ବାଣୀବିହାର ପ୍ଳାଟିନମ୍ ଜୁବୁଲିର ଉଦ୍ଯାପନୀ ଉତ୍ସବରେ ରାଷ୍ଟ୍ରପତି: ରୁଷା ଭବନର କଲେ ଶିଳାନ୍ୟାସ
ଭୁବନେଶ୍ୱର: ଓଡ଼ିଶା ସାରା ଜଗତକୁ ଶାନ୍ତିର ବାର୍ତ୍ତା ଦେଇଛି । ଏହି ଭୂଖଣ୍ଡରେ ଛିଡ଼ା ହୋଇ ମୁଁ ନିଜକୁ ଭାଗ୍ୟବାନ ମଣୁଛି ବୋଲି କହିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।
ଉତ୍କଳ ବିଶ୍ୱବିଦ୍ୟାଳୟ ପ୍ଳାଟିନମ୍ ଜୁବୁଲି ଉଦ୍ଯାପନୀ ସମାରୋହରେ ମୁଖ୍ୟ ଅତିଥିଭାବେ ଯୋଗେଦଇ ରାଷ୍ଟ୍ରପତି କହିଛନ୍ତି, ୭୫ ବର୍ଷ ଭିତରେ ଉତ୍କଳ ବିଶ୍ୱବିଦ୍ୟାଳୟ ଶିକ୍ଷାର ମନ୍ଦିର ପାଲଟିଛି । ଏହି ବିଶ୍ୱବିଦ୍ୟାଳୟର ବହୁ ଛାତ୍ରଛାତ୍ରୀ ଦେଶକୁ ଗୌରବାନ୍ୱିତ କରିଛନ୍ତି ।
ଦେଶରେ ଉଚ୍ଚଶିକ୍ଷା କ୍ଷେତ୍ରରେ ଏହି ବିଶ୍ୱବିଦ୍ୟାଳୟ ପ୍ରମୁଖ ସ୍ଥାନ ନେବ । ୫ରୁ ୭ ବର୍ଷ ଭିତରେ ଏହା ଦେଶର ଅଗ୍ରଣୀ ଶିକ୍ଷାନୁଷ୍ଠାନ ହେବ ବୋଲି ଆଶା ବ୍ୟକ୍ତ କରିଛନ୍ତି ରାଷ୍ଟ୍ରପତି । ଏଥିସହ ବିଶ୍ୱବିଦ୍ୟାଳୟର ବିକାଶ ଲାଗି ଆଗେଇ ଆସିବାକୁ ପୂରାତନ ଛାତ୍ରଛାତ୍ରୀଙ୍କୁ ଆହ୍ୱାନ ଦେଇଛନ୍ତି ।
ଏହି ଅବସରରେ ରାଷ୍ଟ୍ରୀୟ ଉଚ୍ଚତର ଶିକ୍ଷା ଅଭିଯାନ (ରୁସା) ଭବନର ଶିଳାନ୍ୟାସ କରିଛନ୍ତି । ରାଷ୍ଟ୍ରପତି, ଦେଶର ପ୍ରଥମ ମହିଳା ସବିତା କୋବିନ୍ଦ, ରାଜ୍ୟପାଳ ପ୍ରଫେସର ଗଣେଶୀ ଲାଲ୍, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସମ୍ୱର୍ଦ୍ଧିତ କଲେ ଉତ୍କଳ ବିଶ୍ୱବିଦ୍ୟାଳୟ କୁଳପତି । ମନ୍ତ୍ରୀ ଅରୁଣ ସାହୁ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ ।
ଦୁଗ୍ଧଠାରୁ ଶରୀର ପାଇଁ ବେଶୀ ଉପକାରୀ ବିୟର୍!
