ମଧ୍ୟପ୍ରଦେଶ: ସଂଶୋଧିତ ନାଗରିକତା ଆଇନକୁ ଜବଲପୁରରେ ହିଂସା । ଗୋହଲପୁର, ହନୁମାନତାଳ ସହ କୋଟୱାଲି, ଅଧରତାଲ ଥାନା ଅଞ୍ଚଳରେ କର୍ଫ୍ୟୁ ଜାରି ।
ଭୁବନେଶ୍ୱର: ୩୩ଟି ସାଙ୍ଗଠନିକ ଜିଲ୍ଲା ସଭାପତିଙ୍କ ନାଁ ଘୋଷଣା କଲା ବିଜେପି ।
ଭୁବନେଶ୍ୱର: ୩୩ଟି ସାଙ୍ଗଠନିକ ଜିଲ୍ଲା ସଭାପତିଙ୍କ ନାଁ ଘୋଷଣା କଲା ବିଜେପି ।
୩୩ଟି ସାଙ୍ଗଠନିକ ଜିଲ୍ଲାର ସଭାପତିଙ୍କ ନାଁ ଘୋଷଣା କଲା ବିଜେପି
ଭୁବନେଶ୍ୱର: ରାଜ୍ୟ ବିଜେପି ପକ୍ଷରୁ ୩୩ଟି ସାଙ୍ଗଠନିକ ଜିଲ୍ଲା ସଭାପତିଙ୍କ ନାଁ ଘୋଷଣା କରାଯାଇଛି । ରାଜ୍ୟ ନିର୍ବାଚନ ଅଧିକାରୀ ରଂଜନ ପଟେଲଙ୍କ ଅନୁମୋଦନ କ୍ରମେ ରାଜ୍ୟ ସହ ନିର୍ବାଚନ ଅଧିକାରୀ ଓ ମୁଖପାତ୍ର ଶ୍ରୀ ସୁଦୀପ୍ତ ରାୟ ନାଁ ଘୋଷଣା କରିଛନ୍ତି । ଜିଲ୍ଲା ସଭାପତିମାନେ ହେଲେ ଅନୁଗୁଳ–ଦିଲେଶ୍ୱର ପ୍ରଧାନ, ଢେଙ୍କାନାଳ-ନରେଶ ମହାପାତ୍ର, କଟକ ନଗର- ଲଲାତେନ୍ଦୁ ବଡୁ, କଟକ ସଦର- ପୂର୍ବତନ ବିଧାୟକ ପ୍ରକାଶ ଚନ୍ଦ୍ର ବେହେରା, ଜଗତସିଂହପୁର- ସତ୍ୟବ୍ରତ ମହାପାତ୍ର, କେନ୍ଦ୍ରାପଡ଼ା- କିଶୋର ପଣ୍ଡା, ଯାଜପୁର- ଗୌତମ ରାୟ, ଭଦ୍ରକ- ହେମନ୍ତ ପାଢୀ, ବାଲେଶ୍ୱର- ଉମାକାନ୍ତ ମହାପାତ୍ର, ବାରିପଦା- ପୂର୍ବତନ ବିଧାୟକ କାନ୍ଦରା ସୋରେନ, ରାଇରଙ୍ଗପୁର- ବିଧାୟକ ନବଚରଣ ମାଝୀ ।
କେନ୍ଦୁଝର- ଅଂଶୁମାନ ସବୁଜ ମହନ୍ତ ବର୍ମା, ସୁନ୍ଦରଗଡ଼(ବଣାଇ)- ଅନୀଲ ବାର୍ଲା, ସୁନ୍ଦରଗଡ଼ (ପାନପୋଷ)- ଲତିକା ପଟ୍ଟନାୟକ, ସୁନ୍ଦରଗଡ଼- ବିଧାୟକ ଭବାନୀ ଭୋଇ, ଝାରସୁଗୁଡ଼ା- ମଙ୍ଗଳ ସାହୁ, ଦେବଗଡ଼- ମୀନ କେତନ ପ୍ରଧାନ, ସମ୍ବଲପୁର- ଗିରୀଶ ପଟେଲ, ବରଗଡ଼- ଅଶ୍ୱନୀ ଷଡ଼ଙ୍ଗୀ, ବୌଦ୍ଧ- ବିପ୍ର ଚରଣ ମହାନ୍ତି, ସୁବର୍ଣ୍ଣପୁର- ପ୍ରମୋଦ ମହାପାତ୍ର, ବଲାଙ୍ଗୀର- ଶିବାଜୀ ମହାନ୍ତି, ନୂଆପଡା- ସୁବ୍ରତ ଠାକୁର, କନ୍ଧମାଳ- ଜଗନ୍ନାଥ ସାହୁ, ନବରଙ୍ଗପୁର- ଜଗଦୀଶ ବିଶୋଇ, କୋରାପୁଟ- ସୁମନ୍ତ ପ୍ରଧାନ, ମାଲକାନଗିରି- ବିଧାୟକ ଆଦିତ୍ୟ ମାଢୀ, ରାୟଗଡା- ଶିବ ପଟ୍ଟନାୟକ, ଗଜପତି- ବିଧାୟକ କେ. ନାରାୟଣ ରାଓ, ଗଂଜାମ-ବିଭୂତି ଜେନା, ଘୁମୁସର- ଗୋକୁଳାନନ୍ଦ ମଲ୍ଲିକ, ନୟାଗଡ-ଲାଲା ମନୋଜ ରାୟ, ଖୋର୍ଦ୍ଧା- ରଶ୍ମି ରଂଜନ ମହାପାତ୍ର, ପୁରୀ- ଆଶ୍ରିତ ପଟ୍ଟନାୟକଙ୍କୁ ଚୟନ କରାଯାଇଛି ।
ଜିଲ୍ଲା ସଭାପତି ନିର୍ବାଚନ ଡିସେମ୍ବର ୧୫ ଓ ୧୬ ତାରିଖ ଦୁଇ ଦିନ ଧରି ଅନୁଷ୍ଠିତ ହୋଇଥିଲା । ଏହା ପୂର୍ବରୁ ରାଜ୍ୟସ୍ତରୀୟ ନେତୃବୃନ୍ଦମାନେ ବିଭିନ୍ନ ଜିଲ୍ଲା ଗସ୍ତ କରି ଜିଲ୍ଲା ଓ ମଣ୍ଡଳ ସ୍ତରର ନେତୃମଣ୍ଡଳୀଙ୍କ ସହ ଆଲୋଚନା କରି କରିଥିଲେ । ଡିସେମ୍ବର ୧୫ ଓ ୧୬ ଦୁଇ ଦିନ ଧରି ଅନୁଷ୍ଠିତ ଜିଲ୍ଲା ସଭାପତି ନିର୍ବାଚନର ଫଳାଫଳ ଆଜି ଘୋଷଣା ହୋଇଛି ।
୫ଟି ପର୍ଯ୍ୟାୟରେ ଅନୁଷ୍ଠିତ ହେବ ବିଜୁ ଜନତା ଦଳର ସାଙ୍ଗଠନିକ ନିର୍ବାଚନ
ଭୁବନେଶ୍ୱର: ୫ଟି ପର୍ଯ୍ୟାୟରେ ଅନୁଷ୍ଠିତ ହେବ ବିଜୁ ଜନତା ଦଳର ସାଙ୍ଗଠନିକ ନିର୍ବାଚନ । ଡିସେମ୍ବର ୨୭ ତାରିଖରୁ ୨୬ ଫେବ୍ରୁଆରୀ ୨୦୨୦ ମଧ୍ୟରେ ନିର୍ବାଚନ ଅନୁଷ୍ଠିତ ହେବ । ଦଳର ସାଙ୍ଗଠନିକ ନିର୍ବାଚନକୁ ସୁପରିଚାଳନା କରିବା ପାଇଁ ବିଜେଡି ସଭାପିତ ରାଜ୍ୟ ନିର୍ବାଚନ ଅଧିକାରୀ ଭାବେ ପ୍ରତାପ କେଶରୀ ଦେବଙ୍କୁ ନିଯୁକ୍ତି କରିବା ପରେ ଶ୍ରୀ ଦେବ ୩୩ଟି ସାଙ୍ଗଠନିକ ଜିଲ୍ଲା ପାଇଁ ଜିଲ୍ଲା ନିର୍ବାଚନ ଅଧିକାରୀ ଏବଂ ସମସ୍ତ ବ୍ଲକ ଓ ନଗରାଞ୍ଚଳ ପାଇଁ ସହାୟକ ନିର୍ବାଚନ ଅଧିକାରୀମାନଙ୍କୁ ନିଯୁକ୍ତ କରିଛନ୍ତି ।
