ହରିୟାଣା ବିଧାନସଭାର ୯୦ ଆସନରେ ସକାଳ ୭ଟାରୁ ମତଦାନ ଆରମ୍ଭ ହୋଇଛି । ୧୯ ୫୭୮ ପୋଲିଂ ବୁଥରେ ୧ କୋଟି ୮୪ ଲକ୍ଷ ଭୋଟର ମତଦାନ କରୁଛନ୍ତି। ସକାଳୁ ସକାଳୁ ବହୁ ହେଭିୱେଟ୍ ନେତା ପୁଲିଂ ବୁଥରେ ପହଞ୍ଚି ମତଦାନ କରିଛନ୍ତି । ହରିୟାଣାରେ ୯୮ ଲକ୍ଷ ୭୮ ହଜାର ପୁରୁଷ ଭୋଟର ରହିଥିବା ବେଳେ ୮୫ ଲକ୍ଷ ୧୨ ହଜାର ମହିଳା ଭୋଟର ଅଛନ୍ତି । ୧୧୬୯ ପ୍ରାର୍ଥୀ ଏଥର ମଇଦାନରେ ପ୍ରତିଦ୍ୱନ୍ଦିତା କରୁଛନ୍ତି । ୨୦୧୪ରେ ଏଠାରେ ବିଜେପି କ୍ଷମତାକୁ ଆସିଥିଲା । ଏଥର ମଧ୍ୟ ସବୁ ରାଜନୀତିକ ଦଳ ଜୋରଦାର ପ୍ରଚାର କରିଛନ୍ତି । ')}
ଅସୁରକ୍ଷିତ ଡାକ୍ତର !
ପୁଣି ଡାକ୍ତରଙ୍କୁ ଆକ୍ରମଣ । ଓଟି ଭିତରେ ପଶି ଡାକ୍ତରଙ୍କୁ ଆକ୍ରମଣ ଅଭିଯ଼ୋଗ । ବୁର୍ଲା ମେଡିକାଲରୁ ଆସିଛି ଏଭଳି ଖବର । ସୂଚନା ଅନୁଯାୟୀ ନ୍ୱୁରୋଲୋଜି ବିଭାଗ ଡାକ୍ତର ଓଟିରେ କାର୍ଯ୍ୟରତ ଥିବାବେଳେ ଦୁଇ ଅଜଣା ଯ଼ୁବକ ହଠାତ୍ ଭିତରକୁ ପଶି ଆକ୍ରମଣ କରିଥିଲେ । ପରେ ଦୁର୍ବୃତ୍ତ ମେଡିକାଲର ଏକ ରୁମ୍ରେ ଡାକ୍ତରଙ୍କୁ ବନ୍ଦି କରି ରଖିଥିଲେ । ହେଲେ ପାଟି ଶୁଣି ଡାକ୍ତରଙ୍କୁ ଉଦ୍ଧାର କରିଛନ୍ତି ଡାକ୍ତରୀ ଛାତ୍ରଛାତ୍ରୀ । ତେବେ ଛାତ୍ରଛାତ୍ରୀଙ୍କୁ ଦେଖି ଘଟଣା ସ୍ଥଳରୁ ଚମ୍ପଟ ମାରୁଥିବା ବେଳେ ଜଣକୁ କାବୁକରି ପୋଲିସ ଜିମା ଦିଆଯାଇଛି । ଫେରାର ଅଭିଯ଼ୁକ୍ତକୁ ଅତିଶୀଘ୍ର ଗିରଫ ଦାବିରେ ମେଡିକାଲ ଫାଣ୍ଡିକୁ ଛାତ୍ରଛାତ୍ରୀ ଘେରାଉ କରିଛନ୍ତି । ପରିସ୍ଥିତିକୁ ଦୃଷ୍ଟିରେ ରଖି ମେଡିକାଲାରେ ଦୁଇ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି । ')}
ଯଦି ଭାରତ ରତ୍ନ ପାଇବେ ସାବରକର ତେବେ କାହିଁକି ନୁହଁନ୍ତି ବିଜୁ ବାବୁ ?
