ଗୁଜୁରାଟର ଅହମ୍ମଦାବାଦରେ ଥିବା ସୂତା କଳରେ ବଡ଼ ଅଘଟଣ । ସୂତା କଳରେ ନିଆଁ ଲାଗି ୩ ଜଣ ଓଡ଼ିଆଙ୍କ ମୃତ ହୋଇଛି । କାମ କରୁଥିବା ସମୟରେ ଗ୍ୟାସ୍ ଟାଙ୍କରେ ନିଆଁ ଲାଗି ୩ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ସମସ୍ତ ମୃତକ ଯାଜପୁରର ହୋଇଥିବା ସୂଚନା ମିଳିଛି । ସେମାନେ ଅହମ୍ମଦାବାଦର ଲୋଟସ ସୂତା କମ୍ପାନୀରେ କାମ କରୁଥିଲେ । ମୃତକ ହେଲେ ଯାଜପୁର ସଦର ଥାନା ରେକାବୀ ବଜାର ଅଞ୍ଚଳର ଦୟାନିଧି ଖୁଣ୍ଟିଆ, ଚିନ୍ମୟ ଖୁଣ୍ଟିଆ ଓ କାମେଶ ସିଂ । ୩ ବର୍ଷ ହେଲା ସମସ୍ତେ କଂପାନୀରେ କାମ କରୁଥିବା ଜଣାପଡ଼ିଛି ।
ଭୁବନେଶ୍ୱର: ବଦଳିବ ପାଗ । ହଟିବ ଖରା, ଢାଙ୍କିବ ବାଦଲ । ୨୩ ରୁ ୨୬ ଉପାନ୍ତରୁ ଉପକୂଳ ସବୁଠି ବର୍ଷିବ । ରବିବାର ଝାରସୁଗୁଡା, ସମ୍ବଲପୁର, ସୁନ୍ଦରଗଡ,ଦେବଗଡ, କେନ୍ଦୁଝର ଏବଂ ମୟୁରଭଞ୍ଜରେ ସ୍ୱଳ୍ପରୁ ମଧ୍ୟମଧରଣର ବର୍ଷା ହେବ । ୨୪ ତାରିଖରେ ଉତ୍ତର ଏବଂ ଆଭ୍ୟନ୍ତରୀଣ ଉପକୂଳ ଓଡ଼ିଶାର ବାଲେଶ୍ୱର, ମୟୁଭଞ୍ଜ, କେନ୍ଦୁଝର, ଅନୁଗୁଳ,ଢେଙ୍କାନାଳ, ଝାରସୁଗୁଡା, ସମ୍ବଲପୁର,ସୁନ୍ଦରଗଡ, ଦେବଗଡ, କୋରାପୁଟ, ମାଲକାନଗିରି, ନବରଙ୍ଗପୁର,ବୌଦ୍ଧ, ସୋନପୁର, କଳାହାଣ୍ଡି, କନ୍ଧମାଳ ଏବଂ ନୟାଗଡରେ ଘଡଘଡି ସହ ବର୍ଷା ହେବ । ୨୫ ତାରିଖ ବେଳକୁ ବର୍ଷାର ପରିମାଣ ବଢିବ । ଉପକୂଳ ଏବଂ ଉତ୍ତର ଓଡ଼ିଶାର କିଛି ସ୍ଥାନରେ ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
ରାଉରକେଲା: ପ୍ରେମ, ପ୍ରତିଶ୍ରୁତି ଓ ପ୍ରତାରଣା । ବିବାହର ପ୍ରତିଶ୍ରୁତି ଦେଇ ଯୁବତୀଙ୍କ ସହିତ ଦୁଷ୍କର୍ମ ଅଭିଯୋଗ । ରାଉରକେଲାରୁ ଏଭଳି ସଙ୍ଗୀନ ଅଭିଯୋଗ ଆସିଛି । ଯୁବତୀଙ୍କ ସହିତ ପ୍ରଥମେ ପ୍ରେମ ପରେ ବିବାହର ପ୍ରତିଶ୍ରୁତି, ଏବଂ ଶେଷରେ ଜବରଦସ୍ତି ଦୁଷ୍କର୍ମ କରିଥିବା ନେଇ ପ୍ରେମିକା ଅଭିଯୋଗ ଆଣିଛନ୍ତି ।
ସେପଟେ ଯୁବକ ଜଣକ ଦୁଷ୍କର୍ମ ସମୟର ଭିଡିଓ ମୋବାଇଲରେ ରେକଡିଂ କରି ଭାଇରାଲ କରିବାର ଧମକ ଦେଉଥିବା ମଧ୍ୟ ପୀଡିତା ଅଭିଯୋଗ କରିଛନ୍ତି । ଏନେଇ ରାଉରକେଲା ସେକ୍ଟର-୭ ଥାନାରେ ଯ଼ୁବତୀ ଲିଖିତ ଅଭିଯୋଗ ପରେ ପୋଲିସ ଅଭିଯ଼ୁକ୍ତ ପ୍ରେମିକକୁ ଗିରଫ କରିଛି । ଘଟଣାରେ ପୋଲିସ ଅଧିକ ଖୋଜତାଡ ଜାରି ରଖିଥିବା ନେଇ ଥାନା ଅଧିକାରୀ ସୂଚନା ଦେଇଛନ୍ତି ।
