ପୁରୀ: ରଥଯାତ୍ରା ପୂର୍ବରୁ ପୁରୀ ଶ୍ରୀମନ୍ଦିରରେ କାର୍ଯ୍ୟକ୍ଷମ ହେଲା ଆଣ୍ଟିଡ୍ରୋନ ବ୍ୟବସ୍ଥା । ଶ୍ରୀମନ୍ଦିର ଦକ୍ଷିଣ ଦ୍ଵାର ନିକଟରେ ଉଡୁଥିବା ଡ୍ରୋନକୁ ଖସାଇଲା ଆଣ୍ଟିଡ୍ରୋନ । ଆଣ୍ଟି ଡ୍ରୋନ ଟେକ୍ନୋଲୋଜି ଦ୍ୱାରା ଡ୍ରୋନକୁ ଖସାଇଲା ପୋଲିସ । ସମ୍ପୃକ୍ତ ଡ୍ରୋନକୁ ଜବତ କରିଛି ପୋଲିସ । ଡ୍ରୋନ ଉଡାଉଥିବା ବ୍ୟକ୍ତିଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ। କେଉଁ ଉଦେଶ୍ୟରେ ଉଡ଼ାଉଥିଲା ଡ୍ରୋନ ସେ ନେଇ ଚାଲିଛି ତଦନ୍ତ ।
ବ୍ରହ୍ମପୁର ଦୁଷ୍କର୍ମ ଘଟଣା: ଦକ୍ଷିଣାଞ୍ଚଳ IGଙ୍କୁ ଭେଟିଲା ବିଜେଡି ଟିମ୍
ଦକ୍ଷିଣାଞ୍ଚଳ IGଙ୍କୁ ଭେଟିଲା ବିଜେଡି ଟିମ୍। ବ୍ରହ୍ମପୁର ଦୁଷ୍କର୍ମ ଘଟଣାରେ ବ୍ରହ୍ମପୁର IGଙ୍କୁ ଭେଟି ଦାବିପତ୍ର ପ୍ରଦାନ କରିଛି ବିଜେଡି ଟିମ। ୧୭ ବର୍ଷର ଗରିବ ନାବାଳିକାଙ୍କୁ ନର୍ସିଂରେ ବିଏସସି କରାଇ ଦେବାକୁ ପ୍ରଲୋଭିତ କରି ଦୁଷ୍କର୍ମ କରିଥିଲେ ଜଣେ ନକଲି ହୋମିଓପାଥି ଡାକ୍ତର ।
ମା’ ହେବାକୁ ଯାଉଛନ୍ତି ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ! ଫ୍ୟାନ୍ସଙ୍କୁ ଦେଲେ ଗୁଡ୍ ନ୍ୟୁଜ୍
ଟେଲିଭିଜନ ଅଭିନେତ୍ରୀ ଅଙ୍କିତା ଲୋଖଣ୍ଡେ ସବୁବେଳେ ଚର୍ଚ୍ଚାରେ ରହିଥାନ୍ତି । ବର୍ତ୍ତମାନ ସମୟରେ ଅଙ୍କିତା ଓ ତାଙ୍କ ପତି ଭିକ୍କି ଜୈନ ’ଲାଫ୍ଟର ଶେଫ ୨’ରେ ଆସୁଛନ୍ତି । ଦୁହିଙ୍କର ରୋମାଣ୍ଟିକ କେମେଷ୍ଟ୍ରିକୁ ଦର୍ଶକ ବେଶ୍ ଭଲପାଇବା ଦେଉଛନ୍ତି । ଏହା ମଧ୍ୟରେ କଲର୍ସ ପକ୍ଷରୁ ଏକ ଭିଡିଓ ଶେୟାର କରାଯାଇଛି । ସେଥିରେ ଅଭିନେତ୍ରୀ କହୁଛନ୍ତି, ମୁଁ ପ୍ରେଗନେଣ୍ଟ ଅଛି, ଦୌଡ଼ି ପାରିବି ନାହିଁ । କମେଡ଼ିଆନ କ୍ରିଷ୍ଣା ଅଭିଷେକଙ୍କ ପଛରେ ଅଙ୍କିତା ଦୌଡ଼ୁଥିଲେ । ମାତ୍ର କିଛି ଦୂର ଯିବା ପରେ ଅଙ୍କିତା ଅଟକି ଯାଇଥିଲେ ଓ ସେଟ ଉପରେ ଏହା ଘୋଷଣା କରିଥିଲେ ।
