. ୧୪ ଅପ୍ରେଲ ଯାଏଁ ଦେଶ ଲକଡାଉନ

. ଇଏମଆଇକୁ ନେଇ ଲୋକଙ୍କ ମଧ୍ୟରେ ଚିନ୍ତା

ନୂଆଦିଲ୍ଲୀ: ନୂଆ ମାସ ଆରମ୍ଭ ହେବାକୁ ଯାଉଛି । ଏହି ମାସ ସାଧାରଣ ଲୋକଙ୍କ ପାଇଁ ଯଥେଷ୍ଟ ଚ୍ୟାଲେଞ୍ଜିଂ ହେବାକୁ ଯାଉଛି | ଦେଶରେ ଏମିତି ପ୍ରଥମ ଥର ପାଇଁ ହୋଇଛି ଯେଉଁଠି ଲୋକମାନେ ଲକଡାଉନରେ ଅଛନ୍ତି ଏବଂ କାମ ସବୁ ଠପ୍ ହୋଇପଡ଼ିଛି ।

ଏହି ପରିସ୍ଥିତିରେ ଲୋକମାନେ ସେମାନଙ୍କର ଲୋନ ଏବଂ EMIକୁ ନେଇ ଚିନ୍ତା ପ୍ରକଟ କରିଛନ୍ତି । ତେବେ EMI ଦେଉଥିବା ବ୍ୟକ୍ତି ମାନଙ୍କୁ  ଶୁକ୍ରବାର ଦିନ ରିଜର୍ଭ ବ୍ୟାଙ୍କ EMI ଉପରେ ୩ ମାସର ଛାଡର ସୂଚନା ଦେଇଥିଲେ । କିନ୍ତୁ ଅଧିକାଂଶ ବ୍ୟାଙ୍କ ଆରବିଆଇର ଏହି ନିଷ୍ପତ୍ତି ଉପରେ ନୀରବ ରହିଛନ୍ତି । କେବଳ ଏତିକି ନୁହେଁ, ଅନେକ ବ୍ୟାଙ୍କ ତ ପ୍ରତ୍ୟେକ ମାସ ପରି ଏହି ମାସରେ ମଧ୍ୟରେ EMIର ମେସେଜ ପଠାଇଛନ୍ତି । ଏଭଳି ପରିସ୍ଥିତିରେ ଲୋକଙ୍କ ମନରେ ଏକ ପ୍ରକାର ଦ୍ୱନ୍ଦ୍ୱ ଦେଖାଦେଇଛି ।

ତେବେ ଏହି ପରିସ୍ଥିତିରେ ଦ୍ୱନ୍ଦ୍ୱ କାହିଁକି ବଢ଼ୁଛି?

ଆରବିଆଇ ପକ୍ଷରୁ ସ୍ଥଗିତାଦେଶ ଆବେଦନ ପରେ ମଧ୍ୟ ବ୍ୟାଙ୍କଗୁଡ଼ିକ ଗ୍ରାହକଙ୍କଠାରୁ ଲୋନର କିସ୍ତି ପରିଶୋଧ କରିବାକୁ ମେସେଜ ପଠାଯାଉଛି । ମେସେଜରେ କୁହାଯାଇଛି ଯେ ‘ଧାର୍ଯ୍ୟ ଦିନରେ ଗ୍ରାହକଙ୍କ ଆକାଉଣ୍ଟରୁ ଟଙ୍କା କଟାଯିବ, ତେଣୁ ଆବଶ୍ୟକ ପରିମାଣ ତାଙ୍କ ଆକାଉଣ୍ଟରେ ରଖନ୍ତୁ। ବ୍ୟାଙ୍କ ଦ୍ୱାରା ପଠାଯାଇଥିବା ମେସେଜ ଯୋଗୁଁ ଲୋକଙ୍କ ମନରେ ଟେନସନ ବୃଦ୍ଧି ପାଇଛି ।’

କୌଣସି ବ୍ୟାଙ୍କ ରିଲିଫ୍ ପ୍ରଦାନ କରିନାହାଁନ୍ତି କି?