ରାଜନୀତିର ପଶାପାଲିରେ ଏବେ ‘ଭାରତ ରତ୍ନ’ ସତେ ଯେମିତି କଷଟି ପଥର ହୋଇଛି। ଦେଶର ଏହି ସର୍ବୋଚ୍ଚ ସମ୍ମାନକୁ ନେଇ ଏବେ ଚାଲିଛି ରାଜନୈତିକ ଆରୋପ ପ୍ରତ୍ୟାରୋପ । ସ୍ୱାଧୀନତା ସଂଗ୍ରାମୀ ବିନାୟକ ଦାମୋଦର ସାବରକରଙ୍କୁ ଭାରତ ରତ୍ନ ପ୍ରଦାନ ପ୍ରତିଶ୍ରୁତି ପରେ ଏଭଳି ପରିସ୍ଥିତି ସୃଷ୍ଟି ହୋଇଛି। ସାବରକରଙ୍କୁ ଭାରତ ରତ୍ନ ପ୍ରଦାନ ନିମନ୍ତେ ସୁପାରିଶ କରାଯିବ ବୋଲି ମହାରାଷ୍ଟ୍ର ବିଧାନସଭା ନିର୍ବାଚନ ବେଳେ ବିଜେପି ସଂକଳ୍ପ ପତ୍ରରେ କହିଛି । ତେବେ ରାଜନୈତିକ ଦଳ ଗୁଡିକର ଭାରତ ରତ୍ନ ସମ୍ମାନକୁ ନେଇ ଏଭଳି ଖୋଲାଖୋଲି ପ୍ରଚାର ବହୁ ବିଶିଷ୍ଟ ନେତା ଓ ସଂଗ୍ରାମୀଙ୍କ ପ୍ରତି କୁଠାରଘାତ ସଦୃଶ୍ୟ ହେଉଥିବା ବିଶ୍ଳେଷକ ମତ ଦେଉଛନ୍ତି।
କଂଗ୍ରେସର ଅସହମତି
ବିଜେପିର ଏଭଳି ଘୋଷଣାକୁ ନେଇ ଅସହମତି ପ୍ରକାଶ କରିଛି କଂଗ୍ରେସ । ସାବରକାର କଳାପାଣିରେ ସଜ୍ଜା କାଟୁଥିବାବେଳେ ଜେଲରୁ ମୁକ୍ତ କରିବା ନେଇ ଇଂରେଜ ସରକାରଙ୍କୁ କ୍ଷମା ପ୍ରାର୍ଥନା କରିଥିଲେ । ଗାନ୍ଧୀଜୀଙ୍କ ହତ୍ୟା ଷଡ଼ଯନ୍ତ୍ରକାରୀ ଭାବେ ମଧ୍ୟ ତାଙ୍କ ଉପରେ ମାମଲା ଚାଲିଥିବା କହିଛି କଂଗ୍ରେସ । ଏଭଳି ବ୍ୟକ୍ତିଙ୍କୁ ଭାରତ ରତ୍ନ ପ୍ରଦାନ କରାଯିବା ନେଇ ଚିନ୍ତା କରିବା ରାଜନୈତିକ ଉଦ୍ଦେଶ୍ୟ ପ୍ରଣୋଦିତ । ତେବେ ଇନ୍ଦିରା ଗାନ୍ଧୀ ସାବରକରଙ୍କ ସମ୍ମାନରେ ଡାକ ଟିକଟ ଜାରି କରିଥିଲେ । ଏହା ସତ୍ତ୍ୱେ କଂଗ୍ରେସ ଏହାକୁ ବିରୋଧ କରିବା ନେଇ ପ୍ରଶ୍ନ ଉଠାଇଛି ବିଜେପି । ଜଣେ ବ୍ୟକ୍ତିଙ୍କୁ ନେଇ ଦ୍ୱିମତ ଥିବା ବେଳେ ତାଙ୍କୁ ସର୍ବୋଚ୍ଚ ସମ୍ମାନ ପ୍ରଦାନ ନେଇ ସୁପାରିଶ କରାଯିବ ବୋଲି କୁହିବା ସମ୍ମାନ ପ୍ରଦାନର ନିରପେକ୍ଷତା ଓ ଆଭିମୁଖ୍ୟ ଉପରେ ପ୍ରଶ୍ନ ଉଠାଉଛି । ମହାରାଷ୍ଟ୍ରର ନିର୍ବାଚନ ପୂର୍ବରୁ ଏଭଳି ଘୋଷଣା ରାଜନୈତିକ ଅଭିସନ୍ଧିମୂଳକ ବୋଲି ମନେହେଉଛି ।
ବିଜୁଙ୍କୁ ଭାରତରତ୍ନ ଦାବି
ଅପରପକ୍ଷରେ ଓଡ଼ିଶାର ପ୍ରବାଦ ପୁରୁଷ ବିଜୁ ବାବୁଙ୍କୁ ଭାରତ ରତ୍ନ ପ୍ରଦାନ ନେଇ ଦାବି ବହୁ ବର୍ଷ ଧରି ହୋଇଆସୁଛି । ସ୍ୱାଧୀନତା ସମୟରେ ଏବଂ ଏହାର ପରବର୍ତ୍ତୀ କାଳରେ ବିଜୁଙ୍କ ଭୂମିକା ସାରା ଦେଶବାସୀ ଜାଣିଛନ୍ତି। ତାଙ୍କ ମୃତ୍ୟୁ ସମୟରେ ତିଟୋନି ରାଷ୍ଟ୍ରର ଜାତୀୟ ପତାକା ବିଜୁ ବାବୁଙ୍କ ସମ୍ମାନାର୍ଥେ ଘୋଡ଼ାଯାଇଥିଲା। କଶ୍ମୀରରେ ବିଜୁଙ୍କ ପାରଦର୍ଶିତା ହେଉ କିମ୍ବା ଇଣ୍ଡୋନେସିଆ ସ୍ୱାଧୀନତା ସଂଗ୍ରାମରେ ତାଙ୍କର ଭୂମିକା ଉଲ୍ଲେଖଯୋଗ୍ୟ। ଏତେ ସବୁ ବଳିଦାନ ସତ୍ତ୍ୱେ ବିଜୁଙ୍କୁ ଭାରତ ରତ୍ନ ପ୍ରଦାନ ନେଇ ଜାତୀୟ ସ୍ତରରେ ରାଜନୀତିକ ଇଚ୍ଛାଶକ୍ତିର ଅଭାବ ଥିବା ଭଳି ମନେହେଉଛି। ')}
ଧଉଳିରେ ଦୀପାଳିଙ୍କ ଝୁଲନ୍ତା ମୃତଦେହ ଉଦ୍ଧାର: ସନ୍ଦେହରେ ପୁରୁଷ ବନ୍ଧୁ
ରାଜଧାନୀରେ ଚାଞ୍ଚଲ୍ୟ। ମହିଳା ଆଇନଜିବୀଙ୍କ ସନ୍ଦେହ ଜନକ ମୃତ୍ୟୁ । ପୋଲିସ ସନ୍ଦେହରେ ଦୀପାଳିଙ୍କ ପୁରୁଷ ବନ୍ଧୁ । ଲିଙ୍ଗିପୁରୁ ବିଜୟ ବିହାରରୁ ଫ୍ୟାନରେ ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାର କରିଛି କମିଶନରେଟ୍ ପୋଲିସ। ପରିବାର ଲୋକେ ହତ୍ୟା ଅଭିଯ଼ୋଗ ଆଣିଛନ୍ତି । ଏତଲା ଅନୁସାରେ ଦୀପାଳିତାଙ୍କ ମାଆ ଓ ଦୁଇ ଭଉଣୀଙ୍କ ସହ ଲିଙ୍ଗିପୁରରେ ଭଡାରେ ରହୁଥିଲେ । ଶନିବାର ସନ୍ଧ୍ୟାରେ ସିମୁଳିଆର ପୁରୁଷ ବନ୍ଧୁ ବିକ୍ରମ କେଶରୀ ମିଶ୍ର ଦୀପାଳିଙ୍କ ଘରକୁ ଆସିଥିଲେ। ରାତି 12ଟାରେ ଦୀପାଳି କବାଟ ଖୋଲୁନଥିବା କହି ସାନ ଭଉଣୀ ଶେଫାଳିଙ୍କୁ ଫୋନ କରିଥିଲେ ବିକ୍ରମ। ତାଙ୍କ ଭଉଣୀ ଘରକୁ ଫେରି କବାଟ ଫାଙ୍କରେ ଦେଖିବା ବେଳେ ଦିପାଳୀ ଫ୍ୟାନରେ ଝୁଲୁଥିଲେ। ଆଉ ଏତିକି ବେଳେ ପୁରୁଷ ବନ୍ଧୁ ବିକ୍ରମ ସେଠାରୁ ଚମ୍ପଟ ମାରିଥିଲେ। ପୋଲିସକୁ ଖବର ଦେବା ପରେ ଘର କବାଟ ଭାଙ୍ଗି ମୃତ ଦେହ ଉଦ୍ଧାର କରିଥିଲା ପୋଲିସ।
ତେବେ ପୁରୁଷବନ୍ଧୁ ଫେରାର ହେବା ପୋଲିସର ସନ୍ଦେହକୁ ଦୁଇଗୁଣା କରିଛି। ଏଠାରେ ପ୍ରଶ୍ନ ଉଠୁଛି ଶନିବାର ଦୀପାଳି-ବ୍ରକିମଙ୍କ ମଧ୍ୟରେ ସନ୍ଧ୍ୟା 5ଟାରୁ ରାତି 12ଟା ଭିତରେ କଣ ଘଟିଥିଲା? ଏମିତି କିଛି ଘଟିଥିଲା କି ଯେଉଁଥିପାଇଁ ଆତ୍ମହତ୍ୟା କରିବାକୁ ବାଧ୍ୟ ହୋଇଥିଲେ ଦୀପାଳି ? ଦୀପାଳି ଆତ୍ମହତ୍ୟା କରିବା ପାଇଁ ବିକ୍ରମ ପ୍ରବତ୍ତାଇ ଥିଲେ କି? ଯ଼ଦି ପୁରୁଷବନ୍ଧୁଙ୍କ ଭୁଲ ନଥିଲା, ସାନ ଭଉଣୀଙ୍କୁ ଫୋନ କରିବା ପରେ କାହିଁକି ହେଲେ ଫେରାର ? କେଉଁଠାରେ ଆତ୍ମଗୋପନ କରିଛନ୍ତି ପୁରୁଷ ବନ୍ଧୁ ବିକ୍ରମ ଓ କାହିଁକି ପୋଲିସ ତାଙ୍କୁ ଖୋଜୁଛି ? ଏ ନେଇ ସଠିକ ତଦନ୍ତ ଦାବି କରିଛି ଭୁବନେଶ୍ୱର ଆଇନଜୀବୀ ବାର ଆସୋସିଏସଏନ ।
ପୋଲିସର ପ୍ରାଥମିକ ତଦନ୍ତରୁଦୀପାଳି ଆତ୍ମହତ୍ୟା କରିଥିବା ସୂଚନା ଆସୁଥିବା ବେଳେ ପୋଷ୍ଟମୋଟମ ରିପୋର୍ଟ ଆସିଲେ ହିଁ ସ୍ପଷ୍ଟ ହେବ ପ୍ରକୃତ ମୃତ୍ୟୁର କାରଣ କଣ ? ପୁରୁଷବନ୍ଧୁ ଧରା ପଡିଲେ କହି ପାରିବେ କି ମୃତ୍ୟୁ ପଛର ରହସ୍ୟ ? ')}
ପିଇଓଙ୍କ ମୃତ୍ୟୁକୁ ନେଇ ରାଜନୀତି ଜୋର, ବିଜେପିର ୧୨ ଘଣ୍ଟିଆ ଯାଜପୁର ବନ୍ଦ
ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ହରିଦାସପୁର ପଞ୍ଚାୟତ ପିଇଓ ସ୍ମିତାରାଣୀ ବିଶ୍ବାଳଙ୍କ ମୃତ୍ୟୁକୁ ନେଇ ରାଜନୀତି ଜୋର ଧରିବାରେ ଲାଗିଛି । ବିଜେପିର ପ୍ରତିନିଧି ଦଳ ଗତକାଲି ଡିଜିପିଙ୍କୁ ଭେଟିବା ପରେ ଆଜି ୧୨ ଘଣ୍ଟିଆ ଯାଜପୁର ବନ୍ଦ ଡାକରା ଦେଇଛି । ବିଭିନ୍ନ ସ୍ଥାନରେ ପିକେଟିଂ କରି ଦଳ ପକ୍ଷରୁ ଦୋକାନ ବଜାର ବନ୍ଦ କରାଯାଉଛି । ବିଜେଡି ଏହାର ରାଜନୀତିକରଣ କରାନଯାଉ ବୋଲି କହିବା ସହ ପୋଲିସ ତଦନ୍ତ ଉପରେ ଭରସା କରିବାକୁ କହିଛି । ବନ୍ଦ ଯୋଗୁଁ କିଛି ସ୍ଥାନରେ ଲୋକଙ୍କୁ ହଇରାଣ ହରକତ୍ ହେବାକୁ ପଡୁଛି । ')}
ନେତା ବାଛୁଛନ୍ତି ବିଜେପୁର ବାସୀ, ପ୍ରଚାରରେ ଆଗରେ ଥିଲା ବିଜେଡ଼ି
ସରିଛି ପ୍ରଚାର, ଚାଲିଛି ନିର୍ବାଚନ । ନେତା ବାଛୁଛନ୍ତି ବିଜେପୁର ବାସୀ । ମୁଖ୍ୟମନ୍ତ୍ରୀଙ୍କ ଦ୍ୱାରା ହୋଇଥିବା ବିକାଶମୂଳକ କାର୍ଯ୍ୟକୁ ନେଇ ପ୍ରଚାର କରିଛି ବିଜେଡି । ପ୍ରଚାର ମଙ୍ଗ ଧରିଥିଲେ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ହାଇଟେକ୍ ବସରେ ବିଭିନ୍ନ ପଥପ୍ରାନ୍ତ ସଭାରେ ବିଜେଡି ପ୍ରାର୍ଥୀ ରୀତା ସାହୁଙ୍କ ପାଇଁ କରିଥିଲେ ଭୋଟ୍ ଭିକ୍ଷା । ବିଜେପୁରର ପାଇଁ ମୁଖ୍ୟମନ୍ତ୍ରୀ କରିଥିବା ୧୦୦୦ କୋଟିର ପ୍ୟାକେଜ ଘୋଷଣା, ଏନ୍ଏସି ମାନ୍ୟତା, ଉଠା ଜଳସେଚନ ପ୍ରକଳ୍ପ ଭଳି ଉନ୍ନତିମୂଳକ କାର୍ଯ୍ୟକୁ ପ୍ରଚାରରେ ପ୍ରସଂଗ କରିଥିଲା ବିଜେଡି । ଅପରପକ୍ଷରେ ବିଜେଡିର ପ୍ରଚାରକୁ ଟକ୍କର ଦେବାକୁ ବିଜେପି ପକ୍ଷରୁ ପ୍ରଚାର ମୈଦାନକୁ ଓହ୍ଳାଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରୋଡ଼-ଶୋ ଓ ନିର୍ବାଚନୀ ସଭାରେ ବିଜେପି ପ୍ରାର୍ଥୀ ସନତ ଗଡ଼ତିଆଙ୍କ ପାଇଁ ଭୋଟ୍ ଭିକ୍ଷା ମାଗିଛନ୍ତି ଧର୍ମେନ୍ଦ୍ର । ବିଜେଡି ଓ ମୁଖ୍ୟମନ୍ତ୍ରୀଙ୍କୁ ପ୍ରଚାର ସମୟରେ ଧର୍ମେନ୍ଦ୍ର କେବଳ ପ୍ରଶ୍ନ ହିଁ କରିଥିଲେ । ବିଜେପୁରକୁ ନେଇ ବିଜେପିର ସ୍ୱପ୍ନ ସଂପର୍କରେ ମୁହଁ ଖୋଲି ନଥିଲେ । ରାଜ୍ୟର ସରକାରଙ୍କ ପକ୍ଷରୁ ଦିଆଯାଇଥିବା ପ୍ରତିଶ୍ରୁତି ନେଇ ଅଙ୍ଗୁଳି ଉଠାଇଥିଲା ବିଜେପି । କିନ୍ତୁ ରାଜ୍ୟର ବିକାଶ ପାଇଁ ବିଜେପିର ଅବଦାନ କିମ୍ବା କେନ୍ଦ୍ରୀୟ ଯୋଜନାର ରାଜ୍ୟରେ କାର୍ଯ୍ୟ ନେଇ ମୁହଁ ଖୋଲିନାହାନ୍ତି ଧର୍ମେନ୍ଦ୍ର । ତେବେ ଚଳିତ ଉପ-ନିର୍ବାଚନରେ କଂଗ୍ରେସର ପ୍ରଚାର ପ୍ରଭାବ ବିହିନୀ ରହିଛି । ପ୍ରଚାର ବେଳେ କୌଣସି ଜାତୀୟ ସ୍ତରର ନେତାଙ୍କ ଦେଖା ମିଳିନଥିଲା । ଅପରପକ୍ଷରେ କଂଗ୍ରେସ ପାଖରେ ଜମାରୁ ଟଙ୍କା ନାହିଁ ଏଣୁ ଆମେ ନିର୍ବାଚନ ଜିତିପାରୁବୁନାହିଁ ବୋଲି କହିଥିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟ । ଏଭଳି ମନ୍ତବ୍ୟ କଂଗ୍ରେସ କର୍ମୀଙ୍କୁ ନିରୁତ୍ସାହିତ କରିଥିବା ବେଳେ କଂଗ୍ରେସ ରେସରୁ ବାହାରେ ଥିବା ସ୍ପଷ୍ଟ ଅନୁମେୟ ହେଉଥିଲା । ')}
ହରିୟାଣା ନିର୍ବାଚନ, ନିର୍ଣ୍ଣାୟକ ହେବ ପାରମ୍ପରିକ ଭୋଟ୍ !
କୃଷି ଓ କୃଷକର ରାଜ୍ୟ ହରିୟାଣା । ଯେଉଁଠି ନିର୍ବାଚନରେ ଦବିଯାଏ ଜାତି ଓ ସ୍ଥାନୀୟ ସମସ୍ୟା । ନିର୍ବାଚନରେ ବର୍ଷ ବର୍ଷ ଧରି ଜାଟ୍, ଖଟ୍ଟରଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲେ ହେଁ ସେମାନେ ଏବେ ଗୌଣ । ବହୁ ବର୍ଷ ଧରି ହରିୟାଣାକୁ କଂଗ୍ରେସ ଓ ଇଣ୍ଡିଆନ୍ ନ୍ୟାସନାଲ ଲୋକ ଦଳ ଶାସନ କରିବା ପରେ ପ୍ରଥମ ଥର ପାଇଁ ୨୦୧୪ରେ ବିଜେପି କ୍ଷମତା ଡୋରୀ ହାତେଇଛି । କ୍ଷମତାକୁ ଆସିବା ପରେ ମନୋହର ଲାଲ ଖଟ୍ଟର ସରକାର ଜାଟ୍ ଭୋଟ୍ ବ୍ୟାଙ୍କ ଉପରେ ନଜର ପକାଇଛନ୍ତି ।
ହରିୟାଣା ଜନସଂଖ୍ୟାର ୨୫ରୁ ୩୦ ପ୍ରତିଶତ ଲୋକ ଜାଟ୍ ସମ୍ପ୍ରଦାୟ ଅନ୍ତର୍ଗତ । ରାଜ୍ୟ ରାଜନୀତିରେ ସେମାନଙ୍କ ଦବଦବା ରହିଥିବା ବେଳେ ଜାଟ୍ ସମ୍ପ୍ରଦାୟର ଅଧିକାଂଶ ନେତା ମୁଖ୍ୟମନ୍ତ୍ରୀ ହୋଇ ପାରିଛନ୍ତି । ଉଭୟ କଂଗ୍ରେସ ଓ ଇଣ୍ଡିଆନ୍ ନ୍ୟାସନାଲ ଲୋକ ଦଳର ବହୁ ହେଭିୱେଟ୍ ଜାଟ୍ ସମ୍ପ୍ରଦାୟର । ହରିୟାଣା ବିଧାନସଭାର ମୋଟ୍ ୯୦ଟି ସିଟ୍ ମଧ୍ୟରୁ ୩୬ଟି ଆସନରେ ଜାଟ୍ ସମ୍ପ୍ରଦାୟର ପ୍ରଭାବ ରହିଛି । କଂଗ୍ରେସ ଓ ଇଣ୍ଡିଆନ୍ ନ୍ୟାସନାଲ ଲୋକ ଦଳ ପ୍ରତି ଅଧିକାଂଶ ଜାଟଙ୍କ ସମର୍ଥନ ରହିଥିବା ବେଳେ ଜନନାୟକ ଜନତା ପାର୍ଟି ଜାଟ୍ ଭୋଟକୁ ପ୍ରଭାବିତ କରିପାରେ ।
ଏପରି ସ୍ଥଳେ ବିଜେପି ଅଣ-ଜାଟଙ୍କ ଉପରେ ଫୋକସ୍ କରିଛି । ବିଜେପି ୨୦୧୪ ବିଧାନସଭା ନିର୍ବାଚନରେ ୨୪ ଜଣ ଜାଟ୍ ନେତାଙ୍କୁ ଟିକେଟ୍ ଦେଇଥିବା ବେଳେ ଚଳିତଥର ବିଜେପି ଟିକେଟରେ ୧୭ ଜଣ ଜାଟ୍ ନେତା ଲଢ଼ୁଛନ୍ତି । ଏପିରିକି ଗତ ନିର୍ବାଚନରେ ଜାଟ୍, ପଞ୍ଜାବୀଙ୍କ ଗୁରୁତ୍ୱକୁ ଦେଖି ସମସ୍ତଙ୍କୁ ସନ୍ତୁଷ୍ଟ କରିବାକୁ ବିଜେପି ମନୋହରଲାଲ ଖଟ୍ଟରଙ୍କୁ ମୁଖ୍ୟମନ୍ତ୍ରୀ ପଦ ଦେଇଥିଲା । ଦଳରେ ଅନ୍ତଃକନ୍ଦଳ ଯୋଗୁଁ ଜନନାୟକ ଜନତା ପାର୍ଟିକୁ ସମର୍ଥନ କରୁଥିବା ଜାଟ୍ ବିଜେପିକୁ ଭୋଟ୍ ଦେଇଥିଲେ ।
୨୦୧୬ରେ ଜାଟ୍ ସଂରକ୍ଷଣ ଯୋଗୁଁ ରାଜ୍ୟ ବିଜେପି ସରକାର ଉପରେ ଏବେ ଜାଟ୍ ସମ୍ପ୍ରଦାୟ ଅସନ୍ତୁଷ୍ଟ ଅଛନ୍ତି । ଏହାକୁ ବିରୋଧ କରି ୩୦ ଜଣଙ୍କ ମୃତ୍ୟୁ ହୋଇଛି । ଗ୍ରାମାଞ୍ଚଳରେ ରହୁଥିବା ଲୋକ ସତଲେଜ-ଯମୁନା ଲିଙ୍କ୍ ପ୍ରକଳ୍ପକୁ ଶୀଘ୍ର ସାରିବାକୁ ଦାବି କରି ଆସୁଛନ୍ତି । ଏହି ପ୍ରକଳ୍ପ ହେଲେ ହରିୟାଣାର ଚାଷୀ ସହଜରେ ଜମିକୁ ଜଳସେଚନ କରିପାରିବେ । ସ୍ଥାନୀୟ ଏହି ପ୍ରସଙ୍ଗକୁ ଇଣ୍ଡିଆନ୍ ନ୍ୟାସନାଲ ଲୋକ ଦଳ ବା ଆଇଏନଏଲଡି ଗୁରୁତ୍ୱର ସହ ନେବା ସହ ଏ ଦିଗରେ ଲୋକଙ୍କ ସହ ଜଡ଼ିତ ଅଛି । ତେଣୁ, ସଂଖ୍ୟାଧିକ ଜାଟ୍ ଭୋଟର ବିଜେପି ପରିବର୍ତ୍ତେ ଆଇଏନଏଲଡିକୁ ସମର୍ଥନ କରିପାରନ୍ତି। ')}
ଆସୁଛି ନେକଷ୍ଟ ଜେନ୍ ହାଇପରସୋନିକ ଅସ୍ତ୍ର, ହଜିଯିବ ବାଲିଷ୍ଟିକ୍ ମିଜାଇଲ !
