ଚଣ୍ଡିଖୋଲ: ଜାତୀୟ ରାଜପଥ-୧୬ ବଡ଼ଚଣା ଛକ ନିକଟରେ ଦୁର୍ଘଟଣା । ବାଇକକୁ ପଛ ପଟୁ ଧକ୍କାଦେଲା ସ୍କର୍ପିଓ, ୨ ମୃତ । ମୃତକ ଟାଙ୍ଗୀ ଅଞ୍ଚଳର ସୂଚନା ।
ନୂଆ ବର୍ଷରେ ମହଙ୍ଗା ମାଡ଼, ଟ୍ରେନ୍ ଭଡ଼ା ବଢ଼ାଇଲେ କେନ୍ଦ୍ର ସରକାର
ନୂଆଦିଲ୍ଲୀ: ନୂଆ ବର୍ଷରେ ମହଙ୍ଗା ମାଡ଼ । ଟ୍ରେନ୍ ଭଡ଼ା ବୃଦ୍ଧି କଲେ କେନ୍ଦ୍ର ସରକାର । ମେଲ୍, ଏକ୍ସପ୍ରେସ ଟ୍ରେନ୍ ସହ ସାଧାରଣ ଟ୍ରେନ୍ ଭଡ଼ାରେ ବୃଦ୍ଧି କରାଯାଇଛି । ଏହି ଭଡ଼ା ଜାନୁଆରୀ ୧ ତାରିଖ ଅର୍ଥାତ୍ ଆସନ୍ତାକାଲି ଠାରୁ ଲାଗୁ ହେବ । ସାରାଦେଶରେ ବର୍ଦ୍ଧିତ ଭଡ଼ା ଲାଗୁ ହେବାନେଇ ରେଲୱେ ପକ୍ଷରୁ ସୂଚନା ଦିଆଯାଇଛି ।
Ministry of Railways revises the basic passenger fare as per revised passenger fare table published by Indian Railway Conference Association (IRCA), effective from January 1, 2020. pic.twitter.com/SFlDt0bIv1
— ANI (@ANI) December 31, 2019
ଅଣ ଶୀତତାପ ନିୟନ୍ତ୍ରିତ ମେଲ୍, ଏକ୍ସପ୍ରେସ ଟ୍ରେନରେ କିଲୋମିଟର ପିଛା ଭଡ଼ା ୨ ପଇସା ବୃଦ୍ଧି ପାଇଛି । ଶୀତତାପ ନିୟନ୍ତ୍ରିତ କ୍ଲାସରେ ଭଡ଼ା କିଲୋମିଟର ପିଛା ୪ ପଇସା ବୃଦ୍ଧି ହୋଇଛି । ଶତାବ୍ଦୀ ସହ ରାଜଧାନୀ ଟ୍ରେନରେ ଆସନ୍ତାକାଲି ଠାରୁ ବର୍ଦ୍ଧିତ ଭଡ଼ା ଲାଗୁ ହେବ ।
ମୁମ୍ବାଇରେ ଚାଲୁଥିବା ଲୋକାଲ ଟ୍ରେନ୍ ଭଡ଼ା ଅପରିବର୍ତ୍ତି ରହିଛି । ତା’ଛଡ଼ା ସାଧାରଣ ଅଣ ଶୀତତାପ ନିୟନ୍ତ୍ରିତ ଟ୍ରେନର ଭଡ଼ା ମଧ୍ୟ ବଢ଼ିଛି । ସାଧାରଣ ଟ୍ରେନ୍ ଭଡ଼ା କିଲୋମିଟର ପିଛା ୧ ପଇସା ବୃଦ୍ଧି କରିଛି ଭାରତୀୟ ରେଳବାଇ ।
ଭାରତୀୟ ରେଲୱେ ସିଜିନ୍ ଟିକେଟଧାରୀ ଓ ପାସଧାରୀଙ୍କ ଟିକେଟ ଦରରେ କୌଣସି ବୃଦ୍ଧି କରିନାହିଁ । ଶେଷଥର ପାଇଁ ସରକାର ୨୦୧୪-୧୫ରେ ଟ୍ରେନ୍ ଭଡ଼ା ବଢ଼ାଇଥିଲେ । ପୁଣି ୫ ବର୍ଷ ପରେ ଭଡ଼ା ବୃଦ୍ଧି ପାଇଛି । 
ବନ୍ଦେ ମାତରମ୍, ହମସଫର ଏକ୍ସପ୍ରେସ୍, ରାଜଧାନୀ ଏକ୍ସପ୍ରେସ, ଦୁରନ୍ତୋ, ଗରିବ ରଥ, ରାଜ୍ୟ ରାଣୀ, ଜନ ଶତାବ୍ଦୀ, ସୁବିଧା, ଯୁବ ଓ ସ୍ୱତନ୍ତ୍ର ଟ୍ରେନର ଭଡ଼ା ମଧ୍ୟ ବୃଦ୍ଧି ପାଇବ ।
