ବ୍ରହ୍ମପୁର: କରୋନା ଭାଇରସ୍ ଆତଙ୍କ, ସମସ୍ତ କର୍ମଚାରୀଙ୍କ ଛୁଟି ବାତିଲ କଲେ ଗଞ୍ଜାମ ଜିଲ୍ଲାପାଳ । ସମସ୍ତ କର୍ମଚାରୀଙ୍କୁ ନିଜ ନିଜ ହେଡକ୍ୱାର୍ଟରରେ ରହିବାକୁ ଜିଲ୍ଲାପାଳଙ୍କ ନିର୍ଦ୍ଦେଶ ।
କରୋନା ପାଇଁ ଚଳଚ୍ଚିତ୍ର ଓ ଧାରାବାହିକ ଶୁଟିଂ ସ୍ଥଗିତ
ମୁମ୍ବାଇ: ଚଳଚ୍ଚିତ୍ର ଟେକ୍ନିସିଆନମାନଙ୍କୁ କରୋନାଭାଇରସର ବିପଦରୁ ରକ୍ଷା କରିବା ପାଇଁ ଫିଲ୍ମ ଇଣ୍ଡଷ୍ଟ୍ରିର ସମସ୍ତ ବଡ ସଂଗଠନ ବୈଠକ କରିଛି । ଏଥିରେ ଫେଡେରେସନ୍ ଅଫ୍ ୱେଷ୍ଟର୍ନ ଇଣ୍ଡିଆ ସିନେ ଏମ୍ପାଇଜ (FWICE), ଇଣ୍ଡିଆନ୍ ମୋସନ୍ ପିକ୍ଚର୍ସ ପ୍ରଡ୍ୟୁସର ଆସୋସିଏସନ୍ (IMPPA), ୱେଷ୍ଟର୍ଣ୍ଣ ଇଣ୍ଡିଆ ଫିଲ୍ମ ପ୍ରଡ୍ୟୁସର ଆସୋସିଏସନ୍ (WIFPA), IFPTC ଏବଂ ଗିଲ୍ଡର ସଦସ୍ୟମାନେ ସାମିଲ ହୋଇଥିଲେ | ବୈଠକରେ ୧୯ମାର୍ଚ୍ଚରୁ ୩୧ ମାର୍ଚ୍ଚ ଯାଏଁ ସବୁ ଫିଲ୍ମ ଏବଂ ଟିଭି ସୋ’ର ସୁଟିଂ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି । ଏହାସହ ନିର୍ମାତାମାନଙ୍କୁ ଜଣାଇଦିଆଯାଇଛି ଯେ ଜଦି ସେମାନେ ଦେଶ କି ବିଦେଶରେ ଶୁଟିଂ କରୁଛନ୍ତି ତ ନିଜ ୟୁନିଟକୁ ସେମାନଙ୍କ ଫେରାଇ ଆଣିବାକୁ କୁହାଯାଇଛି ।
https://www.instagram.com/p/B9wUx9jF7xt/?utm_source=ig_embed
ବୈଠକରେ ୱେଷ୍ଟର୍ଣ୍ଣ ଇଣ୍ଡିଆ ସିନେ ଫେଡେରେଶନର ସମ୍ପାଦକ ଅଶୋକ ଦୁବେ ଏବଂ ଫେଡରେଶନର ମୁଖ୍ୟ ପରାମର୍ଶଦାତା ତଥା ନିର୍ଦ୍ଦେଶକ ଅଶୋକ ପଣ୍ଡିତ, ଇମ୍ପାର ସଭାପତି ଟିପି ଅଗ୍ରୱାଲ, କାର୍ଯ୍ୟନିର୍ବାହୀ ସଦସ୍ୟ ଅଭୟ ସିହ୍ନା ଏବଂ ପଶ୍ଚିମ ଭାରତ ଚଳଚ୍ଚିତ୍ର ନିର୍ମାତା ଯୋଗ ଦେଇଥିଲେ। ସଙ୍ଗ୍ରାମ ଶିରେକେ, ଆସୋସିଏସନର ସଭାପତି ଏବଂ ଗିଲ୍ଡର ଅଧିକାରୀ ସାମିଲ ଥିଲେ ।
ମାର୍ଚ୍ଚ ୩୦ରେ ପୁଣି ହେବ ବୈଠକ
ଫେଡେରେସନ୍ ଅଫ୍ ୱେଷ୍ଟର୍ନ ଇଣ୍ଡିଆ ସିନେ କର୍ମଚାରୀଙ୍କ ପାଞ୍ଚ ଲକ୍ଷରୁ ଅଧିକ ସଦସ୍ୟ ଅଛନ୍ତି । ବୈଠକରେ ଏହା ମଧ୍ୟ ନିଷ୍ପତ୍ତି ନିଆଯାଇଛି ଯେ କରୋନାଭାଇରସକୁ ରୋକିବା ପାଇଁ ନିର୍ମାତାମାନେ ଶୁଟିଂ ସ୍ଥାନ ଉପରେ ସତର୍କତାମୂଳକ ପଦକ୍ଷେପ ନିଅନ୍ତୁ । ସମସ୍ତ ଶୁଟିଂ ସ୍ପଟରେ ସାନିଟାଇଜର ଏବଂ ମାସ୍କ ବ୍ୟବସ୍ଥା କରନ୍ତୁ ଏବଂ ପରିଷ୍କାର ପରିଚ୍ଛନ୍ନତା ପ୍ରତି ବିଶେଷ ଧ୍ୟାନ ଦିଅନ୍ତୁ । ଶୁଟିଂ ପୁଣି ଆରମ୍ଭ ହେବାନେଇ ମାର୍ଚ୍ଚ ୩୦ରେ ହେବାକୁଥିବା ବୈଠକରେ ନିଷ୍ପତ୍ତି ନିଆଯିବ ।
