ଉହାନ: କରୋନା ଭାଇରସ ପାଇଁ ବିଶ୍ୱର ବଡ଼ ବଡ଼ ଦେଶର ସ୍ଥିତିକୁ ଖରାପ ହେବାରେ ଲାଗିଛି । ଏହି ସମୟରେ, ଚୀନ୍‌ର ଉହାନରେ ଥିବା ଶବଦାହକୁ ହଜାର ହଜାର ଅସ୍ଥି କଳସର ଡେଲିଭରୀ ଦିଆଯାଉଥିବା ଖବର ବାହାରକୁ ଆସୁଛି। କରୋନା ଭାଇସର ସହ ଜଡିତ ତଥ୍ୟ ସମ୍ପର୍କରେ ବିଶ୍ୱ ଚୀନ୍‌କୁ ପୂର୍ବରୁ ପ୍ରଶ୍ନ କରିଆସୁଛି। ଏବେ ପ୍ରଶ୍ନ ଉଠୁଛି କି ଚୀନ୍ ମଧ୍ୟ ମୃତକଙ୍କ ସଂଖ୍ୟାକୁ ଭୁଲ କହୁଛି କି? କହିରଖୁଛୁ ଯେ ଚାଇନାରେ ମଧ୍ୟ ଶବ ଜାଳିବାର ପରମ୍ପରା ରହିଛି ।

ନ୍ୟୁୟର୍କ ପୋଷ୍ଟ ଚୀନ୍‌ର ସ୍ଥାନୀୟ ଗଣମାଧ୍ୟମକୁ ଉଦ୍ଧୃତ କରି କହିଛି ଯେ କରୋନା ଭାଇରସ ଯୋଗୁଁ ଚାଇନାରେ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ଉପରେ ସନ୍ଦେହ ହେବାରେ ଲାଗିଛି । ଚୀନ୍‌ର ସୋସିଆଲ ମିଡିଆରେ ଅସ୍ଥି କଳସ ନେଇଥିବା ସମ୍ପର୍କୀୟଙ୍କ ଚିତ୍ର ସେୟାର କରାଯାଉଛି।

ଚୀନ୍‌ର ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ଯେ ଦୁଇ ଦିନ ମଧ୍ୟରେ ଉହାନରେ ଏକ ଶବଦାହ ଗୃହକୁ ୫୦୦୦ ଅସ୍ଥି କଳସର ଡେଲିଭରୀ କରାଯାଇଛି । ତେବେ ଏହା ସ୍ପଷ୍ଟ ହୋଇନାହିଁ ଯେ ଅସ୍ଥି କଳସ ଗୁଡ଼ିକରେ କେତୋଟି କଳସରେ ଅସ୍ତି ଭରି ରହିଛି । ଚୀନ୍ ଏପର୍ଯ୍ୟନ୍ତ କେବଳ ୩୩୦୦ ଜଣଙ୍କର କରୋନା ଭାଇରସରେ ମୃତ୍ୟୁ ହୋଇଥିବା ରିପୋର୍ଟ ଦେଇଛି । କିନ୍ତୁ ସାରା ବିଶ୍ୱରେ ମୃତକଙ୍କ ସଂଖ୍ୟାକୁ ଦେଖିଲେ ଚୀନ୍‌ର ମୃତ୍ୟୁ ସଂଖ୍ୟା ରିପୋର୍ଟ ଉପରେ ସନ୍ଦେହ ସୃଷ୍ଟି ହେଉଛି ।

ଉହାନରେ ଶ୍ମଶାନରେ କାମ କରୁଥିବା ଲୋକମାନେ ଏହି ମାମଲାରେ ପ୍ରତିକ୍ରିୟା ଦେବାକୁ ମନା କରି ଦେଇଛନ୍ତି। ସେମାନେ କହିଛନ୍ତି ଯେ କେତୋଟି କଳସରେ ଅସ୍ଥି ଭରିହୋଇରହିଛି ତାହା ସେମାନେ କହିପାରିବେ ନାହିଁ ।

କରୋନା କାୟା ବିସ୍ତାର କରିବାରେ ଲାଗିଛି। କରୋନା ଯୋଗୁଁ ସ୍ପେନର ରାଜ ପରିବାରର ରାଜକୁମାରୀ ମାରିଆ ଟେରେସାଙ୍କର ମୃତ୍ୟୁ ହୋଇଛି । ୮୬ ବର୍ଷ ବୟସରେ ତାଙ୍କ ମୃତ୍ୟୁ ହୋଇଛି । ତାଙ୍କ ପରିବାର ଲୋକେ ସୋସିଆଲ ମିଡିଆରେ ପୋଷ୍ଟ କରି ଏହି ବିଷୟରେ ସୂଚନା ଦେଇଛନ୍ତି। ଚଳିତ ମାସ ୨୬ ତାରିଖରେ ରାଜକୁମାରୀଙ୍କର ମୃତ୍ୟୁ ହୋଇଥିଲା।

