ଆାଦିବାସୀ ଅଧ୍ୟୁଷିତ ଅଞ୍ଚଳରେ ଅନ୍ଧବିଶ୍ୱାସ । ଦେହ ଖରାପ ହେଲେ କିମ୍ବା ଜିନିଷପତ୍ର ଚୋରି ହେଲେ ଗୁଣିଗାରେଡ଼ିର ସାହାଯ୍ୟ ନେବା କଥା ତ ଆପଣ ଜାଣିଥିବେ । ତେବେ ନିକଟରେ ଏଭଳି ଅନ୍ୟଏକ ଘଟଣା ଦେଖିବାକୁ ମିଳିଛି । ସ୍ୱାସ୍ଥ୍ୟଗତ ସମସ୍ୟା ସହ କିଛିଦିନ ଧରି ଜଣେ ମହିଳାଙ୍କୁ ବାଘୁଣୀ ଆକ୍ରମଣର ସ୍ଵପ୍ନ ଆସିବା ସହ ସ୍ଵାମୀ ଓ ପରିବାର ଲୋକଙ୍କ ସ୍ଵାସ୍ଥ୍ୟାବସ୍ଥା ଧୀରେଧୀରେ ଖରାପ ହେବାକୁ ଲାଗିଥିଲା । ଝଡ଼ାଫୁଙ୍କା, ଗୁଣିଗାରେଡ଼ି ସହ ପୂଜାପାଠ କରି ଏଭଳି ଦୁଃସ୍ଥିତିରୁ ମୁକୁଳି ହେବ ବୋଲି ଗାଁ ତାନ୍ତ୍ରିକ ପରାମର୍ଶ ଦେଇଥିଲେ । ସେଥିପାଇଁ ସକାଳୁ ଦିଶାରୀ (ୱାଡେ)ଙ୍କ ନିର୍ଦ୍ଦେଶ କ୍ରମେ ପାରମ୍ପରିକ ରୀତିରେ ପୂଜା  କରାଯିବା ସହ ଦିଶାରୀ (ୱାଡେ) ନିଜେ ବାଘ ସାଜି ସଂପୃକ୍ତ ଲୋକଙ୍କ ଘରକୁ ଶିକାରରେ ଆସି ବାଉଁଶ ଟୋଲେଇକୁ କାମୁଡି ଧରିଥିଲେ  । ଗ୍ରାମବାସୀ ଲାଠି ଓ ଠେଙ୍ଗା ସାହାଯ୍ୟରେ ଘଉଡାଇ ଗାଁ ବାହାର ପୋଖରୀ ପାଖକୁ ନେଇଥିଲେ । ସେଠାରେ ପୂଜା କରାଯିବା ସହ ବାଘୁଣୀ ଆତ୍ମାକୁ ମହିଳାଙ୍କଠାରୁ ଦୂର କରାଯାଇଛି ବୋଲି ଗ୍ରାମବାସୀ କହିଛନ୍ତି ।

ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ପଡିଆ ବ୍ଲକ ଅନ୍ତର୍ଗତ ଦୁର୍ଗମ ସିଲାକୋଟା ଗ୍ରାମରେ । ଏହି ଗ୍ରାମର ଗୁଜା ୱାନଜାମିଙ୍କ ସ୍ତ୍ରୀ ଇର୍ମେ ୱାନଜାମି କିଛିଦିନ ଧରି ବାଘୁଣୀ ଆକ୍ରମଣର ସ୍ଵପ୍ନ ଦେଖିବା ସହ ଭୟଭୀତ ହୋଇ ଘର ଭିତରେ ଲୁଚି ରହୁଥିଲେ । ଏ ବାବଦରେ ଇର୍ମେଙ୍କୁ ପଚାରିବାରୁ, ତାଙ୍କୁ ବାଘୁଣୀ ଆକ୍ରମଣ କରୁଥିବା ସହ ସ୍ଵପ୍ନରେ ମଧ୍ୟ ବିକୃତ ଚିତ୍ର ଦେଖିବାକୁ ମିଳୁଛି  ବୋଲି କହିଥିଲେ । ଏହିଭଳି ସ୍ୱପ୍ନ ଆସିବା ସହ ଧୀରେଧୀରେ ପରିବାର ଲୋକଙ୍କ ସ୍ଵାସ୍ଥ୍ୟ ଖରାପ ହେବାରୁ ତୁରନ୍ତ ଗାଁ ଦିଶାରୀଙ୍କଠାରୁ ପରାମର୍ଶ ନେଇ ଯଥାଚିତ ପୂଜା କରି ବାଘୁଣୀର ଆତ୍ମାକୁ ଘଉଡାଇବା ପାଇଁ ଏଭଳି ଆୟୋଜନ କରାଯାଇଥିଲା ବୋଲି ଗାଁ ମୁଖିଆ ଶୁକା ୱାନଜାମି କହିଛନ୍ତି  ।  ବିଜ୍ଞାନର ଦ୍ରୁତ ବିକାଶ ସହ ଏକବିଂଶ ଶତାବ୍ଦୀରେ ପଦାର୍ପଣ ପରେ ମଧ୍ୟ ଆାଦିବାସୀ ବହୁଳ ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳୁଛି । ଏହା ସାଧାରଣରେ ଆଶ୍ଟର୍ଯ୍ୟ ସୃଷ୍ଟି କରିବା ସହ ଲୋକଙ୍କ ମଧ୍ୟରେ ଅନ୍ଧବିଶ୍ୱାସକୁ ବଢ଼ାଇପାରିବ ବୋଲି ବୁଦ୍ଧିଜୀବୀମାନେ ମତ ପ୍ରକାଶ କରିଛନ୍ତି । ')}