In order to expand passenger amenities and facilities at Railway stations and in trains, it has become imperative to increase the train fare marginally without over burdening any class of passengers. Fast modernization of Indian Railway will be achieved through this fare revision pic.twitter.com/OXBEq0PSdl
— Ministry of Railways (@RailMinIndia) December 31, 2019
ନୂଆଦିଲ୍ଲୀ: ବଢ଼ିଲା ଟ୍ରେନ୍ ଭଡ଼ା । ମେଲ୍, ଏକ୍ସପ୍ରେସ ଅଣଶୀତତାପନିୟନ୍ତ୍ରିତ ଟ୍ରେନରେ କିଲୋମିଟର ପିଛା ୨ ପଇସା । ଏସି କ୍ଲାସରେ କିିଲୋମିଟର ପିଛା ୪ ପଇସା ବୃଦ୍ଧି । ଶତାବ୍ଦୀ ସହ ରାଜଧାନୀ ଟ୍ରେନରେ ଜାନୁଆରୀ ୧ରୁ ଲାଗୁ ହେବ ବର୍ଦ୍ଧିତ ଭଡ଼ା ।
ନୂଆଦିଲ୍ଲୀ: ବଢ଼ିଲା ଟ୍ରେନ୍ ଭଡ଼ା । ମେଲ୍, ଏକ୍ସପ୍ରେସ ଅଣଶୀତତାପନିୟନ୍ତ୍ରିତ ଟ୍ରେନରେ କିଲୋମିଟର ପିଛା ୨ ପଇସା । ଏସି କ୍ଲାସରେ କିିଲୋମିଟର ପିଛା ୪ ପଇସା ବୃଦ୍ଧି । ଶତାବ୍ଦୀ ସହ ରାଜଧାନୀ ଟ୍ରେନରେ ଜାନୁଆରୀ ୧ରୁ ଲାଗୁ ହେବ ବର୍ଦ୍ଧିତ ଭଡ଼ା ।
#Breaking ନୂଆଦିଲ୍ଲୀ: ବଢ଼ିଲା ଟ୍ରେନ୍ ଭଡ଼ା । ମେଲ୍, ଏକ୍ସପ୍ରେସ ଅଣଶୀତତାପନିୟନ୍ତ୍ରିତ ଟ୍ରେନରେ କିଲୋମିଟର ପିଛା ୨ ପଇସା । ଏସି କ୍ଲାସରେ କିିଲୋମିଟର ପିଛା ୪ ପଇସା ବୃଦ୍ଧି । ଶତାବ୍ଦୀ ସହ ରାଜଧାନୀ ଟ୍ରେନରେ ଜାନୁଆରୀ ୧ରୁ ଲାଗୁ ହେବ ବର୍ଦ୍ଧିତ ଭଡ଼ା ।#TrainFare #Hike #India #Odisha #NandighoshaTv pic.twitter.com/lmyhZ6enJd
— NandighoshaTV (@NandighoshaTV) December 31, 2019
ନୂଆବର୍ଷରେ ନୂଆ ସଭାପତି ପାଇବ ରାଜ୍ୟ ବିଜେପି
ଭୁବନେଶ୍ୱର: ନୂଆବର୍ଷରେ ନୂଆ ସଭାପତି ପାଇବ ରାଜ୍ୟ ବିଜେପି । ଏଥିଲାଗି ବିଜେପି ଶିବିରରେ ଜୋରଦାର କସରତ ଚାଲିଛି । ଦୁଇଜଣ କେନ୍ଦ୍ରୀୟ ପର୍ଯ୍ୟବେକ୍ଷକ ଓଡ଼ିଶାରେ ପହଞ୍ଚି ନିର୍ବାଚନ ପ୍ରକ୍ରିୟାର ସମୀକ୍ଷା କରୁଛନ୍ତି । ତେବେ ନିର୍ବାଚନ ନା ସହମତିରେ ରାଜ୍ୟ ବିଜେପି ସଭାପତି ଚୟନ କରାଯିବ, ତାକୁ ନେଇ ଲାଗି ରହିଛି ଦ୍ୱନ୍ଦ୍ୱ ।
