ନନ୍ଦିଘୋଷ ବ୍ୟୁରୋ : ରଥଯାତ୍ରା ଏବଂ ବାଲି ଯାତ୍ରା ଜାତୀୟ ଅମୃତ ସାଂସ୍କୃତିକ ଐତିହ୍ୟ ତାଲିକାରେ ତାଲିକାଭୁକ୍ତ । ମହାପ୍ରଭୁଙ୍କ ରଥଯାତ୍ରାକୁ ଯୁନେସ୍କୋ ଦ୍ବାରା ବୈଶ୍ବିକ ସାଂସ୍କୃତିକ ଐତିହ୍ୟ ମାନ୍ୟତା ପ୍ରଦାନ ନେଇ ପ୍ରଥମ ସୋପାନ ସଫଳତାର ସହ ଅତିକ୍ରମ ହୋଇଛି । UNESCO ମାନ୍ୟତା ସକାଶେ ପ୍ରଥମେ କେନ୍ଦ୍ର ସଂସ୍କୃତି ମନ୍ତ୍ରଣାଳୟ ଅଧିନସ୍ଥ ସଙ୍ଗୀତ ନାଟକ ଅକାଡେମୀର ଜାତୀୟ ଐତିହ୍ଯ ତାଲିକାଭୁକ୍ତ ହେବାକୁ ପଡୁଥିବା ବେଳେ ଆଜି ବିଧିବଦ୍ଧ ଭାବେ ଏହି ତାଲିକାଭୁକ୍ତ ହୋଇଛି ରଥଯାତ୍ରା । ଆବେଦନ ଶେଷ ତାରିଖ ମାର୍ଚ୍ଚ ୩୧ ତାରିଖ ଥିବା ବେଳେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଠିକଣା ସମୟରେ ନାମାଙ୍କନ ଦାଖଲ ହୋଇଥିଲା । ଗଜପତି ମହାରାଜାଙ୍କ ମାର୍ଗଦର୍ଶନ ତଥା ମୁଖ୍ୟ ଶାସନ ସଚିବଙ୍କ ପରାମର୍ଶ ଅନୁସାରେ, ଶ୍ରୀମନ୍ଦିର ମୁଖ୍ଯ ପ୍ରଶାସକଙ୍କ ନେତୃତ୍ବରେ କମ୍ ଅବଧି ମଧ୍ଯରେ ସମସ୍ତ ପ୍ରସ୍ତୁତି ହୋଇଥିବା ବେଳେ ମହାପ୍ରଭୁଙ୍କ ସେବକମାନେ ମଧ୍ଯ ଏଥିପାଇଁ ସହଯୋଗ କରିଥିଲେ । ଏଥିପାଇଁ ସମସ୍ତ ଶ୍ରୀଜଗନ୍ନାଥ ପ୍ରେମୀ ଭକ୍ତ, ସେବକଙ୍କ ସହ ସହଯୋଗର ହାତ ବଢ଼ାଇଥିବା ବ୍ଯକ୍ତି ତଥା ଅନୁଷ୍ଠାନଙ୍କୁ ଧନ୍ୟବାଦ ଜଣାଇଛନ୍ତି ଶ୍ରୀମନ୍ଦିର ମୁଖ୍ଯ ପ୍ରଶାସକ ।
ଗୁଜରାଟର କଚ୍ଛର ଏକ କାଠ କମ୍ପାନୀରେ ଭୟଙ୍କର ଅଗ୍ନିକାଣ୍ଡ
ନନ୍ଦିଘୋଷ ବ୍ୟୁରୋ : ଗୁଜରାଟର କଚ୍ଛର ଗାନ୍ଧୀଧାମ ଭାଚୌ ରାଜପଥରେ ଥିବା ଏକ ପେଟ୍ରୋଲ ପମ୍ପ ନିକଟରେ ଏକ କାଠ କମ୍ପାନୀରେ ଭୟଙ୍କର ଅଗ୍ନିକାଣ୍ଡ ଘଟିଛି। ସୂଚନା ପାଇ ସ୍ଥାନୀୟ ପୋଲିସ, ଗାନ୍ଧୀଧାମ ପୌରପାଳିକା ସମେତ ଅଗ୍ନିଶମ ବାହିନୀର ଦଳ ସହିତ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ରିପୋର୍ଟ ଅନୁଯାୟୀ, ପେଟ୍ରୋଲ ପମ୍ପର କର୍ମଚାରୀମାନଙ୍କୁ ସୁରକ୍ଷିତ ଭାବରେ ସ୍ଥାନାନ୍ତର କରାଯାଇଛି। ବର୍ତ୍ତମାନ ସୁଦ୍ଧା କ୍ଷୟକ୍ଷତିର ଆକଳନ କରାଯାଇପାରିନାହିଁ । ଏପର୍ଯ୍ୟନ୍ତ କୌଣସି ମୃତାହତର ଖବର ମିଳିନାହିଁ ।
