ଖୋର୍ଦ୍ଧା: ମକର ସଂକ୍ରାନ୍ତି ପାଇଁ ଖୋର୍ଦ୍ଧା ଅଟ୍ରି ଉସ୍ମ ପ୍ରସବଣରେ ଶ୍ରଦ୍ଧାଳୁଙ୍କ ଭିଡ଼ ଲାଗିଛି । ଆଜିର ଦିନରେ ବନ୍ଧ୍ୟା ନାରୀ ଏହି ମାନସିକ କୁଣ୍ଡରୁ ଗୁଆଟିଏ ଖୋଜି ପାଇଲେ ପୁତ୍ରବତୀ ହୁଏ ବୋଲି ବିଶ୍ୱାସ ରହିଛି ।

ଏଥିପାଇଁ ବିଭିନ୍ନ ସ୍ଥାନରୁ ମାନସିକଧାରୀଙ୍କ ଭିଡ଼ ଦେଖିବାକୁ ମିଳିଛି । ଗୁଆଟିଏ ପାଇବା ପାଇଁ ଅନ୍ଧାର ରାତିରୁ ଭିଡ଼ ଲଗାଇଛନ୍ତି ଶ୍ରଦ୍ଧାଳୁ । ତେବେ କିଭଳି ରହିଛି ସେଠାକାର ପରିବେଶ ଆସନ୍ତୁ ଜାଣିବା ।

ଭୁବନେଶ୍ୱର: ଆଜି ବସିବ  ପ୍ରାକ୍‌ ବଜେଟ ପ୍ରସ୍ତୁତି ବୈଠକ ।  ଅର୍ଥମନ୍ତ୍ରୀଙ୍କ ଅଧ୍ୟକ୍ଷତାରେ ହେବ ମାନସ ମନ୍ଥନ । ଏଥିରେ ପୂର୍ବତନ ଅର୍ଥମନ୍ତ୍ରୀ, ପୂର୍ବତନ ଅର୍ଥସଚିବ, ଅର୍ଥନୈତିକ ବିଶେଷଜ୍ଞ, ଚାଟାର୍ଡ ଆକାଉଣ୍ଟାଣ୍ଟମାନେ ରାଜ୍ୟ ବଜେଟ ପାଇଁ ମତାମତ ଦେବେ । ମତାମତ ଆଧାରରେ ଅର୍ଥ ବିଭାଗ ବଜେଟ ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ କରିବ ।

ଏହାସହ ସାଧାରଣ ଲୋକଙ୍କ ଠାରୁ ମଧ୍ୟ ବଜେଟ ନେଇ ମତାମତ ସଂଗ୍ରହ କରିବ ଅର୍ଥବିଭାଗ ।  ସେପଟେ ବିଭିନ୍ନ କେନ୍ଦ୍ରୀୟ ଅନୁଦାନ କମିବା, କେନ୍ଦ୍ର ଠିକ ସମୟରେ ଅର୍ଥ ନଦେବା, ଜିଏସ୍‌ଟି କ୍ଷତିପୂରଣ ବାବଦରେ ଅର୍ଥରାଶି କେନ୍ଦ୍ର ନଦେବା ରାଜ୍ୟ ବଜେଟ ପାଇଁ ବି ବାଧକ ହୋଇଛି । ଯେହେତୁ ମାନ୍ଦାବସ୍ଥା ଜାରି ରହିଛି ତେଣୁ ବଜେଟ ଉପରେ ଏହା ପ୍ରଭାବ ନିଶ୍ଚିତ ରହିବ ବୋଲି ବିଶେଷଜ୍ଞ ମତ ଦେଇଛନ୍ତି ।

ପୁରୀ: ଆଜି ପବିତ୍ର ମକର ସଂକ୍ରାନ୍ତି  । ଆଜିଠୁ ସୂର୍ଯ୍ୟଙ୍କ ଉତ୍ତରାୟଣ ଗତି ଆରମ୍ଭ ହେବ । ଫଳରେ ଦିନ ବଢିବ ରାତି କମିବ । ସେପଟେ ମହାପ୍ରଭୁଙ୍କ ଦ୍ଵାଦଶ ଯାତ୍ରା ମଧ୍ୟରୁ ମକର ସଂକ୍ରାନ୍ତି ଅନ୍ୟତମ । ଏହି ଅବସରରେ ଶ୍ରୀମନ୍ଦିରରେ ଶ୍ରୀଜିଉଙ୍କ ବିଶେଷ ନୀତି ଅନୁଷ୍ଠିତ ହେବ । ମଙ୍ଗଳ ଆରତି, ଅବକାଶ ବେଶ, ଶୃଙ୍ଗାର, ଗୋପାଳ ବଲ୍ଲଭ, ଓ ସକାଳ ଧୂପ ପରେ  ଶ୍ରୀଜିଉମାନଙ୍କ ମହାସ୍ନ।ନ ଅନୁଷ୍ଠିତ ହେବ ।  ଏହାପରେ ନୂଆଲୁଗା ଓ ସର୍ବାଙ୍ଗ ଚନ୍ଦ ଲାଗି କରାଯିବ । ଚନ୍ଦନଲାଗି ପରେ ମହାପ୍ରଭୁଙ୍କ ମସ୍ତକରେ ମକର ଚୂଳ ଲାଗି ହେବ । ସମ୍ପୂର୍ଣ୍ଣ ନୀତି ଶେଷ ପରେ ମକର ଚାଉଳ ପ୍ରସ୍ତୁତ କରାଯାଇ ଶ୍ରୀଜିଉଙ୍କ ନିକଟରେ ଭୋଗ ଲଗାଯିବ ।

ପୌଷମାସ ଧନୁ ସଂକ୍ରାନ୍ତି ଠାରୁ ମା ଲକ୍ଷ୍ମୀ ବାପ ଘରକୁ ଯାଇ ଆଜି ଶ୍ରୀମନ୍ଦିରକୁ ପ୍ରତ୍ୟାବର୍ତ୍ତନ କରିବେ । ଏହି ପ୍ରତ୍ୟାବର୍ତ୍ତନ ବେଳେ ମା ସାଙ୍ଗରେ ଆଣିଥିବା ଭାରରେ ମକର ଚାଉଲ  ପସ୍ତୁତ କରାଯିବ । ମଧ୍ୟାନ୍ନ ଧୂପ ପରେ ମକର ବେଢା ଅନୁଷ୍ଠିତ  କରାଯାଇ ମକର ଚାଉଳକୁ ଶ୍ରୀଜିଉଙ୍କ ନିକଟରେ ଭଗୋ ଲଗାଯିବ ।