ନୂଆଦିଲ୍ଲୀ: କରୋନା ବେହାଲ କରିଛି ଦେଶର ରାଜଧାନୀକୁ  । ସମସ୍ତଙ୍କୁ ଭୟଭୀତ କରୁଛି କରୋନା । ଏଥିପାଇଁ ସରକାର ବଡ଼ ବଡ଼ ପଦକ୍ଷେପ ମଧ୍ୟ ନେଉଛନ୍ତି । ଲୋକଙ୍କ ସୁରକ୍ଷା ପାଇଁ ସବୁପ୍ରକାର ପ୍ରୟାସ ମଧ୍ୟ କରାଯାଉଛି । କିନ୍ତୁ ଲୋକେ ବୁଝିବାକୁ ନାରାଜ । ଏବେ ବି କିଛି ଲୋକ ଏହି ପରିସ୍ଥିତିକୁ ଗମ୍ଭୀରତାର ସହ ନେଉନାହାଁନ୍ତି । ଏହାର ଜ୍ୱଳନ୍ତ ଉଦାହରଣ ସାଜିଛି ଦିଲ୍ଲୀର ପିଜା ଓ ଗରମ ସିଙ୍ଗଡ଼ା ମାଗିବା ଘଟଣା ।

ଦିଲ୍ଲୀର କରୋନାଭାଇରସରେ ପ୍ରଭାବିତ କଣ୍ଟେନମେଣ୍ଟ ଜୋନ୍ ଏବଂ କ୍ୱାରାଣ୍ଟିନ୍ ସେଣ୍ଟରରେ ଥିବା ଅଧିକାରୀମାନେ ଲୋକଙ୍କ ବିଭିନ୍ନ ଦାବିରେ ଅସନ୍ତୋଷ ପ୍ରକାଶ କରିଛନ୍ତି । କାରଣ ଏହି ଅଞ୍ଚଳର ଲୋକମାନେ ଚିକେନ୍ ବିରିୟାନି, ମଟନ୍, ପିଜା, ମିଠା ଏବଂ ଗରମ ସିଙ୍ଗଡ଼ା ମାଗୁଛନ୍ତି । ନରେଲାର କ୍ୱାରାଣ୍ଟିନ୍ ସେଣ୍ଟରରେ ଥିବା ଜଣେ ଅଧିକାରୀ ତାଙ୍କ ନାମ ଗୋପନୀୟ ରଖି କହିଛନ୍ତି ଯେ, କିଛିଲୋକ ତାଙ୍କୁ ଚିକେନ୍ ବିରିୟାନି ଏବଂ ମଟନ୍ ମାଗିଥିଲେ । ଦକ୍ଷିଣ ଦିଲ୍ଲୀରେ ୯ଟି କଣ୍ଟେଣ୍ଟମେଣ୍ଟ ଜୋନ୍ ଅଛି । ଅନ୍ୟ ଜଣେ ଅଧିକାରୀ କହିଛନ୍ତି ଯେ, ଏଠାରେ କିଛି ଲୋକ ତାଙ୍କୁ ପିଜା ଏବଂ ଗରମ ସିଙ୍ଗଡ଼ା ମଧ୍ୟ ମାଗିଥିଲେ । ଅଧିକାରୀ କହିଛନ୍ତି ଯେ, ପୂର୍ବ ଏବଂ ମଧ୍ୟ ଦିଲ୍ଲୀର କିଛି କଣ୍ଟେନମେଣ୍ଟ ଜୋନର କିଛି ଲୋକ ମିଠା ଦାବି କରିଥିଲେ ।

ପୋଲିସକର୍ମୀ କହିଛନ୍ତି ଯେ, ଏହି ସମୟରେ ପନିପରିବା, ଜଳ ଏବଂ କ୍ଷୀର ଭଳି ଜରୁରୀ ଜିନିଷ ଯୋଗାଇବା ଆମର ଦାୟିତ୍ୱ

ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଆମେ ଏଭଳି ଦାବି କେବେ ବି ପୂରଣ କରିପାରିବୁ ନାହିଁ । ଯେତେବେଳେ ଗୋଟିଏ ଅଞ୍ଚଳକୁ ସିଲ୍ କରି ଏକ କଣ୍ଟେନର ଜୋନ ଭାବେ ଘୋଷଣା କରାଯାଏ, ଏଭଳି ପରିସ୍ଥିତରେ, ଆମର କର୍ତ୍ତବ୍ୟ ହେଉଛି କେବଳ ପନିପରିବା, ଜଳ ଏବଂ କ୍ଷୀର ଭଳି ଜରୁରୀ ଜିନିଷ ଯୋଗାଇବା । ଏହିପରି ଅନାବଶ୍ୟକ ସୁପାରିଶକୁ ଅଣଦେଖା କରିବାକୁ ଆମେ ଆମର ଅଧିକାରୀମାନଙ୍କୁ କହିଛୁ । କୌଣସି ବ୍ୟକ୍ତିଙ୍କୁ କଣ୍ଟେନମେଣ୍ଟ ଜୋନରେ ଘରୁ ବାହାରକୁ ଯିବାକୁ ଅନୁମତି ଦିଆଯାଇ ନଥାଏ ।

