ଭୁବନେଶ୍ୱର: ଲକ୍‌ଡାଉନ୍‌ରେ ବି ସଟ୍‌ଡାଉନ୍‌ର ଆକ୍ସନ୍‌। ବିନା କାରଣ ଘରୁ ବାହାରିଲେ ଖାଇବାକୁ ପଡୁଛି ନିର୍ଦ୍ଧୁମ ମାଡ଼। ସମାଜାକି ଦୂରତ୍ୱକୁ ଟିକେ ଅବମାନନା କଲେ କମିଶନରେଟ ପୋଲିସ ଦେଖାଉଛି ନାଲି ଆଖି। କେଉଁଠି ଗାଡ଼ି ଉଠାଇ ନେଉଛି ତ କେଉଁଠି ଗୋଡ଼ାଇ ଗୋଡ଼ାଇ ପିଟୁଛି। 

୨ଦିନ ଧରି ଶୁନ୍‌ଶାନ୍‌ ହୋଇ ପଡ଼ିଥିବା ରାଜଧାନୀରେ ଆଜି ଖୋଲିଥିଲା ଅତ୍ୟାବଶ୍ୟକ ଦୋକାନ ବଜାର। କିଛି ଆବଶ୍ୟକତା ପାଇଁ ପଦାକୁ ଆସିଥିଲେ, ଆଉ କିଛି ଫୁର୍ତ୍ତି ପାଇଁ ବୁଲି ବାହାରିଥିଲେ। ତେବେ ବିନା କାରଣରେ ଟହଲ୍‌ ମାରୁଥିବା ଲୋକଙ୍କୁ ଆଜି ଖୋଦ୍‌ ଡିସିପି ସାବାଡ୍‌ କରିଥିଲେ। ଗୋଡ଼ାଇ ଗୋଡ଼ାଇ ପିଟିଥିଲେ ରାସ୍ତା ଉପରେ। କିଛି ଏଭଳି ଚିତ୍ର ଦେଖିବାକୁ ମିଳିଥିଲା ରାଜଧାନୀର ବିଭିନ୍ନ ଛକ ଜାଗାମାନଙ୍କରେ । 

ଚନ୍ଦ୍ରଶେଖପୁର ଲକ୍‌ଡାଉନ କଟକଣାକୁ ଫୁ କରି ଫୁଟପାଥରେ ବାଇକ ରଖି ଦୁଇ ଯ଼ୁବକ କରୁଥିଲେ ଖଟି । ଏପଟେ ଦୁଇ ଜଣ ଯ଼ୁବକ ଖାଲି ରାସ୍ତାର ମଉକା ଉଠାଇ ରଙ୍ଗ୍ ରୁଟରେ ଚଳାଉଥିଲେ ଗାଡି । ପାଟ୍ରୋଲିଂ ବେଳେ ଏମାନଙ୍କୁ ସାବାଡ କରିଥିଲେ ଭୁବନେଶ୍ୱର ଡିସିପି।

ରାଜମହଲ ଛକ  ମେଡିକାଲ ଓ ଟଙ୍କା ଉଠାଇବା ବାହାନାରେ ବାଇକରେ କାଟୁଥିଲେ ଚକ୍କର। ହାବୁଡରେ ପଡବା ପରେ, ବାଟକୁ ଆଣିଥିଲା ପୋଲିସ । କାଗଜପତ୍ର ଯାଞ୍ଚ କରିବା ସହ ପୋଲିସ ଆରମ୍ଭ କରିଥିଲା ପ୍ରହାର।

ଶିଶୁ ଭବନ ଛକ କରୋନା ପାଇଁ ବାଇକ୍‌ ମନା। ପାଖ ବଜାରକୁ ଚାଲି ଚାଲି ଆସିବାକୁ ନିର୍ଦ୍ଦେଶ ଦିଆଯାଇଛି। ହେଲେ ସାମାଜିକ ଦୂରତା ନିୟମକୁ ଭାଙ୍ଗି ସଉଦା କିଣିବାକୁ ଆସିଥିବା ଯୁବକଙ୍କୁ ସାବାଡ୍‌ କରିଛି ପୋଲିସ୍‌। ଗଣି ଗଣି କଢ଼ାଇଛି ଗୁଞ୍ଜି

ଏପିରିକି ବିଡିଏ ଅଞ୍ଚଳରେ ବେଫିକର୍‌ ଭାବେ ପଦାରେ ବୁଲୁଥିବା ୫ରୁ ଅଧିକ ଯୁବତୀଙ୍କୁ ଉଠାଇ ନେଇଛି ପୋଲିସ୍‌।

