ଭୁବନେଶ୍ୱର: ଓଲିଉଡର ଜଣେ ଜଣାଶୁଣା ଆକ୍ଟ୍ରେସ ହେଉଛନ୍ତି ଝିଲିକ୍‌ । ଯିଏ ଇଣ୍ଡଷ୍ଟ୍ରିର ଅନେକ ନାମିଦାମୀ ଆକ୍ଟରଙ୍କ ସହ କାମ କରିଛନ୍ତି। ଓ ଓଲିଉଡରେ ନିଜର ଏକ ସ୍ୱତନ୍ତ୍ର ସ୍ଥାନ ବନାଇଛନ୍ତି। ପ୍ରିତିରଞ୍ଜନ ହେଉଛନ୍ତି ବରିଷ୍ଠ ବିଜେଡି ନେତା ପ୍ରଫୁଲ୍ଲ ଘଢେଇଙ୍କ ପୁଅ । ଯାହାଙ୍କୁ ସମସ୍ତେ ଡ୍ୟାନି ଭାଇ ନାମରେ ଜାଣିଛନ୍ତି ।

ଡ୍ୟାନି ଓ ଝିଲିକଙ୍କ ପ୍ରେମ ସମ୍ପର୍କକୁ ନେଇ କେବେଠୁ ମିଡିଆରେ ଚୁପି ଚୁପି ଚର୍ଚ୍ଚା କରାଯାଉଥିଲା। ଫାଇନାଲି ସମସ୍ତ ଚର୍ଚ୍ଚାକୁ ପଛରେ ପକାଇ ଫ୍ୟାନଙ୍କୁ ସରପ୍ରାଇଜ ଦେଇଛନ୍ତି ଏହି ନିଉଲି ଓ୍ୱେଡ ଯୋଡ଼ି । ଓ ନିଜ ସୋସିଆଲ୍‌ ଆକାଉଣ୍ଟରେ  ସେୟାର କରିଛନ୍ତି ଝିଲିକ ତାଙ୍କ ବିବାହର ସମସ୍ତ ଫଟୋ । ଯାହାକୁ ଦେଖିଲା ପରେ ସବୁମହଲରୁ ଆସିଛି ଏହି ଜଷ୍ଟ ମ୍ୟାରେଡ୍‌ କପଲଙ୍କ ପାଇଁ ଶୁଭେଚ୍ଛାର ସୁଅ।

ଖାଲି ସେତିକି ନୁହେଁ, ବହାଘର ପରେ ଝିଲିକ୍‌ ଏବଂ ତାଙ୍କ ସ୍ୱାମୀ ଆସି ପହଞ୍ଚିଛନ୍ତି ଭୁବନେଶ୍ୱର ସ୍ଥିତ ଏକ ନାଥାଶ୍ରମରେ । ନାଥାଶ୍ରମରେ ସେ ତାଙ୍କର ବାହାଘର ଖୁସି ସେଲିବ୍ରେସନ କରିଛନ୍ତି ।

ତୁମୁଡୁମା ସ୍ଥିତ ପ୍ରତିଭା ଆଶ୍ରମରେ ଅଭିନେତ୍ରୀ ଝିଲକ ଓ  ତାଙ୍କ ସ୍ଵାମି ପ୍ରିତି ରଞ୍ଜନ ପହଞ୍ଚି ସେଠାରେ ପିଲାଙ୍କ ସହ ତାଙ୍କର ଖୁସି ବାଣ୍ଟିଥିଲେ । ଅନାଥ ଆଶ୍ରମ ର ୩୫ ଜଣ ପିଲାଙ୍କ ସହ ବହୁ ହସ ଖୁସିରେ କରିଥିଲେ ବହାଘରର ସେଲିବ୍ରେସନ । ଭଲ ଘର , ଭଲ ସ୍ଵାମି ଓ ବାପାଙ୍କ ପରି ଶଶୁର ପାଇ ବେସ ଖୁସି ଅଛନ୍ତି ବୋଲି ଝିଲିକ କହିଛନ୍ତି।

