ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ସୀମାରେ ସୁଧୁରୁଛି ସ୍ଥିତି। ଦୀର୍ଘ ୩ ଦିନ ଧରି ଅଶାନ୍ତ ପରିବେଶ ପରେ ଫେରିଛି ଶାନ୍ତି। ଗତକାଲି ସିଜଫାୟର ଘୋଷଣା ପରେ ବନ୍ଦ ରହିଛି ଦୁଇ ସୀମାନ୍ତରୁ ଗୁଳିଗୋଳା ବର୍ଷଣ। ପାକିସ୍ତାନ ପଟୁ ଗତକାଲି ରାତିରୁ ଗୁଳିମାଡ଼ ବନ୍ଦ ରହିଛି। ଜାମ୍ମୁ କାଶ୍ମୀର, ପଞ୍ଜାବ, ରାଜସ୍ଥାନ ଓ ଗୁଜରାଟ ସୀମାରେ ଗୁଳିମାଡ଼ ବନ୍ଦ ରହିଛି। ଗତକାଲି ରାତିରେ ଭାରତ ସୀମାର ଆକାଶରେ କିଛି ଡ୍ରୋନ ଉଡୁଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକେ। ତେବେ ଏବେ ଡ୍ରୋନ ଉଡାଣ ମଧ୍ୟ ବନ୍ଦ ରହିଛି। ସ୍ଥିତି ସୁଧୁରିବା ପରେ କିଛି ଅଂଚଳରେ ବ୍ଲାକଆଉଟ ମଧ୍ୟ ଉଠାଇ ଦିଆଯାଇଛି। ବିଳମ୍ବିତ ରାତିରୁ ଏ ପର୍ଯ୍ୟନ୍ତ ସୀମାରେ ବନ୍ଦ ରହିଛି ଗୁଳିମାଡ଼। ଅଖନୁର, ପୁଞ୍ଚ, ପଞ୍ଜାବ ଓ ରାଜସ୍ଥାନ ସୀମାରେ ହୋଇନି ଫାୟାରିଂ। ସାଇରନ ବଜାଇବା ସହ ସାଧାରଣ ଜନତାଙ୍କ ଉଦ୍ଦେଶ୍ୟରେ କରାଯାଉଥିବା ଘୋଷଣା ମଧ୍ୟ ବନ୍ଦ ରହିଛି। ତେବେ ସୁରକ୍ଷା ଦୃଷ୍ଟିରୁ ଲୋକେ ନିଜେ ସେମାନଙ୍କର ଘରର ଲାଇଟ ସବୁକୁ ବନ୍ଦ କରି ରଖିଥିଲେ। ଭାରତ-ପାକ ସୀମାରେ ଉତ୍ତେଜନା ଦେଖାଦେବା ପରଠାରୁ ପାକିସ୍ତାନ୍ ପଟୁ ଗୁଳିଗୋଳା ମାଡ଼ରେ ୬ ସୁରକ୍ଷାକର୍ମୀଙ୍କ ସମେତ ୨୨ ଜଣଙ୍କ ମୃତ୍ୟୁ ହୋଇଛି। ଗତ ୭ ତାରିଖରୁ ପାକ ସୀମାପଟୁ ଗୁଳିଗୋଳା ମାଡ ଆରମ୍ଭ ହୋଇଥିଲା। ବିଜୁଳି ସେବା ମଧ୍ୟ ସଂପୂର୍ଣ୍ଣ ସ୍ବାଭାବିକ୍ ହୋଇଛି। ହେଲେ ସୁରକ୍ଷା ଦୃଷ୍ଟିରୁ ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି।

ନନ୍ଦିଘୋଷ ବ୍ୟୁରୋ: ଭାରତ ପାକିସ୍ତାନ ଉତ୍ତେଜନା ଯୋଗୁ ସ୍ଥଗିତ ଥିବା IPL ୨୦୨୫ ପୁଣି ଆରମ୍ଭ ହେବାକୁ ଯାଉଛି । ମ୍ୟାଚ୍ ପୁଣି ଆରମ୍ଭ କରିବାକୁ ପ୍ରୟାସ ଆରମ୍ଭ କରିଛି ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ । ଏବେ ମ୍ୟାଚ୍ କେବଳ ଦକ୍ଷିଣ ଭାରତରେ ନୁହେଁ ସାରା ଦେଶରେ ହେବ । ଏ ନେଇ ନୂଆ ତାରିଖ ପୁଣି ଘୋଷଣା କରାଯିବ ।