କରୋନାଭାଇରସ ସଂକ୍ରମିତ ହେବା ପରେ ସେ ଚିକିତ୍ସିତ ହେଉଥିଲେ। ଏହି ରୋଗର ଅନେକ ଲୋକେ ଶିକାର ହୋଇଛନ୍ତି । ସେମାନଙ୍କ ମଧ୍ୟରୁ କିଛି ଠିକ୍ ହୋଇ ଘରକୁ ମଧ୍ୟ ଫେରିଛନ୍ତି  । ତେବେ ନିକଟରେ ରାଜକୁମାରୀଙ୍କ ମୃତ୍ୟୁ ନେଇ ସ୍ପେନରୁ ଏହି ବଡ ଖବର ଆସିଛି। ସୂଚନାଯୋଗ୍ୟ ଯେ, ଇଟାଲି ପରେ ସ୍ପେନ୍ ରେ କରୋନା ପାଇଁ ଅଧିକ ଲୋକେ ପ୍ରଭାବିତ ହୋଇଛନ୍ତି  । ସ୍ପେନରେ କରୋନା ବଡ଼ ଧ୍ୱଂସ କରିଛି। ତେବେ ଗତ ୨୪ ଘଣ୍ଟା ମଧ୍ୟରେ ସ୍ପେନରେ ୮୪୪ଜଣ ଲୋକଙ୍କର ମୃତ୍ୟୁ ହୋଇଥିବା ଜଣାପଡିଛି। ସ୍ପେନ ଏବଂ ଇଟାଲିରେ ଚାଇନାରୁ ଅଧିକ ଲୋକେ ସଂକ୍ରମିତ ଅଛନ୍ତି ।  ସ୍ପେନରେ ଏବେ ଜରୁରୀକାଳୀନ ପରିସ୍ଥିତି ରହିଛି ଯାହା ଆହୁରି ବୃଦ୍ଧି ହେବାର ସମ୍ଭାବନା ରହିଛି ।

ବର୍ତ୍ତମାନ ସୁଦ୍ଧା ସାରା ବିଶ୍ବରେ ୩୦ ହଜାର ୮୪୫ଶହ ଜଣଙ୍କର ମୃତ୍ୟୁ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ୬ଲକ୍ଷ  ୬୨ହଜାର ୬୭୪କୁ ବୃଦ୍ଧି ପାଇଛି । ଭାରତରେ ବର୍ତ୍ତମାନ ସୁଦ୍ଧା ୨୬ ଜଣ କରୋନା ଭାଇରସରେ ମୃତ୍ୟୁ ବରଣ କରିଛନ୍ତି । ୧୦୦୦ରୁ ଅଧିକ ଜଣ ଆକ୍ରାନ୍ତ ହୋଇଥିବା ସୂଚନା ମିଳିଛି । ତେବେ ୮୪ ଜଣ କରୋନା ସଂକ୍ରମିତ ଭଲ ହୋଇ ଘରକୁ ଫେରିଥିବା ଜଣାପଡିଛି ।

କରୋନା ଯୋଗୁଁ ଭାରତ ସରକାର ସାରା ଦେଶରେ ୨୧ ଦିନ ପାଇଁ ଲକଡାଉନ୍ ଘୋଷଣା କରିଛନ୍ତି । ତେବେ ଲକଡାଉନ୍ ର ଚତୁର୍ଥ ଦିନରେ ଶ୍ରମିକଙ୍କକୁ ନିଜ ଘରକୁ ସ୍ଥାନାନ୍ତର କରିବା ପାଇଁ ସରକାର ଅନେକ ପଦକ୍ଷେପ ନେଇଥିଲେ । ଦିଲ୍ଲୀର ପାଞ୍ଚ ଲକ୍ଷରୁ ଅଧିକ ଲୋକେ ଉତ୍ତରପ୍ରଦେଶରେ ପ୍ରବେଶ କରିଛନ୍ତି। ସମସ୍ତ ଶ୍ରମିକଙ୍କୁ ସ୍ଥାନାନ୍ତର କରିବା ପାଇଁ ୟୁପି ସରକାର ଏକ ହଜାର ବସ୍ ପରିବହନ ପାଇଁ ଆଦେଶ ଦେଇଥିଲେ। ଶୁକ୍ରବାର ଏବଂ ଶନିବାର ଦିନ ବସ୍ ଗୁଡିକ ରାତାରାତି ଚାଲିବା ପାଇଁ ବ୍ୟବସ୍ଥା କରାଯାଇଥିଲା । ଅପରପକ୍ଷରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଳମ୍ବିତ ରାତି ପର୍ଯ୍ୟନ୍ତ ପରିସ୍ଥିତି ଉପରେ ନଜର ରଖିଥିଲେ।

