ଆମକୁ ଏ ଗାଁରୁ ବାସନ୍ଦ କରନାହିଁ  । ଆମକୁ ଆମ ବିଲ ଚାଷ କରିବା ପାଇଁ ଦିଅ । ଗାଁରୁ ବାହାର କଲେ ଆମେ କୋଉଠି ଯାଇ ରହିବୁ । ଏଭଳି ଆକୁଳ ନିବେଦ କରିଛନ୍ତି ଗାଁରୁ ବାସନ୍ଦ ହୋଇଥିବା ପରିବାର । ଝିଅ ଚାକିରୀ ନଛାଡ଼ିବାରୁ ବାପା ମାଙ୍କୁ ବାସନ୍ଦ କରିଛନ୍ତି ଗାଁ ଲୋକେ। ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ ବଡ଼ଖଣ୍ଡି ଗାଁରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳଛି । ଗାଁର ଏନ୍‌. ଭଗବାନଙ୍କ ସାନ ଝିଅ ମମତା ଗଜପତି ଜିଲ୍ଲା ଲକ୍ଷ୍ମୀପୁର ସରକାରୀ ଆବାସିକ ଉଚ୍ଚ ବିଦ୍ୟାଳୟରେ ଶିକ୍ଷୟିତ୍ରୀ ଭାବେ କାମ କରୁଛନ୍ତି। ବଡ଼ଖଣ୍ଡିରେ ହିଁ ମମତା ବିବାହ କରିଥିଲେ। କୌଣସି କାରଣରୁ ତାଙ୍କର ସ୍ୱାମୀଙ୍କ ସହ ମନାନ୍ତର ହୋଇଥିଲା।

ଏହାପରଠୁ ସେ ଗଜପତିରେ ରହୁଛନ୍ତି। ତେବେ ଝିଅକୁ ଚାକିରୀ ଛାଡ଼ିବା ପାଇଁ ଏନ୍‌. ଭଗବାନଙ୍କ ପରିବାର ଉପରେ ଚାପ ପକାଉଥିଲେ ଗାଁଲୋକେ। ହେଲେ ଝିଅ ଚାକିରୀ ନଛାଡ଼ିବାରୁ ଗ୍ରାମସଭାରେ ତାଙ୍କ ପରିବାରକୁ ବାସନ୍ଦ କରିଛନ୍ତି। ସେବେଠାରୁ ଏନ୍‌. ଭଗବାନ ଓ ତାଙ୍କ ପତ୍ନୀ ଝିଅ ପାଖରେ ରହୁଥିବା ବେଳେ ରାଜ୍ୟ ବାହାରେ ପୁଅ ରହୁଛି। ଆପୋଷ ସମାଧାନ ପାଇଁ ଉଦ୍ୟମ ହୋଇଥିଲେ ମଧ୍ୟ କିଛି ସୁଫଳ ମିଳିନି। ସେପଟେ ଆସିକା ଏସ୍‌ଡିପିଓ ସୂର୍ଯ୍ୟମଣି ପ୍ରଧାନ ଗାଁରେ ପହଞ୍ଚି ଗାଁ ଲୋକଙ୍କ ସହ ଆଲୋଚନା କରିଛନ୍ତି  । ')}

ପୁଣି ପୁରୀରେ ଉଚ୍ଛେଦ ପ୍ରକ୍ରିୟା ଆରମ୍ଭ । କିଛିଦିନର ବ୍ୟବଧାନ ପରେ ପୁଣି ପୁରୀରେ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ପ୍ରଶାସନ ପକ୍ଷରୁ ସହରର କେନ୍ଦ୍ର ସ୍ଥଳରେ ଥିବା ମୁନିସିପାଲିଟି ମାର୍କେଟ କମ୍ପ୍ଲେକ୍ସକୁ ଅସୁରକ୍ଷିତ ଦର୍ଶାଯାଇଥିବା ବେଳେ ଆଜି ତାହାକୁ ପୂର୍ବ ନିର୍ଦ୍ଦେଶ ଅନୁସାରେ ଉଚ୍ଛେଦ କରାଯାଇଛି |

