କାଠମାଣ୍ଡୁ:  ଲିପୁଲେଖକୁ ନେଇ ଭାରତ ଓ ନେପାଳ ମଧ୍ୟରେ ସୀମା ବିବାଦ ତେଜିବାରେ ଲାଗିଛି । ସୋମବାର ଦିନ ସୀମା ବିବାଦକୁ ନେଇ କାଠମାଣ୍ଡୁ ସ୍ଥିତ ଭାରତୀୟ ରାଷ୍ଟ୍ରଦୂତଙ୍କୁ ନେପାଳ ଡକାଇ ତାଙ୍କୁ କୂଟନୈତିକ ସନ୍ଦେଶ ଦେଇଛି ।

ଭାରତ କୈଳାଶ ମାନସରୋବର ଯାତ୍ରା ପାଇଁ ଶୁକ୍ରବାର ଦିନ ଭାରତ ପିଥୌରଗ-ଧାରତୁଲାରୁ ଲିପୁଲେଖକୁ ଯୋଡୁଥିବା ସଡକର ଉଦଘାଟନ କରିଥିଲା ।  ଉତ୍ତରାଖଣ୍ଡସ୍ଥିତ ଲିପୁଲେଖ ଉପରେ ନେପାଳ ନିଜ ଦାବି ରଖି ଆସୁଛି । ଲିପୁଲେଖରେ ଭାରତର ସଡକ ନିର୍ମାଣକୁ ନେପାଳ ବିରୋଧ କରିଆସୁଥିଲା । ନେପାଳର ବିରୋଧ ଉପରେ ପ୍ରତିକ୍ରିୟା ରଖି ନୂଆଦିଲ୍ଲୀ ପକ୍ଷରୁ କୁହାଯାଇଥିଲା ଯେ, ସଡକ ନିର୍ମାଣ ସମ୍ପୂର୍ଣ୍ଣ ଭାବେ ଭାରତୀୟ କ୍ଷେତ୍ର ଭିତରେ ହେଉଛି । ତେବେ ଭାରତ ଓ ନେପାଳ ମଧ୍ୟରେ ସମ୍ପର୍କ ଭଲ ଥିବାରୁ ଏହି ପ୍ରସଙ୍ଗର କୂଟନୈତିକ ସମାଧାନ ଉପରେ ଭାରତ ଗୁରୁତ୍ୱ ଦେଇ ଆସୁଛି ।

ନେପାଳ ବୈଦେଶିକ ମନ୍ତ୍ରୀ ପ୍ରଦୀପ ଗ୍ୟାଲି ସୋମବାର ଦିନ ଭାରତୀୟ ରାଷ୍ଟ୍ରଦୂତଙ୍କୁ ଡକାଇଥିଲେ  ଓ ଲିପୁଲେଖର ବିବାଦୀୟ ଜମି ଉପରେ ଭାରତ ଦ୍ୱାରା ରାସ୍ତା ନିର୍ମାଣକୁ ବିରୋଧ କରିଥିଲେ । ସୀମା ବିବାଦକୁ ନେଇ ନେପାଳ ସରକାରଙ୍କ ଆଭିମୁଖ୍ୟ ବାବଦରେ ଭାରତୀୟ ରାଷ୍ଟ୍ରଦୂତଙ୍କୁ ସୂଚିତ କରିବା ସହ ତାଙ୍କୁ କୂଟନୈତିକ ସନ୍ଦେଶ ପ୍ରଦାନ କରିଥିଲେ ।

ଏହାପୂର୍ବରୁ ନେପାଳର ବୈଦେଶିକ ମନ୍ତ୍ରଣାଳୟ ଶନିବାର ଦିନ ବୟାନ ଜାରି କରି ଭାରତ ଦ୍ୱାରା ଲିପୁଲେଖରେ ରାସ୍ତା ନିର୍ମାଣକୁ ବିରୋଧ କରିଥିଲା । ବିବାବଦର ସମାଧାନ ପାଇଁ ଉଭୟ ଦେଶଙ୍କ ମଧ୍ୟରେ ସଚିବ ସ୍ତରୀୟ  ବାର୍ତ୍ତା ପାଇଁ ଖୁବଶୀଘ୍ର ତାରିଖ ନିର୍ଧାରିତ କରିବା ପାଇଁ ନେପାଳ ଭାରତକୁ କହିଥିଲା ।

