ଦୁନିଆର ସବୁଠୁ ଶକ୍ତିଶାଳି ଦେଶର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଗାମୀ ଫେବ୍ରୁଆରୀ ୨୪-୨୫ରେ ଭାରତ ଗସ୍ତରେ ଆସିବାକୁ ଯାଉଛନ୍ତି । ତେଣୁ ସମସ୍ତଙ୍କ ନଜର ଏବେ ଟ୍ରମ୍ପଙ୍କ ଉପରେ  । ଟ୍ରମ୍ପଙ୍କର ଏ ହେଉଛି ପ୍ରଥମ ଭାରତ ଯାତ୍ରା । ସେ ସବୁ ଦେଶକୁ ଯାତ୍ରା କଲାବେଳେ ଯେମିତି ତାଙ୍କ ସ୍ୱତନ୍ତ୍ର କାର ନେଇ ଯାଆନ୍ତି ଠିକ୍ ସେମିତି ଟ୍ରମ୍ପଙ୍କ ଆଗମନ ପୂର୍ବରୁ ତାଙ୍କର କାର ଗୁଡ଼ିକ ଭାରତ ଆସିସାରିଲାଣି । ଯେଉଁଥିରେ ତାଙ୍କର ସ୍ୱତନ୍ତ୍ର କାର ‘ଦି ବୀଷ୍ଟ’ ସାମିଲ ଅଛି । ଆସନ୍ତୁ ଜାଣିବା ତାଙ୍କ କାରର ଖାସିୟତ୍ ।

କୁହାଯାଏ ତାଙ୍କ କାର ‘ଦି ବୀଷ୍ଟ’ ଡିଜେଲ ଇଞିନ ଦ୍ୱାରା ଚାଲେ । ଏହି କାରର ଉଦଘାଟନ ୨୬ ସେପ୍ଟମ୍ବର ୨୦୧୮ରେ କରାଯାଇଥିଲା । ସେବେଠାରି ଏହା ଟ୍ରମ୍ପଙ୍କ ସବାରି ହୋଇଯାଇଛି । ରାଷ୍ଟ୍ରପତିଙ୍କ ସୁରକ୍ଷାପାଇଁ ଏହି କାରରେ ବହୁ ପ୍ରକାରର ଉପକରଣ ଲଗାଯାଇଛି । ଏହି କାରର ମଡେଲର ନାଁ ଲିମଜିନ, କୈଡ଼ିଲୈକ ଜେନରାଲ ମୋଟର୍ସ ଏବଂ ଏହି କାର ଦାମ ଶୁଣିଲେ ତ ଆପଣଙ୍କ ହୋସ ଉଡ଼ିଜିବ ଟ୍ରମ୍ପଙ୍କ କାରର ଦାମ ୧୦.୭ କୋଟି ।

• ଏହି କାରର ଆସ୍ତରଣ ପ୍ରାୟ ୮ ଇଞ୍ଚ ମୋଟେଇର ହୋଇଥାଏ । ଏହାସହ ତାଙ୍କ ଝରକା କାଚ ଓ ପୋଲି-କାର୍ବୋଟିକ ହୋଇଥାଏ ଏବଂ ଏହା ବୁଲେଟ ପ୍ରୁଫ୍ ମଧ୍ୟ । ଏହି କାରର ପଛ ଭାଗରେ ଏକ କମ୍ପାର୍ଡମେଣ୍ଟ ଥାଏ । ଯେଉଁଥିଲେ ରାଷ୍ଟ୍ରପତି ବସିଥାନ୍ତି ।
• ଟ୍ରମ୍ପଙ୍କ ସିଟରେ ସାଟେଲାଇଟ୍ ଫୋନ ରହିଥାଏ ଏହା ସିଧାସଳଖ ଲାଇନ ଯୋଡ଼ି ହୋଇଥାଏ ଉପରାଷ୍ଟ୍ରପତି ଏବଂ ଆମେରିକାର ରକ୍ଷା ବିଭାଗର ମୁଖ୍ୟାଳୟ ସହିତ ।

• ଏହି କାରରେ ଅତ୍ୟାଧୁନିକ ମାରଣାସ୍ତ୍ର ମଧ୍ୟ ଭରପୁର ରହିଥାଏ । ଯେମିତି ସଟ୍ ବନ୍ଧୁକ, ଆଖିରୁ ଲୁହ ବାହର କରୁଥିବା ଗ୍ୟାସର ଗୋଳା ମଧ୍ୟ ରହିଥାଏ । ଏବଂ ଆଗରେ ଥିବା ହେଡ୍ ଲାଇଟରେ ଟିୟର ଗ୍ୟାସ, ଗ୍ରେନେଟ ଲଞ୍ଚର ମଧ୍ୟ ରହିଥାଏ ।

• କାରରେ ରାଷ୍ଟ୍ରପତିଙ୍କ ବ୍ଲଡ୍ ଗ୍ରୁପର ରକ୍ତ ସବୁ ବେଳ ପାଇଁ ସଂଗୃହିତ ହୋଇ ରହିଥାଏ । ଜରୁରୀକାଳୀନ ଆବଶ୍ୟକତା ପାଇଁ କାରରେ ଅକ୍ସିଜେନ ସୁବିଧା ମଧ୍ୟ ରହିଥାଏ ।
• ଜଦି କେଉଁଠି କେମିକାଲ ଆଟକ ହୁଏ ତେବେ ତାହା କାରରେ ଥିବା ଲୋକଙ୍କର କିଛି କ୍ଷତି କରିପାରିବ ନାହିଁ ।

• ଏଥିରେ କେବଳ ଡ୍ରାଇଭର ସିଟର ଝରକା ଖୋଲି ପାରିବେ ସେ ବି ପୁଣି ୩ଇଞ୍ଚର । ଏହି କାରର ଟାୟାର ମଧ୍ୟ ପମ୍ପଚର ହେବାର ଭୟ ନଥାଏ ନା କି କୌଣସି ବିସ୍ଫୋରକର ଭୟ ମଧ୍ୟ ନଥାଏ ।

• ଏହି କାରର ଆଗରେ କାର ଲାଗି ରହିଥାଏ । ଯାହା ରାତିର ଅନ୍ଧକାରରେ ଏହା ପାରିପାର୍ଶ୍ୱିକ ସ୍ଥିତି ସ୍ପଷ୍ଟ ଦେଖାଇବାର ସହଯୋଗ କରିଥାଏ ।
• ଏଥିରେ ଷ୍ଟିଲର ରିମ ଲାଗିଥାଏ କାରଣ ଜଦି ଟାୟାର କୌଣସି କାରଣରୁ ନଷ୍ଟ ହୋଇଯାଏ ତେବେ ଏହି ରିମ ମାଧ୍ୟମରେ ଏହି ଗାଡ଼ି ଗଡ଼ିପାରିବ ।
• ଏହି କାରକୁ ଚଳାଉଥିବା ଡ୍ରାଇଭରକୁ ସ୍ୱତନ୍ତ୍ର ଟ୍ରେନିଂ ଦିଆଯାଇଥାଏ । ଜଟିଳ ପରିସ୍ଥିତିରେ ମଧ୍ୟ ସେ ଗାଡ଼ି ଚଳାଇବାର ସାମର୍ଥ୍ୟ ରଖିପାରୁଥିବା ।