ଯେତେବେଳେ କୌଣସି କ୍ଷେତ୍ରକୁ ଏକ କଣ୍ଟେନମେଣ୍ଟ ଜୋନ୍ ଘୋଷିତ କରାଯାଏ, ପ୍ରଶାସନ ଏବଂ ପୋଲିସ୍ କର୍ମଚାରୀମାନେ ହ୍ୱାଟସ୍ ଆପ୍ ଗ୍ରୁପ୍ ସୃଷ୍ଟି କରନ୍ତି, ଯେଉଁଠାରେ ଲୋକମାନେ ସେମାନଙ୍କୁ ଯାହା ଆବଶ୍ୟକ କରନ୍ତି ତାହା ଜଣାନ୍ତି । ତା’ପରେ ଅଧିକାରୀମାନେ ସେମାନଙ୍କର ଦାବି ପୂରଣ କରଥାନ୍ତି ।

ଏଠାରେ ପୋଲିସ ମାନବିକ ସହାୟତା ଅଭିଯାନ ଚଳାଉଛି

ଦିଲ୍ଲୀ ପୋଲିସ ଦାବି କରିଛି ଯେ ୧୯୪୮ ମସିହାରେ ସ୍ୱାଧିନ ହେବାପରେ ୭୨ ବର୍ଷ ମଧ୍ୟରେ ସେମାନଙ୍କ ଦ୍ୱାରା ସର୍ବ ବୃହତ୍ତ ମାନବିକ ସହାୟତା ଅଭିଯାନ ଚାଲିଛି । ରବିବାର ଦିନ ଦିଲ୍ଲୀ ପୋଲିସ ଟ୍ୱିଟ୍ କରିଛି ଯେ, ୧୯୪୮ ମସିହାରେ ଦିଲ୍ଲୀ ପୋଲିସ୍ ପ୍ରତିଷ୍ଠା ହେବା ପରଠାରୁ ଏହା ହେଉଛି ସବୁଠାରୁ ବଡ ମାନବିକ ସହାୟତା ଅଭିଯାନ । ଏହି ଅଭିଯାନ ଅନୁସାରେ, ୫୦ ଲକ୍ଷ ଖାଦ୍ୟ ପ୍ୟାକେଟ୍ ଦିନ ମଜୁରିଆ ଏବଂ ଭୂମିହୀନ ଲୋକଙ୍କ ମଧ୍ୟରେ ବଣ୍ଟନ ଯାଇଛି ।

କାନପୁର: କରୋନା ମହାମରୀ ଏବେ ସାରା ଦେଶରେ ଏକପ୍ରକାର ହା ହା କାର ସୃଷ୍ଟି କରିଛି । ଦେଶରେ କୋରନା ପଜିଟିଭର ପ୍ରାୟ ୩୦ ପ୍ରତିଶତ ମାମଲା ମର୍କଜ ସହିତ ଜଡ଼ିତ । ତେଣୁ ଦେଶର କରୋନା ସଂକ୍ରମିତଙ୍କ ସଂଖ୍ୟା ବଢିବାର ଏକ କାରଣ ହୋଇଛି ମରକଜ୍ ଲିଙ୍କ୍ । ତେବେ ମରକଜରେ ଯୋଗ ଦେଇଥିବା ଜାମାତି ଏବଂ ରୋହିଙ୍ଗ୍ୟାଙ୍କୁ ଧରିବା ପାଇଁ ଆଇଜି ରେଞ୍ଜ ମୋହିତ ଅଗ୍ରୱାଲ ପୁରସ୍କାର ଘୋଷଣା କରିଛନ୍ତି । ଜମାତି ଏବଂ ରୋହିଙ୍ଗ୍ୟାଙ୍କୁ ଧରିବା ପାଇଁ ୧୦ହଜାର ଟଙ୍କା ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରାଯାଇଛି ।

ଏହି ପରିପ୍ରେକ୍ଷୀରେ ଆଇଜି ରେଞ୍ଜ୍ ର ସବୁ ଜିଲ୍ଲା କାନପୁର ବ୍ୟତୀତ କାନପୁର ଦେହତ, ଔରୈୟା, ଇଟାୱା, କନ୍ନୌଜ ଏବଂ ଫାରୁଖବାଦର ଏସପି ନିର୍ଦ୍ଦେଶ ଦେଇଛନ୍ତି । କାନପୁର ଏବଂ କନ୍ନୌଜରୁ ଜମାତି ଧରାପଡି ସାରିଛନ୍ତି । ଦୁଇ ଦିନ ପୂର୍ବେ ପ୍ରକାଶ ପାଇଥିଲା ଯେ ମରକଜରେ ରୋହିଙ୍ଗ୍ୟା ମଧ୍ୟ ସାମିଲ ଥିଲେ ।

