ଭୁବନେଶ୍ୱର: କରୋନା ମୁକାବିଲା ପାଇଁ ରାଜ୍ୟ ସରକାର ୨୨ ଆଇଏଏସଙ୍କୁ ଜିଲ୍ଲା ପର୍ଯ୍ୟବେକ୍ଷକ ଦାୟିତ୍ୱ ଦେଇଛନ୍ତି । ଭୁବନେଶ୍ୱର ସହର ପାଇଁ ଅନୁ ଗର୍ଗ, ଏନ୍. ତିରୁମାଲା ନାୟକଙ୍କୁ ଦାୟିତ୍ୱ । ଭଦ୍ରକ ଓ ବାଲେଶ୍ୱର ଦାୟିତ୍ୱରେ ମଧୁସୂଦନ ପାଢ଼ୀ ଓ ରତ୍ନାକର ରାଉତ । କଟକ ସହର ଓ କଟକ ଗ୍ରାମାଞ୍ଚଳ ଦାୟିତ୍ୱରେ ସୌରଭ ଗର୍ଗ, ସୁଶାନ୍ତ ମହାପାତ୍ର, ମୟୂରଭଞ୍ଜ ଓ କେନ୍ଦୁଝର ଦାୟିତ୍ୱରେ ସୁରେନ୍ଦ୍ର କୁମାର ଓ ଶ୍ରୀକାନ୍ତ ପୃଷ୍ଟି । ଗଞ୍ଜାମ ଓ ଗଜପତି ଦାୟିତ୍ୱରେ ଜି. ମାଥିଭାତନାନ୍‌ ଓ ଡ. କ୍ରିଷନ କୁମାର । ଯାଜପୁର, ଜଗତସିଂହପୁର ଓ କେନ୍ଦ୍ରାପଡ଼ା ଦାୟିତ୍ୱରେ ହେମନ୍ତ ଶର୍ମା, ଡ. ସୁରେଶ ଚନ୍ଦ୍ର ଦଳେଇ । ଅନୁଗୁଳୁ , ଦେବଗଡ଼ ଓ ଢ଼େଙ୍କାନାଳ ଦାୟିତ୍ୱରେ ବିଷ୍ଣୁପଦ ସେଠୀ, ଗୋପବନ୍ଧୁ ଶତପଥୀ । ବଲାଙ୍ଗୀର, ବରଗଡ଼ ଏବଂ ନୂଆପଡ଼ା ଦାୟିତ୍ୱରେ ସୁଶୀଳ କୁମାର ଲୋହାନି, ବେଣୁଧର ବେହେରା । କଳାହାଣ୍ଡି, କନ୍ଧମାଳ ଓ ବୌଦ୍ଧ ଜିଲ୍ଲାରେ ସ୍ଥିତି ଅନୁଧ୍ୟାନ କରିବେ ଶାଶ୍ୱତ ମିଶ୍ର ଓ ବିଷ୍ଣୁ ପ୍ରସାଦ ମିଶ୍ର । କୋରାପୁଟ, ମାଲକାନଗିରି, ରାୟଗଡ଼ା ଏବଂ ନବରଙ୍ଗପୁର ଦାୟିତ୍ୱରରେ ରହିବେ ଭି.ଭି  ଯାଦବ, ରାସିଦ ଖାନ୍‌ । ନୟାଗଡ଼, ପୁରୀ, କଟକ ଗ୍ରାମାଞ୍ଚଳ, ଖୋର୍ଦ୍ଧା ଗ୍ରାମାଞ୍ଚଳରେ ସ୍ଥିତି ଅନୁଧ୍ୟାନ କରିବେ ଅନିଲ କୁମାର ସାମଲ । ସମ୍ୱଲପୁର, ସୋନପୁର, ଝାରସୁଗୁଡ଼ା ଓ ସୁନ୍ଦରଗଡ଼ ଦାୟିତ୍ୱରେ ନିରଞ୍ଜନ ସାହୁ ।

ଭୁବନେଶ୍ୱର: ରାଜ୍ୟରେ କରୋନା ଯୁଦ୍ଧ ଲଢିବା ପାଇଁ ୧୧ ବରିଷ୍ଠ ଆଇଏଏସ୍‌ଙ୍କୁ ସ୍ୱତନ୍ତ୍ର ଦାୟିତ୍ୱ । ଉନ୍ନୟନ କମିଶନର ସୁରେଶ ମହାପାତ୍ରଙ୍କୁ କୋଭିଡ ହସପିଟାଲ ସ୍ଥାପନ ଦାୟିତ୍ୱ । ସୌରଭ ଗର୍ଗଙ୍କୁ ମଧ୍ୟ କୋଭିଡ ହସପିଟାଲ ସ୍ଥାପନ ଦାୟିତ୍ୱ । ସୌରଭ ଗର୍ଗ କୃଷି ବିଭାଗର ପ୍ରମୁଖ ସଚିବ । ପି କେ ମହାପାତ୍ରଙ୍କୁ ସାମାଜିକ ଦୂରତା ନିୟମ ଦାୟିତ୍ୱ । ଗୃହ ବିଭାଗର ପ୍ରମୁଖ ସଚିବ ସଞ୍ଜିବ ଚୋପ୍ରାଙ୍କୁ ଅନ୍ୟ ରାଜ୍ୟରେ ଥିବା ଓଡ଼ିଆଙ୍କ କଲ୍ୟାଣ ଦାୟିତ୍ୱ । ଶ୍ରମ ବିଭାଗର ପ୍ରମୁଖ ସଚିବ ଅନୁ ଗର୍ଗଙ୍କୁ କୋଭିଡ-୧୯ ପ୍ରଶିକ୍ଷଣ ଦାୟିତ୍ୱ । ପୂର୍ତ୍ତ ବିଭାଗ ସଚିବ କିଷାନ କୁମାରଙ୍କୁ ବାହାର ରାଜ୍ୟରୁ ଫେରୁଥିବା ଲୋକଙ୍କ ପଞ୍ଜୀକରଣ ଦାୟିତ୍ୱ ।  । ସୁରେନ୍ଦ୍ର କୁମାରଙ୍କୁ ଅତ୍ୟାବଶ୍ୟକ ସାମଗ୍ରୀ ଯୋଗାଣ ଓ ପରିବହନ ଦାୟିତ୍ୱ । ସୁରେନ୍ଦ୍ର କୁମାର ଜଳ ସମ୍ପଦ ପ୍ରମୁଖ ସଚିବ । ହେମନ୍ତ ଶର୍ମାଙ୍କୁ ସ୍ୱାସ୍ଥ୍ୟ ଉପକରଣ ସଂଗ୍ରହ ଦାୟିତ୍ୱ । ଶିଳ୍ପ ବିଭାଗର ପ୍ରମୁଖ ସଚିବ ହେମନ୍ତ ଶର୍ମା । ବିଶାଳ ଦେବ ହେଲେ ମୁଖ୍ୟଶାସନ ସଚିବଙ୍କ OSD । ବିଶାଳ ଦେବ କ୍ରୀଡା ଓ ପର୍ଯ୍ୟଟନ ବିଭାଗର ସଚିବ । ସଚିନ ଆର ଯାଦଭଙ୍କୁ ମଧ୍ୟ ମୁଖ୍ୟ ଶାସନ ସଚିବଙ୍କ OSD ଦାୟିତ୍ୱ । ସଚିନ ଯାଦଭ ପର୍ଯ୍ୟଟନ ବିଭାଗର ନିର୍ଦ୍ଦେଶକ । ଆର ଭିନିଲ କ୍ରୀଷ୍ଣାଙ୍କୁ ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତାଙ୍କ OSD ଦାୟିତ୍ୱ । ଆର ଭିନିଲ କ୍ରୀଷ୍ଣା କ୍ରୀଡା ବିଭାଗର ନିର୍ଦ୍ଦେଶକ । ଅରବିନ୍ଦ ଅଗ୍ରଓ୍ୱାଲ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସହ ଯୋଡ଼ି ହେଲେ । ଅରବିନ୍ଦ ଅଗ୍ରଓ୍ୱାଲ ସାମାଜିକ କଲ୍ୟାଣ ବିଭାଗ ନିର୍ଦ୍ଦେଶକ । ବି ଏସ୍‌ ପୁନିଆ ମଧ୍ୟ ସ୍ୱାସ୍ଥ୍ୟ ବିଭାଗ ସହ ଜଡିତ  । ବିଏସ୍‌ ପୁନିଆ ହେଉଛନ୍ତି SPD, OSEPA ।  2017 ବ୍ୟାଚର 3 ଆଇଏଏସ୍‌ ଅଫିସର ସ୍ୱାସ୍ଥ୍ୟ ବିଭାଗ ସହ ଜଡିତ । ସୋମେଶ ଉପାଧ୍ୟାୟ, ପି ଅନଭେସ୍‌ ରେଡ୍ଡୀ ଓ ହେମକାନ୍ତ ସଏ । 3 ଆଇପିଏସ୍‌ ମଧ୍ୟ ଜଡିତ ହେଲେ ସ୍ୱାସ୍ଥ୍ୟ ବିଭାଗ ସହ ଘନଶ୍ୟାମ ଉପାଧ୍ୟାୟ, ଜେ ଏନ୍‌ ପଙ୍କଜ ଓ ଅନିରୁଦ୍ଧ ସିଂ ଘନଶ୍ୟାମ ଉପାଧ୍ୟାୟ ଆଇଜି EOW । ଜେ ଏନ୍‌ ପଙ୍କଜ DIG କ୍ରାଇମବ୍ରାଞ୍ଚ ଏବଂ STF  । ଅନିରୁଦ୍ଧ କୁମାର ସିଂ DIG SIW । ଅମିତାଭ ଠାକୁର, ସଞ୍ଜିବ ପଣ୍ଡା, ସାର୍ଥକ ଷଡଙ୍ଗୀଙ୍କୁ ସ୍ୱତନ୍ତ୍ର ଦାୟିତ୍ୱ ।  IFS ଜି ରେଘୁ, IAS ଦିଭାକର ଟି ଏସ୍‌ ଓ ଆଶିଷ ପାଟିଲଙ୍କୁ ସ୍ୱତନ୍ତ୍ର ଦାୟିତ୍ୱ ।