ବିସିସିଆଇର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଭାରତ ପାକିସ୍ତାନ ଯୁଦ୍ଧ ବନ୍ଦ ହୋଇଯାଇଛି । ତେଣୁ ଏବେ ମ୍ୟାଚ୍ ପୂରା ଦେଶରେ ଅନୁଷ୍ଠିତ ହୋଇପାରିବ । ପୂର୍ବରୁ ବିସିସିଆଇ ବାକି ମ୍ୟାଚ୍ ପାଇଁ ବେଙ୍ଗାଲୁରୁ, ଚେନ୍ନାଇ ଏବଂ ହାଇଦ୍ରାବାଦକୁ ଚୟନ କରିଥିଲା ।

ଏବେ ବିସିସିଆଇର ଏକ ଗୁରୁତ୍ବପୂର୍ଣ୍ଣ ମ୍ୟାଚ୍ ହେବାକୁ ଯାଉଛି । ଯେଉଁଥିରେ ପୁଣି ଆଇପିଏଲ ଆରମ୍ଭ ନେଇ ନିଷ୍ପତ୍ତି ନିଆଯିବ । କିଛି ଖେଳାଳି ନିଜ ଦେଶକୁ ଫେରି ଯାଇଛନ୍ତି । ଏ ନେଇ ପ୍ରଶଂସକମାନେ ଚିନ୍ତା କରିବାର କିଛି ଆବଶ୍ୟକତା ନାହିଁ । ଏହି ଦୁଇ ଦିନ ଭିତରେ ବୈଠକ ହେବାକୁ ଯାଉଛି ଯେଉଁଥିରେ ମ୍ୟାଚ୍ ନେଇ ନିଷ୍ପତ୍ତି ନିଆଯାଇପାରେ ।

ଜାମୁ କାଶ୍ମୀର: ଜାମୁ କାଶ୍ମୀରର ବିଭିନ୍ନ ସ୍ଥାନରେ SIAର ରେଡ୍। ସୋଫିଆନ, କୁଲଗାମ, ପୁଲଓ୍ବାମା ଓ ଅନନ୍ତନାଗରେ ଚେକିଂ କରାଯାଉଛି। ଆତଙ୍କୀ ଆକ୍ରମଣ ଘଟଣାରେ ଛାନବିନ୍ ଚଳାଇଛି SIA। ସେହିପରି ଅସ୍ତ୍ରବିରତି ପରେ ସୀମାରେ ଧିରେ ଧିରେ ସୁଧୁରୁଛି ସ୍ଥିତି। ରଜୌରୀ, ଅମୃତସର, ଶ୍ରୀନଗର ସହ ଅନ୍ୟ ଅଞ୍ଚଳରେ ମଧ୍ୟ ଉଡୁନି ଡ୍ରୋନ। ସ୍ଥିତିକୁ ନଜରରେ ରଖି ଆଲର୍ଟରେ ରହିଛନ୍ତି ଭାରତୀୟ ଯବାନ। ଗତକାଲି ଅସ୍ତ୍ରବିରତି ପରେ ପୁଣିଥରେ ଭାରତ ଉପରେ ଡ୍ରୋନ ଆକ୍ରମଣ କରିଥିଲା ପାକିସ୍ତାନ।

ଜାମ୍ମୁ କାଶ୍ମୀର, ରାଜସ୍ଥାନ, ଗୁଜରାଟ  ଓ ପଞ୍ଜାବର ଏକାଧିକ ସ୍ଥାନରେ ଡୋନ ଆକ୍ରମଣ ହୋଇଥିଲା। ଜୈସଲମେରରେ ୬ଟି ବିସ୍ଫୋରଣ ହୋଇଥିବା ସୂଚନା ମିଳିଥିଲା। ଏହାକୁ ନେଇ ଜୈସଲମେରରେ ବାଜିଥିଲା ଏୟାରରେଡ୍ ସାଇରନ। ଜଳନ୍ଧର, ଲୁଧିଆନା, ପଟିଆଲାରେ ବ୍ଲାକଆଉଟ କରାଯାଇଥିଲା। ପଠାନକୋଟ ନିକଟରେ ଦେଖାଯାଇଥିଲା ପାକିସ୍ତାନୀ ଡ୍ରୋନ। ରାଜସ୍ଥାନର ବାଡମେରରେ ଲଗାତାର ବାଜିଥିଲା ସାଇରନ। ଜାମ୍ମୁ କାଶ୍ମୀର ସାମ୍ବା, ରାମଗଡ଼ ଅଂଚଳରେ ବି ଦେଖାଗଲା ଡ୍ରୋନ। ପଠାନକୋଟ ସହ ପଞ୍ଜାବ ଫିରୋଜପୁର, ଜଳନ୍ଧର, ଲୁଧିଆନା, ପଟିଆଲାରେ ବ୍ଲାକଆଉଟ କରାଯାଇଥିଲା। ରାଜସ୍ଥାନ ସୀମାବର୍ତ୍ତୀ ଅଞ୍ଚଳରେ ଆଲର୍ଟ ଜାରି କରାଯାଇଥିଲା।…