କିଏ ହେବେ ରାଜ୍ୟ ବିଜେପିର ପରବର୍ତ୍ତି ସଭାପତି । କାହାକୁ ମଙ୍ଗ ଧରାଇବେ ଦଳର କେନ୍ଦ୍ରୀୟ ନିର୍ବାଚନ ଅଧିକାରୀ । ଏନେଇ ବିଜେପିରେ ଜାରି ରହିଛି ବିଚାରବିମର୍ଶ । ସପ୍ତାହେ ଭିତରେ ରାଜ୍ୟ ବିଜେପିର ନୂଆ ମଙ୍ଗୁଆଳ ପାଇଁ ଓଡ଼ିଶାରେ ଦୁଇଜଣ କେନ୍ଦ୍ରୀୟ ପର୍ଯ୍ୟବେକ୍ଷକ ପହଞ୍ଚି ପୂରା ପ୍ରକ୍ରିୟାର ସମୀକ୍ଷା କରୁଛନ୍ତି । ଏହାପରେ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ରାଜୀବ ପ୍ରତାପ ରୁଡ୍ଡି, କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂହ ତୋମାର ନୂଆ ସଭାପତିଙ୍କ ନାଁ ଘୋଷଣା କରିବେ । ତେବେ ନିର୍ବାଚନ ହେବ ନା ସହମତିରେ ଚୟନ ହେବ, ତାକୁ ନେଇ ଦ୍ୱନ୍ଦ୍ୱ ଜାରି ରହିଛି । କାରଣ ଏଯାଏ ଦଳର ଭୁବନେଶ୍ୱର ଓ କଳାହାଣ୍ଡି ଜିଲ୍ଳ। ନିର୍ବାଚନ ହୋଇନାହିଁ । ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ସଭାପତି ଦୌଡ଼ରେ ଥିବାରୁ କିଛିଟା ଦ୍ୱନ୍ଦ୍ୱ ରହିଛି । ତେବେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ କହିଛନ୍ତି, ସହମତି ଭିତ୍ତିରେ ସଭାପତି ଚୟନ ପାଇଁ ଚେଷ୍ଟା କରାଯାଉଛି ।
ବିଜେପି ରାଜ୍ୟ ସଭାପତି ଦୌଡ଼ରେ ସମୀର ମହାନ୍ତି, କନକବର୍ଦ୍ଧନ ସିଂହଦେଓ, ପୃଥ୍ୱୀରାଜ ହରିଚନ୍ଦନ, ବିଷ୍ଣୁ ସେଠୀ ଓ ଅପରାଜିତା ଷଡ଼ଙ୍ଗୀଙ୍କ ନାଁ ଅଛି । ଏମାନଙ୍କୁ ମଧ୍ୟରୁ କାହାକୁ ଦଳ ସଭାପତି କରିବ, ସେନେଇ ଭୁବନେଶ୍ୱରରୁ ଦିଲ୍ଲୀ ଯାଏ ଚାଲିଛି ମାନସମନ୍ଥନ । ଜୁଲାଇ ୬ରୁ ଆରମ୍ଭ ହୋଇଥିବା ନିର୍ବାଚନ ପ୍ରକ୍ରିୟାରେ ଏବେ ସୁଦ୍ଧା ୩୭ ହଜାର ବୁଥ୍ରୁ ୨୭ ହଜାରୁ ଅଧିକ ବୁଥ୍ରେ ନିର୍ବାଚନ ସରିଛି । ସେହିପରି ୩୬ ଟି ଜିଲ୍ଲାରୁ ୩୭ ଜିଲ୍ଲା ଓ ୧୦୦୪ ମଣ୍ଡଳରୁ ୯୦୦ ମଣ୍ଡଳରେ ନିର୍ବାଚନ ସରିଛି ।
