ଲକ୍ଷ୍ନୌ: ଉତ୍ତରପ୍ରଦେଶ ପୋଲିସ ପାଖକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟାନାଥଙ୍କୁ ହତ୍ୟା କରିବା ପାଇଁ ହ୍ୱାଟସଆପରେ ଧମକ ଆସିଛି ।  ଉତ୍ତର ପ୍ରଦେଶର ୧୧୨ ହେଲ୍ପଡେସ୍କର ହ୍ୱାଟସଆପ୍ ନମ୍ବରକୁ ଆସିଥିବା ମେସେଜରେ ମୁଖ୍ୟମନ୍ତ୍ରୀଙ୍କୁ ହତ୍ୟା କରାଯିବ ବୋଲି ଧମକ ଦିଆଯାଇଛି । ମେସେଜରେ ଯୋଗୀଙ୍କୁ ବୋମା ବିସ୍ଫୋରଣରେ ଉଡାଇ ଦିଆଯିବ ବୋଲି କୁହାଯାଇଛି । ପୋଲିସ ପକ୍ଷରୁ ଏନେଇ ଗୋମତିନଗର ଥାନାରେ ଏଫଆଇଆର ଦାଏର ହେବା ପରେ ଏସଟିଏଫ ତରଫରୁ ତଦନ୍ତ ଆରମ୍ଭ ହୋଇଛି ।

କେଉଁ ନମ୍ବରରୁ ଆସିଥିଲା ଧମକ ?

୮୮୨୮୪୫୩୩୫୦ ମୋବାଇଲ ନମ୍ବରରୁ ଏହି ଧମକପୂର୍ଣ୍ଣ ମେସେଜ୍ ଆସିଥିଲା । ଏଫାଆଇଆରରେ ମୋବାଇଲ ନମ୍ବର ଉଲ୍ଲେଖ କରାଯାଇଛି ।  ୨୧ ମେ’ ରାତି ୧୨.୩୨ ମିନିଟରେ ଏହି ମେସେଜ୍ ଆସିଥିଲା । ମେସେଜରେ ଲେଖାଥିଲା ଯେ, ‘‘ସିଏମ୍ ଯୋଗୀଙ୍କୁ ବୋମା ଦ୍ୱାରା ମାରିବି,ସେ ମୁସଲମାନଙ୍କ ଶତ୍ରୁ’’ । ପ୍ରାରମ୍ଭିକ ଯାଞ୍ଚ ପରେ ଗୋମତିନଗର ଥାନାରେ ଏତଲା ଦିଆଯାଇଥିଲା ।

ମୋବାଇଲ ନମ୍ବରକୁ ଖୋଜୁଛି ପୋଲିସ

ସିଏମ୍ ଯୋଗୀଙ୍କୁ ହତ୍ୟା ଧମକ ମିଳିବା ପରେ ପୋଲିସ ତୁରନ୍ତ ଆକ୍ସନ ମୋଡକୁ ଆସିଥିଲା । ଯେଉଁ ନମ୍ବରରୁ ଏହି ଧମକ ଆସିଥିଲା ସେହି ନମ୍ବର କାହା ନାମରେ ଅଛି ତାହା ଜାଣିବାକୁ ଏବେ ଖୋଳତାଡ ଆରମ୍ଭ ହୋଇଛି ।

ନୂଆଦିଲ୍ଲୀ: ବାରମ୍ବାର ଭାରତର ସୀମାକୁ ଅତିକ୍ରମ କରୁଛି ଚାଇନା । ଭାରତୀୟ ସେନାର ବାରମ୍ବାର ଚେତାବନୀ ପରେ ମଧ୍ୟ ସୁଧୁରିବାର ନାଁ ହିଁ ଧରୁନି । ଅରୁଣାଚଳ ପ୍ରଦେଶରେ ବାରମ୍ବାର ସୀମା ଉଲଙ୍ଘନ କରୁଛି । ତେବେ ଚାଇନାକୁ ତାଗିଦ କରିବା ପାଇଁ ଆମେରିକା ମଧ୍ୟ ଭାରତର ସାଥ ଦେଇଛି । ହ୍ୱାଇଟ ହାଉସ ଗୁରୁବାର ଦିନ ଦେଇଥିବା ରିପୋର୍ଟରେ କହିଛି ଯେ ଚୀନ୍ ଭାରତ ସମେତ ସମସ୍ତ ପଡୋଶୀ ଦେଶରେ ଉତ୍ତେଜନାମୂଳକ କାର୍ଯ୍ୟକଳାପ କରୁଛି । ଏହାର ଗୋଟିଏ ଦିନ ପୂର୍ବରୁ ଆମେରିକୀୟ କୂଟନୀତିଜ୍ଞ ମଧ୍ୟ ଭାରତ ସୀମାରେ ଚୀନ୍‌ର ଏଭଳି କାର୍ଯ୍ୟକଳାପ ସମଗ୍ର ବିଶ୍ୱ ପାଇଁ ବିପଦ ବୋଲି କହିଥିଲେ ।

