ପୁରୀ: କୋଣାର୍କ ଇକୋ ରିଟ୍ରିଟ୍‌ ମହୋତ୍ସବର ଆଜି ଦ୍ୱିତୀୟ ଦିନ । ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ବେଲୁନ୍‌ ଉଡାଇ ଏହି ମହୋତ୍ସବକୁ ଉଦଘାଟନ କରିଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ମଧ୍ୟ ସ୍ୱର୍ଣ୍ଣିଭ ବେଳାଭୂମିର ସୌନ୍ଦର୍ଯ୍ୟର ଉପୋଭୋଗ କରିଛନ୍ତି । ଏହାସହ ବ୍ୟାଟେରି ଚାଳିତ ଗାଡିରେ ବସି ପର୍ଯ୍ୟଟକଙ୍କ ପାଇଁ ନିର୍ମାଣ ହୋଇଥିବା ଦେଢ କିଲୋମିଟର ବ୍ୟାପୀ କଟେଜ୍‌ ବୁଲି ଦେଖିଥିଲେ ।

ତେବେ କୋଣାର୍କ ପାଲଟିଛି ପର୍ଯ୍ୟଟକଙ୍କ ପାଇଁ ଜନ୍ନତ୍‌ । ବେଳାଭୂମିରେ ଅସ୍ଥାୟୀ କଟେଜରେ ରହି ଓଡ଼ିଶାକୁ ଜାଣିବାର ସୁଯୋଗ ପାଉଛନ୍ତି ପର୍ଯ୍ୟଟକ । ଆକାଶମାର୍ଗରୁ କଏଦ ହୋଇଛି ଇକୋ ରିଟ୍ରିଟ୍‌ର ଆକର୍ଷଣୀୟ ଦୃଶ୍ୟ ।

ପ୍ରକୃତିର କୋଳରେ ସମୁଦ୍ରର ନୀଳ ଜଳରାଶି ଓ ଝାଉଁ ବଣ ଭିତରେ ଅତ୍ୟାଧୁନିକ ଟେଣ୍ଟ ହାଉସ ।

ସେହିପରି ରାତିରେ ଆଲୋକରେ ଝଲସୁଛି ବେଳାଭୂମି । କଟେଜର କାରୁକାର୍ଯ୍ୟ ସାଙ୍ଗକୁ ଆଲୋକସଜ୍ଜା ପର୍ଯ୍ୟଟକଙ୍କ ମନକୁ ଖୁବ ଟାଣୁଛି ।

ଭୁବନେଶ୍ୱର: ସ୍ୱଚ୍ଛତା ରକ୍ଷା ଏକ ସାମୁହିକ ଦାୟିତ୍ୱ । ଏହାକୁ ସରକାର ଏବଂ ନାଗରିକଙ୍କ କ୍ଷୁବ୍ଧ ଦାୟିତ୍ୱ ବୋଲି କହିଲେ ଅତ୍ୟୁକ୍ତି ହେବ ନାହିଁ । ପରିବାରରୁ ଆରମ୍ଭ କରି ପ୍ରତ୍ୟେକ ଜନପଥରେ ବର୍ଜ୍ୟର ଭାର ବଢ଼ୁଥିବାର ସଙ୍କେତ ପରିବେଶକୁ ଚେତାବନୀ ଦେଉଥିବାବେଳେ ଭୁବନେଶ୍ୱର ମହାନଗର ନିଗମ ଏକ ନୂଆ ରଣନୀତି ସ୍ୱରୂପ ପ୍ଲାଷ୍ଟିକ ବର୍ଜ୍ୟ ପରିଚାଳନାକୁ ଲୋକାଭୀମୁଖି କରିବାର ପଦକ୍ଷେପ ନେଇଛନ୍ତି ।

ପ୍ଲାଷ୍ଟିକ ବର୍ଜ୍ୟକୁ ଉପଯୁକ୍ତ ମୂଲ୍ୟଦେଇ ଏହା ବଦଳରେ ଆହାର ଭୋଜନ ଯୋଗାଇ ଦେବାକୁ ନିଷ୍ପତି ନେଇଛନ୍ତି ସହରାଞ୍ଚଳ କର୍ତ୍ତୃପକ୍ଷ । ଆସନ୍ତା ୧୬ ଡିସେମ୍ବରରୁ ମହାନଗର ନିଗମାଞ୍ଚଳରେ ସେବା ଯୋଗାଉଥିବା ସମୁଦାୟ ୧୧ଟି ଆହାର କେନ୍ଦ୍ରରେ ପ୍ଲାଷ୍ଟିକ ବଦଳରେ ଆହାର ଭୋଜନ ମିଳିବାର ଶୁଭାରମ୍ଭ ହେବ ।

ବିଏସି, ୟୁଏନଡିପି ଓ ଟଚଷ୍ଟେନ୍ ଫାଉଣ୍ଡେସନର ମିଳିତ ପଦକ୍ଷେପରେ କରାଯିବାକୁ ଥିବା ଏହି ଭିନ୍ନ ଧରଣର ବର୍ଜ୍ୟ ସଂଗ୍ରହ ପଦ୍ଧତିକୁ ସ୍ଥାନୀୟ କଳ୍ପନା ଆହାର କେନ୍ଦ୍ର (ରାଜ୍ୟ ମ୍ୟୁଜିୟମ ସାମ୍ନା) ଦିବା ୧୦.୪୫ ମିନିଟରେ ଶୁଭାରମ୍ଭ ହେବ ।

ଆଜିର ଦିନରେ ପ୍ଲାଷ୍ଟିକ ବର୍ଜ୍ୟବସ୍ତୁ, ବିଶେଷ କରି ଏକକ ବ୍ୟବହାରଯୁକ୍ତ ,ପ୍ଲାଷ୍ଟିକର ଅତ୍ୟଧିକ ବ୍ୟବହାର ପରିବେଶକୁ ରାସାୟନିକ ବିଷାକ୍ତୀକରଣ କରିଦେବା ଏବଂ ରାସ୍ତା, ନାଳ, ନଦୀ ଓ ଜଳାଶୟ ଇତ୍ୟାଦି ରୋଗଜୀବାଣୁ ବ୍ୟାପିବା, ବୁଲା ପ୍ରାଣୀ ଓ ପଶୁ ପ୍ଲାଷ୍ଟିକ୍ ଭକ୍ଷଣ କରିବା ଖୁବ ଦୁଃଖଦାୟକ ।

ତେଣୁ ସ୍ୱଚ୍ଛତାର ଅଭ୍ୟାସ ଆପଣେଇବା ପାଇଁ ବିଏମସି କର୍ତ୍ତୃପକ୍ଷ ପ୍ରତ୍ୟେକ ଆହାର କେନ୍ଦ୍ରଠାରେଖୋଲିବେ ପ୍ଲାଷ୍ଟିକ ବଦଳରେ ଆହାର ଭୋଜନ । ଅଧକେଜି ପ୍ଲାଷ୍ଟିକ ଦେଇ ନାଗରିକ ଏକ ଆହାର ମିଲ୍ ଖାଇବାର ସୁବିଧା ସମସ୍ତ ଆହାର କେନ୍ଦ୍ରରେ ଉପଲବ୍ଧ ହେବ ।

. ପ୍ରତିଦିନ ଜଣେ ଏକ କେଜି ପ୍ଲାଷ୍ଟିକ ଦେଇପାରିବ ।

.ଏହାର ପରିଚାଳନା ଡେପୁଟି କମିଶନର ୱେଲ୍ ଫେୟାରଙ୍କ ଉପରେ ନ୍ୟସ୍ତ ରହିବ ।

. ସମସ୍ତ ପ୍ଲାଷିକ ୟୁଏନଡିପି ନେବ ଓ ଏହାର ବୈଜ୍ଞାନିକ ପ୍ରକ୍ରିୟା କରଣ କରିବ ।

ଏହାଦ୍ୱାରା ଉତ୍ସରୁ ପୃଥକୀକରଣ ଅଭ୍ୟାସଗତ ହେବ ।

କଳାହାଣ୍ଡି:  ରାଜ୍ୟରେ ବଢୁଛି ଦୁଷ୍କର୍ମ ମାମଲା । ବିବାହିତା ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ । ଘଟଣା ଘଟିଛି ଭବାନୀପାଟଣା ସଦର ଥାନା ଅଞ୍ଚଳରେ । ଲିଫ୍ଟ ଦେବା ବାହାନାରେ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି । ଗୋବରା ନାଳରେ ତିନି ଜଣ ଦୁର୍ବୃତ୍ତ ମହିଳାଙ୍କୁ ଟେକି ନେଇ ଜୋରଜବରଦସ୍ତ ଦୁଷ୍କର୍ମ ପରେ ଘଟଣା ପ୍ରଘଟ ନ କରିବାକୁ ଧମକ ଦେଇଥିବା ଅଭିଯୋଗ ।

ଭବାନୀପାଟଣାର ସଦର ଥାନାରେ ଅଭିଯୋଗ ପରେ ତଲମଲା ଗାଁର ତିନି ଅଭିଯୁକ୍ତ ଝସକେତନ ନାଗ, ଲକ୍ଷ୍ମୀକାନ୍ତ ନାଗ, କିଶୋର ଚନ୍ଦ୍ର ମହାଲିକୁ ଗିରଫ କରିଛି ପୋଲିସ ।

ଗୋଆରୁ ଦାଦନ ସ୍ୱାମୀ ପଠାଇଥିବା ଟଙ୍କା ପୌଠ କରିବାକୁ ଯାଉଥିବା ବେଳେ ମହିଳା ଜଣଙ୍କ ଗଣଦୁଷ୍କର୍ମର ଶୀକାର ହୋଇଥିବା କହିଛନ୍ତି । ପୋଲିସ ଘଟଣାର ତଦନ୍ତ ଜାରି ରଖିଛି ।

ଖୋର୍ଦ୍ଧା: ଖୋର୍ଦ୍ଧା ବାଲୁଗାଁ ଗଙ୍ଗାନଗରରେ ଛାତ୍ରୀଙ୍କୁ ହତ୍ୟା । ଘରେ କେହି ନ ଥିବା ବେଳେ ଛାତ୍ରୀଙ୍କୁ  ଗଳା କାଟି ହତ୍ୟା ହୋଇଥିବା ଅଭିଯୋଗ ହୋଇଛି । ଯୁବତୀ ଜଣଙ୍କ ଯୁକ୍ତ ଦୁଇର ଛାତ୍ରୀ ଥିବା ଜଣାପଡ଼ିଛି ।

ପ୍ରାଥମିକ ସୁଚନା ମୁତାବକ ଏକତରଫା ପ୍ରେମରେ ବିଫଳ ହୋଇ ପ୍ରେମିକ ଏଭଳି କାଣ୍ଡ ବିହାଇଥିବା ଅନୁମାନ କରାଯାଉଛି । ଘରେ କେହି ନଥିବାର ସୁଯୋଗ ନେଇ ଯୁବତୀଙ୍କୁ ଗଳାକାଟି ତାକୁ ରକ୍ତ ଜୁଡୁବୁଡୁ ଅବସ୍ଥାରେ ଛାଡି ପଳାଇଥିଲା । ପରିବାର ଲୋକେ ଗୁରୁତର ଅବସ୍ଥାରେ ଯୁବତୀଙ୍କୁ ବ୍ରହ୍ମପୁର ଏମ୍ କେ ସି ଜି ମେଡିକାଲକୁ ସ୍ଥାନାନ୍ତର କରିଥିଲେ କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।