ବିପିନଙ୍କ ଅଙ୍ଗ ବଞ୍ଚାଇଲା ୪ ଜୀବନ
ଆସିକା: ମୃତ୍ୟୁ ପରେ ନିଜ ଅଙ୍ଗଦାନ କରି ଅମର ହେଲେ ଆଉ ଜଣେ ଓଡ଼ିଆ ଯୁବକ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଭାଟପଡାର ଯୁବକ ବିପିନ ପ୍ରଧାନ । ସୁରତରେ କାମ କରୁଥିବା ବେଳେ ହଠାତ୍ ସେ ଅସୁସ୍ଥ ହୋଇପଡ଼ିଥିଲେ । ଗତକାଲି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।
ମୃତ୍ୟୁ ପରେ ତାଙ୍କ ଅଙ୍ଗଦାନ କରାଯାଇଛି । ଅଙ୍ଗଦାନ ପାଇଁ ତାଙ୍କ ପରିବାର ଲୋକ ରାଜି ହୋଇଥିଲେ ଓ ଏଥିପାଇଁ ଖୁସି ଅଛନ୍ତି । ବିପିନଙ୍କ କିଡ୍ନୀ, ଆଖି ସମେତ ୪ଟି ଅଙ୍ଗ ମେଡିକାଲକୁ ଦାନ କରାଯାଇଥିଲା । ଏହି ମହାନତା ଆଜି ୪ ଜଣଙ୍କୁ ଜୀବନ ଦେଇପାରିଛି । ଯାହାକୁ ନେଇ ପୂରା ପରିବାର ଓ ଗାଁଲୋକ ଗର୍ବ ଅନୁଭବ କରୁଛନ୍ତି ।
ପ୍ରସ୍ତୁତ ରୁହନ୍ତୁ ଆତଙ୍କିତ ହୁଅନ୍ତୁ ନାହିଁ : ମୋଦି
କରୋନା ମୁକାବିଲା ପାଇଁ ଏକାଠି ହେଲେ ସାର୍କ ଦେଶ । ଏକାଠି ହୋଇ କରୋନା ସହ ଲଢେଇ କରିବାକୁ ସମସ୍ତେ ପ୍ରସ୍ତୁତ । ନେପାଳ, ବାଂଲାଦେଶ, ମାଳଦ୍ୱୀପ, ଶ୍ରୀଲଙ୍କା, ଆଫଗାନିସ୍ତାନ, ଭୂଟ୍ଟାନ, ପାକିସ୍ତାନର ପ୍ରମୁଖଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସାର୍କ ଦେଶ ମଧ୍ୟରୁ ଭାରତରେ ସବୁଠାରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ତା ତଳକୁ ପାକିସ୍ତାନରେ କରୋନାକୁ ନେଇ ଅଧିକ ହଇଚଇ ହେଉଛି । ଏଭଳି ଆପାତ୍ କାଳରେ ସାର୍କଦେଶ ସମୂହ ପରସ୍ପରକୁ ସାହାଯ୍ୟ କରିବା ପାଇଁ ପ୍ରତିଶ୍ରୁତି ଦେଇଛନ୍ତି ।
କରୋନା ମୁକାବିଲା ପାଇଁ ଏକ ସ୍ୱତନ୍ତ୍ର ଫଣ୍ଡ ଗଠନ କରାଯିବ । ଏଥିରେ ଭାରତ ପକ୍ଷରୁ ୭୪ କୋଟି ଟଙ୍କା ଦେବାକୁ ମୋଦୀ ଘୋଷଣା କରିଛନ୍ତି । ଡାକ୍ତରମାନଙ୍କୁ ମଧ୍ୟ ସ୍ୱତନ୍ତ୍ର ତାଲିମ ଦେବାକୁ ପ୍ରସ୍ତାବ ରଖିଛନ୍ତି ମୋଦି । ବୈଠକ ଆରମ୍ଭରୁ ପ୍ରଥମେ ମୋଦୀ ଅନ୍ୟ ଦେଶର ରାଷ୍ଟ୍ର ପ୍ରମୁଖଙ୍କ ସହ ଜଣ ଜଣ କରି କଥା ହୋଇଥିଲେ । କରୋନା ପ୍ରଭାବକୁ କମାଇବା ପାଇଁ କେଉଁ କେଉଁ ପଦକ୍ଷେପ ନେବା ଜରୁରୀ ସେଥିପାଇଁ ଆଲୋଚନା କରିଥିଲେ । ନେପାଳ, ପାକିସ୍ତାନ, ଭୁଟ୍ଟାନ ନିଜ ଦେଶର