ଭିସୁଟ ପାସଆଉଟ ଛାତ୍ରୀ ଚିନ୍ମୟୀ ମୃତ୍ୟୁ ଘଟଣା : ପୁରୁଷ ବନ୍ଧୁ ଗିରଫ
ନନ୍ଦିଘୋଷ ବ୍ୟୁରୋ : ବୁର୍ଲା ଭିସୁଟର ପାସଆଉଟ ଛାତ୍ରୀ ମୃତ୍ୟୁ ଘଟଣାରେ ତାଙ୍କ ପୁରୁଷ ବନ୍ଧୁ ପ୍ରୀତିମାନ ଦେ ଗିରଫ। ଗତ ୨ ଫେବୃଆରୀ ୨୦୨୩ରେ ଘଟିଥିଲା ଏ ଘଟଣା। ରାତି ପ୍ରାୟ ୮ଟାରୁ ୯ଟା ମଧ୍ୟରେ ଚିନ୍ମୟୀ ଓ ତାଙ୍କର ଜଣେ ପୁରୁଷ ବନ୍ଧୁଙ୍କ ସହ ବୁର୍ଲା ପାୱାର ଚ୍ଯାନେଲ ବ୍ରିଜକୁ ବୁଲିବାକୁ ଯାଇଥିଲେ। ହେଲେ କିଛି ସମୟ ପରେ ଚିନ୍ମୟୀ ପାଣିରେ ପଡି ଯାଇଥିଲେ। ସେତେବେଳେ ଏହି ଘଟଣାକୁ ନେଇ ମୃତ ଚିନ୍ମୟୀଙ୍କ ମା ହତ୍ୟା ମାମଲା ରୁଜୁ କରିଥିଲେ। କିନ୍ତୁ ପୋଲିସ ଏହି ଘଟଣାର ତଦନ୍ତ କରି ସେତେବେଳେ ଚିନ୍ମୟୀ ପାଣିରେ ପଡି ମୃତ୍ୟୁ ହୋଇଥିବା କହିଥିଲା। ଯାହାକୁ ନେଇ ପରବର୍ତ୍ତୀ ସମୟରେ ମୃତ ଚିନ୍ମୟୀଙ୍କ ମା ହାଇକୋର୍ଟରେ ମାମଲା ରୁଜୁ କରିଥିଲେ। ଏହି ମାମଲା କ୍ରାଇମବ୍ରାଞ୍ଚ କିମ୍ବା ଏସଆଇଟିକୁ ଦେବା ପାଇଁ କୁହାଯାଇଥିଲା । ଘଟଣାରେ ହାଇକୋର୍ଟ ସମ୍ବଲପୁର ଏସପିଙ୍କୁ ଦୁଇ ସପ୍ତାହ ମଧ୍ଯରେ ରିପୋର୍ଟ ଦେବା ପାଇଁ ନିର୍ଦ୍ଦେଶ ଦେଇଥିଲେ।
ଅବୈଧ ସମ୍ପର୍କ ପାଇଁ ଯୁବକଙ୍କୁ ନିର୍ମମ ହତ୍ୟା; ଝୁଲନ୍ତା ଅବସ୍ଥାରେ ମିଳିଳା ମହିଳାଙ୍କ ଶବ
ନନ୍ଦିଘୋଷ ବ୍ୟୁରୋ : ମହାରାଷ୍ଟ୍ରର ଲାତୁରରେ ୪୦ ବର୍ଷୀୟ ବ୍ୟକ୍ତିଙ୍କ ହତ୍ୟା ପରେ ଜଣେ ମହିଳାଙ୍କ ଆତ୍ମହତ୍ୟା ଘଟଣା ପୁରା ସହରରେ ଚାଞ୍ଚଲ୍ୟ ସୃଷ୍ଟି କରିଛି । କୁହାଯାଉଛି କି, ଅବୈଧ ସମ୍ପର୍କ ଯେଗୁଁ ବ୍ୟକ୍ତିଜଣଙ୍କୁ ହତ୍ୟା କରାଯାଇଛି । ଏହି ଘଟଣାର କିଛି ସମୟ ପରେ ଜଙ୍ଗଲରେ ମହିଳା ଜଣକ ଏକ ଗଛରେ ଝୁଲିକି ଆତ୍ମହତ୍ୟା କରିଥିବା ଦେଖିବାକୁ ମିଳିଛି । ଏହି ଘଟଣା ନେଇ ଧାରା ୧୦୩ ଅନୁଯାୟୀ, ୫ ଜଣଙ୍କ ନାଁରେ ଅଭିଯୋଗ ଦାୟର ହୋଇଛି ଏବଂ ପୋଲିସ ତନାଘନା ଆରମ୍ଭ କରିଦେଲାଣି ।
