ଭୁବନେଶ୍ୱର: ସିଆରପି ଛକ ମୁଣ୍ତାସାହି ବସ୍ତିରେ ଗ୍ୟାସ୍ ଲିକେଜରୁ ଅଗ୍ନିକାଣ୍ଡ । ୬ ଜଣ ଆହତ, କ୍ୟାପିଟାଲ ହସ୍ପିଟାଲରେ ଭର୍ତ୍ତି । ୨ ଜଣଙ୍କ ଅବସ୍ଥା ସଙ୍କଟାପନ୍ନ, କଟକ ସ୍ଥାନାନ୍ତର ।
ଆସିକା: କବିସୂର୍ଯ୍ୟନଗର ମେରୁବନ୍ଧ ସାହି ଜୁଆ ଆଡ୍ଡା ଉପରେ ଚଢ଼ାଉ । ୬ ଜଣ ଜୁଆଡି ଗିରଫ, ୨୩ ହଜାର ୬୧୦ ଟଙ୍କା ଜବତ ।
ଆସିକା: କବିସୂର୍ଯ୍ୟନଗର ମେରୁବନ୍ଧ ସାହି ଜୁଆ ଆଡ୍ଡା ଉପରେ ଚଢ଼ାଉ । ୬ ଜଣ ଜୁଆଡି ଗିରଫ, ୨୩ ହଜାର ୬୧୦ ଟଙ୍କା ଜବତ ।
ଚରମବାଣୀ ଶୁଣାଇଲା ସେସୁ, ବିଲ୍ ନଭରିଲେ ଅନ୍ଧାର ହୋଇଯିବ ଘର
ଭୁବନେଶ୍ୱର: ସାବଧାନ, କଟିଯିବ ଆପଣଙ୍କ ଘରୁ ବିଦ୍ୟୁତ୍ । ଆସନ୍ତା ୧୬ ତାରିଖରୁ ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରିବ ସେସୁ । ବକେୟା ଦେଇନଥିବା ଗ୍ରାହକଙ୍କ ଠାରୁ ବିଦ୍ୟୁତ୍ କଟାଯିବା ନେଇ ସେସୁ ସିଇଓ ଅରୁଣ ବୋଥ୍ରା ସୂଚନା ଦେଇଛନ୍ତି ।
ସେସୁର ୭ ଲକ୍ଷ ଉପଭୋକ୍ତାଙ୍କ ପାଖରେ ପ୍ରାୟ ୧୯୭୧ କୋଟି ଟଙ୍କା ବିଲ୍ ବକେୟା ରହିଛି । ସେଥି ମଧ୍ୟରୁ ୧ ଲକ୍ଷ ୧୦ ହଜାର ଲୋକ ବକେୟା ପୈଠ କରିଛନ୍ତି । ଏପର୍ଯ୍ୟନ୍ତ ମାତ୍ର ୨୧ କୋଟି ଟଙ୍କା ବକେୟା ଆଦାୟ ହୋଇଛି । ୧୫ ତାରିଖ ସୁଦ୍ଧା ବାକି ଟଙ୍କା ପୈଠ ନକଲେ ବିଦ୍ୟୁତ୍ କଟାଯିବ ବୋଲି ଗ୍ରାହକଙ୍କୁ ଚରମବାଣୀ ଶୁଣାଇଛି ସେସୁ ।
ବକେୟା ବିଲ୍ ପୈଠ ପାଇଁ ସେସୁ ୮ ଲକ୍ଷ ୩୬ ହଜାର ଘରୋଇ ଗ୍ରାହକ, ୫୯ ହଜାର ୧୯୦ ବାଣିଜ୍ୟିକ ଗ୍ରାହକଙ୍କୁ ପୁଣିଥରେ ନୋଟିସ୍ ପଠାଇଛି । ୫ ହଜାର ୯୬୫ ସରକାରୀ ସଂଯୋଗରେ ୬୪ କୋଟି ୩୫ ଲକ୍ଷ ଟଙ୍କା ବାକି ପଡ଼ିଛି । ମାର୍ଚ୍ଚ ୩୧ ତାରିଖ ପୂର୍ବରୁ ଟଙ୍କା ପୈଠ କରାଯିବ ବୋଲି ରାଜ୍ୟ ସରକାର ପ୍ରତିଶ୍ରୁତି ଦେଇଛନ୍ତି ।
ଲୋକଙ୍କୁ ଛାଡ଼ୁନି ମାଗଣା ମୋହ: ବିଜୁଳି ଜାଳୁଛନ୍ତି, ବିଲ୍ ଦେଉନାହାନ୍ତି
କଳାହାଣ୍ଡି: ବନ୍ଧୁକ ଦେଖାଇ କପା ବ୍ୟବସାୟୀଙ୍କ ଠାରୁ ୬ ଲକ୍ଷ ଟଙ୍କା ଲୁଟ୍ । ଜୁନାଗଡ଼ ଥାନା ବୋରଗୁଡ଼ା ଛକ ନିକଟରେ ବାପ, ପୁଅଙ୍କୁ ଆକ୍ରମଣ କରି ଲୁଟିନେଲେ ଦୁର୍ବୃତ୍ତ । ଉଭୟ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ।
କଳାହାଣ୍ଡି: ବନ୍ଧୁକ ଦେଖାଇ କପା ବ୍ୟବସାୟୀଙ୍କ ଠାରୁ ୬ ଲକ୍ଷ ଟଙ୍କା ଲୁଟ୍ । ଜୁନାଗଡ଼ ଥାନା ବୋରଗୁଡ଼ା ଛକ ନିକଟରେ ବାପ, ପୁଅଙ୍କୁ ଆକ୍ରମଣ କରି ଲୁଟିନେଲେ ଦୁର୍ବୃତ୍ତ । ଉଭୟ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ।
ଟିଉସନ କରିବା ନାଁରେ ଝିଅଙ୍କ ସହ ଏମିତି କରୁଥିଲେ ସାର !