କଲର୍ସ ପକ୍ଷରୁ ଶେୟାର କରାଯାଇଥିବା ଭିଡିଓରେ କ୍ରିଷ୍ଣାଙ୍କ ଖାଦ୍ୟ ସାମଗ୍ରୀ ଧରି ଅଭିନେତ୍ରୀ ଦୌଡ଼ି ପଳାଇଥିଲେ । ପୂରା ସେଟରେ କିଛି ସମୟ ଧରି ବୁଲିବା ପରେ ’ସେ ଗର୍ଭବତୀ ଅଛନ୍ତି, ଦୌଡ଼ି ପାରିବେ’ ନାହି ବୋଲି ଅଙ୍କିତା କହିଥିଲେ । ଏହା ଶୁଣି କ୍ରିଷ୍ଣା ଚକିତ ହୋଇଯାଇଥିଲେ । ତେବେ ଏହି ଗୁଡ୍ ନ୍ୟୁଜ୍ ଦେବା ପରେ ଅଙ୍କିତା ଲାଜେଇ ଯାଇଥିଲେ । କିଛି ସମୟ ପରେ କରଣ କୁନ୍ଦ୍ରା ମଧ୍ୟ ପଚାରିଥିଲେ । ଅଙ୍କିତା ମୁଣ୍ଡ ହଲାଇ ହଁ ଉତ୍ତର ଦେଇଥିଲେ । ଏହି ଭିଡିଓ ଦେଖିବା ପରେ ବହୁତ କମେଣ୍ଟ ଆସିଛି । କିଛି ଏହାକୁ ସତ ବୋଲି ଗ୍ରହଣ କରୁଥିବା ବେଳେ ଆଉ କିଛି ମଜାକ ବୋଲି କହୁଛନ୍ତି । ପୂର୍ବରୁ ଅଙ୍କିତା ଅନେକ ଥର ମଜାକ୍ କରିସାରିଛନ୍ତି । ୪୦ ବର୍ଷୀୟା ଅଭିନେତ୍ରୀ ମାଆ ହେବାକୁ ନେଇ ତାଙ୍କର ଶାଶୂ ଅନେକ ଥର ନ୍ୟାସନାଲ ଟିଭିରେ କହିସାରିଛନ୍ତି । ୨୦୨୧ ମସିହା ଡିସେମ୍ବର ୧୪ରେ ଅଙ୍କିତା ଓ ଭିକ୍କି ବିବାହ ବନ୍ଧନରେ ବାନ୍ଧି ହୋଇଥିଲେ ।
କେନ୍ଦ୍ର ସରକାରଙ୍କ ନୂଆ ନିୟମ: ଏଣିକି ଦୁଇଚକିଆ ଯାନରେ ଲାଗିବ ଟୋଲ ଟ୍ୟାକ୍ସ
ନୂଆଦିଲ୍ଲୀ: ଜାତୀୟ ରାଜପଥରେ ଯାତାୟାତ କରୁଥିବା ଦୁଇଚକିଆ ଯାନକୁ ନେଇ ଆସିଛି ଏକ ବଡ଼ ଖବର । ସୂଚନା ମୁତାବକ, ଜାତୀୟ ରାଜପଥର ଟୋଲରେ ଏଣିକି ଦୁଇଚକିଆ ଯାନଗୁଡ଼ିକୁ ମଧ୍ୟ ଟ୍ୟାକ୍ସ ଦେବାକୁ ପଡ଼ିବ । ଜୁଲାଇ ୧୫ ତାରିଖରୁ ଏହି ନିୟମ ଲାଗୁ ହେବ । ସାଧାରଣ ଭାବେ ଦୁଇଚକିଆ ଯାନ କିଣିବା ସମୟରେ ଟୋଲ ଟ୍ୟାକ୍ସ ଆଦାୟ କରାଯାଇଥାଏ । ମାତ୍ର ଜାତୀୟ ରାଜପଥରେ ଯାତାୟାତ କରୁଥିବା ଦୁଇଚକିଆ ଯାନଗୁଡ଼ିକ ଠାରୁ ଟୋଲ ଟ୍ୟାକ୍ସ ନିଆଯାଇନଥାଏ । କେବଳ ଚାରି ଚକିବା ଯାନ ବା ଅଧିକ ଚକିଆ ଯାନଗୁଡ଼ିକ ଠାରୁ ଟୋଲ ଟ୍ୟାକ୍ସ ଆଦାୟ କରାଯାଇଥାଏ ।
ଭାରତୀୟ ଜାତୀୟ ରାଜପଥ କର୍ତ୍ତୃପକ୍ଷ (ଏନଏଚଏଆଇ) ପାଇଁ କେନ୍ଦ୍ର ସରକାର ଏହି ନିୟମ ଲାଗୁ କରିଛନ୍ତି । ନୂଆ ନିୟମ ମୁତାବକ, ଦୁଇଚକିଆ ଯାନଗୁଡ଼ିକ ପାଇଁ FASTag ମାଧ୍ୟମରେ ଟୋଲ ଭରଣା କରିବାକୁ ପଡ଼ିବ । ଯେଉଁମାନେ ଏହି ନିୟମକୁ ଉଲ୍ଲଂଘନ କରିବେ, ସେମାନଙ୍କ ଠାରୁ ୨ ହଜାର ଟଙ୍କାର ଜରିମାନା ଆଦାୟ କରାଯିବ ।
ଆଉ କେଉଁମାନେ ସୋନମଙ୍କୁ କରିଥିଲେ ସହଯୋଗ, ପୋଲିସ ସୂତ୍ର କହୁଛି..
ନନ୍ଦିଘୋଷ ବ୍ୟୁରୋ: ହନିମୁନ ହରର କାହାଣୀ ଭାରତବର୍ଷରେ ଚର୍ଚ୍ଚାର ବିଷୟ ପାଲଟିଛି । ରାଜା ରଘୁବଂଶୀ ମର୍ଡର ମିଷ୍ଟ୍ରିରେ ଗୋଟିଏ ପରେ ଗୋଟିଏ ଗୁମର ଖୋଲୁଥିବାବେଳେ ଅଧିକ ତଥ୍ୟ ପାଇଁ ତଦନ୍ତ ଚଳାଇଛି ପୋଲିସ । ତେବେ ଏହି ଘଟଣାରେ ଆଉ କେଉଁମାନେ ସମ୍ପୃକ୍ତ ରହିଛନ୍ତି ? ପତ୍ନୀ ସୋନମ ଏବଂ ତାଙ୍କ ପ୍ରେମିକଙ୍କ ସହ ବନ୍ଧୁବାନ୍ଧବ ଏବଂ ସାଙ୍ଗଙ୍କ କିଛି ସମ୍ପୃକ୍ତି ରହିଛି ? ଏମିତି ଏକ ସନ୍ଦେହ ସୃଷ୍ଟି ହୋଇଥିବାବେଳେ ପୋଲିସ ଏବେ ଇନ୍ଦୋରରେ ଅଧିକ ତଦନ୍ତ ଚଳାଇଛି । ମାମଲାର ତଦନ୍ତ ପାଇଁ ୩ ଜଣିଆ SIT ଟିମ୍ ଗଠନ କରାଯାଇଛି । ସଦ୍ୟ ସୂଚନା ଅନୁସାରେ ବୁଧବାର ପୋଲିସକୁ ରାଜା ରଘୁବଂଶୀଙ୍କ ଲାପଟପ ଏବଂ ଡ୍ରେସ୍ ଡ୍ରେନରୁ ସୁରକ୍ଷିତ ଭାବେ ମିଳିଛି । ଏହାସହ ତାଙ୍କୁ ହତ୍ୟା କରାଯାଇଥିବା ପିସ୍ତଲକୁ ମଧ୍ୟ ଉଦ୍ଧାର କରାଯାଇଛି । ଏବେ ସନ୍ଦେହ କରାଯାଉଛି କି, ଏହି ଘଟଣାରେ ସୋନମଙ୍କ ଘନିଷ୍ଠ ବନ୍ଧୁ ଏବଂ କିଛି ପରିବାର ସଦସ୍ୟଙ୍କ ସମ୍ପୃକ୍ତି ରହିଥିବା ମଧ୍ୟ ସନ୍ଦେହ କରାଯାଉଛି ।
