ଭୁବନେଶ୍ୱର: ଆଜି ଆଇଏଏସ୍ ଅଫିସରଙ୍କ ସମ୍ମିଳନୀ । ୫-ଟି ଓ ଭିତ୍ତିଭୂମିର ଅଭିବୃଦ୍ଧି ନେଇ ସମ୍ମିଳନୀରେ ହେବ ଆଲୋଚନା । ଲୋକସେବା ଭବନରେ ଆୟୋଜିତ ଏହି ସମ୍ମିଳନୀକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବାର କାର୍ଯ୍ୟକ୍ରମ ରହିଛି ।
ସମ୍ମିଳନୀରେ ସମସ୍ତ ସଚିବ ଓ ଜିଲ୍ଲାପାଳଙ୍କ ସମେତ ସବୁ ବର୍ଗର ଆଇଏଏସ୍ ଅଫିସର ଯୋଗଦେବାକୁ ନିର୍ଦ୍ଦେଶ ଦିଆଯାଇଛି । ଆଧୁନିକ ତଥା ନୂଆ ଓଡ଼ିଶା ଗଠନ ନିମନ୍ତେ ୫-ଟି ପର୍ଯ୍ୟାୟରେ ଆଇଏଏସ୍ ଅଫିସର ମାନେ ପରସ୍ପର ମଧ୍ୟରେ ବିଚାର ବିମର୍ଷ କରିବେ ବୋଲି ଜଣାପଡିଛି ।
ଭୁବନେଶ୍ୱର: ଆଜି ଆଇଏଏସ୍ ଅଫିସରଙ୍କ ସମ୍ମିଳନୀ । ୫-ଟି ଓ ଭିତ୍ତିଭୂମିର ଅଭିବୃଦ୍ଧି ନେଇ ସମ୍ମିଳନୀରେ ହେବ ଆଲୋଚନା । ଲୋକସେବା ଭବନରେ ଆୟୋଜିତ ଏହି ସମ୍ମିଳନୀକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବାର କାର୍ଯ୍ୟକ୍ରମ ରହିଛି ।
ସମ୍ମିଳନୀରେ ସମସ୍ତ ସଚିବ ଓ ଜିଲ୍ଲାପାଳଙ୍କ ସମେତ ସବୁ ବର୍ଗର ଆଇଏଏସ୍ ଅଫିସର ଯୋଗଦେବାକୁ ନିର୍ଦ୍ଦେଶ ଦିଆଯାଇଛି । ଆଧୁନିକ ତଥା ନୂଆ ଓଡ଼ିଶା ଗଠନ ନିମନ୍ତେ ୫-ଟି ପର୍ଯ୍ୟାୟରେ ଆଇଏଏସ୍ ଅଫିସର ମାନେ ପରସ୍ପର ମଧ୍ୟରେ ବିଚାର ବିମର୍ଷ କରିବେ ବୋଲି ଜଣାପଡିଛି ।
ଇସ୍ରୋ ରଚିଲା ଇତିହାସ । ନୂଆବର୍ଷର ପ୍ରଥମ ମିଶନରେ ବଡ଼ ସଫଳତା । ଜିସାଟ୍-୩୦ ର ହେଲା ସଫଳ ପରୀକ୍ଷଣ । ଫ୍ରେଞ୍ଚ୍ ଗୁଏନା କୋରାଉ ଲଞ୍ଚ ବେସ୍ରୁ ହେଲା ଉତ୍କ୍ଷେପଣ । ଦେଶର ଯୋଗାଯୋଗ ସେବାରେ ଆସିବ ବୈପ୍ଳବିକ ପରିବର୍ତ୍ତନ । ବଢିବ ଇଣ୍ଟରନେଟ ସ୍ପିଡ୍, ଇନସାଟ ସାଟେଲାଇଟ ସ୍ଥାନରେ କାମ କରିବ ଜିସାଟ୍-୩୦ ।