ଏଥିପାଇଁ ବର୍ତ୍ତମାନ, ଦିଲ୍ଲୀ-ଏନସିଆରର ଅବସ୍ଥା ଅତ୍ୟନ୍ତ ଖରାପ ରହିଛି। ହଜାର ହଜାର ଲୋକେ ନିଜ ପଳାୟନ କରିଥିବାରୁ ବସ୍ ଷ୍ଟାଣ୍ଡରେ ବହୁ ସଂଖ୍ୟାରେ ଲୋକଙ୍କ ଭିଡ ଜମିଥିଲା । ଏହି କାରଣରୁ, ହଇଚଇର ବାତାବରଣ ସୃଷ୍ଟି ହୋଇଥିଲା । ଏଥିପାଇଁ ସରକାର ନିର୍ଦ୍ଦେଶନାମା ଜାରି କରିଛନ୍ତି । ଶ୍ରମିକମାନେ ଯେଉଁଠାରେ ଅଛନ୍ତି ସେମାନଙ୍କୁ ସେଠାରେ ସୁବିଧା ଯୋଗାଇ ଦିଆଯିବ ବୋଲି କହିଛନ୍ତି। ଏହା ସତ୍ତ୍ବେ ଦିଲ୍ଲୀରେ ଭିଡ କମିନଥିଲା ।

ବହୁ ସଂଖ୍ୟାରେ ଶ୍ରମିକଙ୍କ ପଳାୟନକୁ ଦୃଷ୍ଟିରେ ରଖି ସରକାର ଶ୍ରମିକମାନଙ୍କୁ ସୁବିଧା ଯୋଗାଇଦେବାକୁ କହିଛନ୍ତି। ଲକଡାଉନ୍ ପରେ ସୀମାରେ ବାସ କରୁଥିବା ଲକ୍ଷ ଲକ୍ଷ ଶ୍ରମିକ ନିଜ ଗାଁକୁ ଫେରିଯିବା ପାଇଁ ରାସ୍ତାରେ ଚାଲିବା ଆରମ୍ଭ କରିଥିଲେ । କେବଳ ସେତିକି ନୁହେଁ ବିନା ଖାଦ୍ୟ ଓ ପାଣିରେ ସେମାନଙ୍କ ଅବସ୍ଥା ଖରାପ ହୋଇଥିଲା । ଖାଦ୍ୟ, ବସ୍ତ୍ର, ଚିକିତ୍ସା ସେବା ଇତ୍ୟାଦିର ବ୍ୟବସ୍ଥା, ବନ୍ଦ ଯୋଗୁଁ ଫସି ରହିଥିଲେ ଅନେକ ଶ୍ରମିକ ।

ଶ୍ରମିକମାନେ ରାସ୍ତାରେ ଅସୁବିଧାର ସମ୍ମୁଖୀନ ହେଉଥିବାରୁ ପଳାୟନ କରିବା ଆରମ୍ଭ କରିଥିଲେ । ଯେଉଁଥିପାଇଁ ଲକଡାଉନ୍ ର କୌଣସି ପ୍ରଭାବ ରହିନଥିଲା । ଗୋଟେ ସ୍ଥାନରେ ଲୋକଙ୍କ ଭିଡ ଜମିଥିଲା । ଲକଡାଉନ୍ ର ମୁଖ୍ୟ ଉଦେଶ୍ୟ ଲୋକଙ୍କ ମଧ୍ୟରେ ଯଗାଯୋଗ କମ କରିବାକୁ ଥିଲା । ହେଲେ କାଲିର ଦୃଶ୍ୟ ଦେଖିଲେ ସ୍ପଷ୍ଟ ଜଣାପଡୁଛି ଯେ, ସେମାନଙ୍କ ମଧ୍ୟରେ କିଛି ଦୂରତା ନଥିଲା । ଏଥିପାଇଁ ୨୧ ଦିନିଆ ଲକଡାଉନ୍ ସମୟରେ ଶ୍ରମିକଙ୍କ ପାଇଁ ଅର୍ଥ ଯୋଗାଇ ଦିଆଯିବ ବୋଲି କୁହାଯାଇଛି ।