ସୀମାକୁ ସିଲ କରିବା ପାଇଁ ନିଷ୍ପତି ନେଇଛନ୍ତି । ଅନ୍ୟପଟେ ସୀମା ବନ୍ଦ ହେଲେ ଅନେକ ସମସ୍ୟା ସୃଷ୍ଟି ହେବା ପ୍ରସଙ୍ଗ ଉଠାଇଥିଲେ ବାଂଲାଦେଶ ପ୍ରଧାନମନ୍ତ୍ରୀ । ଇଟାଲୀ, ଇରାନ, ଚୀନରୁ ବାଂଲାଦେଶ ନାଗରିକଙ୍କୁ ଭାରତ ଉଦ୍ଧାର କରିଥିବାରୁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ ବାଂଲା ପ୍ରଧାନମନ୍ତ୍ରୀ । ବର୍ତ୍ତମାନ ସମୟରେ ସବୁ ବିବାଦ ଭୁଲି ଏକାଠି ହେବା ଆବଶ୍ୟକ ବୋଲି ମୋଦୀ ପରାମର୍ଶ ଦେଇଥିଲେ । ପାକିସ୍ତାନ ମଧ୍ୟ ମୋଦୀଙ୍କ ବିଭିନ୍ନ ପ୍ରସ୍ତାବରେ ହଁ ମାରିଛି । ଭାଇରସ ମୁକାବିଲା ପାଇଁ ଆବଶ୍ୟକ ପଡ଼ିଲେ ମେଡିସିନ, ଟେକ୍ନୋଲୋଜି, ଅତ୍ୟାବଶ୍ୟକ ଦ୍ରବ୍ୟ ପଠାଇବା ପାଇଁ ବୈଠକରେ ସ୍ଥିର ହୋଇଛି । ପାଖାପାଖି ୨ ଘଣ୍ଟା ଧରି ଭିଡିଓ କନଫରେନ୍ସିଂ ମାଧ୍ୟମରେ ସାର୍କ ଦେଶସମୂହର ପ୍ରଧାନମନ୍ତ୍ରୀ ଆଲୋଚନା କରିଥିଲେ ।
ଶିକ୍ଷକଙ୍କୁ ମହଙ୍ଗାପଡ଼ିଲା କରୋନା ଗୁଜବ: ଗିରଫ ପରେ ସ୍ୱାସ୍ଥ୍ୟବସ୍ଥା ଖରାପ
କଳାହାଣ୍ଡି: ଗୁଜବ ସୃଷ୍ଟିକାରୀ ସାବଧାନ୍ । କରୋନା ନେଇ ଅପପ୍ରଚାର କଲେ ମିଳିବନି ଛାଡ଼ । ବିପର୍ଯ୍ୟୟ ଲାଗି ଜାରି ଅଧିନିୟମ ଅନୁସାରେ ହେବ କଡ଼ା କାର୍ଯ୍ୟାନୁଷ୍ଠାନ । କରୋନା ଗୁଜବ ପାଇଁ ବନ୍ଧା ହେଲେ ଶିକ୍ଷକ । ଗିରଫ ଶିକ୍ଷକ ହେଲେ କଳାହାଣ୍ଡି ଦୁଡକେଲ ଗାଁର ବିନ୍ଦୁ ମହାନନ୍ଦ । ଗିରଫ ପରେ ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହେବାରୁ ତାଙ୍କୁ ଧର୍ମଗଡ଼ ମେଡିକାଲରେ ଭର୍ତ୍ତି କରାଯାଇଛି ।
ଗୋଲାମୁଣ୍ଡା ଖଳିଆକାନୀରେ ଜଣେ ଯୁବକ କରୋନାରେ ଆକ୍ରାନ୍ତ ଥିବା ଅପପ୍ରଚାର କରିଥିଲେ ବିନ୍ଦୁ । ସୋସିଆଲ ମିଡିଆରେ ଗୁଜବ ଭାଇରାଲ ପରେ କଳାହାଣ୍ଡି ଏସ୍ପି ବି. ଗଙ୍ଗାଧର ତାଙ୍କୁ ଗିରଫ କରିଛନ୍ତି । ଖଳିଆକାନିର ଯୁବକ ଜଣକ ଶ୍ରମିକ ଶ୍ରେଣୀର ହୋଇଥିବା ବେଳେ ନିଜ ଘରେ କବାଟ ବନ୍ଦ କରି ରହୁଥିବାରୁ ସେ କରୋନା ଆକ୍ରାନ୍ତ ବୋଲି ବିନ୍ଦୁ ସୋସିଆଲ ମିଡିଆରେ ଭାଇରାଲ କରିଥିଲେ । କରୋନାକୁ ନେଇ ସୋସିଆଲ୍ ମିଡିଆରେ ମିଥ୍ୟ । ପ୍ରଚାର ଅଭିଯୋଗରେ ଶୁକ୍ରବାର କନ୍ଧମାଳ ଜିଲ୍ଲା ବାଲିଗୁଡ଼ା ଅଞ୍ଚଳର ସତ୍ୟ ନାରାୟଣ ସାମଲଙ୍କୁ ଗିରଫ କରାଯାଇଥିଲା ।
୩୦ ଟଙ୍କାର ମାସ୍କ୍ ୧୫୦ଟଙ୍କାରେ ବିକ୍ରି !