ସାଧାରଣତଃ ବିଜ୍ଞାପନ ଅନୁସାରେ ଜଣାଇଦିଆଯାଏ ଯେ ଆଲକୋହଲ୍ ଶରୀର ପ୍ରତି ହିତକର ନୁହେଁ ବୋଲି । କିନ୍ତୁ ନିକଟରେ people for the ethical treatment of animals (ପେଟା) ଦ୍ୱାରା ହୋଇଥିବା ଏକ ଗବେଷଣାରୁ ଏହାକୁ ଭୁଲ୍ ବୋଲି ପ୍ରମାଣିତ କରାଯାଇଛି । ତେବେ ‘ପେଟା’ର କହିବା ଅନୁଯାୟୀ ଦୁଗ୍ଧ ତୁଳନାରେ ବିୟର ଅଧିକ ସ୍ୱାସ୍ଥ୍ୟକର ପାନୀୟ ।
ତେବେ ଆଗରୁ ଆମେ ଦୁଗ୍ଧର ଉପକାରିତା ସମ୍ବଦ୍ଧରେ ଜାଣିଥିଲୁ । ଏହା ଶରୀରର ବିକାଶରେ ସାହାର୍ଯ୍ୟ କରେ । ଏମିତିକି ଡାକ୍ତରଙ୍କ କହିବା ଅନୁସାରେ ଦିନକୁ ଆମକୁ ୨ ଗ୍ଲାସ୍ ଦୁଗ୍ଧ ସେବନ କରିବା ଆବଶ୍ୟକ ।
କ’ଣ କହୁଛି ଏହି ଗବେଷଣା-
ତେବେ ଗବେଷଣା ଅନୁଯାୟୀ ବିୟର୍ ଦୁଗ୍ଧ ତୁଳନାରେ ଅଧିକ ହିତକର । ଏହା ଆମ ଶରୀରର ହାଡ଼କୁ ସୁଦୃଢ କରିବା ସହ ଆମର ଜୀବନ ସୀମା ବୃଦ୍ଧି କରିଥାଏ । ଅନ୍ୟପଟେ ଦୁଗ୍ଧ ଆମ ଶରୀରରେ ମେଦବୃଦ୍ଧି, ମଧୁମେୟ, କର୍କଟ ଭଳି ରୋଗର କାରଣ ସାଜିଥାଏ ।
ବିୟର୍ ର ଉପକାରିତା-
ବିୟରର ଉପକାରିତାକୁ ନେଇ ପୋଟା ପକ୍ଷରୁ କରାଯାଉଥିବା ଦାବିକୁ କେହିଁ ଗ୍ରହଣ କରିନଥିଲେ ସୁଦ୍ଧା ନିଜ ମନ୍ତବ୍ୟକୁ ଅଟଳ ରହିଛି ‘ପେଟା’ ।
‘ବିୟର୍’ ଯେଉଁଥିରେ କି ଆଲ୍କହଲ୍ର ମାତ୍ରା ରହିଛି ତାହା ସ୍ୱାସ୍ଥ୍ୟପ୍ରତି ହିତ ହେବା କଥା ଲୋକଙ୍କୁ ଚକିତ କରିଛି । ଖାଦ୍ୟଶସ୍ୟ ଯଥା- ବାର୍ଲି, ଗହମ, ଚାଉଳ, ମକାରୁ ପ୍ରସ୍ତୁତ ପୁଷ୍ଟିକର ପାଦାର୍ଥ ବିୟରରେ ରହିଛି । ଏହାସହ ସେଥିରେ ୯୦ ପ୍ରତିଶତ ଜଳ, ଫାଇବର, ଆଇରନ, କ୍ୟାଲସିୟମ୍ ଭଳି ସ୍ୱାସ୍ଥପୋକାରୀ ପଦାର୍ଥ ରହିଛି । ଏହା ଏକ ଆଣ୍ଟି ଅକ୍ସିଡାଣ୍ଟ୍ ପାନୀୟ ।
ପାଇକ ବିଦ୍ରୋହ ସ୍ମାରକର ଶିଳାନ୍ୟାସ କଲେ ରାଷ୍ଟ୍ରପତି
ଖୋର୍ଦ୍ଧା ଜିଲ୍ଲା ବରୁଣେଇର ପାଦ ଦେଶରେ ରାଷ୍ଟ୍ରପତି ରାମନାଥ କୋବିନ୍ଦ ପାଇକ ବିଦ୍ରୋହ ସ୍ମାରକର ଶିଳାନ୍ୟାସ କରିଛନ୍ତି । ପାଇକ ମେମୋରିଆଲ ଫାଉଣ୍ଡେସନ ପକ୍ଷରୁ ଏଠାରେ ନିର୍ମାଣ କରାଯିବ ପାଇକ ବିଦ୍ରୋହ ସ୍ମାରକୀ । ଏହି କାର୍ଯ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଧର୍ମପତ୍ନୀ ସବିତା କୋବିନ୍ଦ, ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ, ଆନ୍ଧ୍ର ପ୍ରଦେଶର ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ, ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ର ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ପ୍ରହ୍ଲାଦ ସିଂହ ପଟେଲ, କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡ଼ଙ୍ଗୀ, ରାଜ୍ୟ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ପ୍ରମୁଖ ଉପସ୍ଥିତ ଅଛନ୍ତି।
ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଓ ଜଗବନ୍ଧୁଙ୍କ ନାଁରେ ଏକ୍ସପ୍ରେସ ଚଳାଇବାକୁ ଦାବି
ଭୁବନେଶ୍ୱର: ଓଡ଼ିଆ ଜାତି ସ୍ୱାଭିମାନୀ ଓ ବୀର ଜାତି । ବୀର ପାଇକମାନଙ୍କ ସାହସ ଯୁଦ୍ଧ କୌଶଳ ଯୋଗୁଁ ଓଡ଼ିଆ ଜାତି ଦିନେ ଗଙ୍ଗାଠାରୁ ଗୋଦାବରୀ ପର୍ଯ୍ୟନ୍ତ ଜୟ କରିଥିଲା । ସମ୍ରାଟ ଖାରବେଳ, ସମ୍ରାଟ କପିଳେନ୍ଦ୍ର ଦେବଙ୍କ ଦିଗ୍ବିଜୟ ଓଡ଼ିଆ ଜାତିର ଗୌରବ ବୃଦ୍ଧି କରିଥିଲା । ଅମର ବୀର ପାଇକମାନଙ୍କ ଦେଶଭକ୍ତି ବୀରତ୍ୱ ଏବଂ ସଂଗ୍ରାମ ଯୋଗୁଁ ଓଡ଼ିଶା ୧୮୦୩ ପର୍ଯ୍ୟନ୍ତ ଅଜେୟ ରହିଥିଲା । ୧୮୧୭ରେ ଓଡ଼ିଶା ପାଇକ ହିଁ ଆରମ୍ଭ କରିଥିଲେ ବ୍ରଟିସ ଶାସନ ବିରୋଧରେ ଦେଶର ପ୍ରଥମ ସଂଗ୍ରାମ । ପାଇକ ବିଦ୍ରୋହଥିଲା ବିଟ୍ରିସ ସରକାରଙ୍କ ବିରୋଧରେ ଗଣ ଆନ୍ଦୋଳନ । ଯେଉଁଥିରେ ସାରା ଓଡ଼ିଶା ସାମିଲ ହୋଇଥିଲା ।