ଯଦି ଆପଣ SBI ବ୍ୟାଙ୍କରୁ କୌଣସି ଲୋନ କରିଛନ୍ତି ତେବେ ଆପଣଙ୍କ ପାଇଁ ଟିକିଏ ଆଶ୍ୱସ୍ତି ରହିଛି । ବାସ୍ତବରେ, ଆପଣଙ୍କୁ ଆଗାମୀ ତିନିମାସ ପାଇଁ ଲୋନର EMI ଦେବାକୁ ପଡିବ ନାହିଁ | ଶୁକ୍ରବାର ଦିନ ଏସବିଆଇ ଅଧ୍ୟକ୍ଷ ରଜନୀଶ କୁମାର ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଲୋନ କରିଥିବା ବ୍ୟକ୍ତିର EMI  ତିନୋଟି କିସ୍ତି ସ୍ୱୟଂଚାଳିତ ଭାବରେ ସ୍ଥଗିତ ରଖାଯାଇଛି। ଏଥିପାଇଁ ଗ୍ରାହକଙ୍କୁ ବ୍ୟାଙ୍କରେ ଆବେଦନ କରିବାର ଆବଶ୍ୟକତା ନାହିଁ। ଏସବିଆଇ ଅଧ୍ୟକ୍ଷ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ୩ ମାସ ପାଇଁ EMI ଦେୟ ନଦେଲେ ଗ୍ରାହକଙ୍କ କ୍ରେଡିଟ ସ୍କୋର ପ୍ରଭାବିତ ହେବ ନାହିଁ। ଏଥି ସହିତ, ବର୍ତ୍ତମାନ ଏସବିଆଇର କ୍ରେଡିଟ କାର୍ଡ ଦେୟ ଉପରେ କୈଣସି ଆରାମ ମିଳୁନାହିଁ। ଏସବିଆଇ ବ୍ୟତୀତ ଅନ୍ୟ ବେସରକାରୀ କିମ୍ବା ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ EMI ସ୍ଥଗିତ ରଖିବାକୁ ଚିନ୍ତା କରୁଛନ୍ତି । ମିଡିଆ ରିପୋର୍ଟରେ ଅନୁଯାୟୀ କିଛି ବ୍ୟାଙ୍କ ଏହାକୁ ଶୀଘ୍ର ଘୋଷଣା କରିପାରନ୍ତି।

ଏହି ସମୟରେ କଣ କରିବା ଉଚିତ୍?

ଯଦି ଆପଣଙ୍କ ବ୍ୟାଙ୍କ EMI ସମ୍ବନ୍ଧରେ କୌଣସି ପରିବର୍ତ୍ତନ କରିଛି, ତେବେ ତା’ର ସୂଚନା ବ୍ୟାଙ୍କ ମେସେଜ କିମ୍ବା ମେଲ୍ ମାଧ୍ୟମରେ ଆପଣଙ୍କୁ ପଠାଇଦେବ । ଆପଣଙ୍କ ବ୍ୟାଙ୍କର କଷ୍ଟମର କେୟାର ସହ କଥା ହୋଇ ଆପଣ EMI ବାବଦରେ ସୂଚନା ପାଇପାରିବେ । ଏହି ପରିସ୍ଥିତିରେ, ଆପଣ EMI ବିଳମ୍ବ ପାଇଁ ବ୍ୟାଙ୍କକୁ ମଧ୍ୟ ଆବେଦନ କରିପାରିବେ, କିନ୍ତୁ ଆପଣଙ୍କୁ ଏଠାରେ ଜଣାଇବାକୁ ପଡ଼ିବ ଯେ କରୋନା ଭାଇରସ ଯୋଗୁଁ ଆପଣଙ୍କର ଆୟ ପ୍ରଭାବିତ ହୋଇଛି । ତେବେ ଚୂଡ଼ାନ୍ତ ନିଷ୍ପତ୍ତି ବ୍ୟାଙ୍କକୁ ହିଁ ନେବାକୁ ପଡିବ ଯେ ସେ ପ୍ରତି ମାସ ପରି ଏହି ମାସରେ ଆପଣଙ୍କ ଆକାଉଣ୍ଟରୁ ଟଙ୍କା କଟିବ ନା ନାହିଁ ।