ଭୁବନେଶ୍ୱର: ରାଜଧାନୀରେ କରୋନାକୁ ନେଇ କଳାବଜାରି । ଭୁବନେଶ୍ୱରରେ ବିଭିନ୍ନ ମେଡିସିନ ଦୋକାନରେ କମିଶନରେଟ ପୋଲିସ ପକ୍ଷରୁ ଚଢାଉ । ମାସ୍କ, ହ୍ୟ।ଣ୍ଡୱାସ ଓ ସାନିଟାଇଜର କଳାବଜାରି ରୋକିବା ପାଇଁ ଯାଞ୍ଚ । ୩୦ ଟଙ୍କାର ମାସ୍କକୁ ୧୫୦ ଟଙ୍କାରେ ବିକ୍ରି ହେଉଥିବା ଅଭିଯୋଗ ଆସିଛି । ସେହିଭଳି କରୋନାକୁ ନେଇ ବିଭିନ୍ନ ମଲ୍ରେ ନିଆଯାଇଛି ଆଗୁଆ ପଦକ୍ଷେପ । ଆଡ୍ଭାଇଜରି ଜାରି ସହ ହୋଟେଲଗୁଡ଼ିକ ପାଇଁ ଏସ୍ଓପି ଜାରି କରାଯାଇଛି ।
୩୦ ଟଙ୍କାର ମାସ୍କକୁ ବିକ୍ରି ହେଉଛି ୧୫୦ ଟଙ୍କାରେ । ଭୁବନେଶ୍ୱରର ବିଭିନ୍ନ ମେଡିସିନ ଦୋକାନରେ କମିଶନରେଟ ପୋଲିସର ରେଡ୍ ପରେ ଏଭଳି ତଥ୍ୟ ସାମ୍ନାକୁ ଆସିଛି । ମାସ୍କ, ହ୍ୟାଣ୍ଡୱାସ ଓ ସାନିଟାଇଜର କଳାବଜାରୀ ରୋକିବା ନେଇ ପୋଲିସର ଯାଞ୍ଚ ହୋଇଥିଲା । କଟକରୋଡ ଲାଇଭ ଲାଇଫ୍ ମେଡିସନ ଷ୍ଟୋରର ଖୋଲିଛି ମୁଖା । ୧୦ ଟଙ୍କାର ମାସ୍କକୁ ୩୦ ଓ ୩୦ ଟଙ୍କାର ମାସ୍କକୁ ୧୫୦ ଟଙ୍କାରେ ବିକ୍ରି କରୁଥିବା ଅଭିଯୋଗ ହୋଇଛି । ସେହିପରି ସହିଦ ନଗର, ନୟାପଲ୍ଲୀ ସମେତ ଅନେକ ଥାନା ଅଞ୍ଚଳରେ ଯାଞ୍ଚ କରିଛି ପୋଲିସ । ମେଡିସନ ମାଲିକ ପ୍ରତ୍ୟେକ ଲୋକଙ୍କୁ ଗୋଟିଏ ଲେଖାଁଏ ମାସ୍କ ଦେବା ସହ କଳାବଜାରୀ ନକରିବା ପାଇଁ ତାଗିଦ କରିଛି । ନିୟମ ଉଲ୍ଲଂଘନ କଲେ ସିଲ କରାଯିବ ବୋଲି ଚେତଇ ଦେଇଛି ପୋଲିସ ।
ମଲରେ କିଭଳି ପ୍ରତିଷେଧକ ନିଆଯିବ, ସେନେଇ ଟୁଇଟ କରିଛନ୍ତି ପୋଲିସ କମିଶନର । ମଲ ଭିତରେ ଅଳ୍ପ ସଂଖ୍ୟକ ଲୋକଙ୍କୁ ପ୍ରବେଶ କରାଇବା, ଗ୍ରାହକ ମାନେ ୬ ଫିଟ ଦୁରତା ବଜାୟ ରଖିବା, ମଲ ଭିତରେ ପ୍ରଚାର ପ୍ରସାର କାର୍ଯ୍ୟକ୍ରମ ଉପରେ ରୋକ୍ ସହ ମାସ୍କ ପିନ୍ଧିବାକୁ ଜାରି ହୋଇଛି ଆଡଭାଇଜରି । ମଲ ଭିତରକୁ ଯିବା ପୂର୍ବରୁ ଚେକିଂ କରିବା ସହ ସାନିଟାଇଜର ବ୍ୟବହାର କରିବାକୁ ଅନୁରୋଧ କରାଯାଉଛି । ଏହାସହ ମଲ ଭିତରେ ସ୍ୱଚ୍ଛତା ରଖିବା ପାଇଁ ସଫେଇ କରିବା ସହ ମଲ କର୍ମଚାରୀ ମାସ୍କ ବ୍ୟବହାର କରୁଛନ୍ତି । ଆଉ ଯିଏ ବି ମଲ ଭିତରକୁ ଯାଉଛନ୍ତି ହାତରେ ସାନିଟାଇଜର ବ୍ୟବହାର କରୁଛନ୍ତି ।
ଭିଡ଼ ନିୟନ୍ତ୍ରଣ ରୋକିବ କରୋନା ସଂକ୍ରମଣ, ବିଏମସି ପକ୍ଷରୁ ଏସଓପି ଜାରି
