ଦିଲ୍ଳୀ ଏୟାରପୋର୍ଟରେ ସୋମବାର ସକାଳର ଦୃଶ୍ୟ । ଭିଡ଼ ଭିତରେ ଅଡ଼ୁଆରେ ପକାଇଥିଲା ଏକ ଅଜବ ଦୃଶ୍ୟ । ସ୍ୱିଡେନ୍ ଷୋଡ଼ଶ ରାଜା କାର୍ଲ ଗୁସ୍ତଫ୍ ଏବଂ ରାଣୀ ସିଲଭିଆ ପାଞ୍ଚଦିନିଆ ଭାରତ ଗସ୍ତରେ ଆସିଛନ୍ତି । ଷ୍ଟକହୋମରୁ ଏୟାର ଇଣ୍ଡିଆ ଯୋଗେ ଦିଳ୍ଳୀରେ ଆସିପହଞ୍ଚିଥିଲେ ଏହି ରାଜ ଦମ୍ପତି, ତେବେ ଉପସ୍ଥିତ ଜନତାଙ୍କୁ ଏବଂ କର୍ମଚାରୀଙ୍କୁ ଏ କଥା ଆଶ୍ଚର୍ଯ୍ୟଚକିତ କରିଥିଲା ଯେ ଏମାନେ ରାଜାରାଣୀ ହେଲେ ବି ନାହିଁ ରାଜକୀୟ ଠାଣି ।
ଅତ୍ୟନ୍ତ ନମ୍ର ସ୍ୱଭାବଯୁକ୍ତ ଏ ଦମ୍ପତିଙ୍କ ଉଦାରତା ସମସ୍ତଙ୍କୁ କରିଥିଲା ଆକୃଷ୍ଟ । ମଣିଷ ଯେତେ ଉପରକୁ ଯାଏ ତା ଆଖପାଖରେ ବଢିଯାଆନ୍ତି ସହଯୋଗୀ ଏବଂ ପ୍ରତିଟିକ୍ଷେତ୍ରରେ ବଢିଯାଏ ସେବା ପାଇବାର ମନୋବୃତ୍ତି । ହେଲେ ସ୍ୱିଡ଼େନର ରାଜାରାଣୀ ଆସି ପହଞ୍ଚିବା ପରେ ନିଜ ଲଗେଜ୍ ନିଜେ ବୋହୁଥିବା ଦେଖିବାକୁ ମିଳିଥିଲା ।
କେଇଘଣ୍ଟା ଭିତରେ ରାଜଦମ୍ପତିଙ୍କର ଏ ଗେସ୍ଚର ଟ୍ୱିଟ୍ରେ ଭାଇରାଲ ହୋଇଥିଲା । ଅନେକ ଏହାକୁ ପ୍ରେରଣାଦାୟୀ କହିବା ସହ ଅନେକ ଏହାକୁ ସ୍ୱତନ୍ତ୍ର ଅତିଥିଙ୍କ ସ୍ୱତନ୍ତ୍ର ଆଚରଣ ବୋଲି ମତ ରଖିଥିଲେ । ତେବେ ସ୍ୱିଡେନର ଏହି ରାଜଦମ୍ପତି ଏବେ ପର୍ଯ୍ୟନ୍ତ ଜାମା ମସ୍ଜିଦ, ରେଡ଼ଫର୍ଟ, ଗାନ୍ଧୀସ୍ମୃତିସ୍ତମ୍ଭ ବୁଲିସାରିଥିବା ବେଳେ ଭାରତର ପର୍ଯ୍ୟଟନର ଉଚ୍ଚପ୍ରଶଂସା କରିଛନ୍ତି ।
ଗତ ଅକ୍ଟୋବରରେ ୩ଟି ପର୍ଯ୍ୟାୟରେ ନିଲାମ ଡାକିଥିଲେ । ବିଡିଂ ବେଳେ ଟେକ୍ନିନାଲ ତ୍ରୁଟି, ଅନିୟମିତତା ଅଭିଯୋଗ ପରେ ସରକାର ଖଣି ନିଲାମ ବାତିଲ୍ କରିଥିଲେ । ସେତେବେଳେ ୧୭୭ଟି ଆବେଦନ ଆସିଥିଲା । ମୂଳ କମ୍ପାନୀ ଓ ସବସିଡିଆରି କମ୍ପାନୀ ନାଁରେ ଟେଣ୍ଡର ଆବେଦନ କରିଥିଲେ ।
