ଭୁବନେଶ୍ୱର: ଭୟଙ୍କର ବାତ୍ୟା କାରଣରୁ ପଶ୍ଚିମବଙ୍ଗରେ ହୋଇଥିବା କ୍ଷୟକ୍ଷତିକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବର୍ତ୍ତମାନର ବିପତ୍ତି ସମୟରେ ପଶ୍ଚିମବଙ୍ଗର ଲୋକଙ୍କ ସହିତ ଓଡ଼ିଶା ରହିଥିବା ମୁଖ୍ୟମନ୍ତ୍ରୀ କହିଛନ୍ତି। ପଶ୍ଚିମବଙ୍ଗର ମୁଖ୍ୟ ଶାସନ ସଚିବଙ୍କ ସହ ଓଡ଼ିଶାର ମୁଖ୍ୟ ଶାସନ ସଚିବ ସମ୍ପର୍କରେ ରହିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ଏଥିସହିତ ଯଥା ସମ୍ଭବ ସହଯୋଗ କରିବାକୁ ନିର୍ଦ୍ଦେଶ ଦେଇଛନ୍ତି । ଆଜି ମୁଖ୍ୟମନ୍ତ୍ରୀ ୪ଟି ଜିଲ୍ଲାରେ କ୍ଷୟକ୍ଷତି ସଂପର୍କରେ ଆକାଶମାର୍ଖରୁ ସ୍ଥିତିର ସମୀକ୍ଷା କରିଥିଲେ ।

ଭାଙ୍ଗିଲା ୫ହଜାର ୫ଶହ ଘର, ରାସ୍ତା ଉପରେ ଲହଡ଼ି ମାରୁଛି ବର୍ଷା ପାଣି: ୨ ଜଣଙ୍କ ମୃତ୍ୟୁ

ସୂଚନା ଯୋଗ୍ୟ ଯେ, ‘ଅମ୍ଫାନ’ର କମ୍ପନରୁ ଅଳ୍ପକେ ବର୍ତ୍ତିଯାଇଛି ଓଡ଼ିଶା । ଉତ୍ତର ଓଡ଼ିଶାରେ ଘସି ହୋଇଗଲା କିନ୍ତୁ ଲ୍ୟାଣ୍ଡଫଲ କଲା ପଶ୍ଚିମବଙ୍ଗର ସୁନ୍ଦରବନରେ । ଆଉ ପଶ୍ଚିମବଙ୍ଗର ଉପକୂଳବର୍ତ୍ତୀ ଅଞ୍ଚଳରେ ରଚିଲା ତାଣ୍ଡବ ।  କିଛି ଘଣ୍ଟାରେ ଛାରଖାର ହୋଇଗଲା ସବୁ କିଛି । ଅକାଳରେ ଚାଲିଗଲା ୭୨ ଜୀବନ ।

ପଶ୍ଚିମବଙ୍ଗର ସୁନ୍ଦରବନରେ ସ୍ଥଳଭାଗ ଛୁଇଁଲା ‘ଅମ୍ଫାନ’

ଭାଙ୍ଗିଲା ୫ ହଜାର ୫୦୦ ଘର । ଠପ୍‌ ହୋଇଗଲା ବିଦ୍ୟୁତ ସେବା ବନ୍ଦ ହୋଇଗଲା ଇଣ୍ଟରନେଟ୍ । ଶ୍ରୀହୀନ ହୋଇଗଲା ଐତିହାସିକ ନଗରୀ କୋଲକାତା । ବିମାନବନ୍ଦରରେ ଲହଡ଼ା ମାରିଲା ବର୍ଷା ପାଣି । ଏଭଳି କ୍ଷୟକ୍ଷତି ହୋଇଛି ଯେ, ଯାହା ଏଯାଏଁ ଆକଳନ ହୋଇପାରୁନାହିଁ । ଉତ୍ତର ୨୪ ପ୍ରଗଣା, ଦକ୍ଷିଣ ୨୪ ପ୍ରଗଣା, ମେଦିନିପୁର ଓ କୋଲକାତା ବେଶୀ ପ୍ରଭାବିତ ହୋଇଛି । ଏପରିସ୍ଥଳେ ପ୍ରଧାନମନ୍ତ୍ରୀଙ୍କୁ ପଶ୍ଚିମବଙ୍ଗ ଆସିବାକୁ ଦାବି କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଆଉ ମମତାଙ୍କ ଏହି ଦାବିକୁ ଗ୍ରହଣ କରିଛନ୍ତି ପ୍ରଧାନମନ୍ତ୍ରୀ ।