କୋମଳ ହାତରେ ଝାଡୁ । ଆଉ ସେ ଝାଡ଼ୁ ଧରିବାକୁ ନା ତାଙ୍କ ପରିସ୍ଥିତି ସେମାନଙ୍କୁ ବାଧ୍ୟ କରିଛି ନା ଝାଡ଼ୁ ଧରି କିଛି ଉଦାହରଣ ସୃଷ୍ଟି କରିବାକୁ ଚାହୁଁଛନ୍ତି ସେମାନେ । କୋମଳ ବୟସରେ ହୁଏତ ସେମାନଙ୍କୁ ପ୍ରଶିକ୍ଷଣ ମିଳୁଥାଇପାରେ ବୋଲି ମନେହେଉଛି । କିନ୍ତୁ ଏସବୁ ସନ୍ଦେହ ମାତ୍ର, ସେମାନଙ୍କୁ ଝାଡ଼ୁ ଧରିବାକୁ କୁହାଯାଇଛି  । ଆଜ୍ଞା ହଁ କୋମଳ ଶିଶୁଙ୍କୁ ତାଙ୍କ ସ୍କୁଲ ଦିଦି କହିଛନ୍ତି ଝାଡ଼ୁ ଧରିବାକୁ  । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଗୋବିନ୍ଦପୁର ପ୍ରାଥମିକ ବିଦ୍ୟାଳୟରେ । କିଛି ଶିଶୁ ହାତରେ ଘାସ ଓପଡୁଥିବାର, କିଛି ଶିଶୁ ହାତରେ ଝାଡୁ ଧରି ଖରୁକୁ ଥିବାର ଦେଖିବାକୁ ମିଳିଛି । ଏବଂ ଆଉ କିଛି ପିଲା ସ୍କୁଲ ସାମ୍ନାରେ ଯାଇଥିବା ବରୀ ମୁଖ୍ୟ ରାସ୍ତା ପାଖରେ ଝାଡ଼ୁ କରୁଥିବାର ଦେଖିବାକୁ ମିଳିଥିଲା ।

ଏ ସମ୍ପର୍କରେ କୋମଳ ଶିଶୁମାନଙ୍କୁ ପଚାରିବାରୁ ଉତ୍ତର ଆସିଥିଲା ଦିଦି କହିଛନ୍ତି  ।  ‘ଦିଦି କହିଛନ୍ତି ସ୍କୁଲ ଚାରିପାଖର ବଣୁଆ ଘାସ, ପାଇଖାନା, ରାସ୍ତା ସଫା କରିବାକୁ’  । ସେମାନଙ୍କର ଏହି ଉତ୍ତର ସୃଷ୍ଟି କରିଥିଲା ଅନେକ କିଛି ପ୍ରଶ୍ନ । ‘ପିଲାମାନଙ୍କ ଉତ୍ତମ ଶିକ୍ଷା ପାଇଁ ରାଜ୍ୟ ସରକାର ଅନେକ ଯୋଜନା କ’ଣ ଏଇଠି ସୀମିତ ? ଶିଶୁମାନଙ୍କ ଯତ୍ନ ନେବାପାଇଁ କୋଟି କୋଟି ଟଙ୍କା ଖର୍ଚ୍ଚ କ’ଣ ବୃଥା ? ସମୟ ୧୦.୨୦ ହେଇଥିଲେ ମଧ୍ୟ ପିଲାଙ୍କୁ ପାଠ ନ ପଢ଼ାଇ ଏଭଳି କାର୍ଯ୍ୟ କରେଇବା କେତେଦୂର ଯୁକ୍ତିଯୁକ୍ତ ତାହା ମଧ୍ୟ ପ୍ରଶ୍ନବାଚୀ ସୃଷ୍ଟି କରୁଛି । ଏବେ ମୋ ସରକାର ଯୋଜନାରେ 5-ଟି ପ୍ରଚଳନ । ହେଲେ ଏହାକୁ ସିଧାସଳଖ ବେଖାତିର କରି ପିଲାଙ୍କ ହାତରେ ଝାଡୁ ଧରାଇଛନ୍ତି ସ୍କୁଲ ପ୍ରଧାନ ଶିକ୍ଷୟିତ୍ରୀ । ଏହା ଉପରେ ଜିଲ୍ଲା ଶିକ୍ଷା ବିଭାଗ ଓ ଜିଲ୍ଲା ପ୍ରଶାସନ କଣ ପଦକ୍ଷପ ନେଉଛନ୍ତି ନା ରାଜ୍ୟ ସରକାରଙ୍କ ଆଦେଶକୁ ଖୁଲମ ଖୁଲା ବେଖାତିର କରୁଛନ୍ତି ତାହା ଏବେ ଚର୍ଚ୍ଚାର ବିଷୟ ପାଲଟିଛି । ')}