ଆଜିର ଉଚ୍ଛେଦ ପ୍ରକ୍ରିୟାରେ ଏକ ଏକର ୭୨ଡ଼ିସିମିଲ ପରିଧିରେ  ନିର୍ମାଣ ହୋଇଥିବା ୧୫୯ଟି ଦୋକାନ ଗୃହକୁ ୯ଟି  ବୁଲଡୋଜର ଲଗାଇ ସମ୍ପୂର୍ଣ ଉଚ୍ଛେଦ କରିଛି ପ୍ରଶାସନ । ଅନ୍ୟପଟେ ଉଚ୍ଛେଦ ପ୍ରକ୍ରିୟାକୁ ସହଯୋଗ କରିଛନ୍ତି ବ୍ୟବସାୟୀ। ଏଥିସହିତ କ୍ଷତିପୂରଣ ଦାବି କରିଛନ୍ତି କ୍ଷତିଗ୍ରସ୍ତ ଦୋକାନୀ । ଶ୍ରୀଜଗନ୍ନାଥ ମନ୍ଦିରର ୭୫ ମିଟର ପରିଧି ମଧ୍ୟରେ ଉଚ୍ଛେଦ ଯୋଗୁଁ କ୍ଷତିଗ୍ରସ୍ତଙ୍କୁ ମିଳୁଥିବା କ୍ଷତିପୂରଣ ଥଇଥାନ ବ୍ୟବସ୍ଥାକୁ ସେମନଙ୍କ ପାଇଁ ଲାଗୁ କରିବାକୁ ଦାବି ହୋଇଛି । ଦୋକାନ ଖାଲି କରିବା ବାବଦକୁ ୫୦ହାଜର, ଦୋକାନ ଘର ନମିଳିବା ଯାଏ ମାସିକ ଭତ୍ତା ଯୋଗାଇଦେବା ପାଇଁ ପ୍ରଶାସନ ନିକଟରେ ଦାବି କରିଛନ୍ତି ।

ଦୋକାନ ଉଚ୍ଛେଦ ହୋଇଥିବା ସ୍ଥାନରେ ତିନିତାଲା ବିଶିଷ୍ଟ ମାର୍କେଟ କମ୍ପ୍ଲେକ୍ସ ନିର୍ମାଣ ହେବା ସହ ପ୍ରାୟ ୪୭୫ଟି ଦୋକାନ ଘର ନିର୍ମାଣ ଏବଂ ପ୍ରାୟ ୧୦୦ଟି ଚାରିଚକିଆ  ଯାନ ରହିବା ପାଇଁ ପାର୍କିଙ୍ଗ ବ୍ୟବସ୍ଥା କରାଯିବ। ଏନେଇ ୩୬ କୋଟିରୁ ଉର୍ଦ୍ଧ୍ୱ ଟଙ୍କାର ଡିପିଆର ପ୍ରସ୍ତୁତ ସରିଛି । ଆସନ୍ତା ୨୩ ତାରିଖରୁ ନଭେମ୍ବର ସୁଦ୍ଧା ଟେଣ୍ଡର ପ୍ରକ୍ରିୟା ଶେଷ ହେବା ସହ ପ୍ରାୟ ୧୮ମାସ ମଧ୍ୟରେ ଏହା ନିର୍ମାଣ ଶେଷ ହେବ ବୋଲି ପ୍ରଶାସନ ସୂଚନା ଦେଇଛି । ତେବେ ଆଜି ଶାନ୍ତି ଶୃଙ୍ଖଳାର ସହ ଉଚ୍ଛେଦ କାର୍ଯ୍ୟ ଚାଲିଥିବା ବେଳେ ପୋଲିସ ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି  । ')}