ନୂଆଦିଲ୍ଲୀ: ଭାରତ ଏବଂ ଚୀନ୍ ସୀମାରେ ଉତ୍ତେଜନା ବୃଦ୍ଧି ପାଇଛି । ଏବଂ ଚୀନକୁ ଜବାବ ଦେବାକୁ ସୀମାରେ ଭାରତୀୟ ଯୁଦ୍ଧ ବିମାନକୁ ନିୟୋଜିତ କରାଯାଇଛି । ଏହା କରିବାର କାରଣ ହେଉଛି ଚୀନର ସାମରିକ ହେଲିକପ୍ଟର ଭାରତୀୟ ସୀମା ପାଖକୁ ଚାଲି ଆସିଥିଲା । ସୂଚନା ଅନୁସାରେ ଲାଇନ୍ ଅଫ୍ ଆକଚୁଆଲ୍ କଣ୍ଟୋଲ ବା ଏଲଏସି ଉପରେ ଗତ ସପ୍ତାହରେ ଲଦାଖ ଏବଂ ଉତ୍ତର ସିକ୍କିମରେ ଏହି ଘଟଣା ଘଟିଥିଲା ।

କିଛିଦିନ ତଳେ ଉତ୍ତର ସିକିମରେ ଭାରତୀୟ ଏବଂ ଚୀନର ସୈନିକ ସାମ୍ନାସାମ୍ନି ହୋଇଥିଲା ଯେଉଁଥିରେ ଦୁଇ ପକ୍ଷର ସେନା ଆହତ ହୋଇଥିଲେ । ଏନେଇ ଭାରତୀୟ ଏବଂ ଚୀନ୍ ସେନା ଯବାନମାନେ ଆକ୍ରମଣାତ୍ମକ ହୋଇପଡ଼ିଥିଲେ । ଯେଉଁଥିରେ କିଛି ମାତ୍ରାରେ ଯବାନମାନେ ଆହତ ମଧ୍ୟ ହୋଇଥିଲେ । ଯଦିଓ ବୁଝାମଣା ପରେ ଦୁଇ ପକ୍ଷର ସେନା ଶାନ୍ତ ପଡ଼ିଥିଲେ । ଭାରତୀୟ ଏବଂ ଚୀନ ସେନା ମଧ୍ୟରେ କେବଳ ଉତ୍ତର ସିକିମରେ ହିଁ ନୁହେଁ ବରଂ ମେ ୫ରେ ଲଦାଖରେ ମଧ୍ୟ ଏମିତି ପରିସ୍ଥିତି ଦେଖାଦେଇଥିଲା । ଏବଂ ମେ ୬ରେ ଦୁଇ ପକ୍ଷର ସେନାଙ୍କ ମଧ୍ୟରେ ବୁଝାମଣା ହୋଇଯାଇଥିଲା । ଏହା ପରେ ଏଲଏସି ଉପରେ ଚୀନ ସେନା ହେଲିକପ୍ଟର ଉଡ଼ାଇଥିଲା ।

ଚୀନର ଏଭଳି ଦୁଃସାହାସ ଦେଖି ଭାରତୀୟ ବାୟୁସେନା ଆର୍ଲଟ ହୋଇଯାଇଥିଲେ । ଏବଂ ତରବରିଆ ଭାବେ ଲଦାଖ ସୀମାରେ ଯୁଦ୍ଧ ବିମାନ ଗୁଡ଼ିକୁ ନିୟୋଜିତ କରାଯାଇଥିଲା । ଏହାସହ ଯୁଦ୍ଧ ବିମାନଗୁଡ଼ିକୁ  ସୀମାନ୍ତରେ ନିୟୋଜିତ କରାଯାଇ ଚୀନକୁ କଡ଼ା ଜବାବ୍ ଦିଆଯାଇଥିଲା ।

ସୂଚନା ଅନୁସାରେ  ଚୀନର ହେଲିକପ୍ଟର ଭାରତୀୟ ସୀମା ଆଡକୁ ଉଡାଣ ଭରିବା ମାତ୍ରକେ  ଭାରତୀୟ ଯୁଦ୍ଧ ବିମାନ ଗୁଡ଼ିକୁ ଲଦାଖ ସେକ୍ଟର ସୀମାକୁ ଉଡାଣ ଭରିବାକୁ ଆଦେଶ ଦିଆଯାଇଥିଲ । ଭାରତୀୟ ବାୟୁସେନ ଯୁଦ୍ଧା ବିମାନଗୁଡ଼ିକୁ, ନିକଟରେ ଥିବା ନିଜ କ୍ୟାମ୍ପରୁ ହିଁ ଉଡ଼ାଣ ଭରିଥିଲେ ।  ଯଦିଓ ଚୀନ ହେଲିକପ୍ଟର ଭାରତୀୟ ବାୟୁ ଯେତ୍ରର ଉଲ୍ଲଂଘନ କରି ନଥିଲା । ତଥାପି ଭାରତୀୟ ଯୁଦ୍ଧ ବିମାନ ସତର୍କତା ଅବଲମ୍ବନ କରିଥିଲେ ।