ନୂଆ ସଭାପତିଙ୍କୁ ବିଜେପି ରାଜ୍ୟ ପରିଷଦର ୧୩୬ ଜଣ ସଦସ୍ୟ ଓ ଜିଲ୍ଲାସଭାପତିମାନେ ଚୟନ କରିବେ । ଯେଉଁ ୫ ଜଣଙ୍କ ନାଁ ଚର୍ଚ୍ଚା ରେ ଅଛି, ସେମାନଙ୍କ ମଧ୍ୟରୁ କନକବର୍ଦ୍ଧନ ସିଂହଦେଓ ଓ ସମୀର ମହାନ୍ତି ରେସ୍ର ଆଗରେ ରହିଛନ୍ତି ।
ଆତସବାଜୀରେ ରଙ୍ଗୀନ ଅକଲାଣ୍ଡର ଆକାଶ, ଅଷ୍ଟ୍ରେଲିଆରେ ଅପୂର୍ବ ଉତ୍ସାହ
ନୂଆଦିଲ୍ଲୀ: ନୂଆ ବର୍ଷ, ନୂଆ ଉତ୍ସାହ, ନୂଆ ଉଦ୍ଦୀପନା । ଅକଲାଣ୍ଡ ପରେ ଅଷ୍ଟ୍ରେଲିଆରେ ନବବର୍ଷକୁ ନେଇ ଆନନ୍ଦ ଉଲ୍ଲାସ । ଭାରତୀୟ ସମୟ ଅପରାହ୍ଣ ୪ଟା ୩୦ରେ ଅକଲାଣ୍ଡରେ ନୂଆବର୍ଷ ଛୁଇଁଛି । ଅକଲାଣ୍ଡ ନ୍ୟୁଜିଲାଣ୍ଡରେ ଅବସ୍ଥିତ । ପ୍ରତିବର୍ଷ ପ୍ରଥମେ ଏଠାରେ ନୂଆବର୍ଷ ମନା ଯାଇଥାଏ ।
କାରଣ ଏଠାକାର ସମୟ ଭାରତର ସମୟ ଠାରୁ ୭ ଘଣ୍ଟା ୩୦ ମିନିଟ୍ ଆଗୁଆ । ନ୍ୟୁଜିଲାଣ୍ଡର ଅକଲାଣ୍ଡ ସହର ସ୍କାଏ ଟାୱାରରେ ଆୟୋଜିତ କାର୍ଯ୍ୟକ୍ରମ ସମସ୍ତଙ୍କ ମନ ଜିଣିଛି । ରଙ୍ଗାରଙ୍ଗ କାର୍ଯ୍ୟକ୍ରମ ସହ ଆତସବାଜୀରେ ରଙ୍ଗୀନ ହୋଇଛି ଅକଲାଣ୍ଡର ଆକାଶ ।
#NewYear ଅକଲାଣ୍ଡରେ ନବବର୍ଷ ପାଳନ । ରଙ୍ଗାରଙ୍ଗ କାର୍ଯ୍ୟକ୍ରମ ସହ ଆତସବାଜୀରେ ଝଲସି ଉଠିଲା ଅକଲାଣ୍ଡ । #Auckland #NandighoshaTv pic.twitter.com/yy5VUmmgKT
— NandighoshaTV (@NandighoshaTV) December 31, 2019
ନ୍ୟୁଜିଲାଣ୍ଡ ପରେ ଅଷ୍ଟ୍ରେଲିଆରେ ଆନନ୍ଦ ଆଣି ଦେଇଛି ୨୦୨୦ । ଭାରତୀୟ ସମୟ ସାଢ଼େ ୬ଟାରେ ଅଷ୍ଟ୍ରେଲିଆରେ ନୂଆବର୍ଷ ପାଳନ ହୋଇଛି । ଆତସବାଜୀରେ ରଙ୍ଗୀନ ହୋଇ ଉଠିଛି ସିଡନୀର ଆକାଶ । ହାର୍ବର ଓ ଔପେରା ହାଉସରେ ଉତ୍ସବ ମନାଯାଇଛି ।
ଭାରତରେ ନୂଆବର୍ଷ ଛୁଇଁବାକୁ ଆଉ ଅଳ୍ପ କିଛି ସମୟ ବାକି ଅଛି । ଏଥିପାଇଁ ଦେଶବ୍ୟାପୀ ସବୁଠି ପ୍ରସ୍ତୁତି ସରିଛି । ପ୍ରସ୍ତୁତ ହୋଇ ରହିଛି ବିଭିନ୍ନ ହୋଟେଲ । ନୂଆବର୍ଷ ପାଇଁ ଗୋଆ ବିଚ୍ ସମସ୍ତଙ୍କ ପ୍ରଥମ ପସନ୍ଦ ପାଲଟିଛି ।
#NewYear #ଅକଲାଣ୍ଡ ପରେ #ଅଷ୍ଟ୍ରେଲିଆ ଛୁଇଁଲା #ନୂଆବର୍ଷ#Auckland #Australia #India #NandighoshaTv pic.twitter.com/8TXYZlDeXj
— NandighoshaTV (@NandighoshaTV) December 31, 2019
୨୦୨୦ରେ ତିନି ପ୍ରମୁଖ ରାଜନୈତିକ ଦଳଙ୍କ ଚ୍ୟାଲେଞ୍ଜ କଣ ?