ପାଇକ ବିଦ୍ରୋହ ସ୍ମାରକର ଭିତ୍ତିରସ୍ଥାପନ କାର୍ଯ୍ୟକ୍ରମରେ ଯୋଗ ଦେଇ ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ପାଇକମାନଙ୍କ ଏହି ସଂଗ୍ରାମକୁ ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ପ୍ରଦାନ ନେଇ ଦାବି କରିଆସୁଥିବା କହିଛନ୍ତି ମୁଖ୍ୟମନ୍ତ୍ରୀ । ଏଥିସହ ବକ୍ସି ଜଗବନ୍ଧୁଙ୍କ ନାଁରେ ସ୍ୱତନ୍ତ୍ର ଏକ୍ସେପ୍ରସ ଟ୍ରେନ୍ ଚଳାଇବା ନେଇ ଦାବି ଜଣାଇବା ସହ ମାନ୍ୟବର ରାଷ୍ଟ୍ରପତି ଆମର ଦାବି ପ୍ରତି ସୁବିଚାର କରିବେ ବୋଲି ଆଶାବ୍ୟକ୍ତ କରିଛନ୍ତି ।
ଏହି ଅବସରରେ ପାଇକ ବିଦ୍ରୋହର ମହାନାୟକ ବକ୍ସି ଜଗବନ୍ଧୁ ଓ ଅନ୍ୟ ପାଇକ ବୀରମାନଙ୍କ ସ୍ମୃତ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
ପାଇକ ବିଦ୍ରୋହ ସ୍ମାରକର ଶିଳାନ୍ୟାସ ପାଇଁ ଭାରତର ରାଷ୍ଟ୍ରପତି ରାମନାଥ କୋବିନ୍ଦ ଯୋଗଦେଇଥିବାରୁ ଖୁସି ବ୍ୟକ୍ତ କରିଥିଲେ ମୁଖ୍ୟମନ୍ତ୍ରୀ । ଭାରତ ସରକାରଙ୍କ ସଂସ୍କୃତି ବିଭାଗ ଓ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ ମିଳିତଭାବେ ଏହି କାର୍ଯ୍ୟ ହାତକୁ ନେଇଛନ୍ତି । ଏଣୁ ଭାରତ ସରକାରଙ୍କ ୨ ବିଭାଗର ମନ୍ତ୍ରୀମାନଙ୍କୁ ଧନ୍ୟବାଦ ଜଣାଇଥିଲେ । ଏହି ସ୍ମାରକୀ ପାଇଁ ରାଜ୍ୟ ସରକାର ଜମି ଯୋଗାଇଦେଇଛନ୍ତି । ଅନ୍ୟ ସବୁ ଭିତ୍ତିଭୂମି ସୁବିଧା ମଧ୍ୟ ଯୋଗାଇଦେଇଥିବା ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ।
ବାହା ହେବାକୁ କହି ଏମିତି କାମ କଲା ପ୍ରେମିକ
ଭଦ୍ରକ: ବିବାହର ପ୍ରତିଶ୍ରୁତି ଦେଇ ଦୁଷ୍କର୍ମର ଅଭିଯୋଗ । ଭଲ ପାଇବା ପରେ ପ୍ରେମିକ କରିଛି ପ୍ରତାରଣା । ଏଭଳି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ତ୍ରିଶଳପୁର ଗାଁରେ । ପୀଡ଼ିତାଙ୍କ ଅଭିଯୋଗ ପରେ ଅଭିଯୁକ୍ତ ପ୍ରେମିକକୁ ଗିରଫ କରାଯାଇଛି । ଅଭିଯୁକ୍ତ ଜଣଙ୍କ ହେଉଛନ୍ତି ତ୍ରିଶଳପୁର ଗାଁର ସୁଦର୍ଶନ ଲେଙ୍କାଙ୍କ ପୁଅ ପ୍ରମୋଦ ଲେଙ୍କା ।
