କଟକ: ମୋ ସରକାର ଯୋଜନାରେ ମନ୍ତ୍ରୀଙ୍କ ଠାରୁ ଆରମ୍ଭ କରି ସରକାରୀ ଉଚ୍ଚପଦସ୍ଥ ଅଧିକାରୀ ମାନେ ରାଜ୍ୟର ବିଭିନ୍ନ ସ୍କୁଲକୁ ଗସ୍ତ କରୁଛନ୍ତି । ସ୍କୁଲର ସମସ୍ୟା ବୁଝିବା ସହ ସେଠାରେ ମଧ୍ୟାନଭୋଜନ ମଧ୍ୟ କରୁଛନ୍ତି ।

ତେବେ କଟକ ଜିଲ୍ଲା ବଡ଼ମ୍ବା ବ୍ଲକ ଝାଜିଆ ହାଇସ୍କୁଲର ପ୍ରଧାନ ଶିକ୍ଷକଙ୍କ ସହଯୋଗରେ ତାଙ୍କ ସହକାରୀ ଶିକ୍ଷକ ଦିନ ଦ୍ୱିପ୍ରହରରେ ମଧ୍ୟାହ୍ନ ଭୋଜନ ଚାଉଳ ବାହାରକୁ ଚାଲାଣ କରୁଥିବାର ଚିତ୍ର ସାମ୍ନାକୁ ଆସିଛି। ଆଗରୁ ଅନେକ ଥର ଏଭଳି ମଧ୍ୟାନଭୋଜନ ଚାଉଳକୁ ବିକ୍ରିକରୁଥିବାର ଅଭିଯୋଗ ଥିଲେ ମଧ୍ୟ ଉକ୍ତ ପ୍ରଧାନ ଶିକ୍ଷକଙ୍କ ବିରୋଧରେ ଉଚ୍ଚପଦସ୍ଥ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିଲେ ।

ଗତ ୧୧ତାରିଖ ଦିନ ପ୍ରାୟ ୧୨ଟା ସମୟରେ ସ୍କୁଲ ଭିତରୁ ଚାଉଳ ଚାଲାଣ ହୋଇଥିବ ଦେଖିବାକୁ ମିଳିଥିଲା । ଅନ୍ୟପଟେ ସ୍କୁଲରେ ପାଠପଢୁଥିବା ପିଲାଙ୍କୁ ଚାଉଳ ଟେକିବାକୁ କୁହାଯାଉଥିବା ଦେଖିବାକୁ ମିଳିଛି । ଏସବୁ ଘଟଣା ପ୍ରଧାନ ଶିକ୍ଷକଙ୍କ ଅଜାଣତରେ ହୋଇଥିବା ସେ କହିଛନ୍ତି । ସ୍କୁଲରେ ଅନୁପସ୍ଥିତ ଥିବାବେଳେ ଏସବୁ ଘଟିଛି ଏବଂ ସ୍କୁଲକୁ ଯାଇ ଏ ଘଟଣାର ତଦନ୍ତ କରିବେ ବୋଲି କହିଛନ୍ତି ପ୍ରଧାନ ଶିକ୍ଷକ ।

ଆସିକା: ଜାତୀୟ ଟେଲିଭିଜନ ସଂସ୍ଥା ‘ଷ୍ଟାର ପ୍ଲସ୍’ରେ ପ୍ରସାରିତ ହେଉଥିବା ମାଷ୍ଟର ସେଫ୍ ସିଜନ-୬ କାର୍ଯ୍ୟକ୍ରମରେ ଓଡ଼ିଆ ପୁଅ ଅବିନାଶ ନାଏକଙ୍କ ବଜିମାତ୍ । ପୁର୍ବରୁ ସେ ଅନେକ ରୋଷେଇ ପ୍ରତିଯୋଗିତାରେ ଅଂଶଗ୍ରହଣ କରିସାରିଛନ୍ତି । ତେବେ ମାଷ୍ଟର ସେଫ୍ ରେ ଚିକେନ୍ ବେସର ପରଷି ଅଡିସନ୍ ରାଉଣ୍ଡକୁ ମନୋନିତ ହେବା ସହ ଆପ୍ରନ୍ ପାଇ ଚର୍ଚ୍ଚାକୁ ଆସିଛନ୍ତି ।

ଅବିନାଶଙ୍କ ଘର ଗଞ୍ଜାମ ଜିଲ୍ଲା ଉପକଣ୍ଠ ଆସିକା ସହର ଉପକଣ୍ଠ କାଳଷଣ୍ଢପୁର ଗ୍ରାମରେ । ତେବେ ସେ ଇଲେକ୍ଟ୍ରୋନିକ୍ ଟେଲିକମ୍ୟୁନିକେସନ ବ୍ରାଞ୍ଚରେ ଇଞ୍ଜିନିୟରିଂ ପଢ଼ାସାରି ଏବେ ହାଇଦ୍ରାବାଦ୍ ର ଇନଫୋସିସ୍ ରେ ଇଞ୍ଜିନିୟର ଭାବେ କାର୍ଯ୍ୟରତ ଅଛନ୍ତି । ତେବେ ଅବିନାଶ ମାଷ୍ଟର ସେଫ୍ ରେ ଚିକେନ୍ ସହ ବେସର ମସଲାରେ କରି ଉପସ୍ଥିତ ୩ ଜଜ୍ ଙ୍କ ମନ କିଣି ନେଇଥିଲେ ।  ତେବେ ସେଥିରେ ସେ ପାରମ୍ପରିକ ରାନ୍ଧଣା ଶୈଳୀରେ ଆଧୁନିକତାର ଛୁଙ୍କ ଦେଇ ସମସ୍ତଙ୍କ ପ୍ରଶଂସାର ପାତ୍ର ହୋଇଥିଲେ । ଏଥିରେ ବିକାଶ ଖନ୍ନା ଅତି ଆନନ୍ଦରେ ‘ଜୟ ହୋ ଓଡିଶା’ ବୋଲି ସମ୍ବୋଧନ କରିଥିଲେ ।

