ନୂଆଦିଲ୍ଲୀ: କରୋନାଭାଇରସ୍ କୁ ନେଇ ବିଶ୍ୱ ଭୟଭୀତ । ଏଥି ସହିତ ଦିଲ୍ଲୀ ପୋଲିସ୍ କର୍ମଚାରୀଙ୍କ ଉତ୍ସାସ ଖୁବ୍ ପ୍ରଶଂସନୀୟ। କରୋନୋ ପଜିଟିଭ୍ ହେବା ପରେ ମଧ୍ୟ ସେମାନଙ୍କ ମନରେ କୌଣସି ଭୟ ନାହିଁ, ତାଙ୍କ ଉତ୍ସାହ ସମସ୍ତଙ୍କ ପାଇଁ ଉଦାହରଣ ପାଲଟିଛି । ଏହି ଫଟୋଟି ଦିଲ୍ଲୀର ଆରଏମଏଲ ହସ୍ପିଟାଲର ଅଟେ ଯେଉଁଠାରେ ଦିଲ୍ଲୀର ଚାନ୍ଦନୀ ମହଲ ପୋଲିସ ଷ୍ଟେସନର ୮ ଜଣ ପୋଲିସ କର୍ମଚାରୀ କରୋନୋ ପଜିଟିଭ ଅଟନ୍ତି। ଏହି ପୋଲିସ କର୍ମଚାରୀମାନେ ସକାଳୁ ଉଠି ନିଜ ୱାର୍ଡରେ ସୁସ୍ଥ ରହିବା ପାଇଁ ଯୋଗ ଏବଂ ବ୍ୟାୟାମ କରୁଛନ୍ତି । ଯାହାଦ୍ୱାରା ସେମାନଙ୍କ ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ, କୌଣସି ଉଦାସୀନତା ଆସିବ ନାହିଁ ଏବଂ ସେମାନେ ଶୀଘ୍ର ଆରୋଗ୍ୟ ହେବେ ।

@DelhiPolice @ndtvindia @HMOIndia
दिल्ली के आरएमएल अस्पताल में भर्ती चांदनी महल थाने के इन 8 पुलिसकर्मियों का हौसला देखिये, ये सभी कोरोनो पॉजिटिव हैं,लेकिन न इन्होंने हिम्मत जारी है और जज़्बा कम हुआ है,सुबह उठकर योग और कसरत जारी है#CoronaWarriors #coronavirusinindia pic.twitter.com/uHKZi62fdc

— Mukesh singh sengar मुकेश सिंह सेंगर (@mukeshmukeshs) April 24, 2020

ସମଗ୍ର ବିଶ୍ୱରେ କରୋନୋ ପଜିଟିଭ ରୋଗୀଙ୍କ ଏପରି ଚିତ୍ର କ୍ୱଚିତ୍ ଦେଖିବାକୁମିଳେ । ପୋଲିସ କର୍ମଚାରୀ ମାନେ ଅନେକ ସମୟରେ କର୍ତ୍ତବ୍ୟ କରୁଥିବା ସମୟରେ କରୋନା ଦ୍ୱାର ଆକ୍ରନ୍ତ ହେଉଥିବା ଦେଖିବାକୁ ମିଳୁଛି । ତେବେ ଏଭଳି ଚିତ୍ର ଅନେକଙ୍କୁ ଉତ୍ସାହିତ କରିବ । ବର୍ତ୍ତମାନ ପର୍ଯ୍ୟନ୍ତ ଦିଲ୍ଲୀର ୨୯ ଜଣ ପୋଲିସ୍ କରୋନୋ ପଜିଟିଭ୍ ବାହାରିଛନ୍ତି ।

ଜଣାଇ ରଖୁଛୁ ଯେ ଦେଶରେ ଚାଲିଥିବା ଲକଡାଉନ  ସତ୍ତ୍ୱେ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି | ଏହି ସମୟରେ ଦେଶରେ କରୋନାଭାଇରସ ମାମଲା ୨୩ ହଜାର ଅତିକ୍ରମ କରିଛି। ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ ଭାରତରେ କରୋନାଭାଇରସ୍ ସଂକ୍ରମଣ ସଂଖ୍ୟା ୨୩,୦୦୭ କୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ୧୬୮୪ ଟି ନୂଆ କରୋନା ମାମଲା ହୋଇଥିବାବେଳେ ୩୭ ଜଣଙ୍କର ମୃତ୍ୟୁ ହୋଇଛି। ଏଥି ସହିତ, ଦେଶରେ କରୋନା କାରଣରୁ ଏପର୍ଯ୍ୟନ୍ତ ୭୧୮ ଜଣଙ୍କର ମୃତ୍ୟୁ ଘଟିଛି, ଯଦିଓ ୪,୭୪୯ ରୋଗୀ ମଧ୍ୟ ଏହି ରୋଗକୁ ପରାସ୍ତ କରିବାରେ ସଫଳ ହୋଇଛନ୍ତି।