ଗସ୍ତ ପୂର୍ବରୁ କେନ୍ଦ୍ର କ୍ୟାବିନେଟ ସଚିବଙ୍କୁ ପ୍ରାଥମିକ କ୍ଷୟକ୍ଷତି ରିପୋର୍ଟ ଦେଲା ରାଜ୍ୟ

ପଶ୍ଚିମବଙ୍ଗ ଗସ୍ତରେ ଯିବା ସହ ସେଠାକାର କ୍ଷୟକ୍ଷତି ଅନୁଧ୍ୟାନ ପାଇଁ ସମ୍ମିତି ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ । ଶୁକ୍ରବାର ପଶ୍ଚିମବଙ୍ଗ ଗସ୍ତରେ ଯାଇ ପ୍ରଧାନମନ୍ତ୍ରୀ ଆକାଶ ମାର୍ଗରୁ ଅମ୍ଫାନ୍ କ୍ଷୟକ୍ଷତିର ଆକଳନ କରିବେ ବୋଲି  ପିଏମଓ  ଟ୍ୱିଟର ହ୍ୟାଣ୍ଡେଲରେ ସୂଚନା ଦିଆଯାଇଛି । । ଏଥିସହିତ ଓଡ଼ିଶା ଗସ୍ତରେ ଆସିବା ନେଇ ମଧ୍ୟ ଟ୍ୱିଟରେ ଉଲ୍ଲେଖ ରହିଛି ।

ବ୍ରହ୍ମପୁର: ଗର୍ଭବତୀ, ପ୍ରସୂତି ଓ ଶିଶୁଙ୍କୁ ପୁଷ୍ଟିକର ଖାଦ୍ୟ ଯୋଗାଣ ପାଇଁ ରାଜ୍ୟ ସରକାର ଅନେକ ଯୋଜନା କରିଛନ୍ତି । ହେଲେ ଏଥିରେ ବାଧକ ସାଜିଛନ୍ତି ସମ୍ପୃକ୍ତ କର୍ମଚାରୀ । ପ୍ରଶାସନିକ ସ୍ତରରେ ଅବହେଳାକୁ ମଧ୍ୟ ଏଥିପାଇଁ ଦାୟୀ କରାଯାଉଛି । ଗଞ୍ଜାମ ଜିଲ୍ଲାର କିଛି ବ୍ଲକ୍‌ରେ ନିୟମକୁ ଫୁ’ କରି ଲକ୍ଷଲକ୍ଷ ଟଙ୍କା ଲୁଟ ହେଉଥିବା ନେଇ ନନ୍ଦିଘୋଷ ଟିଭି ହାତରେ ଲାଗିଛି ବହୁ ଗୁରୁତ୍ୱପୂର୍ଣ୍ଣ ତଥ୍ୟ ।

ଗର୍ଭବତୀ, ପ୍ରସୂତି ଓ ଶିଶୁଙ୍କ ନାଁରେ ହରିଲୁଟ୍‌ । କାଗଜ କଲମରେ ଚାଲିଛି ପୁଷ୍ଟିକର ଖାଦ୍ୟ ଯ଼ୋଗାଣ । ଗଞ୍ଜାମ ଜିଲ୍ଲା ଦିଗପହଣ୍ଡି ଅଞ୍ଚଳରୁ ଆସିଛି ଏଭଳି ସାଂଘାତିକ ଅଭିଯୋଗ ।

ଆଇସିଡିଏସ୍‌ ଅଫିସ୍‌ର ଚାରିଆଡ଼କୁ ଲମ୍ବିଛି ଦୁର୍ନୀତିର ଚେର । ସରକାରୀ ନିୟମ ଅନୁସାରେ, ପଞ୍ଜୀକରଣ କରିବା ପରଠାରୁ ଶିଶୁ ଜନ୍ମର ୬ ମାସ ପର୍ଯ୍ୟନ୍ତ ମହିଳାଙ୍କୁ ମାସକୁ ୧୨ଟି ଅଣ୍ଡା ମିଳିବା କଥା । ସେହିପରି ପ୍ରି– ସ୍କୁଲ ଶିଶୁଙ୍କୁ ମାସକୁ ୨୦ଟି ଅଣ୍ଡା ମିଳିବାର ନିୟମ ରହିଛି ।

ବର୍ତ୍ତମାନ ପରିସ୍ଥିତିରେ ପିଲାଙ୍କୁ ରନ୍ଧାଖାଦ୍ୟ ନଦେଇ ଚାଉଳ, ଡାଲି, ତେଲ ଓ ପରିବା ଦିଆଯିବା କଥା । ହେଲେ ଦିଗପହଣ୍ଡି ବ୍ଲକ୍‌ରେ ପଞ୍ଜୀକୃତ ମୃହିଳାଙ୍କୁ ମାସକୁ ୧୨ଟି ଅଣ୍ଡା ବଦଳରେ ମିଳୁଛି ମାତ୍ର ୩ରୁ ୫ ଟି ଓ ପିଲାଙ୍କୁ ୨୦ଟି ଅଣ୍ଡା ବଦଳରେ ମାତ୍ର ୬ଟି ଅଣ୍ଡା ମିଳୁଥିବା ଅଭିଯୋଗ ହୋଇଛି ।