ୟୁରୋପୀୟ ମହାକାଶ ଏଜେନ୍ସିର ରକେଟ ଯାନ ଏରିୟନ-୫ ସାହାଯ୍ୟରେ ଇସ୍ରୋକୁ ମିଳିଛି ଏହି ସଫଳତା । ଭାରତୀୟ ସମୟ ରାତି ୨ଟା ୩୫ ମିନିଟରେ ଜିସାଟ୍-୩୦ର ସଫଳ ପରୀକ୍ଷଣ କରାଯାଇଛି । ଏହାର ଓଜନ ରହିଛି ୩୧ ଶହ କିଲୋଗ୍ରାମ । ଏଥିରେ ୨ଟି ସୋଲାର ପ୍ୟାନେଲ୍ ଓ ବ୍ୟାଟେରୀ ରହିଛି । ଜିସାଟ୍-୩୦ ଯୋଗୁଁ ଭାରତରେ ସଞ୍ଚାର ସେବା ଉନ୍ନତ ହେବ । ଇଣ୍ଟରନେଟର ସ୍ପିଡ୍ ବଢ଼ିବା ସହ ଅପହଞ୍ଚ ଇଲାକାରେ ପହଞ୍ଚି ପାରିବ ମୋବାଇଲ ସେବା । ଟେଲିଭିଜନ ଓ ପାଣିପାଗ ସମ୍ପର୍କିତ ସୂଚନା ମଧ୍ୟ ଦେବ ଜିସାଟ୍ ।
ଆସନ୍ତା ୧୫ ବର୍ଷ ପାଇଁ ଏହା ଭାରତ ପାଇଁ କାମ କରିବ । ବର୍ତ୍ତମାନ ଜିସାଟ୍ ସିରିଜର ୧୪ଟି ଉପଗ୍ରହ କାମ କରୁଛି । ୨୦୨୦ରେ ଇସ୍ରୋ ପକ୍ଷରୁ ୧୦ଟି ଉପଗ୍ରହକୁ ଉତ୍କ୍ଷେପଣ ପାଇଁ ଯୋଜନା ରଖାଯାଇଛି । ସେପଟେ ୨୦୦୫ରେ ଲଞ୍ଚ୍ ହୋଇଥିଲା ଇନସାଟ-୪ଏ ସାଟେଲାଇଟ ।
ଭବାନୀପାଟଣା: ଭବାନୀପାଟଣା ପୂର୍ବତନ ବିଧାୟକଙ୍କ ଘରେ ଭିଜିଲାନ୍ସ ରେଡ୍। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ପୂର୍ବତନ ବିଧାୟକ ଅନାମ ନାୟକଙ୍କ ଘରେ ଚଢାଉ ହୋଇଛି ।
କଳାହାଣ୍ଡି ଭିଜିଲାନ୍ସ ଡିଏସ୍ପି ସତ୍ୟବାନ ମହାନନ୍ଦଙ୍କ ନେତୃତ୍ୱରେ କୋରାପୁଟ ଭିଜିଲାନ୍ସ ଡିଭିଜନର ୬ ଜଣିଆ ଟିମ୍ ତାଙ୍କ ଭବାନୀପାଟଣା ଘର,
ମଦନପୁର ରାମପୁରରେ ଥିବା ଲଜ ବାର ସମେତ ଭବାନୀପାଟଣାରେ ନୂଆ କରି ତିଆରି ହେଉଥିବା ଲଜ୍ରେ ଏକାସାଙ୍ଗରେ ରେଡ୍ କରିଛନ୍ତି ।
କବିସୂର୍ଯ୍ୟନଗର: ହତ୍ୟା ପରେ ଯୁବକଙ୍କୁ ପାଳ ଗଦାରେ ପକାଇ ପୋଡ଼ିଦେଲେ ଦୁର୍ବୃତ୍ତ । କବିସୂର୍ଯ୍ୟନଗର ଥାନା ସୁନାପଲ୍ଲୀ ଗାଁରେ ଘଟିଛି ଏଭଳି ହତ୍ୟାକାଣ୍ଡ । ମୃତକଙ୍କର ପରିଚୟ ମିଳିନଥିବା ବେଳେ ପୋଲିସ ଏବଂ ଦମକଳ ବାହିନୀ ନିଆଁକୁ ଆୟତ କରିବା ସହ ମୃତଦେହକୁ ଉଦ୍ଧାର କରିଛି ।