ରାଜକୀୟ ଅନ୍ଦାଜରେ ଟ୍ରମ୍ପଙ୍କୁ ସ୍ୱାଗତ କରିବାକୁ କରାଗଲା ସ୍ୱତନ୍ତ୍ର ବ୍ୟବସ୍ଥା । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ତାଙ୍କ ସହଧର୍ମିଣୀ ମେଲାନିଆ ଟ୍ରମ୍ପ ଆସନ୍ତା ୨୪-୨୫ ତାରିଖରେ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି। ତାଙ୍କ ଏହି ଯାତ୍ରା କିପରି ସ୍ମରଣୀୟ ହୋଇପାରିବା ସେଥିପାଇଁ ବିଶେଷ ଧ୍ୟାନ ଦିଆଯାଉଛି ।
ଦିଲ୍ଲୀଗସ୍ତ ସମୟରେ ଏମାନଙ୍କୁ ଖାଦ୍ୟ ପରସିବା ଲାଗି ସ୍ୱତନ୍ତ୍ର ଧରଣର ଗୋଲ୍ଡ ଓ ସିଲଭର ପ୍ଲେଟେଡ୍ ବାସନରେ ଖାଦ୍ୟ ପରସା ଯିବ ବୋଲି ଜଣାପଡିଛି। ଏହି ସେଟରେ ପ୍ଲେଟର ଡିଜାଇନ ଯେତେ ସୁନ୍ଦର ଅଛି ତାଠୁ ସୁନ୍ଦର ଓ ଆକର୍ଷଣ ହୋଇଛି ଗ୍ଲାସର ଡିଜାନ ।
ତେବେ ଏହି ସେଟରେ ଟ୍ରମ୍ପଙ୍କ ନାଁ ମଧ୍ୟ ଲେଖାଯାଇଛି ।
ତେବେ କେବଳ ଡାଇନିଂ ସେଟ୍ ନୁହେଁ ଏଥିରେ ଟ୍ରମ୍ପଙ୍କୁ ଜେଉଁଥିରେ କଫି ବା ଚା’ ପରଷାଯିବ ସେଟା ମଧ୍ୟ ଖୁବ ଆକର୍ଷଣୀୟ ଲାଗୁଛି ।
ଏହାର ନିର୍ମାତା ଅରୁଣ ପବୁୱାଲ କହିଛନ୍ତି ଏହା ଏକ ସ୍ୱତନ୍ତ୍ର ଡିଜାଇନ୍।
କଟକ: ଘର ଭିତରେ ସ୍ତ୍ରୀ, ଛୋଟଝିଅ ଓ ଶାଶୂ ଶୋଇଥିବା ବେଳେ ବାହାରୁ ସ୍ୱାମୀ ଲଗାଇଦେଲା ନିଆଁ। କଟକ ଜିଲ୍ଲା ଉତ୍ତର ବଟେଶ୍ୱର ଗାଁରେ ଏହି ଅଭାବନୀୟ ଘଟଣା ଘଟିଛି । ଶୁକ୍ରବାର ବିଳମ୍ବିତ ରାତିରେ ଘଟିଛି ଏହି ଘଟଣା । ପାରିବାରିକ କଳହରୁ ଏହି ଘଟଣା ଘଟିଛି । ଗୁରୁତର ଅବସ୍ଥାରେ ସ୍ତ୍ରୀ, ଛୋଟଝିଅ ଓ ଶାଶୂଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି ।
ଢ଼େଙ୍କାନାଳ: ବିହାର ଭଳି ଢ଼େଙ୍କାନଳରେ କପି ଦିଆ ନିଆର ଝଲକ୍ । କପି ଦେବାକୁ ଚାଲିଛି ସଂଘର୍ଷ । ପାଚେରୀ ଡ଼େଇଁ ସ୍କୁଲ ଭିତରେ ଦିଆଯାଉଛି ମାଟ୍ରିକ ପରୀକ୍ଷାର୍ଥିଙ୍କୁ କପି । ଜଣେକି ଦୁଇ ଜଣ ନୁହେଁ ଏକାଥରକେ ୨୦ରୁ ଉର୍ଦ୍ଧ୍ୱ ଯୁବକ ପାଚେରୀ ଡ଼େଇଁ କପି ଦେଉଛନ୍ତି ।
ଢ଼େଙ୍କାନାଳର ଦୁଇଟି ସ୍କୁଲରେ ଦେଖାଦେଇଛି ଏଭଳି ଘଟଣା । ପରଜଙ୍ଗ ଥାନା ବିରିବୁଲେଇ ଜନତା ସରକାରୀ ଉଚ୍ଚ ବିଦ୍ୟାଳୟ ଏବଂ ଗଡ଼ପଳାଶୁଣି ବାପୁଜୀ ପିଦ୍ୟାପୀଠର ଏ ହେଉଛି ଦୃଶ୍ୟ ।