ଜଗତସିଂହପୁର: ଟିଉସନ କରିବା ନାଁରେ ଝିଅମାନଙ୍କୁ ଅନୈତିକ କାର୍ଯ୍ୟରେ ଲଗାଉଥିଲେ ଟିଉସନ ସାର । କେବଳ ସେତିକି ନୁହେଁ ‘ପିଲାମାନେ ଭଲ ପାଠ ପଢୁଛନ୍ତି, ତାଙ୍କୁ ମୁଁ ଚାକିରି କରେଇ ଦେବି କିଛି ପଇସାର ବନ୍ଦୋବସ୍ତ କରନ୍ତୁ’ ଏମିତି କହି ଅଭିଭାବକଙ୍କ ଠାରୁ ପଇସା ବି ନେଇଛନ୍ତି । ଏମିତି ଏକ ସଙ୍ଗିନୀ ଅଭିଯୋଗ ଆଣିଛନ୍ତି ଗ୍ରାମବାସୀ ଏବଂ ପରିବାର ଲୋକ।
ଏଭଳି ଅଭିଯୋଗ ପାଇ ଜଗତସିଂହପୁର ଜିଲ୍ଲା ନାଉଗାଁ ଥାନା ପକ୍ଷରୁ ଟିଉସନ ସାରଙ୍କ ନାମରେ ଦୁଇ ଦୁଇଟି ମାମଲା ରୁଜୁ କରାଯାଇ ଟିଉସନ ସାରଙ୍କୁ କୋର୍ଟ ଚାଲାଣ କରାଯାଇଛି ବୋଲି ଜଗତସିଂହପୁର ଏସଡ଼ିପି ପ୍ରିୟ ରଞ୍ଜନ ଶତପଥୀ ସୂଚନା ଦେଇଛନ୍ତି । ଏହି ଖବର ସମଗ୍ର ନାଉଗାଁ ଅଂଚଳରେ ଚଞ୍ଚଲ୍ୟ ଖେଳାଇଦେଇଛି ।
ସୂଚନା ଅନୁସାରେ ନାଉଗାଁ ଥାନା ନନ୍ଦିଗାଁର ଟିଉସନ ସାର ଧୀରେନ୍ଦ୍ର କୁମାର ରାଉତ (୫୬) ଟିଉସନ କରିବା ନାଁରେ ଝିଅଙ୍କୁ ନେଇ ପାରାଦ୍ୱୀପ ଭଡାଘରେ ରଖିଥିଲେ । ସେଠାରେ ପିଲାମାନେ ଭଲ ପଢିବା କଥା ଆସି ପରିବାର ଲୋକଙ୍କୁ ଜଣାଇବା ସହ ତାଙ୍କୁ ଚାକିରି କରାଇଦେବା ନାଁରେ ପରିବାର ଲୋକଙ୍କ ଠାରୁ କିଛି ଟଙ୍କା ମଧ୍ୟ ନେଇ ଥିଲେ । କିନ୍ତୁ କିଛି ଦିନ ପରେ ସେ ଝିଅମାନଙ୍କୁ ନେଇ ଗାଁକୁ ଫେରିଥିଲେ । ଗାଁକୁ ଫେରିବା ପରେ ଝିଅମାନେ ନିଜ ନିଜ ଘରକୁ ନଯାଇ ଟିଉସନ ସାରଙ୍କ ଘରେ ରହିଥିଲେ ।
ପରିବାର ଲୋକଙ୍କ ବରମ୍ବାର କହିବା ସତ୍ତ୍ୱେ ମଧ୍ୟ ଝିଅମାନେ ଘରକୁ ଫେରିବାକୁ ରାଜି ନଥିଲେ ତେଣୁ ଟିଉସନ ସାର ଝିଅମାନଙ୍କୁ କୌଣସି ଅନୈତିକ କାମରେ ଲଗାଉଥିବା ସନ୍ଦେହ କରିଥିଲେ ପରିବାର ଲୋକ । ଏନେଇ ଗ୍ରାମବାସୀ ଓ ପରିବାର ଲୋକ ନାଉଗାଁ ଥାନାରେ ସମ୍ପୃକ୍ତ ଟିଉସନ ସାରଙ୍କ ନାମରେ ଅଭିଯୋଗ କରିଥିଲେ ।