ଏହି ଘଟଣାରେ ଯୁବତୀଙ୍କ ଭାଉଜ ଓ ଶିବା ନାମକ ଯୁବକଙ୍କୁ ଅଟକ ରଖି ପଚରାଉଚରା କରୁଥିବା ଏସ.ପି ସୂଚନା ଦେଇଛନ୍ତି ।

ଭୁବନେଶ୍ୱର: ନାଗରିକତା ଆଇନ୍‌କୁ ନେଇ ବିରୋଧ ତୀବ୍ର ହେବାରେ ଲାଗିଛି । ଉତ୍ତର-ପୂର୍ବାଞ୍ଚଳ ପରେ ଏବେ ଦେଶର ଅନ୍ୟ ରାଜ୍ୟଗୁଡ଼ିକରେ ମଧ୍ୟ ଆଇନ୍‌କୁ ନେଇ ଦେଖାଦେଇଛି ପ୍ରତିବାଦ । ପଶ୍ଚିମବଙ୍ଗ, ଅରୁଣାଚଳ ପ୍ରଦେଶ ଓ ଦିଲ୍ଲୀରେ ମଧ୍ୟ ବିକ୍ଷୋଭ ପ୍ରଦର୍ଶନ କରିଛନ୍ତି ଲୋକେ ।

ଶୁକ୍ରବାରଠାରୁ ଆସାମରେ କର୍ଫ୍ୟୁ ଲାଗୁ କରାଯିବା ପରେ ସେଠାରେ କିଛି ମାତ୍ରାରେ ସ୍ଥିତି ନିୟନ୍ତ୍ରଣାଧୀନ ରହିଛି । ତେବେ ତ୍ରିପୁରା ଓ ମେଘାଳୟରେ ଇଣ୍ଟରନେଟ୍‌ ସେବା ବନ୍ଦ କରିଛନ୍ତି ସରକାର । ଅପରପକ୍ଷରେ ପଶ୍ଚିମବଙ୍ଗରେ ହିଂସାକାଣ୍ଡ ଭିଆଇଥିଲେ ବିକ୍ଷୋଭକାରୀ ।

ରେଳଓ୍ୱେ ଷ୍ଟେସନ୍‌ଗୁଡ଼ିକୁ ଟାର୍ଗେଟ କରିବା ସହ ରେଳ ଚଳାଚଳ ଅଚଳ କରିଦେଇଥିଲେ । ଯାହାର ପ୍ରଭାବ ଓଡ଼ିଶାରେ ଦେଖିବାକୁ ମିଳିଛି । ହାଓ୍ୱଡାରୁ ଓଡ଼ିଶା ଦେଇ ଯାଉଥିବା ଟ୍ରେନ୍‌କୁ ବାତିଲ କରିଛି ରେଳ ବିଭାଗ । ଏଥିସହ ପୁରୀଠାରୁ ସେହିପଟକୁ ଯାଉଥିବା ଟ୍ରେନ୍‌ ମଧ୍ୟ ବାତିଲ କରାଯାଇଛି ।