ପ୍ରଥମ ପର୍ଯ୍ୟାୟ ନିର୍ବାଚନ ୨୭ ଡିସେମ୍ବର ୨୦୧୯ରୁ ୧୩ ଜାନୁଆରୀ ୨୦୨୦ ମଧ୍ୟରେ ହେବ । ଏହି ପର୍ଯ୍ୟାୟରେ ପଞ୍ଚାୟତ ସଭାପତି ସହିତ କମିଟି ସଭ୍ୟ, ନଗରାଞ୍ଚଳର ୱାର୍ଡ ସଭାପତି ସହିତ କମିଟି ସଭ୍ୟପଦ ପାଇଁ ନିର୍ବାଚନ ଅନୁଷ୍ଠିତ ହେବ । ସେହିପରି ଦ୍ୱିତୀୟ ପର୍ଯ୍ୟାୟ ୧୪ ଜାନୁଆରୀ ୨୦୨୦ରୁ ଆରମ୍ଭ ହୋଇ ୨୯ ଜାନୁଆରୀ ୨୦୨୦ରେ ଶେଷ ହେବ । ଏଥିରେ ବ୍ଲକ ସଭାପତି ସହିତ ବ୍ଲକ କମିଟି ସଭ୍ୟ, ଏନ୍ଏସି ସଭାପତି ସହିତ ଏନ୍ଏସି କମିଟି ସଭ୍ୟ, ମ୍ୟୁନିଲିପାଲିଟି ସଭାପତି, ସଭ୍ୟ ଓ ମହାନଗର ନିଗମ ସଭାପତି, ନଗର କମିଟି ସଭ୍ୟ ପଦ ପାଇଁ ନିର୍ବାଚନ ହେବ ।
ତୃତୀୟ ପର୍ଯ୍ୟାୟ ୩୦ ଜାନୁଆରୀ ୨୦୨୦ରୁ ୧୫ ଫେବ୍ରୁଆରୀ ୨୦୨୦ ମଧ୍ୟରେ ଅନୁଷ୍ଠିତ ହେବ । ସେହିପରି ଚତୁର୍ଥ ପର୍ଯ୍ୟାୟ ୧୬ ଫେବ୍ରୁଆରୀ ୨୦୨୦ରୁ ୧୮ ଫେବ୍ରୁଆରୀ ୨୦୨୦ ମଧ୍ୟରେ ଅନୁଷ୍ଠିତ ହେବ । ଏଥିରେ ରାଜ୍ୟ ପରିଷଦ ସଭ୍ୟପଦ ପାଇଁ ନିର୍ବାଚନ ହେବ । ପଞ୍ଚମ ତଥା ଶେଷ ପର୍ଯ୍ୟାୟ ନିର୍ବାଚନ ୨୩ ଫେବ୍ରୁଆରୀରୁ ଆରମ୍ଭ ହୋଇ ୨୬ ଫେବ୍ରୁଆରୀରେ ଶେଷ ହେବ । ଏହି ପର୍ଯ୍ୟାୟରେ ରାଜ୍ୟ କାର୍ଯ୍ୟକାରୀ କମିଟି ସଭ୍ୟ ଓ ରାଜ୍ୟ ସଭାପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ ବୋଲି ପ୍ରେସମିଟରେ ବିଜେଡିର ରାଜ୍ୟ ନିର୍ବାଚନ ଅଧିକାରୀ ପ୍ରତାପ କେଶରୀ ଦେବ ସୂଚନା ଦେଇଛନ୍ତି ।
ଭୁବନେଶ୍ୱର: ୫ଟି ପର୍ଯ୍ୟାୟରେ ଅନୁଷ୍ଠିତ ହେବ ବିଜୁ ଜନତା ଦଳର ସାଙ୍ଗଠନିକ ନିର୍ବାଚନ । ଡିସେମ୍ବର ୨୭ ତାରିଖରୁ ୨୬ ଫେବ୍ରୁଆରୀ ୨୦୨୦ ମଧ୍ୟରେ ହେବ । ପ୍ରେସମିଟରେ ସୂଚନା ଦେଲେ ବିଜେଡିର ରାଜ୍ୟ ନିର୍ବାଚନ ଅଧିକାରୀ ପ୍ରତାପ କେଶରୀ ଦେବ ।
ଭୁବନେଶ୍ୱର: ୫ଟି ପର୍ଯ୍ୟାୟରେ ଅନୁଷ୍ଠିତ ହେବ ବିଜୁ ଜନତା ଦଳର ସାଙ୍ଗଠନିକ ନିର୍ବାଚନ । ଡିସେମ୍ବର ୨୭ ତାରିଖରୁ ୨୬ ଫେବ୍ରୁଆରୀ ୨୦୨୦ ମଧ୍ୟରେ ହେବ । ପ୍ରେସମିଟରେ ସୂଚନା ଦେଲେ ବିଜେଡିର ରାଜ୍ୟ ନିର୍ବାଚନ ଅଧିକାରୀ ପ୍ରତାପ କେଶରୀ ଦେବ ।
ଦିଲ୍ଲୀ-ଏନସିଆର ସମେତ ୪ ରାଜ୍ୟରେ ଭୂମିକମ୍ପ ଅନୁଭୂତ
ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ଭୂମିକମ୍ପ ଅନୁଭୂତ ହୋଇଛି । ଦିଲ୍ଲୀ ସହ ଉତ୍ତର ଭାରତର ଅନେକ ସ୍ଥାନର ଝଟକା ଅନୁଭୂତ ହୋଇଥିବା ଜଣାପଡ଼ିଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୬.୩ ରହିଛି ।
ମିଳିଥିବା ସୂଚନା ଅନୁଯାୟୀ ଭୂମିକମ୍ପର କେନ୍ଦ୍ରସ୍ଥଳ ହେଉଛି ଆଫଗାନିସ୍ତାନର ହିନ୍ଦକୁଶ ପର୍ବତମାଳା । ଦିଲ୍ଲୀ ସହ ଚଣ୍ଡିଗଡ଼, କଶ୍ମୀରରେ ମଧ୍ୟ ଭୂମିକମ୍ପ ଝଟକା ଅନୁଭୂତ ହୋଇଥିବା ଖବର ମିଳିଛି । ତେବେ, କ୍ଷୟକ୍ଷତି ନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ସୂଚନା ନାହିଁ ।
https://twitter.com/ANI/status/1207996613735698433
ପାକିସ୍ତାନରେ ମଧ୍ୟ ଭୂମିକମ୍ପ ଝଟକା ଅନୁଭୂତ ହୋଇଛି । ଇସଲାମାବାଦ ସହ ଅନ୍ୟ ସହରରେ ଭୂମିକମ୍ପ ପ୍ରାୟ ୧୦ ସେକେଣ୍ଡ ଧରି ଅନୁଭୂତ ହୋଇଥିବା ସୂଚନା ମିଳିଛି ।
ପୋଲିସ ବାନ୍ଧି ନେଲେ ବି ଆପଣଙ୍କ ଏହି ସବୁ ଅଧିକାର ରହିଛି
ସଂଶୋଧିତ ନାଗରିକତ୍ୱ ଆଇନକୁ ନେଇ ଦେଶବ୍ୟାପୀ ବିରୋଧ ଜାରି ରହିଛି । ବିକ୍ଷୋଭକାରୀ ରାଜରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିବା ସହ ହିଂସା ଭିଆଉଛନ୍ତି । ଯାହାକୁ ପ୍ରଶମିତ କରିବା ପାଇଁ ଦେଶର ବିଭିନ୍ନ ସ୍ଥାନରେ ୧୪୪ ଧାରା ଲାଗୁ କରାଯାଇଛି । ତଥାପି କିଛି ସ୍ଥାନରେ ଲୋକେ କର୍ଫ୍ୟୁ ଭାଙ୍ଗି ବିକ୍ଷୋଭ ପ୍ରଦର୍ଶନ କରୁଛନ୍ତି । ଏଥିଲାଗି ପୋଲିସ ଶହ ଶହ ସଂଖ୍ୟାରେ ବିକ୍ଷୋଭକାରୀଙ୍କୁ ଅଟକ କରିଛି । ଯଦି ଆପଣ ବି କୌଣସି ପ୍ରକାର ବିକ୍ଷୋଭ କିମ୍ବା ପ୍ରତିବାଦରେ ସାମିଲ ହୋଇ ଅଟକ ହୁଅନ୍ତି, ତେବେ ଜାଣିରଖନ୍ତୁ ଅଟକ ପରେ ବି ଆପଣଙ୍କ କ’ଣ କ’ଣ ଅଧିକାର ରହିଛି ।
- ଅଟକ ହେବା ଗିରଫ ହେବା ସହ ସମାନ ନୁହଁ ।
- ପୋଲିସ ଦ୍ୱାରା ଅଟକ ହୋଇଥିବା ବ୍ୟକ୍ତିଙ୍କୁ ଅଟକ ହେବାର ୨୪ ଘଣ୍ଟା ମଧ୍ୟରେ ମାଜିଷ୍ଟ୍ରେଟ୍ଙ୍କ ସମ୍ମୁଖରେ ହାଜର କରେଇବାକୁ ପଡ଼େ ।
- ସେମାନେ କାହିଁକି ଅଟକ ହୋଇଛନ୍ତି । କେଉଁ କେଉଁ ଧାରାରେ ପୋଲିସ ତାଙ୍କୁ ଅଟକ କରିଛି ସେ ନେଇ ଜାଣିବାର ଅଧିକାର ରହିଛି ।
- ଅଟକ ହୋଇଥିବା ବ୍ୟକ୍ତି ନିଜ ଓକିଲଙ୍କୁ ଡାକିବା ପାଇଁ ପୋଲିସକୁ କହିପାରିବେ । ପଚରାଉଚରା ବେଳେ ମଧ୍ୟ ଓକିଲ ଉପସ୍ଥିତ ରହିପାରିବେ ।
- ପଚରାଉଚରା ବେଳେ ତାଙ୍କର ଚୁପ୍ ରହିବାର ମଧ୍ୟ ଅଧିକାର ରହିଛି । କାହିଁକି ନା’ ସେ ଦେଇଥିବା ଉତ୍ତର ତାଙ୍କ ବିରୋଧରେ କୋର୍ଟରେ ବ୍ୟବହାର ହୋଇପାରେ ।
- ପଚରାଉଚରା ବେଳେ ଅଟକ ହୋଇଥିବା ବ୍ୟକ୍ତି ଚାହିଁଲେ ଚୁପ୍ ରହିବା ସହ ପୋଲିସ ଦ୍ୱାରା ଦିଆଯାଇଥିବା କୌଣସି କାଗଜପତ୍ର, ବଣ୍ଡରେ ଦସ୍ତଖତ କରିବାକୁ ବାଧ୍ୟ ନୁହଁନ୍ତି ।
- ଅଟକ ହୋଇଥିବା ବ୍ୟକ୍ତି ଆହତ କିମ୍ୱା ଗୁରୁତର ହୋଇଥିଲେ ସେ ଚିକିତ୍ସା କରାଇପାରିବେ ।
- ଅଟକ ହୋଇଥିବା ବ୍ୟକ୍ତି ଯଦି ଜଣେ ମହିଳା, ତା’ହେଲେ ତାଙ୍କୁ ଜଣେ ମହିଳା କର୍ମଚାରୀ ହିଁ ଅଟକ କରିପାରିବେ । ସୂର୍ଯ୍ୟାସ୍ତ ପୂର୍ବରୁ କିମ୍ୱା ସୂର୍ଯ୍ୟୋଦୟ ପରେ ଅଟକ କରିପାରିବେ ।
- ପୋଲିସ ଦ୍ୱାରା ଅଟକ ହେବା ପରେ ତାଙ୍କୁ କୁଆଡେ ନିଆଯାଉଛି ସେ ନେଇ ଜାଣିବାର ଅଧିକାର ରହିଛି ।
ନୂଆଦିଲ୍ଲୀ: ଭୂମିକମ୍ପର କେନ୍ଦ୍ରସ୍ଥଳ ହିନ୍ଦକୁଶ ପର୍ବତମାଳା । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୬.୮ । ଦିଲ୍ଲୀ-ଏନସିଆର ସମେତ ଉତ୍ତର ଭାରତର ବିଭିନ୍ନ ସ୍ଥାନରେ ଝଟକା ଅନୁଭୂତ ହୋଇଥିବା ସୂଚନା ।