ସୂଚନା ମୁତାବକ, ମୃତକ ଜଣକ ହେଲେ ଶରଦ ଇଂଗଲେ, ଲାତୁର ଜିଲ୍ଲାରେ କରକଟ୍ଟା ଗ୍ରାମପଞ୍ଚାୟତର ଏକ ୟୁନିଟରେ ସୁପରଭାଇଜର ଭାବେ କାମ କରୁଥିଲା । ସେଠାରେ ଏକ ମହିଳାଙ୍କ ସହ ତାଙ୍କର ଅବୈଧ ସମ୍ପର୍କ ସୃଷ୍ଟି ହୋଇଯାଇଥିଲା । ଏହି କାରଣରୁ ସେଠାକାର ଲୋକମାନେ ଶରଦଙ୍କୁ ହତ୍ୟା କରିଥିବା କୁହାଯାଉଛି । ଧାରୁଆ ଅସ୍ତ୍ର ସାହାଯ୍ୟରେ ଅନେକ ଥର ଆକ୍ରମଣ କରି ହତ୍ୟା କରାଯାଇଥିବା ପୋଲିସ ସୂଚନା ଦେଇଛି ।
ମୃତକ ଶରଦଙ୍କ ପତ୍ନୀଙ୍କ ଏଫଆଇଆର୍ ଆଧାରରେ ୫ ଜଣଙ୍କୁ ଗିରଫ କରି ପଚରାଉଚରା କରୁଛି ପୋଲିସ । ହେଲେ ଯୁବକ ଜଣଙ୍କର ଏକ ମହିଳାଙ୍କ ସହ ଅବୈଧ ସମ୍ପର୍କ ଥିବା ଜଣାପଡିଛି । ପୋଲିସ ଏବେ ସଦିଗ୍ଧ ପରିସ୍ଥିତିରେ ଝୁଲନ୍ତା ଅବସ୍ଥାରେ ମଳିଳାଙ୍କ ଝୁଲନ୍ତା ମୃତଦେହ ପାଇବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଦେଇଛି ।
ଅନ୍ୟପଟେ ଉଭୟ ମୃତଦେହକୁ ପୋଷ୍ଟମୋର୍ଟମ ପାଇଁ ପଠାଯାଇଛି । ଏବେ ରିପୋର୍ଟକୁ ଅପେକ୍ଷା କରିଛି ପୋଲିସ । ଏହାସହ ସାଇଣ୍ଟିଫିକ୍ ଟିମ୍ ମଧ୍ୟ ଘଟଣାସ୍ଥଳକୁ ଯାଞ୍ଚ କରି ସୁରାଗ ଏକାଠି କରିଛି । ଏହି ଘଟଣାର ଯାଞ୍ଚ ପାଇଁ ଏକ ଟିମ୍ ଗଠନ ହୋବା ସହ ଖୁବ୍ ଶୀଘ୍ର ଅପରାଧୀକୁ ଧରିବେ ବୋଲି କହିଛି ପୋଲିସ ।
କାଲିଠୁ ବଦଳିବ ପାଗ, ଗରମରୁ ଆଶ୍ବସ୍ଥି ଦେବ କାଳ ବୈଶାଖୀ ବର୍ଷା
ନନ୍ଦିଘୋଷ ବ୍ୟୁରୋ : କାଲିଠୁ ବଦଳିବ ପାଗ। ଗରମରୁ ଆଶ୍ବସ୍ଥି ଦେବ କାଳ ବୈଶାଖୀ ବର୍ଷା। ଘଡ଼ଘଡି ସହ ବୃଷ୍ଟିପାତ ନେଇ ୧୦ ଜିଲ୍ଲାକୁ ସତର୍କତା ଜାରି କରିଛି ପାଣିପାଗ କେନ୍ଦ୍ର । ଆସନ୍ତା ୨୪ ଘଣ୍ଟା ଭିତରେ ମୟୂରଭଞ୍ଜ, କେନ୍ଦୁଝର,ଅନୁଗୁଳ, ବୌଦ୍ଧ, ଖୋର୍ଦ୍ଧା, କଳାହାଣ୍ଡି, ରାୟଗଡା, ନବରଙ୍ଗପୁର,କୋରାପୁଟ, ଓ ମାଲାକନଗିରି ଜିଲା ମାନଙ୍କରେ ବିଜୁଳି ଘଡ଼ଘଡ଼ି ବର୍ଷା ହେବାନେଇ ଅନୁମାନ କରାଯାଉଛି । ସହି ସମୟରେ ୩୦ ରୁ ୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି । ସେପଟେ ୨୪ ଘଣ୍ଟା ଭିତରେ ରାଜ୍ୟରେ ସବୁଠୁ ଅଧିକ ତାପମାତ୍ରା ରେକର୍ଡ଼ ହୋଇଛି ବୌଦ୍ଧ ଜିଲାରେ । ବୌଦ୍ଧ ଜିଲାରେ ୪୧.୮ ଡିଗ୍ରୀ ରେକଡ଼ ହୋଇଛି । ରାଜ୍ୟର ୯ ଟି ଜାଗାରେ ୪୦ ଡିଗ୍ରୀରୁ ଅଧିକ ତାପମାତ୍ରା ରହିଛି ।