ସାପ ବେକରେ ପଶିଲା ବଇଁଶୀ କଣ୍ଟା । ମାଛ ଧରିବାକୁ ପକାଯାଇଥିଲା କଣ୍ଟା । ହେଲେ ଏହି କଣ୍ଟାରେ ଫସିଯାଇଥିଲା ସାପ । ଏସଂପର୍କରେ ଖବର ପାଇ ସ୍ନେକ ହେଲ୍ପ ଲାଇନ ସଂପାଦକ ଶୁଭେନ୍ଦୁ ମଲ୍ଲିକ ସେଠାରେ ପହଞ୍ଚିଥିଲେ। ପୋଖରୀରୁ ସାପଟିକୁ ଉଦ୍ଧାର କରିଥିଲେ । ପରେ ସାପଟିକୁ ଭୁବନେଶ୍ୱର ଓୟୁଏଟିକୁ ଅଣାଯାଇଥିଲା । ବାଲେଶ୍ୱର ଜିଲ୍ଲା ଜଳେଶ୍ୱର ନଛିମପୁରରେ ଘଟିଠି ଏଭଳି ଘଟଣା ।

ବନିସି କଣ୍ଟା ଲାଖିବା ପରେ ସାପଟିର ତଣ୍ଟିରେ ଗଭୀର ଆଘାତ ଲାଗିଥିଲା। ଚିକିତ୍ସା ପାଇଁ ସାପକୁ ବାଲେଶ୍ୱରରୁ ଭୁବନେଶ୍ୱର ଆଣାଯାଥିଲା। ସ୍ନେକ ହେଲ୍ପ ଲାଇନର ସଂପାଦକ ଶୁଭେନ୍ଦୁ ମଲ୍ଲିକ ଏବଂ ଓୟୁଏଟିର ପ୍ରାଣୀ ଶଲ୍ୟ ଓ ରଞ୍ଜନ ରଶ୍ମି ବିଶେଷଜ୍ଞଙ୍କ ଉପସ୍ଥିତିରେ ଅପରେସନ ହୋଇଥିଲା। ଏକ୍ସରେ କରିବା ପରେ ସାପଟିର ତଣ୍ଡିରେ କଣ୍ଟାଟି  କିଭଳି ରହଛି ତାହା ସ୍ପଷ୍ଟ ହୋଇଥିଲା। 40 ମିନିଟର ଅପରେସନ ପରେ ତମ୍ପ ତଣ୍ଟିରୁ ବାହାରିଥିଲା କଣ୍ଟା। ଷ୍ଟିଚ୍‌ ପରେ ସାପଟି ଏବେ ସୁସ୍ଥ ଅଛି

  ')}

ରାସ୍ତା ଉପରେ ବୁଲୁଛି ବାଘ । କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଦୈତାରୀ ସଂରକ୍ଷିତ ଜଙ୍ଗଲ ଘାଟି ରାସ୍ତାରେ କଲରାପତରିଆ ବାଘ ବୁଲୁଛି । ଓଏମସି ଲିଜ୍ ଅଧୀନ ବଳି ପର୍ବତ ୱେଲକମ୍ ଗେଟରୁ ଦୈତାରୀ ଟାଉନ୍ ସିପକୁ ଲମ୍ବିଥିବା ଘାଟି ରାସ୍ତାରେ ବାଘ ବିଚରଣ କରୁଥିବା ଦେଖିବାକୁ ମିଳିଛି । ଘାଟିର ମଧ୍ୟବର୍ତ୍ତୀ ସ୍ଥାନରେ ବାଘକୁ ଦେଖିଛନ୍ତି ଓଆଇସିଏଫ୍ ଯବାନ । ଓଏମସି ଖଣି ନିରାପତ୍ତା ଦାୟିତ୍ୱରେ ଥିବା ଓଆଇସିଏଫ୍ ଯବାନମାନେ ରାତିରେ ଘାଟି ଦେଇ ଯାଉଥିବା ବେଳେ ବାଘକୁ ଦେଖି ତାର ଭିଡିଓ ସୁଟ୍ କରିଛନ୍ତି । ଘାଟିରେ କଲରାପତରିଆ ବୁଲୁଥିବା ଖବର ପ୍ରଚାରିତ ହେବା ପରେ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି । ')}