ଭୁବନେଶ୍ୱର: ରାଜଧାନୀରେ କରୋନା ସଂକ୍ରମଣ ରୋକିବାକୁ ବିଏମସିର ପ୍ରସ୍ତୁତି । ବିଏମସି କାର୍ଯ୍ୟାଳୟରେ ବସିଥିବା ବୈଠକରେ କରୋନା ମୁକାବିଲା ନେଇ ଆଲୋଚନା ହୋଇଛି । ରାଜଧାନୀରେ ଥିବା ସମସ୍ତ ହୋଟେଲ ଓ ମଲ୍ ପାଇଁ ବିଏମସି ଏସଓପି ଜାରି କରିଛି । ଏସଓପି ପାଳନ ନକଲେ ବିଏମସି କାର୍ଯ୍ୟାନୁଷ୍ଠାନ ଗ୍ରହଣ କରିବ । ହୋଟେଲ ଗୁଡ଼ିକରେ ପର୍ଯ୍ୟାପ୍ତ ପରିମାଣରେ ହ୍ୟାଣ୍ଡ ୱାସ୍ ମହଜୁଦ୍ ରଖିବା ସହ କମ୍ ସଂଖ୍ୟକ ଅତିଥି ରଖିବାକୁ ନିର୍ଦ୍ଦେଶ ଦିଆଯାଇଛି । ବିଶେଷକରି ବିଦେଶରୁ ଆସୁଥିବା ପର୍ଯ୍ୟଟକଙ୍କ ଯାତ୍ରା ବିବରଣୀ ଓ ମୋବାଇଲ ନମ୍ବର ସଂଗ୍ରହ କରିବେ ।
ସେହିଭଳି ଉତ୍ସବ ସମୟରେ ପରସ୍ପର ମଧ୍ୟରେ ଦୂରତା ରଖିବାକୁ ବିଏମସି ମାଇକ୍ ମାଧ୍ୟମରେ ସଚେତନ କରିବ । ଥଣ୍ଡା, ଜ୍ୱର ହୋଇଥିବା ବ୍ୟକ୍ତି ବିଶେଷ ଉତ୍ସବରେ ସାମିଲ ନହେବାକୁ ବିଏମସି ପକ୍ଷରୁ କୁହାଯାଇଛି । ପାର୍କ ଗୁଡ଼ିକରେ ମୁକ୍ତାକାଶ ଜିମ୍ ସାମଗ୍ରୀକୁ ଆସନ୍ତାକାଲି ଠାରୁ ଲକ୍ କରାଯିବ । ଚିକିତ୍ସା ବେଳେ କୌଣସି ସନ୍ଦିଗ୍ଧ ଚିହ୍ନଟ ହେଲେ ଡାକ୍ତରଖାନା କର୍ତ୍ତୃପକ୍ଷ, ଜନସ୍ୱାସ୍ଥ୍ୟ ନିର୍ଦ୍ଦେଶକ ଓ ବିଏମସିକୁ ଜଣାଇବେ ।
#Breaking ଭୁବନେଶ୍ୱର: ଓଡ଼ିଶା କୋଭିଡ-୧୯ ନିୟାମକ, ୨୦୨୦ କାର୍ଯ୍ୟକାରିତା ପାଇଁ ୪ IASଙ୍କୁ ଦାୟିତ୍ୱ ଦେଲେ ରାଜ୍ୟ ସରକାର । IAS ସୋମେଶ କୁମାର ଉପାଧ୍ୟାୟ, ପି. ଅନଭେଶ ରେଡ୍ଡୀ, ପାଟିଲ ଆଶିଷ ଈଶ୍ୱର, ଦିବାକର ଟି.ଏସଙ୍କୁ ଅତିରିକ୍ତ ଦାୟିତ୍ୱ । ଜୁନ୍ ୩୦ ତାରିଖ ଯାଏ ସ୍ୱତନ୍ତ୍ର ଭାବେ ଦାୟିତ୍ୱରେ ରହିବେ ୪ ଅଧିକାରୀ । @HFWOdisha pic.twitter.com/hXylkyNrZc
— NandighoshaTV (@NandighoshaTV) March 15, 2020
ବିଏମସିରେ ଆସନ୍ତାକାଲି ଠାରୁ ଖୋଲିବ ସ୍ୱତନ୍ତ୍ର କୋଭିଡ-୧୯ ସେଲ୍ । ଏହି ସେଲ୍ ସକାଳୁ ସନ୍ଧ୍ୟା ପର୍ଯ୍ୟନ୍ତ କରୋନା ସମ୍ପର୍କିତ ତଥ୍ୟ ଓ ସୂଚନା ଦେବ । ବିଏମସି କଲ୍ୟାଣ ମଣ୍ଡପ ଆଉ ବୁକିଂ କରାଯିବ ନାହିଁ । ଘରୋଇ ମଣ୍ଡପ ଗୁଡ଼ିକ ବୁକିଂ ରଖିଲେ ଏସଓପି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । କୋଚିଂ ସେଣ୍ଟର ଗୁଡ଼ିକୁ କ୍ଲାସ୍ ବନ୍ଦ କରିବା ପାଇଁ ଚିଠି ଯୋଗେ ଅବଗତ କରାଯାଇଛି । ମାସ୍କ ଓ ସାନିଟାଇଜରର କଳାବଜାରୀ ରୋକିବା ପାଇଁ ୩ଟି ସ୍କ୍ୱାଡ୍ ଗଠନ କରାଯାଇଛି । ବିଏମସି ସଫେଇ ଉପରେ ଧ୍ୟାନ ଦେଇଥିବା ବେଳେ ୧୦୦ଟି ସ୍ପ୍ରେ ମେସିନ୍ ଅଣାଯିବ ।