ପୂର୍ବରୁ ସେ ଲୋକିକୁକ୍ସ୍ ଫେଲୋସିପ୍ ୨୦୧୯ ପାଇଥିବା ବେଳେ ଗତ ବର୍ଷ ହଳଦୀରାମ ପକ୍ଷରୁ ହୋଇଥିବା ଏକ ରାନ୍ଧଣା ପ୍ରତିଯୋଗିତାରେ ଶୀର୍ଷ ୧୫ଜଣଙ୍କ ମଧ୍ୟରେ ଥିଲେ । ବର୍ତ୍ତମାନ ଅବିନାଶ ପଞ୍ଜାବରେ ସୋ’ର ସୁଟିଂରେ ବ୍ୟସ୍ତ ଥିବାରୁ ତାଙ୍କ ସହ ଯୋଗାଯୋଗ ହୋଇପାରିନାହିଁ । ତେବେ ତାଙ୍କ ବାପା ଆଦିକନ୍ଧ ନାୟକ ଏବଂ ମାଆ ବାସନ୍ତୀ ଦେବୀଙ୍କ କହିବାନୁଯାୟୀ ଅବିନାଶ୍ ଜଣେ ଇଞ୍ଜନିୟର ହୋଇଥିଲେ ମଧ୍ୟ ତାଙ୍କର ରୋଷେଇରେ ସର୍ବଦା ରୁଚି ଥାଏ ।

ଉଲ୍ଲେଖଯୋଗ୍ୟ ଯେ  ମାଷ୍ଟର ସେଫ୍ ରେ ଏହି ସୋ’ର ପ୍ରିମିୟର ଡିସେମ୍ବର ୭ରେ ପ୍ରସାରିତ ହୋଇଯାଇଛି । ତେବେ ଏହାର ୱିନର୍ କିଏ ହେବ ତାହା ଦେଖିବା ବାକି ରହିଲା ।

ରାଇରଙ୍ଗପୁର: ମୟୂରଭଞ୍ଜରେ ପୁଣି ଲଜ୍ୟା । ଜଣେ ନାବାଳିକାକୁ ତାର ଭାଇ ଅସଦାଚର କରିବା ଭଳି ସଙ୍ଗୀନ ଅଭିଯୋଗ ଆସିଛି। ପ୍ରେମ ଓ ଭାତୃତ୍ୱ ବନ୍ଧନରେ ବନ୍ଧା ତଥା ସୁରକ୍ଷା ପାଇଁ ରାକ୍ଷୀ ବାନ୍ଧୁଥିବା ଭଉଣୀକୁ ଛାଡୁ ନାହିଁ ଭାଇ। ଭାଇ ଶବ୍ଦରେ କଳଙ୍କର ଟୀକା ଲଗାଇ ଭଉଣୀକୁ ଅସଦାଚର କରିଛି ରାଇରଙ୍ଗପୁର ଆଦର୍ଶ ଥାନା ଅନ୍ତଗର୍ତ ସାନ ପାଖନା ଗ୍ରାମର  ଯୁବକ ।

ନିଜ ଦାଦାଙ୍କ ନାବାଳିକା ଝିଅଙ୍କୁ ଏକୁଟିଆ ଘରେ ପାଇ ଅସଦାଚରଣ କରିଛି ଭାଇ। ଏମିତି  ସଙ୍ଗୀନ ଅଭିଯୋଗରେ ଭାଇ ଗିରଫ ହୋଇଛି। ଗିରଫ ଅଭିଯୁକ୍ତ ଭାଇ ହେଲା ସାନ ପାଖନା ଗ୍ରାମର ବାପୁନ ଦାସ। ରାଇରଙ୍ଗପୁର ଟାଉନ ପୁଲିସ ଅଭିଯୁକ୍ତ ବାପୁନକୁ  ପୋକ୍ସ ଆକ୍ଟରେ ଗିରଫ କରି ଆଇପିସି ଧାରା ୪୫୧/୨୯୪/୩୨୩/୩୪୧/୩୫୪/୩୫୪(କ)/୫୦୬ ଲଗାଇଛି। ଆସନ୍ତା କାଲି ପୁଲିସ ଅଭିଯୁକ୍ତକୁ କୋର୍ଟ ଚାଲାଣ କରିବାକୁ ଥିବା ଜଣାପଡିଛି।