ଏଭଳି ପରିସ୍ଥିତିରେ ପୋଲିସ, ପ୍ରଶାସନ ଏବଂ ଗୁଇନ୍ଦା ବିଭାଗ ସଜାଗ ହୋଇଥିଲେ । ସେମାନଙ୍କୁ ଖୋଜିବା ପାଇଁ ଜନସାଧାରଣଙ୍କଠାରୁ ମଧ୍ୟ ସହଯୋଗ ଲୋଡାଯାଇଛି । ଧରାପଡ଼ିଥିବା ଜମାତ୍ ସଦସ୍ୟ ଏବଂ ରୋହିଙ୍ଗ୍ୟାଙ୍କ ଉପରେ ହତ୍ୟା ଉଦ୍ୟମ ମାମଲା ରୁଜୁ କରାଯିବ ବୋଲି ଆଇଜି କହିଛନ୍ତି ।

ସୂଚନା ଦେଲେ, ଗୋପନୀୟ ରହିବ ସୂଚନାକାରୀଙ୍କ ନାମ

ଆଇଜି କହିଛନ୍ତି ଯେ, ସୂଚନା ପ୍ରଦାନ କରୁଥିବା ବ୍ୟକ୍ତିଙ୍କ ନାମ, ଠିକଣା ଇତ୍ୟାଦି ଗୋପନୀୟ ରଖାଯିବ। ପୋଲିସ କଣ୍ଟ୍ରୋଲ ରୁମ ନମ୍ବର ୧୧୨,୧୦୦ ନମ୍ବରରେ ସଂପୃକ୍ତ ପୋଲିସ ଷ୍ଟେସନ କିମ୍ବା ଏସପି କାର୍ଯ୍ୟାଳୟ ବ୍ୟତୀତ କୋରେନା ହେଲ୍ପଲାଇନ ନମ୍ବରରେ ମଧ୍ୟ ସୂଚନା ଦେଇପାରିବେ । ଏହା ବ୍ୟତୀତ  ପୋଲିସ୍ କର୍ମଚାରୀଙ୍କ ସିୟୁଜି ମୋବାଇଲ୍ ନମ୍ବର ତଥା  ହ୍ୱାଟସ୍ ଆପ୍ ମେସେଜ୍ ଦ୍ୱାରା ସୂଚନା ଦିଆଯାଇପାରିବ।

ସହରରେ ବର୍ତ୍ତମାନ ପର୍ଯ୍ୟନ୍ତ ୧୫୮ ଜମାତି ଧରାପଡ଼ିଛନ୍ତି

ଏପ୍ରିଲ୍ ୧ରୁ ଜମାତିଙ୍କୁ ଖୋଜିବାକୁ ପ୍ରୟାସ କରାଯାଇଛି । ଆରମ୍ଭରୁ ପ୍ରାୟ ୧୧୯ଜଣ ଜମାତିଙ୍କ ବିଷୟରେ ସୂଚନା ମିଳିଥିଲା । ତାପରେ ଏମାନଙ୍କୁ ସମସ୍ତଙ୍କୁ କ୍ୱାରେଣ୍ଟିନରେ ରଖାଯାଇଥିଲା । ଏହା ପରେ ସହରରେ ଲୁଚି ରହିଥିବା ୩୯ ଜଣ ଜମାତି ଧରାପଡିଥିଲେ। ଏପର୍ଯ୍ୟନ୍ତ ସମୁଦାୟ ୧୫୮ ଜମାତି ଧରାପଡ଼ିଛନ୍ତି । ଏଥିସହ କନ୍ନୌଜରେ ୩୯ ଜମାତିଙ୍କୁ ଧରାଯାଇଥିଲା ।

ଏପର୍ଯ୍ୟନ୍ତ କେବଳ ଜଣେ ରୋହିଙ୍ଗ୍ୟା ବିଷୟରେ ସୂଚନା ମିଳିପାରିଛି

ଗୃହ ମନ୍ତ୍ରଣାଳୟ ଏବଂ ସରକାରଙ୍କ ନିର୍ଦ୍ଦେଶ ଅନୁଯାୟୀ ପୋଲିସ ରୋହିଙ୍ଗ୍ୟାଙ୍କ ରେକର୍ଡ ଅନୁସନ୍ଧାନ କରିଛି । ଏଲଆଇୟୁ ରିପୋର୍ଟ ଅନୁଯାୟୀ, ସହରରେ କେବଳ ଜଣେ ରୋହିଙ୍ଗ୍ୟା ଅଛନ୍ତି, ଯିଏ କି ଗତ ବର୍ଷ ଅଗଷ୍ଟରୁ ଜେଲରେ ଅଛନ୍ତି । ତାଙ୍କ ନାମ ଆୟାସ୍। ଡିଜି ଅନନ୍ତ ଦେବ କହିଛନ୍ତି ଯେ ଗୁଇନ୍ଦା ଦଳ ନିୟୋଜିତ ଅଛନ୍ତି । ଯଦି ରୋହିଙ୍ଗ୍ୟା ମିଳନ୍ତି, ତେବେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ।