ନୂଆଦିଲ୍ଲୀ: ଦିଲ୍ଲୀରେ କେଜ୍ରି ସରକାର ଆରମ୍ଭ । ତୃତୀୟ ଥର ପାଇଁ ଦିଲ୍ଲୀର ତାଜ ପିନ୍ଧିଲେ ମଫଲର ମ୍ୟାନ । ରାମଲୀଳା ମୈଦାନରେ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଆପ ମୁଖ୍ୟ । ଶପଥ ପାଠ କରାଇଲେ ଉପରାଜ୍ୟପାଳ ଅନୀଲ ବୈଜଲ ।
କେଜ୍ରିୱାଲଙ୍କ ସହ ୬ ଜଣ ମନ୍ତ୍ରୀ ଶପଥ ନେଇଛନ୍ତି । ପ୍ରଥମେ ମନୀଷ ସିସୋଦିଆ ମନ୍ତ୍ରୀ ଭାବେ ଶପଥ ନେଇଥିଲେ । ପରେ ସତ୍ୟେନ୍ଦ୍ର ଜୈନ ଓ ଗୋପାଳ ରାଓ କୈଳାସ ଗେହଲଟ୍, ଇମ୍ରାନ ହୁସେନ ଓ ରାଜେନ୍ଦ୍ର ଗୌତମ ବି ମନ୍ତ୍ରୀ ଭାବେ ଶପଥ ନେଇଛନ୍ତି । ଶପଥ ଗ୍ରହଣ ଉତ୍ସବରେ ବହୁ ବିଶିଷ୍ଟ ଯୋଗ ଦେଇଥିଲେ ।
ଭୁବନେଶ୍ୱର: ଉଦାହରଣ ସୃଷ୍ଟି କଲେ ମୁଖ୍ୟମନ୍ତ୍ରୀ । ନିଜେ ଅଟକି ଆମ୍ୱୁଲାନ୍ସକୁ ବାଟ ଛାଡ଼ିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେବଳ ଜଣେ ଭଲ ମୁଖ୍ୟମନ୍ତ୍ରୀ ନୁହେଁ ଜଣେ ଭଲ ମଣିଷ ଓ ଦାୟିତ୍ୱବାନ ନାଗରିକ ହେବାର ପରିଚୟ ଦେଇଛନ୍ତି ମୁଖ୍ୟମନ୍ତ୍ରୀ ।
ଶନିବାର ଜୟଦେବ ବିହାରରୁ ନନ୍ଦନକାନନ ରୋଡ୍ ଅଭିମୁଖେ ଯାଉଥିଲା ମୁଖ୍ୟମନ୍ତ୍ରୀଙ୍କ କାରରେଡ୍ । ଜାଭିୟର ଛକରୁ ୟୁଟର୍ଣ୍ଣ ନେବାର ଥିଲା ମୁଖ୍ୟମନ୍ତ୍ରୀଙ୍କ ଗାଡ଼ି । କିନ୍ତୁ ଏହା ପୂର୍ବରୁ ସେହି ରାସ୍ତା ଦେଇ ଆସିଥିଲା ଏକ ଆମ୍ୱୁଲାନ୍ସ । ଆଉ ସେହି ରାସ୍ତାରେ ଭିଡ଼ ଥିବାରୁ କାରକେଡ୍କୁ ଅଟକାଇ ଆମ୍ୱୁଲାନ୍ସକୁ ରାସ୍ତା ଛାଡ଼ିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆମ୍ୱୁଲାନ୍ସ ଯିବା ପରେ ଯାଇଥିଲେ ମୁଖ୍ୟମନ୍ତ୍ରୀ ।