କରୋନା ପାଇଁ ଏବେ ସାରା ବିଶ୍ୱ ଚିନ୍ତାରେ । କିପରି ଏହି ଭୟଙ୍କର ଭାଇରସ ଠାରୁ ମୁକ୍ତି ମିଳିବ ତାକୁ ନେଇ ବୈଜ୍ଞାନିକ ମାନେ ରିସର୍ଚ୍ଚ କରିବା ଆରମ୍ଭ କରିଲେଣି । କିନ୍ତୁ ଏଯାବତ କରୋନା ଭାଇରସର ଭାକସିନ (ଟୀକା) ତିଆରି ହୋଇପାରିନାହିଁ । ୧୮ଟି ଦେଶ ଏହି ଭାଇରସରର ଭାକସିନ ତିଆରି କରିବାରେ ଲାଗିପଡ଼ିଛନ୍ତି କିନ୍ତୁ ଏଯାବତ କୌଣସି ସଫଳତା ହାସଲ କରିପାରିନାହାନ୍ତି ।

ତେବେ ଜାଣନ୍ତୁ କରୋନାର ଭାରସିନ କିପରି ତିଆରି ହୁଏ ।

ଷ୍ଟେପ-୧: ଲାବରେ ଭାରସର ସୃଷ୍ଟି

କୌଣସି ଭାଇରସର ଭାକସିନ ତିଆରି କରିବା ପୂର୍ବରୁ ସେହି ଭାଇରସକୁ ଲାବରେ ଆଉ ଥରେ ସୃଷ୍ଟି କରାଯାଏ ବା ଚାଷ କରାଯାଏ । ତେବେ କରୋନା ଭାଇରସର ଚାଷ ପ୍ରଥମେ ଅଷ୍ଟ୍ରେଲିଆର ମେଲବର୍ଣ୍ଣର ଡୋହର୍ଟି ଇନଷ୍ଟିଚ୍ୟୁଟର ଏକ ଲାବରେ କରାଯାଇଛି । ଏହାକୁ କଲଚର୍ ବୋଲି କୁହାଯାଏ ।  ଏହି କଲଚର ପରେ ସମଗ୍ର ବିଶ୍ୱରେ ଲାବ ଗୁଡ଼ିକ କରୋନା ପାଇଁ ଭାକସିନ ତିଆରି କରିବା ଆରମ୍ଭ କରିଛନ୍ତି । ଏହି ଭାକସିନ ପ୍ରସ୍ତୁତ କରିବା କୌଣସି ସହଜ କଥା ନୁହେଁ । ଏହାକୁ ତିଆରି କରିବା ପାଇଁ ଅନେକ ଦେଶ ଏବଂ ବହୁ ବୈଜ୍ଞାନିକଙ୍କ ସହଯୋଗ ଆବଶ୍ୟକ ପଡ଼ିଥାଏ ।

ଷ୍ଟେପ୍-୨ : ପଶୁ ମାନଙ୍କୁ ମଡେଲ ଭାବେ ବ୍ୟବହାର କରିବା

ଲାବରେ ଭାଇରସ ସୃଷ୍ଟି କରିବା ପରେ ଏହା ଏକ ପଶୁ ଶରୀରରେ ଇଞ୍ଜେକ୍ଟ କରାଯାଇଥାଏ । ଏହାକୁ ଆନିମଲ ମଡେଲ ବୋଲି କୁହାଯାଏ ।  କେତେବେଳେ ମୂଷା ତ କେତେବେଳେ ମାଙ୍କଡ଼ ଦେହରେ ଏହି ଭାକସିନକୁ ଇଞ୍ଜେକ୍ଟ କରାଯାଇଥାଏ । ଏହାକୁ ପ୍ରି-କ୍ଲିନିକାଲ୍ ପରୀକ୍ଷା ମଧ୍ୟ କୁହାଯାଏ ।