ତାତିକୁ ନେଇ ବିଏମସିର ସ୍ଵତନ୍ତ୍ର ପ୍ଲାନ୍ ; ଭୁବନେଶ୍ଵରର ପ୍ରମୁଖ ଛକରେ ଲାଗିଲା ଅସ୍ଥାୟୀ ସେଡ୍
ଭୁବନେଶ୍ୱର : ସମର ହିଟକୁ ବିଟ ପାଇଁ ବିଏମସିର ସ୍ଵତନ୍ତ୍ର ପ୍ଲାନ୍ । ରାଜଧାନୀ ଭୁବନେଶ୍ଵରର ପ୍ରମୁଖ ଛକରେ ଲାଗିଲା ଅସ୍ଥାୟୀ ସେଡ୍ । ଡେଲ୍ଟା, ପଟିଆ, ବିଗ୍ ବଜାର ଛକ, ସିଆରପି, ଜାଭିୟର, ନାଲକୋ ଛକ ଭଳି ୧୦ଟି ମୁଖ୍ୟ ଟ୍ରାଫିକରେ ଅସ୍ଥାୟୀ ସେଡ୍ ଲଗାଯାଇଛି । ଏଜି ଛକରେ ହେବ ସ୍ଥାୟୀ ସେଡ୍ । ଟ୍ରାଫିକରେ ଗାଡ଼ି ଛିଡ଼ା ହେଲେ ଛାଇରେ ଠିଆ ହେବେ ଯାତ୍ରୀ । ସେହିଭଳି ଏଜି ଛକରେ ରହିବ ଏକମାତ୍ର ବଡ଼ ସ୍ଥାୟୀ ସେଡ୍ । ଏଜିର ଚାରି ମୁଖ୍ୟ ରାସ୍ତାରେ ରହିବ ସେଡ୍ ।
ଅଂଶୁଘାତରୁ ମୁକ୍ତି ପାଇଁ ବିଏମସିର ସବୁ ୱାର୍ଡରେ ରହିବ ପର୍ଯ୍ୟାପ୍ତ ପରିମାଣର ପାନୀୟ ଜଳ ବ୍ୟବସ୍ଥା । ସବୁ ୱାର୍ଡରେ ୱାଟର କିଓସ୍କ ରହିବ । ପୂର୍ବ ବର୍ଷ ପରି ସ୍ଵୟଂ ସହାୟକ ମହିଳାମାନେ ଏଥର ଥଣ୍ଡା ଓ ସ୍ଵଚ୍ଛ ପାନୀୟ ଜଳ ବଣ୍ଟନ କରିବେ। ଅଂଶୁଘାତ ଶିକାର ରୋଗୀ ଙ୍କ ପାଇଁ ସବୁ ବିଏମଶି ହସ୍ପିଟାଲ ରେ ସ୍ଵତନ୍ତ୍ର ବଡ ରହିଛି । ଅସ୍ଥାୟୀ ସେଡ୍ ଭାଙ୍ଗିଲେ ସଙ୍ଗେ ସଙ୍ଗେ ନିର୍ମାଣ ହେବ । ୧୪ଟି ସ୍ଥାନରେ ସୋଲାର ୱାଟର କିଓସ୍କ ରହିବ । ଦିନ ୧୧ଟାରୁ ଅପରାହ୍ନ ୩ଟା ଯାଏ କାମ କରିବେ ନାହିଁ ଶ୍ରମିକ । କେବଳ ୨୩-୩୭ ନମ୍ବର ୱାର୍ଡକୁ ବାଦ ଦେଲେ ସବୁ ୱାର୍ଡରେ ୱାଟର କିଓସ୍କ ପ୍ରସ୍ତୁତ ହୋଇସାରିଛି । ବୁଲା ଗାଈ ଗୋରୁ, ପଶୁପକ୍ଷୀଙ୍କ ପାଇଁ ମାଟି ପାତ୍ରରେ ଜଳ ରହିବ ବୋଲି କହିଛନ୍ତି ଭୁବନେଶ୍ଵର ମେୟର ।
ମିରଟ୍ ଘଟଣା ପରି ସ୍ୱାମୀଙ୍କୁ ଡ୍ରମରେ ଭର୍ତ୍ତି କରିଦେବାକୁ ଧମକ, ଭାଇରାଲ ହେଉଛି ଭିଡ଼ିଓ