ବିଗତ ଦିନମାନଙ୍କରେ ଭିଡ଼ ଯୋଗୁଁ ବିଭିନ୍ନ ସମୟରେ ରାସ୍ତା ମଝିରେ ବହୁ ସମୟ ଧରି ଆମ୍ୱୁଲାନ୍ସକୁ ଅଟକି ଯାଉଥିବା ଦେଖିବାକୁ ମିଳିଛି । ଏଥିଲାଗି ରୋଗୀଙ୍କୁ ବହୁ ହଇରାଣ ହେବାକୁ ପଡ଼ଛୁ । ଏଭଳି ଘଟଣା ବିଭିନ୍ନ ଗଣମାଧ୍ୟମରେ ମଧ୍ୟ ପ୍ରସାରିତ ହେଉଛି । ଯାହାକୁ ଦେଖି ସାଧାରଣ ଜନତା ଓ ବୁଦ୍ଧିଜୀବୀ ବିବ୍ରତ ହେଉଛନ୍ତି । ଲୋକଙ୍କ ମଣିଷପଣିଆ ଓ ଟ୍ରାଫିକ ବ୍ୟବସ୍ଥା ପ୍ରତି ପ୍ରଶ୍ନ ଉଠୁଛି । ଏଭଳି ସମୟରେ ସ୍ୱୟଂ ମୁଖ୍ୟମନ୍ତ୍ରୀ ନିଜେ ଅଟକି ଆମ୍ୱୁଲାନ୍ସକୁ ବାଟ ଛାଡ଼ିଛନ୍ତି । ଯାହା ସମସ୍ତଙ୍କୁ ଏକ ନିଆରା ବାର୍ତ୍ତା ଦେଉଛି ।
ଥମୁନି ଇରାକ-ଆମେରିକା ବିବାଦ । ପୁଣି ଆମେରିକା ଦୁତାବାସ ଉପରେ ଆକ୍ରମଣ । ଇରାକ ରାଜଧାନୀ ବାଗଦାଦରେ ଥିବା ଆମେରିକା ଦୁତାବାସ ଉପରେ ଏକାଧିକ ରକେଟ ମାଡ଼ ହୋଇଛି । ଆମେରିକା ବିରୋଧରେ ଏହା ୧୯ତମ ଆକ୍ରମଣ ବୋଲି ଆମେରିକୀୟ ସେନାବାହିନୀ ସୁତ୍ରରୁ ଜଣାପଡ଼ିଛି । ତେବେ ଏଥିରେ କେହି ମୃତାହତ ହୋଇନଥିବା ସୂଚନା ମିଳିଛି । ଫେବ୍ରୁଆରୀ ୧୩ ତାରିଖ ଦିନ ଇରାନ ଆମେରିକାକୁ ଚେତାବନୀ ମଧ୍ୟ ଦେଇଥିଲା । ଇରାନ କହିଥିଲା ଯେ ଆମେରିକା ଓ ଇସ୍ରାଏଲ ଯଦି କିଛି ଭୁଲ କରନ୍ତି ତାଙ୍କ ଉପରେ ରକେଟ ମାଡ଼ ହେବ ।
ନୂଆପଡ଼ା: ନୂଆପଡ଼ା ଓ ବଲାଙ୍ଗୀର ଶ୍ରମ ବିଭାଗର ଅପରେସନ୍ ଦାଦନ ରେସକ୍ୟୁ । ବେଙ୍ଗାଲୁରୁର ଇଟା ଭାଟିରୁ ୨ ଶହ ଦାଦନ ଶ୍ରମିକ ଉଦ୍ଧାର କଲା ଶ୍ରମ ବିଭାଗ । ବେଆଇନ ଭାବେ ଶ୍ରମିକମାନଙ୍କୁ ଚାଲାଣ କରି ଇଟା ଭାଟିରେ ଅଟକ ରଖାଯାଇଥିଲା । ଏନେଇ ଖବର ପାଇବା ପରେ ନୂଆପଡ଼ା ଏବଂ ବଲାଙ୍ଗୀର ଶ୍ରମ ବିଭାଗ ମିଳିତ ଭାବେ ଚଢ଼ାଉ କରି ଦାଦନ ଉଦ୍ଧାର କରିଛି । ଉଦ୍ଧାର ଶ୍ରମିକ ମାନେ ବଲାଙ୍ଗୀର, ନୂଆପଡ଼ା, ବରଗଡ଼ ଓ କଳାହାଣ୍ଡି ଜିଲ୍ଲାର ବୋଲି ଜଣାପଡ଼ିଛି ।