ବ୍ରହ୍ମପୁର: ଲକ୍‌ଡାଉନ୍‌ ବେଳେ ସମୁଦ୍ରରେ ବୋଟ୍‌ ଯୋଗେ ଚେନ୍ନାଇରୁ ଗଞ୍ଜାମକୁ ଶ୍ରମିକ ଆସିବା ଘଟଣାର ତଦନ୍ତ ନିର୍ଦ୍ଦେଶ । ପରିବହନ ମନ୍ତ୍ରୀ ପଦ୍ମନାଭ ବେହେରା ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଗଞ୍ଜାମ ପ୍ରଶାସନ ବୋଟ୍‌କୁ ଜବତ କରିଛି ।

ଏହି ଶ୍ରମିକମାନଙ୍କୁ ଏବେ କ୍ୱାରେଣ୍ଟାଇନ୍‌ରେ ରଖାଯାଇଛି । ସମସ୍ତଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବ । ସେପଟେ ଭଦ୍ରକରେ ମଧ୍ୟ ସମୁଦ୍ର ପଥରେ ଲୋକ ଆସୁଥିବାରୁ ଫେରିଘାଟରେ କଟକଣା ଲଗାଯାଇଛି ।

ସମୁଦ୍ରରେ କେମିତି ଓ କହିଁକି ଆସିଲେ ଶ୍ରମିକ? ଲକ୍‌ଡାଉନ୍‌ ବେଳେ କିଏ ଦେଲା ଅନୁମତି? ମୁକୁଳା ପଡ଼ିଛି କି ଜଳପଥ? ଶ୍ରମିକଙ୍କ ପାଇଁ ଅନ୍ୟ ରାଜ୍ୟରେ ନାହିଁକି ସୁବ୍ୟବସ୍ଥା ? ଘଟଣାର ତଦନ୍ତ ପାଇଁ ପରିବହନ ମନ୍ତ୍ରୀ ପଦ୍ମନାଭ ବେହେରା ନିର୍ଦ୍ଦେଶ ଦେଇଛନ୍ତି । ସମୁଦ୍ରରେ ବୋଟ୍‌ ଯ଼ୋଗେ ଚେନାଇରୁ ଗଞ୍ଜାମୃକୁ ୩୮ ଜଣ ଆସିଛନ୍ତି । ସମୁଦ୍ର କୂଳରେ କଡ଼ା ପ୍ରହରା ପାଇଁ ମେରାଇନ୍‌ ଥାନାଗୁଡିକୁ ନିର୍ଦ୍ଦେଶ ଦିଆଯାଇଥିଲା । ତଥାପି ଏମାନେ କିଭଳି ଆସିଲେ, ତାହାର ତଦନ୍ତ ପାଇଁ ପ୍ରଶାସନକୁ ପରିବହନ ମନ୍ତ୍ରୀ ପଦ୍ମନାଭ ବେହେରା ନିର୍ଦ୍ଦେଶ ଦେଇଛନ୍ତି ।

ଚେନ୍ନାଇରୁ ଗଞ୍ଜାମ ଫେରିଥିବା ସମସ୍ତ ଶ୍ରମିକଙ୍କୁ କ୍ୱାରେଣ୍ଟାଇନ୍‌ରେ ରଖାଯାଇଛି । ସମସ୍ତଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଉଛି । ସ୍ୱାବ୍‌ ପରୀକ୍ଷା ମଧ୍ୟ କରାଯିବ ।

