ନୂଆଦିଲ୍ଲୀ: ପୋଲିସର ଆତଙ୍କୀ ଲିଙ୍କ୍ । ଦକ୍ଷିଣ କଶ୍ମୀରର ଏହି ଘଟଣା ସାରା ଦେଶକୁ ଦୋହଲାଇ ଦେଇଛି । ଲୋକଙ୍କ ଜୀବନ ରକ୍ଷା ପାଇଁ ନିୟୋଜିତ ପୋଲିସ ଯେ ଏଭଳି କାମ କରିପାରିବ । ଅନେକ ବିଶ୍ୱାସ କରିପାରୁନାହାନ୍ତି । ଶନିବାର ୨ ଜଣ ଆତଙ୍କବାଦୀଙ୍କ ସହ କାରରୁ ଜଣେ ଡିଏସପି ଧରାପଡ଼ିଥିଲେ । ଡିଏସପିଙ୍କୁ ପଚରାଉଚରା ପରେ ସାମନାକୁ ଆସିଥିଲା ସାଂଘାତିକ ସତ । ଆତଙ୍କବାଦୀଙ୍କ ଠାରୁ ୧୨ ଲକ୍ଷ ଟଙ୍କା ନେଇ ଡିଏସପି ସେମାନଙ୍କୁ ଚଣ୍ଡିଗଡ଼ ପହଞ୍ଚାଇବାକୁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଥିଲେ । ଚଣ୍ଡିଗଡ଼ ପରେ ଆତଙ୍କୀ ଦିଲ୍ଲୀ ଯିବାକୁ ଯୋଜନା କରିଥିଲଲେ ବୋଲି କଶ୍ମୀର ଆଇଜି ବିଜୟ କୁମାର ସୂଚନା ଦେଇଛନ୍ତି ।
ଗୁଇନ୍ଦା ସୂତ୍ର ଅନୁଯାୟୀ, ଆତଙ୍କବାଦୀମାନେ ସାଧାରଣତନ୍ତ୍ର ଦିବସରେ ଆକ୍ରମଣ ପାଇଁ ଯୋଜନା କରିଥିଲେ । ଏମାନଙ୍କୁ ୧୨ ଲକ୍ଷ ଟଙ୍କା ନେଇ ସହାୟତା କରୁଥିଲେ ଶ୍ରୀନଗର ବିମାନବନ୍ଦରରେ ନିୟୋଜିତ ଜମ୍ମୁ-କଶ୍ମୀର ପୋଲିସର ସୁରକ୍ଷା ଓ ଆଣ୍ଟି ହାଇଜ୍ୟାକିଂ ୟୁନିଟର ଡିଏସପି ଦେବୀନ୍ଦର । ସୋମବାର ଡିଏସପିଙ୍କୁ ଚାକିରିରୁ ନିଲମ୍ବିତ କରାଯାଇଛି । ଏଥିସହ ଆତଙ୍କବାଦୀଙ୍କ ସହ ହାତ ମିଳାଇଥିବାରୁ ତାଙ୍କୁ ମିଳିଥିବା ରାଷ୍ଟ୍ରପତି ପଦକ ମଧ୍ୟ ଫେରାଇ ନିଆଯିବାର ସମ୍ଭାବନା ରହିଛି ।