ଏହି ରିପୋର୍ଟରେ କୁହାଯାଇଛି ଯେ ଚୀନ୍‌ର ଶକ୍ତି ବୃଦ୍ଧି ପାଇଛି ଏବଂ ଏଥି ସହିତ ସମଗ୍ର ବିଶ୍ୱରେ ଏହାର ରଣନୀତିକ ଉଦ୍ଦେଶ୍ୟ ଏବଂ ସ୍ୱାର୍ଥ ପାଇଁ ଦେଖାଯାଉଥିବା ବିପଦକୁ ଦୂର କରିବା ପାଇଁ ବଳ ପ୍ରୟୋଗ ମଧ୍ୟ ବୃଦ୍ଧି ପାଇଛି । ସେପଟେ କିନ୍ତୁ ବେଜିଂର କାର୍ଯ୍ୟକଳାପ ଚୀନ୍ ନେତାଙ୍କ ଦାବିକୁ ମିଥ୍ୟା ପ୍ରମାଣିତ କରିଛି । ଚୀନ ସାମରିକ ଶକ୍ତି ବ୍ୟବହାରକୁ ବିରୋଧ କରେ ଏବଂ ଅନ୍ୟ ଦେଶର ଆଭ୍ୟନ୍ତରୀଣ କାର୍ଯ୍ୟରେ ହସ୍ତକ୍ଷେପ କରେ ନାହିଁ ଏବଂ ଶାନ୍ତିପୂର୍ଣ୍ଣ ଆଲୋଚନା ମାଧ୍ୟମରେ ସମସ୍ତ ବିବାଦର ସମାଧାନ ପାଇଁ ପ୍ରତିଶ୍ରୁତିବଦ୍ଧ ।

ଏହାପୂର୍ବରୁ ଟ୍ରମ୍ପ ପ୍ରଶାସନର ବରିଷ୍ଠ କୂଟନୀତିଜ୍ଞ ମଧ୍ୟ ଚୀନ୍‌ର ବାରମ୍ବାର ଭାରତୀୟ ସୀମାରେ ଅନୁପ୍ରବେଶ ବିରୋଧରେ ଭାରତର ପ୍ରତିରୋଧକୁ ସମର୍ଥନ କରିଥିଲେ । ବୈଦେଶିକ ବ୍ୟାପାର ମନ୍ତ୍ରଣାଳୟର ଦକ୍ଷିଣ ଏବଂ ପଶ୍ଚିମ ଏସିଆର ମୁଖ୍ୟ ଆଲିସ୍ ୱେଲ୍ସ କହିଛନ୍ତି, “ଯଦି ଆପଣ ଦକ୍ଷିଣ ଚୀନ୍ ସାଗରକୁ ଦେଖନ୍ତି ତେବେ ଚୀନ୍‌ର ମଧ୍ୟ ସମାନ ରଣନୀତି ରହିଛି । ଏହା କ୍ରମାଗତ ଭାବରେ ଉଲ୍ଲଂଘନ କରୁଛି ଏବଂ ସ୍ଥିତି ପରିବର୍ତ୍ତନ କରିବାକୁ ଚେଷ୍ଟା କରୁଛି ।

ହ୍ୱାଇଟ ହାଉସ ଅନୁଯାୟୀ ଚୀନ୍‌ର ବିସ୍ତାରବାଦୀ ନୀତି ବିରୋଧରେ ଆମେରିକା ଅନେକ ଦେଶ ସହ ଘନିଷ୍ଠ ଭାବରେ କାର୍ଯ୍ୟ କରୁଛି । ହାଉସ ଅର୍ଡର ସର୍ଭିସ କମିଟି ରାଙ୍କିଙ୍ଗ ସଦସ୍ୟ ହାଉସ ଥର୍ନବେରୀ କହିଛନ୍ତି ଯେ ଟ୍ରମ୍ପ ପ୍ରଶାସନର ଏହି ରିପୋର୍ଟ ଏକ ଭଲ ଆରମ୍ଭ । ମ୍ୟାକ୍ କହିଛନ୍ତି, ଏହି ରିପୋର୍ଟ ଆମେରିକାର ସାମରିକ ଶକ୍ତିରେ ବିନିଯୋଗ ବୃଦ୍ଧି କରିବା ସହିତ ସେମାନଙ୍କର ସହଯୋଗୀ ଏବଂ ବନ୍ଧୁମାନଙ୍କ ସହ ସାମାଜିକ ହେବା ଉପରେ ଗୁରୁତ୍ୱାରୋପ କରିଛି ।