କୋଣାର୍କ : ପୁରୀ ଶ୍ରୀମନ୍ଦିର ଓ ମହାପ୍ରଭୁ ଲିଙ୍ଗରାଜଙ୍କ ମନ୍ଦିର ପରେ ଏବେ ସରକାରଙ୍କ ଫୋକସରେ କୋଣାର୍କର ସୂର୍ଯ୍ୟ ମନ୍ଦିର । ଏହାର ଉନ୍ନତିକରଣ ସହ ସୌନ୍ଦର୍ଯ୍ୟକରଣ ପାଇଁ ପ୍ରସ୍ତୁତ ହେବ ପ୍ଲାନ୍ ।
ଜାନୁଆରୀରେ ଥଣ୍ଡା ସକାଳ । ସମସ୍ତେ ଉଠିବା ଆଗରୁ କୋଣାର୍କରେ ଥିବା ସୂର୍ଯ୍ୟମନ୍ଦିର ଏବଂ ଚନ୍ଦ୍ରଭାଗା ବୁଲିଛନ୍ତି ୫-ଟି ସଚିବ ଭି.କେ ପାଣ୍ଡିଆନ । ଆଜି ସକାଳୁ ସକାଳୁ ୫-ଟି ସଚିବ ଅଚାନକ କୋଣାର୍କ ଗସ୍ତ କରିବା ସହ ମନ୍ଦିର ପରିସର ବୁଲି ଦେଖିଥିଲେ । ତାଙ୍କ ସହିତ ପୂର୍ତ୍ତ ସଚିବ ତଥା ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରୀଷନ କୁମାର ଓ ପୁରୀ ଜିଲ୍ଲାପାଳ ବଲବନ୍ତ ସିଂହ ମଧ୍ୟ ଉପସ୍ଥିତ ଥିଲେ ।
ପୂର୍ବରୁ ପୁରୀ ପାଇଁ ହେରିଟେଜ୍ କରିଡରର ନକ୍ସା ଓ ମହାପ୍ରଭୁ ଲିଙ୍ଗରାଜଙ୍କ ପାଇଁ କେଦାରଗୌରୀ ପ୍ରକଳ୍ପ ଘୋଷଣା କରିସାରିଛନ୍ତି ସରକାର । ଏବେ କୋଣାର୍କର ଚତୁର୍ପାଶ୍ୱ ବିକାଶ ସହିତ ଚନ୍ଦ୍ରଭାଗାର ସୌନ୍ଦର୍ଯ୍ୟ କିଭଳି ରକ୍ଷା କରାଯାଇପାରିବ ତାହା ଉପରେ ଆଲୋଚନା ହୋଇଛି ।
ରାଜ୍ୟର ବିଭିନ୍ନ ମନ୍ଦିରର ବିକାଶ ସହ ଐତିହ୍ୟର ବିକାଶ କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ ମାଷ୍ଟର ପ୍ଲାନକୁ ଆଗେଇ ନେଉଛନ୍ତି 5T ସଚିବ ଭିକେ ପାଣ୍ଡିଆନ୍ ।
ଇରାନ୍ କରିଥିବା ଆକ୍ରମଣରେ ଆମେରିକା ମିଲିଟାରୀ କ୍ୟାମ୍ପରେ କେହି ମୃତାହତ ହୋଇନାହାନ୍ତି । ଆମେରିକାର ସମସ୍ତ ଯବାନ ସୁରକ୍ଷିତ ଅଛନ୍ତି । କେବଳ କ୍ୟାମ୍ପରେ ସାମାନ୍ୟ କ୍ଷତି ହୋଇଥିବା ଟ୍ରମ୍ପ କହିଛନ୍ତି । ମୁଁ ରାଷ୍ଟ୍ରପତି ଥିବା ଯାଏଁ ଇରାନ ପରମାଣୁ ଅସ୍ତଶସ୍ତ୍ର ରଖିପାରିବ ନାହିଁ ବୋଲି କହିଛନ୍ତି ।
ଇରାନ୍ ହିଂସା ଜାରି ରଖିବା ଯାଏଁ ମଧ୍ୟପ୍ରାଚ୍ୟରେ ଶାନ୍ତି ଆସିପାରିବ ନାହିଁ । ଇରାନକୁ ଆତଙ୍କବାଦ ବିରୋଧରେ ଶିକ୍ଷା ଦେବାକୁ ବିଶ୍ୱକୁ ଏକାଠି ହେବାକୁ ପଡ଼ିବ । ଚୀନ, ଫ୍ରାନ୍ସ ଓ ବ୍ରିଟେନ୍ ଏକାଠି ହୋଇ ଇରାନ୍ ବିରୋଧରେ ଆମେରିକା ସହ ସ୍ୱର ଉଠାଇବାକୁ ଟ୍ରମ୍ପ ଆହ୍ୱାନ ଦେଇଛନ୍ତି ।
ନୂଆ ଭାରତ ଗଠନ ପାଇଁ ସଂସଦ ଭବନ ପର୍ଯ୍ୟାପ୍ତ ସ୍ଥାନ ଓ ସୁବିଧାର ଆବଶ୍ୟକତା ରହିଛି । କିନ୍ତୁ ବର୍ତ୍ତମାନର ବିଲ୍ଡିଂରେ ସାଂସଦ ଓ କର୍ମଚାରୀ ମାନେ କରିବା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି । ୧୯୨୭ ମସିହାରେ ନିର୍ମାଣ ହୋଇଥିବା ସଂସଦ ଭବନକୁ ଏବେ ୯୨ ବର୍ଷ ପୁରିଲାଣି । ନୂତନ ବିଲ୍ଡିଂ ନିର୍ମାଣ ନେଇ ଗତ କିଛି ଦିନ ଧରି ଚର୍ଚ୍ଚା ହେଉଥିଲା । ହେଲେ ସରକାରୀ ଭାବେ କୌଣସି ବିବୃତି ଆସିନଥିଲା । ନୂତନ ବିଲ୍ଡିଂ ନିର୍ମାଣ ନେଇ ସମସ୍ତଙ୍କ ସହ ଆବଶ୍ୟକୀୟ ବିଚାର ବିମର୍ଶ ଶେଷ ହୋଇଥିବା ବାଚସ୍ପତି ଓମ ବିର୍ଲା ସ୍ପଷ୍ଟ କରିଛନ୍ତି ।