ନୂଆଦିଲ୍ଲୀ: ଭୂମିକମ୍ପର କେନ୍ଦ୍ରସ୍ଥଳ ହିନ୍ଦକୁଶ ପର୍ବତମାଳା । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୬.୮ । ଦିଲ୍ଲୀ-ଏନସିଆର ସମେତ ଉତ୍ତର ଭାରତର ବିଭିନ୍ନ ସ୍ଥାନରେ ଝଟକା ଅନୁଭୂତ ହୋଇଥିବା ସୂଚନା ।
ନୂଆଦିଲ୍ଲୀ: ଦିଲ୍ଲୀ-ଏନସିଆର ଅଞ୍ଚଳରେ ଭୂମିକମ୍ପ ଝଟକା ଅନୁଭୂତ ।
ନୂଆଦିଲ୍ଲୀ: ଦିଲ୍ଲୀ-ଏନସିଆର ଅଞ୍ଚଳରେ ଭୂମିକମ୍ପ ଝଟକା ଅନୁଭୂତ ।
କାମ କରିବାକୁ ଯାଇ ହଜି ଯାଇଥିଲେ, ୫୫ ବର୍ଷ ପରେ ଘରକୁ ଫେରିଲେ
ଝାରସୁଗୁଡ଼ା: ଯୁବକ ଅବସ୍ଥାରେ ଘର ଛାଡିଥିଲେ ଆଉ ବୃଦ୍ଧ ବୟସରେ ଫେରିଲେ । ଦୀର୍ଘ ୫୫ ବର୍ଷ ପରେ ଘରକୁ ବାହୁଡ଼ିଲେ । ଝାରସୁଗୁଡ଼ା ବ୍ରଜରାଜନଗର ଗାୟତ୍ରୀନଗରର ଅଯୋଧ୍ୟା ବେସନଙ୍କ ବଡ ଭାଇ ଚାରୁ ବେସନ । ୨୨ ବର୍ଷ ବୟସରେ ଘର ଛାଡି କୁଆଡେ ପଳାଇଥିଲେ । ବହୁ ଖୋଜା ଖୋଜି ପରେବି ମିଳିନଥିଲେ ଚାରୁ । ୫୫ ବର୍ଷ ପରେ ଘରକୁ ଫେରିବା ପରେ ବେଶ ଖୁସି ଥିବାକହିଛନ୍ତି ଚାରୁ ।
ସୂଚାନା ଅନୁଯାୟୀ, ଚାରୁ ୨୨ ବର୍ଷ ବୟସରେ କାମ କରିବାକୁ ଯାଇ ଆଉ ଘରକୁ ଫେରିନଥିଲେ । ବହୁ ଖୋଜା ଖୋଜି ପରେ ମଧ୍ୟ ସେ ମିଳି ନଥିଲେ । ଘରୁ ଚାଲିଯିବା ପରେ ପଶ୍ଚିମବଙ୍ଗର ଯୋଦ୍ଧପୁର ରେଳ ଷ୍ଟେସନରେ ମାଗିଯାଚି ଚଳୁଥିଲେ ଚାରୁ ।
ସେଠାରେ ଥିବା ହମରେଡିଓ କ୍ଲବ କର୍ମକର୍ତ୍ତା ତାଙ୍କୁ ତାଙ୍କ ପରିଚୟ ପଚାରିଥିଲେ । ସେ ଓଡିଶା କହିଥିଲେ ମଧ୍ୟ ସଠିକ୍ ଠିକଣା କହିପାରି ନଥିଲେ । ପରେ ସଙ୍ଗଠନ କର୍ମକର୍ତ୍ତା ଓ ପୋଲିସ ସାହାଯ୍ୟରେ ପଶ୍ଚିମବଙ୍ଗ ଯୋଦ୍ଧପୁର ରେଳଷ୍ଟେସନରୁ ଉଦ୍ଧାର କରାଯାଇଥିଲା ତାଙ୍କୁ । ସେପଟେ ଘର ଲୋକ ମଧ୍ୟ ହଜିଲା ପୁଅକୁ ଘରେ ପାଇ ଭାବପ୍ରବଣ ହୋଇଯାଇଛନ୍ତି । ପୋଲିସ ଏବଂ ସମ୍ପୃକ୍ତ ସଙ୍ଗଠନ କର୍ମକର୍ତ୍ତାଙ୍କ ଯୋଗୁଁ ନିଜ ଘରକୁ ଫେରିପାରିଥିବା କହିଛନ୍ତି ଚାରୁ ।
