କୋଏମ୍ବାଟୁର: ବ୍ୟବସାୟ ଛାଡ଼ି ଏବେ ମାଗଣାରେ ଖାଦ୍ୟ ଯୋଗାଉଛନ୍ତି । ୬୦ ବର୍ଷ ବୟସ ପର୍ଯ୍ୟନ୍ତ ବ୍ୟବସାୟ ଚଳାଉଥିଲେ ଆଉ ଏବେ ୨୫୦ ଆଦିବାସୀଙ୍କୁ ପ୍ରତିଦିନ ମଧ୍ୟାହ୍ନ ଭୋଜନ ଯୋଗାଉଛନ୍ତି  । ଦେଢ଼ ବର୍ଷ ଧରି, ଥୋଥୁକୁଡିର ୬୩ ବର୍ଷିୟ ଏମ୍‌ ବାଲାଚନ୍ଦ୍ର ଅସୁସ୍ଥତା କିମ୍ବା ବୃଦ୍ଧାବସ୍ଥା ହେତୁ କାମ କରିବାକୁ ଯାଇପାରୁ ନଥିବା ଆଦିବାସୀ ଲୋକଙ୍କୁ ମାଗଣା ଖାଦ୍ୟ ଯୋଗାଉଛନ୍ତି।

ସେ ପ୍ରଥମେ ଅନାଇକାଟୀ ପାହାଡରେ ପାନପାଲ୍ଲୀ, କୋଣ୍ଡାନୁର, ଜାମ୍ବୁକାଣ୍ଡି, କୁଟୁପୁଲି ଏବଂ ଥେକାଲୁରରେ ଥିବା ଆଦିବାସୀ ହାମଲେଟ୍ ପରିଦର୍ଶନ କରିଥିଲେ। ପରେ ଖାଦ୍ୟ ବାଣ୍ଟିବା ପାଇଁ ନିସ୍ପତି ନେଇଥିଲେ ।

ପ୍ରତିଦିନ ରାମଚନ୍ଦ୍ର, ତାଙ୍କ ସାଙ୍ଗ – ଅନିକାଟିର ମୁରୁଗାନ୍, ୧୧ ରୁ ୧୨ ଟା ମଧ୍ୟରେ ହାମଲେଟରେ ଆଦିବାସୀଙ୍କୁ ୨୫୦ ପ୍ୟାକେଟ୍ ବିଭିନ୍ନ ପ୍ରକାରର ଖାଦ୍ୟ ଦିଅନ୍ତି । ଏହା ବ୍ୟତୀତ, ପ୍ରତି ତୃତୀୟ ରବିବାରରେ ସେ ପାଲାମଲାଇ ଜନଜାତି ଅଞ୍ଚଳ ପରିଦର୍ଶନ କରି ୨୫୦ ଆଦିବାସୀ ପରିବାରକୁ ୫ କିଲୋଗ୍ରାମ ଚାଉଳ ଏବଂ ୧ କିଲୋଗ୍ରାମ ଡାଲି ମଧ୍ୟ ପ୍ରଦାନ କରଥାନ୍ତି ।

ବାଲାଚନ୍ଦ୍ରଙ୍କର ଏକ ପତ୍ନୀ, ଗୋଟିଏ ପୁଅ ଏବଂ ଦୁଇ ଝିଅ ଅଛନ୍ତି । ପୁଅ କୋଏମ୍ବାଟୁରର ଏକ ଘରୋଇ ସୁପର ସ୍ପେସିଆଲିଟି ହସ୍ପିଟାଲରେ ଜେନେରାଲ୍ ମେଡିସିନ୍ରେ ଡାକ୍ତର ଭାବରେ କାର୍ଯ୍ୟ କରନ୍ତି । ଦୁଇ ଝିଅ ବିଦେଶରେ ବସବାସ କରିଛନ୍ତି। ସେ କହିଛନ୍ତି ଯେ କୋଏମ୍ବାଟୁରଠାରେ ଜନ୍ମ ହୋଇଥିବା ତାଙ୍କ ପତ୍ନୀ ଜୀବନର ଶେଷ ପର୍ଯ୍ୟାୟକୁ ସେହି ଅଞ୍ଚଳରେ ବଞ୍ଚିବାକୁ ଚାହୁଁଥିଲେ।

ସେ କହିଛନ୍ତି, “ଆଦିବାସୀ ହାମଲେଟରେ ଅଭାବୀ ଲୋକଙ୍କୁ ଖାଦ୍ୟ ପରିବେଷଣ କରିବା ପାଇଁ ଆମେ ଆଦିବାସୀ ଅଞ୍ଚଳକୁ ଘର ଦ୍ୱାର ପରିଦର୍ଶନ କରିଥିଲୁ। ସବିଶେଷ ତଥ୍ୟ ନେବା ପରେ ଆମେ ସେମାନଙ୍କ ହାମଲେଟ୍ ପରିଦର୍ଶନ କରି ସେମାନଙ୍କୁ ଖାଦ୍ୟ ପରିବେଷଣ କରିବା ଆରମ୍ଭ କରିଥିଲୁ।” ଥାଡାଗାମରେ ରହୁଥିବା ମହିଳା ଖାଦ୍ୟ ପ୍ରସ୍ତୁତ କରୁଛନ୍ତି ।