ସୂଚନା ଅନୁଯାୟୀ, ଏହି ଦୁଇଟି ସ୍କୁଲରେ ଆଜି ଇଂରାଜି ପରୀକ୍ଷା ଚାଲିଥିଲା । ଏହି ପରୀକ୍ଷାରେ ପିଲାଙ୍କୁ ସାହାର୍ଯ୍ୟ କରିବା ପାଇଁ ଆସିଥିଲେ ଚେଲାଚାମୁଣ୍ଡା । ପରୀକ୍ଷା ଆରମ୍ଭର ମାତ୍ର କିଛି ସମୟ ପରେ ଆରମ୍ଭ ହୋଇଥିଲା କପି ଦେବା ସଂଘର୍ଷ ।
ବାନର ଭଳି ଗୋଟିଏ ପରେ ଗୋଟିଏ ଯୁବକ ଚଢ଼ିବାକୁ ଲାଗିଥିଲେ ସ୍କୁଲ ପାଚେରି ଉପରେ । ସ୍କୁଲର ପାଚେରୀ ଡ଼େଇଁ ଦିଆ ଯାଉଛି କପି । ବିରିବୁଲେଇ ସ୍କୁଲରେ ସ୍ଥାନୀୟ ଲୋକେ ଏହା ଦେଖି କପି ଦେଉଥିବା ଲୋକଙ୍କୁ ବିରୋଧ କରିଥିଲେ ।
ଅନ୍ୟପଟେ ଗଡ଼ପଳାଶୁଣି ସ୍କୁଲରେ ଜଣେ ବାପା ତାଙ୍କ ଝିଅକୁ କପି ଦେଉଥିବା ବେଳେ ପୋଲିସ ଠାରୁ ନିର୍ଧୁମ ଛେଚା ଖାଇଛନ୍ତି । ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରେ ତାଳଚେର ମଣ୍ଡାପାଳ ସ୍ଥିତ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା ।
ମୟୂରଭଞ୍ଜ: ପୁଅ ସାଜିଲା ସୈତାନ । ବାପାକୁ ଠେଙ୍ଗାରେ ପିଟି ପିଟି ହତ୍ୟା କଲା ପୁଅ । ଏଭଳି ଅମାନୁଷିକ କାଣ୍ଡ ଘଟିଛି ମୟୂରଭଞ୍ଜ ବାଦାମପାହାଡ ଡୋଭା ଗାଁରେ । ପାରିବାରିକ କଳହରୁ ହତ୍ୟାକାଣ୍ଡ ଘଟାଇଛି ପୁଅ । ମୃତକ ହେଲେ ଗୋପାଳ ନାଏକ । ଘଟଣା ଖବର ପାଇ ପୋଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି କରିଛନ୍ତି । ଅଭିଯୁକ୍ତ ଜିତେନ ନାଏକକୁ ପୋଲିସ ଗିରଫ କରି ଅଧିକ ତଦନ୍ତ ଜାରି ରଖିଛି ।
ଭଦ୍ରକ: ଭଦ୍ରକରେ ପୁଣି ଲଜ୍ଜା । ଜାଗର ଦେଖି ଫେରୁଥିବା ବେଳେ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ । ଗୁରୁତର ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଭଣ୍ଡାରିପୋଖରୀ ଥାନା ଅଞ୍ଚଳର ଜନୈକ ମହିଳା ଜାଗର ପାଇଁ ନିକଟସ୍ଥ ଶିବ ମନ୍ଦିରକୁ ଯାଇଥିଲେ ।