ଢେଙ୍କାନାଳ: ପୁଣି ହାତୀ ଉପଦ୍ରବ । ସଦରରେଞ୍ଜ ଅନ୍ତର୍ଗତ ଦୁଧକାଟୋନି ବେଲଗୁଣ୍ଠାରେ ହାତୀ ଆକ୍ରମଣରେ ମହିଳା ଗୁରୁତର । ଗୁରୁତର ହେଲେ ଗାଁର ସୀତା ଭୂୟାଁ ।
ଆଜି ଆମ୍ ଆଦମୀ ପାର୍ଟି (ଆପ୍)ର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିଓ୍ଵାଲ ଆଜି ତୃତୀୟ ଥର ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। କେଜ୍ରିୱାଲଙ୍କ ସହ ୬ ଜଣ ମନ୍ତ୍ରୀ ଶପଥ ନେବେ । ଶପଥ ଗ୍ରହଣ କାର୍ଯ୍ୟକ୍ରମ ରାମଲୀଳା ମୈଦାନରେ ଅନପଷ୍ଠିତ ହେବ ।
ନୂଆଦିଲ୍ଲୀ: ଆରମ୍ଭ ହେବାକୁ ଯାଉଛି କେଜ୍ରିୱାଲଙ୍କ ୩ୟ ଇନିଂସ୍ । ଦିଲ୍ଲୀ ଜନତାଙ୍କ ଦିଲ୍ ଜିତି ଏବେ ବଡ଼ ଧରଣର ସଫଳତା ପାଇଛି ଆପ୍ । ଆମ୍ ଆଦମୀ ପାର୍ଟି (ଆପ୍)ର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିଓ୍ଵାଲ ତୃତୀୟ ଥର ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ତେବେ ଆଜି କେଜ୍ରିୱାଲଙ୍କ ସହିତ ୬ ଜଣ ମନ୍ତ୍ରୀ ଶପଥ ନେଉଛନ୍ତି । ଏମାନେ ହେଲେ ମନୀଷ ସିସୋଦିଆ, ସତ୍ୟେନ୍ଦ୍ର ଜୈନ, ଗୋପାଳ ରାୟ, କୈଳାଶ ଗହଲୋତ, ଇମ୍ରାନ ହୁସେନ ଓ ରାଜେନ୍ଦ୍ର ଗୌତମ । ଶପଥ ଗ୍ରହଣ ପାଇଁ ରାମଲୀଳା ମୈଦାନ ପ୍ରସ୍ତୁତ ହୋଇ ସାରିଛି । ଶପଥ ଗ୍ରହଣ ସମାରୋହରେ ଶିକ୍ଷକମାନେ ବାଧ୍ୟତାମୂଳକ ଭାବେ ଉପସ୍ଥିତ ରହିବା ଆଦେଶ ନେଇ ସରକାର ୟୁଟର୍ଣ୍ଣ ନେଇଛନ୍ତି। କିନ୍ତୁ ଏବେ ଶିକ୍ଷକଙ୍କ ଉପସ୍ଥିତି ଇଚ୍ଛାଧୀନ କରି ଦିଆଯାଇଛି। ଦିଲ୍ଲୀର ଚାରିଆଡ଼େ ବିରୋଧ କରାଯିବା ପରେ ସରକାର ନିଜର ନିଷ୍ପତ୍ତିରୁ ଓହରିଥିବା ଜଣାପଡ଼ିଛି ।