ସେପଟେ ଭଦ୍ରକରେ ଲକ୍‌ଡାଉନ୍‌ ସତ୍ତ୍ୱେ ଅନେକ ଲୋକ ଚାନ୍ଦବାଲି ମୁହାଣ ଅତିକ୍ରମ କରୁଥିବା ଅଭିଯୋଗ ହୋଇଛି । ତିନିତର, ଧାନଖଣିଆ, ମୁଅଁ। ଭଳି ଅନେକ ଘାଟ ଦେଇ ଅନ୍ୟରାଜ୍ୟରୁ ଡଙ୍ଗାରେ ଫେରୁଛନ୍ତି ଶ୍ରମିକ । ଅଭିଯୋଗ ପରେ ଏବେ ସମସ୍ତ ଫେରି ଘାଟରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଅନ୍ୟ ରାଜ୍ୟରୁ ଆସୁଥିବା ଲୋକଙ୍କ ପାଇଁ ଓଡ଼ିଶାରେ ବଢ଼ି ଚାଲିଛି କରୋନା ସଂକ୍ରମଣ । ସୀମା ସିଲ୍‌ ସତ୍ତ୍ୱେ ଗଳାବାଟ ଦେଇ ରାଜ୍ୟକୁ ଫେରୁଛନ୍ତି ଲୋକ । ଏହା ମୁଣ୍ଡବିନ୍ଧାର କାରଣ ପାଲଟିଛି ।

ଭୁବନେଶ୍ୱର: ଗୁଜରାଟ ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ସହ ଓଡ଼ିଶା ମୁଖ୍ୟମନ୍ତ୍ରୀଙ୍କ ଆଲୋଚନା । ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କ ସହ ଆଲୋଚନା କଲେ ନବୀନ ପଟ୍ଟନାୟକ ।  ଭିଡିଓ କନଫରେନ୍ସିଂ ଜରିଆରେ କଲେ ଆଲୋଚନା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଥିଲେ ଉପସ୍ଥିତ । ସୁରକ୍ଷିତ ଭାବେ ପ୍ରବାସୀ ଓଡ଼ିଆଙ୍କୁ ଫେରାଇ ଆଣିବା ପାଇଁ ହେଲା ଆଲୋଚନା । ମହାରାଷ୍ଟ୍ରରେ କରୋନା ଉତ୍କଟ ରୂପ ଧାରଣ କରିଛି । ରାଜ୍ୟ ବାହାରେ ଫସିରହିଛନ୍ତି ୭ ଲକ୍ଷ ଓଡ଼ିଆ । ଲକଡାଉନ୍‌ ସରିବା ପରେ ୫ ଲକ୍ଷ ଫେରିବେ ବୋଲି ଆକଳନ କରାଯାଉଛି । ସେମାନଙ୍କୁ ସୁରକ୍ଷିତ ଫେରାଇବା ଆଣିବା ପାଇଁ ବୈଠକରେ ବ୍ଳୁ-ପ୍ରିଣ୍ଟ ପ୍ରସ୍ତୁତି । ରବିବାର ପୂର୍ବାହ୍ନରେ ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ସହ ମଧ୍ୟ ଆଲୋଚନା ହୋଇଛି । ସୂଚନା ଯୋଗ୍ୟ ଯେ, ଓଡ଼ିଶା ଫେରିବା ପାଇଁ ବ୍ୟଗ୍ର ଥିବା ଓଡ଼ିଆଙ୍କ ନାମ ପଞ୍ଜୀକରଣ ପାଇଁ ରାଜ୍ୟ ସରକାରଙ୍କ ପକ୍ଷରୁ ସ୍ୱତନ୍ତ୍ର ପୋର୍ଟଲ ଲୋକାର୍ପିତ କରିଛନ୍ତି । ପ୍ରବାସୀ ଓଡ଼ିଆମାନେ ରାଜ୍ୟକୁ ଫେରିବାକୁ ହେଲେ ଏହି ପୋର୍ଟାଲରେ ନାମ ପଞ୍ଜୀକରଣ ଓ କ୍ୱାରେଣ୍ଟାଇନ୍‌ରେ ରହବିାକୁ ବାଧ୍ୟତାମୂଳକ କରାଯାଇଛି ।

ଓଡ଼ିଶା ବାହାରେ ରହୁଛନ୍ତି କି ? ନିଜ ରାଜ୍ୟକୁ ଫେରିବା ପାଇଁ କେମିତି କରିବେ ପଞ୍ଜୀକରଣ, ଜାଣନ୍ତୁ