ଦର୍ଶନ ସାରି ଫେରୁଥିବା ବେଳେ ଦୁଇ ଜଣ ଯୁବକ ତାଙ୍କୁ ରାସ୍ତା ଉପରୁ ଉଠାଇ ନେଇ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ମହିଳାଙ୍କ ଚିତ୍କାର ଶୁଣି ସ୍ଥାନୀୟ ଲୋକ ତାଙ୍କୁ ଉଦ୍ଧାର କରିଥିଲେ । ଏବେ ମହିଳାଙ୍କ ସ୍ୱାସ୍ଥ୍ୟାବସ୍ଥା ଭଲ ଥିବା ବେଳେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ମୋହୋନା: ପୋଖରୀରେ ବୁଡ଼ି ମାଟ୍ରିକ୍ ପରୀକ୍ଷାର୍ଥିଙ୍କ ମୃତ୍ୟୁ । ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଗୋବିନ୍ଦପୁର ଗାଁରେ ଏହି ଅଘଟଣ ଘଟିଛି । ମୃତ ଛାତ୍ର ଜଣକ ହେଲେ ନାରାୟଣ ମଲ୍ଲିକ ।
ମାଟ୍ରିକ ପରୀକ୍ଷା ଦେବାକୁ ଯିବା ପୂର୍ବରୁ ଗାଁ ନିକଟ ବଟବନ୍ଧକୁ ଗାଧୋଇବା ପାଇଁ ଯାଇଥିଲେ । ସେଠାରେ ଅସାବଧାନତା ଯୋଗୁ ପାଣିରେ ବୁଡି ଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକ ଉଦ୍ଧାର କରି ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମୋହନା ପୋଲିସ ପହଞ୍ଚି ତଦନ୍ତ ଚଳାଇଛି ।
ଭୁବନେଶ୍ୱର: ଭୁବନେଶ୍ୱର ଏମ୍ସରେ ହିନ୍ଦୀ ଭାଷା କାର୍ଯ୍ୟକାରିତାକୁ ବିଜେଡିର ବିରୋଧ । ଏମ୍ସ ନିର୍ଦ୍ଦେଶକଙ୍କୁ ଦାବିପତ୍ର ଦେଲା ବିଜେଡି । ଦଳର ସାଂସଦ ଓ ବିଧାୟକମାନେ ଭୁବନେଶ୍ୱର ଏମ୍ସ ନିର୍ଦ୍ଦେଶକଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଭୁବନେଶ୍ୱର ଏମ୍ସରେ ଚିକିତ୍ସିତ ହେଉଥିବା ଅଧିକାଂଶ ଲୋକ ଓଡ଼ିଆ । ଯେଉଁମାନେ ଓଡ଼ିଆ କୁହନ୍ତି ଓ ବୁଝନ୍ତି । ତେଣୁ, ଏମ୍ସର ସବୁ କାର୍ଯ୍ୟ ଓଡ଼ିଆରେ କରିବାକୁ ବିଜେଡି ସାଂସଦ ଓ ବିଧାୟକମାନେ ଦାବି କରିଛନ୍ତି ।
ହିନ୍ଦୀ ଭାଷାରେ ଭୁବନେଶ୍ୱର ଏମ୍ସର ସମସ୍ତ ପ୍ରଶାସନିକ କାର୍ଯ୍ୟ ଓ ଆଲୋଚନା କରିବାକୁ ଗତ ୨୦ ତାରିଖରେ ନୋଟିସ୍ ପ୍ରକାଶ ପାଇଥିଲା । ଯାହାକୁ ବିଜେଡି ପକ୍ଷରୁ ବିରୋଧ କରାଯାଇଛି । ହିନ୍ଦୀକୁ ଜୋରଜବରଦସ୍ତ ଓଡ଼ିଆ ଲୋକଙ୍କୁ ଉପରେ ଲଦି ଦିଆଯାଉଥିବା ଦଳ ଅଭିଯୋଗ କରିଛି । ଦଳ ଏ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଦୃଷ୍ଟି ଆକର୍ଷଣ କରିଛି ।
ତୁରନ୍ତ ନୋଟିସକୁ ପ୍ରତ୍ୟାହାର କରିବାକୁ ଦାବି କରାଯାଇଛି । ଏଥିସହ ଓଡ଼ିଆ ଭାଷାରେ ସମସ୍ତ କାର୍ଯ୍ୟ ହେଲେ ଲୋକ ଚିକିତ୍ସା ସେବାର ସମ୍ପୂର୍ଣ୍ଣ ଲାଭ ଉଠାଇ ପାରିବେ ବୋଲି କୁହାଯାଇଛି ।
ଭୁବନେଶ୍ୱର ଏମ୍ସର ନିର୍ଦ୍ଦେଶନାମା ବିରୋଧରେ କେନ୍ଦ୍ରକୁ ଅବଗତ କରାଇବ ବିଜେଡି