ବିଏମସିର ଅଧିକାରୀ ମାନେ ୨ ଘଣ୍ଟା ଧରି ବିଭିନ୍ନ ୱାର୍ଡ ବୁଲି ସ୍ଥିତିର ତଦାରଖ କରିବେ । ଅନ୍ୟପଟେ ଗୁରୁତ୍ୱର ଅଭିଯୋଗ ନଥିଲେ ଅଭିଯୋଗ ଶୁଣାଣି ପ୍ରକୋଷ୍ଠକୁ ନଆସିବାକୁ ବିଏମସି ଅନୁରୋଧ କରିଛି । ବିଏମସି କମିଶନର ପ୍ରେମ ଚନ୍ଦ୍ର ଚୌଧୁରୀଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଭୁବନେଶ୍ୱରର ସମସ୍ତ ଘରୋଇ ହସ୍ପିଟାଲ, ହୋଟେଲ ଓ ଶିକ୍ଷାନୁଷ୍ଠାନ କର୍ତ୍ତୃପକ୍ଷ ଉପସ୍ଥିତ ଥିଲେ ।
ଭୁବନେଶ୍ୱର: ଓଡ଼ିଶା କୋଭିଡ-୧୯ ନିୟାମକ, ୨୦୨୦ କାର୍ଯ୍ୟକାରିତା ପାଇଁ ୪ IASଙ୍କୁ ଦାୟିତ୍ୱ ଦେଲେ ରାଜ୍ୟ ସରକାର । IAS ସୋମେଶ କୁମାର ଉପାଧ୍ୟାୟ, ପି. ଅନଭେଶ ରେଡ୍ଡୀ, ପାଟିଲ ଆଶିଷ ଈଶ୍ୱର, ଦିବାକର ଟି.ଏସଙ୍କୁ ଅତିରିକ୍ତ ଦାୟିତ୍ୱ । ଜୁନ୍ ୩୦ ତାରିଖ ଯାଏ ସ୍ୱତନ୍ତ୍ର ଭାବେ ଦାୟିତ୍ୱରେ ରହିବେ ୪ ଅଧିକାରୀ ।
ଭୁବନେଶ୍ୱର: ଓଡ଼ିଶା କୋଭିଡ-୧୯ ନିୟାମକ, ୨୦୨୦ କାର୍ଯ୍ୟକାରିତା ପାଇଁ ୪ IASଙ୍କୁ ଦାୟିତ୍ୱ ଦେଲେ ରାଜ୍ୟ ସରକାର । IAS ସୋମେଶ କୁମାର ଉପାଧ୍ୟାୟ, ପି. ଅନଭେଶ ରେଡ୍ଡୀ, ପାଟିଲ ଆଶିଷ ଈଶ୍ୱର, ଦିବାକର ଟି.ଏସଙ୍କୁ ଅତିରିକ୍ତ ଦାୟିତ୍ୱ । ଜୁନ୍ ୩୦ ତାରିଖ ଯାଏ ସ୍ୱତନ୍ତ୍ର ଭାବେ ଦାୟିତ୍ୱରେ ରହିବେ ୪ ଅଧିକାରୀ ।
ଦୁଇ ରାଜ୍ୟ ମଧ୍ୟରେ ବାଲ୍ଟି ପାଇଁ ଲଢେଇ, ଗଡ଼ିଥିଲା ୨ହଜାର ମୁଣ୍ଡ
ଆପଣମାନେ ଜାଣିଥିବେ ସମଗ୍ର ବିଶ୍ୱରେ ଗୋଟିଏରୁ ଗୋଟିଏ ବିପଦଜନକ ଯୁଦ୍ଧ ହୋଇଛି, ଯେଉଁଥିରେ ହଜାର ହଜାର ଲୋକଙ୍କ ଜୀବନ ମଧ୍ୟ ଯାଇଛି । କିନ୍ତୁ ଏହି ଯୁଦ୍ଧଗୁଡିକର ଉଦ୍ଦେଶ୍ୟ ଥିଲା ସେହି ଅନ୍ୟ ରାଜ୍ୟକୁ ଦଖଲ କରିବା ଅର୍ଥାତ୍ ସେମାନଙ୍କର ଶକ୍ତି ବିସ୍ତାର କରିବା । କିନ୍ତୁ ପ୍ରାୟ ୬୯୫ ବର୍ଷ ପୂର୍ବେ କେବଳ ଗୋଟିଏ ବାଲ୍ଟି ପାଇଁ ଯୁଦ୍ଧ ହୋଇଥିଲା । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ଭୟଙ୍କର ଯୁଦ୍ଧରେ ୨ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି।
ସାମାନ୍ୟ ବାଲ୍ଚି ପାଇଁ ଦୁଇ ରାଜ୍ୟ ଭିତରେ ଭିଷଣ ଯୁଦ୍ଧ । ଆଉ ଏହି ଯୁଦ୍ଧରେ ୨୦୦୦ ଲୋକ ପ୍ରାଣ ମଧ୍ୟ ହରାଇଥିଲେ । କଥାଟା ମିଛି ଭିଳି ଲାଗୁଥିବ ନିଶ୍ଚୟ କିନ୍ତୁ ଏହା ନିରାଟ ସତ । ଏହି ଐତିହାସିକ ଘଟଣା ୧୩୨୫ ମସିହାର ହୋଇଥିଲା । ପ୍ରକୃତରେ, ସେହି ସମୟରେ ଇଟାଲୀରେ ଧାର୍ମିକ ଉତ୍ତେଜନା ଯଥେଷ୍ଟ ବୃଦ୍ଧି ପାଇଥିଲା ।
