାମଲାର ଶୀଘ୍ର ଶୁଣାଣି କରିବା ପାଇଁ ମନା କରିଦେଇଥିଲେ ଏବଂ ଆଦେଶ ଲେଖିବା ଆରମ୍ଭ କରିଦେଇଥିଲେ । ତେବେ ଓକିଲଙ୍କୁ ଲାଗିଲାକି କୋର୍ଟ ତାଙ୍କ କଥା ଶୁଣୁ ନାହାନ୍ତି  । କିନ୍ତୁ କୋର୍ଟ ତାଙ୍କୁ କହିଲେ ଯେ ସେ ଅପର ପକ୍ଷର ଯୁକ୍ତି ନଶୁଣିବା ଯାଏଁ ଏକତରଫା ଆଦେଶ ଦେଇ ପାରିବେନି । ଏହା ଶୁଣଇବା ପରେ ଓକିଲ ନିଜ ହିତାହିତ ଜ୍ଞାନ ହରାଇବସିଲା । ସେ ପ୍ରଥମେ ଆଡ୍ରେସିଂ ଟେବୁଲ ଭାଙ୍ଗିବା ପରେ ମାଇକ୍ରୋଫୋନକୁ ଫାଙ୍ଗିଦେଇଥିଲେ