ପୋଲିସ ଛଡ଼ା ଆଇବି, ମିଲିଟାରୀ ଇଣ୍ଟେଲିଜେନ୍ସ, RAW ସହିତ ଆଉ କେତକ ଗୁଇନ୍ଦା ଏଜେନ୍ସି ଡିଏସପି ଦେବୀନ୍ଦରଙ୍କୁ ପଚରାଉଚରା କରିଛନ୍ତି । ଗୁଇନ୍ଦା ସୂତ୍ର ଅନୁସାରେ ଦେବୀନ୍ଦର ଶ୍ରୀନଗର ଇନ୍ଦିରା ନଗରରେ ଥିବା ତାଙ୍କ ବାସଭବନରୁ ଆତଙ୍କୀକୁ ସହାୟତା କରିଥିଲେ । ଡିଏସପିଙ୍କ ଏହି ଘର ଆର୍ମି ୧୫ ହେଡକ୍ୱାର୍ଟର ନିକଟରେ । ଡିଏସପି ଆତଙ୍କବାଦୀଙ୍କୁ ନେଇ ଏକ ମାରୁତି କାରରେ ଜମ୍ମୁରୁ ବାହାରିଥିଲେ । ଯେଉଁ କାରକୁ ଚଲାଉଥିଲେ ହିଜବୁଲର ଜଣେ ଆତଙ୍କବାଦୀ ।
ସୂତ୍ର ଅନୁସାରେ ଏହି ମାମଲାକୁ କେନ୍ଦ୍ରୀୟ ଗୃହ ମନ୍ତ୍ରାଳୟ NIA ବା ନ୍ୟାସନାଲ ଇନଭେଷ୍ଟିଗେନ୍ ଏଜେନ୍ସିକୁ ଦେଇପାରେ । ଯେଉଁଥିରୁ ଦେବୀନ୍ଦର ଓ ଆତଙ୍କବାଦୀଙ୍କ ସମ୍ପର୍କର ବାବଦରେ ଆଉ କିଛି ଜଣାପଡ଼ିବ । ଦେବୀନ୍ଦରଙ୍କ ସହ ଗିରଫ ହୋଇଥିବା ୨ ହିଜବୁଲ୍ ଆତଙ୍କବାଦୀ ଦକ୍ଷିଣ କଶ୍ମୀର ସୋପିଆଁ ଜିଲ୍ଲାର ନାବେଦ ବାବୁ ଉର୍ଫ ବାବର ଆଜମ ଓ ଅହମଦ ରାଥର ।
ରାଷ୍ଟ୍ରପତି ପଦକ ପାଇଥିବା DSP କରୁଥିଲେ ଏମିତି କାମ, ଦୋହଲିଗଲା ଦେଶ
ଗରମ ପାଣି ସହ ଏହାକୁ ସେବନ କରନ୍ତୁ ଓ ପାଆନ୍ତୁ ସୁଦୃଢ଼ ଓ ଶକ୍ତିଶାଳୀ ଶରୀର
ସମୟ ସହ ବଦଳୁଛି ଜୀବନଶୈଳୀ । ମାଡ଼ି ବସୁଛି ଭିନ୍ନ ଭିନ୍ନ ରୋଗ । ବ୍ୟସ୍ତ ବହୁଳ ଜୀବନର ନିଜ ଶରୀର ଯତ୍ନ ନେବାପାଇଁ ଆପଣଙ୍କୁ କିଛି ସମୟ ବାହାର କରିବା ଉଚିତ୍ । କିନ୍ତୁ ସାଧାରଣତଃ ନିତିଦିନିଆ ଜୀବନରେ କାର୍ଯ୍ୟ ବ୍ୟସ୍ତତା ଯୋଗୁଁ ଏହା ହୋଇପାରି ନଥାଏ ।
ନିଜ ଶରୀରକୁ ସୁଢଳ, ସୁନ୍ଦର କରିବାକୁ କିଏ ବା ନ ଚାହେଁ । ତେଣୁ ଶରୀରର ସୁଗଠନ ପାଇଁ ଅନେକ ଉପାୟ ଲୋକେ ଆପଣାଇଥାନ୍ତି । ଏଠାରେ ଆମେ ଆପଣଙ୍କୁ ଏପରି କିଛି ଉପାୟ କହୁଛୁ ଯାହାକୁ ଗରମ ପାଣିରେ ସେବନ କଲେ ଆପଣ ସୁସ୍ଥ ଶରୀରର ଅଧିକାରୀ ହୋଇପାରିବେ ।