ଆକ୍ଟିଭ୍‌ ମୋଡରେ ନବରଙ୍ଗପୁର ଜିଲ୍ଲା ଡାବୁଗାଁ ବିଧାୟକ । ନିଜ ନିର୍ବାଚନ ମଣ୍ଡଳୀରେ ଥିବା  ବିଭିନ୍ନ ସରକାରୀ ସ୍କୁଲକୁ କରିଛନ୍ତି ସରପ୍ରାଇଜ୍‌ ଭିଜିଟ୍‌ । ପାଠ ପଢ଼ା ଠାରୁ ଆରମ୍ଭ କରି ମଧ୍ୟାହ୍ନ ଭୋଜନ ଛାତ୍ରଛାତ୍ରୀଙ୍କୁ ଠିକ୍‌ ଭାବରେ ଦିଆଯାଉଛି କି  ନାହିଁ ତାହାର ତଦାରଖ କରିଛନ୍ତି ବିଧାୟକ । ଗତକାଲି ବିଧାୟକ ମନୋହର ରାନ୍ଧାରୀ ପାପଡାହାଣ୍ଡି ବ୍ଲକ ମାନି ଗାଁ ଆଶ୍ରମ ବିଦ୍ୟାଳୟରେ ପହଞ୍ଚି ସ୍କୁଲ ପିଲାଙ୍କ ଉପସ୍ଥାନ ସମ୍ପର୍କରେ ପଚାରି ବୁଝିଥିଲେ ।  ହେଲେ ସ୍କୁଲରେ ୨୬୮ ଜଣ ପିଲା ଥିବା ବେଳେ ୫୮ ଜଣ ପିଲା ଉପସ୍ଥିତ ରହିଥିଲେ । କିନ୍ତୁ ରନ୍ଧା ଯାଇଥିବା ଖାଦ୍ୟ ମଧ୍ୟ ସେହି ୫୮ ଜଣ ପିଲାଙ୍କୁ ଅଣ୍ଟି ନଥିବା ଦେଖିବାକୁ ପାଇଥିଲେ ବିଧାୟକ । ଫଳରେ ନିଜେ ପିଲାଙ୍କୁ ବିସ୍କୁଟ କିଣି ଖାଇବାକୁ ଦେଇଥିଲେ । ସ୍କୁଲରେ ପ୍ରଧାନ ଶିକ୍ଷୟିତ୍ରୀ ମଧ୍ୟ ଉପସ୍ଥିତ ନଥିବା ଦେଖିବାକୁ ପାଇଥିଲେ ବିଧାୟକ । ଶିକ୍ଷୟିତ୍ରୀ ଙ୍କୁ ବିଧାୟକ ଫୋନ୍‌ କରି ଡାକିଥିଲେ ମଧ୍ୟ ଆସିନଥିଲେ । ଏହି ଘଟଣାର କିଛିଦିନ ପୂର୍ବରୁ ମଧ୍ୟ ଧନସୁଲି ଆଶ୍ରମ ସ୍କୁଲରେ ପହଞ୍ଚି ସ୍ଥିତି ପରଖିଥିଲେ ବିଧାୟକ ମନୋହର ରାନ୍ଧାରୀ  । ସେଠାରେ ମଧ୍ୟ ୬୬ ଜଣ ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନ ମିଳିନଥିବା ନେଇ ବିଡିଓ ଏବଂ ଡିଇଓଙ୍କୁ ଅବଗତ କରାଇଥିଲେ । କିନ୍ତୁ ଏନେଇ ସମ୍ପୃକ୍ତ ଶିକ୍ଷକ ଏବଂ ଶିକ୍ଷୟିତ୍ରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା । ଜିଲ୍ଲା ପରିଷଦ ବୈଠକରେ ଏହି କଥା  ଉଠାଇଥିଲେ ବିଧାୟକ । ଏହାପରେ ସଙ୍ଗେ ସଙ୍ଗେ ତିନି ଶିକ୍ଷକଙ୍କୁ ନିଲମ୍ବିତ କରିଛନ୍ତି ଜିଲ୍ଲାପାଳ ।

  ')}