ଏପରିକି ଶିଶୁଭୁନ ଛକ ଓ ରାଜମହଲ ଛକରେ ଘରୁ ଚାଲି ଚାଲି ପରିବା ହାଟକୁ ଆସୁଥିବା ଲୋକଙ୍କୁ ସାଧୁବାଦ ଜଣାଇଛି ପୋଲିସ୍‌।

ରାଜ୍ୟ ସରକାର ଓ ପୋଲିସ ପ୍ରସାଶନ ବାରମ୍ବାର ଅପିଲ କରିବା ସତ୍ତ୍ୱେ ବିନା କାରଣରେ ପଦାକୁ ଆସିଥିଲେ ସହରିଆ । ବିଭିନ୍ନ ଛକରେ ଯାଞ୍ଚ ବେଳେ ପୋଲିସ ହାବୁଡରେ ପଡିଥିଲେ ଦେଶର ଶତ୍ରୁ । ଲକଡାଉନ ନିୟମ ଭାଙ୍ଗି ନାଲ୍‌କୋ ଛକରେ ହଟହଟା ହୋଇଥିଲେ ଲୋକେ। ଘଣ୍ଟା ଘଣ୍ଟା ଧରି ଅଟକ ରଖି ପୋଲିସ ଶିଖାଇଥିଲା ସବକ। ସେହିଭଳି କଟକ-ଭୁବନେଶ୍ୱର ଟୁଇନ୍‌ ସିଟିରୁ ପ୍ରାୟ ୨ହଜାର ବାଇକ୍‌କୁ ସିଜ୍‌ କରିଛି ପୋଲିସ୍‌।

ସେପଟେ ଓଡ଼ିଶା ପୋଲିସ୍‌ ଆଜି ସୋସିଆଲ୍‌ ମିଡିଆରେ ପୋଷ୍ଟ କରିଛି ଏକ ହୃଦୟସ୍ପର୍ଶୀ ଭିଡିଓ। କରୋନା ସଂଗ୍ରାମର ସାରଥୀ ସାଜିବାକୁ ସାରା ଓଡ଼ିଶାବାସୀଙ୍କୁ ପୋଲିସ୍‌ କରିଛି ନିବେଦନ। ଯାହାକୁ ନିଜେ ମୁଖ୍ୟମନ୍ତ୍ରୀ ନିଜ ଟୁଇଟର୍‌ ଆକାଉଣ୍ଟରେ ସେୟାର କରିଛନ୍ତି।