ଭୁବନେଶ୍ୱର: ବର୍ଷ ୨୦୨୦ ହେବ ସବୁ ରାଜନୈତିକ ଦଳ ପାଇଁ ଚ୍ୟାଲେଞ୍ଜର ବର୍ଷ । ନୂଆବର୍ଷ ସଫଳତାର ବର୍ଷ ହେବ ବୋଲି ପୂର୍ବାନୁମାନ କରିଛନ୍ତି ରାଜ୍ୟର ୩ ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ । ବିଜେପି ଓ ବିଜେଡି ପାଇଁ ସାଂଗଠନିକ ନିର୍ବାଚନ ବଡ଼ ଚ୍ୟାଲେଞ୍ଜ ହୋଇଥିବା ବେଳେ କଂଗ୍ରେସକୁ ଘାରିଛି ଗୋଷ୍ଠୀ କନ୍ଦଳର ସମାଧାନ ଚିନ୍ତା ।
ବର୍ଷ ୨୦୨୦ ଓଡ଼ିଶା ରାଜନୀତିରେ ନୂଆ ଚ୍ୟାଲେଞ୍ଜ ଆଣିବ । ଆଶଙ୍କା ଓ ସମ୍ଭାବନାର ବର୍ଷ ହେବ ୨୦୨୦ । ରାଜ୍ୟର ୩ ପ୍ରମୁଖ ରାଜନୈତିକ ଦଳ ନୂଆବର୍ଷରେ ନୂଆ ଚ୍ୟାଲେଞ୍ଜର ସମ୍ମୁଖୀନ ହେବାକୁ ଯାଉଛନ୍ତି । ବିଜେଡି ପାଇଁ ବଡ଼ ଚ୍ୟାଲେଞ୍ଜ ସାଂଗଠନିକ ନିର୍ବାଚନ । ଫେବ୍ରୁଆରୀ ଶେଷ ବେଳକୁ ସାଂଗଠନିକ ନିର୍ବାଚନ ଶେଷ କରିବା ଦଳ ପାଇଁ ଚ୍ୟାଲେଞ୍ଜ । ସେହିପରି ପୌର, ମହାନଗର ଓ ସମବାୟ ନିର୍ବାଚନ ଲାଗି ଦଳ ତୃଣମୂଳରୁ ଅଧିକ ପ୍ରସ୍ତୁତ ରହିବ । ସରକାରଙ୍କ ଲୋକାଭିମୁଖୀ କାର୍ଯ୍ୟକ୍ରମକୁ ଲୋକଙ୍କ ପାଖରେ ପହଞ୍ଚଇବା ଓ କେନ୍ଦ୍ରଠାରୁ ଓଡ଼ିଶାର ନ୍ୟାଯ୍ୟ ଦାବି ହାସଲ କରିବା ହେଉଛି ବିଜେଡି ପାଇଁ ଚ୍ୟାଲେଞ୍ଜ ।
୨୦୨୦ରେ ବିଜେପି ପାଇଁ ଚ୍ୟାଲେଞ୍ଜ ହେଉଛି, ସାଂଗଠନିକ ନିର୍ବାଚନ ଶେଷ କରି ସହମତିରେ ରାଜ୍ୟ ସଭାପତି ଚୟନ । ମହାନଗର ନିଗମ, ପୌର ଓ ସମବାୟ ନିର୍ବାଚନରେ ଅଧିକ ସିଟ୍ରେ ବିଜୟ ଲାଭ, ୩୭ ହଜାର ବୁଥ କମିଟି ଗଠନ ସହ ପ୍ରତ୍ୟେକ ଅଞ୍ଚଳରେ ସଂଗଠନକୁ ମଜବୁତ କରିବା, ବିଧାନସଭା ଭିତରେ ଓ ବାହାରେ ସ୍ୱର ଶାଣିତ କରିବା ହେଉଛି ବିଜେପି ପାଇଁ ନୂଆବର୍ଷର ଚ୍ୟାଲେଞ୍ଜ ।
କଂଗ୍ରେସ ପାଇଁ ମଧ୍ୟ ବିଭିନ୍ନ ଚ୍ୟାଲେଞ୍ଜ ରହିଛି । ଜାନୁଆରୀ ଶେଷ ସୁଦ୍ଧା ବ୍ଲକ୍, ଜିଲ୍ଲା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଚୟନ ସହ ୩ ଛାମୁଆ ସଂଗଠନ ଯୁବ, ମହିଳା ଓ ଛାତ୍ର କଂଗ୍ରେସ ସଭାପତି ନାଁ ଘୋଷଣା, ଦଳରେ ଅନ୍ତଦ୍ୱନ୍ଦ୍ୱ ଦୂର, କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ଜନମତ ସୃଷ୍ଟି, ମହାନଗର ନିଗମ, ପୌର ଓ ସମବାୟ ନିର୍ବାଚନରେ ଭଲ ପ୍ରଦର୍ଶନ କଂଗ୍ରେସ ଲାଗି ୨୦୨୦ରେ ବଡ଼ ଚ୍ୟାଲେଞ୍ଜ ହେବ ।