ଓଡ଼ିଶା ସୀମାନ୍ତ ଛତିଶଗଡ଼ରେ ନକ୍ସଲ ଏନକାଉଣ୍ଟର : ଟଳିଲେ ୨ ମାଓବାଦୀ
ନନ୍ଦିଘୋଷ ବ୍ୟୁରୋ: ଓଡ଼ିଶା ସୀମାନ୍ତ ଛତିଶଗଡ଼ରେ ନକ୍ସଲ ଏନକାଉଣ୍ଟର। ନାରାୟଣପୁର ଜିଲ୍ଲା ଅବୁଝମାଡ଼ ଜଙ୍ଗଲରେ ମୁହାଁମୁହିଁ ହୋଇଥିଲେ ନକ୍ସଲ ଓ ସୁରକ୍ଷାକର୍ମୀ। ଏଥିରେ ଦୁଇ ଜଣ ମହିଳା ନକ୍ସଲ ନିହତ ହୋଇଛନ୍ତି। ଛତିଶଗଡ଼ର ନାରାୟଣପୁର ଜିଲ୍ଲାରେ ସୁରକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳିବିନିମୟ ଜାରି ରହିଛି। ମାଓବାଦୀଙ୍କ ଉପସ୍ଥିତି ସୂଚନା ପାଇ କମ୍ବିଂ ଅପରେସନ ଆରମ୍ଭ କରିଥିଲେ ଯବାନ। ସୁରକ୍ଷାକର୍ମୀଙ୍କ ଏକ ମିଳିତ ଦଳ ନକ୍ସଲ ବିରୋଧୀ ଅପରେସନରେ ବାହାରିଥିବା ବେଳେ ଅବୁଝମାଡ ଜଙ୍ଗଲରେ ଗୁଳି ବିନିମୟ ହୋଇଥିଲା। ଏବେବି ଗୁଳି ବିନିମୟ ଜାରି ରହିଛି ବୋଲି ଜଣାପଡ଼ିଛି ।
ବୃଦ୍ଧଙ୍କୁ ଆକ୍ରମଣ କଲେ ତିନି ଭାଲୁ, ଚାଲିଗଲା ଜୀବନ
ନନ୍ଦିଘୋଷ ବ୍ୟୁରୋ: ଭାଲୁ ଆକ୍ରମଣରେ ବୃଦ୍ଧ ମୃତ । ୩ଟି ଭାଲୁ ଏକ ସଙ୍ଗେ ଆକ୍ରମଣ କରିବାରୁ ଘଟଣାସ୍ଥଳରେ ହିଁ ବୃଦ୍ଧଙ୍କର ମୃତ୍ୟୁ ଘଟିଛି । କେନ୍ଦୁଝର ଜିଲ୍ଲା ଘଟଗାଁ ରେଞ୍ଜ କୋଳିପଶି ଗାଁ ନିକଟ ଅଟେଇ ଜଙ୍ଗଲରେ ଘଟିଛି ଅଭାବନୀୟ ଘଟଣା । ମୃତକ ହେଉଛନ୍ତି ନୁନୁ ନାଏକ। ସକାଳୁ ସେ ଛେଳି ପାଇଁ ଡାଳ,ପତ୍ର ଆଣିବାକୁ ନିକଟସ୍ଥ ଜଙ୍ଗଲକୁ ଯାଇଥିବା ବେଳେ ତାଙ୍କୁ ହଠାତ୍ ୩ଟି ଭାଲୁ ଆକ୍ରମଣ କରିଥିଲେ । ଫଳରେ, ତାଙ୍କର ମୁଣ୍ଡ ଓ ପେଟରେ ଗଭୀର ଆଘାତ ଲାଗିଥିଲା । ନିକଟରେ ଜଙ୍ଗଲକୁ ଛତୁ ଗୋଟାଇବାକୁ ଯାଇଥିବା