ଅଶ୍ୱଗନ୍ଧାର ସେବନ-
ଏହା ଶରୀରକୁ ଶକ୍ତିଶାଳୀ କରିବାରେ ସାହାଯ୍ୟ କରିଥାଏ । ତେବେ, ଏହାର ବ୍ୟବହାର ଆପଣ କ୍ଷୀର ସହ କରିପାରିବେ । ଯଦି ଘରେ କ୍ଷୀର ନଥାଏ ତେବେ ଆପଣ ଏକ ଗ୍ଲାସ୍ ଗରମ ପାଣି ସହ ଏକ ଚାମଚ ଅଶ୍ୱଗନ୍ଧା ମିଶାଇ ମଧ୍ୟ ସେବନ କରିପାରିବେ । ଏହା ଆପଣଙ୍କର ପାଚନତନ୍ତ୍ର ପାଇଁ ଫଳପ୍ରଦ । ଶରୀରର ଥକ୍କାପଣ ଦୂର ହେବା ସହ ଆପଣଙ୍କୁ ଶକ୍ତି ଦେଇଥାଏ ।
ଏହି ଚୂର୍ଣ୍ଣକୁ କ୍ଷୀର ସହ ସେବନ କରିବା ଦ୍ୱାରା ଅଧିକ ଫଳପ୍ରଦ ହୋଇଥାଏ । ଯଦି ଆପଣ ଏହାକୁ ୧୫ରୁ ୨୦ ଦିନ ପର୍ଯ୍ୟନ୍ତ ବ୍ୟବହାର କରନ୍ତି ତେବେ ଏହାର ଫଳ ଆପଣ ନିଜେ ଦେଖି ପାରିବେ । ଅଶ୍ୱଗନ୍ଧା ଦୁର୍ବଳ ଶରୀରକୁ ସବଳ କରିବାର ଏକ ବିଶେଷ ଉପାୟ । ତେଣୁ, ଆପଣ ଏହାକୁ ସମୟ ସମୟରେ ମଧ୍ୟ ବ୍ୟବହାର କରିପାରିବେ । ବିଶେଷ କରି ପୁରୁଷ ମାନଙ୍କ ପାଇଁ ଏହା ଉପକାରୀ ହୋଇଥାଏ ।
ମାଟି ଅତଡ଼ା ଖସି ଶ୍ରମିକ ମୃତ
କଲାହାଣ୍ଡି: କଲାହାଣ୍ଡି ଜିଲ୍ଲା ଆମ୍ବପାଣି ଥାନା ଭୂର୍ସ।ଗୁଡ଼ାରେ ମାଟି ଅତଡ଼ା ଖସି ଶ୍ରମିକ ମୃତ । ମୃତକ ହେଲେ କୋକସରା ବୋବ୍ରିଆର କବିରାଜ ଖମାରୀ । ମାଟି ଖୋଳା କାମ କରୁଥିବା ବେଳେ ମୃତ ଶ୍ରମିକଙ୍କ ଉପରେ ମାଟି ଅତଡ଼ା ଖସି ପଡିଥିଲା ।
ତେବେ ଅଳ୍ପକେ ବଞ୍ଚିଯାଇଛି ୫ ଜୀବନ । ୬ ଜଣ ଶ୍ରମିକ କାମ କରୁଥିବା ବେଳେ ଜଣଙ୍କର ମୃତ୍ୟୁ ହୋଇଯାଇଛି ଏବଂ ଅନ୍ୟ ୫ ଜଣ ଶ୍ରମିକ ବଞ୍ଚିଯାଇଛନ୍ତି । ଘଟଣାସ୍ଥଳରେ ଆମ୍ବପାଣି ପୋଲିସ ପହଞ୍ଚି ଶ୍ରମିକଙ୍କ ମୃତଦେହ ଉଦ୍ଧାର କରିଛି ।
କାହିଁକି ରାଷ୍ଟ୍ରପତିଙ୍କ ଗାଡ଼ିର ନଥାଏ ନମ୍ବର ପ୍ଲେଟ୍ ?