ଭୁବନ: ସରିଯାଇଥିଲା ନିର୍ବନ୍ଧ । ବିବାହକୁ ବାକି ଥିଲା ମାତ୍ର ୮ ଦିନ । ମାତ୍ର ଅଗ୍ନିକାଣ୍ଡ ସବୁକିଛି ଛାରଖାର କରିଦେବା ସହ ଧୂଳିସାତ ହୋଇଗଲା ସ୍ୱପ୍ନ । ଗରିବ ଝିଅର ବାହାଘର କେମିତି ହେବ ଭାବି ବାପା ମୁଣ୍ଡରେ ହାତ ଦେଇଥିବା ବେଳେ ବଢ଼ିଲା ସହଯୋଗର ହାତ ।

କିଏ ଆମ୍ବପତ୍ର ଟାଙ୍ଗୁଛି, ପୁଣି କିଏ ବେଦୀରେ ଝୋଟି ଆଙ୍କୁଛି, ଏପଟେ ବରଯାତ୍ରୀଙ୍କ ପାଇଁ ରନ୍ଧା ଚାଲିଛି । ଢେଙ୍କାନାଳ ଜିଲ୍ଲା ଭୁବନ ବ୍ଳକ ବାଉଁଶକୋଣ ଗାଁର ବିଶ୍ୱନାଥ ପ୍ରଧାନ ଦୁଃଖରେ ଭାଙ୍ଗିପଡ଼ିଥିଲେ । ନିର୍ବନ୍ଧ ସରିଯାଇଥିବାବେଳେ ବାହାଘରକୁ ଦିନ କେଇଟା ବାକି । ଝିଅ ଭାରତୀର ବାହାଘର ହୋଇପାରିବ ତ ? ନା ଅବିଆଡ଼ି ରହିଯିବ ଝିଅ । କଣ କହିବେ ବାର ଲୋକ । କାରଣ ନିଆଁରେ ପୋଡ଼ିଯାଇଛି ଘର, ପାଉଁଶ ହେଇଯାଇଛି ସାଇତା ସମ୍ପତ୍ତି । ଏତେ ଅସହାୟ ସମୟରେ ସହଯୋଗର ହାତ ବଢାଇଲେ ଖୋର୍ଦ୍ଧାର ଲକ୍ଷେଶ୍ୱର ବଡ଼ସିଂହାର ବେଶ ସେବା ସମିତି ଓ କିଛି ସ୍ଥାନୀୟ ସ୍ୱେଚ୍ଛାସେବୀ । ସୁରଖୁରରେ ସମ୍ପନ୍ନ ହେଲା ବିବାହ ।

ବିନା ବାଜାବାଣ ରୋଶଣୀରେ ବାହାଘର ଶେଷ ହୋଇଛି । ନିର୍ଦ୍ଧାରିତ ତାରିଖରେ ଜୀବନସାଥୀ ଭାବେ ଭାରତୀଙ୍କ ହାତ ଧରିଛନ୍ତି କେନ୍ଦୁପଶି ଗାଁର ଅକ୍ଷୟ ପ୍ରଧାନ । ଉତ୍ସବରେ ସାମିଲ ହୋଇଛନ୍ତି ଢେଙ୍କାନାଳ ସାଂସଦ ମହେଶ ସାହୁ, ଭୁବନ ବ୍ଳକ ଅଧ୍ୟକ୍ଷ ଧର୍ମାନନ୍ଦ ବରାଳ ଏବଂ ଅନେକ ବଡ଼ ବଡ଼ଲୋକ । ଅଜାଡ଼ିଦେଇଛନ୍ତି ଆଶୀର୍ବାଦ ଓ ଶୁଭକାମନା । ଗାଁରେ ଅଗ୍ନିବିପନ୍ନଙ୍କୁ ସରକାରୀ ସହାୟତାର ପ୍ରତିଶୃତି ମଧ୍ୟ ମିଳିଛି ।

ବେଳକୁ ବେଳ ସ୍ୱାର୍ଥବାଦୀ ପାଲଟି ଯାଉଥିବା ସମାଜରେ ଏ ନିସ୍ୱାର୍ଥପର ସହଯୋଗ ଆଜି  ପାଲଟିଛି ମାନବିକତାର ଅନନ୍ୟ ନିଦର୍ଶନ ।