ଲୋକେ ତାଙ୍କର ଚିତ୍କାର ଶୁଣି ଘଟଣାସ୍ଥଳକୁ ଆସିଥିଲେ । ହେଲେ, ସେତେବେଳେ ତାଙ୍କର ମୃତ୍ୟୁ ହୋଇଥିଲା । ଖବର ପାଇ ଘଟଣାସ୍ଥଳରେ ବନ ବିଭାଗ ଓ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ବାକି ଟଙ୍କା ମାଗିବାରୁ ମାରିଦେଲେ..
ନନ୍ଦିଘୋଷ ବ୍ୟୁରୋ: ବାକି ଟଙ୍କା ମାଗିବାରୁ ମର୍ଡର। ପାନ ଦୋକାନୀଙ୍କ ମାଡରେ ଯୁବକଙ୍କ ମୃତ୍ୟୁ ହୋଇଛି । ବାଲେଶ୍ୱର ଜିଲ୍ଲା ଖଇରା ବଜାରରେ ଘଟିଛି ଏଭଳି ଘଟଣା। ମୃତକ ହେଲେ ଖଇରା ପଂଚାୟତ ପୁରୁଷୋତ୍ତମପୁର ଗାଁର ଜୟକୃଷ୍ଣ ସାହୁ।। ଅଭିଯୁକ୍ତ ଦୋକାନୀ ବସନ୍ତ ବେହେରା ଓ ସେଠାରେ ଥିବା ଅନ୍ୟ ଜଣେ ସହଯୋଗୀଙ୍କୁ ଥାନାରେ ଅଟକ ରଖି ପଚରା ଉଚରା ଚଳାଇଛି ଖଇରା ପୋଲିସ। କିଛି ଦିନ ତଳେ ଜୟକୃଷ୍ଣଙ୍କ ଠାରୁ ବସନ୍ତ କିଛି ଟଙ୍କା ଧାର ସୂତ୍ରରେ ଆଣିଥିଲେ l ଉକ୍ତ ଟଙ୍କା ମାଗିବାକୁ ବସନ୍ତଙ୍କ ଦୋକାନକୁ ଯାଇଥିଲେ ଜୟକୃଷ୍ଣ। ସେଠାରେ ବାକି ଟଙ୍କା ନେଇ ଉଭୟଙ୍କ ମଧ୍ୟରେ ବଚସା ଓ ଗଣ୍ଡଗୋଳ ହୋଇଥିଲା। ପରେ ଜୟକୃଷ୍ଣକୁ ମାଡ଼ ମାରି ତଳେ ପକାଇଦେଇଥିଲେ ଦୋକାନୀ। ସ୍ଥାନୀୟ ଲୋକେ ସଙ୍ଗେ ସଙ୍ଗେ ଜୟକୃଷ୍ଣଙ୍କୁ ଖଇରା ମେଡିକାଲକୁ ନେଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବ : ଭାସିଗଲେ ୨୦ରୁ ଅଧିକ ଶ୍ରମିକ
ନନ୍ଦିଘୋଷ ବ୍ୟୁରୋ: ହିମାଚଳ ପ୍ରଦେଶରେ ପ୍ରକୃତିର ତାଣ୍ଡବ। ବାଦଲ ଫଟା ବର୍ଷାରୁ ବନ୍ୟାସ୍ଥିତି। କାଙ୍ଗଡା ଜିଲ୍ଲା ଖାନିଆରା ଅଂଚଳରେ ପାଣିର ସୁଅରେ ଭାସିଗଲେ ୨୦ରୁ ଅଧିକ ଶ୍ରମିକ। ପ୍ରବଳ ବର୍ଷା ଯୋଗୁଁ ପାଣି ଆସି ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୨୦ ଜଣ ଭାସି ଯାଇଥିବା ଆଶଙ୍କା କରାଯାଉଛି।