ସୂଚନା ଅନୁଯାୟୀ, ଆଜି ଭୋର ସମୟରେ କିଛି ସ୍ଥାନୀୟ ଲୋକେ ପାଳ ଗଦାରେ ନିଆଁ ଲାଗିଥିବାର ଦେଖିଥିଲେ । ଏହା ଦେଖି ଦମକଳ ବାହିନୀକୁ ଖବର ଦେବା ପରେ ଆସି ନିଆଁକୁ ଆୟତ କରିଥିଲା । କିନ୍ତୁ ନିଆଁ ଲିଭାଉ ଲିଭାକୁ ପାଳ ଗଦା ଭିତରୁ ଏକ ଯୁବକଙ୍କର ମୃତ ଦେହ ଦେଖିବାକୁ ମିଳିଥିଲା ।
ଏହା ପରେ ପୋଲିସକୁ ଖବର ଦେବା ପରେ ଘଟଣା ସ୍ଥଳରେ ପୋଲିସ ଆସି ଶବକୁ ଉଦ୍ଧାର କରିଥିଲା । ତେବେ ଯୁବକଙ୍କୁ ଅନ୍ୟତ୍ର ମାରି ଏଠାରେ ଆଣି ପୋଡ଼ି ଦେଇଥିବା ପୋଲିସ ସନ୍ଦେହ କରୁଛି । ସେପଟେ ଯୁବକଙ୍କର ପରିଚୟ ମିଳିନଥିବା ବେଳେ ପୋଲିସ ତାର ପ୍ରାଥମିକ ତଦନ୍ତ ଆରମ୍ଭ କରିଛି ।
ନୂଆଦିଲ୍ଲୀ: ୧୬ ତମ ଜନଗଣନା ପାଇଁ ଆଜି ଦିଲ୍ଲୀରେ ବସୁଛି ଗୁରୁତ୍ୱପୂର୍ଣ୍ଣ ବୈଠକ । ଜନଗଣନା ପ୍ରକ୍ରିୟା ନେଇ କଣ ରହିବ ରୂପରେଖ । ଏଥିପାଇଁ କେତେ ପ୍ରସ୍ତୁତ ଅଛନ୍ତି ରାଜ୍ୟ ସରକାର ସେନେଇ ବୈଠକରେ ଆଲୋଚନା କରାଯିବ ।
ଏପ୍ରିଲ ୧୬ରୁ ମେ ୧୬ ପର୍ଯ୍ୟନ୍ତ ଘର ଗଣନା ଏବଂ ଏପ୍ରିଲ ୧୬ରୁ ମେ’ ୩୧ ଯାଏଁ ହେବାକୁ ଥିବା ଏନ୍ପିଆର ଡାଟା ଅପଡେଟ୍ ପାଇଁ କିଭଳି ପ୍ରସ୍ତୁତ ଚାଲିଛି ଏହା ଉପରେ ମଧ୍ୟ ଆଲୋଚନା ହେବ । ସେପେଟ ଜାତିଭିତ୍ତିକ ଜନଗଣନାରେ ପଛୁଆ ବର୍ଗଙ୍କ ପାଇଁ ଏକ ସ୍ତମ୍ଭ ଯୋଡ଼ିବାକୁ ଓଡ଼ିଶା ସରକାର ପୂର୍ବରୁ କେନ୍ଦ୍ର ନିକଟରେ ଦାବି ଉଠାଇଛନ୍ତି ।
ରାଜ୍ୟର ମୁଖ୍ୟ ଶାସନ ସଚିବ କେନ୍ଦ୍ର କ୍ୟାବିନେଟ ସଚିବଙ୍କ ନିକଟକୁ ଚିଠି ଲେଖି ପୁଣି ଥରେ ଏହାକୁ ମନେ ପକାଇ ଦେଇଥିବା ବେଳେ କେନ୍ଦ୍ର ଏହାକୁ ଗ୍ରହଣ କରିବ କି ନାହିଁ ତାକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି ।
ଭୁବନେଶ୍ୱର: ରାଜଧାନୀରେ ଘନ କୁହୁଡ଼ିର ଆସ୍ତରଣ। ସକାଳୁ ସକାଳୁ ଘନ କୁହୁଡିରେ ରାସ୍ତାଘାଟ ଢାଙ୍କି ହୋଇଯାଇଛି । କୁହୁଡ଼ିର ତୀବ୍ରତା ଅଧିକ ଥିବା ବେଳେ ପ୍ରଭାବିତ ହୋଇପଡିଛି ଜୀବନ ଯାତ୍ରା ।