ଏଠାର ଦୁଇ ରାଜ୍ୟ ବୋଲଗ୍ନା ଏବଂ ମୋଡେନା ମଧ୍ୟରେ ସବୁବେଳେ ଯୁଦ୍ଧ ହେଉଥିଲା । କାରଣ ବୋଲଗନାକୁ ଇସାଇ ଧର୍ମଗୁରୁ ପୋପର ସମର୍ଥନ ମିଳିଥିଲା ଯେତେବେଳେ କି ମୋଡେନାକୁ ରୋମନ ସମ୍ରାଟଙ୍କର ସମର୍ଥନ ମିଳିଥିଲା । ପ୍ରକୃତରେ ବୋଲଗ୍ନାର ଲୋକେ ପୋପଙ୍କୁ ଇସାଇ ଧର୍ମର ପ୍ରକୃତ ଗୁରୁ ବୋଲି ଭାବୁଥିଲେ । ଯେବେ କି ମୋଡେନାର ଲୋକେ ରୋମନ ସମ୍ରାଟଙ୍କୁ ତାଙ୍କ ପ୍ରକୃତ ଗୁରୁ ମାନୁଥିଲେ ।
୧୩୨୫ ପୂର୍ବରୁ ୧୨୯୬ରେ ବୋଲଗ୍ନା ଏବଂ ମୋଡେନା ମଧ୍ୟରେ ଯୁଦ୍ଧ ହୋଇସାରିଥିଲା । ସେବେଠାରୁ ଦୁଇ ରାଜ୍ୟ ମଧ୍ୟରେ ସବୁବେଳେ ତିକ୍ତତା ଲାଗି ରହିଥିଲା। କୁହାଯାଏ କି ରିନାଲ୍ଡୋ ବୋନାକୋଲ୍ସିଙ୍କ ଶାସନ କାଳରେ ମୋଡେନା ଅଧିକ ଆକ୍ରମଣାତ୍ମକ ହୋଇ ବୋଲଗ୍ନା ଉପରେ ବାରମ୍ବାର ଆକ୍ରମଣ କରୁଥିଲା। ଦୁଇ ରାଜ୍ୟ ମଧ୍ୟରେ ଏହି ତିକ୍ତତା ଏକ ପ୍ରମୁଖ ଯୁଦ୍ଧରେ ପରିଣତ ହୋଇଥିଲା ଯେତେବେଳେ ୧୩୨୫ ମସିହାରେ ମୋଡେନାର କିଛି ସେନା ଲୁଚିଛପି ବୋଲଗନାର ଏକ ଦୁର୍ଗରେ ପଶି ସେଠାରୁ ଏକ କାଠ ବାଲ୍ଟି ଚୋରି କରିଥିଲେ ।
କୁହାଯାଏ ଯେ ବାଲ୍ଟି ହୀରା ଏବଂ ଅଳଙ୍କାରରେ ଭରି ରହିଥିଲା। ଯେତେବେଳେ ବୋଲଗ୍ନାଙ୍କ ସନ୍ୟ ବହୁମୂଲ୍ୟ ରତ୍ନରେ ପରିପୂର୍ଣ୍ଣ ବାଲ୍ଟି ଚୋରି ବିଷୟରେ ଜାଣିଲେ, ସେମାନେ ମୋଡେନାଙ୍କୁ ଏହାକୁ ଫେରାଇବାକୁ କହିଥିଲେ, କିନ୍ତୁ ମୋଡେନା ସମ୍ପୂର୍ଣ୍ଣ ଭାବେ ମନା କରିଦେଇଥିଲା । ଏହାପରେ ବୋଲଗ୍ନା ମୋଡେନା ବିରୁଧରେ ଯୁଦ୍ଧ ଘୋଷଣା କରିଥିଲେ।
ବୋଲଗ୍ନାର ସେତେବେଳେ ୩୨ ହଜାର ସୈନ୍ୟ ଥିବାବେଳେ ମୋଡେନାର ମାତ୍ର ସାତ ହଜାର ସୈନ୍ୟ ଥିଲେ । ଦୁଇ ରାଜ୍ୟ ମଧ୍ୟରେ ଯୁଦ୍ଧ ପ୍ରତ୍ୟୁଷରୁ ଆରମ୍ଭ ହୋଇ ମଧ୍ୟରାତ୍ରି ପର୍ଯ୍ୟନ୍ତ ଆରମ୍ଭ ହୋଇଥିଲା । କିନ୍ତୁ ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା ମୋଡେନା ଏହି ଯୁଦ୍ଧରେ କମ୍ ସୈନ୍ୟ ଥିବା ସତ୍ତ୍ୱେ ଜିତିଥିଲା । ଏହି ଯୁଦ୍ଧରେ ଦୁଇ ହଜାରରୁ ଅଧିକ ସୈନ୍ୟ ନିହତ ମଧ୍ୟ ହୋଇଥିଲେ ।