କେଜ୍ରିୱାଲଙ୍କ ଆମ ଆଦମୀ ପାର୍ଟି (ଆପ) ନିକଟରେ ଶେଷ ହୋଇଥିବା ଦିଲ୍ଲୀ ବିଧାନସଭା ନିର୍ବାଚରେ ୭୦ରୁ ୬୨ଟି ଆସନରେ ବିଜୟୀ ହୋଇଥିଲା । ସରକାରୀ ଅଧିସୂଚନା ଅନୁସାରେ ରାଷ୍ଟ୍ରପତି ମୁଖ୍ୟମନ୍ତ୍ରୀଙ୍କ ପରାମର୍ଶକ୍ରମେ ୬ ଜଣ ବିଧାୟକଙ୍କୁ ମନ୍ତ୍ରୀ ଭାବେ ନିଯୁକ୍ତି ଦେଇଛନ୍ତି ।
ଢେଙ୍କାନାଳ: ପୁଣି ହାତୀ ଉପଦ୍ରବ । ସଦରରେଞ୍ଜ ଅନ୍ତର୍ଖତ ଦୁଧକାଟୋନି ବେଲଗୁଣ୍ଠାରେ ହାତୀ ଆକ୍ରମଣରେ ମହିଳା ଗୁରୁତର । ଗୁରୁତର ହେଲେ ଗାଁର ସୀତା ଭୂୟାଁ । ମହିଳା ଜଣକ ଗାଁ ଜଙ୍ଗଲକୁ ଯାଇଥିବା ବେଳେ ତାଙ୍କୁ ହାତୀ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ତାଙ୍କୁ ଢେଙ୍କାନାଳ ମେଡିକାଲରେ ଭର୍ତ୍ତି କରାଯାଇଛି ।
ଟେଲିଭିଜନ ଜଗତର ସବୁଠୁ ବଡ଼ ବିବାଦୀୟ ରିଆଲିଟି ସୋ ‘ବିଗ୍ ବସ୍ ୧୩’ର ବିଜେତା ହୋଇଛନ୍ତି ସିଦ୍ଧାର୍ଥ ଶୁକ୍ଲା । ଏହାସହ ଆସୀମ ରିୟାଜ ରହିଛନ୍ତି ୨ୟ ସ୍ଥାନରେ । ଏହି ସିଜନରେ ଆରମ୍ଭରୁ ଶେଷ ପର୍ଯ୍ୟନ୍ତ ଭଲ ପ୍ରଦର୍ଶନ କରିଥିଲେ । ସୋ ର ହୋଷ୍ଟ ସଲମାନ ଏହି ସିଜନର ବିଜେତା ସିଦ୍ଧାର୍ଥ ଶୁକ୍ଲାଙ୍କ ନାଁ ନେଇ ତାଙ୍କୁ ତାଙ୍କ ଟ୍ରଫି ସହ ୫୦ଲକ୍ଷ ଟାଙ୍କ ପୁରସ୍କାର ଦିଆଯାଇଛି ।
ସିଦ୍ଧାର୍ଥା ଶୁକ୍ଲାଙ୍କୁ ସୋ’ରେ ‘ଏଙ୍ଗ୍ରୀ ୟଂଗ ମ୍ୟାନ’ର ଟ୍ୟାଗ୍ ଦିଆଯାଇଥିଲା । ୧୬୦ ଦିନର ସଫର ପରେ ସିଦ୍ଧାର୍ଥା ଏହି ଟ୍ୟାଗ୍ ପ୍ରମାଣିତ କରି ଏହି ସିଜନର ସମସ୍ତ ପ୍ରତିଯୋଗୀଙ୍କ ସହ ମନ ଭରି ଝଗଡ଼ା ମଧ୍ୟ କରିଥିଲେ । ତେବେ ସିଜନର ଆରମ୍ଭରୁ ହିଁ ସିଦ୍ଧାର୍ଥଙ୍କୁ ସବୁଠୁ ଶକ୍ତିସାଳି ପ୍ରତିଯୋଗୀ ଭାବେ ଦେଖାଯାଉଥିଲା । ସେଥିପାଇଁ ତ ସବୁ ବେଳେ ନୋମିନେଟ ହୋଇମଧ୍ୟ ସିଦ୍ଧାର୍ଥଙ୍କୁ ତାଙ୍କ ଫ୍ୟାନମାନେ ବଞ୍ଚାଇଦିଅନ୍ତି । ତେବେ ଘରେ ଯେଉଁଠି ସିଦ୍ଧାର୍ଥ ଓ ସେହନାଜଙ୍କ ଯୋଡ଼ିକୁ ଖୁବ ପସନ୍ଦ କରାଯାଏ ସେଇଠି ରଶ୍ମି ଓ ସିଦ୍ଧାର୍ଥଙ୍କ ଝଗଡ଼ାକୁ ମଧ୍ୟ ଭଲ ଟିଆରପି ମିଳିଥାଏ । ତେବେ ୧୬୦ ଦିନର ସଂଘର୍ଷ ପରେ ବିଜେତାର ନାଁ ଏବେ ଆସିଯଆଇଛି ।