ନୂଆ ଆଶା ଓ ନୂଆ ସମ୍ଭାବନା ନେଇ ୨୦୨୦ରେ ୩ ରାଜନୈତିକ ଦଳ ଚ୍ୟାଲେଞ୍ଜକୁ କିପରି ସାମ୍ନା କରୁଛନ୍ତି ତାହା ଦେଖିବାକୁ ଅପେକ୍ଷା ।
୨୦୧୯ର ଶେଷ ଦିନରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳାଙ୍କ ବଡ଼ ଘୋଷଣା
ନୂଆଦିଲ୍ଲୀ: ୨୦୧୯ ବର୍ଷର ଅନ୍ତିମ ଦିନରେ କେନ୍ଦ୍ର ଅର୍ଥମନ୍ତ୍ରୀଙ୍କ ବଡ଼ ଘୋଷଣା । ଭିତ୍ତିଭୂମି କ୍ଷେତ୍ରର ବିକାଶ ସହ ଅର୍ଥନୀତି ଅଭିବୃଦ୍ଧି ପାଇଁ ସରକାର ଘୋଷଣା କରିଛନ୍ତି । ୫ ଟ୍ରିଲିୟନ ଡଲାର ଅର୍ଥନୀତି କରିବା ପାଇଁ ଆଗାମୀ ୫ ବର୍ଷରେ ୧୦୨ ଲକ୍ଷ କୋଟି ଟଙ୍କା ଖର୍ଚ୍ଚ କରିବାକୁ ସରକାର ଯୋଜନା କରିଛନ୍ତି ।ସ୍ୱାଧୀନତା ଦିବସରେ ଭିତ୍ତିଭୂମି କ୍ଷେତ୍ରରେ ୧୦୦ ଲକ୍ଷ କୋଟି ନିବେଶ କଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ । ସାମ୍ବାଦିକ ସମ୍ମିଳନୀ କରି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି । ଏଥିସହ ୩ ଲକ୍ଷ କୋଟି ଟଙ୍କା ଅନ୍ୟ ଯୋଜନା ପାଇଁ ରଖାଯିବ ।
୫ ବର୍ଷ ମଧ୍ୟରେ ଭିତ୍ତିଭୂମି କ୍ଷେତ୍ରରେ ୧୦୦ ଲକ୍ଷ କୋଟି ନିବେଶ କରାଯିବ । ଏଥିପାଇଁ ଗଠିତ ଟାସ୍କ ଫୋର୍ସ ୧୦୨ ଲକ୍ଷ କୋଟିର ପ୍ରୋଜେକ୍ଟ ଚିହ୍ନଟ କରିଛି । ଏଥିସହ ଅଲଗା ଅଲଗା ଭାବେ ସରକରା ୭୦ ଷ୍ଟେକହୋଲ୍ଡର୍ସଙ୍କ ସହ ଆଲୋଚନା କରିଛନ୍ତି । ଏଥିପାଇଁ ଗତ ୪ ମାସ ମଧ୍ୟରେ ପ୍ରାୟ ୭୦ଟି ବୈଠକ କରାଯାଇଥିବା ନିର୍ମଳା କହିଛନ୍ତି । ବିଗତ ୬ ବର୍ଷ ହେଲା ଆମ ସରକାରଙ୍କ ଫୋକସ ଭିତ୍ତିଭୂମି ଉପରେ ଥିଲା ।