କାଙ୍ଗଡ଼ା ଜିଲ୍ଲାର ମାନୁନି ଖାଡ୍ରୁ ଦୁଇଟି ମୃତଦେହ ଉଦ୍ଧାର କରାଯାଇଛି। ଖାନିଆରା ମାନୁନି ଖାଡ୍ରେ ଜଳସ୍ତର ବୃଦ୍ଧି ପାଇବା ପରେ ଇନ୍ଦିରା ପ୍ରିୟଦର୍ଶିନୀ ଜଳବିଦ୍ୟୁତ୍ ପ୍ରକଳ୍ପ ନିକଟ ଏକ ଶ୍ରମିକ କଲୋନୀରେ ନିୟୋଜିତ ପ୍ରାୟ ୧୫ରୁ ୨୦ ଜଣ ଶ୍ରମିକ ଭାସି ଯାଇଥିବା ଆଶଙ୍କା କରାଯାଉଛି। ବର୍ଷା ଯୋଗୁଁ ପ୍ରକଳ୍ପ କାର୍ଯ୍ୟ ସ୍ଥଗିତ ରଖାଯାଇଥିଲା। ଶ୍ରମିକମାନେ ଏକ ଅସ୍ଥାୟୀ ଆଶ୍ରୟସ୍ଥଳରେ ବିଶ୍ରାମ ନେଉଥିଲେ। ସେତେବେଳେ ମାନୁନି ଖାଡ ଏବଂ ନିକଟସ୍ଥ ଡ୍ରେନରୁ ବନ୍ୟା ଜଳ ଶ୍ରମିକ କଲୋନୀ ଆଡ଼କୁ ମୁହାଁଇ ଶ୍ରମିକଙ୍କୁ ଭସାଇ ନେଇଥିଲା।
ଶ୍ରମିକ ଭାସିଯିବା ପରେ ଉଦ୍ଧାରକାର୍ଯ୍ୟ ଜୋରସୋରରେ ଚାଲିଛି।ରାଜ୍ୟ ବିପର୍ଯ୍ୟୟ ପ୍ରଶମନ, ସ୍ଥାନୀୟ ପ୍ରଶାସନ, ଗ୍ରାମ ପଞ୍ଚାୟତ ଏବଂ ରାଜସ୍ୱ ବିଭାଗ ପକ୍ଷରୁ ରେସକ୍ୟୁ ଅପରେସନ ଚାଲିଛି। କିଛି ସ୍ଥାନୀୟ ଶ୍ରମିକ ସୁରକ୍ଷିତ ଥିବା ଜଣାପଡିଛି। ଏହି ବନ୍ୟାରେ ଅନେକ ଘର, ସ୍କୁଲ କୋଠା, ଦୋକାନ, ସଂଯୋଗକାରୀ ରାସ୍ତା ଏବଂ ଛୋଟ ପୋଲ କ୍ଷତିଗ୍ରସ୍ତ ହୋଇଛି। ମନାଲି ନିକଟରେ ମନାଲି-ଚଣ୍ଡିଗଡ଼ ଜାତୀୟ ରାଜପଥ ଆଂଶିକ କ୍ଷତିଗ୍ରସ୍ତ ହୋଇଛି। ବଞ୍ଜାର ଉପଖଣ୍ଡ ହୋର୍ନାଗଡ ଅଞ୍ଚଳରେ ବନ୍ୟା ଯୋଗୁଁ ଏକ ପୋଲ ଭାସିଯାଇଛି। ଏକ ସରକାରୀ ସ୍କୁଲ ପରିସରରେ ପାଣି ପଶିବା ସହ ଚାଷ ଜମି ବ୍ଯାପକ କ୍ଷତି ଘଟିଛି। ଆସନ୍ତା ୨୯ ପର୍ଯ୍ୟନ୍ତ ଚାରି ଦିନ ମଧ୍ୟରେ ଚାରି ରୁ ସାତଟି ଜିଲ୍ଲାର ପୃଥକ ସ୍ଥାନରେ ପ୍ରବଳ ବର୍ଷା ହେବା ନେଇ ଅରେଂଜ ଆଲର୍ଟ ଜାରି କରିଛି ପାଣିପାଗ ବିଭାଗ ।
ରିଙ୍କୁ ସିଂଙ୍କୁ ମିଳିଲା ସରକାର ଚାକିରୀ, ଏଣିକି..