ଭୁବନେଶ୍ୱର: ଭାରତ ବନ୍ଦରେ ବିନା ହେଲମେଟରେ ବାଇକ ରାଲି ଘଟଣା । ୩୦ ଜଣଙ୍କ ବିରୋଧରେ କଟା ଯାଇଛି ଚାଲାଣ । ୬୦ରୁ ଅଧିକ ଜଣଙ୍କୁ ଫୁଟେଜ ଆଧାରରେ ଚିହ୍ନଟ କରାଯାଉଛି । ଖୁବଶୀଘ୍ର ଚାଲାଣ ପଠାଯିବ । ଟ୍ରାଫିକ୍ ଡିସିପି ସାଗରିକା ନାଥଙ୍କ ସୂଚନା ।
ଭୁବନେଶ୍ୱର: ଭାରତ ବନ୍ଦରେ ବିନା ହେଲମେଟରେ ବାଇକ ରାଲି ଘଟଣା । ୩୦ ଜଣଙ୍କ ବିରୋଧରେ କଟା ଯାଇଛି ଚାଲାଣ । ୬୦ରୁ ଅଧିକ ଜଣଙ୍କୁ ଫୁଟେଜ ଆଧାରରେ ଚିହ୍ନଟ କରାଯାଉଛି । ଖୁବଶୀଘ୍ର ଚାଲାଣ ପଠାଯିବ । ଟ୍ରାଫିକ୍ ଡିସିପି ସାଗରିକା ନାଥଙ୍କ ସୂଚନା ।
ଭୁବନେଶ୍ୱର: ବକେୟା ବିଦ୍ୟୁତ୍ ବିଲ୍ ପୈଠ କରୁନଥିବା ଲୋକଙ୍କୁ ସେସୁର ଚେତାବନୀ । ଆସନ୍ତା ୧୬ ତାରିଖରୁ କଟାଯିବ ବିଦ୍ୟୁତ୍ ସଂଯୋଗ । ଏବେ ବି ବକେୟା ବିଲ୍ ଦେଇନାହାନ୍ତି ପ୍ରାୟ ୬ ଲକ୍ଷ ଲୋକ । ସେସୁ ସିଇଓ ଅରୁଣ ବୋଥ୍ରାଙ୍କ ସୂଚନା ।
ଭୁବନେଶ୍ୱର: ବକେୟା ବିଦ୍ୟୁତ୍ ବିଲ୍ ପୈଠ କରୁନଥିବା ଲୋକଙ୍କୁ ସେସୁର ଚେତାବନୀ । ଆସନ୍ତା ୧୬ ତାରିଖରୁ କଟାଯିବ ବିଦ୍ୟୁତ୍ ସଂଯୋଗ । ଏବେ ବି ବକେୟା ବିଲ୍ ଦେଇନାହାନ୍ତି ପ୍ରାୟ ୬ ଲକ୍ଷ ଲୋକ । ସେସୁ ସିଇଓ ଅରୁଣ ବୋଥ୍ରାଙ୍କ ସୂଚନା ।
ମଧ୍ୟାହ୍ନ ଭୋଜନ ଖାଇ ୩୩ ଛାତ୍ରଛାତ୍ରୀ ଅସୁସ୍ଥ
କଟକ: କଟକ ସଦର ଅଞ୍ଚଳ ଷଣ୍ଢପୁର ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ମଧ୍ୟାହ୍ନଭୋଜନ ଖାଇ ଅସୁସ୍ଥ ହୋଇପଡ଼ିଛନ୍ତି । ଅସୁସ୍ଥ ଅନୁଭବ କରୁଥିବା ୩୩ଜଣ ଛାତ୍ରଛାତ୍ରୀଙ୍କୁ କଟକ ଶିଶୁ ଭବନ ପଠାଯାଇଛି। ଭର୍ତ୍ତି ସମସ୍ତ ଛାତ୍ରଛାତ୍ରୀଙ୍କ ଅବସ୍ଥା ସ୍ଥିର ଥିବା ଶିଶୁ ଭବନ ଅଧ୍ୟକ୍ଷ ଡଃ ସରୋଜ ଶତପଥୀ ସୂଚନା ଦେଇଛନ୍ତି ।
ନାବାଳିକାଙ୍କୁ ଅପହରଣ ପରେ ଦୁଷ୍କର୍ମ ଅଭିଯୋଗରେ ଜଣେ ଗିରଫ