ବିଦ୍ୟୁତ୍ କ୍ଷେତ୍ର ପାଇଁ ୨୫ ଲକ୍ଷ କୋଟି । ସଡ଼କ ନିର୍ମାଣ ପାଇଁ ୨୦ ଲକ୍ଷ କୋଟି । ରେଳ ପାଇଁ ୧୪ ଲକ୍ଷ କୋଟିର ଯୋଜନା କରାଯାଉଛି । ଏତଦବ୍ୟତୀତ ଜଳସେଚନ, ପରିବହନ, ଶିକ୍ଷା, ସ୍ୱାସ୍ଥ୍ୟ, ଜଳ ଓ ଡିଜିଟାଲ କ୍ଷେତ୍ର ପାଇଁ ମଧ୍ୟ ଯୋଜନା କରାଯାଇଥିବା କେନ୍ଦ୍ର ଅର୍ଥମନ୍ତ୍ରୀ ସୂଚନା ଦେଇଛନ୍ତି ।
An annual global investors meet to be organized where Centre and States will get to meet all the investors and to talk to them about infrastructure opportunities : Union Finance Minister @nsitharaman at the release of #NIP report. pic.twitter.com/Mq8jorVgud
— PIB India (@PIB_India) December 31, 2019
ଏଥିରେ ରାଜ୍ୟର ୩୯ ପ୍ରତିଶତ ଓ କେନ୍ଦ୍ରର ୩୯ ପ୍ରତିଶତ ସହଯୋଗ ରହିବ । ୨୨ ପ୍ରତିଶତ ନିବେଶ ଘରୋଇ କ୍ଷେତ୍ରରୁ ହେବ । ଗତ ୬ ବର୍ଷରେ ବିଭିନ୍ନ ଯୋଜନାରେ ୫୧ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇଥିବା ନିର୍ମଳା କହିଛନ୍ତି । ଏହି ଯୋଜନା ମାଧ୍ୟମରେ ଭାରତୀୟ ଅର୍ଥନୀତି ୫ ହଜାର ଅରବ ଡଲାର ହେବା ଦିଗରେ ସହଯୋଗ ମିଳିବ ବୋଲି କୁହାଯାଉଛି ।
ନୂଆବର୍ଷରେ ଜମ୍ମୁ-କଶ୍ମୀରବାସୀଙ୍କୁ ଭେଟି, ମଧ୍ୟ ରାତିରୁ ସ୍ୱାଭାବିକ ହେବ ମୋବାଇଲ ଓ ବ୍ରଡବ୍ୟାଣ୍ଡ ସେବା
ଜମ୍ମୁ-କଶ୍ମୀର: ନୂଆବର୍ଷରେ କଶ୍ମୀରବାସୀଙ୍କୁ ଉପହାର ଭେଟି । ମଙ୍ଗଳବାର ମଧ୍ୟ ରାତ୍ରୀରୁ ଘାଟିରେ ପୁଣିଥରେ ଏସ୍ଏମ୍ଏସ୍ ସେବା ଆରମ୍ଭ କରାଯିବା ସୂଚନା ଦେଇଛନ୍ତି ସରକାର । ଡିସେମ୍ବର ୩୧ ରାତି ୧୨ଟାରୁ ଜମ୍ମୁ-କଶ୍ମୀରରେ ଏସ୍ଏମ୍ଏସ୍ ସେବା ଲାଗୁ କରାଯିବ ବୋଲି ଜଣାପଡ଼ିଛି।
ସେଠାକାର ଲୋକେ ଏସ୍ଏମ୍ଏସ୍ ଜରିଆରେ ସମସ୍ତଙ୍କୁ ନୂଆବର୍ଷର ଶୁଭକାମନା ଜଣାଇବେ। ଏନେଇ ଜମ୍ମୁ-କଶ୍ମୀର ପ୍ରିନ୍ସିପାଲ ସେକ୍ରେଟାରୀ ରୋହିତ କାନସାଲ ସୂଚନା ଦେଇଛନ୍ତି।
ସୂଚନାଯୋଗ୍ୟ, ଜମ୍ମୁ-କଶ୍ମୀରରେ ଅନୁଚ୍ଛେଦ ୩୭୦ ହଟାଯିବା ପରେ ଘାଟିରେ ସୁରକ୍ଷା ଦୃଷ୍ଟିରୁ ଗତ ଅଗଷ୍ଟରୁ ଇଣ୍ଟରନେଟ ସେବା ଓ ଏସ୍ଏମ୍ଏସ୍ ସେବା ବନ୍ଦ କରିଦିଆଯାଇଥିଲା।