ଭୁବନେଶ୍ୱର: କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଇଥିବା ମନ୍ତ୍ରକୁ କାର୍ଯ୍ୟକାରୀ କରିବେ ମା’ ମାନେ । ମା’ ମାନେ ଘରର ପୋଲିସ ସଦୃଶ୍ୟ । ଏଣିକି ସେମାନେ ଘରେ ଜାରି କରନ୍ତୁ ଅନୁଶାସନ । ବିନା କାରଣରେ ଘରୁ କେହି ବାହାରକୁ ବାହାରିବେ ନାହିଁ । ଆଜି ରାଜ୍ୟର ଲକ୍ଷ ଲକ୍ଷ ମା’ ମାନଙ୍କୁ ଏଭଳି ଅପିଲ କରିଛନ୍ତି ମିଶନ ଶକ୍ତି କମିଶନର ସୁଜାତା କାର୍ତ୍ତିକେୟନ । ରାଜ୍ୟ ସରକାରଙ୍କ କରୋନା ଯୁଦ୍ଧରେ ରାଜ୍ୟର ୭୦ ଲକ୍ଷ ମହିଳା ସରକାର ଓ ପ୍ରଶାସନ ସହ ସହଭାଗୀ ହୋଇ କାମ କରୁଛନ୍ତି । ଏବେ ଯେଉଁ ଅସ୍ୱାଭାବିକ ପରିସ୍ଥିତି ସୃଷ୍ଟି ହୋଇଛି ସେଥିରେ ମା’ ମାନେ ଆଗେଇ ଆସି ଘରେ ଅନୁଶାସନ ଜାରି କରିବାକୁ ସେ ନିବେଦନ କରିଛନ୍ତି । ସାଧାରଣ ଭାବେ ଲୋକଙ୍କ ଦୈନିକ ହାଟକୁ ଯିବାର ଅଭ୍ୟାସ ରହିଛି । ମା’ ମାନେ ଚାହିଁଲେ ଏହି ଅଭ୍ୟାସ ଭାଙ୍ଗିପାରିବେ । କରୋନାକୁ ନେଇ ଆମେ ଆତଙ୍କିତ ହେବା ଉଚିତ ନୁହେଁ । କାରଣ ଏହି ଭାଇରସ ଯେତିକି ଭୟାନକ ତାର ପ୍ରତିକାର ମଧ୍ୟ ସେତିକି ସରଳ । ଏହି ଭାଇରସମାନେ ଅହଂକାରୀ । ଘର ବାହାରକୁ ଯାଇ ନଡାକିଲେ ସେମାନେ ଘରକୁ ଆସିବେ ନାହିଁ । ତେଣୁ ନିଜ ପରିବାର ଓ ସମାଜ ପାଇଁ ସ୍ୱାଧୀନତା ସଂଗ୍ରାମୀଙ୍କ ପରି ତ୍ୟାଗ କରିବାକୁ ପଡିବ । ଲୋକେ ନିଜ ଦାୟିତ୍ୱ ନିଜେ ତୁଲାଇଲେ ଏହି ରୋଗ ଚାଲିଯିବ । ଆମ ହାତରେ ଆମ ଭ୍ୟାକସିନ ରହିଛି । ସମାଜିକ ଦୂରତା ବଜାୟ ରଖିବା ସହ ବାହାରକୁ ଯିବାନି ଏବଂ ନିୟମିତ ହାତ ଧୁଅନ୍ତୁ । ମା ମାନେ ନିଜ ଘରେ ଏହି ଅନୁଶାସନ ଲାଗୁ କରିବାକୁ ପରାମର୍ଶ ଦେଇଛନ୍ତି ମିଶନ ଶକ୍ତି କମିଶନର । ଏଥିସହିତ କରୋନା ମୁକାବିଲା ନେଇ ଯେଉଁ ଇସ୍ତାହାର ଜାରି କରିଥିଲେ ତାକୁ ମିଶନ ଶକ୍ତିର ମହିଳାମାନେ ମାତ୍ର ତିନି ଦିନରେ ସବୁ ଗାଁ ଓ ପୌରାଞ୍ଚଳରେ ବାଣ୍ଟିଥିବା ମିଶନ ଶକ୍ତି କମିଶନର ସୁଜାତା କାର୍ତ୍ତିକେୟନ ସୂଚନା ଦେଇଛନ୍ତି । ଘରେ ରହିବାକୁ ମୁଖ୍ୟମନ୍ତ୍ରୀ ଯେଉଁ ଶପଥ ପାଠ କରାଇଥିଲେ ସେଥିରେ ଉତ୍ସାହିତ ହୋଇ ଲକ୍ଷାଧିକ ମହିଳା ନିଜ ଘରୁ ଏବଂ ଗାଁରୁ ଶପଥ ପାଠର ଭିଡିଓ ପଠାଇଥିଲେ । ସେହିପରି ବ୍ରହ୍ମପୁର, କେନ୍ଦ୍ରାପଡା, କଟକ, ଛତ୍ରପୁର ଆଦି ଅନେକ ସ୍ଥାନରେ ହିଳା ସ୍ୱୟଂ ସହାୟିକାମାନେ ପ୍ରାୟ ୬ଶହ ରାସନ ଦୋକାନ କରି ଲୋକଙ୍କୁ ଅତ୍ୟାବଶ୍ୟକ ସମାଗ୍ରୀ ଯୋଗାଇଦେଉଛନ୍ତି । ଏଭିତରେ ମହିଳା ସ୍ୱୟଂ ସହାୟିକାମାନେ ୨୫ ଲକ୍ଷରୁ ଅଧିକ ମଧ୍ୟାହ୍ନ ଭୋଜନ ଅସହାୟ ଓ ନିରାଶ୍ରୟଙ୍କୁ ବାଣ୍ଟିସାରିଲେଣି । ୧୨ ଲକ୍ଷରୁ ଅଧିକ ହାତ ତିଆରି ମାସ୍କ ତିଆରି କରି ସରକାରୀ, ବେସରକାରୀ, ଡାକ୍ତରଖାନା, ସ୍ୱାସ୍ଥ୍ୟକର୍ମୀଙ୍କୁ ବାଣ୍ଟାଯାଇଛି । ନିଜ ପାଣ୍ଠିରୁ କରୋନା ସଂକ୍ରମିତଙ୍କ ଚିକିତ୍ସା ପାଇଁ ମଧ୍ୟ ସହାୟତା ଦେଇଛନ୍ତି ମହିଳା ସ୍ୱୟଂ ସହାୟିକାମାନେ ।