ଲୋକଙ୍କ ସେବା ପାଇଁ ପ୍ରଚେଷ୍ଟା ଜାରି  । ‘ମୋ ସରକାର’ କର୍ଯ୍ୟାକ୍ରମ ଅନୁଯାୟୀ ଏବେ ଆକ୍ସନ ମୋଡରେ ବିଭିନ୍ନ ଜିଲ୍ଲାପାଳ । ଯାଜପୁର ଜିଲ୍ଲାପାଳଙ୍କ ଅଚାନକ୍ ଗସ୍ତ । ଜିଲ୍ଲା ମୁଖ୍ୟା ଚିକିତ୍ସାଳୟକୁ ଅଚାନାକ ଗସ୍ତ କରିଛନ୍ତି ଜିଲ୍ଲାପାଳ ରଞ୍ଜନ କୁମାର ଦାଶ । ଗତ ୧୩ ତାରିଖରେ ରାଜ୍ୟ ସ୍ୱାସ୍ଥ୍ୟ ବିଭାଗର ପ୍ରମୁଖ ସଚିବ ପୁନମ ଗୁହା, ମୁଖ୍ୟମନ୍ତ୍ରୀଙ୍କ କାର୍ଯ୍ୟଳୟର ବ୍ୟକ୍ତିଗତ ସଚିବ ଆଦିତ୍ୟ ମହାପାତ୍ର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସି ସମସ୍ତ ବିଭାଗକୁ ବୁଲି ଦେଖିଥିଲେ  । ଏଥିସହ ରୋଗୀମାନଙ୍କ ପାଇଁ ଖାଦ୍ୟ ପ୍ରସ୍ତୁତ ହୋଇଥିବା ରୋଷେଇ ଗୃହ ଅବସ୍ଥା ସଜାଡିବାକୁ ଜିଲ୍ଲା ପ୍ରଶାସନକୁ ତାଗିଦ କରିଥିଲେ  । ସେହି ଅନୁସାରେ ଆଜି ଜିଲ୍ଲାପାଳ ମେଡ଼ିକାଲରେ ପହଞ୍ଚି ରୋଷେଇ ଘରର ପାରିପାର୍ଶ୍ୱିକ ଅବସ୍ଥା ଦେଇଖିବା ସହ ତୁରନ୍ତ ସବୁ ସମସ୍ୟାର ସମାଧାନ କରିବାକୁ ମେଡ଼ିକାଲ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି । ')}

‘ମୋ ସରକାର’ କାର୍ଯ୍ୟକ୍ରମ ପାଇଁ ଗ୍ରାଉଣ୍ଡ ଜିରୋରେ ଭିଜିଟ କରୁଛନ୍ତି ୫ଟି ସଚିବ ଭି କେ ପାଣ୍ଡିଆନ  । ବିଭିନ୍ନ ସରକାରୀ କାର୍ଯ୍ୟାଳୟ ସେ ବୁଲି ଦେଖିବା ସହ ତଦାରଖ କରୁଛନ୍ତି  । ଆଜି କେନ୍ଦ୍ରାପଡା ଗସ୍ତରେ ଅଛନ୍ତି ଭି କେ ପାଣ୍ତିଆନ l

ଆଜି କେନ୍ଦ୍ରାପଡା ଦିନିକିଆ ଗସ୍ଥରେ 5T ସଚିବ ଭି କେ ପାଣ୍ତିଆନ  । ଗସ୍ତ କରି ଜିଲ୍ଲା ମୁଖ୍ୟଚିକିତ୍ସାଳୟ ପରିଦର୍ଶନ କରି ରୋଗୀମାନଙ୍କ ଠାରୁ ସ୍ୱାସ୍ଥ୍ୟ ସେବା ବିଷୟରେ ପଚାରି ବୁଝିଛନ୍ତି ପାଣ୍ଡିଆନ । ପରେ କେନ୍ଦ୍ରାପଡା ଆରାଧ୍ୟ ଦେବତା ପ୍ରଭୁ ବଳଦେବ ଜିଉଙ୍କ ଦର୍ଶନ କରିଛନ୍ତି ପାଣ୍ଡିଆନ ।

')}