ଆଜି ହାଓ୍ୱଡାରୁ ବାତିଲ ହୋଇଥିବା ଟ୍ରେନ   –

୦୧.      ୨୦୮୮୯ ହାଓ୍ୱଡା-ତିରୁପତି ହମସଫର ଏକ୍ସପ୍ରେସ

୦୨.      ୨୨୮୭୭ ହାଓ୍ୱଡା-ଏର୍ଣ୍ଣାକୁଲମ ଅନ୍ତଦ୍ୱୟ ଏକ୍ସପ୍ରେସ

୦୩.      ୧୨୮୪୧ ହାଓ୍ୱଡା-ଚେନ୍ନାଇ କରମଣ୍ଡଳ ଏକ୍ସପ୍ରେସ

୦୪.      ୧୨୨୪୫ ହାଓ୍ୱଡା-ଯଶୋବନ୍ତପୁର ଦୁରନ୍ତ ଏକ୍ସପ୍ରେସ

୦୫.      ୧୮୬୪୫ ହାଓ୍ୱଡା-ହାଇଦ୍ରାବାଦ ଇଷ୍ଟ କୋଷ୍ଟ ଏକ୍ସପ୍ରେସ

୦୬.      ୧୨୮୪୭ ହାଓ୍ୱଡା-ପୁନେ ଦୁରନ୍ତ ଏକ୍ସପ୍ରେସ

୦୭.      ୧୨୮୬୦ ହାଓ୍ୱଡା-ମୁମ୍ବାଇ ଗୀତାଞ୍ଜଳି ଏକ୍ସପ୍ରେସ

ପୁରୀ ପଟୁ ବାତିଲ ହେଉଥିବା ଟ୍ରେନ

୦୧.      22890 ପୁରୀ-ଦିଘା ଏକ୍ସପ୍ରେସ ଆଜି ପୁରୀ ଠାରୁ

୦୨.      58002 ପୁରୀ-ସଂତ୍ରାଗାଛି ପାସେଞ୍ଜର ଆସନ୍ତା କଲି ପୁରୀରୁ

୦୩.      58404 ପୁରୀ-ଖୋର୍ଦ୍ଧା ରୋଡ଼ ପାସେଞ୍ଜର ଆସନ୍ତା କଲି ପୁରୀରୁ

ଆଂଶିକ ବାତିଲ ହେଉଥିବା ଟ୍ରେନ 

୦୧.      ଆଜି ପୁରୀରୁ ଛାଡିଥିବା ଶତାବ୍ଦୀ ଏକ୍ସପ୍ରେସ ହାଓ୍ୱଡା ପରିବର୍ତ୍ତେ ଖଡ଼ଗପୁରରୁ ଫେରିବ ଓ ଖଡ଼ଗପୁର ଓ ହାଓ୍ୱଡା ମଧ୍ୟରେ ଉଭୟ ଦିଗରୁ ବାତିଲ ରହିବ

୦୨.   ଆଜି ଭୁବନେଶ୍ୱରରୁ ଛାଡିଥିବା ଜନ ଶତାବ୍ଦୀ ଏକ୍ସପ୍ରେସ ହାଓ୍ୱଡା ପରିବର୍ତ୍ତେ ମେଛେଦI ଠାରୁ ଫେରିବ ଓ ମେଛେଦI ଓ ହାଓଡ଼ା ମଧ୍ୟରେ ଉଭୟ ଦିଗରୁ ବାତିଲ ରହିବ

ମଧ୍ୟବର୍ତ୍ତୀ ଷ୍ଟେସନ ମାନଙ୍କରେ ନିୟନ୍ତ୍ରିତ ହୋଇଥିବା ଟ୍ରେନ 

୦୧.      ଚେନ୍ନାଇ-ହାଓ୍ୱଡା କରମଣ୍ଡଳ ଏକ୍ସପ୍ରେସ ପାନ୍ସକୁରା ଠାରେ

୦୨.      ଯଶୋବନ୍ତପୁର-ହାଓ୍ୱଡା ଦୁରନ୍ତ ଏକ୍ସପ୍ରେସ ଭଦ୍ରକ ଠାରେ

୦୩.      ସିକନ୍ଦରାବାଦ-ହାଓ୍ୱଡା ଫଲକନାମା ଏକ୍ସପ୍ରେସ ଯାଜପୁର କେନ୍ଦୁଝର ରୋଡ଼ ଠାରେ

୦୪.      ପୁରୀ-ହାଓ୍ୱଡା ଧଉଳି ଏକ୍ସପ୍ରେସ କଟକ ଠାରେ