ନୂଆଦିଲ୍ଲୀ: ନେତା, ମନ୍ତ୍ରୀଙ୍କ ଗାଡ଼ିରେ ନମ୍ବର ପ୍ଲେଟ ରହିବାଟା ଆପଣମାନେ ଜାଣିଥିବେ କିନ୍ତୁ ଆପଣମାନେ ଜାଣନ୍ତି କି ରାଷ୍ଟ୍ରପତିଙ୍କ ଗାଡ଼ି ନମ୍ବର କେତେ ? ସବୁ ରାଜ୍ୟରେ ଭିନ୍ନ ଭିନ୍ନ ଷ୍ଟେଟ୍ କୋଡ଼ ଥିବା ବେଳେ ରାଷ୍ଟ୍ରପତିଙ୍କର ନଥାଏ ନମ୍ବର ପ୍ଲେଟ୍ । କେନ୍ଦ୍ରରେ ମୋଦି ସରକାର ଆସିବା ପରେ କିଛି ବଡ଼ ବଡ଼ ପଦକ୍ଷପ ନିଆଯାଇଛି । ଯେମିତି କି ପୂର୍ବରୁ ଚାଲି ଆସିଥିବା ନେତା ମନ୍ତ୍ରୀଙ୍କ ଗାଡ଼ିରେ ନାଲିବତିକୁ ହଟାଇ ଦିଆଯାଇଛି । କିନ୍ତୁ ରାଷ୍ଟ୍ରପତି, ଉପରାଷ୍ଟ୍ରପତିଙ୍କ ଗାଡ଼ିରେ ନମ୍ବର ପ୍ଲେଟ ନ ରହିବାଟାକୁ ବଦଳେଇ ପାରିନାହାଁନ୍ତି କେନ୍ଦ୍ରସରକାର ।
ଟିକେ ଭାବନ୍ତୁ ତ ଯଦି ଆପଣଙ୍କ ଗାଡ଼ିରେ ନମ୍ବର ପ୍ଲେଟ ନଥାଏ ତ ଆପଣ ଟ୍ରାଫିକ୍ ପୋଲିସ ପାଖରୁ ବଞ୍ଚିପାରିବେ ତ । କିନ୍ତୁ ଏଭଳି ପରିସ୍ଥିତିରେ ରାଷ୍ଟ୍ରପତିଙ୍କ ଗାଡ଼ିରେ ନମ୍ବର ପ୍ଲେଟ ନ ରହିବାଟା ଆପଣଙ୍କୁ ଅଡୁଆରେ ପକାଇଥାଇ ପାରେ ।
କିନ୍ତୁ ଆମେ ଆପଣଙ୍କୁ ଏହା ପଛରେ ଥିବା କାରଣ ଜଣାଇ ଦେଉଛୁ । ରାଷ୍ଟ୍ରପତିଙ୍କ ଗାଡ଼ିରେ ନମ୍ବର ପ୍ଲେଟ ନରିହାବାର ନିୟମ ରହିଛି । କାରଣ ବ୍ରିଟିଶ୍ ପ୍ରଚଳିତ ପ୍ରଥା ଅନୁସାରେ କିଙ୍ଗ ଡୁ ନୋ ରାଙ୍ଗ ଯିଏକି ଜଣେ ରାଜା ଥିଲେ ସେ କେବେ କିଛି ଭୁଲ କରନ୍ତି ନାହିଁ , ଏହି କାରଣରୁ ରାଷ୍ଟ୍ରପତି ଏବଂ ଅନ୍ୟ ମାନ୍ୟଗନ୍ୟ ମନ୍ତ୍ରୀଙ୍କ ଗାଡ଼ିରେ ରେଜିଷ୍ଟ୍ରେସନ ନମ୍ବର ନଥାଏ । ତେଣୁ ବ୍ରିଟିସ ପ୍ରଥାକୁ ମାନି ରାଷ୍ଟ୍ରପତି, ଉପରାଷ୍ଟ୍ରପତି ଓ ରାଜ୍ୟପାଳଙ୍କ ସହ ଭିଭିଆଇପିଙ୍କ ଗାଡ଼ିରେ ମଧ୍ୟ ନମ୍ବର ପ୍ଲେଟ୍ ନଥାଏ ।
ବିଳମ୍ବିତ ରାତିରେ ଘରେ ପଶି, ବନ୍ଧୁକ ଦେଖାଇ ଲୁଟିଲେ
କଳାହାଣ୍ଡି : ବନ୍ଧୁକ ମୁନରେ ଲୁଟ୍। କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଭାଇରିପାଲି ଗାଁରେ ସଶସ୍ତ୍ର ଡକାୟତି। ଗତକାଲି ବିଳମ୍ବିତ ରାତିରେ ଗାଁର ସୌରଭ ଜୈନଙ୍କ ଘରେ ମୁଖା ପିନ୍ଧିଥିବା ୪ରୁ ୫ ଦୁର୍ବୃତ୍ତ ଆସି ଟଙ୍କା ଓ ଗହଣା ଲୁଟ୍ କରିଛନ୍ତି ।