ବୋଲଗ୍ନା ଏବଂ ମୋଡେନା ମଧ୍ୟରେ ଏହି ଯୁଦ୍ଧକୁ ‘War of the bucket’ ତଥା ବାଲ୍ଟି ଯୁଦ୍ଧ କୁହାଯାଇଥାଏ । ତେବେ ଯେଉଁ ବାଲ୍ଟି ପାଇଁ ୨ହଜାର ଲୋକଙ୍କ ଜୀବନ ଯାଇଥିଲା ସେହି ବାଲ୍ଟିକୁ ଆଜି ବି ସଂଗ୍ରହାଳୟରେ ରଖାଯାଇଛି ।
ଶ୍ରୀମନ୍ଦିର ଗରୁଡ଼ ସ୍ତମ୍ଭ ଓ ଅରୁଣ ସ୍ତମ୍ଭକୁ ସ୍ପର୍ଶ ଓ ଆଲିଙ୍ଗନ କରିପାରିବେନି ଭକ୍ତ
ପୁରୀ: କରୋନା ପାଇଁ ଶ୍ରୀମନ୍ଦିର ଛତିଶା ନିଯୋଗ ବୈଠକରେ ବଡ଼ ନିଷ୍ପତ୍ତି । ଏପ୍ରିଲ ୧ ତାରିଖ ଯାଏଁ ପୁରୀ ଆସୁଥିବା ଶ୍ରଦ୍ଧାଳୁ ଶ୍ରୀମନ୍ଦିର ଗରୁଡ଼ ସ୍ତମ୍ଭ ଓ ଅରୁଣ ସ୍ତମ୍ଭକୁ ସ୍ପର୍ଶ ଓ ଆଲିଙ୍ଗନ କରିପାରିବେ ନାହିଁ । ଶ୍ରୀମନ୍ଦିରରେ ନିୟୋଜିତ ସମସ୍ତ କର୍ମଚାରୀ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ତେବେ, ସେବାୟତଙ୍କ ପାଇଁ ଏହା ବାଧ୍ୟତାମୂଳକ ନୁହେଁ । ଦର୍ଶନ ପାଇଁ ଆସୁଥିବା ସମସ୍ତ ଭକ୍ତ ଓ ଶ୍ରଦ୍ଧାଳୁଙ୍କୁ ଧାଡ଼ିରେ ଛଡ଼ାଯିବ । ଧାଡ଼ି ଦର୍ଶନ ବେଳେ ଅତିକମରେ ୧ ମିଟର ଦୂରତା ରହିବ । ଏଥିସହ ସହ ଶ୍ରଦ୍ଧାଳୁ ନିଜସ୍ୱ ଘୋଷଣା ନାମା ଦେବାକୁ ବାଧ୍ୟ । ପରିବାରର କେହି ବି ବିଦେଶ ଗସ୍ତ କରିଥିଲେ ଶ୍ରଦ୍ଧାଳୁ ଘୋଷଣା ନାମାରେ ତାହା ଉଲ୍ଲେଖ କରିବେ ।
ଶ୍ରୀମନ୍ଦିର ଚାରିଦ୍ୱାରରେ ସାନିଟେସନ ବ୍ୟବସ୍ଥା କରାଯିବାକୁ ନିଷ୍ପତ୍ତି ନିଆଯାଇଛି । ଭକ୍ତମାନେ ମହାପ୍ରସାଦ ଘରକୁ ନେଇ ଖାଇବାକୁ ନିବେଦନ କରାଯାଇଛି । ଶ୍ରୀମନ୍ଦିର ଭିତର କାଠରୁ ଭକ୍ତମାନେ ଶ୍ରୀଜିଉଙ୍କ ଦର୍ଶନ କରିପାରିବେ । ଏଥିରେ କୌଣସି କଟକଣା ନାହିଁ । କୋଣାର୍କ ମନ୍ଦିରକୁ ବିଦେଶୀଙ୍କ ପ୍ରବେଶ ଉପରେ କଟକଣା ଜାରି କରାଯାଇଥିଛି । ଅତି ଜରୁରି ନଥିଲେ ପୁରୀକୁ ଆସିବାକୁ ଥିବା ଭକ୍ତ ଓ ଯାତ୍ରୀ ସୁରକ୍ଷା କାରଣରୁ ଗସ୍ତ କାର୍ଯ୍ୟକ୍ରମ ସାମୟିକ ଭାବେ ସ୍ଥଗିତ କରିବାକୁ ନିବେଦନ କରାଯାଇଛି ।
ସମୁଦ୍ର କୂଳରେ ଅଯଥାରେ ବୁଲାବୁଲି ନକରିବା ଓ ନଗାଧେଇବାକୁ ଜିଲ୍ଲା ପ୍ରଶାସନ ନିବେଦନ କରିଛି । ବିଭିନ୍ନ ସ୍ଥାନରେ ମଧ୍ୟ ହେଲ୍ପ ଡେସ୍କ ଖୋଲାଯିବ । ପୁରୀରେ କରୋନା ସ୍କ୍ରିନିଂ ବ୍ୟବସ୍ଥା କରାଯିବାକୁ ରାଜ୍ୟ ସରକାରଙ୍କୁ ନିବେଦନ କରାଯାଇଥିବା ସିଡିଏମଓ ସୂଚନା ଦେଇଛନ୍ତି । ସାରା ବିଶ୍ୱକୁ କରୋନା ଭଳି ଭୟଙ୍କର ଭାଇରସ୍ କବଳରୁ ମୁକ୍ତି ପାଇଁ ଜଗତ ମଙ୍ଗଳ ହୋମ କରାଯିବାକୁ ସେବାୟତଙ୍କ ସହ ଆଲୋଚନା କରାଯାଇ ବ୍ୟବସ୍ଥା ହେବ ।