ପ୍ରତିଦିନ ୨୫୦ ଜଣଙ୍କୁ ଖାଦ୍ୟ ପ୍ରସ୍ତୁତ କରିବା ପାଇଁ ସେ ପ୍ରାୟ ୬ ହଜାର ଟଙ୍କା ଖର୍ଚ୍ଚ କରନ୍ତି ।

ଫେରାର ପରେ ପୁଣି ଘର ମୁହାଁ ହୋଇଥିଲେ ଦମ୍ପତି । କିନ୍ତୁ ଘରେ ସ୍ଥାନ ନମିଳିବାରୁ ପୁଣି ଥରେ ହୋଇଗଲେ ଫେରାର । ଏମାନେ କୌଣସି ଯୁବ ଦମ୍ପତି ନୁହଁନ୍ତି । ଏମାନଙ୍କର ବୟଷ ଶୁଣିଲେ ଆପଣ ମାନେ ଆଶ୍ଚର୍ଯ୍ୟ ହୋଇଯିବେ । କାରଣ ଏମାନଙ୍କର ବୟଷ ୪୦ରୁ ଅଧିକ ହେବ । ଏହି ଦୁଇଜଣ ନିଜ ପୁଅ ଏବଂ ଝିଅର ବିବାହର ଠିକ୍‌ ସପ୍ତାହେ ପୂର୍ବରୁ ଫେରାର ହୋଇଥିଲେ । କହିବାକୁ ଗଲେ ପୁଅ ଝିଅର ବାହାଘର ପରେ ଏମାନେ ହୋଇଥାନ୍ତେ ସମୁଦି ସମୁଦୁଣି  ।

ଏମାନେ ହେଉଛନ୍ତି ସୁରଟର ହିମାତ୍ ପାଣ୍ଡବ ଏବଂ ନଭସାରୀର ଶୋଭନା ରାଭାଲ । ସେମାନେ ଚଳିତ ବର୍ଷ ଜାନୁଆରୀରେ ନିଜ ପୁଅ ଏବଂ ଝିଅର ନିର୍ଦ୍ଧାରିତ ବିବାହର ସପ୍ତାହେ ପୂର୍ବରୁ ବିବାହ କରିଥିଲେ । ବିବାହର ଦୁଇ ସପ୍ତାହ ପରେ ସେମାନେ ନିଜ ନିଜ ପରିବାରକୁ ଫେରିଥିଲେ । କିନ୍ତୁ ସେମାନଙ୍କୁ ଘରେ କେହି ସ୍ଥାନ ଦେଇନଥିଲେ  । ଯାହାପାଇଁ ପୁନର୍ବାର ଦମ୍ପତି ଫେରାର ହୋଇଥିଲେ ।

ତେବେ ଗତଥର ତୁଳନାରେ ଏହି ଯୋଡି ‘ନିଖୋଜ’ ହେବା ନେଇ ପୋଲିସ ପାଖରେ କୌଣସି ଅଭିଯୋଗ ଦାଖଲ କରାଯାଇ ନାହିଁ । ପାଣ୍ଡବ ସୁରଟର କାଟାରଗାମ ଅଞ୍ଚଳର ବାସିନ୍ଦା ହୋଇଥିବାବେଳେ ରାଭାଲ ନାଭସାରୀ ଜିଲ୍ଲାର ବିଜୟଲପୁର ସହରରୁ ଆସିଛନ୍ତି।

ଜାନୁଆରୀ ୨୬ ରେ ସେମାନେ ଫେରିବା ପରେ ସ୍ୱାମୀ ତାଙ୍କୁ ଗ୍ରହଣ କରିବାକୁ ମନା କରିବା ପରେ ରାଭାଲ ତାଙ୍କ ପିତାମାତାଙ୍କ ଘରକୁ ଯାଇଥିଲେ କିନ୍ତୁ ସେଠାରେବି ତାଙ୍କକୁ ନିରାଶ ହୋଇ ଫେରିବାକୁ ପଡ଼ିଥଲା ।

ପାଣ୍ଡବ ଏବଂ ରାଭାଲ ଗତ ଶନିବାର ନିଜ ନିଜ ଘରୁ ବାହାରିଛନ୍ତି । ସେମାନେ ସୁରଟର ଏକ ଭଡା ଘରେ ରହିଥିବାର ଜଣାଯାଇଛି।