ସୂଚନା ଅନୁଯାୟୀ, ପ୍ରମୋଦ ଲେଙ୍କା ୪ବର୍ଷ ହେବ ପୀଡ଼ିତାଙ୍କୁ ଭଲପାଉଥିଲେ । ବିବାହର ପ୍ରଲୋଭନ ଦେଖାଇ ପୀଡ଼ିତାଙ୍କ ସହ ବାରମ୍ବାର ଶାରିରୀକ ସମ୍ପର୍କ ରଖିଥିଲେ । ପୀଡ଼ିତା ଜଣକ ତାଙ୍କୁ ବିବାହ କରିବାକୁ କହିବାରୁ ସେ ବାରମ୍ବାର ଦିନ ଗଡ଼ାଇ ଚାଲିଥିଲେ । ଘରେ ବାହାଘର ପାଇଁ କଥା ଚାଲିଛି କହି ମିଛ ସତ କହି ଆସୁଥିଲେ ।
ଖାଲି ସେତିକି ନୁହେଁ, ଗତ ୫ ତାରିଖ ଦିନ ଭଦ୍ରକରେ କୋର୍ଟ ମ୍ୟାରେଜ କରିବାକୁ କିହିଥିଲେ ପ୍ରମୋଦ । ପରେ ଯୁବତୀଙ୍କୁ ଭଦ୍ରକ ବନ୍ତ ଛକ ନିକଟରେ ତାଙ୍କ ସମ୍ପର୍କୀୟଙ୍କ ଘରକୁ ନେଇ ପୀଡ଼ିତାଙ୍କ ଇଚ୍ଛା ବିରୁଦ୍ଧରେ ଶାରୀରିକ ସମ୍ପର୍କ ରଖିଥିଲେ । ତାର ଠିକ୍ ଦୁଇ ଦିନ ପରେ ପ୍ରମୋଦ ଫେରାର ହୋଇଯାଇଥିଲେ ।
ଏନେଇ ପୀଡ଼ିତାଙ୍କ ପରିବାର ଭଦ୍ରକ ଗ୍ରାମାଞ୍ଚଳ ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ପ୍ରେମିକକୁ ଗିରଫ କରିଛି ।
ତୃତୀୟ ଦିନରେ ଉଚ୍ଛେଦ କାର୍ଯ୍ୟ ଜାରି, ସୁରକ୍ଷିତ ରହିବ ଏମାର ମଠ ପିଣ୍ଡି
ପୁରୀ: ପୁରୀରେ ତୃତୀୟ ଦିନରେ ଉଛେଦ କାର୍ଯ୍ୟ ଜାରି ରହିଛି । ଏମାଆର ମଠର କିଛି ବାକି ରହିଥିବା ବ୍ୟବସାୟୀକ ପ୍ରତିଷ୍ଠାନ ଓ ମଙ୍ଗୁମଠରେ ଥିବା ବ୍ୟବସାୟୀକ ପ୍ରତିଷ୍ଠାନ ଉଚ୍ଛେଦ କାର୍ଯ୍ୟ ଜାରି ରହିଛି । ଏମାଆର ମଠର ଗାଦି ଓ ପିଣ୍ଡି ସୁରକ୍ଷିତ ରଖାଯିବାକୁ ପ୍ରଶାସନ ନିଷ୍ପତ୍ତି ନେଇଛି ।
ସେପଟେ ବିସ୍ଥାପିତ ବ୍ୟସାୟୀଙ୍କ ପାଇଁ ଥଇଥାନା ବ୍ୟବସ୍ଥା କରାଯିବ ବୋଲି ମଧ୍ୟ କହିଛନ୍ତି ଅତିରିକ୍ତ ଜିଲ୍ଲାପାଳ ବିନୟ କୁମାର ଦାଶ । ଉଚ୍ଛେଦ ସ୍ଥଳରେ ସରକାରୀ ଅଧିକାରୀ ଓ ପୋଲିସ ଫୋର୍ସ ଉପସ୍ଥିତ ରହିଛନ୍ତି । ଗତକାଲି ଦକ୍ଷିଣ ଦ୍ଵାର ସାମନାରେ ରାସ୍ତା ସଙ୍କିର୍ଣ୍ଣ ଥିବାରୁ ଉଛେଦ କାର୍ଯ୍ୟ ବାଧାପ୍ରାପ୍ତ ହୋଇଥିଲା । ସେପଟେ ଜମି ଅଧିଗ୍ରହଣ ନେଇ ଜମି ମାଲିକଙ୍କ ସହ ପ୍ରଶାସନର ଆଲୋଚନା ଜାରି ରହିଛି ।