ଏହି ଅଭିଯୋଗ ପରେ ଜିଲ୍ଲାପାଳ ୩ଟି ସ୍ୱୟଂ ସହାୟକ ଗୋଷ୍ଠୀକୁ ଅଙ୍ଗନବାଡି କର୍ମୀଙ୍କ ପାଖରେ ଆବଶ୍ୟକ ଅଣ୍ଡା ପହଞ୍ଚାଇବାକୁ ସିଡିପିଓଙ୍କୁ ଚିଠି ଲେଖିଥିଲେ ।

ହିତାଧିକାରୀଙ୍କ ତାଲିକା ଅନୁସାରେ ଅଣ୍ଡା ପ୍ରଦାନ କରିବାକୁ କୁହାଯାଇଥିଲା । ଏହି ପାଇଲଟ ପ୍ରୋଜେକ୍ଟକୁ ଆସିକା ସାଂସଦ ଶୁଭାରମ୍ଭ କରିଥିଲେ । ହେଲେ ଜିଲ୍ଲାପାଳଙ୍କ ନିର୍ଦ୍ଦେଶକୁ ସିଡିପିଓ ଏବଂ ଅଙ୍ଗନବାଡ଼ି କର୍ମୀ ନମାନି ନକଲି ବିଲ କରି ହରିଲୁଟ୍‌ କରୁଥିବା ଆମ କ୍ୟାମେରାରେ ଧରା ପଡିଛି ।

ଏନେଇ ଦିଗପହଣ୍ଡି ସିଡିପିଓ ଏବଂ ଗଞ୍ଜାମ ଜିଲ୍ଲା ମଙ୍ଗଳ ଅଧିକାରୀଙ୍କୁ ଯୋଗାଯୋଗ କରିଥିଲୁ । ଏପରି ହୋଇଥିଲେ ବିଲ ବାବଦ ଅର୍ଥ ଦିଆଯିବ ନାହିଁ ବୋଲି ସେମାନେ କହିଛନ୍ତି । ଦିଗପହଣ୍ଡି ବ୍ଲକ୍‌ରେ ୨୭୦ଟି ଅଙ୍ଗନବାଡି କେନ୍ଦ୍ର ଅଛି । ୧୫୮୫ ଗର୍ଭବତୀ, ୧୮୧୮ ପ୍ରସୂତି ଓ ୩ ରୁ ୬ ବର୍ଷ ମଧ୍ୟରେ ୬୫୮୫ ଜଣ ଶିଶୁ ଅଛନ୍ତି । ଏମାନଙ୍କୁ ଅଣ୍ଡା ପ୍ରଦାନ ନାଁରେ ଲକ୍ଷଲକ୍ଷ ଟଙ୍କାର ହରିଲୁଟ୍‌ ଚର୍ଚ୍ଚାର ବିଷୟ ହୋଇଛି ।

https://www.facebook.com/NandighoshaTV/videos/249634352914964/

ବାରିପଦା: ବାତ୍ୟାର ସ୍ଥିତି ପରଖିବା ପାଇଁ  ଜିଲ୍ଲା ବିଜେଡି ପର୍ଯ୍ୟବେକ୍ଷକଙ୍କର ମାରାଥନ ଗସ୍ତ । ମୟୂରଭଞ୍ଜ ଜିଲ୍ଲା ବିଜେଡି ପର୍ଯ୍ୟବେକ୍ଷକ ତଥା ରାଜ୍ୟ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମୟୁରଭଞ୍ଜରେ ବାତ୍ୟା ପୀଡ଼ିତଙ୍କ ପାଖରେ ପହଁଚିଛନ୍ତି ।

ଏଥି ସହ ଅମ୍ଫାନର ପରବର୍ତ୍ତୀ କ୍ଷୟକ୍ଷତି ଆକଳନ ପାଇଁ ୬ ଟି ବ୍ଲକରେ ସ୍ଥିତି ସମୀକ୍ଷା କରିବା ସହ କର୍ମୀଙ୍କ ସହ ଆଲୋଚନା କରିଛନ୍ତି ପ୍ରଣବ । ଗୁରୁବାର ପ୍ରଣବ ପ୍ରଥମେ ମୟୂରଭଞ୍ଜ ଜିଲ୍ଲାର କପ୍ତିପଦାଠାରେ ପହଁଚିଥିଲେ । ସେଠାରୁ ଜିଲ୍ଲାର ବିଭିନ୍ନ ନିର୍ବାଚନ ମଣ୍ଡଳୀ ଗସ୍ତ କରି ଦଳୀୟ କର୍ମୀଙ୍କୁ ବାତ୍ୟା ପ୍ରଭାବିତଙ୍କ ନିକଟରେ ପହଁଚି ସେମାନଙ୍କର ସୁଖ ଓ ଦୁଃଖରେ ସାମିଲ ହେବାକୁ ପରାମର୍ଶ ଦେଇଥିଲେ ।