ମହାରାଷ୍ଟ୍ର: ଏ ଏମିତି ଜଣେ ମାଆ ଯିଏ ଜନ୍ମ ଦେଇଛି, ହେଲେ ଦେଇ ପାରୁନି ମାତୃତ୍ୱର ପହିଲି ପରଶ । ଇଏ ଏମିତି ଜଣେ ମାଆ, ଯିଏ ଗର୍ଭଯନ୍ତ୍ରଣା ସହିଛି ହେଲେ ଛାତି ଚିରି କ୍ଷୀର ପିଆଇ ପାରୁନି। ଏଇ ଏମିତି ଜଣେ ମାଆ ଯିଏ ଦୁନିଆର ଆଲୁଅ ସିନା ଦେଖାଇଛି ହେଲେ ନିଜେ କିନ୍ତୁ ଦେଖି ପାରୁନି ନିଜ ପିଲାକୁ। ମନଭରି କୋଳେଇ ପାରୁନା ତା କୋଳପୋଛାକୁ। ସେ ଶୁଣି ପାରୁନି ତା କୁଆଁକୁଆଁ ଡାକକୁ। କାରଣ ମାଆ ଓ ମମତା ଭିତରେ ଛିଡ଼ା ହୋଇଛି କରୋନାର କାନ୍ଥ । ନିବିଡ଼ ସଂପର୍କ ଭିତରେ ସଂକ୍ରମଣର ଆତଙ୍କ। ମହାରାଷ୍ଟ୍ରର ଔରଙ୍ଗାବାଦ୍‌ରୁ ଆସିଛି ଜନ୍ମରୁ ବିଚ୍ଛେଦର ଏ ସମ୍ବେଦନଶୀଳ କାହାଣୀ । ଯେଉଁଠି କରୋନା ସଂକ୍ରମିତ ମାଆ ନିଜ ଜନ୍ମକଲା ଶିଶୁକୁ ଦେଖୁଛି ଭିଡିଓ କଲିଂରେ।

ଗଲା ୧୮ ତାରିଖରେ ଔରଙ୍ଗାବାଦ୍‌ ସିଟି ହସପିଟାଲ୍‌ରେ ଭର୍ତ୍ତି ହୋଇଥିଲେ ଏହି ପ୍ରସୂତି। ପ୍ରସବ ପୂର୍ବରୁ ପରୀକ୍ଷା ବେଳେ ଜଣା ପଡିଲା ସେ କରୋନାରେ ଆକ୍ରାନ୍ତ । ଖୁବ୍‌ ସତର୍କତାର ସହ ଡାକ୍ତରୀ ଟିମ୍‌ ଆରମ୍ଭ କଲେ ପ୍ରସବକାଳୀନ ଚିକିତ୍ସା। ସିଜରିଆନ୍‌ରେ ଜନ୍ମହେଲା ଶିଶୁ କନ୍ୟା । ସୌଭାଗ୍ୟ, ଶିଶୁ ଥିଲା ସଂକ୍ରମଣ ମୁକ୍ତ । ତେବେ ଏଇଠୁ ଆରମ୍ଭ ହେଲା ମେଡିକାଲ୍‌ ଟିମ୍‌ ପାଇଁ ଚ୍ୟାଲେଞ୍ଜ । ତୁରନ୍ତ ମାଆ ଓ ଶିଶୁକୁ ଅଲଗା କରିଦେଲେ ଡାକ୍ତର। ସଂକ୍ରମଣ ଆଶଙ୍କାରେ ଦୁହିଁଙ୍କୁ ଭିନ୍ନ ଭିନ୍ନ ଆଇସୋଲେସନ୍‌ ୱାର୍ଡରେ ରଖା ଗଲା। ଆଉ ୫ ଦିନ ପରେ ମାଆ ନିଜ ଆବେଗକୁ ସମ୍ଭାଳି ପାରି ନଥିଲା । ଶେଷରେ ଭିଡିଓ କଲିଂରେ ମାଆ ଦେଖିଲା ନିଜ ଜନ୍ମକଲା ପିଲାକୁ । ଦେଖିଲା ତା ହସହସ ମୁହଁ। ଶୁଣିଲା ତା କୁଆଁ କୁଆଁ କାନ୍ଦ । ମାଆ ଓ ମମତା ଭିତରେ ମିଳନର ଏକ ଅଦୃଶ୍ୟ ଅନୁଭବ କେବଳ ଯାହା କଏଦ ହେଉଥିଲା ମୋବାଇଲ୍‌ ସ୍କ୍ରିନ୍‌ରେ। ଆତଙ୍କ ଭିତରେ ଆୟୁଷର ଏ ଅନନ୍ୟ ଦୃଶ୍ୟ ସତେ ଯେମିତି ସମସ୍ତଙ୍କୁ ଅଟକାଇ ଦେଇଥିଲା କିଛି ସମୟ ପାଇଁ ।

ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଆକ୍ରାନ୍ତଙ୍କ ସଂଖ୍ୟା ୨୩ ହଜାର ଟପିଛି । ଗତ ୨୪ ଘଣ୍ଟା ମଧ୍ୟରେ ୧୪ଶହରୁ ଅଧିକ ନୂଆ ପଜିଟିଭ୍‌ କେସ୍‌ ଆସିଛି । ଏଥିସହ ୫ ହଜାରରୁ ଅଧିକ ଚିକିତ୍ସା ପରେ ସୁସ୍ଥ ହୋଇଛନ୍ତି । ୨୪ ଘଣ୍ଟାରେ ୩୮୮ ଜଣ କରୋନା ମୁକ୍ତ ହୋଇଛନ୍ତି । ଦେଶରେ ଏବେ କରୋନା ରୋଗୀ ସୁସ୍ଥ ହେବା ହାର ୧୯.୮୯ ପ୍ରତିଶତ ରହିଛି । ଏବେ ସୁଦ୍ଧା ଦେଶର ୧୨ଟି ଜିଲ୍ଲାରେ ଜଣେ ବି କରୋନା ଆକ୍ରାନ୍ତ ଚିହ୍ନଟ ହୋଇନାହାନ୍ତି ।

ମହାରାଷ୍ଟ୍ରରେ ସବୁଠୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ସଂକ୍ରମିତଙ୍କ ସଂଖ୍ୟା ୬ହଜାର ଟପିଛି। ତା ପଛକୁ ରହିଛି ଗୁଜୁରାଟ, ସେଠାରେ ୨ ହଜାର ୬୨୪ ରହିଛି ସଂଖ୍ୟା । ଦିଲ୍ଲୀ ଓ ରାଜସ୍ଥାନରେ ମଧ୍ୟ ସ୍ଥିତି ସାଂଘାତିକ ରହିଛି । ସେପଟେ ବିଶ୍ବରେ ୨୬ ଲକ୍ଷ ୫୩ ହଜାର ଟପିଲାଣି ଆକ୍ରାନ୍ତଙ୍କ ସଂଖ୍ୟା । ମୃତ୍ୟୁ ସଂଖ୍ୟା ୧ ଲକ୍ଷ ୮୫ ହଜାର ଟପିଛି । ଆମେରିକାରେ ଆକ୍ରାନ୍ତଙ୍କ ସଂଖ୍ୟା ୮ ଲକ୍ଷ ୫୦ ହଜାର ଛୁଇଁଥିବା ବେଳେ ମୃତ୍ୟୁ ସଂଖ୍ୟା ୪୭ ହଜାର ୭୦୦ ଟପିଛି । ସେହିପରି ସ୍ପେନରେ ୨ ଲକ୍ଷ ୧୩ ହଜାର, ଇଟାଲୀରେ ୧ ଲକ୍ଷ ୮୭ ହଜାର, ଫ୍ରାନ୍ସରେ ୧ ଲକ୍ଷ ୫୯ ହଜାର, ଜର୍ମାନୀରେ ୧ ଲକ୍ଷ ୫୦ ହଜାର, ବ୍ରିଟେନରେ ୧ ଲକ୍ଷ ୩୩ ହଜାର ଟପିଛି ଆକ୍ରାନ୍ତଙ୍କ ସଂଖ୍ୟା ।