ନନ୍ଦିଘୋଷ ବ୍ୟୁରୋ : ମିରଟ୍ ଘଟଣାକୁ ନେଇ ସ୍ୱାମୀକୁ ଦେଲେ ଧମକ । କହିଲେ ଶରୀରକୁ କାଟି ଡ୍ରମରେ ପ୍ୟାକ୍ କରିଦେବେ । ଉତ୍ତର ପ୍ରଦେଶର ଗୋଣ୍ଡାରେ ଜଣେ ମହିଳା ତାଙ୍କ ସ୍ୱାମୀଙ୍କୁ ଏପରି ଧମକ ଦେଇଥିବା ଅଭିଯୋଗ ହୋଇଛି । ସମ୍ପ୍ରତି ମିରଠରେ ଘଟିଥିବା ଏକ ବିଭତ୍ସ ହତ୍ୟାକାଣ୍ଡକୁ ନେଇ ସ୍ୱାମୀକୁ ଚେତାବନୀ ଦେଉଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି। ଶନିବାର ଉଭୟ ପକ୍ଷଙ୍କଠାରୁ ଅଭିଯୋଗ ଆସିଛି ଏବଂ ତଦନ୍ତ ପରେ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି।
ଝାନ୍ସୀର ବାସିନ୍ଦା ଧର୍ମେନ୍ଦ୍ର କୁଶୱାହା ବର୍ତ୍ତମାନ ଗୋଣ୍ଡାର ଜଳ ନିଗମରେ ଜେଇ ଭାବେ କାର୍ଯ୍ୟରତ, ତାଙ୍କ ପତ୍ନୀ ମାୟା ମୌର୍ଯ୍ୟ ଏବଂ ତାଙ୍କ ପ୍ରେମିକ ନୀରଜ ମୌର୍ଯ୍ୟଙ୍କ ଉପରେ ସେ ଆକ୍ରମଣ ଏବଂ ହତ୍ୟା ଧମକ ଦେଇଥିବା ଅଭିଯୋଗ କରିଛନ୍ତି। କୁଶୱାହା କହିଛନ୍ତି ଯେ, ୨୦୧୬ ମସିହାରେ ମାୟା ମୌର୍ଯ୍ୟଙ୍କ ସହିତ ପ୍ରେମ ବିବାହ ହୋଇଥିଲା। ସେମାନଙ୍କର ଝିଅର ଜନ୍ମ ପରେ ତାଙ୍କ ପତ୍ନୀଙ୍କ ନାମରେ ତିନୋଟି ଚାରିଚକିଆ ଗାଡ଼ି କିଣିଥିଲେ ଏବଂ କିସ୍ତି ଦେଇ ଚାଲିଥିଲେ। କୁଶୱାହା କହିଛନ୍ତି ଯେ ସେ ୨୦୨୨ ମସିହାରେ ମାୟାଙ୍କ ନାମରେ ଏକ ଜମି ମଧ୍ୟ କିଣିଥିଲେ ଏବଂ ତାଙ୍କ ସମ୍ପର୍କୀୟ ନୀରଜ ମୌର୍ଯ୍ୟଙ୍କୁ ଘର ନିର୍ମାଣର ଠିକା ଦେଇଥିଲେ।
ଏହି ସମୟରେ ମାୟା ଏବଂ ନୀରଜ ନିକଟତର ହୋଇଥିଲେ ଏବଂ କୋଭିଡ୍-୧୯ ସମୟରେ ନୀରଜଙ୍କ ପତ୍ନୀଙ୍କ ମୃତ୍ୟୁ ପରେ ମାୟାଙ୍କ ସହିତ ନୀରଜଙ୍କ ସମ୍ପର୍କ ଗଭୀର ହୋଇଥିଲା। କୁଶୱାହା ଦାବି କରିଛନ୍ତି ଯେ, ସେ ମାୟା ଏବଂ ନୀରଜଙ୍କୁ ଆପତ୍ତିଜନକ ଅବସ୍ଥାରେ ଦେଖିଥିଲେ ଏବଂ କହିଥିଲେ ଯେ ସେ ପ୍ରତିବାଦ କରିବାରୁ ତାଙ୍କୁ ମାଡ଼ ମାରିଥିଲେ ଏବଂ ମାୟା ଘରୁ ବାହାରି ଆସିଥିଲେ।