ନବରଙ୍ଗପୁର: ନନ୍ଦାହାଣ୍ଡି ବ୍ଲକ ଗଜିଆଗୁଡା ଗାଁର ଏକ ଅଶ୍ୱସ୍ଥ ଗଛର ଉପରେ ଚଢି ପ୍ରାୟ ୫ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ଶୋଇ ରହିଛି ଭାଲୁ।ଗଜିଆ ଗୁଡା ଗାଁର ୨ଜଣ  ମହିଳା ଭୋରରୁ ସେହି ରାସ୍ତା ଦେଇ ନଦୀକୁ ଯିବା ସମୟରେ ଭାଲୁ ଗଛ ଉପରେ ଚଢିଥିବା ଦେଖି ଗାଁରେ ଖବର ଦେବା ପରେ ଏହାକୁ ଦେଖିବା ପାଇଁ ଆଖପାଖ ଅଞ୍ଚଳ ଲୋକ ମାନଙ୍କର ଭିଡ ଜମିଥିଲା।ଘଟଣା ବିଷୟରେ ଖବର ପାଇ ନବରଙ୍ଗପୁର ବନ ବିଭାଗ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ଲୋକ ମାନଙ୍କୁ ଉକ୍ତ ସ୍ଥାନରୁ ଘଉଡ଼ାଇ ଘଟଣା ସ୍ଥଳକୁ ସୁନସାନ କରି ଭାଲୁଟିକୁ ଗଛରୁ ଓହ୍ଲାଇ ଚାଲିଯିବାକୁ ସୁଯୋଗ ସୃଷ୍ଟି କରାଯାଇ ବନ ବିଭାଗ କର୍ମଚାରୀ ଘଟଣା ସ୍ଥଳରୁ କିଛି ଦୂରରେ ଅପେକ୍ଷା କରି ରହିଛନ୍ତି।

https://www.facebook.com/nandighoshatv/videos/210313240050930/

ବ୍ରହ୍ମପୁର: ଆକ୍ସନ ମୁଡରେ ଜିଲ୍ଲାପାଳ । ସାଇକେଲରେ ବୁଲିଲେ ଆଉ ସଫେଇ କାର୍ଯ୍ୟ ତଦାରଖ କରିଲେ । ଅସ୍ୱଚ୍ଛ ପରିବେଶ ପାଇଁ ଫାଇନ୍‌ ବି ଆଦାୟ କଲେ । ତା ସହିତ ମଦ ବିକ୍ରି କରୁଥିବା କିଛି ଦୋକାନୀ ବି ଗଣିଲେ ତଣ୍ଡ । ଗୁରୁବାର ସକାଳୁ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗ ଫୁଲ୍‌ ଆକ୍ସନ ମୁଡରେ ।

ୱାର୍ଡ ୱାର୍ଡ ବୁଲିବା ସହ ବିଭିନ୍ନ ଛକରେ ଥିବା ପାନ ଦୋକାନ ଓ ଅନ୍ୟ କିଛି ଦୋକାନରୁ ୧୦ହଜାର ଜରିମାନା ପକାଇଛନ୍ତି । ଏକ ଦେଶୀ ମଦ ଦୋକାନରୁ ମଧ୍ୟ ୧ଲକ୍ଷ ଟଙ୍କା ଜରିମାନା ଆଦାୟ ହୋଇଛି । ସହରକୁ କିଭଳି ସ୍ୱଚ୍ଛ ରଖାଯାଇପାରିବ ସେ ନେଇ ବୁଲି ବୁଲି ସଚେତନ କରିଛନ୍ତି ଜିଲ୍ଲାପାଳ ।

ରେଶମ ସହର କିଭଳି ରହିବ ସ୍ୱଚ୍ଛ ଓ ସୁନ୍ଦର । ସେନେଇ ଦିନ ଅପେକ୍ଷା ରାତିରେ କରାଯାଉଛି ସଫେଇ । ବହୁବାର ଲୋକଙ୍କୁ ଏନେଇ ସଚେତନ ମଧ୍ୟ କରାଯାଉଛି । ତା ପରେ ବି ଜିଲ୍ଲାପାଳଙ୍କ ସ୍ୱଚ୍ଛତା ନେଇ ତଦାରଖ ଚାଲିଛି । ଯାହାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।