ଷ୍ଟେପ-୩: ମଣିଷଙ୍କ ଉପର ଭାକସିନର ପ୍ରୟୋଗ

ଯେତେବେଳେ ଭାକସିନ ପ୍ରାଣୀମାନଙ୍କୁ ପ୍ରଭାବିତ କରିବା ଆରମ୍ଭ କରେ, ସେତେବେଳେ ନିୟନ୍ତ୍ରିତ ପରିବେଶରେ ମଣିଷ ଉପରେ ପରୀକ୍ଷା ଆରମ୍ଭ ହୁଏ  । ଏହି ପରୀକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ବେଳେବେଳେ ଟୀକା ଦ୍ୱାରା ଏହି ରୋଗ ଭଲ ହୋଇଯାଏ, କିନ୍ତୁ ଏହାର ପାର୍ଶ୍ୱ ପ୍ରତିକ୍ରିୟା ଅତ୍ୟନ୍ତ ସାଂଘାତିକ ହୋଇଥାଏ । ତେଣୁ ମଣିଷ ଉପରେ ପରୀକ୍ଷା ସମୟରେ ଦେଖାଯାଏ ଯେ କୌଣସି ଔଷଧ କିମ୍ବା ଟୀକାକରଣର ପାର୍ଶ୍ୱ ପ୍ରତିକ୍ରିୟା ଅଛି କି ? ଟୀକା ସୁରକ୍ଷିତ କି? ଏଥିରେ ଲାଭ କେତେ ଅଛି ? ଆପଣ ରୋଗରୁ ରକ୍ଷା ପାଇପାରିବେ କି? ଏଭଳି ଅନେକ ପ୍ରଶ୍ନ ସାମ୍ନାକୁ ଆସିଥାଏ ।

ଷ୍ଟେପ-୪: ଭାକସିନ ବିକ୍ରି କରିବାର ନିୟମାବଳୀ

ପଶୁମାନଙ୍କ ପରେ ଯଦି ଏହି ଔଷଧ ମଣିଷ ଉପରେ ସଫଳ ହୁଏ, ତେବେ ଏହାକୁ ସିଧାସଳଖ ବିକ୍ରି କରିବା ଆରମ୍ଭ ହୁଏ ନାହିଁ । ପ୍ରଥମେ ଭାକସିନ ବିକ୍ରି କରିବାର ନିୟମାବଳୀ ପ୍ରସ୍ତୁତ କରାଯାଇଥାଏ | ଦେଶ କିମ୍ବା ରାଜ୍ୟଗୁଡିକର ବିଭିନ୍ନ ସ୍ଥାନରେ ଏହାକୁ ବିକ୍ରି କରାଯାଇପାରିବ କି ନାହିଁ ? ଡାକ୍ତରଙ୍କ ପ୍ରେସକ୍ରିପସନ୍ ଏହାକୁ ଖାଇବେ ନା ସେହିଭଳି ଆପଣ ଏହାକୁ ବିକ୍ରି କରିପାରିବେ? ନିୟମାବଳୀରେ ଏହା ମଧ୍ୟ ଦେଖାଯିବ ଯେ କେତେ ଟୀକା ବିକ୍ରି ହେଲେ ଅଧିକରୁ ଅଧିକ ଲୋକ ଏହାଦ୍ୱାରା ଉପକୃତ ହୋଇପାରିବେ।

ଷ୍ଟେପ-୫ : ଭାକସିନ ଦ୍ୱାରା ଲୋକମାନେ ସୁସ୍ଥ ହେବା

ଔଷଧ ପ୍ରସ୍ତୁତ ହେବା ପରେ ବି ଆଶ୍ୱସ୍ତି ଅନୁଭବ କରିବା ଭୁଲ । କାରଣ ଏହି ନୋଭେଲ କରୋନା ଭାଇରସ ସମୟ ସହ ଆହୁରି ଭୟଙ୍କ ହେବାର ସମ୍ଭାବନା ରହିଛି । ଏବଂ ଏହା ଅତୀତରେ ମଧ୍ୟ ହୋଇଥିଲା । ପ୍ରଥମେ ଏହି ଭାଇରସ ମଣିଷ ଠୁ ମଣିଷ ସଂକ୍ରମିତ ହେଉନଥିଲା କିନ୍ତୁଏବେ ଏହା ସଂକ୍ରମିକ ହେଉଛି । ପରବର୍ତ୍ତୀ ସମୟରେ ଏହା କେତେ ଭୟଙ୍କର ହେବ ତାହା କେହି ଜାଣିନାହାନ୍ତି । ତେବେ ଥରେ ଭାବନ୍ତୁ, କରେନା ଭାଇରସରୁ ଯଦି ଆଉ ତିନୋଟି ଭାଇରସ ବାହାରିବ ତେବେ ଅବସ୍ଥା କଣ ହେବ ? ସେହି ନୂତନ ଭାଇରସ ପାଇଁ ପୁଣି ଭାକସିନ ପ୍ରସ୍ତୁତ କରିବାକୁ ପଡ଼ିବ । ପୁଣି ବର୍ଷ ବର୍ଷର ରିସର୍ଚ୍ଚ ପରେ ତାହାର ଭାକସିନ ପ୍ରସ୍ତୁତ କର  । କହିବାକୁ ଗଲେ କୈଣସି ବି ଟୀକା କୌଣସି ଭାଇରସ ପାଇଁ ବ୍ରହ୍ମାସ୍ତ୍ର ସାବ୍ୟସ୍ତ ହୋଇପାରିନାହିଁ । ଭାଇରସ ଏବଂ ଭାକସିନ ମଧ୍ୟରେ ଏହି  ଯୁଦ୍ଧ ବଢ଼ିବାରେ ଲାଗେ ଏବଂ ସମସ୍ୟା ଆହୁରି ଗମ୍ଭୀର ହେବାରେ ଲାଗିଛି ।

ନୂଆଦିଲ୍ଲୀ: କରୋନାଭାଇରସ୍ ବର୍ତ୍ତମାନ ପର୍ଯ୍ୟନ୍ତ ବିଶ୍ୱର ୩୫ ହଜାରରୁ ଅଧିକ ଲୋକଙ୍କ ପ୍ରାଣ ନେଇସାରିଲାଣି । ପ୍ରତ୍ୟେକ ଦେଶ ଏହାର ଭୟାବହତା ଅନୁଭବ କରୁଛି ।  ଏହାର ମୁକାବିଲା କରିବାକୁ ସବୁ ପ୍ରକାର କଠୋର ପଦକ୍ଷେପ ନେଉଛି । କିନ୍ତୁ ବେଲାଋଷର ରାଷ୍ଟ୍ରପତି ଆଲେକଜାଣ୍ଡାର୍ ଲୁକାଶେଂକୋ ଅଚିନ୍ତାରେ । ସେଠାରେ  ସଂକ୍ରମଣକୁ ଏଡାଇବା ପାଇଁ କୌଣସି ପଦକ୍ଷେପ ନିଆଯାଇ ନାହିଁ । ଏବେ ବି ସେଠାର ଷ୍ଟାଡିୟମରେ ଫୁଟବଲ୍ ଏବଂ ଆଇସି ହକି ଖେଳାଯାଉଛି । ଲୁକାଶେଂକୋ କହିଛନ୍ତି ଯେ – ବେଲାଋଷରେ କରୋନା ହେବାର ଆଶଙ୍କା ନାହିଁ । ତେଣୁ ଲୋକମାନେ ନିଶାଦ୍ରବ୍ୟ ପିଇ ଶାନ୍ତିରେ ବଞ୍ଚିବା ଉଚିତ।

ଡ଼ରି ଡ଼ରି ବଞ୍ଚିବା ଅପେକ୍ଷା ସବୁ କାମ କରି ଯଦି ଜୀବନ ଯାଉଛି ତ ବହୁତ ଭଲ

୧୯୯୦ରେ ସୋଭିଏତ୍ ୟୁନିଅନ୍ ବିଘଟନ ପରେ ବେଲାଋଷ ନାମକ ଏକ ନୂତନ ଦେଶର ଜନ୍ମ ହୋଇଥିଲା । ଏହାର ଜନସଂଖ୍ୟା ପ୍ରାୟ ୯୦ଲକ୍ଷ ଥିବାବେଳେ ଲୁକାଶେଂକୋ ୧୯୯୪ରୁ କ୍ଷମତାରେ ଅଛନ୍ତି । ଆଶ୍ଚର୍ଯ୍ୟକର କଥା ହେଲା ଏଠାରେ  ୯୨ଜଣ ଲୋକ ସଂକ୍ରମିତ ହୋଇଛନ୍ତି ।  ନିଜ ନିଜ ଦେଶର ସୁରକ୍ଷା ପାଇଁ ସମସ୍ତେ ଅଣ୍ଟାଭିଡ଼ିଥିବା ବେଳେ ବେଲାଋଷର ରାଷ୍ଟ୍ରପତିଙ୍କ ଅସାବଧାନତା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । କେବଳ ସେତିକି ନୁହେଁ ନିକଟରେ ସେ ନିଜେ ଏକ ବରଫ ହକି ମ୍ୟାଚରେ ଭାଗ ନେଇଥିଲେ । ଏହା ପରେ ଗଣମାଧ୍ୟମ ସହ ଏକ ସାକ୍ଷାତକାରରେ ସେ କହିଛନ୍ତି ଯେ, ‘କରୋନାକୁ ଡରି ଯିଇଁବା ଅପେକ୍ଷା,ତା’ ସାମ୍ନାରେ ମୁଣ୍ଡ ନୁଆଁଇବା ଅପେକ୍ଷା ମରିବା ଭଲ ।  ଆପଣଙ୍କୁ ଏଠାରେ କୌଣସି ଭାଇରସ ଉଡୁଥିବାର ଦେଖାଯାଉଛି କି ? କାଇଁ ମୋତେ ତ ଦେଖା ଯାଉନାହିଁ । ”

ଏବଂ ପରାମର୍ଶ ମଧ୍ୟ ଦେଇଛନ୍ତି ରାଷ୍ଟ୍ରପତି

କେବଳ ସେତିକି ନୁହେଁ ଲୁକାଶେଂକୋ କହିଛନ୍ତି ଯେ , ଭାଇରସରୁ ମୁକ୍ତି ପାଇବା ପାଇଁ ଖେଳ ହେଉଛି ସର୍ବୋତ୍ତମ ଉପାୟ। ଲୋକମାନେ ପ୍ରତିଦିନ ୫୦ମିଲି ଭୋଡକା  ପିଇବା ଉଚିତ୍ ଏବଂ ପ୍ରତ୍ୟେକ ଦିନ ଗରମ ପାଣିରେ ଗାଧୋଇବା ଉଚିତ । ବିଲରେ କାମ କରିବା ସହ ଠିକ୍ ସମୟରେ ଜଳଖିଆ ଖାଇବା ଅତ୍ୟନ୍ତ ଜରୁରୀ । ଏହି ଦେଶରେ ବର୍ତ୍ତମାନ ଲକଡାଉନ୍, ସୀମା ସିଲ୍ କିମ୍ବା ସାମାଜିକ ଦୂରତା ପାଇଁ କୌଣସି ଆବଶ୍ୟକତା ନାହିଁ । କରୋନାଭାଇରସ ପାଇଁ ଋଷରେ ଅନେକ ପ୍ରତିବନ୍ଧକ ଲଗାଯାଇଛି । ଯାହାକୁ ବେଲାଋଷର ରାଷ୍ଟ୍ରପତି ଉପହାସ କରିଛନ୍ତି ।

ସରକାରୀ କାର୍ଯ୍ୟକ୍ରମ ବାତିଲ କରାଯିବ ନାହିଁ

ମେ ୯କୁ ବେଲାଋଷ, ବିଜୟ ଦିବସ ଭାବେ ପାଳନ କରେ । ଏହି ଦିନ ଲକ୍ଷାଧିକ ଲୋକ ରାସ୍ତାରେ ଦେଖିବାକୁ ମିଳନ୍ତି । ଲୁକାଶେଂକୋଙ୍କ ଅନୁଯାୟୀ, ବିଜୟ ଦିବସ କାର୍ଯ୍ୟକ୍ରମ ବାତିଲ ହେବ ନାହିଁ । ସରକାରୀ କାର୍ଯ୍ୟକ୍ରମ ଠିକ୍ ସମୟରେ ଅନୁଷ୍ଠିତ ହେବ । ଭଗବାନ ଆମକୁ ରକ୍ଷା କରିବେ । ଅନେକ ଲୋକ କହୁଛନ୍ତି ଯେ ସୀମାକୁ ସିଲ୍ କରନ୍ତୁ । କିନ୍ତୁ ମୁଁ ଏହା ଆଦୌ କରିବି ନାହିଁ । ଏବଂ କୌଣସି ନାଗରିକଙ୍କୁ କ୍ୱାରେଣ୍ଟାଇନରେ ରଖାଯିବ ନାହିଁ ଯଦି ଅତ୍ୟନ୍ତ ଆବଶ୍ୟକତା ପଡ଼େ ସେତେବେଳେ ନାଗରିକଙ୍କୁ କ୍ୱାରେଣ୍ଟାଇନରେ ରଖାଯିବ ।

ନୂଆଦିଲ୍ଲୀ: ଚୀନ ସେଇ ବଜାରକୁ ପୁଣିଥରେ ଖୋଲିଛି ଯେଉଁଠୁ କୋରନା ପେସେଣ୍ଟ୍ ଜିରୋ ବାହାରିଥିଲା । ମାନେ ଯେଉଁଠୁ କୋରନାର ପ୍ରଥମ ଶିକାର ଆସିଥିଲେ । ଆମେ କହୁଛୁ ଉହାନର ବଦନାମ ମିଟ୍ ମାର୍କେଟ କଥା । ସେଇ ମାର୍କେଟ୍ ଯେଉଁଠି କୁକୁର,ବିଲେଇଙ୍କଠାରୁ କଙ୍କଡା ବିଛା ପର୍ଯ୍ୟନ୍ତ ସବୁକିଛି ମିଳିଥାଏ । କରୋନା ଭାଇରସ ଚୀନରେ ଆତଙ୍କ ଖେଳାଇବା ପରେ ବନ୍ଦ ହୋଇଯାଇଥିବା ମିଟ୍ ମାର୍କେଟକୁ ପୁଣି ଥରେ ଖୋଲିବା ପାଇଁ ଚୀନର କମ୍ୟୁନିଷ୍ଟ ସରକାର ଅନୁମତି ଦେଇଛନ୍ତି । ଚୀନ କହିବା ଅନୁସାରେ କରୋନା ଏବେ କଣ୍ଟ୍ରୋଲରେ ତେଣୁ ମିଟ୍ ମାର୍କେଟ ଖୋଲିବାକୁ ଅନୁମତି ଦିଆଗଲା ।

ଏହି ବଜାରରେ ପୁଣିଥରେ ଜୀବନ୍ତ ପ୍ରାଣୀ ବିକ୍ରି ହେଉଥିବା ନଜର ଆସିଛି । ସୂଚନା ଅନୁଯାୟୀ, ଏହି ଆମିଷ ମାର୍କେଟରେ ବିଲେଇ,କୁକୁର ଏବଂ ବାଦୁଡ଼ି ମାଂସ ବିକ୍ରି ହେବା ଆରମ୍ଭ ହୋଇଛି ।

Chinese food market circa now pic.twitter.com/oWE7pHf9yQ

— Jim Cramer (@jimcramer) February 24, 2020

ଏହି ମାର୍କେଟକୁ ଜାନୁଆରୀରେ ବନ୍ଦ କରିଥିଲା ଚୀନ । ତେବେ ବର୍ତ୍ତମାନ ଚୀନ କହିଛି ସେ ଏବେ କରୋନାକୁ ପରାସ୍ତ କରିଛି । ତେଣୁ ବଜାରରେ ପୂର୍ବପରି ପୁଣି ଥରେ ଏହି ବ୍ୟବସାୟକୁ ଆରମ୍ଭ କରାଯାଇଛି । ତେବେ ସୋସିଆଲ ମିଡ଼ିଆରେ ଏକ ଭିଡ଼ିଓ ଭାଇରାଲ ହୋଇଛି ଯାହା ସେହି ମାର୍କେଟରେ ବିକ୍ରି ହେଉଥିବା ଜୀଅନ୍ତା କଙ୍କଡ଼ା ବିଛାର ।

ତେବେ, ଯଦିଓ ଚୀନ କହିଛି ଯେ ଏହା COVID-19କୁ ପରାସ୍ତ କରିଛି, ତଥାପି ସମଗ୍ର ବିଶ୍ୱ ସଂକ୍ରମଣ ଶିକାର ହେବାରେ ଲାଗିଛି । ଚୀନର ଏପରି ବୟାନ ତାକୁ ସନ୍ଦେହ ଘେରକୁ ଟାଣି ଆଣିଛି। କିନ୍ତୁ ବିଭିନ୍ନ ସମୀକ୍ଷାରୁ ଜଣାପଡ଼ୁଛି ଯେ, ଚୀନ୍ ବିଶ୍ୱକୁ କରୋନା ଭାଇରସକୁ ନେଇ ବହୁତ କିଛି ଲୁଚାଇବା ସହ ମିଛ କହିଛି ।