ପ୍ରତି ସେକେଣ୍ଡରେ ଅତିକ୍ରମ କରିବ ଗୋଟିଏ ମାଇଲ । ଶବ୍ଦର ଗତି ଠାରୁ ୫ ଗୁଣା ସ୍ପିଡରେ ମାଡ଼ିଯିବ । ଆଧୁନିକ ବାଲିଷ୍ଟିକ ମିଜାଇଲ ଡିଫେନ୍ସ ସିଷ୍ଟମକୁ ମାତ୍ ଦେବାକୁ ପ୍ରତିରକ୍ଷା ଗବେଷଣା ଓ ବିକାଶ ପ୍ରତିଷ୍ଠାନ ବା ଡିଆରଡିଓ ନିର୍ମାଣ କରୁଛି ନେକଷ୍ଟ ଜେନ୍ ହାଇପରସୋନିକ ଅସ୍ତ୍ର । ଖୁବଶୀଘ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ନେକଷ୍ଟ ଜେନ୍ ହାଇପରସୋନିକ ଅସ୍ତ୍ରକୁ ଉଦଘାଟନ କରିବେ ।
ଚୀନ, ରୁଷିଆ ଓ ଆମେରିକା ପ୍ରଭୃତି ଦେଶ ପୂର୍ବରୁ ହାଇପରସୋନିକ ଅସ୍ତ୍ରର ପରୀକ୍ଷା କରି ସାରିଛନ୍ତି । ଦ୍ରୁତଗତିରେ ଯାଉଥିବା ଇଣ୍ଟର କଣ୍ଟିନେଣ୍ଟାଲ ବାଲିଷ୍ଟିକ ମିଜାଇଲ (ଆଇଏସବିଏମ୍) ରି-ଏଣ୍ଟ୍ରି ଭେଇକିଲ ଠାରୁ ହାଇପରସୋନିକ ଗ୍ରିଡ୍ ଭେଇକିଲ ଆହୁରି ସ୍ପିଡରେ ଯିବ । ଏହା ମୁଖ୍ୟତଃ ଆଧୁନିକ ବାଲିଷ୍ଟିକ ମିଜାଇଲ ଡିଫେନ୍ସ ସିଷ୍ଟମ ବିରୋଧରେ କାମ କରିବ । ଲମ୍ବା ଦୂରତାରୁ ପରମାଣୁ ଯୁଦ୍ଧାସ୍ତ୍ର ପ୍ରେରଣ କରିବାର କ୍ଷମତା ରଖୁଛି ନୂଆ ହାଇପର ସୋନିକ୍ ।
ଏହା ବ୍ୟତୀତ ଭାରତରେ ପ୍ରତିରକ୍ଷା ଯୁଦ୍ଧାସ୍ତ୍ର ଉତ୍ପାଦନ ପାଇଁ ଡିଆରଡିଓ ୧,୫୦୦ ପେଟେଣ୍ଟ ଅଫର କରିଛି । ଏଥିରେ ଉଦ୍ୟୋଗ କ୍ରିଟିକାଲ ମିଜାଇଲ ଟେକ୍ନୋଲୋଜି, ଜୈବ ବିଜ୍ଞାନ ଓ ନାଭି ଟେକ୍ନୋଲୋଜି ସାମଲି ଥିବା ଡିଆରଡିଓ ଅଧ୍ୟକ୍ଷ ଜି. ସତୀଶ ରେଡ୍ଡୀ ସୂଚନା ଦେଇଛନ୍ତି । ଷ୍ଟାର୍ଟ ଅପସ୍, ମଧ୍ୟମ ଓ କ୍ଷୁଦ୍ର ଉତ୍ପାଦନକାରୀ ସଂସ୍ଥା ଏହି ପେଟେଣ୍ଟକୁ ମାଗଣାରେ ପାଇପାରିବେ । ')}
ଉପନିର୍ବାଚନ ପୂର୍ବରୁ ବିଜେପୁରରେ ବିଜେପିକୁ ଶକ୍ତ ଧକ୍କା
