ନନ୍ଦିଘୋଷ ବ୍ୟୁରୋ: ଆମେରିକା ଯୋଗୁ ଭାରତୀୟ ସେୟାର ମାର୍କେଟ କ୍ରାସ୍ । ସେନସେକ୍ସ ୪୦୦ପଏଣ୍ଟ ହ୍ରାସ ପାଇଥିବା ବେଳେ ନିଫ୍ଟି ୧୩୦ ପଏଣ୍ଟ ହ୍ରାସ ପାଇଛି । ଆମେରିକା ସେୟାର ବଜାରରେ ହ୍ରାସର ପ୍ରଭାବରେ ଭାରତୀୟ ସେୟାର ବଜାରରେ ହାହାକାର ଦେଖିବାକୁ ମିଳିଛି । ଲଗାତାର ଆମେରିକା ସେୟାର ବଜାର ପାଇଁ ବୁଡୁଛି ଭାରତୀୟ ସେୟାର ବଜାର । ମଙ୍ଗଳବାର ଦିନ ଆମେରିକାର ସେୟାର ବଜାରରେ ହ୍ରାସର ପ୍ରଭାବ ଭାରତୀୟ ସେୟାର ବଜାର ଉପରେ ମଧ୍ୟ ଦେଖିବାକୁ ମିଳିଛି । କାରବାର ଆରମ୍ଭ ହେବା ମାତ୍ରେ ସେନସେକ୍ସ ଏବଂ ନିଫ୍ଟି କ୍ରାସ ହୋଇଯାଇଛି । ବମ୍ବେ ଷ୍ଟକ ଏକ୍ସଚେଞ୍ଚର ୩୦ ସେୟାର ସେନସେକ୍ସ ୪୦୦ପଏଣ୍ଟ ହ୍ରାସ ପାଇଥିଲା । ଯେତେବେଳେ ନ୍ୟାସନାଲ ଷ୍ଟକ ଏକ୍ସଚେଞ୍ଜର ନିଫ୍ଟି ୧୩୦ ପଏଣ୍ଟରୁ ଅଧିକ ହ୍ରାସ ପାଇଥିଲା । ତେବେ ଏହାରି ମଧ୍ୟରେ ଇଣ୍ଡସଇନ୍ ବ୍ୟାଙ୍କର ଷ୍ଟକ ସବୁଠାରୁ ଅଧିକ ହ୍ରାସ ପାଇଛି ଏବଂ ଏହା ଖୋଲିବା ମାତ୍ରେ ୨୦ପ୍ରତିଶତ କ୍ଷତି ସହିଛି ।
ସେନସେକ୍ସରେ ୪୦୦ ପଏଣ୍ଟ ହ୍ରାସ
ମଙ୍ଗଳବାର ଦିନ ବଜାର ଖୋଲିବା ପରେ ଭାରି ମାତ୍ରାରେ ହ୍ରାସ ଦେଖିବାକୁ ମିଳିଛି । ବିଏସଇ ସେନସେକ୍ସ ୭୩,୭୪୩.୮୮ରେ ଖୋଲିଥିଲା, ଯାହା ୭୪,୧୧୫.୧୭ରେ ବନ୍ଦ ହୋଇଥିଲା । ଏବଂ କିଛି ମିନିଟ ମଧ୍ୟରେ ୪୦୦ପଏଣ୍ଟରୁ ଅଧିକ ହ୍ରାସ ପାଇଁ ୭୩,୬୭୨ସ୍ତରକୁ ପହଞ୍ଚିଥିଲା । ଅନ୍ୟପକ୍ଷରେ NSEର ନିଫ୍ଟି ସୂଚକାଙ୍କ ମଧ୍ୟ ସେନସେକ୍ସ ସହିତ ସମନ୍ବୟ ରକ୍ଷା କରି ଗତି କରୁଥିବା ଦେଖାଯାଇଥିଲା । ଏହା ସୋମବାର ୨୨,୪୬୦.୩୩ରେ ବନ୍ଦ ହୋଇଥିଲା ଏବଂ ହ୍ରାସ ପାଇ ୨୨,୩୪୫.୯୫ରେ ଖୋଲିଥିଲା । ଏବଂ କିଛି ମିନିଟ ମଧ୍ୟରେ ଏହା ୧୩୦ ପଏଣ୍ଟରୁ ଅଧିକ ହ୍ରାସ ପାଇ ୨୨,୩୧୪ ସ୍ତରରେ କାରବାର ହେଉଥିବା ଦେଖାଯାଇଥିଲା ।
ରେଡ ଜୋନରେ ୧୭୧୫ଟି ସେୟାର