ଏହା ପରେ କପ୍ତିପଦା, ଗୋପବନ୍ଧୁ ନଗର, ବଡ଼ ସାହି, ବେତନଟୀ,ମୋରଡ଼ା, ରାସଗୋବିନ୍ଦପୁର ଠାରେ ବିଜେଡ଼ି କର୍ମୀଙ୍କ ସହ ଆଲୋଚନା କରିଥିଲେ ପ୍ରଣବ । ପ୍ରଣବଙ୍କ ଗସ୍ତ ସମୟରେ ପୂର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, କୃଷି ନିଗମ ଅଧ୍ୟକ୍ଷ ଦେବାଶିଷ ମହାନ୍ତି, ବିଜେଡି ନେତା ଦେବାଶିଷ ମାରାଣ୍ଡି, ମୋରଡ଼ା ବିଧାୟକ ରାଜକିଶୋର ଦାସ, ରାଜ୍ୟସଭା ସାଂସଦ ମମତା ମହାନ୍ତ ଉପସ୍ଥିତ ଥିଲେ ।

ପାରାଦୀପ:  କୁହନ୍ତି ଯାହା ପୁଅକୁ ସାପ କାମୁଡ଼ିଥାଏ । ତାର ମାଆ ପାଳ ଦଉଡ଼ି ଦେଖିଲେ ଡରିଥାଏ । ହେଲେ ଏଠାରେ କେବଳ ଡରିନି ମାଟିରେ ମିଶିଯାଇଛି ସବୁ ସ୍ୱପ୍ନ । ଯତ୍ନରେ ପାଳିଥିବା କଅଁଳା ପତ୍ର ଯେତେ ବେଳେ ଫାଟି ଫାଳ ଫାଳ ହୋଇଯାଏ, କେଉଁ ଚାଷୀର ବା ଦେହ ସହିବ ।

ଏଭଳି ବିକଳ ସ୍ଥିତିର ସାକ୍ଷୀ ପାଲଟିଛନ୍ତି ପାରାଦୀପର ପାନଚାଷୀ । ଭୂତାଣୁ ବିଗାଡିଥିଲା, ଅମ୍ଫାନ ଉଜାଡିଲା । ଅମ୍ଫାନ ଓଡ଼ିଶାକୁ ଘଷି ହୋଇଗଲା ସତ ହେଲେ, ମାଟିରେ ମିଶାଇ ଦେଇଗଲା ପାନଚାଷୀଙ୍କ ମେହନତର ମୂଲ । ବାତ୍ୟାର କୋପ ଆଗରେ କଅଁଳା ଡଙ୍କ ଶୋଇପଡ଼ିଥିବା ବେଳେ ପତ୍ର ଫାଟି ହୋଇଯାଇଛି ଛାରଖାର । ପାରାଦୀପର ଶହ ଶହ ପାନଚାଷୀଙ୍କ ଜୀବନଜୀବିକା ଛଡାଇନେଇଛି ବାତ୍ୟା ଅମ୍ଫାନ ।

ବର୍ଷ ଆରମ୍ଭରୁ ଭୂତାଣୁ ବନ୍ଦୀ ପାଇଁ ବ୍ୟାବସାୟ ମାନ୍ଦା ଥିଲା, ଏବେ ଓଦା ବାଲିରେ ମିଶିଯାଇଛି ଚାଷୀର ସ୍ୱପ୍ନ । ପ୍ରଶାସନ କହୁଛି, ବାତ୍ୟା କ୍ଷୟକ୍ଷତିର ତଦନ୍ତ କରାଯାଉଛି । ରାଜ୍ୟ ବିପର୍ଯ୍ୟୟ ପରିଚାଳନା ନିୟମ ଅନୁଯାୟୀ ପାନ ଚାଷୀଙ୍କୁ ଦିଆଯିବ ସହାୟତା । ଲକଡାଉନ କଟକଣା କୋହଳ ପରେ ଧୀର ଧୀରେ ଜମୁଥିଲା ପାନପତ୍ର ବ୍ୟବସାୟ । ହେଲେ ଅମ୍ଫାନର ତାଣ୍ଡବଳୀଲା ଚାଷୀକୁ ସଜାଇଛି ହତଭାଗା ।