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ ରିଙ୍କୁ ସିଂଙ୍କ କ୍ୟାରିୟର ଅଳ୍ପଦିନର । କିନ୍ତୁ ତାଙ୍କର ରେକର୍ଡ ଅନେକ ଗୁଡ଼ିଏ ରହିଛି । ୧୯୯୭ ମସିହା ଆଲିଗଡ଼ରେ ଏକ ସାଧାରଣ ପରିବାରରେ ତାଙ୍କ ଜନ୍ମ । ବେଶ ସଂଘର୍ଷମୟ ଜୀବନ ଦେଇ ଗତି କରିଥିବା ରିଙ୍କୁ ଏବେ ବିଳାସମୟ ଜୀବନ ବିତାଉଛନ୍ତି । ଏବେ ତାଙ୍କୁ ସରକାରୀ ଚାକିରୀ ଦେଇଛନ୍ତି ଉତ୍ତରପ୍ରଦେଶ ସରକାର ।
ରିଙ୍କୁ ସିଂହଙ୍କୁ ମୌଳିକ ଶିକ୍ଷା ଅଧିକାରୀ ପଦବୀରେ ନିଯୁକ୍ତି ଦିଆଯାଇଛି। ଏହି ନିଯୁକ୍ତି ପ୍ରତ୍ୟକ୍ଷ ନିଯୁକ୍ତି ନିୟମ ଅନୁଯାୟୀ କରାଯାଇଛି, ଯାହା ତାଙ୍କ ପାଇଁ ଏକ ବଡ଼ ସଫଳତା। ଭାରତୀୟ କ୍ରିକେଟ୍ ଦଳ ପାଇଁ ଟି-୨୦ ଅନ୍ତର୍ଜାତୀୟ ମ୍ୟାଚ୍ରେ ଚମତ୍କାର ପ୍ରଦର୍ଶନ କରିଥିବା ରିଙ୍କୁ ସିଂହ ଏବେ ଶିକ୍ଷା କ୍ଷେତ୍ରରେ ସେବା କରିବେ। ଏ ସମ୍ପର୍କରେ ମୌଳିକ ଶିକ୍ଷା ନିର୍ଦ୍ଦେଶକ (ମୌଳିକ)ଙ୍କ ପକ୍ଷରୁ ଏକ ଚିଠି ଜାରି କରାଯାଇଛି। ଆପଣଙ୍କୁ ଜଣାଇ ଦେଉଛୁ ଯେ, ସେ ଟିମ୍ ଇଣ୍ଡିଆର ପ୍ରଥମ ଖେଳାଳି ନୁହଁନ୍ତି, ଏହା ପୂର୍ବରୁ ମଧ୍ୟ ଅନେକ କ୍ରିକେଟର ସରକାରୀ ଚାକିରି ପାଇସାରିଛନ୍ତି।