ଭୁବନେଶ୍ୱର: ଆସନ୍ତାକାଲି ପାଇଁ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍ ସମୟ ସୂଚୀରେ ପରିବର୍ତ୍ତନ । ଦିନ ୧୧ଟା ୩୫ ପରିବର୍ତ୍ତେ ଅପରାହ୍ଣ ୪ଟା ୩୦ରେ ଛାଡ଼ିବ ଟ୍ରେନ୍ । ଉତ୍ତର ଭାରତରେ ଘନ କୁହୁଡ଼ି ଓ ଅନ୍ୟ ସଂଯୋଗକାରୀ ଟ୍ରେନ୍ ବିଳମ୍ବରେ ଚାଲୁଥିବାରୁ ନିଷ୍ପତ୍ତି ।
ଭୁବନେଶ୍ୱର: ଆସନ୍ତାକାଲି ପାଇଁ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍ ସମୟ ସୂଚୀରେ ପରିବର୍ତ୍ତନ । ଦିନ ୧୧ଟା ୩୫ ପରିବର୍ତ୍ତେ ଅପରାହ୍ଣ ୪ଟା ୩୦ରେ ଛାଡ଼ିବ ଟ୍ରେନ୍ । ଉତ୍ତର ଭାରତରେ ଘନ କୁହୁଡ଼ି ଓ ଅନ୍ୟ ସଂଯୋଗକାରୀ ଟ୍ରେନ୍ ବିଳମ୍ବରେ ଚାଲୁଥିବାରୁ ନିଷ୍ପତ୍ତି ।
ନଅ ବର୍ଷ ପରେ ବଡ଼ପରଦାରେ ଡ୍ରିମ ଗାର୍ଲ
ମୁମ୍ବାଇ: ନିକଟରେ ସିମଲା ମିର୍ଚ୍ଚ୍ ଫିଲ୍ମର ଟ୍ରେଲର ରିଲିଜ୍ ହୋଇଛି । ଦୀର୍ଘ ୯ ବର୍ଷ ପରେ ବଡ଼ପରଦାରେ ଦେଖିବାକୁ ମିଳିବେ ବଲିଉଡର ଡ୍ରିମ ଗାର୍ଲ । ହେମାଙ୍କ ସହ ଏଥିରେ ଅଛନ୍ତି ରାଜକୁମାର ଓ ରକୁଲପ୍ରିତ୍ । ଟ୍ରେଲରରେ ସେ ରାଜକୁମାରଙ୍କ ସହ ରୋମାନ୍ସ କରୁଥିବାର ଦେଖିବାକୁ ମିଳିବେ ।
ଫିଲ୍ମର ଟ୍ରେଲର ମୁତାବକ ରାଜକୁମାର ବହୁ ଚେଷ୍ଟା କରି ମଧ୍ୟ ନିଜ ହୃଦୟର କଥା ମନର ମଣିଷକୁ କହିପାରୁନାହାନ୍ତି । ତେଣୁ ସେ ଚିଠି ସାହାଯ୍ୟରେ ନିଜ ମନକଥା କହିବାକୁ ଚାହୁଁଛନ୍ତି । ସେଇଠି ଆସୁଛି କାହାଣୀରେ ଟ୍ୱିଷ୍ଟ୍ । ଚିଠିଟି ପ୍ରେମିକା ପାଖକୁ ଯିବା ଆଗରୁ ପ୍ରେମିକାର ମା’ ହାତରେ ଲାଗିଯାଇଛି । ଏଥିସହ ପ୍ରେମିକାର ମା’ ମନେ ମନେ ରାଜକୁମାରଙ୍କୁ ଭଲ ପାଇ ବସିଛନ୍ତି ।
ଏହି କଠିନ ପରୀକ୍ଷାରୁ ରାଜକୁମାର ନିଜକୁ କେମିତି ବାହାର କରୁଛନ୍ତି, ତାହା କାହାଣୀରେ ଚିତ୍ରିତ ହୋଇଛି । ତେବେ ଫିଲ୍ମଟି ନୂଆବର୍ଷରେ ଆସନ୍ତା ଜାନୁଆରୀ ୩ରେ ରିଲିଜ୍ ହେବାକୁ ଯାଉଛି ।