ଦିଲ୍ଲୀ ରାଣୀ ଝାନସୀ ରୋଡ଼ରେ ଭୟାବହ ଅଗ୍ନିକାଣ୍ଡ, ୩୨ ଜଣଙ୍କ ମୃତ୍ୟୁ ସୂଚନା
ଦିଲ୍ଲୀ: ଦିଲ୍ଲୀରେ ଭୟାବହ ଅଗ୍ନିକାଣ୍ଡ । ନିଆଁ ଲାଗି ୩୨ ଜଣଙ୍କ ମୃତ୍ୟୁ ସୂଚନା । ରାଣୀ ଝାନସୀ ରୋଡ୍ ର ଅଞ୍ଚଳରେ ଲାଗିଛି ନିଆଁ । ନିଆଁରେ ଫସିଥିବା ୫୦ ଲୋକଙ୍କୁ ଉଦ୍ଧାର କଲା ଦମକଳ ବାହିନୀ ।
ଅନ୍ୟପଟେ ନିଆଁ ଲିଭାଇବାରେ ୨୭ ଟି ଦମକଳ ଗାଡି ନିୟୋଜିତ ହୋଇଛି ।
ଏବେ ବି କିଛି ଲୋକ ନିଆଁରେ ଫସି ରହିଥିବା ସୂଚନା ମିଳୁଛି । ଶ୍ୱାସରୁଦ୍ଧ ହୋଇ ୩୨ ଜଣଙ୍କ ମୃତ୍ୟୁ ହୋଇଥିବା ସୂଚନା ।
ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ଗାଡ଼ି ପୋଡ଼ିଲେ ଦୁର୍ବୃତ୍ତ
ତାଳଚେର: ଅନୁଗୋଳ ଜିଲ୍ଲା ତାଳଚେର ବିଧାୟକ ବ୍ରଜକିଶୋର ପ୍ରଧାନଙ୍କ ପୁଣି ଏକ ଗାଡି କେହି ପୋଡି ଦେଇଥିବା ଅଭିଯୋଗ ହୋଇଛି । ମିଳିଥିବା ସୂଚନା ଅନୁସାରେ ବିଧାୟକ ଚଢୁଥିବା ଫରଚ୍ୟୁନର ଗାଡ଼ିଟି ରାତିରେ ଭରତପୁର-ନନ୍ଦିରାସ୍ଥିତ ବିଧାୟକଙ୍କ କାର୍ଯ୍ୟାଳୟରେ ଥିଲା ।
ତେବେ ବିଳମ୍ବିତ ରାତିରେ ଗାଡ଼ି ନିଆଁ ଲାଗୁଥିବା ଦେଖି ସେଠାରେ ଥିବା କର୍ମଚାରୀ ନିଆଁ ଲିଭାଇ ଥିଲେ । ବିଧାୟକ ରାତିରେ ସେହି କାର୍ଯ୍ୟାଳୟରେ ମଧ୍ୟ ଥିଲେ । ତେବେ କେହି ଦୁର୍ବୃତ୍ତ ବିଧାୟକଙ୍କ ଏହି ଗାଡିକୁ ନିଆଁ ଲଗାଇଥିବା ସନ୍ଦେହ କରାଯାଉଛି ।
ପୂର୍ବରୁ ଅଗଷ୍ଟ ୧୯ ତାରିଖରେ ଭୁବନେଶ୍ୱର ବିଧାୟକଙ୍କ ବାସ ଭଵନରେ ଦୁର୍ବୃତ୍ତମାନେ ନିଆଁ ଲଗାଇ ଦେଇଥିବା ଯୋଗୁଁ ୨ ଟି କାର , ଗୋଟିଏ ମୋଟର ସାଇକେଲ ଏବଂ କିଛି ଆସବାବପତ୍ର ପୋଡି ଯାଇଥିଲା । ଏହା ପରେ ନଭେମ୍ବର ୧ ତାରିଖରେ ହାଣ୍ଡିଧୂଆଁସ୍ଥିତ ବିଧାୟକଙ୍କ ପୈତୃକ ବାସ ଭବନରେ ମଧ୍ୟ କେହି ନିଆଁ ଲଗାଇବାକୁ ଉଦ୍ୟମ କରିଥିଲା ।
ବିଧାୟକଙ୍କ ସହ ବ୍ୟବସାୟିକ ଶତ୍ରୁତା କିମ୍ବା ରାଜନୈତିକ ଶତ୍ରୁତା ନେଇ କେହି ଏଭଳି କରୁଥାଇ ପାରେ ବୋଲି ଅନୁମାନ କରାଯାଉଛି ।