ସକାଳୁ ମୁହଁକୁ ମୁହଁ ଦେଖାଯାଉନଥିବା ବେଳେ ମାତ୍ର ଅଳ୍ପ ଦୂରତାରୁ ବି ରାସ୍ତା ସ୍ପଷ୍ଟ ବାରି ହୋଇପାରୁନି। କେବଳ ରାଜଧାନୀ ନୁହେଁ ବିଭିନ୍ନ ସହର ଗୁଡିକ ଘନ କୁହୁଡ଼ିର ଚାଦର ତଳେ ରହିଛି । କଟକ, କେନ୍ଦ୍ରାପଡ଼ା, ଯାଜପୁର ଓ ପୁରୀରେ ଦେଖିବାକୁ ମିଳିଛି ଘନ କୁହୁଡି ।
ସେହିଭଳି କାଲି ମଧ୍ୟ କଟକ, ପୁରୀ ଓ ଭୁବନେଶ୍ୱର-୫୦ ମିଟର ଭିଜିବିଲିଟି ଥିବା ବେଳେ ପାରାଦୀପ ଓ ଅନୁଗୁଳ-୩୦ ମିଟର, ଚାନ୍ଦବାଲିରେ ୨୦ ମିଟର, ଗୋପାଳପୁର-୨୦୦ ମିଟର ଏବଂ ବାରିପଦା-୫୦୦ ମିଟର ଭିଜିବିଲିଟି ରହିଥିଲା।
ଆସିକା: କବିସୂର୍ଯ୍ୟନଗର ଥାନା ବାଉଁଶିଆ ଅଶିଣିପୁର ରାସ୍ତାରେ ଟ୍ରାକ୍ଟର ଓଲଟି, ୨ ଶ୍ରମିକ ମୃତ । ମୃତକ ହେଲେ ବି.ନୂଆପଲି ଗାଁର ମୁନା ନାଏକ ଓ ଶମ୍ଭୁ ନାଏକ ।
ଦିଗପହଣ୍ଡି: କେ.ନୂଆଗାଁ ଥାନା ବାହିନୀପତି ଛକରେ ବାଇକ୍ ଧକ୍କାରେ ୨ ଯୁବକଙ୍କ ମୃତ୍ୟୁ । ମୃତ ଗୋବିନ୍ଦ ନଗରର ସିତୁ ସାହୁ ଓ ବାବୁଲା ସେଠୀ ।
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ଓୟୋ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରିତେଶ ଅଗ୍ରଓ୍ୱାଲ । ସୌଜନ୍ୟମୂଳକ ସାକ୍ଷାତ ବେଳେ ସେ ତାଙ୍କର ବ୍ୟବସାୟ ବିଷୟରେ ଆଲୋଚନା କରିଥିବା ସୂଚନା ମିଳିଛି ।
ଏବେ ୭ ହଜାର ୫୦୦ଓୟୋ ରୁମ୍ ରାଜ୍ୟରେ ସକ୍ରିୟ ରହିଛି । ହୋଟେଲ, ହଷ୍ଟେଲ ଓ ରୁମ୍ରେ ପୁଞ୍ଜିନିବେଶକୁ ଗୁରୁତ୍ୱ ଦିଆଯାଇଛି । ଗତବର୍ଷ ୫ହଜାର ଚାକିରି ସୃଷ୍ଟି କରାଯାଇଛି । ହଜାର ହଜାର ଲୋକଙ୍କୁ ସନ୍ତୋଷ ଜନକ ସେବା ଯୋଗାଇ ଦିଆଯାଉଥିବା ନେଇ ରିତେଶ ନିଜ ପ୍ରତିକ୍ରିୟାରେ କହିଛନ୍ତି ।