ଅନ୍ୟପଟେ ମାୟା ଦାବି କରିଛନ୍ତି, ଯେ ତାଙ୍କ ସ୍ୱାମୀ ମିଥ୍ୟା ଅଭିଯୋଗ କରୁଛନ୍ତି। ସେ କହିଛନ୍ତି ଯେ କୁଶୱାହା ତାଙ୍କୁ ହଇରାଣ କରୁଛନ୍ତି ଏବଂ ଚାରି ଥର ଗର୍ଭପାତ କରିବାକୁ ବାଧ୍ୟ କରିଛନ୍ତି। ମାୟା ତାଙ୍କ ଅଭିଯୋଗରେ କହିଛନ୍ତି ଯେ କୁଶୱାହା ଜୁଲାଇ ୨୦୨୪ରେ ତାଙ୍କୁ ମାଡ଼ ମାରିଥିଲେ ଏବଂ ପରେ ସେ ମହିଳା ପୋଲିସ ଷ୍ଟେସନରେ ଏକ ରିପୋର୍ଟ ଦାଖଲ କରିଥିଲେ। ଏହା ପରେ, ସେ ଛାଡପତ୍ର ମାମଲା ଦାୟର କରି ତାଙ୍କୁ ଘରୁ ବାହାର କରିଦେଇଥିଲେ ବୋଲି ସେ ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ଏବଂ ସିସିଟିଭି ଫୁଟେଜ୍ ଯାଞ୍ଚ କରାଯାଉଛି ।
ସୀମା ଟପିଲେ ବିଜେପି ନେତା, ବନ୍ଧୁକ ମୁନରେ ଫଲ୍ସ ବିଲ୍ କରିବାକୁ ଚାପ
ନନ୍ଦିଘୋଷ ବ୍ୟୁରୋ : ବିଜେପି ନେତାଙ୍କ ଦାଦାଗିରି। ବନ୍ଧୁକ ମୁନରେ ଫଲ୍ସ ବିଲ କରିବାକୁ କନିଷ୍ଠ ଯନ୍ତ୍ରୀଙ୍କ ଉପରେ ଚାପ। ଦସ୍ତଖତ ନକରିବାରୁ ଯନ୍ତ୍ରୀଙ୍କୁ କଲେ ଆକ୍ରମଣ। ହେଲେ ଏତଲା ରଖିଲେନି ଥାନା ଆଇଆଇସି। ବଲାଙ୍ଗୀର ଖପ୍ରାଖୋଲ ଥାନା ଅଂଚଳର ଏ ଘଟଣା। ଘଟଣା ନେଇ ଏସପିଙ୍କ ଦ୍ଵାରସ୍ଥ ହେବାରୁ ଟାଉନ ଥାନାରେ ମାମଲା ରୁଜୁ ହୋଇଛି। ବନ୍ଧୁକ ମୁନରେ ଘରୁ ଟାଣି ଆଣି ବଲାଙ୍ଗୀର ଖପ୍ରାଖୋଲ କ୍ଷୁଦ୍ର ଜଳସେଚନ ବିଭାଗର କନିଷ୍ଠ ଯନ୍ତ୍ରୀ ଲୋହିତ କିଶୋର ବଳକୁ ଆକ୍ରମଣ ଅଭିଯୋଗ। ରାସ୍ତାରେ ଘୋଷାଡ଼ି ଘୋଷାଡ଼ି ମରଣାନ୍ତକ ଆକ୍ରମଣ କରିଥିଲେ ବିଜେପି କର୍ମୀ ।
ଖପ୍ରାଖୋଲ ବ୍ଲକ ସାହାଜପାଣି ସମିତିସଭ୍ୟ ଉପେନ୍ଦ୍ର ଭୋଇଙ୍କ ସମେତ ୨୦ରୁ ୩୦ ବିଜେପି କର୍ମୀ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି। ପୂର୍ବରୁ କନିଷ୍ଠ ଯନ୍ତ୍ରୀ ତାଙ୍କ ଜୀବନପ୍ରତି ବିପଦ ଥିବା ନେଇ ଖପ୍ରାଖୋଲ ଥାନା ଅଧିକାରୀଙ୍କୁ ଜଣାଇଥିଲେ। କିନ୍ତୁ ପୋଲିସ କୌଣସି ଆଗୁଆ ପଦକ୍ଷେପ ଗ୍ରହଣ କରିବା ଦୂରର କଥା ଆକ୍ରମଣ ଖବର ପାଇ ମଧ୍ୟ ଉଦ୍ଧାର କରିନଥିଲା । ରକ୍ତାକ୍ତ ଅବସ୍ଥାରେ ଯାନ୍ତ୍ରୀ ଥାନାକୁ ଯାଇ ଅଭିଯୋଗ କରିବାରୁ ପୋଲିସ ଶୁଣିଲାନି କି ଏତଲା ମଧ୍ୟ ରଖିଲାନି। ମାନସିକ ସ୍ତରରେ ଭୟଭୀତ ଥିବା କହିଛନ୍ତି କନିଷ୍ଠ ଯନ୍ତ୍ରୀ । ହତ୍ୟା କରିବାକୁ ଯନ୍ତ୍ରୀଙ୍କୁ ଫୋନରେ ଧମକଚମକ ଦେଉଥିବାରୁ ଖପ୍ରାଖୋଲ ନଯାଇ ଭୟରେ ବଲାଙ୍ଗୀରରେ ରହିଥିବା କହିଛନ୍ତି ।