ବିଜେପୁର ଉପନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା । ଦଳର ବରିଷ୍ଠ ନେତା ତଥା ୨୦୧୮ ଉପ ନିର୍ବାଚନରେ ବିଜେପିର ପ୍ରାର୍ଥୀ ହୋଇଥିବା ଅଶୋକ ପାଣିଗ୍ରାହୀ ବିଜେପି ଛାଡିଛନ୍ତି । ୨୦୧୯ ବିଧାନସଭା ନିର୍ବାଚନରେ ଦଳ ଅଶୋକଙ୍କୁ ପ୍ରାର୍ଥୀ ନକରିବାକୁ ନେଇ ଅସନ୍ତୁଷ୍ଟ ଥିଲେ। ଅଶୋକଙ୍କ ସ୍ଥାନରେ ବିଜେପି ସନତ ଗରତିଆଙ୍କୁ ପ୍ରାର୍ଥୀ କରିଥିଲା। ଏଥର ଉପନିର୍ବାଚନରେ ମଧ୍ୟ ଅଶୋକ ଆଶା ବାନ୍ଧିଥିଲେ ଦଳ ତାଙ୍କୁ ପ୍ରାର୍ଥୀ କରିବ। ମାତ୍ର ସେଭଳି କିଛି ନହେବାରୁ ଏବେ ସେ ଦଳ ଛାଡ଼ିଥିବା ସୂଚନା ମିଳିଛି। ବରଗଡ଼ର ବିଜେପୁରରେ ଅଶୋକ ପାଣିଗ୍ରାହୀଙ୍କର ବେଶ୍ ଭଲ ଦବଦବା ରହିଥିଲା।
ଏବେ ତାଙ୍କର ଇସ୍ତଫା ପରେ ବିଜେପି ପୁଣିଥରେ ବ୍ୟାକ୍ ଫୁଟକୁ ଚାଲିଯାଇଛି। ବିଜେଡି ରୀତା ସାହୁଙ୍କୁ ଉପନିର୍ବାଚନରେ ପ୍ରାର୍ଥୀ କରିଛି। ଗତ କିଛିଦିନ ହେବ ଉପନିର୍ବାଚନରେ ଟିକେଟ ନମିଳିବାକୁ ନେଇ ଖୋଲାଖୋଲି ଗଣମାଧ୍ୟମ ଆଗରେ ଅସନ୍ତୋଷ ଜାହିର କରିଥିଲେ ଅଶୋକ ।
')}
ଆରଏସଏସର ବୈଠକରେ ଯୋଗ ଦେବାକୁ ଆସିଛନ୍ତି ଓଡ଼ିଶା
ରାଷ୍ଟ୍ରୀୟ ସ୍ୱୟଂ ସେବକ ସଂଘର ମୁଖ୍ୟ ମୋହନ ଭାବଗତ ଭୁବନେଶ୍ୱରରେ ପହଞ୍ଚିଛନ୍ତି। ବିମାନ ବନ୍ଦରରେ ତାଙ୍କୁ ସ୍ୱାଗତ କରିଥିଲେ ଆରଏସଏସର କର୍ମକର୍ତା। ଆସନ୍ତା ୯ ଦିନ ପର୍ଯ୍ୟନ୍ତ ଓଡ଼ିଶାରେ ରହିବେ ମୋହନ ଭାଗବତ। ଆରଏସଏସର ସବୋର୍ଚ୍ଚ ନୀତି ନିର୍ଧାରଣ କମିଟିର ବୈଠକ ଆସନ୍ତା ୭ ଦିନ ଧରି ଓଡ଼ିଶାରେ ଅନୁଷ୍ଠିତ ହେବ। ପ୍ରଥମ ଥର ପାଇଁ ଆରଏସଏସ ଇତିହାସରେ ଏଭଳି ବଡ଼ ବୈଠକ ହେବାକୁ ଯାଉଛି।
ଅଖିଳ ଭାରତୀୟ କାର୍ଯ୍ୟକାରୀ ମଣ୍ଡଳର ବୈଠକରେ ଭାଗବତ ଯୋଗଦେବାର କାର୍ଯ୍ୟକ୍ରମ ରହିଛି। ଅକ୍ଟୋବର ୧୪ରୁ ୨୦ ପର୍ଯ୍ୟନ୍ତ ହେବାକୁ ଥିବା ଏହି ବୈଠକରେ ୪୦୦ରୁ ଅଧିକ କର୍ମକର୍ତ୍ତା ଯୋଗଦେବାର କାର୍ଯ୍ୟକ୍ରମ ରହିଛି। ଆରଏସଏସ୍ ସ୍ୱୀକୃତିପ୍ରାପ୍ତ ୪୫ଟି ସଂଗଠନର ଭିନ୍ନ ଭିନ୍ନ ସମାବେଶ, କାର୍ଯ୍ୟକ୍ରମ, ବୈଠକ ଓ ଆଲୋଚନାରେ ଯୋଗଦେବେ ମୋହନ ଭାଗବତ। ')}