ଭୁବନେଶ୍ୱର: ଆପଣ ରାଜ୍ୟ ବଜେଟ୍ ଜାଣିବାକୁ ଚାହୁଁଛନ୍ତି ? ମୋବାଇଲ ଆପ୍ରେ ମିଳିବ ରାଜ୍ୟ ବଜେଟର ଅପଡେଟ୍ । କାଗଜ ନୁହେଁ, ଏଥର ଆଇପଡରେ ରାଜ୍ୟ ବଜେଟ । ପ୍ରସ୍ତୁତ ହୋଇଛି ଆପ୍ । ପ୍ରଥମଥର ପାଇଁ ଆଇପଡରେ ବିଧାୟକ ଓ ମନ୍ତ୍ରୀ ଦେଖିବେ ରାଜ୍ୟ ବଜେଟ । ସାଧାରଣ ଜନତା ବି ମୋବାଇଲରେ ଓଡ଼ିଶା ବଜେଟ ଆପ ଅପଲୋଡ କରି ରାଜ୍ୟ ବଜେଟର ଟିକିନିଖି ଅପଡେଟ ପାଇ ପାରିବେ । ଓଡ଼ିଶା ବିଧାନସଭାକୁ ପେପରଲେସ କରିବା ପାଇଁ ଓ ସଦସ୍ୟମାନଙ୍କୁ ସଂପୂର୍ଣ୍ଣ ଟେକ୍ନୋସେଭି କରିବା ପାଇଁ ଏପରି ବ୍ୟବସ୍ଥା କରାଯାଇଛି ବୋଲି ବାଚସ୍ପତି କହିଛନ୍ତି । ବଜେଟ ଅଧିବେଶନର ବିଧାୟକମାନେ ପଚାରୁଥିବା ପ୍ରଶ୍ନ ଓ ଉତ୍ତର ଏବେ ଅନଲାଇନରେ ଆରମ୍ଭ ହୋଇଥିବା ବାଚସ୍ପତି କହିଛନ୍ତି ।
ବିଧାନସଭାର ଡିଜିଟାଲାଇଜେସନକୁ ବିଧାୟକମାନେ ସ୍ୱାଗତ କରିଛନ୍ତି । ହେଲେ ବିଧାୟକମାନଙ୍କୁ ଏନେଇ ଟ୍ରେନିଂ ଦିଆଯିବା ଦରକାର ବୋଲି ଶାସକ ଓ ବିରୋଧୀ ବିଧାୟକ କହିଛନ୍ତି । ପ୍ରଥମଥର ଲାଗି ବଜେଟ ଆଇପଡରେ ଦେଖିବାର ବ୍ୟବସ୍ଥା ହୋଇଛି । ଏପରି ବ୍ୟବସ୍ଥା ଦ୍ଵାରା ୫୭ଲକ୍ଷ ପେପରସେଭ୍ ହେବା ସହ ୭ଶହ ଗଛକଟାରୁ ବଞ୍ଚିତ ହୋଇପାରିବ ।
୧୮ ତାରିଖ ଦିନ ଅର୍ଥମନ୍ତ୍ରୀ ନିରଂଜନ ପୂଜାରୀ ୨୦୨୦-୨୧ ଆର୍ଥିକ ବର୍ଷର ବଜେଟ ଉପସ୍ଥାପନ କରିବେ । ପ୍ରଥମଥର ପାଇଁ ବଜେଟ ସଂପୂର୍ଣ୍ଣ ଡିଜିଟାଲାଇଜେସନ ହୋଇଥିବାରୁ ଏହାକୁ ନେଇ ସବୁ ମହଲରେ ଉତ୍ସାହ ଦେଖିବାକୁ ମିଳିଛି ।