ଏସଂପର୍କରେ ଖବର ପାଇ ଜୟପାଟଣା ପୋଲିସ ପହଞ୍ଚି ତଦନ୍ତ କରୁଛି। କଳାହାଣ୍ଡି ଏସପି ବାତୁଲା ଗଙ୍ଗାଧର ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି।
ସୁରାଗ ଖୋଜିବାକୁ ସନ୍ଧାନୀ କୁକୁରର ସାହାଯ୍ୟ ନିଆଯିବ ଏବଂ ଖୁବ୍ ଶୀଘ୍ର ଲୁଟେରାଙ୍କୁ ଗିରଫ କରାଯିବ ବୋଲି ପୋଲିସ କହିଛି ।
ଫୁଲବାଣୀରେ ସର୍ବନିମ୍ନ ୫.୫ ଡିଗ୍ରୀ ତାପମାତ୍ରା ରେକର୍ଡ, ୯ଟି ସହର ୧୦ ଡିଗ୍ରୀ ତଳେ
ଭୁବନେଶ୍ୱର: ଆଜି ପ୍ରବଳ ଜାଡ଼ରେ ଥରୁଛି ସାରା ଓଡ଼ିଶା । ଅସହ୍ୟ ଥଣ୍ଡା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । କିଛି ସ୍ଥାନରେ କୁହୁଡ଼ି ଯୋଗୁ ଯାତାୟତ ମଧ୍ୟ ବାଧାପ୍ରାପ୍ତ ହୋଇଛି । ତେବେ ଦିନବେଳା ତାପମାତ୍ରା ବଢ଼ୁଥିବାବେଳେ, ରାତିରେ ପ୍ରବଳ ଶୀତ ଅସହ୍ୟ ହେଉଛି ।
୯ଟି ସହରରେ ୧୦ ଡିଗ୍ରୀ ତଳେ ରହିଛି ପାରଦ । ଫୁଲବାଣୀରେ ସର୍ବନିମ୍ନ ୫.୫ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏହା ପଛକୁ ଅନୁଗୁଳ, ସୋନପୁର ଓ ଦାରିଙ୍ଗିବାଡି ରହିଛି । ସେପଟେ କାଲିଠୁ ପାଗରେ ପରିବର୍ତ୍ତନ ଆସିବ । ଶୀତର ପ୍ରକୋପ କମିବ ବୋଲି ଆକଳନ କରିଛି ପାଣିପାଗ କେନ୍ଦ୍ର ।
ନାଳ ତଳକୁ ଖସିଲା ଯାତ୍ରୀବାହୀ ବସ୍, ୧୫ରୁ ଉର୍ଦ୍ଧ୍ୱ ଆହତ
ଆଠଗଡ: ୨୦ ଫୁଟ ନାଳ ତଳକୁ ଖସିଲା ଯାତ୍ରୀବାହୀ ଵସ । ଆଗ ଚକା ବାହାରିଯିବାକୁ ଏଭଳି ଘଟଣା ଘଟିଛି । ଏଥିରେ ୧୫ରୁ ଉର୍ଦ୍ଧ୍ୱ ଯାତ୍ରୀ ଗୁରୁତର ଆହତ ହୋଇଛନ୍ତି । ଏଭଳି ଏକ ଘଟଣା କଟକ ନରସିଂହପୁର ରାସ୍ତାରେ ଦେଖିବାକୁ ମିଳିଛି ।
ସୂଚନା ଅନୁଯାୟୀ, ଗୁଣ୍ଡିଚାପୁର ଛକଠାରେ ମହାବୀର ନାମକ ଏକ ଘରୋଇ ବସ୍ ଯାତ୍ରୀଙ୍କୁ ନେଇ ଯାଉଥିବା ବେଳେ ରାସ୍ତା କଡ଼ରେ ଥିବା ଏକ ନାଳ ତଳକୁ ଖସିପଡ଼ିଥିଲା । ଗତକାଲି ସନ୍ଧ୍ୟା ସମୟରେ ଏଭଳି ଏକ ଘଟଣା ଘଟିଛି । ନାଳର ଗଭିରତା ପ୍ରାୟ ୨୦ ଫୁଟ୍ ଥିବାରୁ ଏଥିରେ ୧୫ରୁ ଉର୍ଦ୍ଧ୍ୱ ଯାତ୍ରୀ ଆହତ ହୋଇଛନ୍ତି ।
ଆହତମାନଙ୍କୁ ଆଠଗଡ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ୬ ଆମ୍ବୁଲାନ୍ସ ଓ ଦମକଳ ବାହିନୀ ଗାଡ଼ି ପହଞ୍ଚି ସମସ୍ତଙ୍କୁ ଉଦ୍ଧାର କରିଥିଲା ।
ଓ୍ୱାଙ୍ଖଡେରେ ମୁହାଁମୁହିଁ ହେବେ ଫିଞ୍ଚ୍ ଓ କୋହଲି ବାହିନୀ
ମୁମ୍ବାଇ: ଆଜି ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ । ମୁମ୍ବାଇରେ ମୁହାଁମୁହିଁ ହେବେ ଫିଞ୍ଚ ଓ କୋହଲି ବାହିନୀ । ଆହତ କାରଣରୁ ଦଳରୁ ଦୂରେଇ ରହିଥିବା ଜସ୍ପ୍ରୀତ୍ ବୁମ୍ରା ଦଳକୁ ଫେରିଛନ୍ତି । ସେହିପରି ଶ୍ରୀଲଙ୍କା ସିରିଜରେ ବିଶ୍ରାମ ନେଇଥିବା ରୋହିତ ଶର୍ମା ଓ ମହମ୍ମଦ ସାମି ମଧ୍ୟ ଚୂଡ଼ାନ୍ତ ଦଳର ଶକ୍ତି ବଢ଼ାଇବେ । ଦିନ ୧ଟା ୩୦ରେ ଖେଳାଯିବ ମ୍ୟାଚ୍ । ପୂର୍ବବର୍ଷ ଭାରତୀୟ ଗସ୍ତରେ ଆସି ୩-୨ରେ ସିରିଜକୁ ନିଜ ନାଁରେ କରିଥିଲା କଙ୍ଗାରୁ ଦଳ ।
ସେହିପରି ଆରନ୍ ଫିଞ୍ଚ୍ଙ୍କ ନେତୃତ୍ୱରେ କଙ୍ଗାରୁ ଦଳ ପୁଣି ପୂର୍ବ ବର୍ଷର ସଫଳତା ଦୋହରାଇବାକୁ ଚାହିଁବେ । ସ୍ମିଥ୍, ଓ୍ୱାର୍ଣ୍ଣରଙ୍କ ସହ ନବାଗତ ମାର୍ନସ ଲେବୁସେନଙ୍କ ଉପରେ ସମସ୍ତଙ୍କ ନଜର ରହିବ । ଯଦି ଫିଞ୍ଚକୁ ଦେଖିବା ତେବେ ଓ୍ୱାଙ୍ଖଡେରେ ରାତିରେ କାକରର ପ୍ରଭାବ ପଡ଼ିପାରେ । ସେଥିପାଇଁ ଦୁଇ ଦଳ ପାଇଁ ଟସ୍ର ଭୂମିକା ଗୁରୁତ୍ୱପୂର୍ଣ୍ଣ ରହିବ । ଭାରତ ଓ ଅଷ୍ଟ୍ରେଲିଆ ମଧ୍ୟରେ ୩ଟି ଦିନିକିଆ ଖେଳାଯିବ । ସେପଟେ କୋହଲିଙ୍କ ନିକଟରେ ରହିଛି ସଚିନଙ୍କ ରେକର୍ଡର ସମକକ୍ଷ ହେବାର ସୁଯୋଗ ।
ଦିନିକିଆ ଫର୍ମାଟରେ ଭାରତ ମାଟିରେ ୨୦ଟି ଶତକ ହାସଲ କରିଛନ୍ତି ତେନ୍ଦୁଲକର । ତାଙ୍କ ପଛକୁ ୧୯ ଶତକ ସହ ଦ୍ୱିତୀୟ ସ୍ଥାନରେ ରହିଛନ୍ତି ବିରାଟ । ଆଜିର ମ୍ୟାଚ୍ରେ ଶତକ ହାସଲ କରିପାରିଲେ ସଚିନଙ୍କ ରେକର୍ଡର ସମକକ୍ଷ ହୋଇପାରିବେ କୋହଲି ।