ଘଟଣା ନେଇ ପାଟଣାଗଡ଼ ବିଧାୟକ ତଥା ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓଙ୍କୁ ମଧ୍ଯ ଜଣାଇଥିବା କହିଛନ୍ତି । ଅଭିଯୁକ୍ତ ଉପେନ୍ଦ୍ର ଭୋଇ କନକବର୍ଦ୍ଧନ ସିଂଦେଓଙ୍କ ନିକଟତର ହୋଇଥିବାରୁ ନ୍ୟାୟ ପାଇଁ କନିଷ୍ଠ ଯନ୍ତ୍ରୀ ବଲାଙ୍ଗୀର ଏସ୍ପିଙ୍କ ଦ୍ୱାରସ୍ଥ ହୋଇଥିଲେ। ବଲାଙ୍ଗୀର ଟାଉନ୍ ଥାନା ଅଧିକାରୀଙ୍କୁ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଥିଲେ ଏସପି। ବିଜେପି ନେତା ଉପେନ୍ଦ୍ର ଭୋଇଙ୍କ ସମେତ ଆଉ କିଛି ବିଜେପି କର୍ମୀ ନାଁରେ ମାମଲା ରୁଜୁ ହୋଇଛି
ଝାଡାବାନ୍ତିରେ ଆକ୍ରାନ୍ତ ହୋଇ ଦୁଇ ଦିନରେ ୩ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ
ଢେଙ୍କାନାଳ: ଢେଙ୍କାନାଳ କମଲାଙ୍ଗ ପଞ୍ଚାୟତ କମଲାଙ୍ଗ ବରସାହିରେ ଝାଡାବାନ୍ତି ଆତଙ୍କ। ଝାଡାବାନ୍ତିରେ ଆକ୍ରାନ୍ତ ହୋଇ ଦୁଇ ଦିନରେ ୩ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତକ ହେଲେ ଅନନ୍ତ ନାହାକ, ରଜନୀ ପେଣ୍ଠି ଏବଂ ଅନନ୍ତ ନାୟକ। ଝାଡାବାନ୍ତିରେ ଆଉ ଏକ ଗାଁର ୧୭ ଜଣ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି।ଏଥିରୁ ୫ ଜଣ ଗୁରୁତର ହୋଇ ଅନୁଗୁଳ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।ଝାଡାବାନ୍ତିରେ ଗାଁରେ ଆତଙ୍କ ସୃଷ୍ଟି ହୋଇଛି। ଅନେକ ଘର ଖାଲି ପଡିଛି।ଘରୁ କେହି ପଦାକୁ ବାହାରୁନାହାନ୍ତି।ଝାଡାବାନ୍ତିକୁ ନେଇ ପୁରା ଗାଁରେ ତାଟି କବାଟ ପଡିଯାଇଛି। ଝାଡ଼଼ାବାନ୍ତି ବ୍ଯାପିବାକୁ ନେଇ ଲୋକେ ଗାଁରେ ପୂଜାର୍ଚ୍ଚନା କରୁଛନ୍ତି।
ମହାକୁମ୍ଭର ଭାଇରାଲ ଗାର୍ଲ ମୋନାଲିସାକୁ ଫିଲ୍ମ ଅଫର ଦେଇଥିବା ନିର୍ଦ୍ଦେଶକ ଗିରଫ