ବାଲେଶ୍ଵର: ରାଇବାଣିଆରେ ପୁଣି ଲଜ୍ଜା । ଅପହରଣ ପରେ ଦୁଷ୍କର୍ମ ଅଭିଯୋଗରେ ଅଭିଯୁକ୍ତ ଗିରଫ । ସୂଚନା ଅନୁଯାୟୀ ବାଲେଶ୍ଵର ଜିଲ୍ଲା ରାଇବାଣିଆ ଥାନା ଅଞ୍ଚଳର ଜୈନିକ ନାବାଳିକାକୁ ଜଳେଶ୍ୱର ନଶ୍ଚିମପୁର ଅଞ୍ଚଳର ଅଶୋକ ଦତ୍ତ ଅପହରଣ କରି ଦୁଷ୍କର୍ମ କରିଥିବା ଅଭିଯୋଗ କରିଥିଲେ ନାବାଳିକାଙ୍କ ପରିବାର ।
ଗତ ୭ ତାରିଖ ଦିନ ନାବାଳିକାର ପରିବାର ଏନେଇ ରାଇବାଣିଆ ଥାନାରେ ଲିଖିତ ଅଭିଯୋଗ କରିଥିଲେ । ତେବେ ରାଇବାଣିଆ ଥାନାରେ ମାମଲା ରୁଜୁ ପରେ ଏକ ସ୍ୱତନ୍ତ୍ର ପୋଲିସ ଟିମ ପୁରୀରୁ ନାବାଳିକାଙ୍କୁ ଉଦ୍ଧାର କରିଯାଇଛି । ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ କରାଯିବ ବୋଲି ଜଳେଶ୍ୱର SDPO ସୂଚନା ଦେଇଛନ୍ତି ।
କଂଗ୍ରେସକୁ ମମତାଙ୍କ ଝଟକା, CAA ବିରୋଧୀ ବୈଠକରେ ଯୋଗ ଦେବେ ନାହିଁ ବୋଲି କଲେ ସ୍ପଷ୍ଟ
ପଶ୍ଚିମବଙ୍ଗ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କଂଗ୍ରେସ ସମେତ ସମସ୍ତ ବିରୋଧୀ ଦଳଙ୍କୁ ଝଟ୍କା ଦେଇଛନ୍ତି । ରାଜଧାନୀ ଦିଲ୍ଲୀରେ ଜାନୁୟାରୀ ୧୩ରେ ଆୟୋଜିତ ହେବାକୁ ଥିବା ବିରୋଧୀ ଦଳ ବୈଠକରେ ସେ ଯୋଗଦେବେ ନାହିଁ ବୋଲି କହିଛନ୍ତି । ମମତାଙ୍କ ମତରେ କଂଗ୍ରେସ ଓ ବାମଦଳ ପଶ୍ଚିମବଙ୍ଗରେ ଦୂଷିତ ରାଜନୀତି କରୁଛନ୍ତି । ସେଥିପାଇଁ ସେ ଏକା ନାଗରିକତ୍ୱ ସଂଶୋଧନ ଆଇନ(ସିଏଏ) ଓ ରାଷ୍ଟ୍ରୀୟ ନାଗରିକତା ରେଜିଷ୍ଟର(ଏନ୍ଆର୍ସି) ବିରୋଧରେ ଲଢିବେ ବୋଲି ସ୍ଥିର କରିଥିବା କହିଛନ୍ତି।
ସୂଚନାଯୋଗ୍ୟ, ମମତା ସିଏଏ ଓ ଏନ୍ଆର୍ସିକୁ ଆରମ୍ଭରୁ ବିରୋଧ କରୁଥିବା ବେଳେ ଏହାକୁ ନେଇ କିଛି ରାଲି ମଧ୍ୟ ଆୟୋଜନ କରି ସାରିଛନ୍ତି। ଏହାକୁ ନେଇ ସେ ସବୁ ବେଳେ ମୋଦି ସରକାର ବିଶେଷ କରି ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଟାର୍ଗେଟ କରିଛନ୍ତି।