ଷ୍ଟକ ମାର୍କେଟ ଖୋଲିବା ସହିତ ୬୧୭ଟି କମ୍ପାନୀର ସେୟାର ଗ୍ରୀନ ଜୋନରେ ଉଠାଣ ସହିତ ଖୋଲିଥିଲା । କିନ୍ତୁ ୧୭୧୫ଟି କମ୍ପାନୀର ସେୟାର ହ୍ରାସ ସହିତ ରେଡ ଜୋନରେ କାରବାର ଆରମ୍ଭ କରିଥିଲା । ଏହି ସମୟରେ ୧୦୫ଟି କମ୍ପାନୀରେ ସେୟାର ସ୍ଥିତିରେ କୌଣସି ପରିବର୍ତ୍ତନ ଦେଖାଯାଇନାହିଁ । ସବୁଠାରୁ ଅଧିକ ହ୍ରାସ ପାଇଥିବା ଷ୍ଟକ ବିଷୟରେ କହିବାକୁ ଗଲେ ଇଣ୍ଡସଇନ୍ ବ୍ୟାଙ୍କ , ଇନଫୋସିସ, ଟେକ ମହିନ୍ଦ୍ରା, ଟିସିଏସ, ଟାଟା ମୋଟର୍ସରେ ତୀବ୍ର ହ୍ରାସ ଦେଖିବାକୁ ମିଳିଥିଲା । ଅନ୍ୟପକ୍ଷରେ ICICIବ୍ୟାଙ୍କ, ମାରୁତି ସୁଜୁକି,ଏବଂ ONGCର ସେୟାର ଗ୍ରୀନ ଜୋନରେ କାରବାର ହେଉଥିବା ଦେଖାଯାଇଥିଲା ।
୧୦ଟି ସେୟାରରେ ଅଧିକ ହ୍ରାସ
ଯଦି ଆମେ ପ୍ରାରମ୍ଭିକ କାରବାରରେ ସବୁଠାରୁ ଅଧିକ ହ୍ରାସ ପାଇଥିବା ଷ୍ଟକ୍ ଉପରେ ନଜର ପକାଇବା, ତେବେ ଇଣ୍ଡସଇନ୍ ବ୍ୟାଙ୍କ ସେୟାର (୨୦%), ଇନଫୋସିସ୍ ସେୟାର (୩.୨୪%), ଏମ ଆଣ୍ଡ ଏମ୍ ସେୟାର (୨.୯୯%), ଜୋମାଟୋ ସେୟାର (୨.୪୯%), ଟେକ୍ ମହିନ୍ଦ୍ରା ସେୟାର (୧.୨୮%) ସମେତ ଲାର୍ଜ-କ୍ୟାପ୍ କମ୍ପାନୀଗୁଡ଼ିକର ମୂଲ୍ୟ ଅଧିକ ହ୍ରାସ ସହିତ କାରବାର ହୋଇଥିଲା । ମିଡକ୍ୟାପ୍ରେ, ବନ୍ଧନ ବ୍ୟାଙ୍କ ସେୟାର (୪.୪୩%), ଗୋଦରେଜ୍ ଇଣ୍ଡିଆ ସେୟାର (୪.୨୫%), ଆରଭିଏନଏଲ ସେୟାର (୩.୫୩%) ଏବଂ ଏୟୁ ବ୍ୟାଙ୍କ ସେୟାର (୩.୪୬%) ହ୍ରାସ ପାଇଛି ।
ଆମେରିକୀୟ ବଜାରରେ ବଡ଼ ହ୍ରାସ
ବ୍ୟବସାୟର ଶେଷ ଦିବସରେ ଆମେରିକୀୟ ଷ୍ଟକ୍ ବଜାରରେ ଏକ ବଡ଼ ହ୍ରାସ ଘଟିଥିଲା। ଡାଓ ଜୋନ୍ସ ଖରାପ ସ୍ଥିତିରେ ଥିବା ପରି ମନେ ହେଉଥିଲା ଏବଂ କାରବାର ସମୟରେ ଏହା ୧୧୦୦ ପଏଣ୍ଟ ହ୍ରାସ ପାଇଥିଲା, କିନ୍ତୁ ଶେଷରେ ସୂଚକାଙ୍କ ୨.୦୮% ଅର୍ଥାତ୍ ୮୯୦ ପଏଣ୍ଟ ହ୍ରାସ ସହିତ ୪୧,୯୧୧.୭୧ ରେ ବନ୍ଦ ହୋଇଥିଲା । ଡାଉ ଜୋନ୍ସ ପରି, S&P-500ରେ ମଧ୍ୟ ସମାନ ପରିସ୍ଥିତି ଦେଖାଯାଇଥିଲା ଏବଂ ଏହା ୧୫୫.୬୪ ପଏଣ୍ଟ କିମ୍ବା ୨.୭୦% ହ୍ରାସ ସହିତ ବନ୍ଦ ହୋଇଥିଲା । ସେହି ସମୟରେ, Nasdaqରେ ବଡଧରଣର ବଡ଼ ହ୍ରାସ ପାଇଥିଲା ଏବଂ ଏହା ୪% ହ୍ରାସ ପାଇ ୧୭,୪୬୮.୩୨ରେ ବନ୍ଦ ହେଇଥିଲା ।