ପ୍ରୟାଗରାଜ: ପ୍ରୟାଗରାଜ ମହାକୁମ୍ଭର ଭାଇରାଲ ଗାର୍ଲ ମୋନାଲିସାକୁ ଫିଲ୍ମ ଅଫର ଦେଇଥିବା ନିର୍ଦ୍ଦେଶକ ସନୋଜ ମିଶ୍ରା ଗିରଫ। ଦୁଷ୍କର୍ମ ଅଭିଯୋଗରେ ଗିରଫ କରଛି ଦିଲ୍ଲୀ ପୋଲିସ। ଝାନସୀର ଜଣେ ଯୁବତୀ ନିର୍ଦ୍ଦେଶକ ସନୋଜ ମିଶ୍ରାଙ୍କ ନାଁରେ ତିନି ତିନିଥର ଜୋରଜବରଦସ୍ତ ମହିଳାଙ୍କ ଗର୍ଭପାତ କରାଇଥିବା ଅଭିଯୋଗ ହୋଇଛି। ଗତ ଫେବୃଆରୀ ମାସରେ ସନୋଜ ମିଶ୍ରା ତାଙ୍କୁ ଛାଡି ଦେଇଥିବା ପୀଡ଼ିତା କହିଛନ୍ତି।
ପୋଲିସରେ ଅଭିଯୋଗ କଲେ ପୀଡ଼ିତାଙ୍କ ଅଶ୍ଲୀଳ ଫଠୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ କରିଦେବାକୁ ଧମକ ଦେଇଥିବା ଅଭିଯୋଗ ହୋଇଛି। ଦିଲ୍ଲୀ ହାଇକୋର୍ଟରେ ସନୋଜ ମିଶ୍ରାଙ୍କ ଜାମିନ ଆବେଦନ ଖାରଜ ହେବା ପରେ ତାଙ୍କୁ ଦିଲ୍ଲୀର ନବୀ କରୀମ ଥାନା ପୋଲିସ ଗିରଫ କରିଛି। ଝାନସିର ଜଣେ ଯୁବତୀଙ୍କୁ ଫିଲ୍ମରେ କାମ ଦେବାର ଅଫର ଦେଇ ଯୁବତୀଙ୍କୁ ଶାରିରୀକ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା। ସନୋଜ ଯୁବତୀଙ୍କୁ ଧମକଚମକ ଦେଇ ଚୁପ କରି ରଖିଥିବା ଅଭିଯୋଗ ହୋଇଥିଲା। ଗତ ୨୦୨୦ରେ ସୋସିଆଲ ମିଡିଆର ଜରିଆରେ ଯୁବତୀଙ୍କ ସହ ସନୋଜ ମିଶ୍ରାଙ୍କ ସମ୍ପର୍କ ଗଢି ଉଠିଥିଲା। ସନୋଜ ଯୁବତୀଙ୍କୁ ଭେଟିବାକୁ ଝାନସୀ ଆସିଥିଲେ ମଧ୍ୟ ତାଙ୍କୁ ଭେଟିନଥିଲେ ସମ୍ପୃକ୍ତ ଯୁବତୀ ।
ଏହାପରେ ସନୋଜ ଆତ୍ମହତ୍ଯା କରିବାର ଧମକ ଦେଇ ଯୁବତୀଙ୍କୁ ଡାକିଥିଲେ। ଏହାପରେ ପୀଡ଼଼ିତାଙ୍କୁ ପାନୀୟରେ ନିଶାଯୁକ୍ତ ପଦାର୍ଥ ମିଶାଇ ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ଏହାପରେ ଏହି ଫଟୋ ଓ ଭିଡିଓକୁ ଭାଇରାଲ କରିବାକୁ ଧମକ ଦେଇ ବାରମ୍ବାର ଯୁବତୀଙ୍କ ଶୋଷଣ କରିଥିବା ଅଭିଯୋଗ ହୋଇଛି। ଏହାପରେ ଯୁବତୀ ଜଣକ ମୁମ୍ବାଇରେ ରହିବାକୁ ଚାଲିଯାଇଥିଲେ। ମୁମ୍ବାଇରେ ରହଣୀ ସମୟରେ ଯୁବତୀଙ୍କ ୩ ଥର ସନୋଜ ଗର୍ଭପାତ କରାଯାଇଥିବା ଅଭିଯୋଗ କରିଛନ୍ତି ସମ୍ପୃକ୍ତ ମହିଳା ।